كهربني .. شكراً

[se_ Elsyed]

أرجوك كهربني شكراً ... حول لي حول شكراً ..

مع تحيات وزارة الكهربا

هي الناس دي عاوزه مننا إيه ؟

حسبي الله ونعم الوكيل

أعلن الدكتور حسن يونس وزير الكهرباء والطاقة أن الوزارة بدأت التوسع في تطبيق استخدام العدادات الالكترونية التي تعمل بنظام الكارت المدفوع مقدما للمشتركين الراغبين في التحول لهذا النظام مجانا وبدون اي رسوم على مستوى الجمهورية.‏

وقال الوزير إن المشترك في هذا النظام الجديد يتمتع بنفس الأسعار وشرائح الاستهلاك المتعامل بها حاليا دون أي زيادة ولايتم فصل التيار الكهربائي عن المشترك في حالة انتهاء رصيد الكارت المدفوع مقدما ما بين الساعة الخامسة بعد الظهر وحتي الساعة العاشرة من صباح اليوم التالي لتمكين المشترك من اعادة شحن الكارت‏.‏

وتم فتح منافذ لبيع كروت الشحن بإدارات الكهرباء‏، كما انه توجد لمبة في واجهة العداد حتى يتسني عند وصول الرصيد إلى ‏25%‏ من قيمة الشحن تعطي اشارات عند وصول الرصيد إلى‏10%.‏

يذكر أن نظام كروت شحن الكهرباء قد تم تجربتها في المناطق السياحية والمصايف وبعض منازل الزمالك بالقاهرة واحياء‏6‏ أكتوبر‏، حيث لاقت نجاحا.

[زعلان]

النظام معمول به في بعض بلدان العالم وبينفع اكثر في بيوت الايجار و المصايف

طبعا لو رب الاسرة بخيل حينبسط بالنظام ده جدا

[mekkawy]

أظن النظام ده هيوفر على الناس شوية و هيلموا ايديهم في الكهربا .. و خلينا نشوف يا سيدي يمكن يفلح .. الا اذا الدولة المصونة و الوزارة المحفوظة قررت ترفع التعريفة و تعطش السوق من كروت الشحن .... هههه و تروح تخبط على جارك و تقوله ....... كهربني شكراً

مكاوى

[se_ Elsyed]

النظام معمول به في بعض بلدان العالم وبينفع اكثر في بيوت الايجار و المصايف

طبعا لو رب الاسرة بخيل حينبسط بالنظام ده جدا

طب لو مسافر لمدة أسبوعين يا زعزع ... والرصيد خلص ... وعندي ربع كيلو لحمه مكرتن عليهم في التلاجه وراسم خطه إني أكلهم في الكوارتر الجاي ...

إزاي الحال دلوقت ؟

طب ما فيش فعلاً نظام تحويل رضيد ؟

اخويا أو واحد صاحبي يحول لي 50 فولت مثلاً ؟

وبعدين خلي بالك يا حلو ...

هو لما رصيدك يخلص وشقتك شقة مصيف مثلاً ... هايعتقوك ؟

أبقى قابلني .. وما تقولش فين ؟

يا حبيبي في حاجه إسمها رسوم خدمة عداد .. يعني مينيمم أمونت بيندفع ... زي أنا ما مسافر كده وبادفع تليفون وكهربا وميه وكل حاجه

[se_ Elsyed]

أظن النظام ده هيوفر على الناس شوية و هيلموا ايديهم في الكهربا .. و خلينا نشوف يا سيدي يمكن يفلح .. الا اذا الدولة المصونة و الوزارة المحفوظة قررت ترفع التعريفة و تعطش السوق من كروت الشحن .... هههه و تروح تخبط على جارك و تقوله ....... كهربني شكراً

مكاوى

وده اللي هايحصل

فواتير المياه وصلت أرقام فلكية دلوقت يا مكاوي ..

وهاتحصلها الكهربا اللي فاتورتها مكهربه أساساً ..

سيبك من موضوع التوفير ده .. إنسى

وهي الحكومة عامله كده عشان تخلينا نوفر ؟؟؟؟؟؟؟ هع هع هع هع

الشيء الأخر

جيش المحصلين اللي شغالين في مصلحة الكهربا هايودوهم فين ؟

إيه .. هايسرحوا بكروت شحن في الأتوبيسات ؟

[زعلان]

الموضوع اختياري ده اولا ويصلح اكثر لاصاحاب الدخل المحدود لتقنين الاستهلاك

و الفكرة في الموضوع هي ان الناس تدفع رسوم الكهرباء مقدما

يعني قبل الاستهلاك وبكده يبقى شركة الكهربا ضمنت فلوسها قبل ما الناس تستهلك وتقل نسبة المتأخرات في دفع الفواتير

