مصطفي حسنى يتكلم عن الحجاب ولبس البنات

[se_ Elsyed]

تم إعادة فتح الموضوع .. ونرجو من الزملاء الأفاضل ألا تخرج المداخلات عن فكرته الأساسية وهي التحدث عن الحجاب .

[pocy]

جزاك الله خيرا اخى الفاضل الاستاذ سين سين

[pocy]

لاءءءءءءءءءءءءءءءء حراااااااااااااام انا بقالى ساعه بكتب واجى اعمل سند الاقيه اغلق؟؟؟؟

هاتقرى الرد هاتقريه ماليش دعوه اه

على فكره انا كنت بسمع للشيخمحمد0حسان ومحمدحسين يعقوب ووجدى غنيم وبعد كده لاقيتنى اتشددت فى حاجات كتير رجه انى لبست النقاب وانا مقتنعه بيه جدا م كلامهم انه فرض المهم وخصوصا محمد حسين يعقوب وللاسف الشديد قلعت النقاب لظروف خاصه جداجدا المهم وطبعا بسبب الله يرحمه ويرحمنا جميعا كلام الشعراوى المهم ربنا يرحمنا ويجعله فى ميزان حسناتنا يارب

خلتونى اطلع من الموضوع الاساسي وهو الحجاب ولبس البنات

بوسى الحبيبه ...احييك على الموضوع اللى هو مش جديد اطلاقا ولكنه متجدد دااااائما زى موضوع الموسيقى اللى طرحته ببراءه من قبل ايام

الجزء اللى اقتبسته من كلامك ده بالظبط ما حدث معى تماما خاصه بعد شريط الشيخ يعقب عن النقاب والل انى للان حزيييييييينه انى خلعت النقاب

هذا الرجل مع تشدده احيانا وصوته المخيف زمااان" دلقتى هدى شويه" الا انه على يقين دائما واضحك على نفسى لو قلت انى مش مقتنعه بكلامه هو او الحوينى

بس اذكر ان عمرو خالد ومن بعده تلاميذه مصطفى حسنى او معتز "مش فاكره اسمه الباقى" او من شابههم لا يجب ان ننكرهم يا جماعه هما بيقولوا وكل كلامهم دايما يكرروا فيه انهم مش اهل للفتوى وغالبا فعلا ما بيفتوش فى امر ما ولكنهم بيذكروا الناس والشباب بمعنى اصح ...انا فى سنه 2000 تقريبا دعوت على درس لعمرو وقتما كان فى بدايات تقريبا وذهلت من الاعداد الموجوده مش بس فى المسجد "مسجد الرحمه بالعجوزه" اقسم لكم بالله ان الشوارع وساحات البيوت بل والمقاهى كلها كانت موصله سماعات للمسجد وكم لم اراه من قبل هذه المره من الشباب حضورر والله ما صدقت عنيه ..لاننا وقتها اعتدنا ان الدروس دى للاباء والامهات الناس الكبار سننا انما تشوف الشارع كأنه خارجين من مباراه او حفله موسيقيه من كم الشباب الموجود ده لوحده كااافى جدا .. والمؤكد ان كلامه على مستوى السن ده ومستوى الطبقه دى العمريه والاجتماعيه على فكره كمان ...وقت ما كان الست المحجبه دى مش ممكن تكون سيده اعمال او من طبقه راقيه غالبا كان المحجبات من عامه الشعب الكادح يعنى لا فنانات ولا سيدات اعمال او فكر

هانقول بقى ده ما كانش حجاب وبيكشف اكتر ما بيستر هارد عن نفسى وبالبلدى كمان " نص العمى ولا العمى كله " بمعنى ان استر نص مفاتنى افضل من اكشفها كلها واكيييييييد ده بيكون مرحله مش النهايه 0000يعنى مثلا اذكر ابنى مكاوى هنا قال ان بدايته مع عمرو خالد زيه زى الالالالاف الشباب من سنه ولكنه وصل لمرحله لا يشفى ولا يروى فيها عمرو خالد عطشه فاجتهد هو ومن مثله بقى فى التزود بالعلم والمعرفه

انا لا استحى ان اقول انى نشأت فى اسره معظمها يعمل بالفن اكاديميا وانا الوحيده المحجبه فى اسرتى وعلى فكره حجابى من ايام التربون التريكو للى يفتكره اساسا يعنى اقصد انى لم اجد وقتها من يوجهنى او يؤيدنى بل بالعكس الرفض والسخريه والتهكم كانوا جزائى الى ان هدانى الله الى زوجى الحالى شد من ازرى ولله الحمد اعود واقول ان عمرو كان مرحله البدايه لناس كتير ممن يخافون المشايخ ويخافون اللحى وبالنسبه رلهم مصدر رعب وتنفير من الدين وعند ظهور دعاه الشباب دول وجدت الابتسامه اللى تجذب الشباب اسلوب الكلام المحبب لهم المظهر اللى يشدهم مش يخوفهم ؟؟وده مش وحش اطلاااااقا بالعكس .

حاجه تانيه بقى وقبل الاخيره ...الاحسن هىالدنيا اتخلقت فى يوم واحد؟

فى بناء بيتم فى لمح البصر؟

فى طفل بيبقى راجل بغمض عين؟

مش لكل شىء مراحل ؟ ليه مانعتبرهمش مرحله بدايه جذب شد انتباه ضوء يشير للطريق لولادنا؟

ليه ندم ما نبنيش ؟او حتى نساعد فى البناء؟

اخيرا بقى وهو الاهم .. يا ام عمر. .... ماتقفليش الموضوع بس قولى للناس افصلوووووووا الله يكرمكم فى الاراء والمواضيع هنا بنتكلم عن نقطه معينه وانتو بتكلموا عن موضوع تانى له صله اه بس مش ده لب الموضوع

زوهيرى هو انت ماتخشش فى موضوع الا لما تجيب درفه؟؟اهدى كده وصلى عالنبى

دى كانت مداخله لماما قلب ابيض وحبيت انقلها ونكمل موضوعنا الاساسي وهو الحجاب واتمنى انى اعرف ايه هو الزى الشرعي للحجاب هل هو الخمار ام عباءه الرأس ام الطرحه اللف ام ........................... والله احترت واحتار دليلي ويمكن يكون النقاب ؟؟؟؟؟؟؟؟؟؟؟؟؟؟؟

[mekkawy]

جزاكم الله خيراً يا أخونا الكبير

الفاضلة أم عمر

احتفالاً باة باعادة فتح الموضوع و بالتزامنا (إن شاء الله) ممكن تتحفينا بأة و تتحفي أخواتنا بنصائح عن الحجاب

ولا حضرتك و الزملاء مش عاوزين تشوفوا وشي هنا ؟

مكاوى

تم تعديل 11 مايو 2010 بواسطة mekkawy

[mekkawy]

الفاضلة أم عمر ... شروط الحجاب الشرعي بسيطة أوي و معروفة أوي ... لو طبقناها بحب و تقوى هنوصل لأجمل حجاب يرضي ربنا .. بمنتهي البساطة

مكاوى

[doha]

من كام سنة كده يمكن ثمان او عشر سنين مش فاكره بالظبط انتشرت اوي موضة ( البديهات ) او الملابس شديده الضيق الي يادوب على القد

وبقي طبيعي ان الوحده مننا تدخل محل ملابس نسائيه وتفتكر نفسها دخلت بالغلط في محل اطفال

انا فاكره كويس في السنة دي وحده قريبتي نزلت لفت السوق كله كعادتها كل سنة وبسالها اشتريتي ايه قالت لي ملقيتش حته واحده في السوق تتشرى كله ملابس عيال صغيره

كنت قلقانه لان كان بقالي فترة ملاحظه ان كل سنة الملابس بتضيق وتقصر عن الي قبلها حتى الايشاربات بعد ماكانت طويلة وبتغطي ( ايشارب مكه لو حد فاكره ) فضلت تصغر تصغر لما بقت يادوب منديل محلاوي

مكنتش عارفه هترسى الامور على ايه اوحش من كده

وسبحان الله في السنة الي بعدها الدنيا انقلبت معرفش ازاي المحلات اتملت ملابس طويييلة والبديهات الي بكم بقت في كل مكان وتسد فيما لو الواحد ملقيش لبس بكم

انتشر اللبس المحتشم انتشار النار في الهشيم وبقى الواحد بيلاقي ملابس حلوة بكل سهولة بعد ماكنت الف السوق كله عشان اطقم بلوزه من هنا وجيب من هناك .. خلاص كل حاجه بقت موجوده وبموديلات تجنن كمان

