كهربني .. شكراً

[doha]

يا جماعه انا لسه شايفه الموضوع ده دلوقتي و قريت جميع التعليقات السابقه

و احب اوضح الموضوع ده لان في سوء فهم لموضوع الكروت ده

الكروت مش هتشح في الشوق ولا حاجه ولا هتتباع عند البقال

احنا مركبين العداد ده من سنتين بس هو كان في محافظات قليله و مناطق محدده سياحيه

و هو اختراع رائع بكل المقاييس

اولا بالنسبه لطريقه الحساب محدده يعني سعر الكيلو معروف يعني ضامن الحساب ده حاجه و مفيش لا 3 جنيه نظافه ولا رسوم ولا الكلام الفاضي ده كله

الرسوم الوحيده هي 12 جنيه في السنه تخصم من اول شحن في اول السنه

اشرحلكم فكرته

العداد عادي فيه شاشاه بتظهر 3 حاجات

المبلغ المتبقي

والكيلو متر المتبقي

و الايام المتبقيه

و مكان رفيع لدخول الكارت

اول ما بتركب العداد بيدوك كارت اد كروت الفيزا كدا

الكارت ده بتقولهم مبدئيا عايز اشحنه ب 50 جنيه مثلا

يحطوه في جهاز عندهم يحطوا فيه مبلغ ال 50 جنيه

تروح تحط الكارت في الفتحه الي في العداد لمده نص دقيقه الشاشه هتكتب المبلغ 50 جنيه

بس تستهلك الكهربا الي انت عايزها و بعدين لما المبلغ يوصل لعشره جنيه العداد هيديك انذار عشان يفكرك انك تشحن

الانذار ده بيكون عباره عن ان العداد يفصل الكهربا عن الشقه تروح حضرتك انزل للعداد اذا كان تحت اذا كان في مذخل العماره او تطلع من باب شقتك اذا كان ع الباب و تدوس علي زرار ترجع الكهربا في لحظتها

طبعا لو العشره جنيه خلصت قبل ما تشحن النور هيقطع فعلا لكن تعمل حسابك

يعني لو في سفر ممكن تشحن بمبلغ اكبر قبل سفرك يعني مش لازم يقطع النور عشان تشحن

طريقه الشحن : تاخد نفس الكارت هو هو و تروح شركه الكهربا تشحن بالمبلع الي انت عايزه

يعني الكارت مش بيتغير بيتشحن بس

و لو لا قدر الله ضاع تشتري غيره ب 20 جنيه

طبعا مع الوقت هتقدر تعرف استهلاكك اد ايه فهتكون عامل حساك ال 50 دول او ال 100 هيقضوك اد ايه

انا مثل عندي كل الاجهزه الكربائيه و تكييف كمان و ال 50 جنيه ممكن تعد 3 شهور او اكتر لكن في الصيف و عشان التكييف ممكن شهر و نص او اتنين

طبعا الميزه الاحري في الشقق المؤجره و المصايف هيبقي معروف استهلك اد ايه بالجنيه

العلم نورن ياولاد

فعلا القصة كده مختلفة عن الي كان في تصور الواحد وانا كنت فاكره انه بيتشحن برقم زي الموبايل اتاريه بيتشحن بالجهاز زي كرت الملاهي او بطاقة الصراف .. ماعلينا

ماسبق كان استهلاكا لابد منه

نرجع لموضوعنا .. وبمناسبة الحديث عن كروت الشحن افتكرت قريبة لي وهي بالمناسبة مدرسة اولى في احد كبرى المدارس في مصرنا المحروسه .. مرة من كام سنة كده قبل انتشار الموبايل وغيره كنت رايحه ازورها ولقيتها بتقولي ربنا جابك .. تعالي شوفي كده معايا .. لقيتها ماسكه في ايديها جهاز التليفون وعماله تقلب فيه يمين وشمال فبقولها فيه ايه .. قالت لي اصلهم بيقولوا ان هيبقى في كروت شحن للتليفون الثابت ( كرت مرحبا يعني بس كان لسه مش منتشر اوي بعكس الميناتيل الي كان مالي الشوارع وقتها) فبتقولي انا عاوزه اعرف .. فين الفتحه الي هندخل منها الكارت ؟

===========

الفاضل اسد ..

ايوه احنا رافضين الفكرة عشان هي من الحكومه لا اكثر ولا اقل .. مش عشان هي حكومه كخه وكل حاجه تيجي منها تبقى كخ وانما لاننا تعودنا انها بتدي بالمين بترجع تاخذ اضعاف بالشمال ده من جهة .. ومن جهة تانيه فالنظام في مصر ان مفيش حاجه بتفضل على حالها واي حاجه بتتعمل حلوة لازم يطلع لها قانون او قرار جديد يقلبها على دماغنا تاني

فكرة ان الكهرباء تبقى بالكارت او ان كل حاجه تبقى الكترونية في حد ذاتها اكيد خطوة ايجابية لكن من خبراتنا السابقة مع طريقة ادارة الامور في مصر فالواحد دائما يحط ايده على قلبه عند اي تغيير يحصل لان لازم هينتهي لحاجه في غير صالح المواطن الغلبان الي هو في حالتنا دي احنا وبكل اسف ..

كما العاده .. ربنا يستر

[HanaaOsama]

نشكرك يا هناء عالمعلومات الجميلة دى

شرحك للقصة كلها ريحنى شوية

بس لو انا مسافرة ينفع افصل العداد عادى ويفضل المبلغ المتبقى فى الكارت ذى ماهو ولا ايه؟؟

اعتقد يا فتفوته مفيش مشكله في فصل العداد لان الحاله ديه زي ما يكون النور قطع عادي لما يجي النور العداد زي ما هو

و بعدين الرسوم الي هما عايزنها بيخدوها في اول شحن في اول السنه 12 جنيه زي ما قلت

و المفروض باقي السنه بدفع اد ما هستهلك و هما ملهمش اي علاقه

اشرحلكم فكرته

العداد عادي فيه شاشاه بتظهر 3 حاجات

المبلغ المتبقي

والكيلو متر المتبقي

و الايام المتبقيه

و مكان رفيع لدخول الكارت

طبعا كلمه كيلو متر ديه غلطه مطبعيه :lol: هي كيلو وات طبعا

بس محدش سأل ايه الايام المتبقيه ديه؟

و ده ردا برضه علي سؤالك يا فتفوته

هما كانوا المفروض مصممينه انه زي ما بيفصل عند العشره جنيه يفصل بعد 3 شهور اذا لم يتم الشحن

يعني الايام المتبقيه ديه هي الايام المتبقيه علي ال 3 شهور من اخر شحن للعداد لكن

النقطه ديه مش مفعله في العداد يعني بيفصل علي العشره جنيه بس مش علي ال3 شهور

الله اعلم بقي ممكن يفعلوها ولا لأ لما يتعمم موضوع العداد ده

بس حتي لو عملوا كدا (بس مفتكرش لان ملهاش لازمه)

ممكن المغتربين اي حد من طرفهم كل 3 شهور يروح يحط اي مبلغ بسيط في العداد

بس فعلا نظام رائع الفاتوره العاديه متعرفيش حسبوها ازاي و لا عملوا ايه و متعرفيش هتجيلك كام كمان

واحد جارنا كان بيسالنا انه مركب العادي و بيجيله 100 و شويه في الشهر و زي ما قلتلكوا احنا و جيرانا تاننين ال 50 ممكن تعد شهرين و اكتر

و احنا بنولع النور عادي و عندنا كل الاجهزه الكهربائيه مش بتعد علي لمبه واحده :ninja:

تم تعديل 9 مايو 2010 بواسطة HanaaOsama

[سكر]

حتى تكتمل هذة الفكرة بنجاح

يجب ان يكون هناك شحن عن طريق النت او الموبيل

تتعمل بسهوله بس محتاجه شويه اندماج فى الخدمات

[محمد الشافعى]

على كده هيبقى فى المواسم والصيف خاصة كده تلاقى طوابير واقفه على كشك الكهرباء علشان تشحن وتلاقى الموظف يقول الى عاوز يشحن ب100 جنيه هنا وخمسين جنيه هنا والى عاوز يشحن ب10 جنيه ده مش موجود دلوقتى خليك مستنى وتلاقى الناس بتستلف من بعض معكش ياخويا 30 جنيه سلف أشحن كهربا علشان العيال عندهم امتحانات. ومراتى عاوزه تشوف المسلسل وعاوز اتفرج على كابتن ممدوح فرج

الله يسامحك يانظيف أنت وغالى مستحتوا جيبوب الشعب

[ابو محمد بن مصطفي]

ومدام الحكومة يهمها مصلحتها وده حق اصيل لها

فما هو حق العميل اللي هو احنا

هقولكم علي اللي حصل يوم الحد اللي فات يوم فتح الموضوع ده

يوم ماتش الاهلي

درجة الحرارة في القاهرة في الظل 45 درجة

كان يوم حاجة صعبة قوي

المهم اخوكم ضرب كباية الشاي المحترمة فـ كنكة قهوة كمان ومستعد للماتش

لفيت حول الملعب اربع لفات بستعد للماتش

وسربت العيال

ومظبط الدنيا

وقبل الماتش بعشر دقايق

فجأة

انقطع النور

قلت مش مشكلة خمس دقايق ولا عشر دقايق يا واد مش مشكلة

شوية والاقي الموبايل بيرن واحد صاحبي

صاحبي : صباح الخير بليل يابو محمد يا امر

ابو محمد : صباح الفل يا سيدي عايز ايه يامدهول

صاحبي : هتشوف الماتش فين

ابو محمد : اكيد في البيت طبعا دي مش عايزة ذكاوه.

صاحبي : ممكن اجي اشوف الماتش معاك

ابو محمد : النور اطع يا حمار

صاحبي : نعم يا اخويا

ابو محمد : انشل اعدمك قاطع

صاحبي : طب مانا كمان عندي قاطع

ابو محمد : طب اكن فبيتكم لغايت مايجي النور

صاحبي : لا ياعم انا هروح اشوفة في القهوة في شارع شهاب

ابو محمد : يابني اتغامر بقوتك وقوت اولادك من اجل كره لعينة شوية والنور هييجي

صاحبي : موت يا حمار لا ياعم انا نازل اشوفه في المهندسين. سلام

انا قولت في باللي اكيد دا واحد زملكاوي دسيسة هو اللي قطع النور

بعد ربع ساعة اتصلت بمجموعة من اصحابي في مناطق متفرقة في القاهرة والجيزة وكلة قاطع قاطع قاطع

اتصلت بشوية تنيين في اسكندرية واسيوط كله قاطع قاطع قاطع يا ولدي

بيني وبينك انا دمي انحرق الشوط الاول خلص ومافيش جديد

اتصلت بالاعطال رد الموظف معليش يافندم الاحمال زيادة شوية والنور هيجي.

الماتش خلص ومافيش جديد

اتصلت تاني بالاعطال نفس الرد

قلت للموظف هي الاحمال ده علي ناس وناس

طب مانا عميل وبدفع زي اي حد بيدفع فليه انا ينقطع عني النور ومنقطعش علي ناس تانية

فمين يحاسب مين

[HanaaOsama]

ومدام الحكومة يهمها مصلحتها وده حق اصيل لها

فما هو حق العميل اللي هو احنا

هقولكم علي اللي حصل يوم الحد اللي فات يوم فتح الموضوع ده

يوم ماتش الاهلي

درجة الحرارة في القاهرة في الظل 45 درجة

كان يوم حاجة صعبة قوي

المهم اخوكم ضرب كباية الشاي المحترمة فـ كنكة قهوة كمان ومستعد للماتش

لفيت حول الملعب اربع لفات بستعد للماتش

وسربت العيال

ومظبط الدنيا

وقبل الماتش بعشر دقايق

فجأة

انقطع النور

قلت مش مشكلة خمس دقايق ولا عشر دقايق يا واد مش مشكلة

شوية والاقي الموبايل بيرن واحد صاحبي

صاحبي : صباح الخير بليل يابو محمد يا امر

ابو محمد : صباح الفل يا سيدي عايز ايه يامدهول

صاحبي : هتشوف الماتش فين

ابو محمد : اكيد في البيت طبعا دي مش عايزة ذكاوه.

صاحبي : ممكن اجي اشوف الماتش معاك

ابو محمد : النور اطع يا حمار

صاحبي : نعم يا اخويا

ابو محمد : انشل اعدمك قاطع

صاحبي : طب مانا كمان عندي قاطع

ابو محمد : طب اكن فبيتكم لغايت مايجي النور

صاحبي : لا ياعم انا هروح اشوفة في القهوة في شارع شهاب

ابو محمد : يابني اتغامر بقوتك وقوت اولادك من اجل كره لعينة شوية والنور هييجي

صاحبي : موت يا حمار لا ياعم انا نازل اشوفه في المهندسين. سلام

انا قولت في باللي اكيد دا واحد زملكاوي دسيسة هو اللي قطع النور

بعد ربع ساعة اتصلت بمجموعة من اصحابي في مناطق متفرقة في القاهرة والجيزة وكلة قاطع قاطع قاطع

اتصلت بشوية تنيين في اسكندرية واسيوط كله قاطع قاطع قاطع يا ولدي

بيني وبينك انا دمي انحرق الشوط الاول خلص ومافيش جديد

اتصلت بالاعطال رد الموظف معليش يافندم الاحمال زيادة شوية والنور هيجي.

الماتش خلص ومافيش جديد

اتصلت تاني بالاعطال نفس الرد

قلت للموظف هي الاحمال ده علي ناس وناس

طب مانا عميل وبدفع زي اي حد بيدفع فليه انا ينقطع عني النور ومنقطعش علي ناس تانية

فمين يحاسب مين

في ملاحظه غريبه اوي بتحصل عندنا في محافظه السويس من الصيف الي فات

يجوا فجأه يقطعوا النور بالتوالي في جميع مناطق المحافظه

يعني يجوا كدا منطقه يقطعوا عنها النور انهارده ( تقريبا لمده ساعه اتنين)

و بكره تسمع انه قاطع في منطقه اخري و بعده و هكذا و بعدين يجي عليك الدور تاني

مش عارفه ده ايه يعني و الناس تقول بيريحوا المحولات

و طبعا القطع ده غالبا بيبقي بالليل

السنه الي فاتت الواحد اتخنق

لسه احنا اهو في بدايه الصيف مش عارفه هيعملوا ايه السنه ديه

لكن امبارح عملوا ايه بقي

خرجنا بالليل لاقينا نور الشوارع الرئيسيه كلها مقطوع ( اعمده الاناره فقط )

طول الكورنيش ( و ده معروف طبعا ان الناس فيه زي النمل في الصيف )

و الناس فعلا كانت كتير و زحمه لكن اعدين في الكحل يا يعني

و شوارع تانيه رئيسيه

[joo]

ايوة بس فى مشكلة لو العداد فصل شحن وانا مسافر اسكندرية مثلا هتبأ مصيبة

علشان انا مرة اتزاكيت كدة وانا رايح سوريا وقلت يا واد افصل العداد لحسن يحصل ماس وانا مش موجود

وطبعا عنيكو ما تشوف الا النور ارجع الائى الشقة مثل المقبرة علشان الحاجات اللى فى الثلاجة وفى الفريزر نتنت

والثلاجة باظت

تم تعديل 12 مايو 2010 بواسطة joo

[ابو محمد بن مصطفي]

المشكلة ان يوم الحد اللي فات كان يوم غير عادي

لان الكهربة كانت قطعة في حوالي نص الجمهورية العربية المتحدة

يعني الحكومة بتفكر في ازاي تاخد فلوسها

طب من الآولي انها تقدم خدمة محترمة

ومش معني انك شاحن عدادك ان الكهربة هتكون متوفرة ومتاحة وكلة متظبط

يعني يوم زي يوم الحد الحكومة انكشفت وبان حجم الكارثة

[se_ Elsyed]

وأنا قعدت أغيظ في اخواتي لما عرفت أنهم ما اتفرجوش على الماتش عشان النور كان قاطع في مصر ..

حكومة في منتهى السفالة وقلة الأدب ...

ولتذهب المستشفيات والجهات التي لا تستطيع أن تستغنى عن الكهرباء ولا توجد لديها ميزانية بالاف مؤلفه عشان تركب اور جينيريتور ... فليذهبوا إلى الجحيم ..

او زي ما قال رئيس الشركة القابضة أول أمس في برنامج الحياة اليوم ... عشان الناس تبطل تشغل بالأربع مكيفات في البيت مره واحده ..

يا روح خالتك ... بامارة إيه الواحد بيبقى قاعد في بيته ومشغل 4 مكيفات مره واحده ؟

وبعدين إنت مالك هو الواحد مش بيتحاسب على ده في الفاتورة ؟

ام هو فشل ذريع على جميع المستويات وبتحاولوا ترقعوا وتداروا خيبتكم القوية يا بتوع الربط الكهربائي مع الدول العربية وتصدير الكهربا لها ببلاش زي ما بنعمل مع الأردن ولبنان ... وإحنا بابنا مخلع .. بل اصبحنا في الطل من غير باب حتى ...

[ابو محمد بن مصطفي]

متفكرونيش باليوم ده

اربع مكيفات ايه بس

دي مروحة وكمان بتلف شمال شفت يعني

[Mr MAGED]

والله حكومتنا كويسة اهه ... فيها ناس بتفكر يعني

مش مهم نتيجة التفكير بتكون ايه ... المهم انهم بيعرفوا يفكروا ... وده في حد ذاته انجاز

طيب بقي الناس اللي زي حلاتنا كده ... مسافرين ومقفلين شققهم ... هنبقي في السليم كده ولا ايه

ولا هنشحن عن طريق السفارة !!! ولا نبعت كروت موبايلي من هنا وخلاص .. أظن اريح

[engmido]

الاخ س س

اعذرنى مش هاقدر اتكلم فى الموضوع ده عشان وضعى حساس زى مانت عارف

---------------------------------

كل ما قالته الاخت هناء اسامة صحيح تماما....والموضوع مطبق منذ فترة فى التجمع الخامس .....والموضوع فى مجمله اوفر واحسن من الزبالة والهبل والتقدير الجزافى

بتاع كشافين النور خاصة اذا مكانوش بيلفوا ويقروا فعلى ( بيقدروها من على مكاتبهم).....الموضوع احسن بكتير

-------------------------------------

معلومة بجنيه

يا بتوع الربط الكهربائي مع الدول العربية وتصدير الكهربا لها ببلاش زي ما بنعمل مع الأردن ولبنان

موضوع الربط الكهربى ده يا س س باشا مش زى مانت فاهم خالص

الموضوع باختصار وبدون الخوض فى تفاصيل فنية لا جدوى منها

موضوع الربط ده عبارة عن منفعة متبادلة وخطوط الربط دى زى ما تقول كده خطوط رايح جاى وفكرتها مبنية على ان الذروة الاستهلاكية وفروق التوقيت بين هذه الدول ومصر تختلف

فببساطة لما يكون عندنا ذروة يبقى عندهم احمال خفيفة ....يدينا هو كهربا على هذا الخط

وبوالعكس صحيح...ذى الذروة عندهم نديهم احنا على نفس الخط.........واى خدمة يا سعادة الريس

[Tafshan]

أرجوك كهربني شكراً ... حول لي حول شكراً ..

مع تحيات وزارة الكهربا

هي الناس دي عاوزه مننا إيه ؟

حسبي الله ونعم الوكيل

أعلن الدكتور حسن يونس وزير الكهرباء والطاقة أن الوزارة بدأت التوسع في تطبيق استخدام العدادات الالكترونية التي تعمل بنظام الكارت المدفوع مقدما للمشتركين الراغبين في التحول لهذا النظام مجانا وبدون اي رسوم على مستوى الجمهورية.‏

وقال الوزير إن المشترك في هذا النظام الجديد يتمتع بنفس الأسعار وشرائح الاستهلاك المتعامل بها حاليا دون أي زيادة ولايتم فصل التيار الكهربائي عن المشترك في حالة انتهاء رصيد الكارت المدفوع مقدما ما بين الساعة الخامسة بعد الظهر وحتي الساعة العاشرة من صباح اليوم التالي لتمكين المشترك من اعادة شحن الكارت‏.‏

وتم فتح منافذ لبيع كروت الشحن بإدارات الكهرباء‏، كما انه توجد لمبة في واجهة العداد حتى يتسني عند وصول الرصيد إلى ‏25%‏ من قيمة الشحن تعطي اشارات عند وصول الرصيد إلى‏10%.‏

يذكر أن نظام كروت شحن الكهرباء قد تم تجربتها في المناطق السياحية والمصايف وبعض منازل الزمالك بالقاهرة واحياء‏6‏ أكتوبر‏، حيث لاقت نجاحا.

بس النظام ده كويس معانا يا س .. يعنى ندفع مقدماً الشويه اللى بنقعدهم في مصر و خلاص .. مش كده و لا انا مش فاهم ؟؟

[Tafshan]

حلوة اوى يسرحو بكروت شحن دى

انا حماتى قيلالى على الموضوع دة من زمان علشان هى مدير عام شبكة الكهربة فى محافظة 000

بس مش عارف هينفزوة امتى ؟

دا انا بدفع اكتر من 100 جنية كهرباء فى الشهر بسبب سخان المياة و2 تكييف وميكروويف ومكواة وغسالة وتلاجة

اكيد يا س س انا هحتاج أخد قرض علشان اجيب ثمن كروت الشحن

انا كمان نفس الوصف تقريباً ... بس بادفع من 500 ل 1000 درهم في الشهر و من غير ما اعرف ايه الفرق .. صحيح بقوا حراميه في مصر :blush2:

[Tafshan]

:blush2: اتوقع ان يتم فرض تأمين اجباري

حسب الوحدة السكنية الي بتستهلك الكهرباء يبدأ من الف جنيه اذا كان العداد يعمل بنظام الفاتورة

اما اذا لم ترغب بدفع التأمين فسيتم تحويل عداداك لنظام كهربني شكرا بمعنى اخر نظام الدفع المسبق

:lol:

فكرة حلوة ينفع اشتغل مع الحكومة

فكرتنى بالنكته اللى قال فيها الشيطان ل .... " اتقى ربنا" .. يا ابنى بلاش الافكار دى ربنا يهديك ..

مش عارف لو قلنا ان في شوارع لما بنعدى منها بندفهع من 4 ل 12 درهم في المره الواحده ممكن يتقال علينا ايه ؟؟؟ :ninja:

[Tafshan]

ولا هو يعني علشان المشروع ده إللي عاملاه الحكومة يبقى وحش !!!

و الله برضو ... كنت ح اقولها :blush2: