ما رأيك في جواز علي من إنجي في فيلم رد قلبي؟

[اغابي]

الموضوع ببساطه ان السينيما حاولت تزيل الفوارق الاجتماعيه بين علي و انجي و تصور لنا امكانية نجاح قصة حب بين القمه و القاع

بل و ارادت تشويه كل من يعادي اتمام قصة الحب بنجاح

و ده اللي انا رفضته

الفوارق الاجتماعيه لا يمكن ان تصبح عنصر حيادي غير مؤثر

حتى و لو كان علي ربنا كرمه بقرشين حلوين

او حتى بوظيفه حلوه

سيظل الفارق الاجتماعي و النشأه عقبه مهوله بين الطرفين

بس

ده الموضوع باختصار

طبعا طبعا

اهم اسبـــاب نجـــاح الــــزواج او الحــب - التكافــــؤ الاجتمـــاعى والثقافــــي والتعليمــــى

اذا وجد خلل فى اى عنصر من هذه العناصر - كتب الفشل السريع للعلاقة الزوجية

السينما لا تمس الواقع ولكن احيانا ونادرا نجد محاول السينما معالجه بعض القضايا - واكرر نادرا

اما غير ذلك فاوهام .

اغابي

:unsure:

[jasmin hamed]

اسفه يا استاذ زوهيرى انى هخرج عن الموضوع

يعنى استاذ سين سين و الاخت فيروز تحبوا تعيشوا فى مصر ديه

و لا مصر ديه

مصر كلها على بعضها ظلم التراك وداها فين و ظلم الجمهورين وداها فين

على فكره فى صوره غملتلها تحميل بس مش شايفاها

[se_ Elsyed]

جاسي هانم البيراقدار .... :lol:

أنا أحب مصر كلها على بعضها ...

مش قفص طماطم .. فيه طماطميتن حلوين وجامدين عالوش .. وييجي الف واحده مفعصين تحت

هي دي مصر يا جاسي ... أيام العلويين ... زي قفص الطماطم ده بالظبط

3 أو 4 شوارع بيتغسلوا كل يوم وزي الفل .... ويمثلوا 1 % ..

والـ 99 % الباقيين كانوا مش تحت خط الفقر .... لأ ... ده كا الخط هو اللي تحتهم ....

بأقول لحضرتك إن أغلب الفلاحين ما كانوش بيلاقوا عيش حاف ياكلوه ... وكلهم كانوا بيشتغلوا في السُخره عند أفندينا ..

عارفه الأتراك وقبلهم المماليك اللي من أصل تركماني برضوا كانوا مخترعين مبدأ او قانون إسمه إيه ؟

القانون كان إسمه " الأرض وما عليها ملك للسطان وجنوده "

كل سنة وإنتي طيبة ..

[فــيــروز]

اسفه يا استاذ زوهيرى انى هخرج عن الموضوع

يعنى استاذ سين سين و الاخت فيروز تحبوا تعيشوا فى مصر ديه

و لا مصر ديه

مصر كلها على بعضها ظلم التراك وداها فين و ظلم الجمهورين وداها فين

على فكره فى صوره غملتلها تحميل بس مش شايفاها

يا أستاذه "ياسمين" ..

"مصر" ليست فقط "القاهره" .. و أظنّ أن الصوره القديمه ليست مثلا فى ريف "مصر" أو فى أحد أحيائها الفقيره ..

محدّش أنكر إن كان فيه مظاهر جمال و رُقىّ .. بس دى كانت خاصه بما أُطلِق عليه "مجتمع النصف فى المئه" ..

ومفيش حد بيحكم بلد عشان يبقى حىّ أو بضعة أحياء فيها نضيفه بينما باقى الشعب ماشى حافى و بيشتغل بالسُخره !! و إلاّ يبقى ما أسهل أن آتى بصوره من حىّ "بيفرلى هيلز" أو "بالم هيلز" أو أى هيلز و أقول يا سلام دى "مصر" بقت جميله خالص فى عصر "مبارك" ..

عُمر الحُكم على حُقبه ما يكون من خلال صورة شارع !! الموضوع أعقد بكثير فى رأيى المتواضع

[se_ Elsyed]

مصر كلها على بعضها ظلم التراك وداها فين و ظلم الجمهورين وداها فين

ظُلم .. إنتي بتقولي ظُلم ؟؟؟؟

ده يا جاسي اللي موجود دلوقت ده يُعتبر كنافه بالقشطة .. وما يجيش واحد على مليار من اللي كان موجود ..

تخيلي حضرتك والعياذ بالله أيام المماليك أو العلويين ... تشوفي الناس قصادك بيتباعوا كالعبيد .... ويفضل عبد كده طول حياته وولاده بالتبعيه يبقوا عبيد طبعاً مش دكاترة أسنان ..

يمكن الست العبده أمرها هين .. أهي تبقى مما ملكت يمين سيدها وبتتستت وتخلف وامورها بتمشي .. ...

أما الراجل العبد فكان بتحصل له حاجات مش ظريفه وكدهو يعني ...

ده أنا باتكلم عن الاحرار .. يعني واحد حُر ... لكن طقت في دماغ مجموعة من الاوباش الأتراك إنهم يقبضوا عليه ويبيعوه ...

[فــيــروز]

يمكن الست العبده أمرها هين .. أهي تبقى مما ملكت يمين سيدها وبتتستت وتخلف وامورها بتمشي .. ...

سِت مين اللىّ بتتستت !! :blink:

طيب فى الروايه اللىّ باحكى عنها دى المأساه بدأت أصلا بجوار جدّة من الجدّات فى هذه الأُسره لمملوك أثير لدى "محمد على" .. و السِت كانت حلوه و الناس بتتحاكى عن جمالها !! و كانت أرمله و لها إبن واحد .. فالمملوك راح خبّط عليها بكل جلافه عشان يعرض عليها تأنتم معاه !! smk: كده عينى عينك و إلاّ فالويل و الثبور و عظائم و الأمور و هااااااااااه .. بنننننننننت .. -_- فما كان من أهل هذه السيده إلا أن قتلوا المملوك و هربوا بالكامل من بلدهم و تنكّروا لأصولهم و تاريخهم بل و تركوا أملاكهم عُرضه للنهب خوفا من انتقام الباشا لمملوكه الأثير ..

آل تتستت آل .. :lol:

[jasmin hamed]

مصر كلها على بعضها ظلم التراك وداها فين و ظلم الجمهورين وداها فين

ظُلم .. إنتي بتقولي ظُلم ؟؟؟؟

ده يا جاسي اللي موجود دلوقت ده يُعتبر كنافه بالقشطة .. وما يجيش واحد على مليار من اللي كان موجود ..

تخيلي حضرتك والعياذ بالله أيام المماليك أو العلويين ... تشوفي الناس قصادك بيتباعوا كالعبيد .... ويفضل عبد كده طول حياته وولاده بالتبعيه يبقوا عبيد طبعاً مش دكاترة أسنان ..

يمكن الست العبده أمرها هين .. أهي تبقى مما ملكت يمين سيدها وبتتستت وتخلف وامورها بتمشي .. ...

أما الراجل العبد فكان بتحصل له حاجات مش ظريفه وكدهو يعني ...

ده أنا باتكلم عن الاحرار .. يعني واحد حُر ... لكن طقت في دماغ مجموعة من الاوباش الأتراك إنهم يقبضوا عليه ويبيعوه ...

استاذ سى السيد

انا بعترف انى جاهله فى موضوع كتب التاريخ يعنى مش بتكلم من قراه و معرفه انما من صور و افلام و حكايات امى و ابويا

و هما ماكنوش بهوات ولا بشوات ولا جدودى كانوا بشاوات بس كانوا للامانه اعيان اصحاب اراضى مابيشتغلوش عند حد و

على فكره ماعندهمش اى ضغئين على عبد الناصر عشان محدش خد منهم حاجه و اكثرهم ناصرين كمان

و ذى ماقولتلك يمكن صورتى سطحيه و اتربيت على حكايات ايام زمان الجميله

يبقى الاعتراف بالحق فضيله لما الموضوع يكون فيه عبيد و كدهوه لا و الف لا طبعا

يعيش مبارك يا يعيش

بس بردوه جواز تامر من شوقيه باطل

[doha]

الدار امان ؟؟

smk:

كنا بنقول ايه .. ايوه

مينفعش نهائيا اننا نقول

مصر زمان كان 1 في المية من الشوارع متحضر ونظيف والباقي قرى ونجوع

ولا ينفع نقول كان ربع الشعب احرار والباقي جواري وعبيد .. متجيش الحسبة كده نهائيا ببساطه لان ده كان ( سلو ) تلك الحقبة وكان امر مقبول جدا وقتها وهو مالم يصبح عليه الآن

يعني زمان من مية ميتين سنة كانت اوروبا نفسها فيها نفس المشاكل الي بتحكوا انها كانت موجوده في مصر .. الفقر كان موجود .. الريف كان اكتر من الحضر .. حتى العبوديه كانت موجوده مفيش في كل ده اي مشاكل . .

