تقدير مقبول للمحاسبين !!

[شريف مان]

السلام عليكم

يوجد بعض الاماكن تشترط تقدير على الاقل جيد للعمل لديهم

فما هى طرق التغلب على هذه المشكلة

هل الحصول على دبلومة دراسات عليا تعالج المشكلة دى ولا لا :unsure:

[doha]

مش عاوزه اعقدك بس الدبلومه لا يعترف بيها كشهاده تغير المؤهل يعني حتى لو حصلت على دبلومه بتكتب في مؤهلاتك حاصل على بكالريوس فقط وفي الحاله دي هيطالبوك بتقدير البكالريوس

اقرب شهاده تغير الاوضاع هي الماجستير واعتقد برضه في حالتك مش هينفع تقدم ماجستير طالما تقديرك مقبول ومفيش امامك غير تعمل دبلومه الاول ومنها تطلع على الماجستير .. طبعا شغلانه طويلة

الحل احتمال يكون في اعاده سنة البكالريوس

يعني شوف لو انت مثلا خريج قسم محاسبة ممكن تعيد سنة رابعه بس وتتخصص ادارة اعمال .. هتحاول قدر ماتقدر تشد حيلك اوي ولو جبت تقدير عالي في السنة دي ممكن يفرق معاك في التقدير النهائي لمجموع الاربع سنين

الحكاية دي ممكن تفرق معاك جامد لو انت متخرج بقالك كذا سنة لانها هترجعك تاني حديث التخرج ده غير ان الي متخرج من فترة بيكون حماسه للمذاكرة وتحصيله للدرجات في احيان كتير اعلى من الي لسه متخرج طازه الي اكيد لو كان في دماغه المذاكرة اصلا كان جاب تقدير من اول مرة

اما لو لسه حديث التخرج فمفيش قدامك غير سنين الخبرة هي دي بس الي ممكن ترفع اسهمك في السوق فحاول تشتغل في اي مكان باي راتب مش مشكلة وسنتين تلاته هيتحسن وضعك وهتبقى افضل بالتاكيد من الي جايب جيد بس عمره مااشتغل

واخيرا عشان مبقاش وقفت في طريقك فيما لو انت ناوي تعمل دبلومه .. اسال في مكان او اثنين من الي بيشترطوا تقدير هل الدبلومه ممكن تعفيني من الشرط ده ولا لاه وشوف هيقولوا لك ايه

[engmido]

يا سيدى الفاضل

رايى معلش تروق دماغك من الموضوع ده ........والارزاق بالله ودور ولن يخذلك الله ان شاء الله

انه ولى ذلك والقادر عليه

[شريف مان]

شكرا جزيلا يا استاذه ضحى جزاكى الله خيرا على مساعداتك الدائمة

وشكرا يا engmido على ردك بس مش موضوع شغل الشغل موجود الحمد لله

بس الواحد دائما بيفكر للمستقبل

:lol:

[ابو محمد بن مصطفي]

مدام التقدير مقبول فالحل انك تعمل دبلومة وتحاول تجتهد وتجيب تقدير كويس اعلي من مقبول طبعا

واظن انه من اول جيد فاعلي ممكن تعمل ماجستير بس المهم ايه اخبار الانجليزي

لان المستوي الجيد للغة الانجليزية شرط من شروط التقدم للماجستير

علي العموم الدراسة في جامعة القاهرة للدبلومة سنتين

التخصص في السنة التانية

اختار تخصص يمكنك من انك تجيب تقدير وابعد عن التخصصات الزحمة زي محاسبة ومراجعة لان الاعداد فيها كبيرة جدا

الماجستير يشترط التفرغ

[hOuSsAm]

اخى الفاضل

السلام عليكم ورحمة الله وبركاته

بالنسبة للتقدير ففايدته من وجهة نظرى الخطوة الاولى بس

بمعنى انه بيساعدك انك تاخد اول خطوة وتمسك فى اول شغلانة وبعد كدة خبرتك هى اللى بتكمل معاك الطريق

بالرغم من انى طالع بجيد الا انى مش شايف اى لازمة لموضوع انك لازم تكون جايب تقدير عشان تتعين (الا لو بتتكلم عن الجهاز المركزى للمحاسبات ومكاتب المحاسبة الكبيرة فى مصر)

انا اشتغلت فى 4 شركات لحد دلوقتى

افتكر ان التقدير مفدنيش الا عشان ادخل امتحانات مكاتب المحاسبة الكبيرة اللى فى مصر (البيج فور) لانهم فعلا كانوا بيشترطوا التقدير

لكن بقيت الاماكن كانت خبرتى او المعارف او طريقتى فى الكلام وشخصيتى لهم الدافع الاول فى التعيين وده بعد توفيق ربنا

طب لو فعلا شايف انك لازم تعدل وضعك

اسمع كلامى وروح لعماد باشا حمدى فى توبيك السى ام ايه وزاكر معاه واول بارت هتاخده تحطه فى عين التخين واللى يتكلم معاك

لو عايز تعمل دبلومة مفيش مشكلة تعملها وليس لها علاقة بالتقدير

عندك جامعة طنطا لو كنت حديث هيقبلوك

القاهرة بيقبلوك بسنة خبرة

عين شمس هيقبلوك لو انت حديث بشرط تكون مخلص ورق الجيش

المنصورة هتقبلك بسنتين خبرة وورق الجيش

الازهر هيقبلوك بسنتين خبرة

افتكر ان اخويا كان بيعمل دبلومة فى عين شمس وهو جايب مقبول تحت الصفر :lol:

بس بصراحة الدبلومة معتش ليها اى تقل مهنى خالص دلوقتى غير انها بتزود موظفين الحكومة 7% كل سنة :blink:

بالتوفيق يا جميل

[شريف مان]

بجد مش عارف اقولكم ايه

الف شكر وجزاكم الله خيرا

وليا استفسار يا استاذ حسام

لانى فعلا هدفى البيج فور سواء فى مصر او برا وهوا دا اللى مخلينى بسأل على التقدير

معنى كلامك ان شرط التقدير فى البيج فور بيختفى فى حالة الحصول على شهادة مهنية بالنسبة للبيج فور تحديدا

ولا بردو هلاقيه ناططلى

[hOuSsAm]

بص المعلومة دى تحديدا مفكرتش فيها

بس ياعم واحد معاه السى ام ايه موضوع تانى

يبقى عبيط اللى يقولك تقديرك والكلام الفارغ ده

الشهادة دى مهنيا تعادل الماجيستير وليها احترامها فى المكاتب الكبيرة

بردوا خلى بالك السن عليه عامل كبير

والخبرة السابقة

يعنى متروحش البيج فور وانت عندك 30 سنة ومعندكش خبرة فى الاوديت (لو حتى قبلوك) هيحطوك فى تايتل جنيور واظن ان ده صعب بالنسبة ليك انك تقبله

اقولك حاجة

قدامك حاجة من اتنين بس هتتعب معاهم شوية وده بردوا على افتراض ان سنك صغير (انا معرفش انت سنك كام) وكمان لو انت مقيم فى القاهرة فاقامتك هتساعدك كتير

اول حاجة تبدا فى السى ام ايه وتقطع شوط طويل وبعد كدة تبدا تقدم ومتكتبش التقدير فى السى فى (تعمل فيها عبيط يعنى ) وتلف عليهم ومتزهقش انا مش عايز اقولك انى رحت المكاتب دى عشرات المرات wst:: لدرجة اظن انهم عرفوا شكلى بس المكاتب دى كانت عندى شهوة اكتر من انها شغل :lol:

وممكن يقبلوك باذن الله (دى ارزاق ربنا وتقديره ولما الرزق بيجى محدش هيعرف يقوله بم)

الحل التانى انك تحاول تبدا فى مكاتب صغيرة وواحدة واحدة تعمل علاقات وتحاول كل شوية تنط على مكتب كبير لحد متعرف طرق وخبايا المكاتب دى وان شاء الله تشتغل فيها

الطريق هيبقى طويل شوية وصعب شويتين بس بجد لو حققت الهدف ده هتبقى وصلت لمستقبل مهنى قوى باذن الله

غير كدة سعادة ولذة بتحقيق هدفك لا توصف

قصة صغيرة

واحد صحبى بدا حياته فى مكتب صغير اوى اللى بيبقى تحت السلم ده واتمرمط فيه وبياخد باين 120 جنيه وقصص كدة

عمل دبلومة مع تنقلات فى مكاتب ويمين شمال

وكل شوية يروح مكتب اكبر وتعب ومجهود

والحمد لله بعد 4 سنين اتعين senior auditor فى واحد من البيج فور والحمد لله دلوقتى هو مديرى ولى الفخر wst::

بالتوفيق ان شاء الله يا جميل

اتمنى بردوا انك تروح تعمل زيارة لاخونا عماد فى التوبيك بتاع السى ام ايه وهو شخصية عسولة اوى وهيفيدك كتير بردوا

[okwaitme]

بس المكاتب دى كانت عندى شهوة اكتر من انها شغل

me 2

[MZohairy]

انا جبت مقبول

و ربنا رزقني اكتر من عميد كلية التجاره هو و جيرانه الحمد لله

و اعرف زملاء جابو جيد جدا و مرتباتهم اقل من الف جنيه حاليا في مصر (دفعة 89 )

بالطبع لا توجد قواعد و التعميم مرفوض

لكن الارزاق بيد الله فعلا

و اوعى تضيع سنه من عمرك تعيد فيها الباكالوريوس تاني

حرام عليك و الله

[شريف مان]

ايه الردود والنصائح الجامدة دى

بجد مش عارف اقولكم ايه

الله يكرمكم

اما بالنسبة لسنى فانا لسه كتكوت

21.5 سنة

[ساره احمد]

انا كمان اتخرجت بتقدير مقبول بس ماانصحكش باعادة سنة البكاليريوس لانك ممكن تضيع فيها سنة تانية من غير فايدة لان لو انت ناقص عن الجيد كتير هيكون صعب انك تعوض كل دة ف سنة واحدة انت ممكن تاخد دبلومة ف مكان كويس زى اكاديمية السادات هى مكلفة وصعبة اوى هناك بس لو جبت تقدير ف سنتين الدبلومة اعتقد انها هتعملك حاجة كويسة بس الدبلومة بتعملها علشان تدخل ع اللي اهم منها وهو الماجستير ودة ممكن يدخلة ف 4 سنين ولو كان دكتور متساهل شوية ( ودة بقي هيبقي حظ) تاخدها ف 3

بس انا من رأيي خد mba من الاكاديمية العربية للعلوم المالية والمصرفية دى بقي محترمة اوى اوى ومش هتبقي مشوارها طويل زى الماجستير والدبلومة . وانت بتذاكرها ادخل مكتب محاسبة باي مرتب مؤقت طبعا خد منة خبرة وبعد سنة او اتنين بالكتير هتلاقي نفسك ف مستوى تانى وفعلا هتحس بيها بس لازم تتعب اول سنتين حتى لو جايب تقدير لانة مش بينفع زى ماانت متخيل الخبرة والmba هتبقي احسن من تقدير من غير اي حاجة وياريت تبدا تقرر ومتتاخرش اكتر من كدة

[ابو حودة]

انا جبت مقبول

و ربنا رزقني اكتر من عميد كلية التجاره هو و جيرانه الحمد لله

و اعرف زملاء جابو جيد جدا و مرتباتهم اقل من الف جنيه حاليا في مصر (دفعة 89 )

بالطبع لا توجد قواعد و التعميم مرفوض

لكن الارزاق بيد الله فعلا

و اوعى تضيع سنه من عمرك تعيد فيها الباكالوريوس تاني

حرام عليك و الله

الحال من بعضه انا كنت ساعات باختار بين اكتر من وظيفة فين حين زملائي

لا يجدون وظيفة واحدة وطبعا انا مش بقول ان التقدير ما لهوش لازمة لاكن

اقصد ان الارزاق بايد ربنا وان مسألة التقدير هي احد معايير التقييم وتقل اهميته بمرور الزمن

لصالح عنصر الخبرة

دائما لا تفكر السير بشكل افقي ( الحصول على مؤهل اخر على نفس المستوى) لكن

دائما فكر في الحصول على تأهيل رأسي زي الشهادات المهنية او ماجستير ودكتوراه

وان كنت اقول ان تلك الشهادات الاكاديمية ان لم تعمل بها في الجامعة ففائدتها محدودة

في النهاية علمت ان رزقي لن ياخذه احد فأطمأن قلبي

[ابو حودة]

اسف لاكن خطأ

وصحتها لكن

الحاجات دي تفرق معايا قوي

إقتباسانا جبت مقبول

و ربنا رزقني اكتر من عميد كلية التجاره هو و جيرانه الحمد لله

و اعرف زملاء جابو جيد جدا و مرتباتهم اقل من الف جنيه حاليا في مصر (دفعة 89 )

بالطبع لا توجد قواعد و التعميم مرفوض

لكن الارزاق بيد الله فعلا

و اوعى تضيع سنه من عمرك تعيد فيها الباكالوريوس تاني

حرام عليك و الله

الحال من بعضه انا كنت ساعات باختار بين اكتر من وظيفة فين حين زملائي

لا يجدون وظيفة واحدة وطبعا انا مش بقول ان التقدير ما لهوش لازمة لاكن

اقصد ان الارزاق بايد ربنا وان مسألة التقدير هي احد معايير التقييم وتقل اهميته بمرور الزمن

لصالح عنصر الخبرة

دائما لا تفكر السير بشكل افقي ( الحصول على مؤهل اخر على نفس المستوى) لكن

دائما فكر في الحصول على تأهيل رأسي زي الشهادات المهنية او ماجستير ودكتوراه

وان كنت اقول ان تلك الشهادات الاكاديمية ان لم تعمل بها في الجامعة ففائدتها محدودة

في النهاية علمت ان رزقي لن ياخذه احد فأطمأن قلبي

[شريف مان]

شكرا استاذة سارة والاستاذ ابو حودة

جزاكم الله خيرا على نصائحكم الغالية

تم تعديل 23 مايو 2010 بواسطة شريف مان

[ساره احمد]

اكيد طبعا الارزاق بيد الله بس مش معنى كدة اننا نقعد ساكتين ونستنى الحاجة تجيلنا لحاد عندنا لاننا لو قعدنا كدة الناس كلها هتعلي من حولينا واحنا هنفضل زى مااحنا ف لازم نتعب علشان ربنا يدينا علي اد تعبنا

ربنا يوفق الجميع

[شريف مان]

اكيد طبعا الارزاق بيد الله بس مش معنى كدة اننا نقعد ساكتين ونستنى الحاجة تجيلنا لحاد عندنا لاننا لو قعدنا كدة الناس كلها هتعلي من حولينا واحنا هنفضل زى مااحنا ف لازم نتعب علشان ربنا يدينا علي اد تعبنا

ربنا يوفق الجميع

معاكى حق يا سارة

[Digital]

طب ايه رايك انا مقبول برضه بس الموضوع ده ليه حكاية غريبة اوي

انا من ايام السنتين في الثانوية العامة مش عارف النظام الفاشل ده لسه موجود و لا اتلغي بس المهم

في سنة تانية جبت 95% في ايامها كان طب عين شمس واخد 93.5%

كلوا بقي خلاص ها طب و لا صيدلة و انا عمال افكر مفيش في دماغي حاجة

المهم سنة تالتة حصلتلي ظروف صعبة جدا ومحلتش في الاحصا و الفيزيا و مدخلتش امتحان الكيميا

تصور اول امتحانين اللي هما عربي و انجليزي درجاتي فيهم كانت 28 من 30 و 24 من 25

المهم

طبعا ضاع الحلم و عدت السنة علي كيميا و لا ليها لزمة لو كنت عدت في فيزيا و احصا معاهم كنت دخلت طب بسهولة او علي الاقل كلية قمة.

محصلش نصيب و دخلت تجارة (انتساب)....... احباط من هنا لحد الكونغو الديموقراطية

بعدين لقيت نفسي بحب الكمبيوتر و بهتم بيه 2001 - 2002 حاجة زي كده

نفضت لكلية التجارة خالص و ذاكرت اول سنة اللي خلاني اجيب جيد و حولت انتظام

وبعديها بقيت اروح الكلية بس عشان اقابل الجو.

و اهتمامي بالكمبيوتر خد منحني خطر شوية، بدات ادخل في برمجيات و كلام كبير و احترفت شوية لغات برمجة

نزلت منحة لدراسة البرمجة درستها و تفوقت جدا فيها اولا لاني كنت شغوووووف جدا جدا ثانيا لان كان عندي خلفية قوية

ثالثا عشان اغير طعم المرارة اللي كانت في قلبي من ايام الثانوية

و فعلا اتخرجت بمقبول في الكلية و بامتياز من دبلومة البرمجة و اشتغلت في شركة كويسة علمتني حاجات كتير لمدة سنة

المهم رحت الامارات وحاولت اشتغل الامور مظبطتش اوي و اتبهدلت هناك

رجعت مصر و كان حظي منحة من الاتحاد الاوروبي او حاجة زي كده للدراسة، خدت بيها ايامها تخفيض 50% علي oracle track

رجعت تاني بعد ما بقيت OCP Certified و شفت الويل و اتبهدلت و اتعلمت و علمت.

و حاليا انا المستشار الفني لنظم Oracle ERP في دبي في شركة متصنفة one of the best 10 arabic brands

او لو حد متخصص يعرفه باسم Oracle Technical Consultant

و الحمد لله عندي شقة و عربية وكالة و شوية فلوس علي جنب.

عمري ما عملت انترفيو و سالوني علي شهادات رغم ان عندي كتير و من جامعات كتير

جامعة طنطا و المنوفية و الجامعة الامريكية بالقاهرة و اوراكل يونيفرستي.

اول ما بدخل الانترفيو حاجتين مهمين جدا

انك all english all the time

و ثانيا تكون معلم كبير في مجالك

و ثالثا شيك و لبق و بتعرف تتكلم.

و رابعا طويل....... دي للبنات بس هههههههههه

صدقني انا باخد مرتب مبياخدوش رئيس الجامعة اللي درست فيها.

و عمري مكملش 27 سنة

الحظ ليه عامل بس في مثل بيقول

if you don't use 100% of your shots

you'll lose all of'em.

Good Luck و رمضان كريم

ولو عاوز تكمل دراستك و فارق معاك اوي متكملش في مصر يابني و الله هتجيلك المرارة

روح ادرس في امكن زي الهند او ماليزيا او حاجة من دول و اتاكد انها معتمدة و معترف بيها الاول

و بلاش الاونلاين لانه حتي الان مش معترف بيه بشلن في اي حتة مهما كان اسم الجامعة اللي درست فيها

و خصوصا لو كان بكالريوس، الماجستير ممكن يعدوها.

و ممكن دي 1%

بس اللي حبيت اوضحهولك ان التعليم مهم جدا و ده اللي حصل معايا بس تعرف توجهه صح.

[أبو حميد المسافر]

الخبرة بتحل المشكلة يا شريف

م الآخر

وبعدين يا فكييييييييك من مصر

[amira.mohmmed.5249]

دلوقتي انا هتخرج تمام

كنت بذاكر فعلا خلال 3سنين ولكن مكنتش بنجح يعتبر ونفسيتي كانت مظهره ولكن كنت بحاول ولكن عرفت ان كان عليه مس شيطاني وعملي وقف حال وبعدين انا دلوقتي خلصت رابعه وتايهه ومش عارفه اعمل ايه  واتمني حد يفيدني