اذهب إلى المحتوى
محاورات المصريين

لماذا يكره الموظفون في مصر السعي في مصالح العباد

kitkat

بواسطة kitkat
في موضوعات جادة

 مشاركة

Recommended Posts

kitkat عضو جديد

kitkat

بتاريخ:
بتاريخ:

بسم الله الرحمن الرحيم

اهلا بكم

انا من أنصار مبدأ "كلمتين أبرك من 10" ومبدأ خير الكلام ما قل ودل

حاليا انا باخلص بعض الاوراق للتسجيل في رسالة الماجستير في أمريكا وطبعاا هذه الاوراق بتخلص من عند موظفين شؤون طلبة وغيرهم

السؤال واضح من عنوان الموضوع

ليه غاويين نعقد الناس ونكرههم في البلد ؟؟؟؟؟

لييييييييييييييييييييييييييييييييييييييييييييييييييييييييييييييييييييييييييييييي

ييييييييييييييييييييييييييييه

مفيش علي لساني غير كلمة حسبي الله ونعم الوكيل

حتي الموظف الي كان بيمثل انه بيحاول يساعدني اتفاجأ انه دخل لرئيسه علشان يحذره من انه يديني الورق ده يانهار اسود

لأ ويمثل عليا ويقلي اه هو مش بيحب يمشي في الخير طيب دخلتله ليه ؟ لييييييييييييييييييييييييييييييييييييييييييييييييييييييييييييييييييه ؟؟؟

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:

ياجماعة حد يرد وانا هاقول امين والله حد يرد وخلاص اي رد

الله ينتقم منك يا أشرف انت والي زيك يااااااااااااااااااااااااااااااااااااااااااااااااااااااااااااااااااااااااااااااا

اااااااااااااااا رب

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
herohero عضو جديد

herohero

بتاريخ:
بتاريخ:

ياسيدي ده الطبيعي معرفش ايه سببها يعني مش غريبة رايح تركب عداد كهرباء لفيلا ولا لشقه ف منطقة راقيه يطلع عينك وكان الفلوس اللي افعها ف الشقه م جيبه هو

ولو ماعك عربية حلوة تلاقي طفل بيخربشها بمفك والله كله صابب ف اتجاه واحد امراض اجتماعيه وناس بتكره الخير لبعض

وللاسف اننا بنتكلم عن نفسنا معرفش ايه اللي حصل لو روتين ماشي انما بجد بتحس بغل

ربنا يقويك ويكرمك ومعلش احنا ماتعرفش مالنا ع بعض بنبقى اسود قوي

رابط هذا التعليق
شارك
رضوي عضو جديد

رضوي

بتاريخ:
بتاريخ:

السلام عليكم ورحمة الله وبركاته

بتتكلم عن شئون الطلبة ؟؟؟؟

ياساتر يارب

في كل الجامعات المصرية حتي الخاصة منها ....... نفس النسخة من غباء الشئون ( الا من رحم ربي )

أخي الفاضل

لاتنتظر ابداً مساعدة اياً كانت من موظفي الجامعة

وخاصة لو كنت بتقدم علي دراسة بالخارج ..... صدقني معرفش السبب الا انهم بيعقدوا الدنيا بطريقة غبية

الله يكون في عونك

عن نفسي دلوقتي مابستحملش وبدخل فيهم شمال علي طول وباخد حقي بنفسي وبالقانووووووووون

ربنا يوفقك

اللهم إرزقني بفرحة ... تجعلني أسجد لك باكية .

رابط هذا التعليق
شارك
زعلان عضو جديد

زعلان

بتاريخ:
بتاريخ:

تعاملت مع بعض المصالح الحكومية في مصر في اطار محدود كانت الامور اجمالا مقبولة اسوأ ما واجهني ان موظفة مسؤلة خافت تعملي الطلب وذلك لجهلها بالقوانين ولأن اثبات الشخصية الوحيد الي كان معايا جواز سفر مش مصري لما رحت المركز الرئيسي كانوا متعاونين جدا رغم نقص اوراقي ورغم وجود لخبطة في البيانات نتيجة نقص الاوراق تجاوزوا عنها وخلصوا اوراقي باهتمام

قمت باستخراج جواز سفر ليا في السفارة المصرية لأول مرة في حياتي استخرج جواز سفر مصري الاجراءات اخذت 15 دقيقة و الجواز كان جاهز خلال اربع ساعات

ونفس الشيء لجواز سفر ابني

قمت بالتسجيل في كشوف الانتخابات في خمس دقائق فقط وبسهولة و ترحيب كبيرين

لا اقول ان الامور وردية ولكن هناك تقدم بعض الشيء في المنظومة الادارية خلال السنتين الاخيرة لم تكن موجودة من قبل بالاضافة الى تخوفي المسبق وحكمي المسبق على الامور انها معقدة ومن الصعب انجاز المعاملات في مصر بالطبع زائد خبرات سيئة مسبقة

نصيحتي وعن تجربة ان تكون واضح وصريح معهم ودوغري لا تحاول ان تجد باب خلفي لأخذ حقوقك توجه للباب الامامي دائما و اشرح وجهة نظرك بوضوح و اطرق كل الابواب بلا خوف ولا خجل حيث ان الجميع من المفترض انهم في خدمتك ومفيش لا باشا ولا لواء ولكن بالطبع بكل احترام وأدب وده اسلوبي تعاملي حتى ان بعض من يظنون انهم باشوات مصر بيستغربوا وبيشكو وبيحسوا ان في حاجة غلط لكن بصراحة محدش فيهم بيفتح بؤه لو كلنا تعاملنا على هذا الاساس الامور حتتحسن و حنعمل تغيير

امر اخر ان نحترم بعضنا بعض و نحترم حقوق الاخرين سواء بسيطة او كبيرة من الوقوف في الطبور و النظام الى ان نعطي الاخرين وقتهم بالكامل يعني مينفعش حد وصل لدوره على الشباك يقوم واحد جاي من الجنب ويقول انه عايز يسأل سؤال و يحشر راسه ده عيب مينفعش تتأفف و تتململ علشان الي قدامك طول في اجرائته امام الشباك زي ما هو حياخد وقته انت كمان حتاخد وقتك من الجميل ان نحترم بعض و نحترم الوقت و نحترم الاخرين حتفرق كتير حتى في انتظار اتوبيس او مترو او ميكروباص اولوية الركوب لازم تكون للمعاقين و للعائلات بصحبة رضع ثم بأولوية الوصول

رابط هذا التعليق
شارك
fatfouta عضو جديد

fatfouta

بتاريخ:
بتاريخ:
[size=5

الله ينتقم منك يا أشرف انت والي زيك يااااااااااااااااااااااااااااااااااااااااااااااااااااااااااااااااااااااااااااااا

اااااااااااااااا رب

مين اشرف ده يا كيت كات؟؟؟؟ :)

يعنى انت رايح تقوله انا رايح امريكا ومش عاوزه يضايق؟؟

للاسف الضمير غاب عن الموظف المصرى فى المصالح الحكومية

عاوز واحد بياخد مرتب مش بيكفيه عيش حاف ه وولاده والمكتب اللى شغال فيه مايعلم بيه الا ربنا مايحقدش ويضايق؟؟

ربنا يسهل لك امورك

رابط هذا التعليق
شارك
زعلان عضو جديد

زعلان

بتاريخ:
بتاريخ:

مشكلتنا كمصريين اننا نصر ان نتعامل مع اشرف و منير و عبد المعطي و جرجس ولا نحب ان نتعامل مع مؤسسات او منظمات او شركات حتى افراد هذه المؤسسات او الشركات ستجد كثيرا منهم يتعاملون معك كافراد بمعنى انك تقدم شكوى ما من عدم انجاز معاملة فيأتيك الرد ان السبب فلان او ان الخطأ من علان بينما لا يمكن ان تجد هذا الكلام في اي مؤسسة ممنهجة و بها نظام الخطأ بالنسبة للعميل هو خطأ المؤسسة ككل و داخل المؤسسة وبين اقسامها سيكون يتحمل الخطأ قسما بعينه لا يوجد مجال للشخصنة و للتعامل بفردية وهذا اول امر علينا ان نعيه عندما نتعامل مع جهة او مؤسسة ما و علينا ان نوضحه لمن نتعامل معه انا لا اتعامل مع افراد انا اتعامل مع مؤسسة سواء كانت مؤسسة عامة ام خاصة يحدث احيانا حتى في الشركات الخاصة ان يذكر لي موظف ان الخطأ صادر عن فلان ردي عليه دائما انا لا اتعامل مع فلان او علان انا اتعامل معكم كمؤسسة ولهذا اخترتكم ولا يهمني اسماء موظفيكم في شيء

