اذهب إلى المحتوى
محاورات المصريين

عندى حالة زهق وقلق وتوتر بقالى شهر

mama nona

بواسطة mama nona
في موضوعات شخصية

 مشاركة

Recommended Posts

mama nona عضو جديد

mama nona

بتاريخ:
بتاريخ: (معدل)

اهلا بالاخوة والاخوات المحاوراتيه

من شهر وصلنا جدة

والحمد لله

ومن وقت ما وصلنا وانا مش مستقرة نفسيا ودايما متوتر ة وقلقانه وعصبية ومش مركزة

ومش حاسة بالحياة

حاسة انى فى دوامة مش بتخلص

وكل يوم اقول هتعدى ومفيش فايدة

بدات احس انى داخلة على دور اكتئاب رهيب

حاسة ان كل حاجة حواليا ملهاش معنى

بلد جديدة على معرفش فيها حاجة ولا اعرف فيها حد

دوامة البحث عن شقة قريبة من شغلى

ثم البحث عن العفش

ثم دوامة كبيرة اسمها الشغالات

الحمد لله الامور بدأت تستقر

بس من جوايا مش راضية ولا مقتنعة باى حاجة

بقيت عصبية جدا

وبتنرفز من اتفه الامور

وكله بحطه فى ولادى وزوجى

حتى لما دخلت عالمحاورات ملقتهاش زى ما سبتها

حسيت انى غريبة فيها

وان الناس كلها جديدة ومعرفهاش

وحسيت انى لازم اسيبها واخرج

اعمل ايه علشان اطلع من الدوامة دى

لانى تعبت بجد

ماما نونا

تم تعديل بواسطة mama nona
0329100703378vi4z91lu5pj76.gif
رابط هذا التعليق
شارك
الغريب عضو جديد

الغريب

بتاريخ:
بتاريخ:

هههههه :lol: :lol:

حاجة طبيعية خالص جاية من مصر حيث الحياة اللي فيها رووح

لازم يحصل كدة متقلقيش خالص شوية وهتلاقي الأمور زي الفل وآخر أنبساط

دووري بس أنت على حاجة تهديكي من جواكي

أخطفي نفسك وأعملي عمرة

أو أطلعي على البحر بعد الفجر أو بالليل وأتمشي مع حد من الأهل وشمي شوية هواء نقي

هتلاقي كل حاجة زي الفل

ربنا ينفث همك ويفرج كربك :blush2: :ninja: :lol:

ehm448.gif

رابط هذا التعليق
شارك
عاشق الترحال عضو جديد

عاشق الترحال

بتاريخ:
بتاريخ: (معدل)
اهلا بالاخوة والاخوات المحاوراتيه

من شهر وصلنا جدة

والحمد لله

ومن وقت ما وصلنا وانا مش مستقرة نفسيا ودايما متوتر ة وقلقانه وعصبية ومش مركزة

ومش حاسة بالحياة

حاسة انى فى دوامة مش بتخلص

وكل يوم اقول هتعدى ومفيش فايدة

بدات احس انى داخلة على دور اكتئاب رهيب

حاسة ان كل حاجة حواليا ملهاش معنى

بلد جديدة على معرفش فيها حاجة ولا اعرف فيها حد

دوامة البحث عن شقة قريبة من شغلى

ثم البحث عن العفش

ثم دوامة كبيرة اسمها الشغالات

الحمد لله الامور بدأت تستقر

بس من جوايا مش راضية ولا مقتنعة باى حاجة

بقيت عصبية جدا

وبتنرفز من اتفه الامور

وكله بحطه فى ولادى وزوجى

حتى لما دخلت عالمحاورات ملقتهاش زى ما سبتها

حسيت انى غريبة فيها

وان الناس كلها جديدة ومعرفهاش

وحسيت انى لازم اسيبها واخرج

اعمل ايه علشان اطلع من الدوامة دى

لانى تعبت بجد

ماما نونا

نصيحه يا ماما نونه

إعملي عمره

وإطلعي قضي كام يوم في المدينه المنوره زوري المسجد النبوي وإن شاء الله هتلاقي راحه نفسيه لا توصف بمجرد دخولك المدينه .

ومتنسيش دعاء الهم والحزن

اللهم إني عبدك وإبن عبدك وإبن أمتك ناصيتي بيدك ماض في حكمك عدل في قضائك أسألك بكل إسم هو لك سميت به نفسك أو أنزلته في كتابك أو علمته أحد من خلقك أو إستأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي وغمي

وربنا يريح قلبك ويصلحلك الأحوال :blush2:

تم تعديل بواسطة عاشق الترحال

قولوا لا إله إلا الله تفلحوا

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

إضغط هنا لقراءة القرآن الكريم من المصحف الشريف

إضغط هنا لزيارة موقع رسول الله

إضغط هنا لعرض البث المباشر من المسجد الحرام

تردد قناة الرحمه الجديد على النايل سات التردد 10873 معدل الترميز 27500 رأسي 3\4

تردد قناة الرحمه الجديد على العرب سات التردد 12149 معدل الترميز 27500 أفقي 3\4

6nf2hryf9fiu.gif

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
في جده حيث البحار الزرقاء والرمال الصفراء والجنة الغناء ... وزهقانه ؟؟؟

وجنبها مكه فركة كعب .. وطهقانه ؟؟

صحيح ... ناس الرياض ليها أحسن دوا ...

جتنا نيلة في حظنا الهباب

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
mekkawy عضو جديد

mekkawy

بتاريخ:
بتاريخ:

حضرتك بأة لازم تيجي الرياض علشان تعرفي إن الله حق :blush2:

جدة ... يا سلام .. جدة بالنسبة ليا حلم .. هو اي حتة الصراحة دلوقتي بالنسبة ليا حلم ... الرياض دي مقبرة الغزاة و المهاجرين ..... و الأنصار كمان ها يلا

طبعاً الإخوة تفضلوا بمقترحات رائعة و أحب أضيف عليها ... تكوين علاقات ... حاولي تتعرفي على جيران بس بحذر بردو ... زوجات معارف زوجك .. خروجات جماعية مثلاً .. لو فيه أولاد أهم يلعبوا و النساء يرغوا و ترغي معاهم و الرجالة يشووا اللحمة و يتعموا من الدخان .. كدة يعني

حاولي تلتحقي بدار تحفيظ مثلاً أو معهد لدراسة اي تخصص تحبيه .. و أكيد هتلاقي هناك معارف و هتكوني علاقات بردو تسليكي

ثم المحاورات بأة و دي الأنيس الذيذ العسول بتاعنا كلنا .. و أكيد كمان هتلاقي أخوات من المحاورات في جدة تقدري تقابليهم و تتعرفي عليهم

و ربنا يصلح الحال ليكي يا رب و يزيل همك و لينا معاكي

مكاوى

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

حمد لله ع سلامة حضرتك

وحشتيني كتير جدا جدا جدا

عارفة كل اللي حضرتك بتقوليه ده طبيعي جدا.....لانك لسه في الطلعة الاولانية يا كابتن طيار ....

انتي بس حضرتك لسه مش متكيفة مع الوضع بالاضافة انك قلقانة من حالة عدم الاستقرار....و فيه مليون فكرة بتنط في دماغك

رايي المتواضع.....اقنعي نفسك....انك كل يوم هتعملي حاجة واحدة من المسئوليات اللي عليكي....لو تمت كان بها لو متمتشي متكركبيشي الدنيا علي دماغك

اهم حاجة دلوقتي انك....تحسي بالاستقرار في البيت.....حكاية العفش....و الشغالات هتيجي واحدة واحدة و لما تتعرفي ع الناس اكتر....و لو حضرتك بتشتغلي ممكن تستشيري كتير من زميلاتك...

هقول لحضرتك علي حاجة بقي بتريحني كتير.....تليفونات لمصر....هو اينعم اسرة حضرتك معاكي...بس اتصلي رخمي (سوري في اللفظ) علي حد من اخواتك.....او حد من اصحابك......او حد تزعقي فيه...كده يعني

هي مسالة وقت بس مش اكتر

و بعد كده هنخش في الاكتشئاب الكبير.....يوووووووووووووه قصدي....حضرتك هتتكيفي مع الوضع...و هتجيبيه كمان تثبيت اكتاف ع الارض...

ربنا ييسر امور حضرتك يا رب و طمنينا عليكي

لو عملتي بقي عمرة امانة الدعاء

ارجعي بقي للمخحاورات بسرعة.......يووووووووه ده احنا هنهريكي ضرب....... :blush2:

فوتك بعافية

رابط هذا التعليق
شارك
pink rose عضو جديد

pink rose

بتاريخ:
بتاريخ:

ماما نونا

ازيك يا قمرة وحشتينا جدا :blush2:

حمدالله على سلامتك في جدة

معلش استحملي شوية كده و هاتتأقلمي

مش اول ما جيتي الرياض كان عندك نفس الاحساس قبل كده؟

عشان بس المكان جديد لكن لما تنظمي حياتك و تتعودي عليه هاترتاحي

و زي ما الاخوة قاعدين يقروا عليكي كده اعملي اللي قالوه و غيظيهم

يعني كل اسبوع روحي مكة اعملي عمرة

كل يوم بالليل بعد الشغل اطلعوا اتمشوا على الكورنيش شوية

اعصابك هاتهدي ان شاء الله و الامور هاتبقى فل فل

صحيح انا زعلانة جدا انك روحتي هناك و سيبتي الرياض

بجد و الله كان نفسي نتقابل بس تتعوض ان شاء الله

المهم يكون شغلك هناك احسن من الرياض عشان تحسي بالاستقرار

و ربنا معاكي و روق يا جميل الدنيا و الله ما هياش مستاهلة اننا نقرف نفسنا بالاكتئاب كمان

وفري طاقتك لحاجه اهم و ان شاء الله خير

و بعدين بيقولوا جدة زي اسكندرية حد يطول يا شيخة يقعد في اسكندرية :ninja:

رابط هذا التعليق
شارك
sarmar عضو جديد

sarmar

بتاريخ:
بتاريخ:

الفاضلة ماما نونا

انا اول مااشتغلت فى السعودية كنت فى جدة ولكنى طلبت نقلى مباشرة الى الرياض

ومدام ريم بتقول ان جدة مثل اسكندرية طبعا لا اسكندرية اجمل وليس لها مثيل بالعالم

جدة جوها حار جدا حتى فى الشتاء والرطوبة عاليا جدا حتى مع تشغيل المكيف احيانا ليس لة تاثير فى الرطوبة الا اذا كان تبريدة عالى جدا

وحضرتك طبعا لما انتقلتى لجدة حسيتى انك فعلا فى غربة ولكن تذكرى اول ايام غربتك كانت فى الرياض وكنتى حاسة نفس الاحساس بس الفارق انك وانتى جديدة بتستكشفى المكان

ماقالة الاخوة الافاضل فية الكفاية وانتى فعلا محظوظة انك اصبحتى جنب الحرم حاولى تخرجى كثير ولا تجلسى فى البيت بعد الدوام خليها استكشافات للمكان واعرفى مكان بيتك فين بالضبط واحذرى من الجيران نعم السلام والتحية واجبة ولكن الاختلاط اكثر من اللزوم او الثقة الزيادة غير محببة

نعم اعتبرى كل جيرانك ممتازات ولكنك اكثر امتيازا وكونى حذرة وانت اكيد خبيرة فى علاقات حضرتك

اللهم اذهب عنكى الباس والهم والمرض

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك
ahmos1 عضو جديد

ahmos1

بتاريخ:
بتاريخ:

ماما نونا اهلا و سهلا بك فى جدة و نورتى الدنيا لن اضيف الكثير و لكن نحن مستقرين فى جدة منذ فترة ليست بقصيرة و تحت أمرك فى اى استفسار و اعتبرينا أسرتك التانية - شوية و حتحبى جدة جدا على فكرة جانى نقل من سنتين على الرياض ولادى رفضوا بشدة و فى النهاية احنا تحت أمرك فى اى استفسار

على فكرة انا عندى ولد فى أى جى و توأم فى جريد 6

رابط هذا التعليق
شارك
عنبو عضو جديد

عنبو

بتاريخ:
بتاريخ:

ملحوظه

يا جماعه ماما نونه مغتربه قديمه وكان فاضل لها شوية وقت بس ومش عارف كان هبحصل ايه

هم الاول كانوا فى الرياض وبعدين حالياً فى جده بعد طبعا فترة ترانزيت فى مصر

بس احب اقولك ان جده بس شوية وقت وهتلاقيها ليها رونق تاااااانى وطعم تانى خالص

وعلى راى واحد حبيبى بيقول كده مكه وكده مدينه

انتى بس اطلعى اعملى عمره وربنا هيسير الامور

هو بس المشكله شوية الضغطه بتوع تظبيط السكن والمدارس والعفش والخدامات

ووو .........الخ

ودى حاجه بتتعمل مره واحده يعنى وهتعدى

فان شاء الله ربنا هيسيرلك الامور

واطلعى خدى عمره او روحى المدينه وانتى هتبقى تمام

شكراً

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
pocy عضو جديد

pocy

بتاريخ:
بتاريخ:

ماما نونه

حمد الله على السلامه يا قمر

اخبارك ايه واخبار الاولاد والاسره الكريمه يارب تكونى بخير اللهم امين

يا ستى الحاله دى هتروح وتيجي طوول ما احنا فى الغربه ةكمان بتزيد بس اول شهر وانتى شويه كده وهتلاجعى الشغل وبعد كده مش هتلاقي وقت تزهقي يا قمر ورتابه الحياه ان شاء الله هتروح

يا سلام انتى فى جده يا قمر يعنى قريبه من المدينه وقريبه من مكه ربنا يجازيكى خير روحى عمره وادعيلنا معاكى بجد ده موقعك ممتاز والله اعلم

انتى بس استهدى بالله علشان منطقه جديده ومش تعرفي حد اعملى عمره وانتى هناك هتتعرفي على مليون حد ومن مختلف الجنسيات وان شاء الله ربنا يباركلك يارب وييسرلك امورك قولى امين

منتظرين موضوع منك عكس الموضوع ده ان شاء الله قريبا

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
rewsha عضو جديد

rewsha

بتاريخ:
بتاريخ:

ماما نونه .....يااااااااااااه ....اخيرا شوفتك هنا تاني؟

صحيح انا كمان بقالي فتره بعيده عن المحاورات wst:: بس لما كنت بادخل مش بالاقيكي

ثم تعالي هنا

مين اللي كان بيصبرني اول ما جيت الرياض ويقول لي بكره تتعودي وماتبقيش عاوزه تنزلي مصر خالص ....ها؟؟؟؟؟؟ :blush2:

ومين اللي كان بيلف معايا ومدوخاه على الشقق والعفش ؟؟؟؟

مش انت برضو؟؟؟؟؟

يعني المفروض انك خضتي التجربه معايا من فتره مش بعيده وانت اللي كنت بتصبريني

اصبرك انا بقه :ninja:

والله انا ماروحتش جده غير يوم واحد بس قبل ما اسافر على مصر ..بس سبحان الله ليها طعم تاني غير الرياض .

انا لما كنت هناك .حسيت اني في مصر

جده فيها روح .....وحياة ...وفُسح ...وبحر....و.....و...........و......و.........ورطوبه :lol: ...وده العيب الوحيد في جده

لكن صدقيني انا ارتاحت جدا ليها اكتر من الرياض

وبعدين زي ما الكل نصحك روحي اعملي عُمره ,كمان روحي المدينه

والمساْله مساْلة وقت بس وبكره تتعودي

وموضوع العفش ده بيجي واحده واحده ....زي ما كنتي بتعملي معايا في الرياض...فاكره؟

طب فاكره الطرابيزه اللي قدمت عليها الشاي اول مره زورتيني فيها في الشقه؟؟؟؟ :lol: :lol: bk: (اظن كانت كرتونة الميكرويف)

وواحده واحده الواحد بيجيب حاجته وربنا بيوقف له ولاد الحلال اللي يساعدوه والدنيا بتمشي

روقي كده بس

على فكره ....