يعني لما يجي واحد ويحكي ويقول الناس زمان كانت بتذاكر على لمبة الجاز فنفرح بنفسنا اوي ونقول متقدمين عشان عندنا النيون نبقى غلطانين ..زمان كانوا بيذاكروا على لمض الجاز والعالم كله بيذاكر عليها النهرده احنا عندنا النيون وبنولد له كهربا بالسد العالي وغيرنا بيستخدم لكده الطاقة النوويه الي منحلمش نشوفها ..

مصر ايام محمد علي كان فيها نهضة حتى اعداؤه مقدروش ينكروا وجودها كان الشعار المرفوع ان تكون مصر قطعه من اوروبا

انا مش بقول الكلام ده دفاعا عن محمد علي او عصر الباشاوات ولكن لاني برفض نهائيا نحكم على عصر معشناهوش من كلام غيرنا عليه وانما الصح اننا نقارن حقائق ملموسه عشناها بحقائق اكيده عارفين انها كانت موجوده هناك .. نقارن نتائج بنشوفها بتحصل قدام عينينا بنتائج شفناها برضه للعصر الي مكناش فيه فنقدر نستنتج بالربط مابين الاثنين حقيقة الي معشناهوش كانت ايه ..

واخيرا فمش هقول ان فترة(مابعد) محمد علي كانت فترة نور وتقدم لمصر وانما اظن الثورة قامت في فترة كانت ظروف البلد اجمالا فيها سيئة والا مكانتش الناس تقبلت قيامها

متاكده من ده بس الي متاكده منه اكتر ان ظروف قيام الثورة على سوءها الا انها تظل افضل من وضعنا الحالي الي وصلنا له بفضلها

و الـ ...

طرااااخ

.

.

.

:blink:

انا مش قلت استنوا اخذ ساتر الاول !!

:lol:

ماشي يابني آدمين ..

[مغتربة]

مش عارفه بصراحه ايه سبب التحامل الغريب على الاسره العلويه

كانت بتظلم الناس طيب ما النظام الحالى بيظلمهم اضعاف اصلا مصر طول عمرها مظلومه من حكامها من ايام الفراعنه

يعنى كل الانجازات الجليله الى عملتها الاسره العلويه لمصر متساوييش اننا ننظر بحياديه فعلا و نوزن كفتى المميزات و العيوب

لو اساس حكمهم هو الظلم المطلق زى ما فى ناس بتحاول انها تثبت

يبقى كان ليه بقى محمد على وجع دماغه بتحديث مصر و رفعتها ما كان حكم زى المماليك الى قابله كانوا بيحكوموا ظلم و اتاوات و خلاص على كده

مننساش ان المصريين هما الى طلبوا ان محمد على يكون والى عليهم

يعنى لا اخدها غصب و لا قوه

كان ليه شق الترع كان ليه الاهتمام بالتعليم كان ليه ارسال المبعوثين الى فرنسا كان ليه الاهتمام بتنوير الشعب ليه انشاء اول مدرسه للعسكريه المصريه ليه يعمل للمصريين جيش ليه و ليه و ليه

يا جماعه دا احنا حبه النور الى لسه فضلين لينا فى البلد لغايه دلوقتى نتيجه للى عمله محمد على لينا من اكتر من ميت سنه

محم\د على خدم مصر و المصريين اكتر من اى حاكم مصرى جه بعده

ليه نختزل انجازات حقيقيه و ملموسه عملتها اسره محمد على و مش محمد على بس لمصر

مفيش تجربه ملهاش اخطاء

لكل واحد بسال هو انت شفت بعينك

اظن ما فيش اكتر من الانجازات الى لسه موجوده لغايه دلوقتى علشان تشهد للفتره بنفسها

عمرنا سمعنا ايام الاسره العلويه على الامير فلان انه المتكر لقطاع معين و لا الامير علان انه اغنى اغنياء مصر

اغنى اغنياء مصر اياميها و الى كانوا متحكمين فى القطن و الدهب و غيره

كانوا خليط من مصريين على يهود على اجانب

مين الى اتبرع بدهبه كله لبناء جامعه القاهره الخالده

مش الاميره فاطمه بنت الخديو اسماعيل

يعنى الى يظلم و بيعمل احسن عندى الف مره من الى بيظلم و مش فى باله اساسا ان يعمل حاجه للبلد

اكبر حاجه استغربتلها هى الحديث عن العبوديه

اصل العبوديه اساسا الغيت فى مصر فى عهد الاسره العلويه نفسها مش فى عهد الاخوه بتوع الانقلاب العسكرى

و يالا العجب ان الديموقراطيه النيابيه و حريه المعاضه كانت فى العهد الملكى افضل الف مره و مره منها فى العهد الجمهورى السعيد

[se_ Elsyed]

عمرنا سمعنا ايام الاسره العلويه على الامير فلان انه المتكر لقطاع معين و لا الامير علان انه اغنى اغنياء مصر

على يدي ...

طب خدي قطرة واحده من طقرات الأستعباد والاحتكار في هذه الفترة

ودي كمان عشان الحبايب

كفايه كده ولا عاوزين تاني من ده كتير ... وأحكي لكم على الأقطاعيات والوسيات للي خارج الأسره العلوية

مما لا شك فيه إن لمحمد علي إنجازات ... لكن كانت كما قلت على حساب جثث المصريين وثرواتهم ... وكانت الأسرة العلوية هي المستفيد الأول وليس المصريين اللي كانوا بيسفوا تراب ..

إحنا بوظنا موضوع إنجي يا رجاله

[مغتربة]

عمرنا سمعنا ايام الاسره العلويه على الامير فلان انه المتكر لقطاع معين و لا الامير علان انه اغنى اغنياء مصر

على يدي ...

طب خدي قطرة واحده من طقرات الأستعباد والاحتكار في هذه الفترة

ودي كمان عشان الحبايب

كفايه كده ولا عاوزين تاني من ده كتير ... وأحكي لكم على الأقطاعيات والوسيات للي خارج الأسره العلوية

مما لا شك فيه إن لمحمد علي إنجازات ... لكن كانت كما قلت على حساب جثث المصريين وثرواتهم ... وكانت الأسرة العلوية هي المستفيد الأول وليس المصريين اللي كانوا بيسفوا تراب ..

إحنا بوظنا موضوع إنجي يا رجاله

مش مختلفه معاك يا سى السيد

انا قلت فى تعليقى ان كان فيه ظلم

لانهم بشر مش ملايكه

بس انا طلبت اننا نوازن بين السلبيات و الايجابيات علشان نشوف انهى كفه هى الراجحه فى النهايه

طيب مش انت متفق معايا ان نفس الكلام الى مقتبس من الكتاب دا مطبق دلوقتى و بعشر امثاله كمان من النخبه الحاكمه و شلتها

زياده بقى عدم الاهتمام حتى بالعطاء من الناحيه التانيه

هو دا الى بتكلم عنه

طيب زمان كانت الاسره العلويه بتظلم و تحتكر بس من الناحيه التانيه كانت بتدى

تدى بجد

و لما قاموا بانقلابهم العسكرى حفظونا صم كل مساوئها و قلولنا انهم جم علشان يقضوا على المساوىء دى

لكن الى شفناه بقى انهم هما نفسهم و بمرور الوقت و بتاثير من سحر السلطه و الجاه و الكرسى

اقتفوا اثارهم اثر اثر

و كل الى كانوا بينكروه عليهم بقوا هما نفسهم بيعملوه بافظع شكل

و تفرغوا لتوطيد سلطتهم المطلقه و نهبهم المطلق برضه

و اتفق معاك فى انه كفايه كلام فى القطه دى او نفصل المداخلات الخاصه بيها علشان منخربش الهدف الاساسى الى انفتح الموضوع ليه

:lol: :lol:

[somayasaleh]

طبعا انا لا اوافق بشدة علي مثل هذه الزيجة....( حلوة الزيجة ده)

الموضوع مش موضوع طبقية يا جماعة الخير....الموضوع موضوع توافق في العادات والتقاليد والطباع والتربية.....الخ

وكمان ما ننساش ان علي مش ح يتجوز انجي وخلاص........لا بقي خودوا بالكم.....ده انصهار اسرتين في بعض.....اللي هي اسرة الجنايني....واسرة الامير

وكمان ما ننساش الجيل الناتج عن هذه الزيجة الغير متكافئة.....يعني اعمام الاولاد ح يكونا مين مثلا....اللي طباخ...واللي سباك....واللي نجار......طبعا ده كلها حرف محترمة وعظيمة ما قلناش حاجة...( ما حدش يضرب يا اخوانا).....بس الاعمام دول لا يتناسبوا مع الاخوال اللي هم امراء وكلاس وناس راقية.

من الاخر ...............ما ينفعش........وطبعا احنا مش ناسيين الفيلم التحفة بتاع العبقري احمد ذكي واثار الحكيم.......انا لا اكذب ولكني اتجمل........ ازاي البنت كانت مصرة علي الشاب اللي هو ح يصبح معيد ومثقف وراجل بمعني الكلمة....لكن لما عرفت اهله لم تسيطيع انها تكمل معاه رغم حبها الشديد له

من الاخر مرة تانية.......لازم ناخد بالنا من موضوع التناسب البيئي ده لانه خطير ومهم جدا

تحياتي :roseop:

تم تعديل 13 مايو 2010 بواسطة somayasaleh

[hamoudi]

هو طبعا سرقة "جمال عبد الناصر" لأموال الأغنياء لا يمكن تبريرها ..

لكن السؤال هو لماذا لا يتساءل أحد بنفس الحميّه عن مصادر أموال الأغنياء و ثرواتهم و كيف آلت إليهم !! ولاّ هى السرقه بتبقى مبرّره و مبلوعه أمّا يقوم بيها باشا تُركى لكنّها مستهجنه لو قام بيها فلاّح مصرى !! ولاّ سرقة شعب و ثرواته من خلال أسره حاكمه مالكه جريمه تسقط بالتقادم .. نوّرونا أثابكم الله

وهل صودرت الاموال بناء على ان اصحابها حراميه ام صودرت لانهم اثرياء ؟؟

طبعا كان المقياس الاوحد الثراء وكان الثراء جريمه ثم بعد ذلك ترسب ي وجدان الشعب ان اي ثري هو عربيد يجري وراء شهواته ونزواته

وياليته قام بمحاكمات عادله يكون هدفه فيها اعطاء كل ذي حق حقه

[hamoudi]

المشكله ان الناس الى مقتنعه بفكره ابن البلد و بنت السلطان

بينسوا تفاصيل كتير فى الحياه اليوميه ممكن تكون عاديه فى حياة على بتاع اليومين دول

ذى اللسان الزالف و الصوت العالى و طرييقة الكلام حاجات ممكن بنت السلطان ماتشقهاش فى ايام الحب و التنهيدات

على فكره مش معنى كده ان واخده جانب بنت السلطان بس

حتى ابن الجناينى هيتخنق لما يحس انها بتنتقد سلوكه و طريقة فى الكلام

بجد معادله هتخلى الحياه فى منتهى التعاسه

فعلا

ماهي لغة الحوار المشتركه بينهم

على سبيل المثال عند ذهاب ابو علي الى ابو انجي للخطوبه

بعد التحيات والسلامات ايه الحوار الي هايدور طبعا هاتنطلع من إطار الفيلم لان بصراحه حسين رياض كان متقن دوره لدرجة اني مااقدرش انقده ولاانفقد الفكره وتعالوا

نبص للحياه عموما

سيذهب ابو علي لخطوبة الفتاه

سيكون الحوار بغض النظر عن الاسلوب

سيتكلم ابو انجي عن الفساد

سيتكلم ابو علي عن الخلاف بينه وبين جاره وكيف انه قام بتأديبه وانتظاره خارج المنزل

سيتكلم ابو انجي عن الانتخابات

سيتكلم ابو علي عن الوله بيره الي على اول الحاره

سيتكلم ابو انجي من منظوره عن المشردين وطبقة الصنيعيه وانهم سبب ضياع البلد

وسيتكلم ابو علي عن الاثرياء الحراميه الي واكلينها والعه

هل سيكتمل الحوار ؟؟؟؟!!!!؟

واذا اكتمل هل ستستمر العلاقه ؟؟؟

واذا استمرت ستستمر لفتره

كثيرون منكم متزوجون ويعلمون ان الاهل بعد الزواج سيصبحون كل شيء

وربما يكونوا اما سببا لنجاح او فشل العلاقه

خذخ ليست طبقيه ولكنها قرأه لواقع

اتذكر ان جدي رحمه الله قال لي مثل وانا صغير لاأذكره بدقه لانني لم افهم لغته العربيه الفصحى وقتها ولكنني سألته مايعنيه

فقال لي

يعني الي ابوه مدرس يتجوز الي ابوها مدرس

الي ابوه تاجر قماش يتجوز الي ابوها تاجر قماش

وعندما كبرت وبعد مارأيت عدة مواقف رأيت ان وجهة نظره سليمه

ليست هذه طبقيه ولكن ليكون هناك لغة حوار مشتركه

[فــيــروز]

مالهاش لزوم :ninja:

تم تعديل 13 مايو 2010 بواسطة فــيــروز