الزواج الثاني بين الاباحة الشرعية و الاستنكار الاجتماعي (رأيك)

[MZohairy]

تجربه مفيده لإثبات نجاح الفكره

لكن التجارب الفرديه لا يبنى عليها الحكم ابدا

فمن الممكن جدا ان يقابل هذه القصه عشرات القصص المعاكسه تثبت فشل الفكره ايضا

يعني تعقيبا على عبارتك يا عزيزي زوهيري ، أتمنى ان تطبقها انت ايضا في جميع مواضيعك ، حتى يتسم كلامك بالموضوعية ، فمعظم استشهاداتك على اي موضوع الاحظ دائما انه يتعلق بالفئة النادرة او الأقلية ، والدليل موضوع ( الدعوة الى الدين بالموعظة الحسنة ...وتع، وحتى موضوع النقاب ) فدائما وابدا تستشهد بما يحدث من الأقلية لتدلل على صحة وجهة نظرك التي دائما ما يكون تصرف الأقلية فيها هو معيار حكمك على الفئة التي تشكل الأكثرية......

مهلش تعقيب كان لابد منه لان جملتك أعلاه عجبتني

اشكرك على وجهة نظرك

هاتلي ما اشرت انا اليه كأمر خاطئ او اي استشهادات و قمت بتعميمها على الجميع و انا على استعداد لتوضيح عكس ما وصل لحضرتك.

تحياتي

[zika]

.......

ثانيا دائما في الطبيعة نوع الانثى اكثر عدديا من الذكر (في الانسان والحيوان والجماد) فمن يكون لفائض النساء (اذا منع الحلال)؟؟؟؟؟؟؟؟؟؟؟

......

وان منعنا تعدد الزوجات فالبديل لا محالة تعدد الخليلات

بختلف معاك في النقطتين دول يا اخ مسافر

اولا حكاية ان الاناث اكتر عدديا من الذكور فده مش صحيح سواء على مستوى العالم او على مستوى مصر او حتى السعودية و لو ان الفرق بيكون بسيط (واحد في المية أكتر او اقل حاجة بسيطة بس المفارقة ان الاناث أقل مش أكتر)

ملحوظة : الكلام هنا عن الانسان اما الحيوان و الجماد فمعرفش بصراحة

بالذات موضوع الجماد ده :lol:

(انا بهظر معاك على فكرة اوعا تزعل :blush2: )

اما حكاية ان البديل لا محالة هو تعدد الخليلات

فمصر مثلا لا منتشر فيها تعدد الزوجات و لا الخليلات

تحياتى ليك يا اخ مسافر

نيجى بقا لموضوع تعدد الزوجات

انا مش هقول انى ضدو

خصوصا ان في زوجات موافقين زى ما شوفنا

انما برضو لازم نوضح للى مش هيوافقو على كدة ان برضو ليها حقوق تحميهم من موقف زى كدة

زى مثلا انها تشترط ده في عقد الزواج او حتى طلب الطلاق للضرر النفسي

بس برضو لازم تعزز من استقلالها ماديا عشان مش تضطر تقبل بوضع هى مش حباه و ده عموما , مش بس فى حالة ان جوزها يتجوز عليها .

[MZohairy]

بس كلمه اخيره

على كل راجل عايز يعدد لازم يكون متاكد من انه قادر يصرف على البيتين فروم اى تو زيد

يعنى مثلا منينفعشى تكون مراته بتساعده فى مصروف البيت بكدها و تعبها

و يجى هو بكل بساطه يقولها انها هتجوز

لان الى زى دا ميتقلوش غير كلمه واحده بلاش نكتبها هنا احسن :blush2:

الموضوع مش صرف بس يا مغتربه هانم لأنه مش مشروع تجاري

الموضوع يحتاج مقدره ماليه فعلا

لكنه يحتاج الى مقدره بدنيه و صحيه ايضا

و مقدره اجتماعيه و نفسيه على تربية اولاده في المنزلين او الثلاثه او الاربعه

و التربيه ليست معناها عيب يا ولد و عيب يا بنت

لأ

مراقبة الاولاد و توجيههم و تصويب اخطاءهم طوال مراحل عمرهم عمليه ليست سهله ابدا

فهي تحتاج للكثير من الوقت و المجهود و هو مايصعب فعله مع تزايد عدد البيوت من واحد وصولا لأربعه

فالأب اصبح ربع أب

و الزوج اصبح ربع زوج

و لا يمكن ان يتساوى الربع مع الواحد الصحيح ابدا

ارجوا عدم طرح امثلة نجاح

حتى نتلافى طرح امثلة الفشل

خلونا نتكلم في الفكره نفسها

شكرا

[shiko]

....هو انا كلامى مابيتسمعش ليه ...

انا موش هددت ونددت ....وقلت ماحدش يهوب النواحى دى ... :unsure:

انا عاوزاكم ..بس تسمعونى ...

انا عاوزة اعرف وبصراحة ...

وبمنتهى الامانة ليه السوالمة عاوزين اكتر من واحدة ؟؟

بس محد ش يقولى سنة ...!! عشان عندنا من السنن ...مجلدات

وحضرته اللى بيقول سنة مابيصليش سنة العشا ....

اسمع بقى رأيكم ؟؟

وبالمناسبة الموضوع ده كان فى تجربة حية اتنقلت هنا فى المنتدى..

موش عارفة ليه ...علقت بذاكرتى ...كثيرا ...

وكمان غيرت فى رأيى كتير فى الزواج التانى ...

احب تقروها...http://www.egyptiantalks.org/invb/?showtopic=100184

=================================================================

على جنب ...عجبنى رد بنسيس

يمكن لو كان حد سألني السوأل دا قبل كدا كنت هبقي اكتر واحدة معترضة على فكرة الزواج الثاني ....

و كنت هلقي خطبة طويلة عريضة من نوعية الخطب بتاعة الجمعيات النسائية...

بس سبحان الله...تفكير الواحد بيتغير كل ما بيشوف ظروف الناس الي حواليه...

و بجد الزواج الثاني ساعات بيكون رحمة للزوجة الاولى و الثانية

[se_ Elsyed]

ما يُحيرني حتى الأن أني لم اقرأ او أسمع من أي من المُفسرين تفسير للأية الكريمة التي تتحدث عن التعدد .. مبرراً أرتباطها بالأيتين السابقتين لها ..

شوفوا معايا كده

وَآتُوا الْيَتَامَىٰ أَمْوَالَهُمْ ۖ وَلَا تَتَبَدَّلُوا الْخَبِيثَ بِالطَّيِّبِ ۖ وَلَا تَأْكُلُوا أَمْوَالَهُمْ إِلَىٰ أَمْوَالِكُمْ ۚ إِنَّهُ كَانَ حُوبًا كَبِيرًا (2)

وَإِنْ خِفْتُمْ أَلَّا تُقْسِطُوا فِي الْيَتَامَىٰ فَانْكِحُوا مَا طَابَ لَكُمْ مِنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا (3)

[MZohairy]

ما يُحيرني حتى الأن أني لم اقرأ او أسمع من أي من المُفسرين تفسير للأية الكريمة التي تتحدث عن التعدد .. مبرراً أرتباطها بالأيتين السابقتين لها ..

شوفوا معايا كده

وَآتُوا الْيَتَامَىٰ أَمْوَالَهُمْ ۖ وَلَا تَتَبَدَّلُوا الْخَبِيثَ بِالطَّيِّبِ ۖ وَلَا تَأْكُلُوا أَمْوَالَهُمْ إِلَىٰ أَمْوَالِكُمْ ۚ إِنَّهُ كَانَ حُوبًا كَبِيرًا (2)

وَإِنْ خِفْتُمْ أَلَّا تُقْسِطُوا فِي الْيَتَامَىٰ فَانْكِحُوا مَا طَابَ لَكُمْ مِنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا (3)

و لهذا كان رأي الدكتور شحرور مثلا ان الزواج الثاني و الثالث و الرابع يجب ان يكون من امهات اليتامى و ليس من ابكار

وهو نوع عظيم من التكافل الاجتماعي للقادرين عليه

[shiko]

3 عدد القراء الحاليين لهذا الموضوع (1 الزوار 0 المتخفين)2 الأعضاء: shiko, mekkawy:

مكاوى على بيتكم ...

ماشوفكش هنا ...

تم تعديل 12 مايو 2010 بواسطة shiko

[jasmin hamed]

باين من عنوانه/ بعيدا عن الدخول في جدل محسوم و مسائل قتلت بحثا . السؤال:

للرجال/ ما رايك الشخصي في الزواج الثاني (خلينا واقعيين لا تالت و لا رابع "صباح القناعة") و هل تفكر في التنفيذ. ( و يا سلام لو نفذت فعلا و تشاركنا تجربتك الحية).

للنساء/ ماذا تفعلين في المواقف الاتية

1: لو اكتشفت ان زوجك قد تزوج عليكي.

2: كان متزوج من قبلك(ولا يزال) و اتقدملك معترفا بذلك .

3: في لحظة صفاء كدة جمع كل مصادر الشرع المثبتة لاباحة الزواج مرة اخرى و المصادر الاجتماعية المثبتة لزيادة نسبة العنوسة و صرحلك بإنه عايز يشارك في حل هذه الازمة بالزواج.

1 - فى الحاله ديه مش هيبقى معدد لانه هيبقى متجوز واحده بس الى هيه الزوجه التانيه

وضع رجل واحد وزوجتين ده وضع غريب جدا و مقزز فى نظرى جدا يعنى كل مره هشوفه هحس انى متجوزاه هوه و مراته

يعنى بجد مش قادره اتصوره خيالى مش واسع بس فى كل همسه و لمسه هبقى شايفها

عموما بتهيئلى اى واحده قبلت على نفسها الوضع ده دايما كان السبب الى بيرجعها عن الانفصال مادى بصوره او اخرى

يعنى احب اقول لعنتر افندى الى عايز يتجوز اننا لولا فلوس القرد ماكنتش قعدت معاك

يعنى فى العصور القديمه لما كانت الست ماتقدرش تخرج

تشتغل او قلت حيله نقص عزوه اجتماعيا ماكنش الجواز مقبول اه يمكن

و حتى دلوقت بردوا بتهيئلى الست الى بتوافق بيكون فى ظروف فى الغالب اقتصاديه متحكمه انها مش هتقدر تسيبه

انما حب و موده و هوه بيروع يعاش واحده تانيه كان فيه و خلص يا قلبى

و بعدين هيه العنوسه فى بلادنا عنوسة الرجاله اكتر من البنات و الجواز فى

وجهة نظرى مش فرضا لازما حتما يعنى ياجواز متكافئ كويس ياقلته احسن الحياه مابتنتهيش من غير جواز ابدا

نيجى بقى لواحد هيجى تنجوزنى انا التانيه و هيقولى اصلها مابتخلفش ولا خانقانى

و لا ولا ماشى يا عم الامور لو مابتجلفش مانا ممكن ماخلفش بردوا و ممكن حضرتك ماتخلفش

خنقاك طلقها تخنت و بعجرت يبقى اول ماحضرتك تكبر و تصلع هطلقك و اتجوز واحد تانى صحتى مساعدانى

و ممكن اتجوز عشره هقوله سمعت عن ستات بتشتغل عاهرات لكن ماسمعتش عن رجاله بصراحه

المشكله و هرجع اقول من وجهة نظرى الشخصيه مش ان الراجل بيحب البصبصه

و انها حاجه فى دمه انما فى ان المجتمع بيحسسه انوا عيب و غلط بس مش غلط قوى يعنى

يعنى الى هيقولى ربنا شرعه عشان الرجاله عينيهم فارغه هقوله و لو فرضا جدلا فيه ست عينها فارغه

( و اكيد فيه )المطلوب منها انها تتجوز رجل كل تلات اشهر و تطلقه عشان الشرع محددش عدد لمرات الزواج و الطلاق

لما الست او الراجل بيقرر الارتباط بانسان بيعتبره قدره و يحاول معاه بكل طرق المعروف و الا تسريح باحسان و يظل الموده و الاحترام

[ابو محمد بن مصطفي]

سؤال مش ده شرع الله

ثم البني ادم اللي هيتص فنظره وهيجوز تاني

هو هيجوز ايه يعنى وحدة من الجن الاحمر ولا وحدة من كوكب تاني ولا قرده يعني

ماهي اكيد هتبقي ست وليها حقوق برده

واكيد لكل واحد الظروف الخاصة به وهو ادري الناس بحاله

طب ده قصة واقعية

احد الاصدقاء عندما تزوج تزوج بسيدة فاضلة تكبيرة باكثر من خمسة عشر سنة

وانجب منها ثلاثة شباب اصغرهم في ثالثة ثانوي توفيت زوجته منذ عامين

صديقي هذا الان عنده ثمانية واربعون عاما

والان هو يفكر في الزواج مرة اخري ومنذ علم اولاده بذلك اعترضوا علي ذلك وقاطعوا

يعمل ايه دلوقتي

كمان قصة اخري واقعية

احد اقاربي توفيت زوجته في حادث منذ سته اشهر ومعه الان طفلين

وهو لا يفكر في الزواج

ولكن اهل زوجته يحاربوه في كل مكان خشية منهم ان يكون زوج بنتهم يفكر في الزواج.

الخلاصة ان اللي يمشي ورا كلام الناس مش هيخلص

كل واحد ادري بظروفه

[مسافر زاده الخيال]

.......

ثانيا دائما في الطبيعة نوع الانثى اكثر عدديا من الذكر (في الانسان والحيوان والجماد) فمن يكون لفائض النساء (اذا منع الحلال)؟؟؟؟؟؟؟؟؟؟؟

......

وان منعنا تعدد الزوجات فالبديل لا محالة تعدد الخليلات

بختلف معاك في النقطتين دول يا اخ مسافر

اولا حكاية ان الاناث اكتر عدديا من الذكور فده مش صحيح سواء على مستوى العالم او على مستوى مصر او حتى السعودية و لو ان الفرق بيكون بسيط (واحد في المية أكتر او اقل حاجة بسيطة بس المفارقة ان الاناث أقل مش أكتر)

ملحوظة : الكلام هنا عن الانسان اما الحيوان و الجماد فمعرفش بصراحة

بالذات موضوع الجماد ده :wub:

امال انت مش مؤمن ان الذكورة والانوثة في الطبيعة اصلا؟؟؟؟؟

الهيدروجين(انثى)و

الاكسجين ذكر

فلما يتزاوج اكسجين مع 2هدروجين بيكونوا ميه

(انا بهظر معاك على فكرة اوعا تزعل :unsure: )

وح ازعل ليه ؟؟؟؟؟؟انا لاني معدد ولا متجوز اصلا

اما حكاية ان البديل لا محالة هو تعدد الخليلات

فمصر مثلا لا منتشر فيها تعدد الزوجات و لا الخليلات

ازاي حكمت بده؟؟؟؟؟؟

تعدد الزوجات من السهل معرفته اما غير ذلك فالسرية غالبا ما تكون موجوده في كل مكان مش مصر بس

تحياتى ليك يا اخ مسافر :wub:

نيجى بقا لموضوع تعدد الزوجات

انا مش هقول انى ضدو

خصوصا ان في زوجات موافقين زى ما شوفنا

انما برضو لازم نوضح للى مش هيوافقو على كدة ان برضو ليها حقوق تحميهم من موقف زى كدة

زى مثلا انها تشترط ده في عقد الزواج او حتى طلب الطلاق للضرر النفسي

بس برضو لازم تعزز من استقلالها ماديا عشان مش تضطر تقبل بوضع هى مش حباه و ده عموما , مش بس فى حالة ان جوزها يتجوز عليها .

تحياتي لكم

[مغتربة]

بس كلمه اخيره

على كل راجل عايز يعدد لازم يكون متاكد من انه قادر يصرف على البيتين فروم اى تو زيد

يعنى مثلا منينفعشى تكون مراته بتساعده فى مصروف البيت بكدها و تعبها

و يجى هو بكل بساطه يقولها انها هتجوز

لان الى زى دا ميتقلوش غير كلمه واحده بلاش نكتبها هنا احسن smk: -_-

الموضوع مش صرف بس يا مغتربه هانم لأنه مش مشروع تجاري

الموضوع يحتاج مقدره ماليه فعلا

لكنه يحتاج الى مقدره بدنيه و صحيه ايضا

و مقدره اجتماعيه و نفسيه على تربية اولاده في المنزلين او الثلاثه او الاربعه

و التربيه ليست معناها عيب يا ولد و عيب يا بنت

لأ

مراقبة الاولاد و توجيههم و تصويب اخطاءهم طوال مراحل عمرهم عمليه ليست سهله ابدا

فهي تحتاج للكثير من الوقت و المجهود و هو مايصعب فعله مع تزايد عدد البيوت من واحد وصولا لأربعه

فالأب اصبح ربع أب

و الزوج اصبح ربع زوج

و لا يمكن ان يتساوى الربع مع الواحد الصحيح ابدا

ارجوا عدم طرح امثلة نجاح

حتى نتلافى طرح امثلة الفشل

خلونا نتكلم في الفكره نفسها

شكرا

و مين الى قال انها صرف بس

الحديث عن عنصر واحد من ضمن عناصر عديده مكونه لموضوع معين

لا يعنى انك تنكر وجود باقى العناصر

بل يعنى ببساطه انك اخترت عنصر واحد منهم لتتحدث عنه

فين المشكله بقى :lol: :blink:

[الباشمهندس ياسر]

باين من عنوانه/ بعيدا عن الدخول في جدل محسوم و مسائل قتلت بحثا . السؤال:

للرجال/ ما رايك الشخصي في الزواج الثاني (خلينا واقعيين لا تالت و لا رابع "صباح القناعة") و هل تفكر في التنفيذ. ( و يا سلام لو نفذت فعلا و تشاركنا تجربتك الحية).

لسه مطلعتش الطلعة الاولي . و اوعدك اي مش اوي اكررها

بس علي جنب بقي

اللي يقول انه عاوز يعدد عشان العنوسة يبقي راجل كداب

ليه

لانه بفس تكاليف جوازته التانيه يقدر يجمع بين اتنين غلابة و شوف حجم الحسنات هيبقي عامل ازاي.!!!!!

انما لما ابقي راجل متجوز و يعجبني غزال و داخل دماغي و المسألة معايا عنب .. يبقي بكل شرف هوضح ده لهلي و هأتجوز و ف النور

[Princesse]

باين من عنوانه/ بعيدا عن الدخول في جدل محسوم و مسائل قتلت بحثا . السؤال:

للرجال/ ما رايك الشخصي في الزواج الثاني (خلينا واقعيين لا تالت و لا رابع "صباح القناعة") و هل تفكر في التنفيذ. ( و يا سلام لو نفذت فعلا و تشاركنا تجربتك الحية).

للنساء/ ماذا تفعلين في المواقف الاتية

1: لو اكتشفت ان زوجك قد تزوج عليكي.

2: كان متزوج من قبلك(ولا يزال) و اتقدملك معترفا بذلك .

3: في لحظة صفاء كدة جمع كل مصادر الشرع المثبتة لاباحة الزواج مرة اخرى و المصادر الاجتماعية المثبتة لزيادة نسبة العنوسة و صرحلك بإنه عايز يشارك في حل هذه الازمة بالزواج.

فى الحاله ديه مش هيبقى معدد لانه هيبقى متجوز واحده بس الى هيه الزوجه التانيه

وضع رجل واحد وزوجتين ده وضع غريب جدا و مقزز فى نظرى جدا يعنى كل مره هشوفه هحس انى متجوزاه هوه و مراته

يعنى بجد مش قادره اتصوره خيالى مش واسع بس فى كل همسه و لمسه هبقى شايفها

عموما بتهيئلى اى واحده قبلت على نفسها الوضع ده دايما كان السبب الى بيرجعها عن الانفصال مادى بصوره او اخرى

يعنى احب اقول لعنتر افندى الى عايز يتجوز اننا لولا فلوس القرد ماكنتش قعدت معاك

يعنى فى العصور القديمه لما كانت الست ماتقدرش تخرج

تشتغل او قلت حيله نقص عزوه اجتماعيا ماكنش الجواز مقبول اه يمكن

و حتى دلوقت بردوا بتهيئلى الست الى بتوافق بيكون فى ظروف فى الغالب اقتصاديه متحكمه انها مش هتقدر تسيبه

انما حب و موده و هوه بيروع يعاش واحده تانيه كان فيه و خلص يا قلبى

و بعدين هيه العنوسه فى بلادنا عنوسة الرجاله اكتر من البنات و الجواز فى

وجهة نظرى مش فرضا لازما حتما يعنى ياجواز متكافئ كويس ياقلته احسن الحياه مابتنتهيش من غير جواز ابدا

نيجى بقى لواحد هيجى تنجوزنى انا التانيه و هيقولى اصلها مابتخلفش ولا خانقانى

و لا ولا ماشى يا عم الامور لو مابتجلفش مانا ممكن ماخلفش بردوا و ممكن حضرتك ماتخلفش

خنقاك طلقها تخنت و بعجرت يبقى اول ماحضرتك تكبر و تصلع هطلقك و اتجوز واحد تانى صحتى مساعدانى

و ممكن اتجوز عشره هقوله سمعت عن ستات بتشتغل عاهرات لكن ماسمعتش عن رجاله بصراحه

المشكله و هرجع اقول من وجهة نظرى الشخصيه مش ان الراجل بيحب البصبصه

و انها حاجه فى دمه انما فى ان المجتمع بيحسسه انوا عيب و غلط بس مش غلط قوى يعنى

يعنى الى هيقولى ربنا شرعه عشان الرجاله عينيهم فارغه هقوله و لو فرضا جدلا فيه ست عينها فارغه

( و اكيد فيه )المطلوب منها انها تتجوز رجل كل تلات اشهر و تطلقه عشان الشرع محددش عدد لمرات الزواج و الطلاق

لما الست او الراجل بيقرر الارتباط بانسان بيعتبره قدره و يحاول معاه بكل طرق المعروف و الا تسريح باحسان و يظل الموده و الاحترام

عزيزتي Jasmin لحد وقت قريب جداا كنت بفكر زيك بالضبط...لحد ما عشت قصة حصلت مع صديقة لي خلتني اغير وجهة

نظري و اعرف ان لكل حالة اسثناء و ان شرع ربنا رحمة و حماية لجميع الاطراف...ربنا رحيم بينا جدا بس احنا يا بشر ديما بنحب نصعب الامور على نفسنا و نرفض الحلال و

النتيجة ان الانسان الضعيف ممكن يغلط و يقع في المعصية

[Princesse]

بمناسبة موضوع الزواج التاني : اسمحوا لي اشارك معاكم بقصة واقعية جدا و بتحصل دلوقتي لصديقتي المقربة...بصراحة انا نصحتها كثير و بدعي ربنا انها تخرج من الازمة دي على خير

الحكاية من الاول:

صديقتي بتشتغل في شركة كبيرة..وهي ما شاء الله انسانة محترمة و جميلة و شيك و مثقفة باختصار اي شاب يتمنى يرتبط بيها...بدأت الحكاية في اول يوم الشغل، كان مديرها انسان محترم و ناجح في شغله و بيساعدها كتير...كانت صديقتي بتعتبره اخ كبير ليها ..وعند اي مشكلة في الشغل تجري عليه تطلب المساعدة و النصيحة...المدير دا متجوز و عنده اطفال... استمر الوضع كدة4 سنوات..كل يوم في الشغل مع بعض...و بينهم كل احترام و مجرد زمالة

لحد هنا الموضوع عادي...لحد ما في يوم من الايام اترقى المدير و سافر يشتغل في فرع لشركة خارج مصر...و كانت صديقتي بتتصل بيه في المناسبات الاعياد و رمضان تعيد عليه ...وبعدين بدأ هو يتصل بيها ويكلم معاها كتير...و مع الوقت صارحها انه كان معجب بيها من اول يوم شافها فيه و انه كان مخبي مشاعره لانه كان مديرها المباشر ..و هي كمان قالت لي انها كانت معجبة بيه بس كانت بتحاول تنكر دا علشان هو متزوج

الموضوع تحول الي حب ...ولما رجع مصر تاني ..بدأوا يتقابلوا و شرح ليها انه بيحترم زوجته و بيحب اولاده ولكنه غير سعيد ...لان زوجته مجرد بتعتبره مكنة فلوس و بس..مفيش مشاعر او حتى حوار بينهم...وانه مستحمل الحياة كدة علشان اولاده...و انه عايش في الغربة لوحده علشان زوجته رفضت تسافر معاه

وبعدين عرض عليها فكرة الزواج و انها تكون الزوجة الثانية خصوصا انه مفيش اي مشاكل مادية تمنع دا...هي وافقت..

بس اول مشكلة فكروا فيها ...ان زوجته الاولي هترفض انه يجوز عليها

و المشكلة الثانية ان اهل صديقتي كمان هيرفضوا الجوزاة دي

عرض عليها انهم يجوزوا ويحطوا الجميع امام الامر الواقع ..لكن صديقتي رفضت

صديقتي بتحبه جدا..و بتقولي انها مش عاوزة تحرمه من اولاده و مش عاوزة تكون السبب انها تحرم الاولاد من حياة مستقرة بين امهم و ابوهم ..وانها لا يمكن تقبل انها تكون سبب في هدم البيت الانسان الي بتحبه...ولكنها في نفس الوقت مش قادرة تتخيل نفسها تتجوز واحد تاني و مش قادرة تبعد عنه

أما عن موقفه هو ، فهو بيحارب..ساعات بيقدر يبعد و يتراجع و ساعات تانية يرجع تاني لصديقتي

انا مش عارفة حكايتهم دي هتخلص على ايه...انا كنت بشتغل مع صديقتي في نفس الشركة و عارفة كل اطراف القصة يعني صديقتي مش من نوع البنات الي بيخطفوا الازواج ولا مديرها رجل عينه زايغة و بتاع بنات لانه متدين

و بسأل نفسي : لحد فين يقدر الرجل انه يستحمل الحياة بدون مشاعر مع زوجته و تكون الحياة بينهم مادية بس؟ و ليه بنصعب الامور على نفسنا لما الحلال موجود؟

وصديقتي دي هل هتكون سعيدة لو اتجوزته ؟ وهل هي كدة هتظلم زوجته و الاولاد؟ و لو اتفرقوا ، هل صديقتي هتكون سعيدة لو اتجوزت حد تاني ؟

ايه رأيكم؟

[doha]

برنسيس ..

لاي وحده بتمر بقصة مشابهة لقصة صاحبتك ـ وهم كتير بالمناسبة ـ اهدي القصة دي الي قريتها من فترة طويلة في بريد الاهرام ومازلت محتفظة بيها لانها بتقول حاجات كتير يفترض تنقال في الحالات الي زي دي ..

========= محكمة الضمير ===========

قرأت في الأسبوعين الماضيين مشكلتين عن رجلين يريدان الزواج مرة ثانية وقرأت التعليقات الموجهة إلي المرأة الثانية في حياة الرجل فأحببت أن أبعث برسالتي لأوضح لكم بعضا مما يعتمل في نفس المرأة الثانية فقد كنت فترة ما امرأة ثانية‏..‏

ربما تظن أن رسالتي لا تستحق النشر بالنظر إلي كمية ونوعية الرسائل التي تصلك يوميا‏,‏ ولكن الحق أنها حالة أصبحت ظاهرة‏,‏ ربما تكون مستترة ولكنها في ازدياد رهيب‏,‏ وإذا قرأت رسالتي ستعرف أنه ليس عندي مشكلة الآن فقد حللتها بفضل الله ولكني أردت أن أنبه البنات في مثل عمري حتي لا يقعن في مثل خطئي‏.‏

نشأت في أسرة متدينة طيبة ومتحابة‏,‏ وكبرت وأنا أري أبي وأمي في قصة حب دائمة ولم أسمع أبدا صوتهما يعلو في شجار حتي لقد ظننت أن هذا هو حال الجميع وأن كل البيوت هي مثل بيتنا‏..‏

ولكن بمرور الزمن وبتفتح عقلي وإدراكي للأمور من حولي عرفت أن كل البيوت ليست مثل بيتنا‏,‏ وأدركت كم أنا محظوظة بنشأتي وسط هذا الحب المتبادل بين أبي وأمي وأنا أري والد إحدي صديقاتي لا يسأل عنها بالسنين وأخري أبوها وأمها في حالة شجار دائم وتهديد بالطلاق وثالثة يضربها والدها طوال الوقت وغيرهن كثير‏.‏

وفجأة ومع بلوغي سن السادسة عشرة توفي والدي بدون سابق إنذار‏..‏ توفي في قمة شبابه وصحته‏,‏ وانكسر بداخلي شيء كبير لم استطع إصلاحه وبمرور الوقت كنت أدرك أكثر وأكثر حجم ما خسرته بوفاة أبي‏.‏

أنهيت دراستي والتحقت بالعمل بإحدي الشركات ونجحت وتقدمت في عملي وكذلك بدأت دراستي العليا وهناك في الحرم الجامعي بدأت مشكلتي‏.‏

قابلته هناك‏..‏ أستاذ مساعد‏..‏ في الخامسة والثلاثين‏..‏ محترم من الجميع‏..‏ متزوج وأب لولدين‏.‏

وبدأت علاقتنا طبيعية‏..‏ طالبة بالدراسات العليا وأستاذها‏..‏ علاقة يسودها الاحترام المتبادل والتقدير ولم يخطر ببالي أبدا أنها قد تتعدي ذلك‏.‏

ولكن شيئا ما بدأ يتغير‏..‏ شرارة ما اشتعلت في قلبي وأنا أري اهتمامه المتزايد بي‏..‏ كنت متأكدة من أنه لا مستقبل لنا معا وكنت أؤنب نفسي كثيرا إذا ما ضبطتها متلبسة بالتفكير فيه‏,‏ ولكني وجدت نفسي أندفع يوما بعد الآخر في اتجاهه وباءت كل محاولاتي الضعيفة في ايقاف نفسي بالفشل‏.‏

أدمنت سماع صوته واهتمامه ونظراته‏,‏ كان يشعرني بأني الأنثي الأجمل علي وجه الأرض‏,‏ ويهتم بأدق تفاصيل حياتي وكأني شغله الشاغل‏,‏ وأحسست بأني أحبه ولن استطيع أبدا الاستغناء عنه‏.‏

ويوم اعترف بحبه لي لم أناقشه في أنه متزوج وأب ولم أرد حتي أن أفكر في الأمر‏,‏ فقط صارحته بأني أيضا أحبه‏.‏

وظللت هكذا شهورا‏..‏ لا أفكر سوي في أن هذا الرجل يحبني وأنا أحبه وأصدقه وأؤمن بحبه لي أيمانا مطلقا لاشك فيه‏.‏

وإذا ناداني ضميري بأنه رجل متزوج وأني بحبي له إنما أعتدي علي ما ليس لي‏,‏ وأنه سيأتي اليوم الذي سيخونني فيه زوجي مثلما سمحت لهذا الرجل بخيانة زوجته‏,‏ فإني كنت وبكل بساطة أتجاهل ضميري وأتذكر فقط كلامه الحلو لي وأوقاتي الرائعة معه‏.‏

لشهور وشهور كان حبنا يتزايد وثقتي به تزيد‏,‏ فهو لا يريد مني شيئا ولم يحاول أن يأخذ مني شيئا‏,‏ وأحسست باحترامه لي وخوفه علي أكثر من نفسي ولكن ضميري لا يسكت ومهما تجاهلته فهو مستمر في تأنيبي وتعذيبي‏.‏

لم نكن نناقش مسألة زواجه ولا مستقبل علاقتنا معا ولكن ما كنت متأكدة منه بنسبة‏100%‏ هو أننا لن نتزوج أبدا‏..‏ حتي لو عرض علي الزواج‏,‏ أنا لن أن أوافق لا علي أن أكون زوجة ثانية ولا علي أن يطلق زوجته من أجلي‏..‏ كل الخيارات مرفوضة وغير مقبولة لي‏..‏ لا أعرف هذه المرأة ولكني لن أرضي بهذا الظلم لها‏..‏ كنت أتمني لو أقابلها وأقبل يدها وأطلب منها أن تسامحني‏..‏

وبمرور الوقت تغيرت كثيرا حتي لم أعد أعرف نفسي‏..‏ بدأ ضميري يسكت ويكف عن محاكمتي‏..‏ وبدأ أحساسي بالذنب تجاهها يتحول إلي شعور قاتل بالغيرة‏,‏ أحس بها تأكل أعصابي مثل النار وأنا أتخيله ينام بجوارها كل ليلة‏,‏ وبدأت أفكار شريرة تغزو رأسي فأبدأ في التفكير في مكائد لأدمر زواجهما حتي يصبح لي وحدي وبدأت فكرة طلاقهما وزواجي به تبدو مقبولة لي ولكن هذه الأفكار الشريرة لم تأخذ أبدا طريقها إلي حيز التنفيذ‏..‏ كنت عندما انتهي من فكرة مجنونة شريرة أنتبه فزعة إلي ما وصل إليه تفكيري‏..‏ أنا الفتاة المتدينة ذات الأصل الطيب التي اعتادت أن تكون قريبة من ربها‏.‏ كيف فكرت مثل هذه الأفكار فأبدأ في البكاء حتي أنام‏.‏

حتي كانت ليلة استيقظت فيها من نومي قبل الفجر فزعة من كابوس رأيت فيه نفسي أحاول أن أعود إلي البيت ولكن بالوعة مجار كبيرة منفجرة في الشارع تحول بيني وبين رجوعي تفوح منها رائحة نتنة في الشارع وأنا حافية القدمين أحاول أن أعبر دون أن أسقط وبصعوبة عبرت وصوت يصرخ في قائلا أرأيتي لقد كدت تسقطين وأفقت من النوم‏..‏ وفهمت معني الحلم وأدركت أنها اشارة أخيرة لي لانذاري بما سيحدث إذا لم أتوقف‏.‏

ولأقول لك الحق‏..‏ لقد مرت علي أيام لا مانع فيها من الوقوع في الخطيئة سوي أن الظروف لم تسنح لي‏..‏ كانت نفسي ضعيفة وضميري نائما وإذا توافرت الظروف لكنت وقعت بكل تأكيد ولكن ربي سلم وأراد لي النجاة‏.‏

لم أكن أعرف كيف أتوقف ولا كيف ستكون حياتي بدونه‏..‏ أحبه ولا أريد أن أتركه ولكني أضيع وسألت نفسي هل يستحق الأمر أن أضيع من أجله؟ وماذا ينقصني لأكون في علاقة طبيعية معلنة؟ ولماذا أحرم نفسي من فرصي المتعددة في الحياة وأدفن نفسي بالحياة في علاقة مشوهة ومبتورة؟ وما الذي يستحق أن أخسر ديني وربي ونفسي واحترامي لذاتي من أجله؟ أهو الحب؟ وهل يستحق الحب كل هذه التضحية؟ وهل سيبقي الحب في قلبي إذا خرجت منه الرحمة وسكت فيه الضمير؟ لقد وجدت الحب مرة ويمكنني أن أجده مرة أخري وحتي لو لم يحدث‏..‏

يكفيني أني رحمت نفسي من المحكمة التي يعقدها لي ضميري كل ليلة ورحمتها من التشويه الذي كان سيلحق بها والذي لم يكن العمر كله ليكفي لاصلاحه إذا ما قتلت هذا الضمير‏,‏ وأخذت قراري وتركته‏,‏ ولم يكن الأمر بالصعوبة التي تخيلتها علي الاطلاق وبرغم حبي له إلا أن لحظة أن تركته شعرت وكأن حملا كالجبل انزاح عن كتفي وشعرت بالبراءة السابقة تغزو ملامحي وصفاء مطلق يملأ عقلي وقلبي وراحة تامة لضميري وانطلقت الأفكار المبدعة في عملي ولاحظ رؤسائي تميزي وأثنوا عليه ووجدت الوقت الكافي لأدير حياتي بصورة أفضل وأخطط لمستقبل كثيرا ما حلمت به وتحمست له‏,‏ مستقبل كان سيضيع أمام هفوة غبية وأمل كاذب في سعادة هي أصلا سراب‏.‏

إنها رسالة لكل من هي علي بداية هذا الطريق كتبتها عندما لاحظت كم هن كثيرات وكم هن في ازدياد‏..‏ لن أقول لك إنه يكذب عليك ويريد أن يشعر بنفسه مع امرأة أخري غير زوجته‏..‏ ولن أقول لك إنه يستغلك ليصل إلي أطماعه منك‏..‏ لن أتكلم عنه أصلا‏..‏ إنما أتكلم عنك أنت‏..‏ هل تستحق نفسك منك هذا التشويه؟ هل يستحق أهلك منك هذا الخداع؟ وعمرك الذي مهما طال قصير لماذا تضيعينه علي ما لن يسعدك أبدا نهايته؟‏.‏

أنت الآن علي بداية الطريق وأنا قد أنهيته‏..‏ وأردت أن أخبرك بما ينتظرك علي الجانب الآخر ولأقول لك الحق قبل أن تصلي إلي هذا الجانب الآخر‏,‏ هناك مفترق طرق يجب أن تمري به‏..‏ وهناك ستختارين إما أقصي اليمين كما فعلت أنا وإما أقصي اليسار ولا أظن أن النهاية هناك ستعجبك‏.‏

لا تستسلمي‏..‏ قاتلي‏..‏ وأبحثي عن القوة بداخلك واستعيني بربك وستفاجئين بالقوة التي يمدك بها وستفاجئين نفسك بالقوة التي بداخلك وستستعيدين احترامك لذاتك‏.‏

أنا الآن متزوجة‏,‏ أعشق زوجي إلي حد الجنون‏,‏ وأشعر معه بأني لم أحب من قبل‏,‏ لا وجه للمقارنة بين أحساسي معه واحساسي مع هذا الرجل المتزوج‏,‏ كنت أظن أني أحببت من قبل ولكن الحقيقة هي أن حبي الأول هو حبي لزوجي‏,‏ حب ولد ونما في النور ولم أشعر معه بأي ألم أو عذاب ضمير‏,‏ حب استطيع أن أواجه به الناس وأواجه به ضميري‏,‏ حب يقربني من ربي ويرضيه عني‏.‏ ولكني لا أملك كلما أحسست بكل هذه السعادة إلا أن أتساءل ما المصير الذي كان ينتظرني لو كنت قد سقطت في بالوعة المجاري‏.‏

==========

[MZohairy]

نموذج لا علاقة له بصحيح الاسلام

[jasmin hamed]

انا مش عارفة حكايتهم دي هتخلص على ايه...انا كنت بشتغل مع صديقتي في نفس الشركة و عارفة كل اطراف القصة يعني صديقتي مش من نوع البنات الي بيخطفوا الازواج ولا مديرها رجل عينه زايغة و بتاع بنات لانه متدين

و بسأل نفسي : لحد فين يقدر الرجل انه يستحمل الحياة بدون مشاعر مع زوجته و تكون الحياة بينهم مادية بس؟ و ليه بنصعب الامور على نفسنا لما الحلال موجود؟

وصديقتي دي هل هتكون سعيدة لو اتجوزته ؟ وهل هي كدة هتظلم زوجته و الاولاد؟ و لو اتفرقوا ، هل صديقتي هتكون سعيدة لو اتجوزت حد تاني ؟

ايه رأيكم؟

بصى يا انسه برنسيس انا اكيد لا اجروء على انى احرم ما احله الله التعدد كما تفضلت الاستاذه ضحى و قالت رخصه مش اصل الزواج

ذى رخصة افطار المريض فى رمضان كده ليها حالات و شروط و تدابير و قيود مش مجرد استسهال و حل وقتى و كل واحد يقوم الصبح يعطس يقول انا عيان و هفطر

نيجى لمشكلة زميلتك ديه الى مش شايفه فيه حاجه ملحه لزواج الرجل من اتنين

الراجل ده و كل الرجال الى من نوعيته الى مش موفقين فى حياتهم لازم و قبل مايبتدى حوارات مع حد يحط حد لحياة يعنى ياما يحاول مع مراته بكل الطرق عشان تنصلح

وان محصلش ياخد قرار فى حياته ويقول انا هعيش عشان ولادى مع الست ديه ياما هطلقها وابتدى حياه تانيه يعنى يايقفل الباب يايفتحه و لو قرر النفصال بعدين يدور على واحده تانيه

طيب ماتيجى نقلب الحكايه و نعتبر ان زميلك ده واحده ست مش راجل و مش مرتاحه مع جوزها تفتكرى هنقولها ايه مش هقولها قررى فى حياتك و بعدين لما تبقى تطلقى ممكن تبتدى تدورى و تحبى

الراجل زميلك ده ماوقعش تحت ضغط رهيب مثلا و اغرائات مريعه ده هوه الى دور و قرر و اتكلم و علق نفسه مع واحده

و صحبتك انا اسفه بس من اول كلمة اعجاب سمعتها من راجل متجوز و سكتت غلطانه يا برنسيس الزواج علاقه صعبه و معقده فى الظروف الطبيعيه

فمابالك بجواز فيه عيلتها مش موافقه و عيلته و مراته و عياله

حب احمد و منى بعد الجواز بيهدى و المشاكل تبتدى تبان لو مافيش تكافئ

و الله يابنتى اتا شفت من الحواديت ديه كتير و كتير قوى كمان و ماشفتش وحكايه واحده بتكمل على خير ابدا هوه شهر العسل و المصايب تبتدى

و لا الزوجه الاولى هتسيبهم فى حالهم و لا الزوجه التانيه هتتفهم حقوق الاولى ام العيال و شريكة الكفاح

عارفه انا يتهيئلى ايه الى المفروض يتغير ثقافه الطلاق فى حد ذاتها يعنى لو اتنين بعد كل محاولات الصلاح يقررو يطلقوا لازم يبقى فيه

احترام مش ناس تعند على بعض و تقول اصلوا اتجوز انا مش هوريله العيال او اصلها اتجوزت مش هتشوف نفقه لعيالها

لازم نفهم ان ممكن فى لحظه جوزى يجى يقولى انا مابقتش راغب فيكى ننفصل بالمعروف خلاص

طيب انا هكيلك حكاية والدى انا شخصيا و هو راجل اتزوج فى اول حياته بنت عمه كعادة اهله و لم يوفق معها

وكان مخلف منها بنتين و بعد فتره قرر الانفصال و طلقها طلقه بائنه لا رد فيها مع حفاظ كل حقوق السيده الاولىمن حضانه و كفاله وقرر الزواج من تانيه الى هيه امى

لغايت كده ماشى بعد فتره تتزوج السيده الولى من رجل اخر و تستغنى عن الحضانه لابى خدى بالك انى امى مش متجوزها على اساس انها هتربي عياله

و السيده الاولى لا توفق فى حياتها و تطلق مره اخرى و اذ بيها تعرض على ابى الزواج لرد حضانه الاولاد و يرفض ابى و ترفض بناتها الرجوع لها

كان ممكن امى تقوله رجعها انا مش هربى عيال حد و ممكن ابويا يقول احسن اربىا لاولاد ما بين امهم و ابوهم

بيت مش سعيد مش هيتربى فيه اولاد صالحين و اسوياء

ثقافة الطلاق المحترم والمهذب هيه الى خليتنى بحب الست والدة اخواتى ذى ما بحب خالتى هيه الى خلتنى عارفه كل اخواتها و ولدهم و بشوفهم و اكلمهم ذى مابكلم ولاد اعمامى

و بتهادى بعض فى الاعياد و بيطمنوا على امى و يسئلوها اذا كانت محتاجه حاجه بدون حزازيات

هيفضل ابويا مثال الراجل فى عينى الى مارودهوش متعة الشخصيه فى انه يحقق سعاده على حساب تعاسة حد تانى

راجل اخذ موقف فى حياته مش سايب الباب موارب الله يرحمه

[doha]

نموذج لا علاقة له بصحيح الاسلام

قصدك ملوش علاقه بصحيح الواقع الاجتماعي في مصر

الزواج اجمالا هو امر اجتماعي مش اسلامي علاقته الوحيده بالاسلام ان الاسلام ذكر فيه ما يقنن الزواج

والزواج الثاني مش استثناء هو برضه شيء راجع للوضع الاجتماعي وبرضه دور الاسلام الوحيد فيه هو تقنيينه

مش عارفه امتى بقى هنبطل نربط مابين الاسلام وتعدد الزوجات وكأنهم فروض او ركعات لا يحتسب ايمان الشخص الا اذا اتمها

[MZohairy]

كل علماء السعوديه رأيهم ان الأصل في الزواج هو التعدد و ليس العكس (من وجهة نظر اسلاميه)

[لماضة مصرية جدا]

الحكاية من الاول:

صديقتي بتشتغل في شركة كبيرة..وهي ما شاء الله انسانة محترمة و جميلة و شيك و مثقفة باختصار اي شاب يتمنى يرتبط بيها...بدأت الحكاية في اول يوم الشغل، كان مديرها انسان محترم و ناجح في شغله و بيساعدها كتير...كانت صديقتي بتعتبره اخ كبير ليها ..وعند اي مشكلة في الشغل تجري عليه تطلب المساعدة و النصيحة...المدير دا متجوز و عنده اطفال... استمر الوضع كدة4 سنوات..كل يوم في الشغل مع بعض...و بينهم كل احترام و مجرد زمالة

لحد هنا الموضوع عادي...لحد ما في يوم من الايام اترقى المدير و سافر يشتغل في فرع لشركة خارج مصر...و كانت صديقتي بتتصل بيه في المناسبات الاعياد و رمضان تعيد عليه ...وبعدين بدأ هو يتصل بيها ويكلم معاها كتير...و مع الوقت صارحها انه كان معجب بيها من اول يوم شافها فيه و انه كان مخبي مشاعره لانه كان مديرها المباشر ..و هي كمان قالت لي انها كانت معجبة بيه بس كانت بتحاول تنكر دا علشان هو متزوج

الموضوع تحول الي حب ...ولما رجع مصر تاني ..بدأوا يتقابلوا و شرح ليها انه بيحترم زوجته و بيحب اولاده ولكنه غير سعيد ...لان زوجته مجرد بتعتبره مكنة فلوس و بس..مفيش مشاعر او حتى حوار بينهم...وانه مستحمل الحياة كدة علشان اولاده...و انه عايش في الغربة لوحده علشان زوجته رفضت تسافر معاه

وبعدين عرض عليها فكرة الزواج و انها تكون الزوجة الثانية خصوصا انه مفيش اي مشاكل مادية تمنع دا...هي وافقت..

بس اول مشكلة فكروا فيها ...ان زوجته الاولي هترفض انه يجوز عليها

و المشكلة الثانية ان اهل صديقتي كمان هيرفضوا الجوزاة دي

عرض عليها انهم يجوزوا ويحطوا الجميع امام الامر الواقع ..لكن صديقتي رفضت

صديقتي بتحبه جدا..و بتقولي انها مش عاوزة تحرمه من اولاده و مش عاوزة تكون السبب انها تحرم الاولاد من حياة مستقرة بين امهم و ابوهم ..وانها لا يمكن تقبل انها تكون سبب في هدم البيت الانسان الي بتحبه...ولكنها في نفس الوقت مش قادرة تتخيل نفسها تتجوز واحد تاني و مش قادرة تبعد عنه

أما عن موقفه هو ، فهو بيحارب..ساعات بيقدر يبعد و يتراجع و ساعات تانية يرجع تاني لصديقتي

و بسأل نفسي : لحد فين يقدر الرجل انه يستحمل الحياة بدون مشاعر مع زوجته و تكون الحياة بينهم مادية بس؟ و ليه بنصعب الامور على نفسنا لما الحلال موجود؟

وصديقتي دي هل هتكون سعيدة لو اتجوزته ؟ وهل هي كدة هتظلم زوجته و الاولاد؟ و لو اتفرقوا ، هل صديقتي هتكون سعيدة لو اتجوزت حد تاني ؟

ايه رأيكم؟

السلام عليكم ورحمة الله و بركاته

برينسس...صباحك فل و ياسمين يا رب

انا لونت شوية كلمات كده فوق لاني بحس انهم بيلموا الموضوع كله...و هفكر معاكي في شوية حاجات

1- الحكاية من الاول....حصلت التكة في المشاعر لما كان فيه تباسط أوي في العلاقات اللي بتجمعنا في الشغل....و احيانا...كلنا بنقع في الغلطة دي...ان طالما انه راجل متجوز (كأنه مثلا واخد فاكسين او مناعة) يبقي خلاص قلبه مش هيميل لحد تاني....

لا خليني اكون صادمة معاكي أوي....

لا هيميل الرجل...و هيميل جدا...و مش الراجل بس....لا البنت كمان

هو مش القرآن قال "و لا تخضعن بالقول فيطمع الذي في قلبه مرض".....

المرض هنا مش ان بس بعض الناس ممكن تكون نفسيتها عكس ما بتظهر....

بس كمان هو الميل الطبيعي بين الرجل و المرأة و خصوصا اذا تطور الحوار الي محاورة.....

الحوار...اني اسال سؤال و امشي....

اما المحاورة اني اسال و آخد و ارد...و اجاوب....و اضيف بجزء مني....و من شخصيتي..و من حياتي الخاصة....و هو كذلك

2- لما الشخص قابلها كان منطقي جدا انه يقولها انه مش سعيد مع زوحته.....لانه ببساطة بيحاول يكسب ارضية مع البنت اللي عايز يتجوزها...

ده مش معناه انه وحش...

لا ده معناه دي طبيعة انسانية...ان الواحد مبيحبش يبين نفسي غلطان او انه هيظلم حد...فبيلجا لحيلة دفاعية...و يسقط العيب علي الطرف الاخر

3- انتي سالتي يا برينسس...لحد امتي الراجل يقدر يعيش من غير مشاعر؟؟؟؟

تصدقي انا وقفت قدام السؤال ده كتير اوي اوي....عارفة ليه......لاني قريته كده.....

لحد امتي الست تقدر تعيش من غير مشاعر؟؟؟

الرجل احتياجه للست عشان يحس ان فيه حد محتاجه...اوي.....

كون انه حصر نفسه في دور واحد بس...ان مراته محتاجاه بس عشان الحساب البنكي...

يبقي خطا منهم هما الاتنين....

طب قد ايه هو حاول يعيش مع مراته....

برضه فيه طرف في القصة مهم اوي....مش سامعين صوته؟؟؟؟

4- سبعين سؤال رن في دماغي لما قريت..."انه عرض عليها انهم يتجوزوا و يحطوا اهلهم قدام الامر الواقع".....

عارفة يا برنسس....احنا ممكن نكون في حياتنا بناخد قرارت كتير بمنتهي الاستقلالية...الا الجواز....

لان كده البنت ممكن تكسر اهلها و اخواتها...اللي بيتمنولها السعادة من كل قلبهم

انا مبسوطة من موقف صاحبتك....بس كان نفسي انها تقف شوية و تراجع نفسها في طلبه.....لانه متزعليش مني...."طلب اناني" شوية.......هي اللي هتشيل تبعاته لوحدها.

5- ممكن اطلب منك طلب.....ينفع لو صاحبتك تجرب انها تبعد فترة....بأي عذر كان.....او حتي بوضوح......فيه قرارت مصيرية الواحد المفروض يبص لنفسه كده بره الصورة....عشان يعرف يقيم الموضوع صح......لو حسيت انها راجعة اقوي....يبقي هي ناضجة كفاية انها تتحمل مسئولية قرارتها....اذا حسيت انها محتاجة لوقت تاني...يبقي سيدتي الجميلة.....هي بس عايشة لحظات حلوة.....و مش عارفة تطلع نفسها منها إزاي

اذا هو مقتنع بفكرة الزواج التاني....يبقي ابسط حاجة لا يقعد يرص في مبررات و غالبا بتبقي عيوب و مساويء الزوجة الاولي.....و لا هو يلجا لاي وسيلة ضغط

هو فقط......يتقدم لاهلها...و يعرض ظروفه كما هي.....و هي من طرفها لو اقتنعت بما لايدع مجالا لتانيب الضمير بالزواج يبقي تتفضل تحارب عشانه و تقنع اهلها.....اللي منطقي جدا انهم يرفضوا في البداية لان من كلامك ابسط حاجة هتتقال لها "و انتي عليكي بايه من ده...و من وجع الدماغ"....بس بقليل من الاقناع.....لو هي اصلا مقتنعة هتقدر تقنع اهلها

و معلشي ع الاطالة

صبااااااااااااحك نووووووووور يملا حياتك