مشروع سنترال خاص بالاسكندرية ، افيدونى

[بحار الغربة]

عاوز اعمل مشروع سنترال خاص فى اسكندرية

ارجو من اهل الخبرة افادتى

تكاليف المشروع ؟؟؟

هل اجراءات الحصول على خطوط من المصرية للاتصالات سهلة ولا صعبة ؟؟؟

اى ملحوظة على المشروع ؟؟؟؟؟

صراحة انا مفهمش فى المشروع ده وعاوز رأيكم

[doha]

من كذا سنة ومشروع السنترال مشروع فاشل بكل اسف فاعتقد ان الوضع الآن ازداد سوءا

اعتقد برضه ان الموبايلات قضت على مايسمى بالسنترال التقليدي او في سبيلها للقضاء التام عليه

رايي لو تحب تاخذ بيه ابحث عن مشروع تاني خالص

[بحار الغربة]

رايي لو تحب تاخذ بيه ابحث عن مشروع تاني خالص

قولى مشروع ياباشا وان معاك

انا تعبت من التفكير فى المشروعات والله

ومصر ام الفشل

ام الاحباط

ام اليأس

[بحار الغربة]

رايي لو تحب تاخذ بيه ابحث عن مشروع تاني خالص

قولى مشروع ياباشا وان معاك

انا تعبت من التفكير فى المشروعات والله

ومصر ام الفشل

ام الاحباط

ام اليأس

[doha]

مهو المشكلة ان الناس كلها بتفكر بنفس الطريقة

يعني كل واحد بيدور ( ايه الي ماشي ) ويعمله مشروع

من الآخر كل واحد معاه قرشين وكل تفكيره ( يشغلهم ) في اي حاجه بتجيب فلوس وتكون مضمونه

وطالما الكل بيفكر كده يبقى الكل هيخسر لان الحكمه بتقول لو الفلوس بالساهل ( مكانش حد غلب )

رايي برضه لو تحب تسمعه

شوف انت معاك كام .. والاهم عندك ميزه ايه مش عند حد تاني واصرف الي معاك على الميزه دي

يعني عندك مكان في حته كويسه سواء بقى كويسه يعني راقيه او كويسه يعني شعبيه ومليانة ناس

او عندك خبرة في حاجه معينة مش كل الناس بتعرفها .. دكتور مثلا ولا مهندس ولاسباك او ميكانيكي

او يكون عندك جلد وصبر انك تشتغل بدراعك زي مابيقولوا ..

او لو مش كل ده يكون لك وظيفة تساعدك في جلب زباين زي تكون دكتور جامعه فتفتح مكتب خدمات طالب او تكون طبيب تامين صحي فتفتح لك عياده تحول عليها الزباين

لو ولا واحد فيما سبق فانصحك بالتروي كبر فلوسك في البنك بعملة متخسرش زي الدولار او حتى الريال وخليك ( لابد في الدره ) لغايه ماتظهر امامك فرصة استثمارية كويسه لكن متغامرش باي مشروع خاصه لو مكنتش عايش في مصر حاليا ..

[عادل أبوزيد]

فى هذه الأيام هناك حملة إعلامية كبيرة تروج لما يسمى "معرض الفرانشايز" و هو مقام فى القاهرة من يوم 3 إلى 7 مايو الحالى و فى الحملة الإعلامية ما يفيد أن فى المعرض و كذا الصندوق الإجتماعى يقدمون مساعدات قيمة لدء المشروعات الخاصة.

ليتك تقم بتصفح الراط التالى :

http://www.sfdprojects.org.eg/product/pro_...?CategoryID=232

[الباشمهندس ياسر]

رايي لو تحب تاخذ بيه ابحث عن مشروع تاني خالص

قولى مشروع ياباشا وان معاك

انا تعبت من التفكير فى المشروعات والله

ومصر ام الفشل

ام الاحباط

ام اليأس

مصر ام الفلوس و الدولارات

فتح مخك و فكر ف حاجة جديدة عليك

افتح شبابيك للحياة

[Alshiekh]

عاوز اعمل مشروع سنترال خاص فى اسكندرية

ارجو من اهل الخبرة افادتى

تكاليف المشروع ؟؟؟

هل اجراءات الحصول على خطوط من المصرية للاتصالات سهلة ولا صعبة ؟؟؟

اى ملحوظة على المشروع ؟؟؟؟؟

صراحة انا مفهمش فى المشروع ده وعاوز رأيكم

أهم شيئ فى انشاء اى مشروع هو دراسة الجدوى

لا اقصد اللجوء الى مكاتب استشارية ، بل يمكن اللجوء الى جمعيات المشروعات الصغيرة لاخذ رايهم فيما تفكر فيه من مشروعات .

الشيئ المهم الآخر ، هل تنوى ادارة المشروع بنفسك؟ هل لديك خبرات؟ ولو وجدت هذه الخبرات ، هل السوق او سوق المشروعات الصغيرة فى حاجة اليها؟

هل لديك المكان أن ستقوم باستأجاره ؟

ومهم جدا ان تضع فى الاعتبار أن الشهور الاولى للمشروع قد لاتغطى مصروفاتها من ايجار وكهرباء ومصروفات واجور بما فيها اجرك ان كنت ستقوم بالعمل بنفسك.

وبالتوفيق ان شاء الله

[adrianocrespo]

اى ملحوظة على المشروع ؟؟؟؟؟

السنترالات اصبحت موضه قديمه و اكتر من الهم علي القلب

و تكاد تكون الاكثر بين انواع المحلات

صراحة انا مفهمش فى المشروع ده وعاوز رأيكم

و دي اهم نقطه في الموضوع

من رأيي الشخصي ان الانسان لابد و ان يدخل في مشروع فاهمه

و لا يغرك المكاسب الكبيره من المشروع التي تشاهدها

و يجنيها من قام بالمشروع

السنترال في حد ذاته غير مكلف بالنسبه لمن يريد ان يشتريه

محل و كام تليفون و شاب او فتاه ياخدا 250 جنيه طول اليوم

و لا يوجد تكاليف كثيره له و الناس عماله تتكلم

-------------------------------------------------------------------------------------

عزيزي الفاضل

لاحظت انك متردد في الفتره الاخيره

و بشده

فتحت موضوع تقريبا عن استثمار 120 الف جنيه

و مره عن الدراسه

و مواضيع اخري تتكلم عن استثمار المبلغ الذي معك

و عرفت من كلام سيادتكم انك تعمل في السعوديه

و غير متواجد في مصر

رأيي الشخصي و اضع نفسي مكانك

بهذا المبلغ ( 120 الف جنيه او يزيد قليلا )

و لا خبره لدي في المشاريع

و مغترب ( يعني مش حادير فلوسي بنفسي )

فالحل هو شراء شقه تمليك و تأجيرها ايجار جديد

سعرها سيزيد مع الوقت و تدر لك دخل شهري و لو بسيط

و لكنه افضل من البنك

و في اسوأ الظروف ( و دي مشفتهاش قبل كده في مصر ) ان الشقه رخصت مثلا

يبقي اسمك معاك شقه ملكك

الاستثمار في العقار في مصر مضمون الي حد كبير

و هذه الفكره يفعلها الكثير

و قد اشار اليها الفاضل سين سين في احد الموضوعات

و قرأت للباشمهندس ياسر ايضا مداخلات عن زيادات كبيره في اسعار الاراضي في الفتره القادمه

و نصيحته بالاستثمار العقاري و لكن الصبر علي قطعه لاالارض حوالي خمس سنوات

تمنياتي لك بالتوفيق و النجاح

[بحار الغربة]

عزيزي الفاضل

لاحظت انك متردد في الفتره الاخيره

و بشده

فتحت موضوع تقريبا عن استثمار 120 الف جنيه

و مره عن الدراسه

و مواضيع اخري تتكلم عن استثمار المبلغ الذي معك

و عرفت من كلام سيادتكم انك تعمل في السعوديه

و غير متواجد في مصر

اشكرك للمتابعة والاهتمام بالرد

سيدى الفاضل انا فعلا ناوى اكمل دراسة

وحاليا بستعد انى اخد شهادة الايلتس فى اللغة الانجليزية وبذاكرلها كويس والحمد لله

بس عاوز اعمل مشروع ما يربطنيش بانى اتابعه بشكل يومى واعرف اجيب منه دخل يقضينى مصاريف شخصية على الاقل فترة الدراسة

علشان كده بعرض كل فكرة تيجى فى بالى او حد يقترحها عليا لانى عارف انى هنا باسمع نصائح مخلصة

اشكرك لردك الجميل وهو فعلا العقار امن ومربح بس زى ما قلت يحتاج تصبر عليه اقل شىء 5 سنين