مشكلة لمصري مع كفيله نرجو النصيحة

[OmarBak]

سلام

هاشرح مشكلة حد مصري أخو صاحبي والرصراحة وضع يزعل قوي ونرجو النصيحة من اصحاب الخبرة

دا راجل هنا من سنة على كفيل معفن

كاتب شرط جزائي لو حب ينزل نهائي يدفع 7 الاف ريال

وهو عايز ينزل يتجوز في الصيف ويجي على فيزة جديدة وطبعا حرام يصرف دا كله

ومش راضي يديله نقل كفالة ولو بفلوس

وبيفكر ينزل اجازة عادية ويجي على فيزا جديدة

بس لو جه على فيزا بعد انتهاء الاجازة فيها مشكلة أم لا

لان أكيد البصمة هتوضح انه كان هنا ويخاف يكون كفيله بلغ هنا

نرجو مساعدته وياريت اللى ينصح يكون واثق من كلامه نخاف نورظه ونشيل ذنبه

[عماد حمدي]

باشا خلاصة الكلام

لو أخد خروج نهائي بدون أي مشاكل في مكتب العمل او أي مشاكل مع كفيلة فله الحق ان يرجع المملكة تاني يوم والبصمة للإجراءت الأمنية فقط

وانا بقولك الكلام دا وانا متأكد 100 % لان كذا واحد من أصحابي أخدوا نهائي ورجعوا تاني مفيش اي مشاكل

بس شرط يغير الجواز

والكفيل القديم مفيش داعي انه يعرف انه جه تاني المملكة ومش يعرف اصدقائة في العمل القديم

اما لو خرج خروج وعوده فدي الكلام عليها كتير في ناس بتقول ينفع يرجع وفية ناس بتقول لأ

في النهاية اتمني لصديقك التوفيق وربنا ييسر له أمرة

تحياتي ,,

عمـOmda2006ــاد

[OmarBak]

شكرا لردك عماد

بس هو كفيله ممكن يعمل أي حاجة وسخة

ايه اضمن طريق يرجع بيه تانى بفيزا جديدة

[وطني حر]

OmarBak

بس هو كفيله ممكن يعمل أي حاجة وسخة

ايه اضمن طريق يرجع بيه تانى بفيزا جديدة

مساء الخير . حقيقي زي ما قال الاستاذ omda2006

ولكن للاجابه على تساؤلات حضرتك ايوا ممكن الكفيل لو عرف انه راجع للسعوديه وعايز ينكد عليه ممكن يبهدله ويرجعه تاني لمصر بقوه النظام لان النظام معاه في الحاله دية

اضمن طريقه يرجع بيها بفيزا جديده انه يأخذ مخالصه من الكفيل الاولاني وعدم ممانعه من العمل لدي الغير والافضل بدل مايقول له مباشره عايز ارجع السعوديه . تكون ضمن عبارات المخالصــه .. عشان يتوه في الكلام ويبصم وخلاص

تم تعديل 8 مايو 2010 بواسطة وطني حر

[تامر مصطفى]

امتى بقى ربنا يتوب على كل المصريين من العذاب ده .

حسبي الله ونعم الوكيل في اللي كان السبب

[OmarBak]

شكرا لردك

مهو قال عدم الممانعةبـ 7 الاف فقط لا غير

[أسد]

عدم الممانعة غير مطلوبة

لو سافر بتأشيرة خروج نهائي .. مفيش مشكلة إنه يرجع تاني

لو سافر بتأشيرة خروج وعودة .. وأخذ فيزة جديدة .. لو على نفس الجواز .. في مصر السفارة سترفض منحه التأشيرة

لو غير الجواز .. عند وصوله سينكشف أمره بواسطة البصمة .. وسيعاد من حيث أتى

هذا كلام مؤكد

أود أيضاً أن أنوه أننا كتبنا هذا الكلام أكثر من مرة في موضوعات متنوعة لو قرأناها كويس حنستفيد أكثر

[زعلان]

اتمنى ان الشباب و الناس في مصر يتعظوا من الي بيحصل للبعض في السعودية الشروط المجحفة المرتبات الضعيفة الشركات سيئة السمعه المؤسسات الصغيرة يجب ان تحذروا عندما تثرورا العمل في الخليج خصوصا السعودية و تسمعوا لنصائح الناس

لا يوجد عندي حل لكن عندي تساؤل كم مرتب صاحبنا صاحب المشكلة لو مرتبه الشهري في حدود 6-7 الاف يبقى الموضوع بسيط ومعلش رغم ان الشرط مخل وغير مقبول لكن انا اشك ان مرتبه في حدود 3 الاف يعني عايز منه اكثر من مرتب شهرين

اذن الحل هو الحرص و الاستفسار الوقائي يعني قبل ما نيجي نستفسر ونسأل ونصدق الناس الي بترد علينا وتنبهنا لوجه الله

واخيرا ربنا يكون في عونه

[MZohairy]

يا جماعه فكروا من وجهة نظر الكفيل ايضا مراعاة للعدل

اولا العقد شريعة المتعاقدين و بموافقة الموظف على الشرط الجزائي فده قبول للشرط

ثانيا من البديهيات في السعوديه ان الكفيل بإمكانه رفض نقل الكفاله و ده الديفولت و غير كده الاستثناء

لذلك اتمنى ان ينتهي الموضوع بحل ودي و بدون مشاكل

[Diab]

نقل الكفالة بيضيع فيزا علي الكفيل عشان كدة بيرفضوا النقل

كلام اسد صح 100 %

[lovelyramy]

انا لو مكانه هادفع له ال 7 آلاف واخد اخلاء الطرف واوثقه

وبعدين يوم ما اجى مسافر والاوراق فى ايدي أقلع الحذاء واديله على دماغه واربطه فى مكتبه لحد اما اسافر :ninja:

لا طبعا انا باهرج

اخو صديقك ليس امامه الا حلين

الاول ان يدفع المبلغ وامره الى الله وياخذ الخروج النهائي واخلاء الطرف

والثانى ان ينتظر الى نهايه عقده ويرحل خروج نهائي

غير ذلك لا اعتقد ان وضعه سيكون قانونى.

[wayfarerr]

يا جماعة الخير

اللي بيقولوا انه لو نزل خروج وعوده ورجع على تأشيرة تاني هيجعوه

الكلام ده مش صحيح

انا كنت نازل بتأشيرة خروج وعود وفوتت العوده وانتهت وجيت على تأشيرة تانية بدون أي مشاكل بس طبعا الكوكو القديم مايعرفش

موظف الجوازات سألني ليه مارجعتش على التأشيرة القديمة قلتله حصلتلي ظروف وماعرفتش ارجع

بس وخلاص

دا عن تجربة شخصية

[زعلان]

انا شخصيا سافرت من السعودية تأشيرة خروج وعودة لمدة سنة و خلصت التأشيرة قبل ما ارجع ورجعت بعدها بسنتين بفيزة زيارة ومحدش كلمني خالص

[lovelyramy]

يا جماعة الخير

اللي بيقولوا انه لو نزل خروج وعوده ورجع على تأشيرة تاني هيجعوه

الكلام ده مش صحيح

انا كنت نازل بتأشيرة خروج وعود وفوتت العوده وانتهت وجيت على تأشيرة تانية بدون أي مشاكل بس طبعا الكوكو القديم مايعرفش

موظف الجوازات سألني ليه مارجعتش على التأشيرة القديمة قلتله حصلتلي ظروف وماعرفتش ارجع

بس وخلاص

دا عن تجربة شخصية

ممكن توضح لنا معلومات اكتر يعنى من امتى الكلام دا ؟ وهل كنت باصم ولا لأ؟

كمان مهنتك فى الفيزا القديمه كانت ايه ؟ والجديد ايه ؟

كمان هل كانت اقامتك لسه ساريه المفعول لما الخروج والعوده انتهى؟

وهكذا يعنى (أصل اخوك ناوى يعملها برده) :ninja:

[أسد]

يا جماعة الخير

اللي بيقولوا انه لو نزل خروج وعوده ورجع على تأشيرة تاني هيجعوه

الكلام ده مش صحيح

انا كنت نازل بتأشيرة خروج وعود وفوتت العوده وانتهت وجيت على تأشيرة تانية بدون أي مشاكل بس طبعا الكوكو القديم مايعرفش

موظف الجوازات سألني ليه مارجعتش على التأشيرة القديمة قلتله حصلتلي ظروف وماعرفتش ارجع

بس وخلاص

دا عن تجربة شخصية

مع تطبيق المراحل الحالية لنظام البصمة

لن يمكنه العودة إلا بعد مرور سنتين

وإذا خرج ترحيل .. لن يمكنه العودة إلا بعد خمس سنوات

هذا كلام مؤكد

وتم تطبيقه منذ شهور فقط

يعني اللي عنده تجارب قبل بداية 1431 لا تنطبق حالياً

[OmarBak]

شكرا لردودكم

طيب يعني يدفع

طيب لو اشتكاه ممكن يخرج نهائي معه اخلاء طرف ويرجع تانى عادي

[lovelyramy]

شكرا لردودكم

طيب يعني يدفع

طيب لو اشتكاه ممكن يخرج نهائي معه اخلاء طرف ويرجع تانى عادي

بص يا اخونا الفاضل

هنا فى دوله الحرمين يرفعون شعار الشكوى لغير الله مزله

فلا انصحك بالشكوى لانك ستكون فى النهايه متهم

وحسبى الله ونعم الوكيل فى كل من اساء صوره دوله الحرمين

فعلا اخر زمن احفاد الصحابه و شعب دوله الحرمين يعيدون زمن العبوديه مره اخرى