الزواج الثاني بين الاباحة الشرعية و الاستنكار الاجتماعي (رأيك)

[لماضة مصرية جدا]

كل علماء السعوديه رأيهم ان الأصل في الزواج هو التعدد و ليس العكس (من وجهة نظر اسلاميه)

السلام عليكم و رحمة الله و بركاته

مش عارفة ليه يا استاذي لما قريت مداخلة حضرتك افتكرت حوار كان دار مع احد الزملاء اللي عاش فترة في افريقيا

و قالنا

"الراجل بيبقي في اول اسبوع زواج و بيفكر يتزوج مرة تانية"

ساعتها كل البنات في الحوار استنكرت بشدة....و انا فاكرة اني ساعتها قولت..."طب يستني عليها لما تربعن..."

بس يبدو لي ان ثقافة المجتمع و خاصة إذا كان "قبلي"...مبيكونشي فيها اي استهجان لفكرة الزواج الثاني و الثالث..لانها بتخدم اهداف القبيلة ...من ناحية مصاهرة قبائل تانية...او زيادة عدد الاولاد

ثقافة كل مجتمع هي اللي بتحدد ما هو مقبول و ما هو غير ذلك.....و صعب اوي ان نجد هناك توافق بين المعتقدات الدينية السمحةو عرف مجتمعي توارثته كثير من الاجيال بدون اي منطقية سوي المحافظة علي شيء ثمين(مع اني بقف كتير قدام حاجات مالهاش لازمة خالص في العرف الاجتماعي ده بس للاسف التغيير فيه صعب اوي)

و طبعا مش هقدر اتكلم في الشق الديني للموضوع لاني غير اهل لذلك

تحياتي

[abuAdham]

السلام عليكم جميعا اسمحوا لي بمشاركة بسيطة انا متابع الموضوع الي حد ما

اولا : الواقع غالبا بيختلف عن الكلام يعني بعض الاخوات ممكن تقول علي زوجها ( هو بس يفكر ويشوف ايه ال هيجري له ) لكن لو خاضت التجربة ممكن تغير كلامها ( احيانا )

ثانيا : انا لي زوجتان وتزوجت الثانية بعلم الاولي وبدون تهديد بالانفصال او شجار بل بالتفاهم الموضوع اخذ وقت لكن لم اقبل علي نفسي الجبن

لا فرق عندي بين الاولي والثانية واصلا لايخطر في بالي اتجوزت مين الاول يا جماعة الحياة الواقعية غير الآراء والتعصب ومش شرط ان الاولي مقصرة في شيئ ولا مبتخلفش ولا الحجج التي يستند لها الزوج او الزوجة المشكلة في المسؤلية و ولازم الراجل يعرف انه هيفتح بيتين مش بيت واحد يعني كل شيئ × 2 ومش عشان يرضي واحدة يظلم الاخرى ونصيحتي المتواضعة لأي راجل بيفكر يتزوج علي زوجتة ( لو مش هتقدر تسد علي بيتين يبقى عيش علي قدك ) والا هتظلم واحدة فيهم وتظلم نفسكده اولا وربنا اعطاك حق لا تستخدمة في ظلم الناس

ثانيا انا انتقد بعض الرجال في ان الرجل يتزوج علي زوجتة ويرميها هي وعياله من اجل زوجة اخري اقوله اتق الله هل تقبل ان تمر اختك بهذه المحنة

اما بالنسبة لي فلا اتخيل في يوم ما ان تبعد احداهما عني او اغضبها

[زعلان]

و التربيه ليست معناها عيب يا ولد و عيب يا بنت

لأ

مراقبة الاولاد و توجيههم و تصويب اخطاءهم طوال مراحل عمرهم عمليه ليست سهله ابدا

فهي تحتاج للكثير من الوقت و المجهود

:blush2: يا ترى انت بتعمل كل ده يا زوزو

اخبار بيت السعودية ايه

[عاشق الترحال]

السلام عليكم جميعا اسمحوا لي بمشاركة بسيطة انا متابع الموضوع الي حد ما

اولا : الواقع غالبا بيختلف عن الكلام يعني بعض الاخوات ممكن تقول علي زوجها ( هو بس يفكر ويشوف ايه ال هيجري له ) لكن لو خاضت التجربة ممكن تغير كلامها ( احيانا )

