اختراع شفته ومكنتش تتوقعه او نفسك تشوفه ومستنيه.. ياترى ايه

[حمزه]

انا نفسي اصحى في يوم من الايام الاقي نفسي اتجول في الولايات المتحدة العربية من غير باسبور ولا فيزا والبرلمان العربي يكون من الشباب العربي ويكونو نواب برلمان لا نوام برلمان ونفسي لما واحد لما يحب فتاة يذهب لاهلها ويزوجها ويسكن معها في شقته

ونفسي بدل ما اسمع صباح الخير يا ............يقول لها السلام عليكم اختي ونفسى اصح الصبح الاقي اسرائيل انمحت من على الخريطة ونفسي الواحد وهو ما شي في الطريق يشوف ورود وشوارع نظيفة ونفسي لم اصحى الصبح الاقي الناس فرحانة ونفسي لما اصلي الفجر احس اني في صلاة جمعة ونفسي لما اقع اجد الف واحد مادد لي ايدو ونفسي ادخل مستشفى الاقي الاطباء والمرضين مبتسمين وبتعالجو ببلاش ونفسي اليتيم ما يحسش انو يتيم وان الملة ما تحسش بانها انتهت ونفس اشوف الغرب يسجلون انفسهم للحصول على غرين كارت للعيش في الولايات المتحدة العربية ونفسي كل سائح يدخل الولايات المتحدة العربية يقول لا اله الا الله من معاملتنا ليه وعندما يذهب لاهله يقول ما اعظم الاسلام والمسلمين ونفسي لعة الكمبيوتر والعلم كله بالعربي ونفسي ان الواحد ما يظرش يتكلم لغات اخرى يكلم عربي بس في منطقة في العالم لان ها اصبحت لغة العالم

اعلم مالذي ستقولونه انت هارب منمستشفى المجانين اقول لك لا ان بداننا واخلصناالنية فماذلك على الله بعزيز

لنبدا بانفسنا ويا سيدي ان ما عشناش لغاية تحقيق الحلم يشوف اولادنا واحفادنا ............

مجنون ليه لا سمح الله احنا مؤمنين ان دا هايحصل ان عاجلا او اجلا بس معلش اسمحلي الاسم الصح الولايات المتحدة الاسلامية

بس زي ما حضرتك قولت

ان بداننا واخلصناالنية فماذلك على الله بعزيز

لنبدا بانفسنا ويا سيدي ان ما عشناش لغاية تحقيق الحلم يشوف اولادنا واحفادنا

والله لقد اصبت فلتكن الولايات المتحدة الاسلامية

رجاءا اختنا تتذكرينا بالدعاء في سجودك وانا لازكيك على الله و لكن ريح المسك لا يمكن ان نحجبه وكلام طيب من اخت طيبة

اكثر الله من امثالك واقول بامثالك يمكن تحقيق الحلم

ااستاذة ريم لقد اتفقنا في شييئين اوله على الموضوع والذي فاجئني اننا ولدنا ب 20 افريل كلينا

يا سبحان الله

[Simba]

انا نفسي في جهاز محندق كده خمسة او ستة بوصة يعمل كل حاجة وكل ايشي

الجهاز يكون بديل عن البطاقة وجواز السفر والتلفيون والتلفزيون والأنترنت وقارئ الكتب وبطاقة الأئتمان ...... وبالمرة بقي يكون مدمج معاه ولاعة سجاير

[doha]

السلام عليكم و رحمة الله و بركاته

انا نفسي في اختراعين....

الاولاني

عارفين بيبقي في مولات كورسي كده الواحد ممكن يقعد عليه.....قوووووم ايه يعمله مساج......انا نفسي في جهاز الواحد لو عايز يبقي في مووود معين....الجهازي ده يبقي ملمس كده علي جهازك العصبي...و فاكك الشفرة بتاعته و عارف ايه الي يظبط المزاج.....يقوم الجهاز ده يظبط المود بتاعك

عايز مثلا تعيش انك في مووود المغامرة...تلاقيه عمال يغذي عقلك انك راكب موتوسيكل و نازل تفحيط في الارض

عايز تسرح كده....هو يلقط ع طول و قووووم ايه يروح ينزل باصوات شلالات مية.....و صوت الكوران برضه ميضرش....بس من غير هنادي اللي راحت في الوبا.... :lol:

عايز تكتئب....و حاسس ان الجزمة ضيقة عليك و عايز تعيط....برضه ينزلك شوية اصوات و انفعالات تخليك تهج من العياط

=============================

الاختراع التاني بقي

نفسي نبقي طالعين من اي مكان و بدل ما نقعد 3 ساعات نفتكر احنا ركنا العربية فين...العربية هي اللي تشم ريحة صاحبها و تحس بيه من علي بعد.....و بعدين لسه هو طالع من البوابة....قووووووووم ايه يلاقي العربية قصاد عينه

بس خلاص

مسااااااااااااااااكم رضا

ضحى هاتتبسط اوي من الاختراع دا اللي انا لونته بالاحمر يا ريهام wst::

:happy: :lol: wst::

صدئيني) ياريم يابنتي لو اخترعوا الاختراع ) بتاع المغامرة ده آخر وحده اجربه .. انا اعيشها بجد اه لكن محلمش بيها او اتخيلها ابدا .. تخنقني

الاختراع التاني بتاع العربية الشمامه ده الي مية مية

فكرني يالماضه باختراع نفسي بقى يعملوه وهو انك لما تضيع مفاتيحك ( ترني عليها ) وكذلك الريموت او شنطه الخروج او اوو وكل الحاجات الي بتضيع دائما لما نحتاجها دي

بالظبط زي الموبايل كده لما متكونيش لقياه فتخلي حد يتصل بيه فتعرفي هو فين

[myusername]

الحنفية التوماتيكى توماتيكى :lol:

شفتها فى الحمام اللى فى برج إيفل... و فى مطار شارل ديجول.

الحنفية تقريبا بالاشعة تحت فوق البنفسجية :lol:

بتعدى ايدك من تحتها.. تنزل المية توماتيكى توماتيكى... تشيل ايدك... المية برضه تقف توماتيكى توماتيكى :lol: سبحان الله

_______________________________

الاختراع التانى هو مش اختراع بالظبط.. و لكنه حاجة عملوها.

فيه نفق بيربط بين فرنسا و انجلترا.. و بيمشى تحت بحر المانش... النفق ده معمول من اوائل التسعينات.. و بجد نفسى انى اركب القطر اللى بيمشى تحت بحر المانش ده...

شىء غريب ان انجلترا فضلت محمية لسنين طويلة, لانها معتمدة انها عبارة عن جزيرة و محدش يقدر يوصلها... و فى الاخر يحصل الترابط العجيب ده...

اللى نفسى بقى يحصل... انهم يعملوا نفق زيه من انجلترا لامريكا... طبعا ده شىء شبه مستحيل, لان المسافة رهيبة جدا تحت المحيط... ده غير عمق المحيط نفسه.

تم تعديل 14 مايو 2010 بواسطة myusername

[doha]

من الاختراعات الي شفتها من سنة ونص كده وبصراحه مكنتش لسه اعرف انهم اخترعوها

فاكرين الجوي ستيك بتاعت زمان او ذراع الاتاري الي كنا بنلعب بيه واحنا صغيرين ؟

وكنا نقعد نحرك في الذراع يمين وشمال ونضغط الزر الاحمر ده عشان نضرب نار

مرت السنين واخترعوا لنا بداله باد الي هو ده

والفكرة واحده تقريبا بس بدال مانحرك العصاية بنضغط على الزرار يعني نضغط الزر اليمين نروح يمين شمال نروح شمال

مرت السنين اكتر وطلع لي سوالف بيض لافيق في احد الايام على الحقيقة المفزعه

البتاع ده

الحاجه الي زي الريموت دي وهي عباره عن الجوي ستيك بتاع جهاز الوي

wii

زي ماانتم شايفين ملهاش سلك ولا وصلة بالجهاز وانما بتعمل بالاشعة زي الريموت بالظبط

مش ده الجديد ..

الجديد ان ملهاش لا عصاية يمين ولا زرار شمال

لما تحب تروح يمين هز ايدك يمين او شاور بايدك يمين فيتحرك اللاعب على الشاشة زي ماحركت ايدك

عاوزه ينط لفوق ارفع ايدك شويه بالريموت لفوق فينط معاك لفوق

اشي خيال ياناس

كنت عند ناس وعيالهم بيلعبوا بيها وقالوا لي تعالي العبي معانا وكان عرض مغري بصراحه .. مسكت البتاع زي الفلاح الي داخل الكونجرس لاول مرة

قعدت العب دقيقتين ومع اني زمان كنت حريفة لعب ومبقومش من قدام الكمبيوتر الا اني سبحان الله مستهوتنيش اللعبه برغم انها كانت احدث اصدارات وحاجه كلها اكشن وحركات .. وهو نفس ماحدث لي لما كانوا ولاد اختي بيلعبوا بالبلاي ستيشن وقالوا لي اجي اشاركهم اللعب ومع انها كانت نفس اللعبه الي بلعبها من زمان

Prince of Persia

بس بجرافيك جديد ثلاثي الابعاد وصوت مجسم بقى وعيش يامعلم

برغم كل ده الا اني محبيتهاش معرفش ليه .. بالرغم من اني عملت لها قبل كده دانلود بس للاصدار القديم الي كنت بلعب بيه زمان وقعدت العب عليها تاني وكتير

للاسف تقريبا كده بحب كل الي كنت بحبه وانا صغيره وبعد ماكبرت مش قادره احب شيء جديد

ولي عوده مع اخر الاختراعات الي مخترعينها من زمان بس الواحد مكانش واخد باله

تم تعديل 14 مايو 2010 بواسطة doha

[shawshank]

حمد الله عالسلامه يا دكتور أحمد .. وحشتنا بجد ..

وخد الاختراع ده عشانك

عايزين نخترع غويشة أو بلاش دي عشان ما تبقاش حريمي بس ... خليها أنسيال .. بحيث نربطها بالأقمار الأصطناعيه .. بحيث لما حد يختفي في المحاورات نعرف هو فين ونبعت قوات الامن المركزي تجيبه ...

عارف إنها موجوده في أمريكا ... بس عايزين نخترع حاجه محليه تناسب البيئة المصرية

يا باشا ربنا يخليك ... كلك ذوق

بس أنا رجعت من أمريكا من زمااااان .

الاختراع اللي بتقول عليه مش موجود في أمريكا بالشكل المنتشر أوي ، بس هو موجود لكبار السن بشكل أساسي لمعرفة هم فين طول الوقت .

بس الموضوع ده خلاص بقى عادي بعد ما اتضافت الإمكانية دي للتليفون المحمول . يعني ممكن - بعد موافقة صاحب التليفون - إن تليفون تاني أو أكتر يعرف مكانه فين طول الوقت .

مفيش أفكار اختراعات مش مبنية على أساس تكنولوجيا موجودة بالفعل ؟ يعني حاجة بعيدة قوي . يعني مثلاً إنك تعرف اللي بيفكر فيه كل اللي حواليك . أو علاج واحد لكل الأمراض . أو الفلوس تختفي ويحل محلها أي حاجة تنزع عنها صفة محورية الحياة لكثير من الناس . أو اختراع يرفع ذكاء الناس لأقصى حد . أو اختراع جهاز يقدر يخترع أي جهاز نفسك فيه . أو جهاز يحل الخير محل الشر في أي شخص يستخدمه . أو جهاز يخلي كل البشر أسرة واحدة ، وتختفي النزاعات والحدود بين الدول ... الخ .

[myusername]

حمد الله عالسلامه يا دكتور أحمد .. وحشتنا بجد ..

وخد الاختراع ده عشانك

عايزين نخترع غويشة أو بلاش دي عشان ما تبقاش حريمي بس ... خليها أنسيال .. بحيث نربطها بالأقمار الأصطناعيه .. بحيث لما حد يختفي في المحاورات نعرف هو فين ونبعت قوات الامن المركزي تجيبه ...

عارف إنها موجوده في أمريكا ... بس عايزين نخترع حاجه محليه تناسب البيئة المصرية

يا باشا ربنا يخليك ... كلك ذوق

بس أنا رجعت من أمريكا من زمااااان .

الاختراع اللي بتقول عليه مش موجود في أمريكا بالشكل المنتشر أوي ، بس هو موجود لكبار السن بشكل أساسي لمعرفة هم فين طول الوقت .

بس الموضوع ده خلاص بقى عادي بعد ما اتضافت الإمكانية دي للتليفون المحمول . يعني ممكن - بعد موافقة صاحب التليفون - إن تليفون تاني أو أكتر يعرف مكانه فين طول الوقت .

جووجل بتقدم الخدمة دى عن طريق Google Latitude

[التونسى]

الموضوع فكرته حلوه . احييكى عليها استاذه ضحى

طبعا الحاجه أم الاختراع عشان كده انا فيه اختراعات نفسى يتم ابتكارها لانها حتحل لى مشاكل شخصيه واعتقد انها مشاكل بيعانى منها اغلب الناس

من الاختراعات اللى بحلم بيها وبتنفيذها وبتوافرها .. ملابس مكيفه wst:: .. اى كان شكلها او طبيعتها .. تخلى الواحد فى عز البرد متدفى .. وفى عز الحر متنعنش .. وتحمى الواحد وترحمه من الرطوبه وسنينها :lol: .. انا سمعت طراطيش اخبار انه تم تنفيذ الاختراع ده .. لكن طبعا لو اتنفذ وانتج بشكل واسع وفى متناول عامة الناس حيبقى فى نظرى اختراع مهم جدا للبشريه

برده من الاختراعات اللى بحلم بيها أله ميكانيكيه معينه الواحد يلبسها فى رجله تقوم يطلع بيها السلم وتجنب الواحد استخدام المصاعد او الاسانسيرات ... حيبقى مفيد جدا للناس اللى ساكنه فى الادوار العليا ومعندهاش مصاعد . او للى عندهم فوبيا من استخدام الاسانسيرات

من الاختراعات اللى بحلم بيها برده وسيلة امان جديده تقلل نسبة الاصابات والضحايا لحوادث الطائرات

من الاختراعات اللى بحلم بيها واعتقد انها فى سبيلها للتنفيذ الفعلى .. هو التعايش الافتراضى عن بعد .. يعنى الواحد يبقى فى اوربا .. ويقدر يعيش مع اهله فى مصر عبر تقتية الهولوجرام .. ولكن بشكل اقرب للواقعيه بنسبة 99ز99% ... وبالبعد الثلاثى ... وتكون هناك دقه عاليه جدا فى الاجساد والاشياء المجسمه ..ونقاء وطبيعيه فى الصوت .. بحيث تعطى الايحاء والانطباع بالتعايش الفعلى

من الاختراعات اللى بحلم بيها .. الاختراع اللى فى فيلم ليلة سقوط بغداد .. وهو مجال مغتاطيسى معين .. اشبه بقبه افتراضيه يمنع اى طائرات من التحليق وتهديدالمجال الجوى لاى دوله .. واللى عايز يورينا نفسه يواجهنا برا .. مش يضرب بالطائرات ويجرى

من الاختراعات اللى بحلم بيها ايضا توصيل اللاب توب ...بالشاشه الال سى دى .. ولكن وايرلس .. انا نفسى كل الاتصالات تبقى وايرلس ونتخلص من الوصلات السلكيه نوهاااائيا ... وكمان استخدام الانترنت يبقى متاح للجميع فى اى مكان ومجااااااانا زى راديو الجيب الصغير ... ..

بحلم باختراع ممكن يتم تعمير الصحراء فيه فى وقت قصير وقياسى .. واختراع تانى يوفر موارد للمياه بعيدا عن المواارد التقليديه المتعارف عليها

بحلم باختراع مصادر جديده للطاقه .. خصوصا المصادر المحموله زى بطاريات الموبيلات كده ويكون عمرها طويل قبل ما تحتاج للشحن تانى

من الاختراعات اللى حلمت بيها واتنفذت هو اختراع اللاب توب .. والكتاب الالكترونى ... والتوك توك :lol: بجد ومش هزار وبحلم بتعميم تجربة التوك توك على اعلى مستوى .. ويا سلام لو يقتصر الوقود فيها على الغاز الطبيعى فقط .. حيبقى شئ مفيد للبيئه

من الاختراعات اللى مكنتش اتمنى انجازها .. البارود اللى كان النواه الاولى للمتفجرات ..واسلحة الدمار الشامل زى القنابل النوويه والذريه والبيولوجيه وخلافه .. مفيش اجدع من ايام الحروب بالسيوف ...و((فيس تو فيس)) وفارس لفارس فى الميدان :happy:

موضوع جميل جدا ويمكن ارجع تانى

تحياتى للجميع

[doha]

اشكر الجميع على المرور والتعليق خاصة الفاضل التونسي

وخذوا بقى الحته دي كده على الماشي .. فيديو شفته من سنة تقريبا ومن ساعتها وهو ( منخشش ) في دماغي اوي

عباره عن طاولة هي في الاساس كمبيوتر تاخذ لقطة من كاميرا الديجيتال بتاعتك ويادوبك تحطها على الطاولة فتنتقل لها الصورة الي اخذتها وتقدر تتحكم فيها بطريقة مذهلة ..

ده فيديوا بيشرح التقنية ال بقولكم عنها والي قريت انها هتبقى هي تقنية المستقبل للتعليم في المدارس .. وقالوا الطاولة الواحده بعشرين الف دولار بس .. يابلاش ..

اقولكم ..

اسيبكم تنخششوا زيي

استخدامات اكتر للطاولة

[doha]

مش عارفه ان كان الفيديو ظاهر ولا لاه في المشاركه السابقة على كل حال ده الرابط للي مظهرش عندهم الفيديو

http://www.youtube.com/watch?v=l55eIR7SFCc

==========

بمناسبة الحديث عن الاختراعات في اختراع نفسي يعملوه وهو تطوير بسيط في التليفون المحمول ويتربط بالجي بي اس بحيث انك لو ماشي بعربيتك مثلا وعاوز حاجه معينة ليكن دواء معين من اي صيديلة

انك لما تقف قدام الصيدلية يطلع لك في موبايلك المحمول ارقام المحلات والصيدليات وكل حاجه انت واقف قدامها في الشارع او ضمن النطاق الي انت تختاره .

فبدال ما لسه هننزل من العربية ونسأل عندكم ولا معندكوش والصيدلي يقولك مفيش ( وهو ـ على راي عزب شو ـ عنده جوه ) فالواحد وهو في عربيته معزز مكرم يرن على الصيدلية ويسأل على الي هو عاوزه ولو مفيش ياخذها من قاصرها ويكمل طريقه .

ياسلام بقى لو اخترعوا حاجه زي كده وبالمرة يعملوا عربية بتمشي لوحدها وتتفادى الزحمه عشان الواحد ينام فيها براحته

[MZohairy]

نفس اللعبه الي بلعبها من زمان

Prince of Persia

بس بجرافيك جديد ثلاثي الابعاد وصوت مجسم بقى وعيش يامعلم

اللعبه القديمه الاصليه لبرينس اوف بيرشيا

اياااااااااام

[shawshank]

مش عارفه ان كان الفيديو ظاهر ولا لاه في المشاركه السابقة على كل حال ده الرابط للي مظهرش عندهم الفيديو

http://www.youtube.com/watch?v=l55eIR7SFCc

دي Microsoft Surface ، ودي حاجة شبهها . وبقت منتشرة في المحطات الإخبارية .

وبالمرة يعملوا عربية بتمشي لوحدها وتتفادى الزحمه عشان الواحد ينام فيها براحته

أنا أعرف العربية دي ممكن تركن لوحدها . ودي كمان .

[shawshank]

بمناسبة الحديث عن الاختراعات في اختراع نفسي يعملوه وهو تطوير بسيط في التليفون المحمول ويتربط بالجي بي اس بحيث انك لو ماشي بعربيتك مثلا وعاوز حاجه معينة ليكن دواء معين من اي صيديلة

انك لما تقف قدام الصيدلية يطلع لك في موبايلك المحمول ارقام المحلات والصيدليات وكل حاجه انت واقف قدامها في الشارع او ضمن النطاق الي انت تختاره .

فبدال ما لسه هننزل من العربية ونسأل عندكم ولا معندكوش والصيدلي يقولك مفيش ( وهو ـ على راي عزب شو ـ عنده جوه ) فالواحد وهو في عربيته معزز مكرم يرن على الصيدلية ويسأل على الي هو عاوزه ولو مفيش ياخذها من قاصرها ويكمل طريقه .

ده كمان موجود اهوه في Garminfone

[ابو محمد بن مصطفي]

من الاختراعات اللي بحلم بيها من ايام ما كنت في اولي رابع

ليه الواحد يفضل طول السنة يذاكر ويدح

ويجي ليلة الامتحان يفضل سهران وعينية تبقي زي الاوطة الحمرا

ويفضل يعمل في برشام وانتي بيوتك

ويجي المراقب يعكوشة من قفاه ويطلعة بره اللجنة

الاختراع هو القلم العجيب

يتم تغذية القلم بالمناهج التعليمية من كي جي تو الي الثانوية العمية علشان يبقي اقتصادي

ويدوب الطالب يمشية علي السؤال في ورقة الامتحان وتظبط الخط والحجم

وهو علي طول يكتب الاجابة

وانا حاسس اننا لو طلبنا الاختراع ده من الصين اكيد هتنفذه

ويكون القلم زي الاقلام العادية مش مختلف علشان محدش يقدر يأفشة

وبكده نعالج موضوع الدروس الخصوصية

من مذكرات طالب فاشل

[aimen]

المرارة الصناعية المحمولة

طبعا عارفين الظروف حاليا - مثلا لو لاقدر الله ربنا ابتلاك بطالب غبى

أو شفت فيلم معفن

أو برنامج حوارى فيه حد ومن عينة بباوى أو عبدالله كمال ...

الواحد محتاج كل شوية يفقع مرارته

فيروح يطلع المرارة الصناعية ويفقع فيها

انها التكنولوجيا

[doha]

نفس اللعبه الي بلعبها من زمان

Prince of Persia

بس بجرافيك جديد ثلاثي الابعاد وصوت مجسم بقى وعيش يامعلم

اللعبه القديمه الاصليه لبرينس اوف بيرشيا

اياااااااااام

:rolleyes: ده انت طلعت ابو زمل بقى

طيب فاكر ده

تقريبا اول لعبه كمبيوتر لعبتها من اكتر من عشرين سنة .. لما ببص للصوره وكأني سامعه المؤثرات الصوتيه لسه في اذني

ايييه .. برضه كانت ايام

[التونسى]

نفس اللعبه الي بلعبها من زمان

Prince of Persia

بس بجرافيك جديد ثلاثي الابعاد وصوت مجسم بقى وعيش يامعلم

اللعبه القديمه الاصليه لبرينس اوف بيرشيا

اياااااااااام

:rolleyes: :rolleyes: ده انت طلعت ابو زمل بقى

طيب فاكر ده

تقريبا اول لعبه كمبيوتر لعبتها من اكتر من عشرين سنة .. لما ببص للصوره وكأني سامعه المؤثرات الصوتيه لسه في اذني

ايييه .. برضه كانت ايام

على فكره النهارده 22 مايو 2010 يواكب العيد الثلاثين لظهور هذه اللعبه الرائده فى عالم الاتارى المخملى

انا لسه لغاية دلوقتى بلعبها .. ويمكن بقضى عليها اوقات فراغ كبيره .. ومشترك فى منتدى مصرى مخصوص عشان العبها مع اخرين بشكل تنافسى .. وانا حاليا صاحب الرقم القياسى برقم 147400 :blush2:

عشان مبقاش طلعت بره الموضوع فيه اختراع بحلم بيه بجد وبشكل مستمر ...فى مجال تواصل البشريه جمعاء .. الا وهو جهاز يقوم بدمج لغات العالم او على الاقل اللغات الحيه المشهوره والاساسيه والمنتشره ...بحيث الواحد ميحتاجش يتعلم اى لغه غير لغته .. والجهاز ده اللى حيكون اشبه بمترجم فائق الدقه والسرعه .... ولا نحتاج بقى نتعلم لغات ونوجع قلبنا ..

[doha]

على فكره النهارده 22 مايو 2010 يواكب العيد الثلاثين لظهور هذه اللعبه الرائده فى عالم الاتارى المخملى

انا لسه لغاية دلوقتى بلعبها .. ويمكن بقضى عليها اوقات فراغ كبيره .. ومشترك فى منتدى مصرى مخصوص عشان العبها مع اخرين بشكل تنافسى .. وانا حاليا صاحب الرقم القياسى برقم 147400 :rolleyes:

عشان مبقاش طلعت بره الموضوع فيه اختراع بحلم بيه بجد وبشكل مستمر ...فى مجال تواصل البشريه جمعاء .. الا وهو جهاز يقوم بدمج لغات العالم او على الاقل اللغات الحيه المشهوره والاساسيه والمنتشره ...بحيث الواحد ميحتاجش يتعلم اى لغه غير لغته .. والجهاز ده اللى حيكون اشبه بمترجم فائق الدقه والسرعه .... ولا نحتاج بقى نتعلم لغات ونوجع قلبنا ..

ايوه مهو الحاج جوجل قالي ان النهرده عيد ميلاد الباكمان الثلاثين ( مش عارفه ايه حكايه الثلاثين سنة معانا اليومين دول ) ففتكرته من كده .. ياريت لو تبعت لي لينك اللعب الجماعي ده لما استعيد فيه الذكريات

بمناسبة الاختراعات .. نفسي في جهاز الواحد يتربط عليه او يدخل فيه او اي كان اتصالنا بالجهاز المهم انه يحرك عضلات الجسم كلها في وقت واحد وبنسب محسوبه .. وتكون ثلاث دقائق على الجهاز ده بمثابه بالظبط ساعه ونص تمرينات رياضيه .. وياسلام بقى لو الواحد من البدايه يختار الشكل الي هو حابب يكون عليه مثلا يمرن اي جزء ولا يمرن الجسم كله والجهاز يتبرمج لوحده على تحريك العضلات دي كلها في وقت واحد ..

وطبعا يكون بجد ميكونش نصب او يمرن حته وحته لاه وميطلعش بيعمل امراض بعد كده او يخترعوا جهاز احسن منه فيفضحوا الجهاز ده ونندم بعدين اننا اشتريناه

نسيت اقول ان الجهاز يكون سعره في المتناول ويكون بالشحن مش بالبطاريه ومفيهاش حاجه ابدا لو كان بيشطف الغسيل ويرص الاطباق في ادراجها

[shawshank]

دي طريقة ظريفة لتبادل المعلومات بين تليفونات iPhone : تمسك تليفونك في ايدك ، صديقك يمسك تليفونه في ايده ، "تخبطوا" (Bump) ايديكوا في بعض ، تنتقل المعلومات ما بين التليفونات :lol:

[doha]

دي طريقة ظريفة لتبادل المعلومات بين تليفونات iPhone : تمسك تليفونك في ايدك ، صديقك يمسك تليفونه في ايده ، "تخبطوا" (Bump) ايديكوا في بعض ، تنتقل المعلومات ما بين التليفونات :lol:

رووووعه

للاسف كل مااشيل البتاع ده من دماغي واقول خلاص مش هجيبه .. ميستاهلش .. يرجع يلعب فيها تاني ..

تم تعديل 22 مايو 2010 بواسطة doha