ادع الى سبيل ربك بالحكمة والموعظة الحسنة .

[Salwa]

اخى الفاضل المحترم / ابن سينا ..

كلماتك الطيبة تفتح الباب لكل الأقوال الطيبة ..

ولعلى اختصر لك مااريد قوله ويحضرنى الآن .. حكمة لها وقع جميل .

قال الحسن البصري: عمل رجل في ألف رجل خير من قول ألف رجل في رجل

الأفعال هى التى تحدد نظرة الناس الينا ..الفعل ابلغ من القول ...الفعل قدوة ..

القول فقط لايكفى ..

ارسل الله سبحانه وتعالى ..لنا الرسل لنهتدى بهداهم ...ليكونوا لنا قدوة حسنة ..

{لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ}

[سورة الأحزاب: 21].

الرحمة بين البشر مطلوبة وتؤدى بكل يسر الى كل خير ..

{فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظّاً غَلِيظَ الْقَلْبِ لَانْفَضُّوا مِنْ حَوْلِكَ} [آل عمران: من الآية 159]

وكما نقول دائما ...احيانا تكون الرحمة فوق العدل ...(( اعدل فعلا ))...

لو كل انسان تعامل فى حياته على كل المستويات كما قال الله سبحانه وتعالى ..لصلح حال الناس اجمعين .

قال رسول الله صلى الله عليه وسلم: إن الله لا يقبل من العمل إلا ما كان له خالصًا، وابتُغي به وجهه.

او كما قيل ..من وعظ اخاه بفعله ..كان هاديا.

لاتقلق...لاتهتم ب كيف ينظر لنا الآخرون ؟؟ ...ثق ان افعالنا هى التى سوف تحدد النظرة السليمة .

طبعااا...لو وجدنا ف طريقنا انسان ( لايعطى الحقائق مصداقيتها نظرا لتعصبه )...مخالف بطبعه..فالأفضل (( فى رأيى المتواضع ))..عدم الجدال..

لانتحاور مع من لاعقل له ..

من الممكن ان تكون لديك الحجة لتجادل عشرة اشخاص واقعيين ومعتدلين لكن صعب ان تجادل جاهل واحد..كما قيل لنا دائما ..

لهذا فالأفضل لنا الابتعاد...نصون انفسنا وديننا بالطبع..

ويكفى ان نعرف اخى ...ان الاسلام انتشر فى افريقيا عن طريق التجار المسلمين ومعاملتهم وتعاملهم بما يرضى الله ..

لنتعامل بما يرضى الله ويرضينا ...

لاننتظر جزاء ولا شكورا ....الا من الله سبحانه عز وجل .

دمت بكل خير...

[لماضة مصرية جدا]

السلام عليكم و رحمة الله و بركاته

ليه يا ماما سلوي كده

ليه

ليه مش رفعتيه من زمان

محتاجين قطرات مطر تغسل لحظات التيه اللي جوانا

محتاجين لحظة تامل هادية وسط الصخب

محتاجين نافذة مفتوحة من القلب.....بيطلع منها نور....مش محتاجين لا حناجر و لا ميكرفونات و لا قالوا و قولنا

محتاجين نحس ان احلي ما فينا و اللي ربنا خلقنا بيه ان احنا بني آدمين......إنسان.....

مبحبش اللي بيقول عليه عشان اصله بينسي لا....

انسان من كلمة انس....بضم الهمزة....

ايوة يا ماما سلوي

الانسان الي بيأتنس باي انسان و يصحي فيه احساسه بانسانيته....بانه موجود بان فيه حد بسال عليه و يهتم بيه

الدين.....مش محتاج مواعظ.....و لا شوية جمل تترص في كل حوار

الدين محتاج.....نافذة من القلب يفتحها انسان بيعرف يحب.....يعرف يشوف نقطة خير في انسان تاني قدامه

ليه يا ماما سلوي بتخليني اعيش في الاحساس ده

احساس البكاء......اني مقصرة جدا في ديني

احساس الشوق ان نفسي في يوم ديني يملاني في قلبي...

النهاردة ركبت الباص....لاني توهت و دي من مرات المتكررة في المدينة الصاخبة

......و دفنت نفسي في الزحام.....واحدة ملامحها شرق أسيوية لقيتها بتبصلي اوي....ابتسمت....لقيتها ابتسمت و قالتلي البلوزة بتاعتك جميلة جدا.....شكرتها باستحياء و لقيت نفسي بقولها و كمان الطرحة بتاعتي دي من البلد بتاعك ع فكرة.....لقيتها بتقولي "انتي واحد مسلم"....و حجابك "كتير حلو"...برضه شكرتها علي استحياء...و سكت

و نزلت......بس زعلت من نفسي كتير عارفة ليه يا ماما سلوي

عشان

كان نفسي اقولها اه حجابي حلو.......و انا مبسوطة بيه......و نفسي يكون بطاقة تعارفي للناس اللي بقابلهم من مختلف الجنسيات.....و نفسي اقولهم ان الحجاب مش غطا بيحجبني عن الدنيا..... او بيمنعني من اي حاجة.....بالعكس بحس كتير انه بيحميني....و بيقويني

بس مقولتش و لا حاجة من دي يا ماما سلوي

و زعلت من نفسي كتير

يمكن عشان كانت فرصة......و خصوصا اني قبليها كنت تايهة...و ركبت الاتوبيس كده

عرفتي ليه بقي بقول لحضرتك...

مرفعتيش الموضوع ده من بدري ليه

عايزة طاقة نور.......تصحيني

انا تعبانة جدا من تقصيري

جزاكي الله كل خير

مستنية من حضرتك.....طاقة النور

كوني دوما.......ماما سلوي

في أمان الله

ازيك ياريهام ...؟؟..

انتى مبسوطة ؟؟...يارب تكونى بخير وتكونى سعيدة ...

شوفى ياريهام ياابنتى الغالية ...خلينى اكتبلك انتى بالذات زى ما بكلمك ...وياريت يوصل لك كل اللى عاوزة اقولهولك ..

تعالى ندردش بالهداوة ...والتأمل زى مانتى عايزة ...

انهاردة كنت بتناقش مع بنتى اللى تقريبا ف سنك او اقل قليلا.....كنا بنتناقش بعد سماع حلقة تلفزيونية مع ادوارد بونسيت ..عارفة انتى طبعا ياريهام عبقرية بونسيت ..ولو سألونى حايكون ردى انه يستاهل تلاتة نوبل مش نوبل واحدة بس ..

يعنى تخيلى من ضمن كلامه قال ايه ؟؟

قال...لو احنا كنا بنشوف كل يوم.. بصفة متواصلة ..منظر الغروب ..(( يعنى مفيش شروق ولا حاجة لكن حايبقى غروب متواصل ..!!!!))...عمرنا ماكنا حانحس بجمال منظر الغروب ......صح؟؟....علشان بيبقى حاجة واتعودنا عليها خلاص ...مفيهاش اى حاجة غريبة ..

ولو حضرنا نفسنا ..للمستقبل....وخفنا منه....عمره ما حايبقى حلو زى ماحنا فاكرين ...لأنه اترتب له اكتر من الطبيعى واكتر من قدرتنا الحقيقية ..

قال...

المخ البشرى ده شئ رهيب مش مجرد حاجة موجودة ...طبعااا كل الكلام اللى بنسمعه وبيدخل مخنا ( او عقلنا او تفكيرنا )...بيتهيألنا انه كلام...وخلاص .

الحاجة اللى محدش بيتخيلها ...او...ممكن يصدقها ...

اننا محتاجين امام ..كل كلمة وحشة نسمعها ...او...كل كلمة واحدة مؤلمة ....ل ...خمس كلمات حلوة ...حتى نستطيع ان نعود الى طبيعتنا قبل سماع الكلمة المؤلمة او الغير مرغوب فيها .....

ده كلامه او ...معنى جزء من كلامه ...

طيب...

تعالى احنا بقى نتكلم ..

مسألة الدين ...

انتى كتبتى تقولى ...محتاجين قطرات مطر تغسل لحظات التيه اللي جوانا

عارفة ايه هى قطرات المطر دى ياريهام ؟؟؟؟

هى الكلمات الطيبة ...

الكلمات الطيبة اللى بونسيت بيقول اننا محتاجين لخمسة منها ...امام كل كلمة واحدة غير طيبة ....!!

ايه اللى انا قلته لبنتى انهاردة واحنا بنتناقش ؟؟ ....بعد حديث ادوارد بونسيت ؟؟ وكلامه العلمى ؟؟والفلسفى ؟؟

احنا كمسلمين مفروض نكون عارفين اللى هو توصل له ده دلوقت ....مفروض نكون عارفينه من اكتر من الف وربعمائة عام ...ليه بقى ؟؟

احنا عارفين ان الكلمة الطيبة صدقة ....

تبسمك فى وجه اخيك صدقة ..

كل خير صدقة ..

طيب صدقة ليه ؟؟

وايه معنى الصدقة ؟؟ .....يعنى سبحانه جل وعلا قال..

... قال تعالى: (خُذ من أموالهم صدقة تطهرهم وتزكيهم بها) (التوبة: 103).

يعنى الصدقة تطهر وتزكى ؟؟ ..

والصدقات انواع ..

صدقة مادية وصدقة معنوية ..

يعنى احنا ...بالصدقات...( وكلامنا هنا عن الصدقة المعنوية...ايضا ...وهى مشاركتنا بأحاسيسنا ومشاعرنا وانسانيتنا مع كل الناس ).تكون ايه النتيجة ؟؟

..بنتطهر ...ونزكى روحنا ....صح؟؟

يعنى احنا بالكلمات الطيبة ...الدائمة ...بننقذ ارواح اللى بنحبهم ...

لأن تتابع الكلمات المؤلمة ...او...الكلام والنصائح اللى بتكون بالترهيب بيأتى بنتيجة عكسية ...دائمااا..

بتتخلق شخصيات مضطربة ...قلقة ...افعالها غير سوية ...كل ده نتيجة الرعب او الرهبة اللى عاش فيها الشخص بطريقة غير مرئية ...

طيب..

لو احنا دائما نشجع اللى بنحبهم على انهم يعيشوا الحياة زى ما ربنا سبحانه وتعالى امرنا ...ونتبع نهج خير الصالحين و امام المرسلين ..

وبالتالى حانزرع ف اولادنا نفس اللى احنا اتربينا عليه ...باللين والهدوء والاخلاص والحب ..

بالتأكيد لابد نلاقى مجتمع سوى ...شخصيات غير معقدة ...ناس بتتصرف بكل سلاسة ووضوح وصدق ..

وصدقينى ..

زى ماسبق لنا وقلنا ...كل شئ ف الدنيا دى معدى (( يعنى يقولوا لو عاشرت القوم اربعين يوم ..بقيت منهم ))..تخيلى بقى لو انتى عايشة مع ناس سنين ؟؟ لابد تاخدى منهم وياخدوا منك ...(( لاشعوريا يعنى ))..

انهاردة مثلا...

واحدة صاحبتى حصل لها ظرف مش حلو ...صاحبتى التانية اتصلت تقوللى انا زعلانة منها ومش حتصل بيها ...!! انا ليا سنة مكلمتهاش ...دى جرحتنى بكلامها ..

فضلت ساعة احاول اقنعها ...ان فيه مواقف معينة لازم ننسى الاساءة ...لابد...وايه يعنى لو كانت غلطت مرة ؟؟ لازم ف ظروف معينة نفتكر بس الحاجات الحلوة للناس اللى كانوا معانا حتى ولو مرة كويسين ...!!

قلت لها ..

ان صاحبتنا دى محتاجة لنا جنبها ...

اتصلت بيا بعد ربع ساعة وقالت لى ...انا مرتاحة جدااا نفسيا ..هى فرحت قوى قوى بمكالمتى ...وانا حاسا كأن عبء اتشال من على ظهرى ...حاسا انى عملت واجب كان لازم يتعمل ...وحسيت بالفرحة ف صوتها ...

ده مثل...ودى صدقة ...مشاركة وجدانية لانسان عزيز ...( حتى لو ظننتى ى ف يوم انه آلمك بالقول )...دى كلمات طيبة ضمدت جروح كثيرة ...

كونى بخير دائما ياريهام ...ولا يجب ان تشعرى ابدااا بأنك مقصرة ..

ولو هيألك ف يوم انك لاتؤدين عملك ...او ...تفعلين ما امرك به الله سبحانه وتعالى ..كما يجب ..

فهذا ليس معناه تقصير....بل هى ..وسوسة المؤمن الجميل ..الذى يعلم انه مهما تعلم وفعل وادى ما عليه ...فهو ناقص ...فهو عبد فقير لايرقى لمرتبة الصالحين ..

ولعله بمداومته على فعل الخير ومعاملة الناس بالحسنى يكون عند الله من الأخيار ...

دمت بكل ود ..

وللحديث بقية ان شاء الله..

للحديث بقية ياريهام .. :lol: :lol:

عجبني اوي فكرة الخمس كلمات

ماما سلوي

ميحرمنيش

من

نور

قلبك

أبدا