انت اللي مضايقك وتاعبك هوه موضوع الشغاله .وكمان انك بتشتغلي والوقت عندك ممكن يكون ضيق وكمان التوفيق بين الاولاد والشغل.

بس كل حاجه بتتحل وماتحاوليش تعقدي نفسك اكتر ...خدي الامور ببساطه

ولو زهقتي من جده

انزلي مصر .....خميس وجمعه :lol: tct::

407086_10150519470631088_583296087_9114843_428326208_n.jpg
رابط هذا التعليق
شارك
kitkat عضو جديد

kitkat

بتاريخ:
بتاريخ:

ماما نونة ايام وهاتعدي ان شاء الله وتتعودي عالجو الجديد

مجرد تغيير المكان بيعمل حالة من النفور بسبب تغير الطاقة والمحيط الخارجي

لا تقلقي كله بسبب الغربة والمكان الجديد ان شاء الله تعدي علي خير

ربنا يعديها علي خير ويحلي أيامك

عادي طلعي ف جوزك هو انتي ليكي غيره (كل الستات بيطلعوه علينا واحنا غلابة ) :roseop:

علي فكرة لو أكلتي واحدة كيتكات قبل النوم هاتبقي تمام اوي حتي اسألي اولادك :roseop:

newKitKat.jpg

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
doha عضو جديد

doha

بتاريخ:
بتاريخ:

بصي هقولك ياماما نونه تعملي ايه ..

اول حاجه امسكي ورقة وقلم واكتبي كل الحاجات الي ( متكركبة ) على راسك ومفروض تنجزيها خلال الفترة الجايه ومسببة لك اللخبطه في تفكيرك انك لسه مانجزتيهاش

يعني مثلا اكتبي مطلوب نلاقي عفش واكتبي العفش الناقص .. اكتبي مثلا مصاريف مطلوبه محتاجين الف عشان كذا وتقريبا الفين عشان كذا .. الخ اكتبي كل حاجه بالتفصيل واحسبي الاجمالي

بعد ماتكتبي الورقة وتشوفي بالظبط ايه الي ناقصك وايه الي ( منكد عليكي ) 99% هتكتشفي ان الموضوع بسيط وان الحاجه الي مدوخاكي دي ممكن تنجزيها ومش مستاهله شيل الهم ده كله

دي اول خطوة

ثاني خطوة نظمي نومك واصحي بدري بالكتير 9 الصبح وحاولي تنامي بدري

ثالث خطوة حطي في بالك ان مش لازم كل حاجه تبقى كاملة ومظبوطه بمعنى انتي محتاجه سكن اسكني في اول حاجه معقولة تقابلك ومتقعديش بقى تقولي الشقة فيها عيوب كذا او كان نفسي تبقى كذا .. لاه .. قولي بعد ست شهور من دلوقت لو معجبتنيش هبدأ ادور على شقة تانيه براحتي كده وفي خلال سنة هننقل على شقة تانيه وممكن تالته او رابعه .. قولي كل مايقابلني شقة حلوة هنقل لها والعفش وشيله وحطه مش مشكلة هنجيب شركة هتعمل كل حاجه .. فكري كده ومتشيلش هم التفاصيل الدقيقة

كل يوم والثاني انزلي لفي انتي وزوجك في الشوارع ( على غير هدى ) عشان تستكشفي المكان .. وحاولي تركزي على المحلات والمطاعم وغيرها من الاماكن الي ممكن تحتاجيها مستقبلا

ادخلي منتديات نسائية وشوفي الاقسام الي بتسأل على المحلات في جده وحاولي تعرفي في منها ايه متوافر .. روحي واتفرجي وشوفي عندهم ايه مش مهم تشتري بس شوفي الدنيا عندك شكلها ايه

