ما رأيك في جواز علي من إنجي في فيلم رد قلبي؟

[فــيــروز]

أستاذه / أغابى

أنا لم أفترض أن كلّ أغنياء "مصر" قبل الثروه كانوا لصوص .. معظم حديثى كان على الأمراء و من ينحدرون من الأسره المالكه أو يمتّون لها بصلات ربّما تكون قد جعلتهم يحصلون على ما ليس من حقّهم .. و الحال كذلك فليس لهؤلاء ولا لأحفادهم التباهى بأصول قامت أصلا على غير استحقاق و من غير ثروات محدّش تعب فيها بل كانت هبات و عطايا من "مولاهم" لرضاه عنهم ..

فى اعتقادى الشخصى أن العصاميين من الأثرياء و من حققوا ثرواتهم بكدّهم و كفاحهم لن تكون لديهم النظره الطبقيه المستعليه التى كانت لدى الأمير أبو "إنجى" تجاه الأقل منهم ماديا و اجتماعيا ببساطه لأنّهم صعدوا السلّم الاجتماعى بكفاحهم و هيكون متناقض شويه أن يشمئزوا من ناس ربّما تكون طبقاتهم الاجتماعيه مماثله لما كان عليهم أجدادهم قبل أن يصبحوا أثرياء .. ده اعتقادى و قد يكون خطأ

مرّه أخرى أنا لا أعتمد الأفلام مصدر للمعلومات إلاّ فى نطاق ضيق و فى أمور بعينها .. و إن كنت أرى أن البعض يعتمدها حين يريد التأكيد على جمال الصوره قبل الثوره و يرفض فى ذات الوقت الاعتماد على نفس المصدر "السينما" لتأكيد العكس !! حتى الآن تبدو السينما هى مصدر المعلومات الوحيد رغم إنّى أبديت إعجابى بكتابات تاريخيه و حاجات درسناها فى التاريخ مالهاش علاقه بالثوره و شموليتها !!

قد يعتقد البعض أنّى ناصريه و الحق أنّى لستُ كذلك .. كل ما أرجوه فى أى نقاش أن نحيط بالصوره بأكملها و أن تكون أحكامنا مبنيه بشكل موضوعى و ليس انتقائى أو لقناعات شخصيه قد لا تكون ماسّه بجميع المشاركين

تحيّاتى

[doha]

عن نفسي ورغم ان مليش في الثور ولا في الطحين ولا بفهم في البرتقال ولا اعرف سين التاجر الا اني متاكده انه تاجر ممتاز وكان بيعامل الحديقة كويس جدا لاني شايفه خرجت من تحت ايده ازاي واصحابها استلموها منه ازاي .. ومقارنة بالوضع الي ( بيحكوا ) عنه من انتاج للحديقة في عهد سين فانا متاكده ان الوضع كان كويس وان كل الاشاعات الي بتتقال دي مصدرها ص نفسه الي بيحاول يداري خيبته فبيجيبها في غيره

صباح النور :blink:

الحقيقه أنا احترت فى كلمة "شايفه" .. هل هى تعبر عن حضور فعلى لهذه المرحله الزمنيه و من ثمّ "شايفه" مقصود بها الحضور الفعلى للموقف !! لأن ظنّى أن سِنّك غالبا ليس كبيرا لدرجة حضور هذه المرحله الزمنيه من تاريخ "مصر" و من ثمّ الشوف هنا مجازى من خلال حكايات المعارف أو كتب التاريخ أو أفلام السينما أو مصادر مشابهه ليس من ضمنها الحضور الفعلى .. فهل يمكن توضيح الموقف حتى أستطيع التعليق فى الاتجاه الصحيح؟

:blink:

منا قلت لك يافيروز في الاول ان نتيجه عمل التاجر مبتبانش في ساعتها ولازم ننتظر سنتين على مانعرف سمد كويس ولا ( طلسق ) .. لازم ننتظر على مانقدر ( نشوف ) تم في الجنينه ايه

المشكلة ان الي بيسرق في الاسمده والادوية الخاصه بالجنينة مش بس بيقلل محصوله وانما مبتبانش اوي للاسف غير في محصول السنين الي بعد كده .. لما بيلاقوا الجنينة عماله تضعف سنة بعد سنة بيعرفوا انه كان بيسرق .. وبرضه الضعف ده يافيروز مبيجيش مرة وحده وممكن ميكونش ملحوظ من اول سنة لكن مع تتالي السنين واستمرار الاهمال الحكايه بتبقى باينه اوي وفي ناس للاسف اضطرت ( تخلع) شجر جناينها لمثل هذه الاسباب بعد مابقى خلاص معادش ينفع اصلاح

نرجع لسؤالك ان كنت ( شفت ) استلموا منه الارض ازاي ولا مشفتش

ايوه شفت يافيروز ..

والدي ووالدتي تعلموا في مدارس حكوميه وجامعات حكوميه وطلعوا لقيوا شغل عادي في بلدهم ومسكوا فيه مناصب ورجعوا تاني سافروا بره ( وكانوا بيتخطفوا خطف )وبشروط عمل ميسره جدا من اجازات سنوية لتذاكر لسفر لتعليم مجاني للابناء لكذا لكذا

النهرده الوضع ايه ؟

لو هقطع من لحمي الحي مش هدخل بنتي مدرسة حكومي لاني مش مستغنية عنها

وللاسف مفيش شغل في مصر

ولو فكرت اشتغل برا حلني بقى على ماحد يرضى يشغلني وبظروف مايعلم بيها الا ربنا واظن المنتدى مليان تجارب عن اتفاقات وصفها الحقيقي صكوك عبوديه مش عقود عمل

باين جدا يافيروز مصر والمصريين كانوا زمان ايه والنهرده بقوا ايه

هم زمان ايام عبد الناصر والسادات كانوا كويسين لان الجنينه كانت لسه باقي فيها شويه من تسميد الي قبلهم

استمر الانحدار مع استمرار الاهمال مع استمرار السرقة لما وصلنا للحال الي للاسف يبدوا اننا على وشك اعلان الافلاس

مش هقول ان عصر الباشاوات كان العصر الذهبي وان مصر مكانتش منهوبه وقتها وان ماكنش في مشاكل .. لاه اكيد كان في

واكيد كان الوضع زي ماهو دلوقت في اماكن معينة مينفعش يدخلها غير طبقات معينة واكيد برضه كل واحد كان عارف قيمته في ذلك الوقت فميقدرش يتعداها

كل ده كان موجود وقتها اكيد زي ماهو موجود دلوقت

لكن تعرفي ايه الميزه بقى الي كانت وقتها وحاليا مفقوده ؟ ان زمان كان ممكن جدا لاي واحد من طبقة تحت ( يحلم ) يبقى فوق او ان ابناءه ممكن يحصلوا على الي محصلش هو عليه .. متقوليش عرفتي منين وانتي معشتيش لان عبد الناصر نفسه وحسني مبارك والسادات وكل المشاهير دول كلهم جايين منين اصلا ؟ بل وحتى في مجالات تانية زي طه حسين ولا غيره من ابناء الفلاحين والبسطاء بل والمعدمين الي قدروا يشقوا طريقهم ويعملوا من نفسهم شيء .. هل تقدري تقولي ان اي واحد فينا عنده نفس الفرصة دي دلوقت ؟ اشك

على كل حال ولو محمد علي ومن اتى بعده كان بيسرق مصر او بيستعبد المصريين فهو في النهاية ترك لهم تركه مكانه وفلوس وعزه وكرامه وسط دول العالم كله ..

ده الي الناس كلها شافته وحكت عنه وده الي لحق جيلنا منه ( تناتيف ) قبل مالمولد يشطب ..

معليش بقى لو انحرف الموضوع عن مساره بس اعتقد انه انحراف يخدم القاريء باكثر مما لو بقي الموضوع في مساره الاصلي فمفيش منه مشكلة بناء على ذلك ..

بعتذر لو كلامي ده مش صحيح ..

[فــيــروز]

عزيزتى ضحا

طيب و هو من الذى أنكر إنّه كان فيه تعليم جيّد فى "مصر" قبل الثوره؟ لكن يا ترى كان متاح لنسبة أد إيه من البشر !!

يعنى زى ما كان فيه ناس بتتعلّم كويّس كان فيه مشروع اسمه مشروع القرش كان الغرض منه أن يتبرّع المواطن بمبلغ قرش من أجل شراء أحذيه للمعدمين اللىّ كان بيظهر لهم فى أقدامهم طبقات من الجلد السميك مثل الحراشف من طول الحفاء .. دول كانوا موجودين و دول كانوا موجودين .. و زى ما كان فيه عبقرى زى "طه حسين" كان فيه نموذج مقابل هو "خليل حسن خليل" اللىّ اتكلّم عن "الوسيّه" و ما كان يجرى فيها و كيف أتيح له فرصة الالتحاق بالجامعه بعد ما كانت سراب .. كانت سراب و ليست حُلما يمكن أن يحلمه أى شخص و يحققه .. حتى "جمال عبد الناصر" لم يكن ليلتحق بالحربيه لولا واسطه من باشا من باشوات ما قبل الثوره .. موقف جميل من الباشا يُشكَر عليه طبعا بس بيقول إن موضوع إن ى حد يقدر يحلم و يحقق حلمه لم يكن هو الواقع ..

أنا أيضا أهلى عاشوا مرحلة ما قبل و ما بعد الثوره .. و من خلال شهادتهم إنّه لولا مجّانية التعليم ما استطاع جدّى أن يلحق أبناءه الخمسه بالتعليم .. و الهدف من ذِكر هذا ليس الحديث عن مساوئ او مزايا المجّانيه لكن فقط التدليل على أن التعليم لم يكن متاحا بهذه السهوله لشريحه كبيره من المجتمع .. و إذا كان التعليم فى هذا الوقت هو السبيل الوحيد للترقّى الاجتماعى يبقى معظم الناس كانت هتفضل محلّك سِرّ بدون أمل -مشروع- فى الترقّى الاجتماعى ..

أنا بصراحه لا أتّفق إطلاقا مع فكرة "كل واحد كان عارف قيمته في ذلك الوقت فميقدرش يتعداها" .. ولا أعرف وقتها كيف كانت "قيمة" أى واحد تُحسَب كى لا يتعدّاها ..

أمّا فيما يتعلّق بما تركه "محمد على" فهو فى الحقيقه لا يستحق المقابل الباهظ جدّا الذى دفعه المصريون خاصة و موضوع كرامة المصريين و عزّتهم عمره ما كان فى باله ولا فى حسبانه بل كان طول الوقت يتعامل معهم باعتبارهم الفلاّحين الأقل منه و من عائلته شأنا .. التركه حاجه كده حصلت بالصدفه يعنى أو هذا ما تبقّى من الوليمه كلّها .. و التركه كان جزء كبير منها ديون اذا لم تخُنّى الذاكره ..

تحيّاتى ..

تم تعديل 11 مايو 2010 بواسطة فــيــروز

[doha]

أمّا فيما يتعلّق بما تركه "محمد على" فهو فى الحقيقه لا يستحق المقابل الباهظ جدّا الذى دفعه المصريون خاصة و موضوع كرامة المصريين و عزّتهم عمره ما كان فى باله ولا فى حسبانه بل كان طول الوقت يتعامل معهم باعتبارهم الفلاّحين الأقل منه و من عائلته شأنا .. التركه حاجه كده حصلت بالصدفه يعنى أو هذا ما تبقّى من الوليمه كلّها .. و التركه كان جزء كبير منها ديون اذا لم تخُنّى الذاكره ..

مش احنا اتفقنا يافيروز ان الواحد يقول ( الي شافه ) فهل انتي شفتي فعلا تعالي محمد علي على الفلاحين وشفتي كرامتهم المهدره امامه ولا ده كلام نقل الينا من آلة الاعلام المصري من بداية الثورة وحتى الآن ؟

لاني لا اثق بما نقل فاعتمدت في تقييم الوضع على نتائجه الي لحقت وشفتها بعيني والي زي ماقلت لك مشفتش فيها اي مؤشرات تدل ان فعلا كان في ظلم وذل للمصريين في ذلك الوقت طاغي بما يكفي للحكم على العصر ده بانه كان غلط .. انتي بقى حكمتي على اي اساس ؟؟

ملاحظة : مستمتعه بالحوار معاكي ..و برغم اختلافنا في وجهة النظر الا اني بحترم تماما وجهة نظرك بل ونفسي تنجحي في اقناعي بتبنيها

[فــيــروز]

مش احنا اتفقنا يافيروز ان الواحد يقول ( الي شافه ) فهل انتي شفتي فعلا تعالي محمد علي على الفلاحين وشفتي كرامتهم المهدره امامه ولا ده كلام نقل الينا من آلة الاعلام المصري من بداية الثورة وحتى الآن ؟

لاني لا اثق بما نقل فاعتمدت في تقييم الوضع على نتائجه الي لحقت وشفتها بعيني والي زي ماقلت لك مشفتش فيها اي مؤشرات تدل ان فعلا كان في ظلم وذل للمصريين في ذلك الوقت طاغي بما يكفي للحكم على العصر ده بانه كان غلط .. انتي بقى حكمتي على اي اساس ؟؟

ملاحظة : مستمتعه بالحوار معاكي ..و برغم اختلافنا في وجهة النظر الا اني بحترم تماما وجهة نظرك بل ونفسي تنجحي في اقناعي بتبنيها

الحقيقه إنّى شايفه إن حتى الآن مفيش حد شاف حاجه بنفسه

أمّا عن مصدر معلوماتى فصدّقينى ليس إعلامى إطلاقا .. أحدث مصدر هو رواية "ملحمة السراسوه" التى تحكى سيرة أسره مصريه عاشت من قبل عصر "محمد على" و أحد أحفادها -كاتب الروايه-يحكى تاريخهم معه و مع وُلاته .. لكن ما أستغرب له حقّا هو فكرة المؤشرات و ربطها بالنتائج .. يعنى أنا أتساءل ما هى طبيعة المؤشرات المقبوله فى رأيك على حال الشعب المصرى وقت حُكم "محمد على" إذا استبعدنا كتابات المؤرّخين الذين عاصروا هذه الفترات؟ أصل لو كانت كتابات هؤلاء المؤرّخين غير مقنعه و إذا كان أحد منّا لم يعاصر هذه الحقب الزمنيه يبقى هنقدر نعرف إزّاى !!

تحياتى .. و استمتاع متبادل

ملحوظه : مش عارفه هل وقوع قناة السويس تحت احتكار "فرنسا" يمكن اعتباره مؤشّرا على شكل الحكم أم لا .. هل منح الأجانب الامتيازات المعروفه يمكن اعتباره مؤشّرا ولاّ ده كلام مفيش عليه شهود حاليا !! حقيقى أنا باحاول أفكّر فى موضوع المؤشّرات ده بس محتاجه مساعدتك فى التوضيح

[doha]

المؤشرات ياعزيزتي فيروز هي مخرجات النظام

زمان النظام اخرج لنا رموز الفكر والادب بل والاقتصاد والسياسة في العالم العربي كله .. المصري كان جنيه ذهب تحطيه في اي حته يقبل وينصرف

بينما مخرجات الفترة التالية كلنا عارفينها وكلنا بنعاني من تبعاتها لحد الآن ومازلنا هنعاني

يبقى كان نظام كويس ولا مكانش ؟

على كل حال وعشان اكون اكثر انصافا انا سألت والدي عن رايه في فترة حكم الملك كونه عاصرها الى حد ما .. هو قالي بان ميقدرش يحكم تماما لان الشعب وقتها كان في حالة صدام مستمر مع النظام الحاكم وكان دائما في اضطرابات ومظاهرات وبيقول برضه انه ميقدرش يجزم ان الي كان بيحصل ده طبيعي ولا كان في دخل للاحتلال في تغذية المشاكل مابين الملك والشعب لان مصر وقتها كانت محتلة

لسه برضه محصلتش منه على معلومات كافية دي كانت كلمات متبادلة على السريع لكن اوعدك لما ارجع مصر باذن الله هقعد مع والد زوجي واعتقد عنده كلام اكتر يقوله خاصه وهو عاصر فترة الملك كويس واظن يقدر يقولي رايه فيها

ملاحظه : ياريت كل واحد فينا يسال حد من كبار العائلة رايه في فترة حكم الملك ايه .. بلاش نسأل عن السياسة الخارجية نركز في حته وحده .. انت كمصري كنت عايش وقتها ياترى كنت حاسس بالاضطهاد ؟ حاسس بالذل والهوان عشان البهوات الي حاكمينك ؟

[فــيــروز]

المؤشرات ياعزيزتي فيروز هي مخرجات النظام

زمان النظام اخرج لنا رموز الفكر والادب بل والاقتصاد والسياسة في العالم العربي كله .. المصري كان جنيه ذهب تحطيه في اي حته يقبل وينصرف

بينما مخرجات الفترة التالية كلنا عارفينها وكلنا بنعاني من تبعاتها لحد الآن ومازلنا هنعاني

يبقى كان نظام كويس ولا مكانش ؟

ممممممم

يبقى إحنا كده غالبا لن نتفق ..

لأن كما أفهم من هذه الفقره إن حُكمنا على المؤشرات مختلف ..

قد أهتمّ بالمخرجات لكن يهمّنى جدّا أعرف وصلنا لها إزّاى و بأى تكلفه وهل كانت تكلفه مستحقه و عادله ..

و يهمّنى إنّه زى ما يكون فيه رموز و علامات يكون الحد الأدنى من الأشياء متوفّر لعدد كبير من الناس حتى لو لم يصبحوا رموزا و أظن إن ده اللىّ بيحصل حاليا مع المهاجرين .. و هُمّا بيهاجروا محدّش بيتوقع منهم ولا بيطلب يكونوا فلتات .. الهجره عند كثيرين منهم هدفها تحقيق هذا الحد الأدنى من الأشياء و بعدها من يصبح نابغه يبقى هو و شطارته بس يكونوا الباقين عاشوا صحّ ..

يعنى ممكن أفترض -وقد أكون مخطئه- أن الأهم بالنسبة لك هو الكيف بينما أنا أضع الكمّ كذلك على قدم المساواه مع الكيف ..

[doha]

ممممممم

يبقى إحنا كده غالبا لن نتفق ..

لأن كما أفهم من هذه الفقره إن حُكمنا على المؤشرات مختلف ..

قد أهتمّ بالمخرجات لكن يهمّنى جدّا أعرف وصلنا لها إزّاى و بأى تكلفه وهل كانت تكلفه مستحقه و عادله ..

و يهمّنى إنّه زى ما يكون فيه رموز و علامات يكون الحد الأدنى من الأشياء متوفّر لعدد كبير من الناس حتى لو لم يصبحوا رموزا و أظن إن ده اللىّ بيحصل حاليا مع المهاجرين .. و هُمّا بيهاجروا محدّش بيتوقع منهم ولا بيطلب يكونوا فلتات .. الهجره عند كثيرين منهم هدفها تحقيق هذا الحد الأدنى من الأشياء و بعدها من يصبح نابغه يبقى هو و شطارته بس يكونوا الباقين عاشوا صحّ ..

يعنى ممكن أفترض -وقد أكون مخطئه- أن الأهم بالنسبة لك هو الكيف بينما أنا أضع الكمّ كذلك على قدم المساواه مع الكيف ..

مش مسألة كم ولا كيف

كلنا متفقين ان عشان نعرف نحكم على فترة ما فمن ضمن اساليب الحصول على حكم سليم اننا نعمل زي مابتقولي كده ومنكتفيش بالنتائج وانما نشوف ( دفعنا ايه ) كثمن للوصول اليها

كلام سليم مفيش خلاف عليه

لكن المشكلة ياعزيزتي ان هنشوف الي اندفع ازاي واحنا معشناش العصر ده وكل الي وصلنا منه كلام يحتمل التهويل او المبالغه باكثر مايحتمل الانصاف

كان في ناس لها مصالح وعظمى كمان في اخفاء الحقيقة وبناء عليه فمن غير الحكمه الاعتماد على ( قالوا) فقط لمعرفة حقيقة ماحدث

وطالما مفيش مصداقية ومفيش شفافية فمش قدامنا غير نحاول نحلل الوضع الي كنا فيه ( وعاصرناه ) ونشوف بالعقل كده ياترى لو ان الظروف كانت وحشه اوي والصورة سوده كده والنظام فاسد خالص زي مابيقولوا هل كان ممكن تكون دي مخرجاته ؟

ايوه في ناس نبغت في ذلك العصر وبالمقابل في فقر كان منتشر زي مابيقولوا .. لكن وعشان نعرف مين فيهم الي كان طاغي على الآخر ومين فيهم الي كان سمة العصر نبص لمكانة وسمعة مصر ( خارج ) نطاق مصر .. ياترى كنا معروفين اننا بلد الحفاة العراة ذوي ( الحراشيف ) ولا كان معروف ان مصر بلد العلم والادب والاقتصاد والسياسة والفن ؟

فكري في الحته الاخيرة دي .. ونتابع

[فــيــروز]

مش مسألة كم ولا كيف

كلنا متفقين ان عشان نعرف نحكم على فترة ما فمن ضمن اساليب الحصول على حكم سليم اننا نعمل زي مابتقولي كده ومنكتفيش بالنتائج وانما نشوف ( دفعنا ايه ) كثمن للوصول اليها

كلام سليم مفيش خلاف عليه

لكن المشكلة ياعزيزتي ان هنشوف الي اندفع ازاي واحنا معشناش العصر ده وكل الي وصلنا منه كلام يحتمل التهويل او المبالغه باكثر مايحتمل الانصاف

كان في ناس لها مصالح وعظمى كمان في اخفاء الحقيقة وبناء عليه فمن غير الحكمه الاعتماد على ( قالوا) فقط لمعرفة حقيقة ماحدث

وطالما مفيش مصداقية ومفيش شفافية فمش قدامنا غير نحاول نحلل الوضع الي كنا فيه ( وعاصرناه ) ونشوف بالعقل كده ياترى لو ان الظروف كانت وحشه اوي والصورة سوده كده والنظام فاسد خالص زي مابيقولوا هل كان ممكن تكون دي مخرجاته ؟

ايوه في ناس نبغت في ذلك العصر وبالمقابل في فقر كان منتشر زي مابيقولوا .. لكن وعشان نعرف مين فيهم الي كان طاغي على الآخر ومين فيهم الي كان سمة العصر نبص لمكانة وسمعة مصر ( خارج ) نطاق مصر .. ياترى كنا معروفين اننا بلد الحفاة العراة ذوي ( الحراشيف ) ولا كان معروف ان مصر بلد العلم والادب والاقتصاد والسياسة والفن ؟

فكري في الحته الاخيرة دي .. ونتابع

بس الحقيقه المنطق ده يشكك فى كل حاجه عرفناها -أو آمنّا بها- عن طريق التواتر أو ما وصل إلينا ممّن سبقونا .. و ده منطق خطييييييييير جدّا :blush2: .. كما أنّه ليس من العدل افتراض عدم المصداقيه فيه كده خبط لزق خاصة و إنّه مفيش ما يدعو المؤرّخين لأن يُجمِعوا على سلبيه أو سلبيات معيّنه يعنى و التشكيك فيهم يحتاج لما هو أكثر من "كان فيه ناس لها مصالح لإخفاء الحقيقه" !! ناس مين دول و أى مصلحه فى إخفائهم للحقيقه !! .. و يبقى بنفس المنطق ما الذى يدعون للتصديق فى فكرة حُسن سُمعة "مصر" فى أى وقت من الأوقات محلّ النقاش و هى كمان مجرّد "قالوا" و "سمعنا" !!

الغريب كذلك فكرة سُمعة "مصر" خارجها !! أوّلا محتاجين نحدّد الفتره الزمنيه محل النقاش عشان نسأل هى "مصر" كبلد كان لها سُمعه فى هذه الحقبه ولاّ كانت مجرّد دوله من دول الخلافه العثمانيه و واليها عاوز يستقلّ بيها عشان طموحاته ..

ثانيا كيف يمكن أن نكتفى بأن سُمعة بلد ما ربّما كانت خارجها جيّده فى زمن ما فى وقت كانت الناس بداخلها بتعانى !! على كده يبقى عصر "عبد الناصر" زى الفُلّ لأن سُمعة "مصر" و مكانتها خلاله كانت فى السما السابعه !! و أرجع و أقول الموضوع -بالنسبة لى- ليس أبدا مجرّد شكليات برّاقه و سُمعه فى الخارج أد ما هو أحوال و أوضاع الناس كانت عايشاها و مؤرّخين على مرّ العصور نقلوها من غير دليل أو سبب واضح على لجوئهم للتزوير أو التدليس

[doha]

ثانيا كيف يمكن أن نكتفى بأن سُمعة بلد ما ربّما كانت خارجها جيّده فى زمن ما فى وقت كانت الناس بداخلها بتعانى !! على كده يبقى عصر "عبد الناصر" زى الفُلّ لأن سُمعة "مصر" و مكانتها خلاله كانت فى السما السابعه !! و أرجع و أقول الموضوع -بالنسبة لى- ليس أبدا مجرّد شكليات برّاقه و سُمعه فى الخارج أد ما هو أحوال و أوضاع الناس كانت عايشاها و مؤرّخين على مرّ العصور نقلوها من غير دليل أو سبب واضح على لجوئهم للتزوير أو التدليس

لا ياسيدتي الفاضلة

عصر عبد الناصر كان زي الفل من حيث السمعه لان التسميد من التاجر الي قبله هو الي كان زي الفل .. عبد الناصر كان بيحصد ثمار مزروعه من قبل كده والسادات حصل مازرعه ناصر ومبارك حصد مازرعه السادات في بداية حكمه ثم اصبح يزرع ويحصد مايزرعه بنفسه وللاسف العشرة خمستاشر سنة الجايين لسه هنحصد من زرع مبارك نفسه حتى لو مكانش مبارك موجود عشان ( ياكل معانا )

[MZohairy]

هو ايه اللي دخل عبد الناصر و السادات في موضوع انجي و علي؟ :blush2:

[se_ Elsyed]

مش احنا اتفقنا يافيروز ان الواحد يقول ( الي شافه ) فهل انتي شفتي فعلا تعالي محمد علي على الفلاحين وشفتي كرامتهم المهدره امامه ولا ده كلام نقل الينا من آلة الاعلام المصري من بداية الثورة وحتى الآن ؟

لاني لا اثق بما نقل فاعتمدت في تقييم الوضع على نتائجه الي لحقت وشفتها بعيني والي زي ماقلت لك مشفتش فيها اي مؤشرات تدل ان فعلا كان في ظلم وذل للمصريين في ذلك الوقت طاغي بما يكفي للحكم على العصر ده بانه كان غلط .. انتي بقى حكمتي على اي اساس ؟؟

أنتي جيتي ي ملعبي

الألة الأعلامية للثورة مالهاش أي دخل في الحكم على فترة حكم العلويين

لكن هناك مؤرخون محايدون تماماً ومن نفس الفترة زي الجبرتي على فكره وتقرأي تعرفي العجب عن تلك الفترة

[doha]

مش احنا اتفقنا يافيروز ان الواحد يقول ( الي شافه ) فهل انتي شفتي فعلا تعالي محمد علي على الفلاحين وشفتي كرامتهم المهدره امامه ولا ده كلام نقل الينا من آلة الاعلام المصري من بداية الثورة وحتى الآن ؟

لاني لا اثق بما نقل فاعتمدت في تقييم الوضع على نتائجه الي لحقت وشفتها بعيني والي زي ماقلت لك مشفتش فيها اي مؤشرات تدل ان فعلا كان في ظلم وذل للمصريين في ذلك الوقت طاغي بما يكفي للحكم على العصر ده بانه كان غلط .. انتي بقى حكمتي على اي اساس ؟؟

أنتي جيتي ي ملعبي

الألة الأعلامية للثورة مالهاش أي دخل في الحكم على فترة حكم العلويين

لكن هناك مؤرخون محايدون تماماً ومن نفس الفترة زي الجبرتي على فكره وتقرأي تعرفي العجب عن تلك الفترة

كلامك على العين والراس بس في نقطه مهمه اوي كتير مش بيقفوا عندها

هل الجبرتي ده كان له مجلس مثلا كل يوم ثلاث وحد فينا كان بيحضره وسمع من ( فم الجبرتي نفسه ) ان مصر وقتها كنا فيها كيت وكيت ؟ بلاش

هل له حلقة بتذاع الساعه 9 كل يوم على دريم وبتعاد بعدها بيوم الصبح على المحور وكلنا او معظمنا متابعينها فنقدر نقول والله الراجل بيقول كذا واحتمال كلامه يكون صح ؟

الي حصل ان الجبرتي ده ( واحد من الناس ) بيقولوا انه أرخ لمصر مظبوط .. كتب الي قاله كله عن مصر في كتب او رقاع جلد الله اعلم اصلها راح فين دلوقت .. ورجعت الكتب دي اعيد طباعتها يااما في مطابع مصرية وحط خط تحت مصرية والي كلنا عارفين الرقابة على المطابع ودور النشر عندنا وفي عهد الثورة بالذات كان شكلها ايه .. يااما مطابع لبنانية والي طوب الارض اشتكى من سرقتهم لامهات الكتب واعاده طباعتها .. بتصرف

ده غير حقيقة هامة جدا وهي ان واحد زي هيكل بقاله اكتر من سنتين تلاته ( بيأرخ ) لتاريخ مصر المعاصر على قناه الجزيرة وعمال يقول الي هو عاوز يقوله ومحدش قادر يقوله كلامك صح او كلامك غلط

وعلى راي المثل .. مااكذب من شاب كتير السفر الا شيخ مات اقرانه ..

========

الحاج المسيو كابتن طيار بحري زهيري

عبد الناصر والسادات دخلوا في الموضوع بناء على طلب انجي بذات نفسيها على اساس حكم من اهله وحكم من اهلها وانت عارف بقى ماينوب المخلص

[MZohairy]

الموضوع ببساطه ان السينيما حاولت تزيل الفوارق الاجتماعيه بين علي و انجي و تصور لنا امكانية نجاح قصة حب بين القمه و القاع

بل و ارادت تشويه كل من يعادي اتمام قصة الحب بنجاح

و ده اللي انا رفضته

الفوارق الاجتماعيه لا يمكن ان تصبح عنصر حيادي غير مؤثر

حتى و لو كان علي ربنا كرمه بقرشين حلوين

او حتى بوظيفه حلوه

سيظل الفارق الاجتماعي و النشأه عقبه مهوله بين الطرفين

بس

ده الموضوع باختصار

[se_ Elsyed]

هل الجبرتي ده كان له مجلس مثلا كل يوم ثلاث وحد فينا كان بيحضره وسمع من ( فم الجبرتي نفسه ) ان مصر وقتها كنا فيها كيت وكيت ؟ بلاش

هل له حلقة بتذاع الساعه 9 كل يوم على دريم وبتعاد بعدها بيوم الصبح على المحور وكلنا او معظمنا متابعينها فنقدر نقول والله الراجل بيقول كذا واحتمال كلامه يكون صح ؟

منطق غريب ويلغي علم كامل شامل إسمه علم التاريخ ... وبالتالي كل واحد فينا لازم يبقى عنده 1230 سنة .. عشان يعيش اكبر قدر من الأحداث ... وكمان عنده جناحات عشان يلف الدنيا ويعاصر الأحداث بنفسه من غير قيل وقال ومطابع وتزوير للتاريخ !!!!!!!!!!!!!

بأقول لك هناك مئات الكتب غير الجبرتي عن هذا العصر .... يبقى نلغي ده كله ونقول لازم أدوق وأشوف بعيني ؟؟؟؟؟

[فــيــروز]

لا ياسيدتي الفاضلة

عصر عبد الناصر كان زي الفل من حيث السمعه لان التسميد من التاجر الي قبله هو الي كان زي الفل .. عبد الناصر كان بيحصد ثمار مزروعه من قبل كده والسادات حصل مازرعه ناصر ومبارك حصد مازرعه السادات في بداية حكمه ثم اصبح يزرع ويحصد مايزرعه بنفسه وللاسف العشرة خمستاشر سنة الجايين لسه هنحصد من زرع مبارك نفسه حتى لو مكانش مبارك موجود عشان ( ياكل معانا )

لا لا لا يا سيدتى الفاضله :wub:

ى عصر "عبد الناصر" سُمعة "مصر" فى الخارج -طالما الأهم هو السُمعه فى الخارج و ليست الأوضاع فى الداخل !!- كانت فى السما بسبب اهتمامها بعلاقاتها الخارجيه مع جيرانها من العرب و الأفارقه !! وهو ما يعيبه البعض عليه رغم فشلنا فى لحفاظ على هذا الإرث .. و ليس لهذه السُمعه أى علاقه بما سبق من عهود و إلاّ تقدرى تقولى لى حاجه شُفتيها بنفسك :unsure::wub: بتتكلّم عن سُمعه حسنه ل "مصر" كبلد قبل عصر "عبد الناصر"؟

[فــيــروز]

منطق غريب ويلغي علم كامل شامل إسمه علم التاريخ ... وبالتالي كل واحد فينا لازم يبقى عنده 1230 سنة .. عشان يعيش اكبر قدر من الأحداث ... وكمان عنده جناحات عشان يلف الدنيا ويعاصر الأحداث بنفسه من غير قيل وقال ومطابع وتزوير للتاريخ !!!!!!!!!!!!!

بأقول لك هناك مئات الكتب غير الجبرتي عن هذا العصر .... يبقى نلغي ده كله ونقول لازم أدوق وأشوف بعيني ؟؟؟؟؟

هو ليس قط غريب لكنّه يحمل بعض التناقض للأسف :unsure: ..

يعنى فى الأوّل مطلوب برنامج نقدر كلّنا أو معظمنا يقدر يتابعه بنفسه

هل له حلقة بتذاع الساعه 9 كل يوم على دريم وبتعاد بعدها بيوم الصبح على المحور وكلنا او معظمنا متابعينها فنقدر نقول والله الراجل بيقول كذا واحتمال كلامه يكون صح ؟

و بعدين ثبت إن حتى لو فيه برنامج مفيش ما يمنع يكون هو كمان مزوّر و بيتقال فيه أى حاجه و محدّش عارف إيه الصحّ و إيه الغلط فيه !!

ده غير حقيقة هامة جدا وهي ان واحد زي هيكل بقاله اكتر من سنتين تلاته ( بيأرخ ) لتاريخ مصر المعاصر على قناه الجزيرة وعمال يقول الي هو عاوز يقوله ومحدش قادر يقوله كلامك صح او كلامك غلط

و عليه تكون نسبه كبيره جدّا من المداخلات مش فى الموضوع ده بس ولكن فى غيره من موضوعات غير ذات جدوى لأنّها هتناقش أو هتذكر أحداث محدّش خالص حضرها أو شافها بعينه محدّش قال له :wub:

[doha]

منطق غريب ويلغي علم كامل شامل إسمه علم التاريخ ... وبالتالي كل واحد فينا لازم يبقى عنده 1230 سنة .. عشان يعيش اكبر قدر من الأحداث ... وكمان عنده جناحات عشان يلف الدنيا ويعاصر الأحداث بنفسه من غير قيل وقال ومطابع وتزوير للتاريخ !!!!!!!!!!!!!

بأقول لك هناك مئات الكتب غير الجبرتي عن هذا العصر .... يبقى نلغي ده كله ونقول لازم أدوق وأشوف بعيني ؟؟؟؟؟

هو ليس قط غريب لكنّه يحمل بعض التناقض للأسف :unsure: ..

يعنى فى الأوّل مطلوب برنامج نقدر كلّنا أو معظمنا يقدر يتابعه بنفسه

هل له حلقة بتذاع الساعه 9 كل يوم على دريم وبتعاد بعدها بيوم الصبح على المحور وكلنا او معظمنا متابعينها فنقدر نقول والله الراجل بيقول كذا واحتمال كلامه يكون صح ؟

و بعدين ثبت إن حتى لو فيه برنامج مفيش ما يمنع يكون هو كمان مزوّر و بيتقال فيه أى حاجه و محدّش عارف إيه الصحّ و إيه الغلط فيه !!

ده غير حقيقة هامة جدا وهي ان واحد زي هيكل بقاله اكتر من سنتين تلاته ( بيأرخ ) لتاريخ مصر المعاصر على قناه الجزيرة وعمال يقول الي هو عاوز يقوله ومحدش قادر يقوله كلامك صح او كلامك غلط

و عليه تكون نسبه كبيره جدّا من المداخلات مش فى الموضوع ده بس ولكن فى غيره من موضوعات غير ذات جدوى لأنّها هتناقش أو هتذكر أحداث محدّش خالص حضرها أو شافها بعينه محدّش قال له :wub:

هو انتم مش واخدين بالكم ان دي الحقيقة ولا ايه ؟

اولا منقدرش ننسب للجبرتي اي شيء طالما مسمعناهوش بآذانا او شفناه بعينينا .. الي نقدر نعمله اننا نقول (( قيل ان الجبرتي قال .. او ينسب للجبرتي القول التالي )) لكن منقدرش ابدا نقول الجبرتي قال ونعتبر ده ثقة لاننا مسمعناهوش بنفسنا ده اولا

وثانيا لو فرضنا وسمعنا الجبرتي بآذانها الي هياكلها الدود فاحنا امام احتمالين

اما ان الجبرتي ده عالم او مفكر في اي مجال كان فنقدر هنا بثقة نقول ايوه الوضع كذا والرأي ده انا مؤمن بيه لاني سامعه بنفسي من الجبرتي الي ( من متابعتي ليه ) عارف ومتاكد ان اراءه صح وبتصيب في معظم الاوقات

او

ان الجبرتي مجرد مؤرخ او لنقل ( شاهد على العصر ) زي حكاية هيكل كده ففي الحاله دي لما ننقل عنه هنقول بيقال ان العصر الفلاني كان فيه كذا والعهده على الراوي الي هو في حالتنا الجبرتي .. وبرضه من متابعتنا ليه وشهادات من عاصروا الجبرتي في الفترات الي احنا معشناهاش معاه نقدر نحكم ان كان الراجل معتاد الصدق ولا بيقول الي على مزاجه

وبالمناسبة دي تقدروا تستنجوا موقفي من اراء هيكل على الجزيرة حيث اني عارفه راي الناس الي عاصرت هيكل في هيكل نفسه كان ايه وعارفه من متابعتي لبعض حلقاته ان كان حكمي عليه بالصدق ولا لاه

ماسبق كان استهلالا لابد منه

نرجع لموضوعنا

هل معنى كده اننا منصدقش اي حاجه فيها تاريخ طالما مشفناهاش .. بصراحه مش عارفه ارد اقول ايه بس لو هنصدق كل حاجه فيها تاريخ لمجرد انهم ( قالولوه ) فعلى عقلنا السلام ياجماعه

التاريخ يكتبه المنتصر دي حقيقة علمية معروفه

انا لا اثق الا فيما لايتعارض مع العقل او الدين وصادر من مصدر ثقة .. فيما عدا ذلك فكل شيء عندي قابل للاخذ فيه والرد

اننا نتناقش في راي فلان وعلان ممكن .. اننا نحكي ونقول قال فلان وقال علان ممكن برضه .. لكن اننا نحكم على عصر معشناهوش بعكس ماهو ظاهر لنا من نتائج ذلك العصر لمجرد ان البعض قال وحكى فاسمحوا لي مقدرش اضحك على نفسي ابدا بشيء زي كده

استنوا اخذ ساتر بعدين احدفوا براحتكم ..

[اغابي]

هو ايه اللي دخل عبد الناصر و السادات في موضوع انجي و علي؟ :unsure:

طبعا يا استاذ زوهير - اعتذر بشدة - انا ما كنش قصدى احول القصة الى قضية سياسية

لكن حضرتك اخترت فلم سياسي بحت - وبيناقش اهم مشكلة فى تلك الفترة

فلم رد قلبي - فلم سياسي - مغلف بورود حمراء وسولفان وهذه الورود هى قصة الحب بين انجى وعلى

انما فيه افلام كتير بتناقش قضية الفوراق الاجتماعية بطريقة ابسط عندك مثلا - فلم غرام الاسياد لاحمد مظهر وعمر الشريف

( حب ابن الباشا لبنت السايس ) .

وفلم خلى بالك من زوزو لسعاد حسنى ( حب ابن الباشا لبنت امها من عوالم شارع محمد على )

وكان اكتر فلم ناقش القضة دى وان اعتبرها البعض انها سياسية برضوه وبتمس مصر

فلم شارع الحب ( عبد الحليم وصباح )

وحاحضر لحضرتك لستة افلام بتناقش الموضوع داه - وان كنت اشك ان كل افلام الفترة دى بتساند فكر جمال عبد الناصر

لكن فلم رد قلبي كان واضح ان له ابعاد تانية الغرض منها مش فوارق ولا طبقات - الغرض منها تقديمه هديه لجمال عبد الناصر ... فقط

تقبل مرورى

اغابي

:wub:

[se_ Elsyed]

التاريخ يكتبه المنتصر دي حقيقة علمية معروفه

وبما إن محمد علي كان منتصر .. والمماليك كانوا منتصرين ... فالاف الكتابات التاريخية كتبت إن عصورهم من أسود العصور على الأُمه الإسلاميه كلها ... مش كده ؟

ان الجبرتي مجرد مؤرخ او لنقل ( شاهد على العصر )

يا فندم بأقول لك فيه الاف المراجع والكُتب للجبرتي وغيره .... إمشي يا جبرتي يا وحش أمشي خلاص مش عاوزين منك حاجه ........ يبقى كله دول أوباش وما بيفهموش حاجه ؟

وبعدين قالوا أبو فصاده بيعجن القشطة برجليه ... قال لهم كان بان على عرقوبه ....

شوفي الثورة لما قامت كان الإقطاع عامل إزاي ؟

بلاش الثورة والتاريخ الوحش

إنتي بتحبي المانجو الجوافه ؟

لو بتحبيهم .. عدي على منطقة إسمها إنشاص .... فيها الاف الأفدنه ... عارفه بتاعت مين ؟

كانت بتاعت الملك فاروق لوحده ... إيه كان شاريها من مصروفه ؟

بلاش دي ...

بتحبي المسلسلات .. وخصوصاً في رمضان ؟

اتفرجي على مسلسل شيخ العرب همام ... وده شخصية حقيقية على فكره وأحفاده لسه عايشين ... وكان في العصر العثماني ...

عارفه ... واحد بس وهو همام ده .. كان في الصعيد ... بيملك الصعيد كله بما فيه من المنيا لحد أسوان .... وأخد الأراضي دي من الباطن من المماليك .. وكان بيعمل عنده لوحده ما لا يقل عن 300 الف بني أدم .... وقدم أحفادة ما يُثبت من أوراق موثقه في محاكم مصر العُليا وموجود صور من تلك الوثائق دار الوثائق وفي عدة متاحف ... تخيلي ؟

إيه ده كمان خيال ووهم وتزوير ؟؟؟؟؟؟؟؟؟

------------

استنوا اخذ ساتر بعدين احدفوا براحتكم ..

لا يا ستي العفو

أنا اللي هاعمل كده :unsure: :wub: :wub: :sofa: