تأسيس الحملة القومية لجعل كرسى الرئاسة تيفال!!!

[shiko]

يستحق التفكير والتدبر فى الأمر...

أطلق عدد من نشطاء الفيس بوك جروب جديد تحت عنوان

"الحملة القومية لجعل كرسى الرئاسة تيفال.....عشان ما يلزقش"

مضيفين للجروب صورا لكراسى مصنوعة من مواد مختلفة مثل الحديد والخشب والتيفال ولكن بتراكيب مختلفة تؤدى إلى عدم راحة الرئيس ومن ثم "زحلقته" بسرعة، وذلك على حد قولهم.

وقد تراوحت آراء أعضاء الجروب ما بين الرفض للفكرة والموافقة عليها إذ قالت شيماء سليم "يا جماعة إحنا لسه هانستنى لما يقعد ومايلزقش طب ما إحنا بالمرة نعمله كرسى تيفال بردوا بس بزاوية مايله شويتين لقدام علشان اللى يقعد عليه يزحلق على طول وما ياخدش وقت معانا ونخلص بقى".

وأضاف وليد عثمان قائلا "حلو موضوع التيفال دا كان فين من زمان ربنا يسهل ويكون تيفال من اللى بيزحلق"، وذكر على نبيل "الفكرة مش أنه يزحلق ولا لأ، المهم بعد ما يتزحلق هيروح فين، فيما جاءت آراء آخرين رافضين للفكرة إذ قال أيمن قاسم "والله لو عملتوه أيه بردو هايلزق"،

منقووووووول...يا وديع

من جانبى الفكرة اوحتلى بفكرررررررة جديدة خالص ...

الاوهى ...ستار ليدر ...ازاى بقى هى نفس فكرة استار اكاديمى... ..وستار ميكر ...وكل الستارات اللى فى الدنيا ....بس المرة دى ...موش هانصوت على مطربين المرة دى ..ابعت رسالة قصيرة لاختيار الليدر المناسب لك ...وممكن يكون حاجة كدة شبه

مـحمد عــــطـــية ...ولا حاجة ..

.مستنياكوا بقى نحضر البرايم والنومينشين بتاع النجم الجديد ....

تم تعديل 11 مايو 2010 بواسطة shiko

[لماضة مصرية جدا]

السلام عليكم و رحمة الله و بركاته

مش فاهمة حاجة يا شيكوز

وش عيل عبيط اوي...ماسك سانودتش في ايده اليمين و بيهش الدبان بايده الشمال و باصص ع الشاشة و فاتح بوقه...!!!!

يعني ده اقتراح ازاي اي رئيس في الدنا يقعد و مش يستقر....!!

و لا نفتح باب الترشيحات....!!!

و لا اعمل ايه طيب في عمري

اريد حلا

فهميني اكسبي فيا ثواب

بنتك باتعة

[sarmar]

مهما تعملوا لازق لازق تخلوة تيفال تخلوة اركوبال بردة لاززززززززززززززززق العيب مش فى الكرسى 00000000000 ياشيكو هتودينا فى داهية خليتى لماضة اللى بتفهمها وهى طايرة مش فاهماها حتى بالتيفال 000000 الحلة الضغط التيفال ام 500 لتر تساوى كام قبل مانجلس فيها

[لماضة مصرية جدا]

السلام عليكم و رحمة الله و بركاته

انا جيت تاني

و خلصت الشاندوشت

و هفت عليا الكلمات اللي جاية دي....من شعر علي سلامة

إنت و ضميرك

هو ينفع تسلم حد..

مالك..

وحالك..

وعيالك..

وفوق منهم مصيرك..

وتنام..

وتقوله خد بالك..

إنت بقي وضميرك..

ينفع تحرس وطن..

بحاسة الشم..

طب هاتعمل إيه لو يوم..

ضاعت مناخيرك..

ويوم يطير النوم من عينك..

ويضيع من قلبك الإحساس..

تلوم المخدة اللي علي سريرك..

خليك بقي مستني الغراب..

وشوف إيه هايرميلك..

=========

متقوليليش بقي طاسة تيفال.....

مش مهم مين هيجي....

و مين هيقعد

و مين هيعقد و ميلزقشي....

المهم ازاي تطمن ليه...

تثق فيه....

تسلمه مناخيرك يا مواطن...إزاي؟؟؟؟؟

فوتك بعافية

لماااااضة.....مناخيرها بعافية شوية.....

[joo]

ياريت توضيح اكتر لحسن :blink:

[ابو محمد بن مصطفي]

موضوع التيفال ده كويس بس من شروط استعمال التيفال كما هو معروف عند السادة الطباخين (احترام اهو علشان محدش يزعل)

انه قبل ما نحط التيفال عالنار ان نحط فيه زيت ونسيب الزيت يسخن علشان الحاجة متلزأش :blink:

ممكن نستعمل نفس الفكرة ان يكون الكرسي التيفال محطوط عليه يجي كدة اتنين كيلو زيت من بتاع التموين

ونسيبة علي النار يجي شهر :blink:

وكدة نضمن مليون فالميه ان اللي هيعد اكيد امه دعيه عليه

اما موضوع ال الفوت علي استار ليدر

ممكن بس سعتها ممكن نلاقي اللي ماسك الحكم اسمه تموره ولا عموره اي اوره والسلام

[مغتربة]

انا كمان مش فاهمه الفكره

ايتها الرفيقه شيكو

افصحى

:blink: :blink: