وداعا

[نيرون]

art:)

art:)

bk: smk:

non:: non:: non::

مالكش عندى الا دى

[بنت شعنونة]

مش ناوي ترجع بقى؟؟!! :(

عشان انت واحشنا قوي قوي بجد :(

[ragab2]

فعلا

وحشنا غياب الأستاذ هشام

عهدناه أخا كريما وانسانا شهما ومتدينا ووطنيا يحب مصر ويغير على المصريين

نأمل

اعادة النظر فى قرارك هذا

[حشيش]

أضم صوتى للدكتور رجب فى ضرورة عودتك بسرعة لأن فيه حاجات كتيرة حصلت وإنته مش موجود (أمريكا إحتلت العراق rs:) وحاجات تانيه حصلت لما تيجى ححكيلك عليها :)...ولا أضم صوتى للشعنونة لأنى زعلان منها ومخاصمها وقعدت أتف على صباعى (علامة الخصام) لحد ما إتملى تفافة :blink:

[ragab2]

لأن فيه حاجات كتيرة حصلت وإنته مش موجود (أمريكا إحتلت العراق ) وحاجات تانيه حصلت لما تيجى ححكيلك عليها

نسيت

تقول له

إن أمريكا كانت بتعمل كلام أباحة فى أبو غريب

ورامسفيلد حياخد استمارة ستة

[حشيش]

هشام...عدد مداخلات فيروز قرب يحصلك <_< ...الحق نفسك وارجع بسرعة قبل ما إسمك يتشال من قائمة أفضل خمس مشاركين :unsure:

[فــيــروز]

هشام...عدد مداخلات فيروز قرب يحصلك :unsure: ...الحق نفسك وارجع بسرعة قبل ما إسمك يتشال من قائمة أفضل خمس مشاركين :blink:

يا ناس يا شر كفايه قر rs:

اهو النق ده اللى طير مننا تنظيم كاس العالم <_< ولو كانوا بعتوا الشيخه صباح العمشه مع البعثه المصريه كان زمانها راجعه بعقد التنظيم و كانت الست فيفى زفته "ده فعل مش صفه بمعنى عملت له زفه" من المطار :)

[حشيش]

حمدا لله على سلامة العودة...محاورات المصريين مضلم من غيرك :blink: :blink: :blink:

[zamalkawy]

هو في ايه ؟؟

اغيب عنكم ارجع القي حد سايب محاورات المصريين مرة فريفرير و مرة الأستاذ هشام

من الأخر كدة اللي بيرجعنا محاورات المصريينات هي الناس و الأحساس بالأنتماء للمكان يعني ربنا يعلم انا بشتغل اكتر من 18 ساعة في اليوم و مش بكون فاضي اهرش بس بجي محاورات المصريين هنا لاني بحبه و بحب اقراء للناس يا استاذ هشام ارجع لان مش هتعرف تنسى محاورات المصريين و هتحس ان في حاجة نقصاك

[هشام عبد الوهاب]

السلام عليكم

اولا اشكر كل من كتب يسأل عن العبد لله .

لا اجد من الكلمات ما اكتبه، غير اننى سأحاول العودة للمشاركة مرة اخرى واتمنى ان انجح فى ذلك ..

سعدت جدا بما كتبه الجميع .. شكرا من القلب للكل .

[سقراط المصري]

والله والله انا مصدقتش عيني لما قرأت اسمك

مبروك العوده يا بطل

سقراط :blink:

[Farah]

الف مبروك للمحاورات رجوعك

والحمد الله ان ربنا طمنا عليك

[linux]

و عليكم السلام و رحمة الله و بركاته

مرحبا بعودتك أخي العزيز، حمد الله على السلامة.

[فــيــروز]

سمدلله عالحلامه يا اخ هشام :blink: :blink: :blink:

[hamo90]

انا حسيت بالصدمة من قرار الاستاذ هشام بالانسحاب من المحاورات وسبب الصدمة اني لسه عضو جديد بس اللي الجماعة عملوه حسسني انهم فعلا بيحبوك وعايزينك معاهم

وفرحت أنك رجعت ( علي الرغم أني لم أقرأ أي موضوع لحضرتك)

بس في حاجة مهمة

هل سبب انسحابك فعلا الاحباط واليأس وعدم القدرة علي تغيير شيء

طب أحنا نعمل أيه أقصد جيل الشباب المتخرج حديثا للحياة العملية بعد طوفان من الاحلام الوردية في فترة الجامعة

انا مثلا متخرج من سنتين حتي الان لم أعمل في مكان يؤمني لي مصاريفي الشخصية وكثير من أصدقائي مثلي - الا من توظف بالكوسة-

المتفائل فينا عنده أمل في تكوين نفسه وتكوين أسرة صغيرة بعد 5 -6 سنين

وده علي المستوي المادي اما علي مستوي البرستيج فجمعينا نعمل في وظائف كان أسلافنا من خريجي الجامعات يرفضون مجرد فكرة العمل فيها - المحظوظ فينا شغال - data entry

واما علي المستوي البلد أعتقد أن الاخوة بينوا بما فيه الكفاية

كل ده غير قضية فلسطين , وحرب العراق, والعرب وحالهم, وصفر المونديال , والدوري اللي راح من الاهلي ( نكتة) ويييييييييييييييييييييييييييييييييييييييييييي

بلاوي مالهاش أول من أخر

وفي النهاية

حمدا لله علي سلامتك وعودتك

hamo

cr((:

[se_ Elsyed]

يا نهار مش فايت الواد حشيش طلع واصل مع الشيخة صباح بصحيح لأنه لسه متنبأ إمبارح بعودة هشام عبد الوهاب عندما يتعامد كوكب زُحل مع الزُهرة .. واهو ما فتش غير 24 ساعة وحدثت المعجزة ....... بركاتك يا سيدي حشيش ..... سيدي حشيش يا بابا ..

- بس انا كده لازم أعيد ترتيب البيت من الداخل لأن هشام هايكتشف إن الثورة قامت في غيابه وإني زرقيت فأكيد اكيد هايقول للأدفايزر إنت عاوز تساوي واحد فلاحلار بي .أنا إبن الأتراك وسليل عائلات محمد علي بالفجالة وشوكت أوغلو بأسطنبول البلد .

على العموم انا هاستخبى اليومين دول لحد ما هو يتمشي في البلد ويشوف العسكر ملينها وإن الأتراك كل واحد بقى يصفي ممتلكاته قبل ما تتأمم ويتأكد كمان إن إنجي هاتتجوز علي إبن الجنايني ... ربنا يتم شفاك عل خير يا ريس عبد الواحد .....

رد قلبي .

[sos]

وعليكم السلام ورحمته وبركاته ....

بجد بجد ..... افتقدناك......

حمدا لله على على رجوعك cr((:

[Cleo]

أنا عمرى فى حياتى ما سمعت عن ملك يتنازل عن عرشه بمزاجه إلا مرتين...

مرة فى انجلترا

و مرة فى المحاورات...!!!

ينفع الكلام ده؟؟

[عصام]

أ / هشام

كنت متأكد إنك راجع ...

وعلى فكرة .. أنا عمرى ما صدقت موضوع إنك كنت مشغول .. مش عارف ليه!!

المهم .. ألف حمدالله على السلامة ..

وتعرف؟ جيت فى وقتك .. أصل بينى وبينك س س اخد وضعه وبدأ يرستأ (!!) حاله ..

معلهش بقى يا ابو السيد .. إن كانت دامت لغيرك .. كانت دامت لك cr((:

حمدالله على السلامة ..

آه بالمناسبة .. جالك إعلام محكمة وانا مضيت بدالك :P mfb:

إعلام محكمة

تم تعديل 26 مايو 2004 بواسطة esssothegreat

[Cleo]

يا نهار مش فايت الواد حشيش طلع واصل مع الشيخة صباح بصحيح لأنه لسه متنبأ إمبارح بعودة هشام عبد الوهاب عندما يتعامد كوكب زُحل مع الزُهرة .. واهو ما فتش غير 24 ساعة وحدثت المعجزة ....... بركاتك يا سيدي حشيش ..... سيدي حشيش يا بابا ..

- .

أنا لو منك يا س س أخاف من نبوءات سيدى حشيش على المنصب الجديد...

بص.. إنت كل يوم الصبح قبل ما تدخل مكتبك الجديد تعدى على الأدفيزور و تاخدله فى إيدك فنجان القهوة بتاعه... (تقدمهوله بنفسك... فاهم..) و بعدين تقف جنب إيده اليمين كدة و تبص فى الأرض و تبتدى تخبصله على كل زمايلك فى محاورات المصريين.. و اللى ماعملش حاجة تخبص بيها عليه اتبل عليه يا سيدى... أه... إنت صاحب عيال دلوقتى و لازم تجرى عليهم.. cr((: