معلومات مهمة لكل مسافر إلى الإمارات.. عن الكشف الطبي ومعادلة الشهادة الجامعية..

[عبيد الله]

أحبّتي في الله أعضاء هذا المنتدى الرائع..

سلامُ الله عليكم ورحمته وبركاته..

لعلكم جميعًا بخيرٍ وصحّةٍ وسلامة...

أضعُ بين أيديكم هنا معلومات غاية في الأهمية عن أمرين مهمين لكل قادم، أو راغب في السفر، إلى الإمارات، وهما كما يلي:

- الكشف الطبي

- معادلة الشهادة الجامعية

كنتُ يوم الخميس الماضي (6 مايو 2010) في مركز الطب الوقائي التابع لوزارة الصحّة الإماراتية هنا في أبوظبي أُجري الكشف الطبي اللازم لاستخراج الإقامة، لأني أنقل إلى عملٍ جديد هذه الأيام.. سأحكي لكم عنه عند الاقتضاء، إن شاء الله.. ادعوا لي بالتوفيق..

دفعني فضولي وسألتُ الطبيب وهو يأخذ عينة الدم عن الأمراض بالضبط التي يركزون عليها..

فكانت إجابته مفاجأة لي تمامًا، ذلك لأنّها غير المعلومات التي لديّ، بل وتمسُ حالة كثير من الشعب المصري مباشرةً..

وخطر ببالي لحظتها أن أكتب لكم هنا توضيحًا لعله يفيدكم، ويفيد أحبّتنا القادمين الجُدد من مصرنا المحروسة - بإذن الله – إلى الإمارات.. الدولة الرائعة بشعبها ونجاحها..

وذلك بالطبع وفقًا لما يتوفر لدي من معلومات.. وأرحب بمن يزيدني هنا ويفيد إخوانه وأخواته..

[عبيد الله]

أولاً: الكشف الطبيّ

الإمارات من الدول القليلة التي تشترطُ إجراء الكشف الطبي على أراضيها هنا لجميع الراغبين في العمل في إماراتها السبع.. علاوة على أنها هي الدولة الخليجية الوحيدة التي [كانت] لا تفحص الفيروسات الكبدية..

لمّا جئتُ إلى هذه الدولة الجميلة منذ عامين تقريبًا لأول مرة كان الكشف الطبي يتم في أكثر من مستشفى معتمد من وزارة الصحة.. وكان الكشف يركز على شيئين أساسيين:

- الإيدز (بالطبع يشمل فيروس اتش آي في)

- الصدر (أمراض محددة تكون في الصدر)

لكن لمّا ذهبت يوم الخميس الماضي وجدت تغيرًا جذريًا حدث.. وهو السبب الرئيس الذي دفعني لكتابة هذا الموضوع.. وها هي التفاصيل:

- قصر إجراء الكشف الطبي على مركز الطب الوقائي فقط.. وإلغاء إجراءه في أي مكان آخر..

- الكشف الطبي يشمل الإيدز والصدر، والمفاجأة هي: فحص فيروس سي وفيروس بي الكبدي..

وقد قررت وزارة الصحة الإماراتية ما يلي:

1- إجراء فحص التهاب الكبد الفيروسي الوبائي للوافدين إلى الإمارات للعمل أو الدراسة أو الإقامة، وتشمل إجراء فحص التهاب الكبد الفيروسي الوبائي على جميع الوافدين الجدد..

2- أما عند تجديد الإقامة، فيقتصر الفحص على مربيات الأطفال وخدم المنازل ومشرفات الحضانات ورياض الأطفال والعاملين في صالونات الحلاقة والتجميل والنوادي الصحية، والعاملين بالأغذية، وتشمل الطباخين والجزارين والعاملين بالمطاعم..

لذلك أرجو من كل مسافر جديد إلى الإمارات أن يكشف في مصر أولاً.. ويطمأن على نفسه ابتداءً.. ذلك يا إخوان – بارك الله فيكم – سيوفر عليكم التعب والسفر والمجهود والمصاريف الكثيرة.. بل والتعب النفسي.. إذا قدّر الله ولم تكمل إجراءات العمل في بالإمارات..

أنا ركزت على هذه النقطة الذات لأن أكثر من 20% من الشعب المصري مصاب بفيروسات كبدية.. وعند أغلبهم انطباع أن الإمارات حتى الآن لا تفحص تلك الفيروسات..

شفى الله مرضى المسلمين جميعًا.. آمين

[عبيد الله]

ثانياً: معادلة الشهادة الجامعية..

لا يُشترط معادلة الشهادات الجامعية إلا في ظروفٍ محددة، وعند التقديم لوظائف بعينها..

وفي حالة طلب معادلة الشهادة لوظيفة معينة، فإن هذا الأمر ينطبق على جميع الجنسيات.. وقد رأيت هذا بعيني لما ذهبت إلى وزارة التعليم العالي..

الأوراق المطلوبة:

- شهادة جامعية موثقة ومعتمدة (يتم التأكد منها عبر المكتب الثقافي المصري في أبوظبي، الذي سيقوم بدوره بمراسلة الكلية التي تخرجت منها للتأكد من قيدك في الكلية.. وأصلية شهادتك.. الخ)

- خطاب مغلق تستلمه من المكتب الثقافي ولا تفتحه.. تعطيه كما هو إلى الموظف الإماراتي في وزارة التعليم العالي.. هذا الخطاب في الغالب يحتوي على تأكيد مستلم من كليتك بالفاكس أنك كنت طالب لديهم وتخرجت بالفعل عام كذا وتقديرك كذا..

- بيان بدرجات الأربع سنين في الجامعة، أو الخمس سنوات كما هو الحال في كليتي.. (يعني تقدير كل عام بتفاصيله.. شامل درجات جميع المواد..)

- شهادة الثانوية العامة أو الأزهرية الأصل.. يعني كما استلمتها من المدرسة بعد أن نجحت في الثانوية.. نعم لا تتعجب.. هي مطلوبة هنا بالأصل وليس صورتها..

- جواز السفر وصورة عنه..

- الإقامة صورة عنها..

- صور شخصية.. لا أتذكر كم بالضبط.. لكن ربما 2 فقط..

- رسوم بسيطة..

- ملء طلب إليكتروني هناك.. وهذه أول خطوة ستفعلها في الصباح.. ستجلس في الاستقبال وتملئ بيانات دراساتك منذ أن كان عمرك 6 سنوات.. متى أنهيت الابتدائية.. والإعدادية.. والثانوية.. والجامعة..

بعدها بيومين تقريبًا ستستلم شهادة المعادلة من وزارة التعليم العالي الإماراتية..

ذلك نصيحتي لكل شاب جامعي قادم إلى هنا أن يأتي الأوراق المذكورة أعلاه معه بالمرة.. ربما يحتاجها.. وربما يسكن في قرية أو مدينة بعدية عن جامتعه.. وأهله لا يعرفون كيف سيتصرفون.. فالأولى افعل كل شيء بنفسك قبل السفر..

أرجو أن أكون قد أفدتكم.. من لديه مزيد من المعلومات فليتفضل بإضافتها مشكورًا.. :lol:

بارك الله فيكم – إخوتي – وأصلح بالكم..

[عماد حمدي]

شكرا ً يا زعيم وربنا يباركلك ع المعلومات المهمة دي

فعلا ً موضوع الكشف الطبي لفيروس بي وسي سبب زعّر للمصريين الموجودين بالإمارات خاصة لما جم يجددوا الإقامة ..

ربنا يعافينا ويعافيكم جميعا ً من كل سوء إن شاء الله ,,

شكرا ً مرة تانية ,,

اخوك

عماد

[لماضة مصرية جدا]

السلام عليكم و رحمة الله و بركاته

استاذنا الفاضل جزاك الله كل خير و جعله في ميزان حسناتك

و الله موضوع معادلة الشهادات لما قريت اللي حضرتك كتبه في خطوات واضحة بسيطة و حسيت اني هعيط لان الموضوع مكلكع معايا شوية.

يا ريت فعلا كل اللي جاي للامارات يجيب معاه ملف فيه كل الورق اللي ممكن يحتاجه او مش يحتاجه....يعني انا شهادة بيان الدرجات جبتها بس مش موثقة و هضطر اوثقها من الخارجية و السفارة الاماراتية

و الثانوية العامة بتاعتي من السعودية....و دي حكاية لوحدها...الحمد لله علي كل حال كده هلف علي شوية سفارات كده و احاول اقطع علاقات مصر باي واحدة منهم ربنا يعني... :)

سؤالي استاذي

بفكر اعمل تجديد لتصريح العمل من هنا لان في مصر الحقيقة بيبقي صعب اوي

ايه الورق المطلوب...عشان مش عايزة اخبط مشوار لغاية السفارة اللي حدفينها في اخر الدنيا ع الفاضي؟؟؟

جزاك الله كل خير

[se_ Elsyed]

بفكر اعمل تجديد لتصريح العمل من هنا لان في مصر الحقيقة بيبقي صعب اوي

ايه الورق المطلوب...عشان مش عايزة اخبط مشوار لغاية السفارة اللي حدفينها في اخر الدنيا ع الفاضي؟؟؟

هما في الأمارات بيطلبوه منكم ... ولا عشان وإنتي خارجه من مطار مصر ؟

لو عشان وأنتي خارجه ... يبقى كل سنة وإنتي طيبة ... الموضوع ده أتلغى في مصر من زمان بس مكسوفين يقولوا عشان الساعة بخمسة جنيه والحسابة بتحسب والناس بتدفع

أنا بقى لي 7 سنين الحمد لله ماحدش قال لي إنت فين ولا معاك تصريح عمل ولا تسريح شعرك حتى ... وكذلك الناس اللي أعرفهم بأقول لهم كده والامور ماشية حلاوه معاهم ..

وأحقاقاً للحق ... نزلت السنة دي 3 مرات ... مره واحده فقط ظابط في الصالة رقم 3 صحي من النوم وقال لي فين تصريح العمل ؟ فقلت له ما معييش ... فقال لي لأ خلى بالك أعمله المره الجايه يا وِحش .. وخد أمضي الأقرار ده وقول وحياة الاخوة هاعمله .... :)

[لماضة مصرية جدا]

بفكر اعمل تجديد لتصريح العمل من هنا لان في مصر الحقيقة بيبقي صعب اوي

ايه الورق المطلوب...عشان مش عايزة اخبط مشوار لغاية السفارة اللي حدفينها في اخر الدنيا ع الفاضي؟؟؟

هما في الأمارات بيطلبوه منكم ... ولا عشان وإنتي خارجه من مطار مصر ؟

لو عشان وأنتي خارجه ... يبقى كل سنة وإنتي طيبة ... الموضوع ده أتلغى في مصر من زمان بس مكسوفين يقولوا عشان الساعة بخمسة جنيه والحسابة بتحسب والناس بتدفع

أنا بقى لي 7 سنين الحمد لله ماحدش قال لي إنت فين ولا معاك تصريح عمل ولا تسريح شعرك حتى ... وكذلك الناس اللي أعرفهم بأقول لهم كده والامور ماشية حلاوه معاهم ..

وأحقاقاً للحق ... نزلت السنة دي 3 مرات ... مره واحده فقط ظابط في الصالة رقم 3 صحي من النوم وقال لي فين تصريح العمل ؟ فقلت له ما معييش ... فقال لي لأ خلى بالك أعمله المره الجايه يا وِحش .. وخد أمضي الأقرار ده وقول وحياة الاخوة هاعمله .... :)

ايون يا استاذي سين سين

هو الظابط اللي في صالة 3....هو بعينه

و مضيت علي اقرار....و حسيت اني زي العيل الفاشل اللي المفروض يجيب معاه ولي امره المرة الجاية

هما هنا محدش اصلا سالني عليه

لكن عشان الخروج من مطار القاهرة العظيم.....هيبقي شكلي وحش اوي......بعد ما ودعت الفاموليا و اتشحتفنا يلاقوني راجعة و برن عليهم

يعني اعمله و لا ايه

و هو فعلا اتلغي

يا سنة سوخة اومال ايه الدفتر البني الكئيب اللي وجعوا دماغنا بيه....متزعلشي مني بقي لما اروح افضفض في موضوع "اه يا قفا"

صبااااااااااااحك اكتشافات مذهلة

[Deathangel]

بفكر اعمل تجديد لتصريح العمل من هنا لان في مصر الحقيقة بيبقي صعب اوي

ايه الورق المطلوب...عشان مش عايزة اخبط مشوار لغاية السفارة اللي حدفينها في اخر الدنيا ع الفاضي؟؟؟

هما في الأمارات بيطلبوه منكم ... ولا عشان وإنتي خارجه من مطار مصر ؟

لو عشان وأنتي خارجه ... يبقى كل سنة وإنتي طيبة ... الموضوع ده أتلغى في مصر من زمان بس مكسوفين يقولوا عشان الساعة بخمسة جنيه والحسابة بتحسب والناس بتدفع

أنا بقى لي 7 سنين الحمد لله ماحدش قال لي إنت فين ولا معاك تصريح عمل ولا تسريح شعرك حتى ... وكذلك الناس اللي أعرفهم بأقول لهم كده والامور ماشية حلاوه معاهم ..

وأحقاقاً للحق ... نزلت السنة دي 3 مرات ... مره واحده فقط ظابط في الصالة رقم 3 صحي من النوم وقال لي فين تصريح العمل ؟ فقلت له ما معييش ... فقال لي لأ خلى بالك أعمله المره الجايه يا وِحش .. وخد أمضي الأقرار ده وقول وحياة الاخوة هاعمله .... md2:

كويس انه اتلغى أنا ملقيتش حد بيسأل عليه فى المطار فعلا , بس الأغرب انهم يطلبو من واحد معدى الخمسين شهادة الجيش هههههه حصلت قدامى

[شاب]

الأخ العزيز عبيد الله أين أجد هذه المعلومات

[عبيد الله]

اذهب إلى هنا..

http://www.egyptiantalks.org/invb/?showtopic=101997

[عبيد الله]

مرحباً بجميع إخواني..

أختي مصرية جدا (سامحيني، لن أقول لماضة!)

أولاً: بالنسبة إلى شهادة بيان الدرجات.. لا تحتاج إلى توثيق من الخارجية ولا من السفارة.. فقط ختم الكلية أو الجامعة لا غير..

ثانياً: بالنسبة إلى تجديد تصريح العمل.. هذه أول مرة أسمع بها..

دخلت الآن وسألت الـ بي آر أو (موظف العلاقات العامة) عندنا في الشركة، المسؤول عن معاملات الموظفين..

قال لي: اذهب إلى أي مكتبة تصوير أوراق ستجد عندهم نموذج جاهز أملئه وقدمه.. ستدفع 400 درهم وسيجدد تصريح العمل لمدة أسبوع واحد فقط..

هذا ما قاله لي، مع أني إلى الآن لست مستوعباً لمسألة تجديد تصريح العمل..

لو عندك معلومات أخرى قوليها وأنا أسأله..

[لماضة مصرية جدا]

مرحباً بجميع إخواني..

أختي مصرية جدا (سامحيني، لن أقول لماضة!)

أولاً: بالنسبة إلى شهادة بيان الدرجات.. لا تحتاج إلى توثيق من الخارجية ولا من السفارة.. فقط ختم الكلية أو الجامعة لا غير..يا سلام يعمي هما بيشتغلوني بقي و لا ايه...طب ما هو انا اخدتهم حضرتك قالولي لازم اللفة دي....توثيق و هلمة...ايه بقي انا كده ابتدي اشم نظرية المؤامرة و لا ايه يعني!!!

ثانياً: بالنسبة إلى تجديد تصريح العمل.. هذه أول مرة أسمع بها..

دخلت الآن وسألت الـ بي آر أو (موظف العلاقات العامة) عندنا في الشركة، المسؤول عن معاملات الموظفين..

قال لي: اذهب إلى أي مكتبة تصوير أوراق ستجد عندهم نموذج جاهز أملئه وقدمه.. ستدفع 400 درهم وسيجدد تصريح العمل لمدة أسبوع واحد فقط..

هذا ما قاله لي، مع أني إلى الآن لست مستوعباً لمسألة تجديد تصريح العمل..

لو عندك معلومات أخرى قوليها وأنا أسأله..

السلام عليكم و رحمة الله و بركاته

استاذنا الفاضل

بالنسبة لموضوع الشهادات انا فعلا كنت جايبة معايا من مصر كل الشهادات بتاعتي احتياطي...بس لما جيت اعمل المعادلة هنا قالولي لازم توثقيها....بعض منهم كنت موثقاه في مصر ...بس بتاعت بيان الدرجات مش اتوثقت مفكرتش ان بني آدم هيطلبها..!!

المهم طلبوا مني اعمل زيارة للخارجية و السفارة المصرية (يكونوشي هيشوفولي وظيفة ساعي مثلا هناك....صبرني يا رب)

ان شاء الله دول هعملهم....

بالنسبة لموضوع تصريح العمل....

انتو كده خلتوني اشك في نفسي يا جماعة لاني فعلا في المطار بيحصل كده حتي مش عليا انا بس بيبقي فيه ناس قدامي....و احيانا انا بعدي عااااادي و محدش بيسالني....

المرة الوحيدة اللي اتسالت فيها....و دي عيد الاضحي اللي فات....روحت مطلعاه من الشنطة لقيته بيبصلي من فوق لتحت و بيقولي ده خلصان يا مدام.....

انا موجعتنيش كلمة يا مدام بوتاتا.... :blink: أد ما وجعني كلمة خلصان و اتفضلي روحي مكتب العقيد الفولاني و امضي ع التعهد العلاني....و بموجب التعهد ده المفروض اني اجدد تصريح العمل...لا و قالولي كمان ان تجديده هنا في السفارة اسهل من مصر

هو كده بقي....انا شكل الناس بتشتغلني.....هو انا شكلي عبيط اوي كده و لا ايه..!!!!

كده انا هتعصب.....و هتنرفز....و مش هعمل حاجة غير اني اتفضل اخبط مشوار للسفارة و نشوف اخرتها ايه و اشحطط عم احمد السواق معايا...سامحني يا راجل يا طيب

صبرني يا رب

=====================

ع جنب بقي

يا استاذي الفاضل

كلنا هنا لينا شخصيات اعتبارية....افتراضية.....و كذلك اسماؤنا

لك حرية استخدامه....بس هبقي اعرف منين ان حضرتك بتكلمني.... :blink:

....ايون ابقي حط لماضة بين قوسين علي مضض و اعصر علي نفسك لمونة...

الدنيا ابسط من كده حضرتك....معاك

المواطنة المضحوك عليها

هنا

او في مصر

ريهام....

صباااااااااح حضرتك نور من الجنة

و جزاك الله كل خير

[عبيد الله]

هذا رقم وزارة التعليم العالي معي منذ أيام استخراجي للمعادلة من هناك، أعتقد أنه شغال: 026951280 .. الأفضل للمحتار بشأن الأوراق أن يتصل بهم مباشرة والاستفسار عما يريد..

أختنا لماضة!

بالنسبة إلى بيان الدرجات .. هو لا يصدر أصلاً من قسم شؤون الطلبة في كليتك إلا وهو مختوم بختم الكلية، وعليه توقيع وكيل الكلية.. هذا الأمر بدهي.. وهو ما يحدث عادةً..

عندي اقتراح ربما يعجبك.. أو يفيد أي مصري هنا لا يستطيع السفر إلى مصر لهذا السبب:

- إذا كان لك أخ أو أخت في مصر.. اذهبي إلى السفارة واعملي توكيل له/لها باستخراج بيان درجات موثق لك من الكلية..

- وجودك في السفارة لن يزيد عن 15 دقيقة.. والرسوم: 85 درهماً..

- تعودي من السفارة مباشرة إلى أقرب مكتب بريد (اللي جنب مدينة زايد في شارع المرور، مثلاً).. وترسليه من هناك بريد مستعجل .. الرسوم تقريبا 50 درهم.. لا أتذكر بالضبط.. وأنت واقفة.. لأن مكتب المستعجل لا يدعك تتعطلي دقيقة.. تعامل فوري..

- سيصل جوابك إلى أخيك خلال 72 ساعة على الأكثر.. يستلمه ويتجه إلى الكلية.. يسلمهم التوكيل ويحصل على بيان الدرجات بعد وقت محدد.. في نفس اليوم.. بعد أيام.. (حسب نظام وزحمة و "مزاج موظفي الكلية عندك"!..)

هذا ما فعلته أنا بالضبط..

الموضوع كله ابتداءً بالسفارة.. وانتهاءً باستلامي بيان الدرجات أخذ 10 أيام تقريبا.. وأخذ هذا الوقت الطويل نسبيا لأن موظف شؤون الطلبة في كليتي له كلمه خالدة مشهورة: روح وتعالى بعد أسبوع!!

بالنسبة لتصريح العمل أنصح بالاتصال بمكتب العمل أو السفارة للاستفسار.. لن ترتاحي إلا بإجابة باتة من جهة رسمية..

[عبيد الله]

الأخ العزيز عبيد الله أين أجد هذه المعلومات

اقرأ الموضوع من أوله..

أتمنى أن تستفيد ..

لو لديك أي استفسار.. اطرحه هنا وسنجيبك عليه بقدر معرفتنا إن شاء الله..

[empireoffaith]

بالنسبة لتصريح العمل على ما أعتقد والله أعلم لو مسافر من مطار غير مطار القاهرة بيتطلب منك.

من خبرتى الشخصية اخر مرة خرجت فيها من مصر كان من مطار أسيوط وكان موظف الجوازات بيطلب من كل مسافر تصريح العمل واللى مكانش معاه أو كان منتهى كان بيخليه يطلع تصريح العمل من كشك موجود على مدخل سور المطار أينعم الموضوع سهل لكن مضيعة للوقت غير كده تصوير جواز السفر وحدة بيكلف 10 جنيهات -المطار أساسا فى الصحراء وحتة مفهاش صريخ ابن يومين يعنى مفيش حل تانى- وكان موظف الجوازات بيرفض رفض قاطع انه يخلى الناس تمضى على اقرارات لازم تروح تطلع تصريح السفر من الكشك وترجع تانى.

اسف ان كانت المداخلة برة الموضوع شوية لكن لاعلام الاخوة فى المنتدى.

[cfaried]

بالنسبة لكشف العظام فيه ولا لا

لو واحد مصمم جرافيك ممكن يلاقى فرص كويسه فى الامارات

[عبيد الله]

بالنسبة لكشف العظام فيه ولا لا

لو واحد مصمم جرافيك ممكن يلاقى فرص كويسه فى الامارات

أهلاً ومرحباً..

آسف على التأخر في الرد عليك.. شغلتني أمور الدنيا..

اطمئن، لا يوجد كشف على العظام..

الفحص الطبي يتضمن التالي:

1- الصدر

2- الفيروسات الثلاثة: الإيدز، فيروس سي الكبدي، فيروس بي الكبدي..

فيروس سي لا يتم منع المصاب به إلا إذا كان يعمل في مجال الأكل أو الحلاقة أو الطب.. أو المجالات التي تشمل التعامل مع الدم والطعام.. الخ الخ

اقرأ التفاصيل أعلاه وستطمئن إن شاء الله..

بالنسبة لوظيفتك.. لست أدري لأني أعمل في مجال مختلف تماما.. ربما أحد من إخواننا هنا يفيدك..

[Deathangel]

بالنسبة لكشف العظام فيه ولا لا

لو واحد مصمم جرافيك ممكن يلاقى فرص كويسه فى الامارات

انا مصمم جرافيك بس فى السعودية , للأسف معرفش حاجة عن الإمارات

[Guest البلتاجي]

لو عامل ثقب ف القلب من ١٨ سنه ودلوقتي سليم تماماا ومكان الفتح ظاهر في صدري هيبقي ف مشكله ؟

ل