فيزة عمل للسعودية

[sweety]

السلام عليكم ورحمة الله وبركاته

عاوزة اسأل ازاي اقدر احصل على فيزة عمل بالسعودية سمعت انه لا توجد فيز عمل للنساء ؟؟ هل هذا الكلام صحيح

الرجاء افيدوني

انا خريجة تكنولوجيا معلومات مبرمجة ..

[doha]

قدمي في مكاتب التسفير بيكون عندهم فيز للسيدات وفي المجال بتاعك

تابعي في الجرايد زي الاهرام وشوفي الاعلانات بتاعت الشركات الي طالبه ناس مؤهلات عليا وبخبرات كبيرة زي شركة بايونير او المعالي وغيرها وخذي الرقم واتصلي واعرفي العنوان وروحي قدمي اوراقك عندهم حتى لو مش طالبين مؤهلك هيقبلوه منك ولما يكون عندهم عقد مناسب هيتصلوا بيكي

[sweety]

ميرسي اوي على ردك... ولكن للاسف انا مقيمة بالامارات ... وعايزة اشتغل في السعودية لاسباب عائلية...

بانتظار ردودكم

[sweety]

:cry1:

[اسامه نور]

الشغل فى السعودية للسيدات بعض المهن بس ممرضه مدرسه طبيبه على ما اظن لكن ممكن تروحى مع الزوج

[Mr MAGED]

فيه شغل كتير للنساء بالسعودية خاصة في جدة والمنطقة الشرقية، بس معظمه بيكون توظيف داخلي، لو كانت أسبابك العائلية من ضمنها ان زوجك جايله شغل هنا أكيد تكون اتحلت، لأنه وقتها يقدر يجيبك معاه بشكل رسمي، ولو عندك خبرة في التدريس ممكن تحصلي علي فيزا مدرسة بسهولة.

وممكن بقي تلجأي للحل الأصعب شوية انك تشتري فيزا حرة بأي مهنة وتمشي في اجراءات تغيير جواز السفر لباقي الاجراءات.

تمنياتي بالتوفيق

[sweety]

متشكرة اوي على ردودكم.. جعله الله في ميزان حسناتكم