يعني تخيل سي السيد عازم حد عند في البيت وهوبا يقطع النور و التكييف ويقول للضيوف معلش اصل رصيدي خلص ويكتشف الناس انه راجل كرت مش خط وتبقى فضيحة بجلالجل في الاوساط الراقية

[زعلان]

نرجع تاني للعداد وكرت الشحن والي هي طبعا حتبقى استخدام لمرة واحدة يعني العداد بيشتغل لما تحط الكرت الجديد فيه بيبقى فيه فتحة مخصوص لكده ولو شلت الكرت يتوقف العداد

انا باقترح على وزارة الكهرباء بعمل نظام جديد يلغي المحصلين تماما عن طريق وضع شريحة في كل عداد ويبقى من الممكن شحن الشريحة اما عن طريق كروت مسبقة الدفع او عن طريق الانترنت على موقع الشركة او عن طريق مواقع البنوك على الانترنت وبكده تقدر الشركة تحصل فلوسها بصورة اسهل و اسرع وتختفي المتأخرات طبعا النظام مكلف جدا في بدايته لأنه عايز يربط العدادات كلها بشبكة كاملة

[joo]

حلوة اوى يسرحو بكروت شحن دى

انا حماتى قيلالى على الموضوع دة من زمان علشان هى مدير عام شبكة الكهربة فى محافظة 000

بس مش عارف هينفزوة امتى ؟

دا انا بدفع اكتر من 100 جنية كهرباء فى الشهر بسبب سخان المياة و2 تكييف وميكروويف ومكواة وغسالة وتلاجة

اكيد يا س س انا هحتاج أخد قرض علشان اجيب ثمن كروت الشحن

[ابو محمد بن مصطفي]

هي ده سياسة الحكومة كله بالكمبيوررر

التموين بالكمبيوررر

كهربه بالكمبيوررر

تركن العربية في وسط البلد بالكمبيوررر

وما الدنيا الا كروت شحن

ومطلوب من المواطن انه يمشي وشايل في جيبه كروت شحن تحل مشاكله مع الحكومة

[fatfouta]

ايه التخلف ده........ده مش تقدم ده تخلف

طب افرضوا فى عيد والناس قافلا ومافيش كروت فى المنطقة الناس تعمل ايه بقى تقعد ممن غير كهرباء؟؟؟؟؟ظ

انا مش فاهمة طب هيتشحن اذاى ومنين يعنى؟؟

والله انا متأكدة انه نظام فاشل

فيه احتمالات كتير مش هينفع معاها النظام ده وخصوصا للناس اللى بتسيب شققها وتسافر

هيعملوا ايه بقى؟؟؟؟؟؟؟

[زعلان]

بصراحة الموضوع مش محتاج كل التخوف و النقد ده

مفيش داعي ننظر لكل شيء نظرة سلبية مفرطة

الفكرة حتى لو لم تلقى استحسان عند البعض فبامكانه ما يستخدمهاش لأنها اختيارية

اظن اصحاب الشقق المفروشة و الايجار حتعجبهم الفكرة جدا وحيستخدموها بالتأكيد

[esocial]

أرجوك كهربني شكراً ... حول لي حول شكراً ..

مع تحيات وزارة الكهربا

هي الناس دي عاوزه مننا إيه ؟

حسبي الله ونعم الوكيل

أعلن الدكتور حسن يونس وزير الكهرباء والطاقة أن الوزارة بدأت التوسع في تطبيق استخدام العدادات الالكترونية التي تعمل بنظام الكارت المدفوع مقدما للمشتركين الراغبين في التحول لهذا النظام مجانا وبدون اي رسوم على مستوى الجمهورية.‏

وقال الوزير إن المشترك في هذا النظام الجديد يتمتع بنفس الأسعار وشرائح الاستهلاك المتعامل بها حاليا دون أي زيادة ولايتم فصل التيار الكهربائي عن المشترك في حالة انتهاء رصيد الكارت المدفوع مقدما ما بين الساعة الخامسة بعد الظهر وحتي الساعة العاشرة من صباح اليوم التالي لتمكين المشترك من اعادة شحن الكارت‏.‏

وتم فتح منافذ لبيع كروت الشحن بإدارات الكهرباء‏، كما انه توجد لمبة في واجهة العداد حتى يتسني عند وصول الرصيد إلى ‏25%‏ من قيمة الشحن تعطي اشارات عند وصول الرصيد إلى‏10%.‏

يذكر أن نظام كروت شحن الكهرباء قد تم تجربتها في المناطق السياحية والمصايف وبعض منازل الزمالك بالقاهرة واحياء‏6‏ أكتوبر‏، حيث لاقت نجاحا.

يعنى دى بجد مطلعتش الكاميرا الخفيه والله أنا لو اتحكتلى وأنسألت هفتكره يهرأوا معايا ( بيهرجوا يعنى)

[doha]

قريبة لي بتشتغل ف شركة الكرباء قالت لي على الحكايه دي من سنتين تقريبا .. ومن ساعتها وانا متنكده

هو الفكرة في حد ذاتها مش مشكلة يعني اتوقع لما تتطبق على الشقق كلها ان الكروت هتبقى متوافرة في كل حته حتى عند البقالين .. والحل الامثل في حالة تطبيقها ان الواحد يبقى محتفظ عنده في البيت دائما بكرت احتياطي بحيث لو انزنق في اي لحظه يشحن بيه

بس مش ده الي يخوف

الخوف الحقيقي من تبعات تطبيق السياسة دي يعني لو رفعوا الاسعار 1000 في المية حتى هندفع غصب عننا ومفيش امكانية للتراجع ولو الواحد مزنوق في الفلوس برضه غصب عنه هيتصرف ويجيب الشحن من اي مكان والا هيقعد في الضلمه مش زي النظام القديم الي كان بياجل شهر واثنين على مايستلم الفلوس

على كل حال الحسنة الوحيده في الموضوع من وجهة نظري انه هيخلصنا من محصلي الكهرباء

ربنا يسهل

[زعلان]

:rolleyes: اتوقع ان يتم فرض تأمين اجباري

حسب الوحدة السكنية الي بتستهلك الكهرباء يبدأ من الف جنيه اذا كان العداد يعمل بنظام الفاتورة

اما اذا لم ترغب بدفع التأمين فسيتم تحويل عداداك لنظام كهربني شكرا بمعنى اخر نظام الدفع المسبق

:blush2:

فكرة حلوة ينفع اشتغل مع الحكومة

[ssmaly]

النظام معمول به في بعض بلدان العالم وبينفع اكثر في بيوت الايجار و المصايف

طبعا لو رب الاسرة بخيل حينبسط بالنظام ده جدا

طب لو مسافر لمدة أسبوعين يا زعزع ... والرصيد خلص ... وعندي ربع كيلو لحمه مكرتن عليهم في التلاجه وراسم خطه إني أكلهم في الكوارتر الجاي ...

إزاي الحال دلوقت ؟

طب ما فيش فعلاً نظام تحويل رضيد ؟

اخويا أو واحد صاحبي يحول لي 50 فولت مثلاً ؟

وبعدين خلي بالك يا حلو ...

هو لما رصيدك يخلص وشقتك شقة مصيف مثلاً ... هايعتقوك ؟

أبقى قابلني .. وما تقولش فين ؟

يا حبيبي في حاجه إسمها رسوم خدمة عداد .. يعني مينيمم أمونت بيندفع ... زي أنا ما مسافر كده وبادفع تليفون وكهربا وميه وكل حاجه

سين سين حبيبى انا لو منك وعندى(يارب يكتبها لى ) ربع كيلوا لحمة ومسافر اعمل اعلان وأجر الشقة مفروش باللحمة لأعلى سعر

والله فى اوروبا والدول المتقدمة النظام ده موجود وجميل والناس متعايشة معاه

ولكن فى بلادنا العزيزة كل حاجة جديدة بتقترحها الحكومة علشان نبقى مثل الدول المتقدمة لازم يطلع فيها أن

لازم تيجى على دماغنا

او تكون بترقد لنا يعنى النظام فى الاول بدون رسوم والاسعار زى الاول وبعد كدة تلاقى نفسك دافع رسوم مش عارف منين وتلاقى الحسبة مش زى الاول

يعنى لما كنت خط يا جو كنت بتدفع 100جنيه لما تتحول كارت تلاقى نفسك عمالك كارتين فى الشهر من الكارت أبو 100 ازاى متعرفش

[Diab]

كلام فارغ

المقيمين في الخليج عارفين طريقة الدفع

كل عداد كهرباء له رقم حساب في البنك

وعن طريق اي ماكينة صرافة او عن طريق التليفون او عن طريق تدفع فاتورتك بكل سهولة

من 4 سنين مشفتش وش محصل كهربا

هي الناس هتتعلم امتي بقي

[أسد]

أنا بادفع الكهرباء مقدماً عن شقتي في مصر ..

قبل ما أسافر أروح شركة الكهرباء أدفع مبلغ تحت الحساب يتم خصم الإستهلاك والرسوم والزبالة من هذا الرصيد .. ويفضل للسنة اللي بعدها ..

هذه الطريقة كانت أفضل شئ في هذا الموضوع

موضوع الكروت .. أعتقد أن مفيش فيها مشكلة ..

كده حتدفع .. وكده حتدفع ..

لا أعتقد أن هذا الأمر يستدعي الإنتقاد ..

أتصور أنه إيجابي ..

على الأقل مش حتضطر تدفع بقشيش للمحصل .. ولا تعرض نفسك للمخاطر التي تحدث بسبب أن شخصاً غريباً يطرق باب بيتك .. وأنت غير متأكد من أنه محصل الكهرباء أو مندوب مبيعات أو لص

ولا هو يعني علشان المشروع ده إللي عاملاه الحكومة يبقى وحش !!!

[التونسى]

شئنا أم أبينا لازم غصب عننا نواكب التقدم التكنولوجى فى كل المجالات .. بس هى المشكله الازليه فعلا عدم ثقتنا فى حكوماتنا وولاة الامر منا .. احنا عندنا شاليه للعائله من حوالى اربع سنوات وبنستخدم موضوع العداد ابو كارت شحن ده ومفيش مشاكل بل انه بيضمن ان حد ميسرقش مننا كهربا واحنا مش بنستخدم الشاليه الا بس فترة الصيف

ومفروووووووض أساسا يعنى لما النظام ده يتطبق يبقى نظام موفر وسهل وأمن ..و .. و أسعار الكهربا تتثبت او يعنى تزيد بنسبه طفيفه .. لكن مع الحكومات التعسفيه العشوائيه مفيش حاجه مضمونه ..

أ ه يا بلدى فيك المواطن .. مجبر .. لا بطل

[HanaaOsama]

يا جماعه انا لسه شايفه الموضوع ده دلوقتي و قريت جميع التعليقات السابقه

و احب اوضح الموضوع ده لان في سوء فهم لموضوع الكروت ده

الكروت مش هتشح في الشوق ولا حاجه ولا هتتباع عند البقال

احنا مركبين العداد ده من سنتين بس هو كان في محافظات قليله و مناطق محدده سياحيه

و هو اختراع رائع بكل المقاييس

اولا بالنسبه لطريقه الحساب محدده يعني سعر الكيلو معروف يعني ضامن الحساب ده حاجه و مفيش لا 3 جنيه نظافه ولا رسوم ولا الكلام الفاضي ده كله

الرسوم الوحيده هي 12 جنيه في السنه تخصم من اول شحن في اول السنه

اشرحلكم فكرته

العداد عادي فيه شاشاه بتظهر 3 حاجات

المبلغ المتبقي

والكيلو متر المتبقي

و الايام المتبقيه

و مكان رفيع لدخول الكارت

اول ما بتركب العداد بيدوك كارت اد كروت الفيزا كدا

الكارت ده بتقولهم مبدئيا عايز اشحنه ب 50 جنيه مثلا

يحطوه في جهاز عندهم يحطوا فيه مبلغ ال 50 جنيه

تروح تحط الكارت في الفتحه الي في العداد لمده نص دقيقه الشاشه هتكتب المبلغ 50 جنيه

بس تستهلك الكهربا الي انت عايزها و بعدين لما المبلغ يوصل لعشره جنيه العداد هيديك انذار عشان يفكرك انك تشحن

الانذار ده بيكون عباره عن ان العداد يفصل الكهربا عن الشقه تروح حضرتك انزل للعداد اذا كان تحت اذا كان في مذخل العماره او تطلع من باب شقتك اذا كان ع الباب و تدوس علي زرار ترجع الكهربا في لحظتها

طبعا لو العشره جنيه خلصت قبل ما تشحن النور هيقطع فعلا لكن تعمل حسابك

يعني لو في سفر ممكن تشحن بمبلغ اكبر قبل سفرك يعني مش لازم يقطع النور عشان تشحن

طريقه الشحن : تاخد نفس الكارت هو هو و تروح شركه الكهربا تشحن بالمبلع الي انت عايزه

يعني الكارت مش بيتغير بيتشحن بس

و لو لا قدر الله ضاع تشتري غيره ب 20 جنيه

طبعا مع الوقت هتقدر تعرف استهلاكك اد ايه فهتكون عامل حساك ال 50 دول او ال 100 هيقضوك اد ايه

انا مثل عندي كل الاجهزه الكربائيه و تكييف كمان و ال 50 جنيه ممكن تعد 3 شهور او اكتر لكن في الصيف و عشان التكييف ممكن شهر و نص او اتنين

طبعا الميزه الاحري في الشقق المؤجره و المصايف هيبقي معروف استهلك اد ايه بالجنيه

[fatfouta]

نشكرك يا هناء عالمعلومات الجميلة دى

شرحك للقصة كلها ريحنى شوية

بس لو انا مسافرة ينفع افصل العداد عادى ويفضل المبلغ المتبقى فى الكارت ذى ماهو ولا ايه؟؟