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:

اخواني الكرام اشكركم علي الرد

المشكلة ان موظف شؤون الطلبة ضيع ورق المقاصة بتاعتي وفيه مواد كتير جدا لن أحصل علي القبول بدونها

ياجماعة والله مش عارف اشكركم ازاي لكن فعلا انا في مشكلة كبيرة جدا وتقريبا مستقبلي ضاع

انا بافكر ارفع قضية علي الجامعة حتي لو هتاخد 5 سنين

علي فكرة انا مش عايز اخد حاجة مش من حقي يا جماعة ده حقي ونص وشهادة لله عندما عرضت علي احد الموظفين انه ياخد الشاي بتاعه (علشان اخد حقي ) رفض وقالي خلي فلوسك معاك !

طيب هما عايزين ايه لو مش عايزين شاي وقهوة عايزين يضيعوا مستقبلي وخلاص ؟ طيب ليه ؟ علي فكرة كان فيه ناس بتزعق فيهم فعلا وراحوا اشتكوا لأمين الجامعة بس مش عارف وصلوا لايه يعني مش انا لوحدي الي هاطق !!!!!!!!!!!!!!!!!!!!!!!!!!

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

للأسف الموضوع عامل زي أوراق أو أحجار الدومينو المرصوصة ومسنوده على بعضها ...

الكل ضاغط على الكل

يعني الموظف اللي بيعقد الناس ده بتلاقيه طالع عين اللي خلفوه في حياته العائلية وفي حياته الوظيفية أيضاً ..

هاضرب لكم مثل

في جهاز مدينة العبور ... هو جهاز واحد مسئول عن إدارة المدينة بالكامل ... مدينة كاملة الإستثمار العقاري والصناعي والتجاري فيها بالمليارات .. وهي صغيرة في حجمها وفي عدد سكانها أيضاً ... ومع ذلك تدخل الجهاز يصعب عليك الموظفين اللي احوالهم بائسه والله ..

يعني يا ظلمه ياللي ما بتخافوش ربنا ... تبيعوا للناس أرااضي وعقارات ومصانع بمليارات ومش هاين عليكم تركبوا تكييف للموظفين اللي بيتسلقوا في الحر في مكاتبهم ؟ لكن عشان الحق ... السيدة اللواء رئيس الجهاز عنده تكييف في مكتبه ... وليذهب الأخرون إلى قاع الجحيم

وتدخل على مسئول الخزينة ... واللي راح العبور هايعرف كده ... تلاقيهم حطينه في غرفه اشبه بغرف الكلاب والراجل بيفرفر من ضيق المكان وسوء التنظيم والحر .. ومع ذلك امامه ملايين الجنيهات داخله كل يوم .... طب ده يعمل إيه ويكون رد فعله إيه ؟

نيجي لزبدة الموضوع ... الشهر العقاري التابع لوزارة العدل واللي موجود عندنا ... أوعدكم لو روحته المره دي هاصوره لكم ....

مأسأة أنسانية متحركة وده من الجهات اللي بتدخل فلوس كتير برضوا ..

مأجرين لهم شقة دور أرضي قذرة بكل معنى الكلمة في أحد البلوكات القديمة بالحي الأول .... شيء مش قادر أوصفه بصراحة ....

ومع ذلك بتقول للموظف أبتسم وعامل الناس كويس وخليك كوووول

وللأمانه ... لم اصادف هناك أحد بيمد إيده أو يقول لك عاوزين الشاي ....

-------------

لكن للامانة أيضاً من الأماكن اللي الواحد بيفتخر بها في مصر . إدارات الجوازات ... المسئولة عن إستخراج جوزازات السفر ... بصراحة رُقي في التعامل ... وتكييفات شغالة والناس قاعده في صالة الأنتظار مبسوطة .... وكله تمام ..

العام قبل الماضي سحبت رقم وقاعد منتظر .. لمحت الموظفه اللي المفروض تنادي عليه .. بتجامل واحده ست جاية تستخرج جواز سفر وعاوزه تخليها تنط أربع خمس أرقام وتدخل أمامي .... مسكت الموظفه بهدلتها وخرج العميد ولا العقيد المسئول عنهم بهدلها هي كمان وكانت في وسط هدومها من الخطأ اللي أرتكبته ..

ففعلاً يا جماعة .. جزء مما يحدث مسئوله عنه الحكومة اللي مبهدله كرامة الموظفين دول ومخلياهم يعملوا في ظروف غير ادمية ..

وجزء طبعاً كبير مسئول عنه الموظفين اللي بيخالفوا ربنا وبيخالفوا ضميرهم ولا يفرقون بين الحلال والحرام ..

وخطأ مسئول عنه المواطن اللي ما بيعرفش حقوقه فين أو كما قال أخونا زعلان الشهير بعزعزع إننا تعودنا على التعامل مع افراد مش مؤسسات وبمنتهى السهولة بنفرط في حقوقنا ..

------------------

بمناسبة شئون الطلبة ... لسه متعرض لموقف زبالة منهم ... أنا خريج سنة 93

ولما بنتخرج بيدونا شهادة تخرج مؤقته حلوه كارتون كده وبنختمها ونوثقها ونظبطها ...

جيت أقدم بيها في الماجستير ... راحوا طالبين الشهادة النهائية أو بيان بدرجات المواد اللي درستها ... أتصلت من هنا وبعتت أخويا .. قالوا له ممنوع نتعامل معك بشكل مباشر .. لازم توكيل ... جريت عالسفارة عملت توكيل وبعثته بالدي أتش ال ... راح لهم ... قالوا له ما عندناش حاجه أسمها بيان درجات ... هانديك شهاده نهائية بس .. قلت له وماله ... بكام يا رجاله ؟ بخمسين جيني يا باشا .. قلت له أدفع ... مر عليهم بعد يومين ... لقاهم مجهزين له ورقة أبسط ما يُمكن أن أوصفها إنها ورقه من الزبالة ....

ورقه بيضا عادية جداً A4 ومكتوب فيها النعوان شهادة مؤقته .. وتشهد كلية التجارة جامعة عين شمس بإن فلان الفلاني حاصل على بكالوريوس التجارة دفعة كذا بتقدير كذا ... قلت له نعم ؟

أدخل إدي الموظفه قلم على وشها وقول لها إحنا بنفسر الماء بعد 18 سنة بالماء ؟ أنا عاوز أم شهادة نهائية ...

تقوم تقول له بكل برود مافيش حاجه عندنا إسمها شهادة نهائية تخيلوا ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
اغابي عضو جديد

اغابي

بتاريخ:
بتاريخ: (معدل)

شوف يا كت كات

الموظفين فى كل مكان عندهم عقد نفسية - والاسباب كتير

لكن انا حاحاول اجمعلك بعض الحلول -

1- روق اعصابك واتكلم بهدؤ معاهم - بلاش تنفعل مع اى موظف علشان ما يستقصدكش

2- لو حتعيد من جديد لفة الاجراءات - ابدأ من جديد - مش مشكلة .

3- اعمل بدل فاقد لاى ورقة تكون ضاعت منك -

4- خد الامور بهدوء وحكمة اكتر علشان فى اقصر وقت تخلص من موضوعك

ملحوظة :

خلى بالك - هما ما دام عملوا كدا يبقي اتفهمت دلوقتى عاوزين ايه - هما عاوزين رشوة - اى فلوس ترميهالهم فى درج مكتبه - ولك الاختيار طبعا ...

اتمنى لك التوفيق وابقي اكتب فى نفس الموضوع داه وصلت لفين فى تخليص الاوراق وطمنا عليك

اغابي

:)

تم تعديل بواسطة اغابي

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك
Amenhotep عضو جديد

Amenhotep

بتاريخ:
بتاريخ:

على ذكر الموظفيين يا جماعة بما اني عايز اقول اللي في نفسي انا كمان

روحت اعمل فيش مستعجل يوم الحد اللي فات , المفروض اخده نفس اليوم الساعة 2 ظهرا

انا قلت اروح اخده تاني يوم بدري, ولقيت ورقة بالبنط العريض جدا مواعيد العمل من 8 صباحا - 3 ظهراً

روحت تاني يوم الساعة 8 الصبح علشان الحق اخد الفيش واروح اقضي بيه مصلحتي

لقيت الموظف بيقولي لو هتستلم تعالا الساعة 9.30

اقوله ياعمي ده هاسلم الوصل واخد الفيش وخلصت على كدا مش مستاهلة تعطلني ساعة ونص

قالي مينفعش

استنيت ساعة ونص , اي والله ساعة ونص

لقيته بعدها بيقولي الفيشات اللي اتعملت امبارح مطلعتش لان مكنش فيه ورق

تعالا يوم الخميس :blink:

طبعا انا قلت مبدهاش مش هينفع استنا لان معاد تسليم الفيش ده كان يوم التلات

انا اروح اعمل فيش تاني في مكان تاني

روحت عملت الفيش قالي تعالا بكره, قلتله انا ضروري عايزة مش ممكن النهاردة اخر النهار استنا اخده

قالي لا تعالا بكرة الساعة 8 هتلاقيه جاهز اكيد

روحت تاني يوم الساعة تمانية , لقيت العسكري بيقولي الفيش شغال كل يوم من الساعة تمانية الا يوم التلات شغال من الساعة عشرة تعالا بعد ساعتين mfb:

حسبي الله فيكو يا اخي

استنيت الساعتين بعدهم قالي اطلع المديرية اختمه لانه ناقص ختم كدا

شديت الرحال وروحت هناك

قابلت الموظف عايز اختم ده يا استاذ

قالي والله الختم مع الظابط :sad:

فين الظابط

الظابط في مأمورية

تعالا بكرة :blink:

وراح المعاد طبعا ومتوقع اني بكرة هاروح هستنا كام ساعة ومش هلاقي الظابط ابو ختم

وكل عام وانتم بخير

أيها البطل المضرج بالبدايات الطويلة, قل لنا ...

كم مرة ستكون رحلتنا البداية؟!

كم مرة كُتب علينا الرحيل من رحيلِ إلى رحيل ؟؟

رابط هذا التعليق
شارك
engmido عضو جديد

engmido

بتاريخ:
بتاريخ:

والله بتتعبولنا نفسيتنا بالكلام ده

قال يعنى انا مش من البلد دى..هههههههه

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن ﴾


24556918.jpg

nX0pp2.png
رابط هذا التعليق
شارك
doha عضو جديد

doha

بتاريخ:
بتاريخ:

كيت كات ..

سؤال بيطرح نفسه .. بما انك سمعت الموظف وهو بيوصي المدير انه ميستخرجش الورق المطلوب .. هل سمعت منه الحيثيات في توصيته دي ؟ ؟ ياريت تقولنا عشان نفهم هل ماحدث ظلم ولا اهمال ام ان هنالك احتمال واحد في المية يكون فعلا امر خارج عن اراده الموظف ويكون بعد الشر يعني معاه حق ..

ملاحظه : هل لما عرضت الشاي طلعت فلوس فعلا ولا بدى الامر كعزومه مركبية او جس نبض ؟ وهل لما طلعت الفلوس كانت باينه هي كام ؟ اصل ممكن جدا يكون مبلغ صغير وطالما حضرتك بتقول بعد الشر مستقبلك ضاع يبقى الموضوع كبير اوي وبالتالي فلو في شاي متوقع فاكيد هيكون خمسينة مش اقل من دورق او جالون شاي وبفتلة كمان

ربنا يعينك بجد ويفرج همك

============

سين سين

على فكره الموظف او الموظفة بتوع الجامعه عندك بيستعبطوا

انا خريجه 96 ومن مية سنة اخذت الشهاده النهائية والي بتطلع بعد سنتين بس من التخرج مش بس كده ومن مية وخمسين سنه اخذت بيان المواد وهو عباره عن ورقة كرتون نفس خامة الشهاده كده بس لونها ابيض ومقسمه لاربع جداول كل جدول فيه المواد الي درستها في سنة جامعية مع درجاتك فيها

شكلها كده الموظفة بتريح دماغها

وبالمناسبة لما رحت استلم الشهاده النهائية دخلت في اوضة كبييييييييرة مليانه تلال من الشهادات ومفيهاش غير موظف واحد وقعد يدور لما لقي شهادتي وقالي لو تعرفي حد من دفعتك خليه يجي ياخذ شهادته لان شهادات عندنا كتير اوي محدش اخذها انا عارف انتم مبتجوش تاخذوها ليه

يعني الكلية اصلا عاوزه تخلص من الشهادات دي

تصدق ان ماسبق كان استهلالا لابد منه ؟

كنت عاوزه اسألك من فترة ايه حكايه الماجستير الي كل شويه بتقولنا عليه ده وكل شويه عاوزه اسألك عنه فين وليه وازاي والاهم بكام اصل الفكرة بتهرش في راسي من فترة

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:

ياجماعة دعواتكم معايا انا راجعلكم بالرد علي كل واحد بالتفصيل

انا رايح بكره النيابة لاني اكتشفت ان الكلب اشرف مزور امضائي علي الملف 3 مرات

هاعمل 3 بلاغات تزوير وان شاء الله هاحبسه هو ومن ضيع اوراقي لن اتسامح بعد اليوم مع هؤلاء ال............

انا باعتب علي هتلر انه مانضفش مصر بالمرة زي مانضف المانيا والله فاتته دي

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
tanash عضو جديد

tanash

بتاريخ:
بتاريخ:

السلام عليكم

انا هقولك علي حاجة تضحك حصلت معايا مع موظف شئون العاملين عبارة عن كتلة من التعقيد ولما لقي كل شيء مضبوط والاوراق كاملة وهي لاجازة بدون مرتب بص في الورق وقالي هي سنة 2005 هنا هي 2005 في البلد اللي مسافرة اليه بصيت له وقلت له مش عارفة والله الموقف ده حصل

قول يا رب

ويمكن مش عاوزين شاي عاوزين لحمة وافهم انت

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ: (معدل)

يا جماعة انا باشكركم جدا علي ردودكم

في البداية اعرفكم بحالتي الظريفة :

انا حولت من احدي الجامعات التي ترفض ذكر اسمها :roseop: لكلية الهندسة جامعة عين شمس

طبعا اتعملي مقاصة مجحفة ظالمة لدرجة ان الي عملي المقاصة موظف ابن حلال اوي قالي بالحرف الواحد :

"فيه ورقتين من منهج الرياضيات انت مادرستهمش في كليتك وبالتالي هانشيلك المادة كلها " !!!!!!!!

انا افتكرته بيهزر مع ان كان علي وجهه كل الجدية فقلت له أستاذ أحمد ماتشيلوني باقي المواد بالمرة قالي احنا هانشيلك كمان 4 مواد علشان تعيد السنة لسبب واقعي

أقسم بالله ده حصل معايا بالحرف الواحد وتم تنفيذه

المهم يا جماعة انا مقدر ردودكم طبعا ولكن فيه بعض النقاط احب ارد عليها

هيرو يابطل احب اوضحلك ان وجهة نظرك اثبتت صحتها الحكومة تضغط واحنا معاها كله بيقرف في كله تصور طفل كان معدي جنبي ومش واخد باله انها عربيتي لقيته بيخربشها بعملة معدنية في ايده طيب ده تعمل فيه ايه ! المصيبة لما تبص مين اهله وبيتهم فيه ايه تلاقي عندهم 4 سيارات !!!!

يعني الموضوع مش حرمان ؟ دي نفسيات مريضة ده حب تخريب بقا !

استاذ سي السيد الي رجع للرجالة المصريين هيبتهم :roseop:

انا معاك تماما ان هؤلاء الموظفين يعملون في ظروف قهريه مستفزة ويقعون تحت وطأة قوانين أشد قسوة ورهبة من قانون الطوارئ المفدي

ولكن فيه اسلوب كويس علشان يطلب الشاي بتاعه يعني مثلا كنت باخلص ورق للسجل التجاري بتاع مكتب المقاولات الي كنت فاتحه والموظف طلب بكل ذوق وأدب وبعد ماخلصلي كل الاوراق الشاي بتاعه وقالي صباح الفل يا باشا وطبعا ده اللغة العربية باللهجة المصرية زي البريتيش اكسنت كده :lol:

ولكن : والرد هنا علي أستاذة ضحي

هل يزور احد الموظفين توقيعي وعبارة : استلمت انا الموقع ادناه فلان الفلاني نسخة طبق الاصل من ملفي : وتم الزوير 3 مرات بكل بجاحة !

الورق ده ضاع في شؤون الطلبة جامعة عين شمس ورفض الموظف في كليتي القديمة انه يديلي الورق تاني وقالي اني استلمته 3 مرات والغبي وراني الملف بتاعي وعليه الامضاء المزور 3 مرات

والورق ده اتعمل بناء عليه المقاصة المجحفة السابق ذكرها !

هل يعقل هذا ؟

أستاذة ضحي يعلم الله مدي حبي لبلدي لدرجة اني رفضت فرص للسفر للخليج قبل سقوط الامارات لا يمكن ان يفوتها اي عاقل ولكن... ما اطرحه هنا هو أكبر دليل علي هذا الحب تماما مثل الاب الذي يريد ان يري اولاده في احسن مراكز

أختي الفاضلة أغابي : والله ياريت كل موظفي شئون الطلبة في أخلاقك وطيبة قلبك كان زماني ضيعت الورق بنفسي متعمدا !

الموضوع اني عرضت عليهم يطلعوا الشهادة بتقدير مقبول في كل المواد ورفضوا مع ان فيه مواد كتير كنت جايب فيها تقدير

بالمناسبة ماسبق كان استفتاحنا عسل بالصلاة علي النبي (مع الاعتذار لاستاذ عادل* :roseop:

واشكركم مرة تانية واحد واحد :)

وخصوصا فتافت : تصدقي بالله ان الموظف كان هايطلعلي الورق لكن لما عرف اني رايح امريكا قالي طيب ممكن تتصل بيا بكره الضهر ؟ هههههههه

الخلاصة : فيه ناس كتير كويسين وموظفين محترمين : لو خليت لخربت ده صحيح وخصوصا موظفي الشهر العقاري وموظفي شركة الكهربا وانا وانت

لكن : ده مش شيء بيتفضلوا بيه علينا ده واجبهم وده الطبيعي مش شواذ القاعدة الي يبقوا محترمين والعادي انك يطلع عينك علشان تاخد حق من حقوقك !!!

يا زعزعز انا مش عارف انطق الاسم سامحني وسين سين لخبطني : انت صدقني هتلاقي فيه ناس كويسين وكتير كمان لكن كما ذكرت ده المفروض انه العادي مش صدقة منهم !

ياطفشان او طفشانه هاحكيلك حوار سمعته بام ودني زي ام عيني كده :

موظفية شئون طلبة لزميلتها : يا نهار اسود معاد تقديم الاعتذارات هاينتهي بكره ومابعتش للطلبة الجوابات

زميلتها : وايه المشكلة ؟ ابعتي الجوابات دي بتاريخ قديم وكانها اتاخرت في البوسطة !!!!!!!

بمنتي برود الدم والاعصاب ضيعت علي ناس تعب سنة و3000 جنيه وسهر ليالي وووووووو

هههههههههههههههههههههههههههههههههه

المهم يا جماعة حبيت أبشركم بس في موضوع مستقل وها هو الرابط

http://www.egyptiantalks.org/invb/?showtopic=102276

تم تعديل بواسطة kitkat

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
herohero عضو جديد

herohero

بتاريخ:
بتاريخ:

سيدي امال لو انت مشيت ف ورق الهجره وحبيت تخلص ف مصر ورقك هتشوف العجب اكيد اخوانا بتوعم كندا عارفين قصه ترجمة الفيش والتشبيه ف وزراة العدل الدور 13 والخزينة ف الدور 9

وفيه 3 اسانسير ماتعرفش تاخد لك نص ساعه عشان تركبه طبعا خدتها سلالم ومش عاوز اقولك اللي بترجم اصلا عاوزة اللي يعلمها انجليزي

مسخره روتين واللي يقولك البلد ده احسن من غيرها

وشهاده الميلاد اللي بالانجليزي

ولا تطلع بيان درجات الكلية

ياراجل ياطيب انا زميل ليا وسطني عشان يدخل كهرباء ف فيلا ف العاشر من رمضان فحي الياسمين البيه طلب 6000 جنيه عشان العداد يدخل ومبرره حد قالك تسكن ف فيلا

والله العظيم ده مهندس ومبسوط بس هو اللي ماسك الادارة ده وف الاخر جيبناها من فوق ودفع 1600 جنيه

سيدي احنا ف مصر بنتمتع بالفوضى الخلاقة

كل شيئ تلاقيه ماعدا النظام

ربنا يقويك وشد حيلك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...