الزمالك في الباي باي من بطولة أفريقيا

[se_ Elsyed]

في واقعة نادرة الحدوث لقي الزمالك هزيمة قاسية وموجعة علي يد فريق الجيش الرواندي المغمور الذي هزم الزمالك 4-1 في لقاء العودة وكان الزمالك قد فاز في لقاء الذهاب 3-2 وبهذا يخرج الزمالك من الدور الأول وسيلحق به الأهلي غداً إلا إذا حدثت معجزة وهزم فريق الهلال السوداني ، أما فريق الاسماعيلي فمازال محجر أمام فريق الملعب التونسي وأنتهى الشوط الأول 0-0

وشكلها كده هاتتطربق على دماغ صالح كامل المحتكر لبطولات أفريقياً أيضاً وبخروج الفرق المصرية هايفلس وينزل ينظم المرور في ميدان الحسين

بالمناسب : فينجادا المفروض يكلم مراته في مصر تحضر الشنط وتحجز على أول قطر طالع لشبونة المحطة لأن مرتضى منصور هايقف له بالمقشة على باب صالة صغار الزوار

لكن بجد أنا حزين لهذه الإنتكاسة الجديدة للكرة المصرية وكأن الفرح أصبح لا يعرف طريقنا

[Masrawy Abroad]

اشرب يا زمالك

عشان يتريقوا على الأهلي انه بينسحب

رحم الله امريء عرف قدر نفسه

- تارديللي مدرب المنتخب أبدى تعجبه واستغرابه للفرق اللي مهتمة ببطولة الديكودر ولا تهتم بتصفيات كأس العالم!!!

الزمالكاوية أصلهم افتكروا انهم بقوا الرجل الأخضر وشغالين في أي بطولة وفي اي ماتش اعتزال خليجي رايحين كأن اللعيبة مش بشر....

بالشفا يا ولاد ميت عقبة

كسفتونا......وتتغلبوا من فريق من رواندا؟؟؟؟؟ طيب احنا اتغلبنا 4 من فريق نيجيري....

اللعيبة بقت بتتدلع وبتتنطط...... مدرب حلو مش عاجب او حتى وحش مش عاجب.... من رأيي الفريق ينزل الموسم الجاي بدون مدرب أفضل عشان النادي مش عاجبه العجب...

[Hasaballa 17]

حاجة تقرف يتغلبوا وبعدين يقولوا ارض الملعب و الامطار نفس الافلام الهابطة

انا زملكاوى ولكن ارى ان مجلس الادارة فى نادى الزمالك لا يصلحوا حتى يمسكوا مركز شباب الساحل و ان سبب الهزيمة هو مجلس الادارة بتدليلهم لهؤلاء الاعبين و عملية التجديدات لعقودهم قبل نهايته بسنة و اللعيبه عارفه ان مافيش حد يحاسبهم علشان الانتخابات

[se_ Elsyed]

السبب الرئيسي للهزيمة المنكرة للزمالك والإسماعيلي بالأمس هي إن كلا المدربان إبتدى يحب ويكره ويخلط العواطف والمشاعر بعمله ..

فنجد فينجادا مستقصد حسام وإبراهيم حسن .. لأنه مش عارف يسيطر عليهم .

- ونجد بوكير بيكره عمرو فهيم ومن قبله خميس جعفر وحمام إبراهيم والشويه اللي طفشوا من شهرين ...

فأختلط الحابل بالنابل وأصبحت هناك تكتلات وشللية وأصبح المدرب يضحي بالفريق عشان يحرق اللاعب ده ... زي فينجادا أما ضم حسام حسن في أخر لحظه وهما راكبين التاكس ورايحين المطار عشان مسافرين رواندا وزي ما نزلوا أمبارح في أخر ربع ساعة وهما مغلوبين 3/1 .

وبعدها بدقائق فعل بوكير ذلك بالظبط بس في تونس.. فنزل عمرو فهيم في الاخر عشان يظبط الدفاع بعد ماخربت ... حد يا غبي يكون عنده لاعب فلته زي حسني عبد ربه ويرجعوا من خط الوسط والولد بيهاجم ويدخل اهداف بالفطرة وترجعوا ورا تلعبوا ليبرو ؟

ودي إبتداها الجوهري باشا مع طاهر أبو زيد وغيره من اللاعبين لحد ما اب ضرافها

وطبعاً النقطة الخطيرة اللي ذكرها اخونا حسب الله السابع عشر وهي حاجة مش موجود إلا في مصر وبلاد الواق الواق ... فنجد لاعب لسه عقده هاينتهي السنة اللي جاية او بعدين سنتين ويسمح له مجلس الإدارة بإثارة موضوع التجديد والهوبر اللي عايزها في مثل هذه الأوقات الحساسة ويدخلوا معاه في شد وجذب وترضية ودفع من تحت الترابيزة ومن فوق الكنبة واللعيب اللي كان لحد امبارح بيتشعبط في الاتوبيس ولابس شبشب فرده وفرده يهددهم انه هايروح الاهلي لأنه عرض عليه مش عارف كام مليون وهو ما يعرفش النادي الاهلي بيركبوا له اتوبيس نمره كام أساساً .

وده كله بيأثر على اللاعب نفسه .. وإذا تم ترضيته بيخرب اللاعبين الآخرين اللي هايقولوا إشمعنى هو ...

هرجله وقلة ادب وجو عايز يتطبق عليه سياسة " جرافينا " ( إنسف حمامك القديم ) ونبدأ من جديد على ميه بيضا ونضافة ونسيبنا من حثالة المجتمع دول الذين أصبحوا يتحدثون بلغة الملايين وهما مايساووش بصله في سوق السيدة عيشه بتاع الحاجات القديمة والمسروقة .

سمعتوا علن اللعيب الزملكاوي اللي وقع عقد للإنتقال إلى النادي الاهلي الأسبوع الماضي سنة 2006 مقابل 3 مليون جنية في 3 مواسم وهو منحصر ما بين جمال حمزه وطارق السعيد ... بالذمة شوفتوا قلة ادب زي كده ؟.. طب هايبقى منظره إيه لما يلعب قدام الأهلي في أي مباراة وفين إحترام العقود والإتفاقيات ؟ ومين اللعيب اللي في مصر من أسوان لحد السلوم مطرح ما قاعده شعنونة يسوى ربع المبلغ ده ؟

وإنتظروا الاهلي اليوم أمام الهلال السوداني ... عشان نغني كلنا أغنية أخونا حشيش الشهيرة " الفاشل يرفع إيده " وأقترح بإنشاء إتحاد نطلق عليه ( إتحاد الفاشلين للعيبة المكسحين ) وده يكون في أقرب خرابه في منطقة منشية ناصر ونضع فيه صور كل هؤلاء عشان يبقوا عبرة لمن يعتبر ...

[R.M.G.]

بصراحة حاجة تقرف

بس في 60 داهية التلاته الله يحرقهم ويحرق دمهم زي ماحرقوا دمنا

اللاعب ابو 3 مليون جنيه مش موجود اصلا لسبب بسيط ان الأهلي عمره مايدفع مبلغ كبير كده في لاعب هو كبيره 50 ولا 60 الف في عيل اسود من اي داهيه في افريقيا واهو اسمه محترف اجنبي والسلام

اما وان تحصل واقعه كهذه -ان كانت بجد مش ضحك على المجلس العبيط بتاع الزمالك-فقله الأدب هنا تعود على الأهلي لأنه بهذا الأسلوب الوضيع واللا أخلاقي بالمرة بيساهم في فتح ابواب التمرد من اللاعبين على انديتهم ثانيا يجب الحجر عليه وعلى عم حسن حمدي للسفاهه فلا يوجد فعلا في مصر لاعب يساوي 3 جنيه مش 3 مليون

وأكرر الأهلي أولا والزمالك ثانيا هما أصل فساد الكرة في مصر بل وفساد الذوق الكروي المصري واكرر الله يحرقهم ويحرق دمهم ودم اللي فارضهم علينا قولوا آميـــــــــــــــــــــــن

[se_ Elsyed]

لأ معليش عشان نبقى حقانيين .. الاهلي والزمالك متساويين في كل شيء .. فمثلما يفعل الأهلي يفعل الزمالك أيضاً ... واظن موضوع إبراهيم بطيخه الشهير بإبراهيم سعيد اللي بيضرب أمه لسه ما بردش .. وبالرغم من إن الاهلي موقفه عشان سبب أخلاقي إلا أننا وجدنا الزمالك يلهث وراءه في تحدي واضح للأخلاق ..

ومين قالك إن الأهلي مش هايدفع 3 مليون ؟ إنت ناسي إن خالد بيبيه واخد 2 مليون كاش في بداية الموسم الماضي ومالعبش كورة بتعريفة ... وأقسم بالله أقل عيل بيلم كور من ورا الأجوان أحسن منه 100 مرة ... وبرضوا لسه شغال وبياخد مرتب ومكافأت وكله أخر حلاوه.

يا عزيزي هو الفساد الذي ضرب بجذورة في كل شيء ...

[R.M.G.]

أكرر الأهلي والزمالك هما سبب الفساد الأخلاقي في الوسط الرياضي وهما لا يستحقان اي احترام فالأهلي والزمالك تركا لاعبان يضحكان عليهما من قبل هما سعيد عبعزيز و راسبوتين الشهير برامي سعيد بس مش عبعزيز هذه المرة

الزمالك يسعى لأبراهيم سعيد؟ وهو الزمالك ناقص بلطجية ومتمردين ؟ بيكيد الأهلي مثلا؟ هو اللي ماسكه كمال ترويش ولا خالتي ام العربي اللي ناوية تفلفلهم؟

بالذمة دي ناس حد يعبرهم؟

[afiona]

فنجد فينجادا مستقصد حسام وإبراهيم حسن .. لأنه مش عارف يسيطر عليهم

طب ماهو أى واحد يا س.س. لازم يستبعد التؤام من فريقه ومن مصر كلها لو أمكن....

الحاج هيما(الشهير بجدو) عمره ما رفع كرة فى المنطقة....لازم يا إيما يرفع فى كلوب النور اللى فوق الجون أو فى صورة الريس اللى فى نص الإستاد....بقى له عشرين سنة فى الملاعب وربنا مفتحش عليه رفعة توحد ربنا....

أما الحاج حسام(الشهير بستو)، فمثال للاعب المحترف...مطرح ما يروح لازم خناقة مع الإدارة و الجماهير و فضائح وقرف... ولازم يأخد جدو معاه...

يعنى Buy Hussam take Ibrahim free......ولازم جدو يلعب، وطبعا يبقى الفريق بيلعب عشرة لأن لازم ينزل باك يمين يغطى على جدو....

غلطان اللى عمله لاعب كرة، كان زمانه دلوقت موظف قد الدنيا على الدرجة الرابعة....

أفففففففففففففففففففففففففففففففففف.........

[afiona]

معلهش، الزمالك خرج، بس بشرف....وأحلى من الشرف مفيش...