فــيــروز بتاريخ: 22 أبريل 2004 تقديم بلاغ مشاركة بتاريخ: 22 أبريل 2004 (معدل) بقرة حاحا هذه القصيده كتبها احمد فؤاد نجم عقب نكسة يونيو 67 قراتها اليوم لاول مره والحال الآن لا يفرق كثيرا إن لم يكن اسوأ بقرة حاحا ناح النواح و النواحة على بقرة حاحا النطاحة و البقرة حلوب .. تحلب قنطار لكن مسلوب .. من أهل الدار و الدار بصحاب .. و حداشر باب غير السراديب .. و بحور الديب و غيلان الدار .. واقفين بنهار و ف يوم معلوم ... عملوها الروم زقوا الترباس ... هِربوا الحراس دخلوا الخواجات .. شفطوا اللبنات و البقرة تنادي .. و تقول يا ولادي و ولاد الشوم ... رايحين ف النوم البقرة انقهرت .. م القهر انصهرت وقعت بالبير .. سألوا النواطير : طب وقعت ليه ..؟ وقعت م الخوف و الخوف يجي ليه .. ؟ من عدم الشوف و قعت م الجوع و م الراحة البقرة السمرا النطاحة ناحت مواويل النواحة على حاحة و على بقرة حاحا تم تعديل 22 أبريل 2004 بواسطة فــيــروز "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
فــيــروز بتاريخ: 22 أبريل 2004 كاتب الموضوع تقديم بلاغ مشاركة بتاريخ: 22 أبريل 2004 كلب الست فى كتاب عبد الوهاب مطاوع "عاشوا فى حياتى" كتب ان الفاجومى حين قرا عن حادثة عض كلب السيده ام كلثوم لاحد المواطنين كان الامر عاديا .. الا ان ما استفزه لكتابة القصيده هو ما قراه بعدها على لسان الشاب المعضوض انه فخور او سعيد بان كلب الست عضه .. فكانت هذه القصيده .. كلب الست في الزمالك من سنين، وف حمى النيل العظيم، قصرمن عصر اليمين، ملك وحده م الحريم ، صيتها اعلى م الآذان ، يسمعوه المسلمين والتتر والتركمان ، والهنود والمنبوذين . ست فاقت ع الرجال في المقام والاحترام صيت وشهره وتل مال ، يعني في غايه التمام، قصره يعني هيه كلمه، ليها كلمه ف الحكومه بس ربك لجل حكمه قام حرمها م الامومه والامومه طبع ثابت جوا حواء من زمان تعمل ايه الست جابت فوكس رومي وله ودان فوكس ده عقبال املتك عنده دسته خدامين يعني مش موجود في عيلتك شخص زيه ياسماعين واسماعين دا يبقى واحد م الجماعه التعبانين اللي داخو في المعاهد والمدارس من سنين حب يعمل واد فكاكه ويمشي حبه في الزمالك والقيامه والفتاكه يرموا طبعا ع المهالك عم سمعه من قيامته حب يعمل فيها فله بعد ما الوظ بيجامته اشترى حته مجله قول مشي يقرا ف حكايه من حكايات الغرام واندماجه في القرايه خلا مشيه مش تمام ع اليمين يحدف بعيد خطوتين ويروح شمال لمحه فوكس من الحديد قال دا صيد سهل وحلال هوب نط ف كرشه دوغري جاب بجامته لحد ديلها اسماعيل بدال مايجري قال يارجلي رجلي مالها بص شاف الدم سايح من عاليها ومن واطيها وياللي جاي وياللي رايح المجله مش لاقيها حبه واتلموا الظنايا اللي هما البوابين والهكايه والروايه قال لهم دا كلب مين (البوابين... من بلاد النوبه وينطقون حرف الحا هاء ) كلب مين ماكلب مينشي سمعه لبخ حبتين قال له واحد منهم امشي الي جابك عنده مين قال دا شارع يامواشي والجميع بيمر منه اللي راكب واللي ماشي مستحيل نستغنى عنه كلمه من دا وكلمه من دا ظاطو واترسمت فضيحه قول نهايته والقصد من ده اسماعين اكل الطريحه راحوا قسم الشرطه طبعا والنيابه كفيله بيهم واترموا في الحجز جمعا لما ييجي الدور عليهم حبه والشاويش امين قال سعيد النقشبندي قام غريم عم اسماعين قاله محسوبك يافندي قام سي سمعه يروح معاه الشاويش قال غور بدمك وفوق قفاه كف طرقع ... داهيه ف امك تفتكر يفضل سي سمعه قد ايه في القسم نايم استضافه الحجز جمعه يابلاش آدي العزايم شاف بلاوي ماتتحكيش م الديابه المسجونين قال ياعالم ياشاويش يانيابه يامسؤوليين خلصوه بعد المناهده جثه من جحر الديابه هيه يمكن ساعه واحده كان في مكتب النيابه قال له مالك ياسماعين.. قال له زي البمب مالي قال له عضك فوكس فين قال له سيبني اروح لحالي انت شوف سي فوكس يمكن خد تسمم غصب عني الوكيل قال برضه ممكن والشاويش قعد يغني انت فين والكلب فين انت قده يااسماعين طب دا كلب الست يابني وانت تطلع ابن مين بشرى لصحاب الديول واللي له اربع رجول بشرى لا سيادنا البهايم من جمايس او عجول اللي صاحبه ياجماعه له غناوي في الاذاعه راح يدوس فوق الغلابه والنيابه بالتباعه انت تسوى في النيابه تسعميه م الغلابه طب ياريت يافوكس كنا ولا تربطنا القرابه هيص ياكلب الست هيص لك مقامك في البوليس بكره تتولف وزاره للكلاب ياخدوك رئيس "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
linux بتاريخ: 22 أبريل 2004 تقديم بلاغ مشاركة بتاريخ: 22 أبريل 2004 رابط هذا التعليق شارك المزيد من خيارات المشاركة
lonewolf بتاريخ: 22 أبريل 2004 تقديم بلاغ مشاركة بتاريخ: 22 أبريل 2004 احمد فؤاد نجم بوابتي الاولي لعالم ساحر اسمة شعر العامية المصري,بوابتي لصلاح جاهين ,عبد الرحيم منصور,فؤاد قاعود,وفاء المصري و غيرهم و بالطبع الكبير والد الشعرا فؤاد حداد :rolleyes: و نقول حاجة عالسريع مر الكلام زي الحسام يقطع مكان ما يمر اما المديح سهل و مريح يخدع صحيح و يغر و الكلمة ديم من غير ايدين بس الوفا عالحر الحكمة جتلتني و حيتني و خليتني اغوص في قلب السر ,قلب الكون,و خليتني اخاف عليكي يا مصر و احكيلك علي المكنون رابط هذا التعليق شارك المزيد من خيارات المشاركة
فــيــروز بتاريخ: 23 أبريل 2004 كاتب الموضوع تقديم بلاغ مشاركة بتاريخ: 23 أبريل 2004 شكرا جزيلا للينكس و lonewolf على المشاركه القيمه بالموضوع الصراحه انا لم اكن من المعجبين بالفاجومى لان له اسلوب فى الكلام و اختياره لالفاظه فى بعض الحوارات صادم شويه لكن اشعاره حاجه تانيه خالص :rolleyes: "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان