كيكتان عجيبتان في بروجرام واحد

[ام نور محمود]

انا ولله الحمد ربنا رزقني بكائن عجيب يحيا عن طريق ممارسة التمثيل الضوئي ( شوية ميه وشمس ولطشه هوا ويبقى كده اشطه جدا )

يعني بنتي عايشة على الميه واللبن والعيش الحاف ولله الحمد

زي ماكون مربيه بطة ولا فرخه

المهم بحاول ابتكر لها حاجات تغريها عشان ترضى تاكل

اول كيكة مسمياها كيكة الهوهوز

مكوناتها هي مكونات الكيكة اللي كل واحدة بترتاح فيها

انا بستعمل كوبين دقيق وتلات معالق زيت ومعلقتين زبدة وبيضتين وباكو بيكنج باودر وثلثين كوب سكر وباكو فانيليا وكوب لبن

وعشان تبقى بالشوكولاتة بضيف تلات معالق كاكاو وشوية كوكولاتة مبشورة ( ممكن الاستغناء عنها )

ونخلطهم بالطريقة المعتادة وندخلها الفرن

اثناء كده نعمل صوص شوكولاتة مكون من نص كوب من كل من الكاكاو واللبن البارد والسكر والزيت وكيس فانيليا

نحط كل الكلام ده في الخلاط ونشغل على اقصى سرعة هانلاقيه بيتخن لحد مايبقى قوامه كريمي وندخله الفريزر لحد مانحتاجه ( على فكرة ممكن حفظه في الفريزر لعده اسابيع وممكن استخدامه في كذا حاجة زي الايس كريم او جاتوه الاكلير )

لما الكيكة تستوي نخليها تبرد وبعدين نشقها من النص ونحشيها بالصوص ونحط عليها من فوق ونقطعها زي الجاتوه وممكن نزوقها بس انا مش بلحق عشان بتتنسف في ساعتها الحمد لله بس لما بتتبرد في التلاجة بتكون حلوة اوي

الكيكة التانية بنتي مسمياها الدواريات

برضه كيكة عادية جدا نفس مقادير اللي فاتت بس بدل اللبن عصير برتقال فريش وبشر قشر اربع برتقالات

وبعدين تقسم الخليط في طبقين بالنص ونسيب واحد زي ماهو والتاني نلونه بالكاكاو او بالوان الاكل

نجيب الصينيه ونحط معلقة من الطبق ده وفوقها معلقه من الطبق التاني بشويش وهكذا لحد مانخلص

ونهزها كويس وممكن نخبطها بشويش على الرخامه وندخلها الفرن

وبس بالهنا والشفا

تم تعديل 9 مايو 2010 بواسطة ام نور محمود

[fatfouta]

والله تسلم ايدك يا ام نور.....شكلهم حلو خالص

هروح اجرب واقولك

بس ممكن نستخدم صوص الشوكولاتة الجاهز ؟؟ عشان لما باجى اعملها بتفشل منى بصراحة

معلش سؤال كمان ممكن الكيكة الجاهزة ذى بيتى كروكر والعلالى؟؟؟ لان عندى مركونين وعاوزة اشغلهم

اللون الأحمر ده جبتيه منيييييييين؟؟؟

تسلم ايديك. :lol:

تم تعديل 9 مايو 2010 بواسطة fatfouta

[ام نور محمود]

والله تسلم ايدك يا ام نور.....شكلهم حلو خالص

هروح اجرب واقولك

بس ممكن نستخدم صوص الشوكولاتة الجاهز ؟؟ عشان لما باجى اعملها بتفشل منى بصراحة

معلش سؤال كمان ممكن الكيكة الجاهزة ذى بيتى كروكر والعلالى؟؟؟ لان عندى مركونين وعاوزة اشغلهم

اللون الحمر ده جبتيه منيييييييين؟؟؟

تسلم ايديك. :lol:

تسلمي يافوت فوت يارافع معنوياتي

صوص الشوكولاتة الجاهز انا ماجربتهوش بصراحة

بس جربي ده .. مافيهوش مجال للفشل .. اهم حاجة تشغلي الخلاط على اقصى سرعة واول مايتخن زي المايونيز طفي عليه ودخليه التلاجة

وممكن جدا الكيكات الجاهزة .. عادي هاتدي نفس النتيجة .. المهم ماتحشيهاش غير بعد ماتبرد ودخليها التلاجة عشان الشوكولاتة تتماسك

اللون الاحمر من هايبر بنده من قسم الدقيق ومستلزمات الحلويات .. اسمه فوستر كلاركس .. قزازة صغيرة ب 3 ريال بس حطي نقط بسيطة عشان ماتبقاش غامقه

جربي وقوليلي

[pink rose]

صوص شوكولاتة مكون من نص كوب من كل من الكاكاو واللبن البارد والسكر والزيت وكيس فانيليا

نحط كل الكلام ده في الخلاط ونشغل على اقصى سرعة هانلاقيه بيتخن لحد مايبقى قوامه كريمي وندخله الفريزر لحد مانحتاجه

بس كده؟؟؟؟؟؟؟؟؟؟؟؟

هو دا صوص الشكولاتة يا ولاد؟

و الله اجربه يا ام نور ان شاء الله

دا سهل جدا بالطريقة دي

تسلم ايدك :lol:

[doha]

تسلم ايدك بجد ياام نور .. باذن الله لما اروق كده مرة هبقى اجربها

عندي بس سؤال عن صوص الشوكلاته معليش بليده شويه في المقادير

صوص شوكولاتة مكون من نص كوب من كل من الكاكاو واللبن البارد والسكر والزيت وكيس فانيليا

نحط كل الكلام ده في الخلاط ونشغل على اقصى سرعة هانلاقيه بيتخن لحد مايبقى قوامه كريمي وندخله الفريزر لحد مانحتاجه

بتاكد بس

نصف كوب حليب سائل+ نصف كوب كاكاو بودره + نصف كوب سكر ناعم + نصف كوب زيت ذرة + كيس فانيليا يعني حوالي ملعقة صغيره

نخلط كل ده في الخلاط

صح كده ؟ ولا الحليب متذوب فيه الكاكاو ولا في حاجه غلط مفهمتهاش ؟

تم تعديل 9 مايو 2010 بواسطة doha

[ام نور محمود]

تسلم ايدك بجد ياام نور .. باذن الله لما اروق كده مرة هبقى اجربها

عندي بس سؤال عن صوص الشوكلاته معليش بليده شويه في المقادير

صوص شوكولاتة مكون من نص كوب من كل من الكاكاو واللبن البارد والسكر والزيت وكيس فانيليا

نحط كل الكلام ده في الخلاط ونشغل على اقصى سرعة هانلاقيه بيتخن لحد مايبقى قوامه كريمي وندخله الفريزر لحد مانحتاجه

بتاكد بس

نصف كوب حليب سائل+ نصف كوب كاكاو بودره + نصف كوب سكر ناعم + نصف كوب زيت ذرة + كيس فانيليا يعني حوالي ملعقة صغيره

نخلط كل ده في الخلاط

صح كده ؟ ولا الحليب متذوب فيه الكاكاو ولا في حاجه غلط مفهمتهاش ؟

مضبوط يا ضحى

نص كوب من كل مكون

معلش انا كمان بليدة شوية في الكتابة

يارب تجربيها وتعجبك

[ام نور محمود]

صوص شوكولاتة مكون من نص كوب من كل من الكاكاو واللبن البارد والسكر والزيت وكيس فانيليا

نحط كل الكلام ده في الخلاط ونشغل على اقصى سرعة هانلاقيه بيتخن لحد مايبقى قوامه كريمي وندخله الفريزر لحد مانحتاجه

بس كده؟؟؟؟؟؟؟؟؟؟؟؟

هو دا صوص الشكولاتة يا ولاد؟

و الله اجربه يا ام نور ان شاء الله

دا سهل جدا بالطريقة دي

تسلم ايدك :lol:

اه والله ياريمو هو ده

وانا كنت بجرب حاجات غريبة وعجيبة ويبقى مصيرها النفايات بعيد عنك

لحد ما اكتشفت ده ومن يومها مش بغيره

جربيها وطمنيني يا قمر

[صافى]

تسلم الايادى يا قمر

[pink rose]

ام نور انتي wst::

جربت صوص الشكولاتة بالطريقة اللي قولتي عليها طلع جحيييييييييم (وش احمد الفيشاوي في فيلم ورقة شفرة)

عملت الكيكة اللي متعودة اعملها

كوبايتين ونص دقيق .. خمس بيضات .. كوباية لبن .. كوبايتين سكر .. فانيليا .. بيكنج بودر .. معلقتين كبار سمنة .. علبة قشطة المراعي .. معلقة كبيرة كاكاو ..و زودت المرة دي رقائق شكولاتة هيرشي

عملتها بطريقة الكيكة الرخامية اللي هي اقسم العجينة نصين واحد ابيض و التاني بالكاكاو و احط في الصينية معلقة من الابيض و فوقها معلقة بالشكولاتة و هكذا لحد ما العجين يخلص ( اظن نفس طريقة كيكة الدواير اللي بتعمليها لنور)

لما استوت الكيكة و كانت الشكولاتة اللي فيها خاليتها طرية اكتر من جوة لانها ساحت بنسبة بسيطة جدا جدا كنت مجهزة الصوص بنفس طريقتك و حاطيته عليها من فوق قدمتها لضيوف كانوا عندنا كانوا مفكرين انها من برة مش معمولة في البيت

للاسف ما لحقتش اصورها بعد ما انجزتها كان عندنا ضيوف ما كنتش فاضية اصور بقى

خلاص طريقة الصوص دي من هنا و رايح هي الطريقة المعتمدة عندي

ميرسي كتير يا قمرة :lol:

[ام نور محمود]

ام نور انتي bv:-

جربت صوص الشكولاتة بالطريقة اللي قولتي عليها طلع جحيييييييييم (وش احمد الفيشاوي في فيلم ورقة شفرة)

عملت الكيكة اللي متعودة اعملها

كوبايتين ونص دقيق .. خمس بيضات .. كوباية لبن .. كوبايتين سكر .. فانيليا .. بيكنج بودر .. معلقتين كبار سمنة .. علبة قشطة المراعي .. معلقة كبيرة كاكاو ..و زودت المرة دي رقائق شكولاتة هيرشي

عملتها بطريقة الكيكة الرخامية اللي هي اقسم العجينة نصين واحد ابيض و التاني بالكاكاو و احط في الصينية معلقة من الابيض و فوقها معلقة بالشكولاتة و هكذا لحد ما العجين يخلص ( اظن نفس طريقة كيكة الدواير اللي بتعمليها لنور)

لما استوت الكيكة و كانت الشكولاتة اللي فيها خاليتها طرية اكتر من جوة لانها ساحت بنسبة بسيطة جدا جدا كنت مجهزة الصوص بنفس طريقتك و حاطيته عليها من فوق قدمتها لضيوف كانوا عندنا كانوا مفكرين انها من برة مش معمولة في البيت

للاسف ما لحقتش اصورها بعد ما انجزتها كان عندنا ضيوف ما كنتش فاضية اصور بقى :closedeyes:

خلاص طريقة الصوص دي من هنا و رايح هي الطريقة المعتمدة عندي

ميرسي كتير يا قمرة

بالهنا والشفا ياجميل عليكي انتي وضيوفك

مش الصوص هو اللي حلو .. ده انتي اللي نفسك حلو في المطبخ

تسلميلي ياقمر