أحمد عز: دعم بنزين 92 حرام

[herohero]

فى أقوى مؤشر حتى الآن على نية الحكومة والحزب الوطنى خفض الدعم المقدم للبنزين والسولار قاد أحمد عز رئيس لجنة الخطة والموازنة نواب الحزب فى مجلس الشعب أمس إلى تصويت غير رسمى انتهى بأن «الدعم المقدم إلى بنزين 92 حرام».

وخلال اجتماع لجنة الخطة والموازنة فى المجلس أمس أشار النائب محمد محمدين أمين سر اللجنة إلى أن الحكومة تدعم بنزين 90 بنسبة 36٪ فى حين أنها تدعم بنسبة 92 بنسبة 46٪ وتدخل عز فى الحوار وسأل النائب «ما هى مواصفات من يستهلك بنزين 92 ؟» فرد محمدين «إنه أكثر قدرة وثراء عن غيره».

وعلق وزير البترول سامح فهمى «لكنه من الممكن أن يكون قد اشترى سيارته بالقسط».

فوجه عز سؤالا لفهمى «ما هو معدل استهلاك من يستخدم بنزين 92 شهريا؟»، فرد وزير البترول «150 لترا فى الشهر»، فقال عز «إذن ما يحصل عليه مالك السيارة التى تستخدم بنزين 92 يصل إلى 230 جنيها شهريا دعما فى حين أن معاش المرأة المعيلة لا يتجاوز 205 جنيهات».

ووجه عز حديثه للنواب «هل نعطى الدعم للمرأة المعيلة ونزيد معاش الضمان الاجتماعى أم ندعم مالك السيارة المستخدمة لبنزين 92؟»، وأضاف «ده حرام ولا حلال» وتابع «اللى شايف إن ده حرام يرفع إيده» فرفع جميع النواب أيديهم بالموافقة على أنه حرام دعم من يستهلك بنزين 92 وهو ما فسره البعض بأنه اتجاه لرفع أسعار البنزين.

وحاول سامح فهمى أن يتحدث فى نفس الاتجاه قائلا «سنحاسب جميعا أمام الله إذا لم يذهب الدعم إلى مستحقيه وأنا ماليش دعوة بمجلس الوزراء ولا مجلس الشعب».

ودخل عز ونواب الوطنى فى مواجهة ساخنة أخرى مع وزير البترول حينما أكد عز أن الهيئة العامة للبترول لا تحقق فائضا فى موازنتها فاعترض مسئولو الهيئة، فرد عز قائلا «أقسم بالله العظيم أن الهيئة العامة للبترول لا يوجد لديها فائض وعندها خسائر وعجز نقدى بـ4.7 مليار جنيه» وتابع بغضب «طوال ما الهيئة تحاول رسم صورة وردية أنها تحقق فائضا فلن يقتنع أحد بزيادة الأسعار». وخاطب وزير البترول قائلا «أنا منحاز إليك وأنت لست سببا فى الخسارة فنحن جميعا السبب لأننا وافقنا على هذه الأسعار المتدنية».

خبر منقول من موقع الشروق بس بصراحه استفزني فحبيت استفزكم انتوا كمان

[الباشمهندس ياسر]

خبر منقول من موقع الشروق بس بصراحه استفزني فحبيت استفزكم انتوا كمان

و استفزك ليه..؟

[crossfield]

عادى جداً

زى ما رفعوا أسعار الزيت و السكر بتاع التموين علشان الدعم برضو يصل لمستحقيه :)

شوفتوش ضحك عالدقون اكتر من كده

و قال ايه ربنا هيحاسبهم طيب و الله كويس انهم لسه فاكرين ربنا.

[Amr Radwan]

و قال ايه ربنا هيحاسبهم طيب و الله كويس انهم لسه فاكرين ربنا.

هما بيفتكروا ربنا و الكلام باسم الحلال و الحرام عندما تستدعي الحاجة الي ذلك .. :lol:

حد يتخيل ان نصيب الفرد من الدخل القومي في الصين الشعبية اللي تعداد سكانها اكثر من مليار و 300 مليون نسمة اعلي من نصيب الفرد في مصر اللي هو 80 مليون نسمة ...

و الجميل في الموضوع ان الصين ليس عندها من الموارد الاقتصادية القوية زي اللي عندنا مثل قناة السويس و البترول و الغااااااااااز الطبيعي و الجمارك و الضرائب .. و كل اللي بيعتمددوا عليه الصناعة في المقام الاول و التجارة لتسويق و غزو كل الاسواق العالمية بما فيها الاتحاد الاوروبي و امريكا و كلنا عارفين ان الاسواق دي بالذات مش من السهل اختراقها و احنا اخرنا نصدر لهم شوالين بطاطس درجة اولي (بالنسبة لنا) و بالنسبة لهم غير قابلة للاستدام الادمي و يرجعوها تاني لينا !!!

ملحوظة اخيرة .. الصين عادة بتستورد المواد الخام اللي بتصنع منها المنتجات اللي بترجع لنا في صورة منتج نهائي .. حتي انهم بيستوردوا مننا "جلود الحمير"

اعتذر عن الخروج برا الموضوع بس فعلا كلام و ارقام الحكومة بتنرفزني .

و لما بلاقي الحداية بتحدف كتاكيت .. او ان الحكومة بتتكلم لمصلحة الدعم و مصلحة الشعب بحس ان فيه مصيبة من المقاس ال XXXXXXXL هتحل قريب و يتم التمهيد لها من خلال معالي السيد النائب العزيز علي الشعب احمد عز .

[MZohairy]

فعلا فكرة دعم البنزين 92 غلط

و ليس لها معنى

بشرط تواجد بنزين 80 في المحطات

و توافر بنزين 90 بسعر معقول نسبيا

و في حالة حدوث هذا فان دعم 92 هو اهدار للمال الداعم للفقير و توجيهه لمساعدة القادر

[herohero]

فعلا فكرة دعم البنزين 92 غلط

و ليس لها معنى

بشرط تواجد بنزين 80 في المحطات

و توافر بنزين 90 بسعر معقول نسبيا

و في حالة حدوث هذا فان دعم 92 هو اهدار للمال الداعم للفقير و توجيهه لمساعدة القادر

سيدي كل الارقام اثبتت ان التوجه لالغاء الدعم ع البنزين لن يكون له جدوى عن مثلا السولار والمشكلة انك لو رفعت السعر عن السولار كل حاجه هترتفع ولو رفعت الدعم عن انبوبة البوتوجاز كذلك الحال

احنا عاوزينهم مثلا الغاز بدل ما بيترمي بملاليم لشقيتنا اسرائيل يبقى احنا اولى وعربيات النقل تكون بغاز طبيعي ومحطات الكهرباء او ما يمكن تحويله للغاز الطبيعي

اه الدعم لا يذهب لمستحقيه لكن ليس ف البنزين 92 فقط وهو اللي بيحط بنزين مواطن لارج يعني ماهو طلعان عينه عشان يجيب العربية ولولا ان مفيش وسيلة نقل عام ادمية محترمه مكنش راح بعربيته يعني من حلاوة السواقه وروقان الشوارع

[MZohairy]

اقصد ان لو كان لدى الحكومه مبلغ مليار جنيه مثلا لدعم البنزين

هل ترى ان يتم توجيهه الى ال 80 ام ال 90 ام ال 92 ؟

انا ارى ان يتم توجيهه الى النوع الأدنى فقط لكي يستطيع الغير قادر على الحصول عليه (طبعا السولار تدعيمه امر حتمي)

بينما القادر اللي راكب عربيه موديل السنه يستطيع شراء 92 و 95 حتى و لو ب 5 جنيه اللتر

[zika]

انا بختلف معاك يا اخ هيرو و بشوفها خطوة على الطريق الصحيح اتاخرت كتير

المفروض فعلا يرفعو الدعم بالتدريج من على البنزين

و بالمقابل يطورو وسائل النقل العامة

و بكدة نقضي على الازدحام المرورى اللى بئا شيء صعب جدا

[مصري أصيل]

يا جماعه اللعبه اللي عايز احمد بيه عز يلعبها قديمه و اتحفظت صم بس هوه دلوقتي بيلعبها تحت غطاء الحرام و الحلال

اللعبه انه يرفع سعر البنزين 92 و بعدها بفتره يقلل كمية البنزين 90 بشكل كبير و يبقي مافيش قدام الناس غير انها تحط بنزين 92 و بعدها ينزل البنزين 90 مره تانيه ب سعر اغلي و الناس ساعتها هتبوس ايدها وش و ضهر علي الاسعار الجديد لبنزين 90 لأنها بالتأكيد هتكون أرحم بكتير من أسعار بنزين 92 لعبه و بتتكرر كتيرررررررررررر

[herohero]

انا ع فكرة من مؤيدي وصول الدعم لمستحقيه ورفع الدعم عن انبوبة البوتوجاز وغيره لكن اشك ف اسلوب تطبيق حكةومتنا يعني الخصخصة طبقت ف اماكن كثييرة صح وعندنا غلط جدا

هو اكبر دعم رايح للسولار وده هيعمل مشكلة لو ارتفع ودعم البنزين انا اتمنى ان يوفروا لنا وسيلة نقل جماعي محترمة واحناعمرنا ماهنسوق لان بجد السواقه مقرفة ف مصر لكن ما يكونش احمد عز مفيش حاجه تاعباه الا كده يعني لو رفعنا الدعم عن بنزين 92 اتحلت المشاكل اللي بيستفزني هو تفكيرهم ف الحلول اللي تاثر ع الشعب مباشرة