الزواج الثاني بين الاباحة الشرعية و الاستنكار الاجتماعي (رأيك)

[Aby]

رأيي في الزواج التاني مابين الشرعية والاستنكار......

طالما الرجل لا تكفيه زوجته مع مقدرته في العدل بين زوجته الاولى والثانية مع مقدرته المادية ....يعني مش يقلل مصروف بيته الاولاني عشان يقسمه بين البيتين...لا اعتقد ان دا عدل....اذن فليس عليه اي غبار من الزواج تاني وتالت ورابع.....

ودا شرع ربنا ولكن المهم تتحقق شروطه

يعني ما ينفعش ناخد جزء ونسيب جزء

ما ينفعش نقول لا تقربو الصلاة ونسيب وانتم سكارى

وما ينفعش نقول اتجوز تاني وانت ما تقدرش تعدل بين زوجاتك

وكمان ما ينفعش نحرم او نستنكر الزواج التاني طالما تحققت شروطه والرجل التزم بالعدل ماديا ومعنويا بين الزوجات....كدا يبقى بنرتكب ذنب عواقبه وخيمة

تم تعديل 16 مايو 2010 بواسطة BeeBoo

[MZohairy]

رأيي في الزواج التاني مابين الشرعية والاستنكار......

طالما الرجل لا تكفيه زوجته

معلش ممكن اعرف يعني ايه لا تكفيه؟

هل تقصد الناحية الجنسية؟

و لماذا لا تكفيه؟

هل هو امتناع منها او تقصير مثلا؟

ام رغبة منه في التغيير و رؤية الجديد؟

[عاشق الترحال]

نتكلم كلام ناس عاديين بقى مش من الدين أهوه

أعتقد أن نقطه الزوجه الأولى مكفياه أو مش مكفياه دي هتلاقي لها أسباب ووجهات نظر كتير

منها على سبيل المثال لا الحصر

مش يمكن الزوجه مريضه أو يمكن الزوجه رغباتها الجنسيه محدوده مقارنة بالزوج اللي ممكن يكون ذو مزاج حار ورغبته ملحه ؟تفتكر يعمل أيه ؟

إوعي حد يقولي تاني برضه زي ما كان بيعمل قبل الزواج ( يعني يصبر نفسه ) أصله مش هايقدر

مش يمكن أحب الرجل إمرأه أخرى وهيا كمان أحبته رغم حبه لزوجته وبيته وده بيحصل ؟

نسيبه بقى يمشى معاها في الحرام ولا يعمل بشرع ربنا ؟!!!

هل كل نساء العالمين متساويات في الجمال والعقل وغيره ؟

بالتأكيد يتفاوت الجمال والعقل وغيره وربما أعجب الرجل بشئ لم يراه في زوجته ولا يروح يدور على الشئ ده في الحرام برضه ؟!!!

ولا هتقولى هو هيشوف واحده تانيه فين ؟

لأن فلان من الناس ده لما بيتفرج على التليفزيون والفضائيات ولما بيخرج الشارع أكيد له عينين بيشوف بيهم اللي لا يخفى على أحد من حضراتكم طب يعمل أيه بقى لو مراته على أد حالها ؟؟؟؟

طب لو شاف واحده حلوه ودخلت دماغه وخلاص نقوله لأ حرام عليك تتجوزها طيب ما هو الشيطان قاعد له ونفسه وشهواته والفتن اللي ماليه الدنيا !!

ليه بقى طالما الشرع فاتح لنا باب الحلال أهوه

أسباب الزواج من زوجه تانيه كتير أوي وكل واحد هتلاقي عنده الأسباب الكافيه واللي مقتنع بها جدا

وأعتقد إن كان لنا شأن بذلك عند أحد المقبلين على هذا الموضوع فإن من واجبنا أننا ننبهه فقط لما سيضعه على كاهله من مسؤليه جراء زواجه من زوجه تانيه أو تالته أو رابعه وأن ننبهه لما فرضه الله عليه في الشرع وما سيترتب على ذلك من مسؤليات .

أما كوننا نخلل ونحرم ونقول أنها فراغة عين أو أو أو فهذا ليس شأننا خصوصا وقد أحله الله وجعله حلاااااااااااااااااااالاَ في الشرع .

والواقع أن اللي عاوز يتجوز زوجه تانيه أو تالته أوحتى رابعه ومقتنع بذلك فلن يثنيه أحد عن زواجه حتى لو ضحى بأي شئ .وشفت ده بعنيه ولمسته في حالات قريبه مني

[MZohairy]

نتكلم كلام ناس عاديين بقى مش من الدين أهوه

أعتقد أن نقطه الزوجه الأولى مكفياه أو مش مكفياه دي هتلاقي لها أسباب ووجهات نظر كتير

منها على سبيل المثال لا الحصر

مش يمكن الزوجه مريضه أو يمكن الزوجه رغباتها الجنسيه محدوده مقارنة بالزوج اللي ممكن يكون ذو مزاج حار ورغبته ملحه ؟تفتكر يعمل أيه ؟

مفيش امرأه رغباتها محدوده الا لو مريضه او كارهه

و لو كارهه تبقى مشكله حلها مش عندي

و لو مريضه يوديها تتعالج

و لو مانفعش العلاج يخيرها بين الطلاق او الزواج عليها

مش يمكن أحب الرجل إمرأه أخرى وهيا كمان أحبته رغم حبه لزوجته وبيته وده بيحصل ؟

نسيبه بقى يمشى معاها في الحرام ولا يعمل بشرع ربنا ؟!!!

اللي بيحب اتنين ده عينه زايغه لأنه ممكن يحب خمسه او خمستاشر ايضا و عموما مش هنا المشكله المشكله انه يتجوز على الاولى بدون علم او رضاء الثانيه

هل كل نساء العالمين متساويات في الجمال والعقل وغيره ؟

بالتأكيد يتفاوت الجمال والعقل وغيره وربما أعجب الرجل بشئ لم يراه في زوجته ولا يروح يدور على الشئ ده في الحرام برضه ؟!!!

ولا هتقولى هو هيشوف واحده تانيه فين ؟

لأن فلان من الناس ده لما بيتفرج على التليفزيون والفضائيات ولما بيخرج الشارع أكيد له عينين بيشوف بيهم اللي لا يخفى على أحد من حضراتكم طب يعمل أيه بقى لو مراته على أد حالها ؟؟؟؟

طب لو شاف واحده حلوه ودخلت دماغه وخلاص نقوله لأ حرام عليك تتجوزها طيب ما هو الشيطان قاعد له ونفسه وشهواته والفتن اللي ماليه الدنيا !!

ليه بقى طالما الشرع فاتح لنا باب الحلال أهوه

مفيش مشاكل لو لقى في زوجته عيب ما مش قادر يصلحه و مش قادر ينساه يختار التانيه اللي أكيد حيكون فيها عيب ايضا مش ممكن يصلحه ولا ينساه و هكذا مش حنخلص

عموما هو حر بس يستأذن الاولى

أسباب الزواج من زوجه تانيه كتير أوي وكل واحد هتلاقي عنده الأسباب الكافيه واللي مقتنع بها جدا

من اهمها الطفاسه و فراغة العين بكل تأكيد

وأعتقد إن كان لنا شأن بذلك عند أحد المقبلين على هذا الموضوع فإن من واجبنا أننا ننبهه فقط لما سيضعه على كاهله من مسؤليه جراء زواجه من زوجه تانيه أو تالته أو رابعه وأن ننبهه لما فرضه الله عليه في الشرع وما سيترتب على ذلك من مسؤليات .

و ما يمكن ان يسفر عنه من ان يصبح للأبناء ربع اب و للزوجات ربع زوج ايضا

أما كوننا نخلل ونحرم ونقول أنها فراغة عين أو أو أو فهذا ليس شأننا خصوصا وقد أحله الله وجعله حلاااااااااااااااااااالاَ في الشرع .

احله بشروط و لظروف معينه مش سداح مداح ابدا و هذه الشروط ليس من ضمنها الطفاسه

والواقع أن اللي عاوز يتجوز زوجه تانيه أو تالته أوحتى رابعه ومقتنع بذلك فلن يثنيه أحد عن زواجه حتى لو ضحى بأي شئ .وشفت ده بعنيه ولمسته في حالات قريبه مني

كل واحد متعلق من عرقوبه

[عاشق الترحال]

نتكلم كلام ناس عاديين بقى مش من الدين أهوه

أعتقد أن نقطه الزوجه الأولى مكفياه أو مش مكفياه دي هتلاقي لها أسباب ووجهات نظر كتير

منها على سبيل المثال لا الحصر

مش يمكن الزوجه مريضه أو يمكن الزوجه رغباتها الجنسيه محدوده مقارنة بالزوج اللي ممكن يكون ذو مزاج حار ورغبته ملحه ؟تفتكر يعمل أيه ؟

مفيش امرأه رغباتها محدوده الا لو مريضه او كارهه

و لو كارهه تبقى مشكله حلها مش عندي

و لو مريضه يوديها تتعالج

و لو مانفعش العلاج يخيرها بين الطلاق او الزواج عليها

ماشي مع أني على حد علمي أن فيه ستات رغبتها محدوده في حين أن زوجها خلاف ذلك .ما إختلفناش برضه لو خيرها بين الطلاق أو الزواج عليها .

مش يمكن أحب الرجل إمرأه أخرى وهيا كمان أحبته رغم حبه لزوجته وبيته وده بيحصل ؟

نسيبه بقى يمشى معاها في الحرام ولا يعمل بشرع ربنا ؟!!!

اللي بيحب اتنين ده عينه زايغه لأنه ممكن يحب خمسه او خمستاشر ايضا و عموما مش هنا المشكله المشكله انه يتجوز على الاولى بدون علم او رضاء الثانيه

مش شرط تكون عينه زايغه ولا حاجه وحنى لو كان كذلك فهو بيحاول يملأ عينه بالحلال . أمال بقى نقول أيه عاللي بيعرف ستات على مراته في الحرام نسميه أيه

هل كل نساء العالمين متساويات في الجمال والعقل وغيره ؟

بالتأكيد يتفاوت الجمال والعقل وغيره وربما أعجب الرجل بشئ لم يراه في زوجته ولا يروح يدور على الشئ ده في الحرام برضه ؟!!!

ولا هتقولى هو هيشوف واحده تانيه فين ؟

لأن فلان من الناس ده لما بيتفرج على التليفزيون والفضائيات ولما بيخرج الشارع أكيد له عينين بيشوف بيهم اللي لا يخفى على أحد من حضراتكم طب يعمل أيه بقى لو مراته على أد حالها ؟؟؟؟

طب لو شاف واحده حلوه ودخلت دماغه وخلاص نقوله لأ حرام عليك تتجوزها طيب ما هو الشيطان قاعد له ونفسه وشهواته والفتن اللي ماليه الدنيا !!

ليه بقى طالما الشرع فاتح لنا باب الحلال أهوه

مفيش مشاكل لو لقى في زوجته عيب ما مش قادر يصلحه و مش قادر ينساه يختار التانيه اللي أكيد حيكون فيها عيب ايضا مش ممكن يصلحه ولا ينساه و هكذا مش حنخلص

عموما هو حر بس يستأذن الاولى

ماإختلفناش أنه يستأذنها ويفهمها لأن الزواج موده ورحمه مش حرب

أسباب الزواج من زوجه تانيه كتير أوي وكل واحد هتلاقي عنده الأسباب الكافيه واللي مقتنع بها جدا

من اهمها الطفاسه و فراغة العين بكل تأكيد

ممكن لكن فيه أسباب أخرى غير الطفاسه وفراغة العين وبيني وبينك لما تكون طفاسه وفراغة عين بالحلال أحسن ميقضيها طفاسه وفراغة عين بالزنا والحرام ولا أيه ؟

وأعتقد إن كان لنا شأن بذلك عند أحد المقبلين على هذا الموضوع فإن من واجبنا أننا ننبهه فقط لما سيضعه على كاهله من مسؤليه جراء زواجه من زوجه تانيه أو تالته أو رابعه وأن ننبهه لما فرضه الله عليه في الشرع وما سيترتب على ذلك من مسؤليات .

و ما يمكن ان يسفر عنه من ان يصبح للأبناء ربع اب و للزوجات ربع زوج ايضا

مش كل صوابعك زي بعضها ومش كل الرجاله بتضيع حقوق زوجاتها وأبنائها والدليل أنه ممكن تلاقي برضه راجل متزوج من واحده ومضيع حقها وحق أولاده

جدي الله يرحمه كان متجوز من إتنين والاتنين عايشين في نفس البيت مع أولادهم ومحدش إشتكى أنه كان مضيع حق حد فيهم

أما كوننا نخلل ونحرم ونقول أنها فراغة عين أو أو أو فهذا ليس شأننا خصوصا وقد أحله الله وجعله حلاااااااااااااااااااالاَ في الشرع .

احله بشروط و لظروف معينه مش سداح مداح ابدا و هذه الشروط ليس من ضمنها الطفاسه

ماإختلفناش بس ربنا هو اللي بيحاسب عالنوايا برضه مش إحنا ولا أيه

والواقع أن اللي عاوز يتجوز زوجه تانيه أو تالته أوحتى رابعه ومقتنع بذلك فلن يثنيه أحد عن زواجه حتى لو ضحى بأي شئ .وشفت ده بعنيه ولمسته في حالات قريبه مني

كل واحد متعلق من عرقوبه

بالتأكيد

مش برضه ممكن يكون نفسه في أولاد ومراته مبتخلفش ؟

القصد الاسباب كتير يا مسيو

وكل واحد متعلق من عرقوبه

وربنا يهدينا أجمعين

[the consultant]

لا لا دي عشان حاجة تانية خالص .. أنا قلت انتي أكيد هتفهميها

عامة المعنى في بطن الزير .. بس ركزي قبليها شوية بس

مكاوى

اوووووووووووووووووووووووووووباااااااااااااااااااااا

ده كده جووووووووووووون من نوع الهدف الذهبي

تفتكر ده بجد؟؟؟

و الله العظيم ما اخت بالي غير دلوقتي....

عكاوي....من موقعي هذا ارفعلك القبعة....

ربنا يستر

فوتك بعافية

ارفعي القبعة أوكشن بس حطيها بسرعة عشان أنا من السلفيين اللي ممكن يطيروا رقبتك في رفعة القبعة دي .. و بعدين قبعة ايه تعالى هنا .. انتي بتتشبهي بالكفار ؟!!

كنت مستأكد انك هتفهمي قصدي ... مش خسارة فيكي نشوفلك كارنيه من الأسرة المكاوية ... ربنا يسهل و نلاقيلك نسخة النساء

مكاوى

للرفع و الايمفاسيزينج و التحقيق

[عاشق الترحال]

الخبر ده إهداء لأخويا مكاااااااااااااوي والناس حبايبنا بتوع تعدد الزوجات

زوجته الأولى حضرت الزفاف وأهدى لها ساعة ذهبية

رجل جنوب إفريقي أربعيني يتزوج 4 نساء دفعة واحدة

دبي - العربية

احتفل رجل جنوب إفريقي في العقد الرابع من عمره بالزواج من 4 نسوة في حفل زفاف واحد شهده مئات المدعوين.

وحضر العريس الحفل في سيارة ليموزين بيضاء، وكانت زوجاته الأربع بانتظاره. أبرز المدعوات كانت زوجته السابقة، حيث قام العريس بتقديم ساعة ذهبية هدية لها. والعريس هو أب لأحد عشر طفلاً من زيجات سابقة.

وعلق العريس ميلتون مبيلي بقوله "أعرف أن هذا الزواج ربما يعد غريباً بالنسبة للكثيرين حول العالم، ولكنه مشروع في ثقافة الزولا التي أنتمي إليها، وكثير من الناس في الغرب يتزوجون مرة واحدة، ولكنهم يخدعون كثيراً، وقد أعددت لهذا الحفل على مدار 3 سنوات كاملة، وأنا سعيد جداً".

وقال أحد أصدقاء العريس إن "ميلتون شخص جيد للجميع، وهذا أفضل من الخيانة، أو أن تكون له علاقات غير شرعية".

للمشاهده إضغط هنا وحمل الفيديو

[mekkawy]

يا سبحان الله

حلوة ليك يا عم ميلتون و العالم هيسقفلك .. لينا إحنا نبا خونة و ... *&%&$*$&%&%*

و الحق صاحبه بيقولك مش أحسن من الخيانة .. قولهم يا اميجو أحسن همن مش مصدقين

عاشق .. تسلـــــــــم الايادي يا باشا

مكاوى

[عشق الكلمات]

انا عاوزة بس اسال الشخص اللى بيقول يتجوز تانى عشان يحل مشكلة العنوسة واتقاء للفتنه

ومحسس الناس انه بيعمل جميله فى المجتمع انه هيتجوز تانى

وتلاقيه خلاص جاب اخر الاربعين " وده السن اللى معظم الرجالة بيفكرو يتجوزو تانى فيه" سن المراهقة المتاخرة واللى بيحس انه محتاج يسترجع شبابه فيه

وطبعا مش هيختار واحد حاجة وتلاتين

لا هيجيب واحدة صغار على راى الاعلان تجدد له شبابه

السؤال بقى للشخص ده

طب لما انت متدين اوى كدة وبتحب الخير

ليه مش بتفكر فى بنت العشرين اللى اكيد هتضطر تتجوزك وانت اكبر منها وبكرش واصلع عشان تخلص من العنوسة او بسبب ظروف اقتصادية سيئة بتمر بيها

يعنى مش عشان سواد عنيك

مش بتفكر ليه مادمت انسان خير كدة تلم شملها على شاب من سنها تحل مشكلة عنوسته هو كمان" والعنوسة الايام دى فى الجنسين" وتتقى ربنا فيهم

تتكفل بيهم وبمصاريف جوازهم وتساعدهم يبداو حياة جديدة

وهو ده الاصل فى فعل الحير انه ايثاااااااااااااااار مش انانية

مش بتفكر ليه فى البنت المسكينة دى

ذنبها ايه بعد كام سنه تعيش ممرضة لحضرتك لما تنهى مراهقتك المتاخرة وتدخل مرجلة الشيخوخة

او تترمل بدرى وتسيللها عيال تربيهم لوحدها