ثانيا : انا لي زوجتان وتزوجت الثانية بعلم الاولي وبدون تهديد بالانفصال او شجار بل بالتفاهم الموضوع اخذ وقت لكن لم اقبل علي نفسي الجبن

لا فرق عندي بين الاولي والثانية واصلا لايخطر في بالي اتجوزت مين الاول يا جماعة الحياة الواقعية غير الآراء والتعصب ومش شرط ان الاولي مقصرة في شيئ ولا مبتخلفش ولا الحجج التي يستند لها الزوج او الزوجة المشكلة في المسؤلية و ولازم الراجل يعرف انه هيفتح بيتين مش بيت واحد يعني كل شيئ × 2 ومش عشان يرضي واحدة يظلم الاخرى ونصيحتي المتواضعة لأي راجل بيفكر يتزوج علي زوجتة ( لو مش هتقدر تسد علي بيتين يبقى عيش علي قدك ) والا هتظلم واحدة فيهم وتظلم نفسكده اولا وربنا اعطاك حق لا تستخدمة في ظلم الناس

ثانيا انا انتقد بعض الرجال في ان الرجل يتزوج علي زوجتة ويرميها هي وعياله من اجل زوجة اخري اقوله اتق الله هل تقبل ان تمر اختك بهذه المحنة

اما بالنسبة لي فلا اتخيل في يوم ما ان تبعد احداهما عني او اغضبها

ربنا يهنيك ويسعد أيامك يارب

ياريت الرجاله اللي عاوزه تتجوز تعقل النقطه دي كويس ومش بالضروره ان يهدم بيته ويرمي عياله ومراته علشان يتجوز التانيه أيه المانع من أنه يتم بالتراضي والإقناع ؟

وأيه المانع ان الست تتفهم النقطه دي كويس وتعرف أن شرع ربنا أعطى الرجل الحق في ذلك بدل ما يمشي في طريق الحرام .

ربنا يهدينا ويصلح حالنا أجمعين :blush2:

[mekkawy]

؟

تم تعديل 13 مايو 2010 بواسطة mekkawy

[jasmin hamed]

انا هقول حكايه رمزيه امى حكيتهالى يمكن تكونوا سمعتوها بجد انا مش عارفه اصل الحكايه ايه هل اثر و لا حدوته كدا عموما اليكم:

يحكى ان رجل من الرجال المشهود لهم بالصلاح سمع شيخ يتلوا الايه

و (لن تستطيعوا أن تعدلوا بين النساء و لو حرصتم)

«و إن خفتم أن لا تعدلوا فواحدة»

فقال لنفسه انا استطيع انا اعدل بين امراتين و على الرغم من نصح الناس له انه لن يستطيع بشر العدل بين امرائتين و رب العباد حكم حكما قاطعا باستحالة ذلك

لكنه اخذ العهد على نفسه و تزوج من امراه اخرى وكان الراجل مثال للعدل فلا يشترى لواحده ذرة دقيق الا و يكون للاخرى مثلها

لا يقضى ساعه مع واحده الاو قضى ساعه مع الاخرى حتى انه حرم على نفسه ان يكون له اولاد منهما خوفا من تلد واحده

قبل الخرى او تلد واحده اناث واخرى ذكور و هكذا و مرت به الايام وهو ميقين تمام اليقين انه عادل تمام العدل حتى ان اهل المدينه كانوا يشهدوا له

و جاء يوم ماتت فيه زوجتيه فى نفس اليوم و الساعه بعد الغسل و الصلاه حمد الله كثيرا انه اكرمه بموتهما معا حتى لا يحنث بوعده

و يكمل حياته مع احداهما و ينسى الاخرى و اذ به و هو راكع يتذكر كيف لى ان اخرجهم من البيت فلو اخرج احداهما قبل الاخرى كما لو كان فضلها على صاحبتها

و كذلك الحال لو اخرج واحده منهم فوق الاخرى فاذا بعقله يهديه ان يهدم باب المنزل ليخرجهما معا

وبعد الدفن رجع بيته و كله حزن على زوجاته لكنه راضى عن ما فعل فهو عادل تمام العدل و حقق مالا يستطيع فعله بشر

و هو نائم جاءت له زوجته التانيه فى المنام و نادته يا عبد الله انك ظالم فاخذ يتذكر و يتذكر ماقصر فيه فلم يجد شيئا لم يقسمه بالنصف

قالت له انت ظالم اخرجتها عن يمينك و اخرجتنى عن يسارك

و اخذت تردد

و لن تستطيعوا أن تعدلوا بين النساء و لو حرصتم

انتهى

اذا كان فيه راجل على وجه الارض يتصور فى نفسه انه يستطيع انه يحقق عكس التبشير الالهى و الحكم بعدم العدل بين الزوجتين فليقدم على الخطوه

و ان لم يكن عادل فهو ظالم و الظلم ظلمات

[عاشق الترحال]

الآيه الكريمه واضحه وصريحه

وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُورًا رَّحِيمًا

وتفسيرها http://www.islamweb.net/ver2/archive/showa...amp;TafseerNo=5

قوله تعالى : ولن تستطيعوا أن تعدلوا بين النساء ولو حرصتم فلا تميلوا كل الميل أخبر تعالى بنفي الإستطاعة في العدل بين النساء وذلك في ميل الطبع بالمحبة والجماع والحظ من القلب فوصف الله تعالى حالة البشر وأنهم بحكم الخلقة لا يملكون ميل قلوبهم إلى بعض دون بعض، ولهذا كان عليه السلام يقول :

اللهم إن هذه قسمتي فيما أملك فلا تلمني فيما تملك ولا أملك ثم نهى فقال: فلا تميلوا كل الميل قال مجاهد : لا تتعمدوا الإساءة بل الزموا التسوية في القسم والنفقة، لأن هذا ما يستطاع، وسيأتي بيان هذه في الأحزاب مبسوطاً إن شاء الله تعالى . وروى قتادة عن النضر بن أنس عن بشير بن نهيك عن أبي هريرة قال قال رسول الله صلى الله عليه وسلم:

من كانت له امرأتان ولم يعدل بينهما جاء يوم القيامة وشقه مائل

قوله تعالى : فتذروها كالمعلقة أي لا هي مطلقة ولا ذات زوج، قاله الحسن . وهذا تشبيه بالشيء المعلق من شيء، لأنه لا على الأرض استقر ولا على ما علق عليه انحمل، وهذا مطرد في قولهم في المثل: أرض من المركب بالتعليق وفي عرف النحويين فمن تعلق الفعل ومنه في حديث أم زرع في قول المرأة:

زوجي العشنق ، إن أنطلق أطلق، وإن أن أسكت أعلق، وقال قتادة : كالمسجونة وكذا قرأ فتذروها كالمسجونة وقرأ ابن مسعود فتذروها كأنها معلقة وموضع فتذروها نصب لأنه جواب النهي والكاف في كالمعلقة في موضع نصب أيضاً.

ويكفى أن نسمع قوله تعالي

( لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيرا ) ( الأحزاب: 21 )

حتى ننتهج نهج سيد الخلق في كل شئ ومن أراد الزواج بأكثر من زوجه فعليه الإستطاعه وعليه الإلتزام بالضوابط الشرعيه فالمسأله ليست إشباع شهوه فقط ولكن لها ضوابط شرعيه في القرآن والسنه يجب مراعاتها جيدا حتى لا تكون ظلمات عليه يوم القيامه .

والله أعلم

تحياتي :blush2:

[الباشمهندس ياسر]

مش عارف ليه يا جاسمي قلبي قلق عليكي

ربك يستر

[doha]

كل علماء السعوديه رأيهم ان الأصل في الزواج هو التعدد و ليس العكس (من وجهة نظر اسلاميه)

ياسيدي الفاضل تقريبا مفيش راجل على وجه الارض مبيقولش ان الاصل هو التعدد

دي حاجه كده بالنسبة للرجالة زي بالظبط فستان العروسه بالنسبة للست الي في اصله معمول عشان يديلها احساس ( الاميرة ) او الملكه الي كل ست من جواها نفسها تعيشه العمر كله او الـ

candy land

بالنسبة للاطفال

هيعيشوا ويموتوا يحلموا بيها سواء بقى قدر منهم البعض يحققها او مقدرش

لو في رجاله بتدافع ضد تعدد الزوجات وبتعتبره امر مستنكر فدول استثناء بالظبط زي مايكون في ست حالقة شعرها ( زلبطه ) ولابسه جينز وماشيه في مظاهرة وان شافت واحده بجيب قالت ( يع )

على كل حال وزي مامفيهاش حاجه الست تلبس ( فستان كلوش ) وزي مافيهاش حاجه الطفل ياكل له علبة ولا اثنين حلويات برضه مفيهاش حاجه الراجل يتجوز وحده واثنين .. دي كلها ( امنيات ) ودي كلها حاجات ( بيشطح ) بيها خيال البعض ولكن قلة قليلة بس هي الي بتقدر تنفذها

[MZohairy]

والله انا عن نفسي لا يمكن اقبل ان بنتي تكون زوجه تانيه

او اختي

و بالتالي مراتي ايضا

[mekkawy]

لو في رجاله بتدافع ضد تعدد الزوجات وبتعتبره امر مستنكر فدول استثناء بالظبط زي مايكون في ست حالقة شعرها ( زلبطه ) ولابسه جينز وماشيه في مظاهرة وان شافت واحده بجيب قالت ( يع )

أوجزتِ و أوفيتِ

تم تعديل 13 مايو 2010 بواسطة mekkawy

[MZohairy]

لو في رجاله بتدافع ضد تعدد الزوجات وبتعتبره امر مستنكر فدول استثناء بالظبط زي مايكون في ست حالقة شعرها ( زلبطه ) ولابسه جينز وماشيه في مظاهرة وان شافت واحده بجيب قالت ( يع )

أوجزتِ و أوفيتِ

مش عارف انا فهمت كلامها انه وصف لغالبية الرجاله بالطفاسه مش التزام بتطبيق الشرع

[mekkawy]

لو في رجاله بتدافع ضد تعدد الزوجات وبتعتبره امر مستنكر فدول استثناء بالظبط زي مايكون في ست حالقة شعرها ( زلبطه ) ولابسه جينز وماشيه في مظاهرة وان شافت واحده بجيب قالت ( يع )

أوجزتِ و أوفيتِ

مش عارف انا فهمت كلامها انه وصف لغالبية الرجاله بالطفاسه مش التزام بتطبيق الشرع

علشان حضرتك دايماً بتفهم عكس الإجماع ... لكل من رأيه و فهمه و قناعاته التي على الآخرين احترمها و عليه ابدائها بنفس القدر من الاحترام.

مكاوى

[MZohairy]

لو في رجاله بتدافع ضد تعدد الزوجات وبتعتبره امر مستنكر فدول استثناء بالظبط زي مايكون في ست حالقة شعرها ( زلبطه ) ولابسه جينز وماشيه في مظاهرة وان شافت واحده بجيب قالت ( يع )

أوجزتِ و أوفيتِ

مش عارف انا فهمت كلامها انه وصف لغالبية الرجاله بالطفاسه مش التزام بتطبيق الشرع

علشان حضرتك دايماً بتفهم عكس الإجماع ... لكل من رأيه و فهمه و قناعاته التي على الآخرين احترمها و عليه ابدائها بنفس القدر من الاحترام.

مكاوى

و هو لو فيه مكان فيه 20 واحد بيعملوا حاجه غلط و اتنين مابيعملوش الغلط ده يبقى الاتنين دول مخالفين للإجماع؟

عموما ياريت ضحى توضح وجهة نظرها و انا متقبل رأيها ايا كان

[hazemtara]

والله انا عن نفسي لا يمكن اقبل ان بنتي تكون زوجه تانيه

او اختي

و بالتالي مراتي ايضا

هُناك تباين كبير فى الآراء ولكن أرى أن كلام موزاهرى أقربها للصواب.

مع مُراعة أن الشرع أباح التعدد للرجال & أظن أنة من الأفضل اللجوء للزوجة الثانية فى حالات الضرورة كمرض الزوجة الأولى مثل مرض يصعب معة مثلاً إنجاب أطفال ،،مع مُراعة إعلام الزوجة الأولى بقرارك ورغبتك.

وأظن أن مُعظمنا لا يقبلة لإبنتة & إذاً لماذا تقبلة لزوجتك؟؟؟؟!!!!

[mekkawy]

إخواني الأفاضل

محدش أبداً قال إن الجواز التاني معمول أو مشروع من رب العالمين علشان الرجالة تمشي تتجوز على نفسها ... لأ أبداً .. كلنا بلا اختلاف متفقين إنه بشروط و ظروف معينة من أول واحد لآخر واحد .. و بمنتهى البساطة يعني مفيش مشاكل ... الزواج الثاني أو الثالث أو الرابع بيكون في إطار معين لا يتفق فيه اتنين .. يعني ظروفك غير ظروفي غير ظروف ده غير ظروف ده .. و اللي يناسبك ممكن ما يناسبنيش و العكس و هكذا .. بسيطة و الله ... بس معلش معلش يعني ميطلعش حد يقولنا .. لأ ... الزواج الثاني غلط ... أو إن كل اللي بيتجوزوا تاني بيعملوا حاجة غلط حتى لو كانوا كتير .... لأ يا سيدي .. لو كدة ... بص بأة .. الزواج التاني صح .. و صح الصح كمان ... و شرع و دين .. زيه زي الطلاق و زي السنن كلها و زي سنة الضهر و زي السواك و زي أي حاجة في شرع الله ... تشريع من رب العالمين ... فما بال أقوام يقولون بأن التشريع فيه خطأ !!!!

بأرجع و أكد و أكرر و أعيد و أزيد ... الزواج الثاني يكون طبقاً لظروف القائم به ولا تتشابه فيه حالتين و كل واحد أدرى بظرفه ... بس بلاش نقول على شرع ربنا غلط بس ... عشان كدة غلط!!!!

مكاوى ... ببساطة

[MZohairy]

إخواني الأفاضل

محدش أبداً قال إن الجواز التاني معمول أو مشروع من رب العالمين علشان الرجالة تمشي تتجوز على نفسها ... لأ أبداً .. كلنا بلا اختلاف متفقين إنه بشروط و ظروف معينة من أول واحد لآخر واحد .. و بمنتهى البساطة يعني مفيش مشاكل ... الزواج الثاني أو الثالث أو الرابع بيكون في إطار معين لا يتفق فيه اتنين .. يعني ظروفك غير ظروفي غير ظروف ده غير ظروف ده .. و اللي يناسبك ممكن ما يناسبنيش و العكس و هكذا .. بسيطة و الله ... بس معلش معلش يعني ميطلعش حد يقولنا .. لأ ... الزواج الثاني غلط ... أو إن كل اللي بيتجوزوا تاني بيعملوا حاجة غلط حتى لو كانوا كتير .... لأ يا سيدي .. لو كدة ... بص بأة .. الزواج التاني صح .. و صح الصح كمان ... و شرع و دين .. زيه زي الطلاق و زي السنن كلها و زي سنة الضهر و زي السواك و زي أي حاجة في شرع الله ... تشريع من رب العالمين ... فما بال أقوام يقولون بأن التشريع فيه خطأ !!!!

بأرجع و أكد و أكرر و أعيد و أزيد ... الزواج الثاني يكون طبقاً لظروف القائم به ولا تتشابه فيه حالتين و كل واحد أدرى بظرفه ... بس بلاش نقول على شرع ربنا غلط بس ... عشان كدة غلط!!!!

مكاوى ... ببساطة

اتفق معك

الزواج التاني مش غلط و لكنه بشروط خاصه و لظروف خاصه

و ليس هو الأصل

و ليس لسبب الشهوه

[Howayda Ismail]

محدش قال انه غلط لكن زي ماهو من حق الرجل انه يتجوز تاني من حق زوجته الاولي انها تتطلق برضه ليه مكتوب عالست تضحي لوحدها ومش من حقها انها تتركه في اي وقت زي ماهو عاوز يعمل ليه كم الانانية في تصرفات الرجل تجاه المرأة ولا لازم الراجل يكون شهريار طول الوقت والست عليها السمع والطاعة

[mekkawy]

اتفق معك

الزواج التاني مش غلط و لكنه بشروط خاصه و لظروف خاصه

و ليس هو الأصل

و ليس لسبب الشهوه

الله أكبر ... الله أكبر

طب و الله الليلة دي عيد .. يعني أنا سعيد .. حاجة سائعة بأة لكل الناس الحلوة اللي معانا

أنا و زهيري متفقين يا جدعاااااااااااااااان

خد دي بأة عشان حلاوتك

مكاوى

[MZohairy]

طب مانا بقول كده من الصبح يا مكاوي و الله