في الفترة دي كان نجم المذيعه دعاء عامر في صعود وكان لبسها بدا يشكل موضه وبدأ يبقى منتشر برضه .. البس الشيك الساتر الي في نفس الوقت ذوق ومتميز

الايشاربات بدأت تنقرض وطغت وبقوة الطرح بمختلف الوانها وخاماتها واشكالها

بصراحه انا استغربت عن سر التغير الغير عادي في المعروض وفي الذوق العام اجمالا . .وبدأت اسال ياترى ايه الي حصل

في ناس قالت ان مذيعات ( اقرأ ) احد اسباب انتشار موضة الحجاب في مصر

واخيرا وصلت للسبب اليقين

سمعت ان في ( واحد ) اسمه عمرو خالد وان له دروس جامده في الحجاب اقنعت عدد كبير من فتيات الجامعه الامريكية تحديدا انهم يتحجبوا .. ولما الفئات العليا دي من السلم الاجتماعي في مصر اقتنعت بالحجاب كملبس طوروا فيه فبقى عصري وشيك بالطريقة دي

بصراحه لا اشك في صحة هذه المعلومه خاصه بعد مامرت الايام وطغى الحجاب بالشكل الي وصلنا له دلوقت والحمد لله .. وبصراحه لو عمرو خالد الي وراها فعلا يبقى ربنا يكتب له الجنة كفايه عليه بس الحته دي وربنا يكرم البقية في اقناع الناس .. بالبقية ..

[pocy]

أخوانى واخواتى الافاضل ان للحجاب شروط فما هى شروط الحجاب الصحيحه : اليكم الاتى :_

أولا : ( استيعاب جميع البدن إلا ما استثني )

فهو في قوله تعالى : { يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما } .

ففي الآية الأولى التصريح بوجوب ستر الزينة كلها وعدم إظهار شيء منها أمام الأجانب إلا ما ظهر بغير قصد منهن فلا يؤاخذن عليه إذا بادرن إلى ستره .

قال الحافظ ابن كثير في تفسيره :

أي : لا يظهرن شيئا من الزينة للأجانب إلا ما لا يمكن إخفاؤه ، قال ابن مسعود : كالرداء والثياب يعني على ما كان يتعاطاه نساء العرب من المقنعة التي تجلل ثيابها وما يبدو من أسافل الثياب فلا حرج عليها فيه لأن هذا لا يمكن إخفاؤه .

ثانيا : ( أن لا يكون زينة في نفسه )

لقوله تعالى : { ولا يبدين زينتهن } فإنه بعمومه يشمل الثياب الظاهرة إذا كانت مزينة تلفت أنظار الرجال إليها ويشهد لذلك قوله تعالى : { وقرن في بيوتكن ولا تبرجن تبرج الجاهلية الأولى } سورة الأحزاب:33 ، وقوله صلى الله عليه وسلم : " ثلاثة لا تسأل عنهم : رجل فارق الجماعة وعصى إمامه ومات عاصيا ، وأمة أو عبد أبق فمات ، وامرأة غاب عنها زوجها قد كفاها مؤونة الدنيا فتبرجت بعده فلا تسأل عنهم " . أخرجه الحاكم (1/119) وأحمد (6/19) من حديث فضالة بنت عبيد وسنده صحيح وهو في " الأدب المفرد " .

[pocy]

ثالثا : ( أن يكون صفيقا لا يشف )

فلأن الستر لا يتحقق إلا به ، وأما الشفاف فإنه يزيد المرأة فتنة وزينة ، وفي ذلك يقول صلى الله عليه وسلم : "سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات " زاد في حديث آخر :"لا يدخلن الجنة ولا يجدن ريحها وإن ريحها لتوجد من مسيرة كذا وكذا " . رواه مسلم من رواية أبي هريرة .

قال ابن عبد البر : أراد صلى الله عليه وسلم النساء اللواتي يلبسن من الثياب الشيء الخفيف الذي يصف لا يستر فهن كاسيات بالاسم عاريات في الحقيقة . نقله السيوطي في تنوير الحوالك (3/103) .

رابعا : ( أن يكون فضفاضا غير ضيق فيصف شيئا من جسمها )

فلأن الغرض من الثوب إنما هو رفع الفتنة ولا يحصل ذلك إلا بالفضفاض الواسع ، وأما الضيق فإنه وإن ستر لون البشرة فإنه يصف حجم جسمها أو بعضه ويصوره في أعين الرجال وفي ذلك من الفساد والدعوة إليه ما لا يخفى فوجب أن يكون واسعا وقد قال أسامة بن زيد : " كساني رسول الله صلى الله عليه وسلم قبطية كثيفة مما أهداها له دحية الكلبي فكسوتها امرأتي فقال : ما لك لم تلبس القبطية ؟ قلت : كسوتها امرأتي ، فقال : مرها فلتجعل تحتها غلالة ، فإني أخاف أن تصف حجم عظامها " أخرجه الضياء المقدسي في " الأحاديث المختارة" (1/441) وأحمد والبيهقي بسند حسن .

خامسا : ( أن لا يكون مبخرا مطيبا )

فلأحاديث كثيرة تنهى النساء عن التطيب إذا خرجن من بيوتهن، ونحن نسوق الآن بين يديك ما صح سنده منها :

1-عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "

2-عن زينب الثقفية أن النبي صلى الله عليه وسلم قال : " إذا خرجت إحداكن إلى المسجد فلا تقربن طيبا ".

3-عن أبي هريرة قال : قال رسول الله صلى الله عليه وسلم : " أيما امرأة أصابت بخورا فلا تشهد معنا العشاء الآخرة " .

4-عن موسى بن يسار عن أبي هريرة : " أن امرأة مرت به تعصف ريحها فقال : يا أمة الجبار المسجد تريدين ؟ قالت : نعم ، قال: وله تطيبت ؟ قالت : نعم ، قال : فارجعي فاغتسلي فإني سمعت رسول الله صلى الله عليه وسلم يقول : " ما من امرأة تخرج إلى المسجد تعصف ريحها فيقبل الله منها صلاة حتى ترجع إلى بيتها فتغتسل ".

ووجه الاستدلال بهذه الأحاديث على ما ذكرنا العموم الذي فيها فإن الاستعطار والتطيب كما يستعمل في البدن يستعمل في الثوب أيضاً لا سيما وفي الحديث الثالث ذكر البخور فإنه الثياب أكثر استعمالاً وأخص.

وسبب المنع منه واضح وهو ما فيه من تحريك داعية الشهوة وقد ألحق به العلماء ما في معناه كحسن الملبس والحلي الذي يظهر والزينة الفاخرة وكذا الاختلاط بالرجال ، انظر " فتح الباري " (2/279) .

وقال ابن دقيق العيد : وفيه حرمة التطيب على مريدة الخروج إلى المسجد لما فيه من تحريك داعية شهوة الرجال . نقله المناوي في "فيض القدير" في شرح حديث أبي هريرة الأول .

سادساً: (أن لا يشبه لباس الرجل)

فلما ورد من الأحاديث الصحيحة في لعن المرأة التي تشبه بالرجل في اللباس أو غيره، وإليك ما نعلمه منها :

1. عن أبي هريرة قال:" لعن رسول الله صلى الله عليه وسلم الرجل يلبس لبسة المرأة، والمرأة تلبس لبسة الرجل" .

2. عن عبد الله بن عمرو قال: سمعت رسول الله صلى الله عليه وسلم يقول" ليس منا من تشبه بالرجال من النساء، ولا من تشبه بالنساء من الرجال" .

3. عن ابن عباس قال: "لعن النبي صلى الله عليه وسلم المخنثين من الرجال والمترجلات من النساء ، وقال: أخرجوهم من بيوتهم، وقال: فأخرج النبي صلى الله عليه وسلم فلاناً، وأخرج عمر فلاناً" وفي لفظ " لعن رسول الله صلى الله عليه وسلم المتشبهين من الرجال بالنساء والمتشبهات من النساء بالرجال".

4. عن عبد الله بن عمر قال: قال رسول الله صلى الله عليه وسلم: "ثلاث لا يدخلون الجنة ولا ينظر الله إليهم يوم القيامة: العاق والديه والمرأة المترجلة المتشبهة بالرجال والديوث".

5. عن ابن أبي مليكة -واسمه عبد الله بن عبيد الله- قال قيل لعائشة رضي الله عنها: إن المرأة تلبس النعل؟ فقالت "لعن رسول الله صلى الله عليه وسلم الرجلة من النساء".

وفي هذه الأحاديث دلالة واضحة على تحريم تشبه النساء بالرجال، وعلى العكس، وهي عادة تشمل اللباس وغيره إلا الحديث الأول فهو نص في اللباس وحده .

سابعاً : ( أن لا يشبه لباس الكافرات ) .

فلما ت قرر في الشرع أنه لا يجوز للمسلمين رجالاً ونساءً التشبه بالكفار سواء في عباداتهم أو أعيادهم أو أزيائهم الخاصة بهم وهذه قاعدة عظيمة في الشريعة الإسلامية خرج عنها اليوم - مع الأسف - كثير من المسلمين حتى الذين يعنون منهم بأمور الدين والدعوة إليه جهلاً بدينهم أو تبعاً لأهوائهم أو انجرافاً مع عادات العصر الحاضر وتقاليد أوروبا الكافرة حتى كان ذلك منن أسباب المسلمين وضعفهم وسيطرة الأجانب عليهم واستعمارهم { إن الله لا يغير ما بقوم حتى يغيروا ما بأنفسهم } لو كانوا يعلمون .

وينبغي أن يعلم أن الأدلة على صحة هذه القاعدة المهمة كثيرة في الكتاب والسنة وإن كانت أدلة الكتاب مجملة فالسنة تفسرها وتبينها كما هو شأنها دائماً.

ثامناً: (أن لا يكون لباس شهرة).

فلحديث ابن عمر رضي الله عنه قال: قال رسول الله صلى الله عليه وسلم " من لبس ثوب شهرة في الدنيا ألبسه الله ثوب مذلة يوم القيامة ثم ألهب فيه ناراً". حجاب المرأة المسلمة " ( ص 54 - 67 ) .

والله أعلم .

منقول من موقع الإسلام سؤال وجواب

[mekkawy]

هو ده الكلام

بارك الله فيكِ يا أم عمر .. شروط واضحة و صريحة و سهلة كمان لتطبيقها ... جزاكِ الجنة

مكاوى

[pocy]

بصوا يا جماعه انا هحكيلكم حكايه واحده استراليه كنت اتعرفت عليها من موقع كنت مشتركه فيه وهى بتتكلم انجليش بس ومتزوجه مصري وكان جايلها عقد عمل فى الكويت وزوجها قالى ياريت تردى على اسئله المدام وبالفعل رديت عليها

المهم هى كانت مسيحيه واسلمت ولله الحمد من قبل ومن بعد ولما كنت بتكلم معاها واتعرفت عليها لقيتها بتقلي انها بتحب جدا الحجاب فشون وانها مشتركه فى كذا موقع وبتشارك فى التفانين والموضه بتاعه الطرح

وبجد هى بسم الله ماشاء الله عليها وورتنى بعض المواقع ولقيت ان فى حاجات غريبه ولفات طرح اغرب بس فى حاجات انا ناقشتها فيها وقالتلى انها عارفاها كده ولما حسيت انى مش عارفه اوصلها الفكر اللى انا اتربيت عليه انهيت النقاش علشان مكنش سبب لاي شئ يفهم خطأ من ناحيتى وأخد وزره

بس بمأنكم فتحتوا موضوع مذيعات اقرأ هل لبس دعاء عامر هو ده الزى الاسلامى ؟؟؟؟؟؟؟؟؟؟؟؟؟؟؟؟؟ هو فعلا واسع وفضفاض ولا يشف وساعات لا يوصف بس انا بحس ان فيه زينه كتير والالوان بتبقي صارخه بعض الشئ ولاانتوا مش معاى ؟؟؟؟؟؟؟؟؟؟؟؟؟؟؟؟؟؟؟؟؟

[pocy]

وده يا جماعه سؤال برئ من تلميذه للمدرسه بتاعه الدين

((

مرة سألت مدرسة دين عن شروط الحجاب فكان جاوبها :

الحجاب الشرعي هو الحجاب الي بتقدري تأدي فريضة الصلاة فيه..

))

شوفتوا أد ايه الاجابه بسيطه

[pocy]

جزاكى الله خيرا اختى فى الله ضحي

ولكنى اريد منكى ردا على سؤالى هذا

هل ترى ان لبس مذيعات اقرا وليكن مثال لنا هو دعاء عامر والله انا بحبها فى الله لسماحه وجهها وطيبه قلبها و تدينها بس هل لبسها ده هو ثوب شهره أم ماذا ؟؟؟؟؟؟؟؟؟؟؟؟؟؟؟؟؟؟؟؟؟

[mekkawy]

وده يا جماعه سؤال برئ من تلميذه للمدرسه بتاعه الدين

((

مرة سألت مدرسة دين عن شروط الحجاب فكان جاوبها :

الحجاب الشرعي هو الحجاب الي بتقدري تأدي فريضة الصلاة فيه..

))

شوفتوا أد ايه الاجابه بسيطه

الله على الفقه ... و الله الست دي ربنا يجازيها الجنة يا رب .. فعلاً اللي ترى إنك تقدر تقف بيه أمام الله فهو أفضل الأشياء.

جزاكى الله خيرا اختى فى الله ضحي

ولكنى اريد منكى ردا على سؤالى هذا

هل ترى ان لبس مذيعات اقرا وليكن مثال لنا هو دعاء عامر والله انا بحبها فى الله لسماحه وجهها وطيبه قلبها و تدينها بس هل لبسها ده هو ثوب شهره أم ماذا ؟؟؟؟؟؟؟؟؟؟؟؟؟؟؟؟؟؟؟؟؟

مهو كدة حضرتك رديتي بأة فوق أهو ... يا ترى ينفع اللبس ده بين يدي الله ولا هنستحي منه ؟؟؟

مكاوى

[doha]

جزاكى الله خيرا اختى فى الله ضحي

ولكنى اريد منكى ردا على سؤالى هذا

هل ترى ان لبس مذيعات اقرا وليكن مثال لنا هو دعاء عامر والله انا بحبها فى الله لسماحه وجهها وطيبه قلبها و تدينها بس هل لبسها ده هو ثوب شهره أم ماذا ؟؟؟؟؟؟؟؟؟؟؟؟؟؟؟؟؟؟؟؟؟

هو على حد علمي وانا مش اهل للافتاء طبعا فمدرسة الفقه لما كنا بندرس الحجاب قالت بان المقصود بثوب الشهرة ان وحده تلبس عباية كلها مصنوعه من الذهب مثلا ويبقى معروف في الحته فلانة ام جلباب ذهب

برضه في حديث انا مش متاكده من صحته بس اذكر اني سمعته وهو لعن الله امرأة لوت اعناق الرجال بمعنى البنت الي تبقى لابسه حاجه ضيقة اوي او مفتوحه او او المهم فيها شيء ملفت بشده لدرجه ان الي يشوفها يفضل متابعها بصره وهي مقبلة عليه وحتى بعد ماتتجاوزه وتروح وراه يقوم يلتفت عشان يتاكد انه شاف او يتملى منها اكتر

في رايي انا الشخصي اي لبس ملفت وفيه الصفات الي فوق دي ميعتبرش حجاب

بالنسبة لموضوع اقرأ ..

عبير صبري الممثلة وقبل ما تخلع الحجاب كان لها برنامج اظن اسمه لون حياتك .. وكانت بتلبس فيه لبس لايمكن يقال عنه حجاب ابدا .. مش لان الوانه ملفته ولكن لانه بديهات مع مكياج صارخ مع اجزاء باينه من الرقبة والوجه .. عمري ماعتبرتها محجبة ويارب ميحاسبنيش على كلامي ده

لكن دعاء عامر لا اذكر اني شفتها لابسه شيء خارج بل على العكس .. لبسها دائما طويل جدا وفضفاض جدا وطرحه كبيرة مغطية راسها كلها يادوب الوجه بس الي باين .. لا اخفي عليكي انا مش من المعجبين بدعاء عامر كمذيعة عشان طريقة كلامها متكلفة شويه فقط لا غير لكن اسلوبها في لبسها وهي شخصيا كنموذج للسيده المحترمه بالتاكيد بتنال مني كل الاعجاب

عن نفسي لو لابسه زيها مش هتردد لحظه اني اصلي بلبسي دي واعتقد وفي رايي المتواضع ان لبسها حجاب

بس الاجمل من لبسها هو لبس عبلة الكحلاوي الي كله بساطه وذوق وايحاء بالطهر والنقاء

بس مظنش ان الي في سن دعاء عامر ممكن تلبس زي الكحلاوي وعليه فاعتقد والله اعلم واكرر باني لست اهل للافتاء ان لبس دعاء عامر زي اسلامي سليم تماما وانا شخصيا افضل يكون ده اسلوبي في اللبس ..

تم تعديل 11 مايو 2010 بواسطة doha

[Salwa]

الاخوة الافاضل.

تم حذف مداخلات لاداعى لها وتؤدى الى تشتت الموضوع ..

رجاء مراعاة ذلك مستقبلا...

شكرا ...

[mekkawy]

الفاضلة سلوى

100%

جزاكم الله خيراً

[جنه]

السلام عليكم ... عزيزتي بوسى سؤالك و حيرتك عن موضوع الحجاب شكله ايه بالضبط( عباءه ولا نقاب ولا ......) فعلا سؤال محير و اجابته الى الان اختلف فيها العلماء والشيوخ الافاضل منهم اللى قال فرض ومنهم اللى قال فضل, منهم اللى قال عاده ومنهم من قال عباده :lol: ....طبعا حضرتك تكرمتى بعرض شروط الحجاب باستفاضه جزاك الله خيرا و لكن كلمه حجاب ماذا تعنى بالضبط؟؟!! هل هى تغطيه الوجه ام الشعر فقط(طبعا مع تغطية الجسم تماما دي مفيهاش نقاش) .عارفه يا بوسي الاجابه الشافيه هنعرفها امتى ان شاء الله؟؟؟!!! يوم القيامه ان شاء الله... يوم الوقوف بين يدى الرحمن للحساب... يااما اية الحجاب هيكون مقصود بيها تغطية الوجه(فنكون ساعتها عملنا اللى علينا) او يكون مقصود بيها تغطية الشعر ( فنكون ساعتها عملنا اللى علينا و زياده).

احنا يا بوسى في الدنيا دى عابري سبيل ... فانا شايفه ان الواحده تغطى وجهها في الدنيا(is not a big deal)...احسن ما تكتشف في الاخره انها قصرت في الناحيه دى ... علما بان النقاب لا يمنع المنتقبه من ممارسة حياتها بشكل طبيعى جدا ... ممكن تبقى شيك جدا و تشترى لبسها من فيفث ساكس افنيو او زارا او بي اتش اس او نيولوك او...او... لكن تلبسه في البيت لنفسها ولزوجها ولاقاربها المحارم ولصديقاتها وكمان تحت عباياتها الشيك لما تيجى تخرج . صح ولا كلامى غلط؟ دمت في رعاية الله .. سلامى لعموري . :lol:

[MZohairy]

احنا يا بوسى في الدنيا دى عابري سبيل ... فانا شايفه ان الواحده تغطى وجهها في الدنيا(is not a big deal)...احسن ما تكتشف في الاخره انها قصرت في الناحيه دى ...

صح و يستحسن ايضا (زياده في الحرص ) البقاء في بيتها طوال العمر و عدم الخروج منه ابدا حتى تضمن تماما انها لم ترتكب اي نوع من المعاصي نتيجة التفاعل مع البشر و حتى تضمن عدم التقصير بشكل مؤكد

تحياتي

[جنه]

و انا ايضا اعتذر عن الخروج عن الموضوع و كان هذا فقط ردا على تعليق للزميله ام احمد

اعلن انسحابي من الموضوع حتى لا يتم تشتيته

اذا لم يوجه احدا كلامه لي مستقبلا فيه

تحياتي

انا لم اوجه كلامى لك سيد زوهيرى فانا اعلم جيدا رايك في هذا الموضوع ... ارجو من حضرتك الالتزام بما قلته في هذه المداخله حتى لا يتشتت الموضوع كما حدث سابقا. شكرا

[MZohairy]

و انا ايضا اعتذر عن الخروج عن الموضوع و كان هذا فقط ردا على تعليق للزميله ام احمد

اعلن انسحابي من الموضوع حتى لا يتم تشتيته

اذا لم يوجه احدا كلامه لي مستقبلا فيه

تحياتي

انا لم اوجه كلامى لك سيد زوهيرى فانا اعلم جيدا رايك في هذا الموضوع ... ارجو من حضرتك الالتزام بما قلته في هذه المداخله حتى لا يتشتت الموضوع كما حدث سابقا. شكرا

نحن هنا يا سيدتي لسنا في شات

يعني لسنا في حوارات خاصه

كل واحد بيطرح رأيه و من حقه التعقيب على ما سبقه من آراء

و ما قلته سابقا كان التزاما حتى لا يتم التشتيت في الحوار الأصلي و الخروج منه الى أراءنا في بعض الشيوخ (و هو حوار خارج الموضوع)

انما كلامي حاليا في صميم الموضوع

فأنتي تكلمتي عن افضلية النقاب و انا عقبت على كلامك

و بعدين انا رأيي بيؤيد كلامك ..ايه اللي زعلك؟

تحياتي