إتفرج يا سلام على سيارة س س الهُمام

[se_ Elsyed]

إوعدنا يا رب .....

[فــيــروز]

لولولولىىىى gt:

عقبال ما ترموا السقف يا خويا :D

لا بس شكلها مش مريح بردو wlch::

تم تعديل 21 أبريل 2004 بواسطة فــيــروز

[se_ Elsyed]

أولت إمبارح كنت متضايق وعندي كرشة نفس وترجيع ، روحت لابس البدلة الفوشية وراكب العربية اللي تليق على البدلة وطالع على هاندي كرافت أخدته وروحنا إتعشينا فول وطعمية حتى شوفوا بقعة الزيت باينة على الشنطة مطرح ما هاندي مسح إيده

مافيش خلصت المشوار من هنا ... روحت البيت لقيت كرشة النفس لسه عندي روحت لابس التي شيرت السماوي على البنطلون النيلي وطالع على الطريق السريع أفحط بالعربية التانية يمكن نفسويتي تهدى

الموتور قطع مني روحت فكوا وراميه ومركب الموتور الإحتياطي ده

وعلى كده مقضي حياتي بس برضوا لسه عندي كرشة النفس .. انا كنت هاكتب الموضوع ده في باب إستشارات طبية ... فبليز بليز شوفولي حله ؟

[فــيــروز]

ايه البتاع اللى فى الآخر ده يا س.س. wlch::

ده بيسلكوا بيه النفس اما يتحاش ولا ايه ده بالظبط !! gt:

[abofasad]

انا عرفتك يا س س

انت اللي واقف جنب العربية في الصورة الثالثة

بس مين اللي واقف جنبك..

السواق؟

[se_ Elsyed]

ايه البتاع اللى فى الآخر ده يا س.س.  wlch::

ده بيسلكوا بيه النفس اما يتحاش ولا ايه ده بالظبط !!  gt:

الكاتب الكبير س س بيعتذر عن عدم قدرته على التعليق لأن لسه عنده كرشة النفس وهو في الحمام بيرجع دلوقت .... إدعوله بالشفاء لكي يعود كما كان

آه لو أعرف مين اللي خدني على خوانه وبعتلي الصور دي ...... جـــــــــــــــــــــــــــــــــبار

[se_ Elsyed]

انا عرفتك يا س س

انت اللي واقف جنب العربية في الصورة الثالثة

بس مين اللي واقف جنبك..

السواق؟

لأ يافندم ده هاندي كرافت بس بعد ماكل الطعمية الزيت طلع على نفوخه فأغمق شويه ... لكن هو كويس دلوقت وفاق وبيطمن كل مريديه ومعجبينه

[arabawy]

انما قوللي يابو السيد التاكس لازرق اللي في الصورة نمرة خمسة دة عاجبني اوي ياتري يقطعلة اد اية

[abofasad]

صور عربية س س اختفت يا جدعان

حد سرق العربية يا س س

ايه الحكاية

[ragab2]

بس

ياخسارة

الحلو مايكملش

مافيهاش كاسيت

[se_ Elsyed]

عرباوي كتب

انما قوللي يابو السيد التاكس لازرق اللي في الصورة نمرة خمسة دة عاجبني اوي ياتري يقطعلة اد اية

الثمن من غير الرخص والتسجيل مش هايقل عن 20 باكو ... ولو هاتقسط يبقى هانزود 25 % ... وخلي بالك في واد سايس شغال في الأجنس إبقى راضيه بجوز جنيهات لما تخلص في العربية .

أبو فصاد كتب

صور عربية س س اختفت يا جدعان

حد سرق العربية يا س س

ايه الحكاية

ليه يا عم الصور منورة وزي الفل .. ده أنا حتى لسه مطوقها وملمعها وبقت قشطة اهي قدامك ... عامةً لو ما ظهرتش يبقى أقف على مكان الصورة وأعمل رايت كلك وأختار أخر أوبشن اللي هو بروبريتيز وأعمل نسخة من عنوان الصورة وشفها في شاشة مستقلة .

د/رجب كتب

بس

ياخسارة

الحلو مايكملش

مافيهاش كاسيت

لأ يا بيه ما هو فيه ووكمان بييجي هدية مع كل عربية

[SANAA]

س س كتب

الثمن من غير الرخص والتسجيل مش هايقل عن 20 باكو

بجد انا معرفش الباكو بكام ممكن لو سمحت تقولي

[se_ Elsyed]

س س كتب

الثمن من غير الرخص والتسجيل مش هايقل عن 20 باكو

بجد انا معرفش الباكو بكام ممكن لو سمحت تقولي

يا نهار أبيض .. ده أنت لازملك كورس مكسف يا سناء لدراسة المصطلحات العامية في اللغة المصرية ... أزر ويز مش هاتبقي آب تو ديت .. وكده فعلاً هاتبقي جسوسية ..

الباكو = ألف جنية

وخدي دي كمان

الأرنب = مليون

اللحلوح = أخوهم الصغير اللي عاطف عبيد خنقه وهو في مرحلة الرضاعة ( الجنية )

[afiona]

الباكو = ألف جنية

وخدي دي كمان

الأرنب = مليون

اللحلوح = أخوهم الصغير اللي عاطف عبيد خنقه وهو في مرحلة الرضاعة ( الجنية )

إسمحلى أضيف :

الفيل : 100 Million......

كل واحد و مستواه بقى.... :huh:

أفيونة

نائب الكيف بمجلس الشعب والشورى والأمة ومجلس الوزراء

[R.M.G.]

الله يسامحك يا س.س. !!

يعني كرشة نفسك تيجي على دماغتنا وتجيبلي انا سيزوفرانيا وبعدين هي لامؤاخذه مرشيدس ولا تويتا؟ العلامة بتعات مرشيدس بس ع المعرض يافطة تويتا ما علينا

بس الساسيه معووج ولا الصورة هي اللي فيها حدفه ؟

بقولك ايه ماتعملش حسابي انا راجل عصابي وبكوم نفسي بنفسي ومبتدي م الصفر آي نعم الصفر لزق فيَ بس مش مشكلة

أروح بقىأنا اكمل قر وحسد

سلام