خلي كل تركيزك في الفترة الجايه انك ( بتبني نفسك ) مش بتعدلي ( ظروفك ) بمعنى ركزي انك تتعلمي شيء جديد او تتقني مهارة جديده ومتركزيش ابدا ان يكون لك علاقات عامه او اصحاب واقارب توديهم ويودوكي .. الي انتي فيه مرحلة مؤقته يمكن تطول شويه فاستغلي وقت الفراغ الناتج عن وجودك بمفردك في بناء شخصية ليكي تنفعك بعدين لما ترجعي تختلطي بالناس

واخيرا حياتنا كلها مراحل ومحطات مفيش نهائيا حد فينا بتفضل حياته على حال واحد او الي تعود عليه بيفضل هو نفسه .. طبيعي جدا انك تغيري حياتك من وقت للتاني وتقلبيها راس على عقب .. واجمل مافي حالتك انك ماشاء الله غيرتيها للاحسن حتى لو مش حاسه دلوقت بكده بس مصيرك تكتشفي ذلك

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
hazemtara عضو جديد

hazemtara

بتاريخ:
بتاريخ:

:roseop:

اهلا بالاخوة والاخوات المحاوراتيه

من شهر وصلنا جدة

والحمد لله

ومن وقت ما وصلنا وانا مش مستقرة نفسيا ودايما متوتر ة وقلقانه وعصبية ومش مركزة

ومش حاسة بالحياة

حاسة انى فى دوامة مش بتخلص

وكل يوم اقول هتعدى ومفيش فايدة

بدات احس انى داخلة على دور اكتئاب رهيب

حاسة ان كل حاجة حواليا ملهاش معنى

بلد جديدة على معرفش فيها حاجة ولا اعرف فيها حد

دوامة البحث عن شقة قريبة من شغلى

ثم البحث عن العفش

ثم دوامة كبيرة اسمها الشغالات

الحمد لله الامور بدأت تستقر

بس من جوايا مش راضية ولا مقتنعة باى حاجة

بقيت عصبية جدا

وبتنرفز من اتفه الامور

وكله بحطه فى ولادى وزوجى

حتى لما دخلت عالمحاورات ملقتهاش زى ما سبتها

حسيت انى غريبة فيها

وان الناس كلها جديدة ومعرفهاش

وحسيت انى لازم اسيبها واخرج

اعمل ايه علشان اطلع من الدوامة دى

لانى تعبت بجد

ماما نونا

أهلاً يا دكتورة

طبعاً مُش هعرف أكتب أكثر مما كتب الزملاء والزميلات ،،،لكن هناك بعض النصائح ليكى أنا عن نفسى بعملها لما أزهق من الدنيا كُلهاز

1- شدى على مكة إعملى عمرة سريعة وبعدين على المدينة وإجلسى لك يومين عند الرسول فى المدينة وواظبى على القرأن والصلاة.

وإنسى كل حاجة فى الدنيا ولا تُفكرى فى شيء وإنت هناك & والله هتلاقى نفسك إرتاحت جداً بنسبة كبيرة.

2- أكثرى من الإتصال على الأهل فى مصر وإحكى معاهم وفضفضى.

3-حاولى تحلى مشاكلك الى فى السعودية بسرعة وأهمها سكن قريب من المستشفى حتى لو غالى و& الشغالة جيبيها أندونيسية مُسلمة وسبق لها العمل فى السعودية وسنها أقل من 30 سنة والأفضل لو معدهاش أطفال علشان ما توجعش راسك كل يوم وتقول لك بنتى تعبانة أو إبنى بيعيط وبيقول لى إرجعى يا ماما.

4- كونى صداقات ومعارف وحاولى تتكلمى مع ناس مُتفائلين مُش محبطين لأن للوسط المحيط بكى تأثير كبير على حالتك المزاجية.

5- :roseop: أهم شيئ حزارى إنفعالك يُؤثر على الأولاد أو الزوج؟؟؟؟

لكى منى كل سلام.

تُريد معرفة كل شيئ عن العمل الحكومى كطبيب أو صيدلى أو تمريض فى السعودية

نتشرف بزيارتك لنا

http://www.egyptiantalks.org/invb/?showtop...075&st=1890

رابط هذا التعليق
شارك
mama nona عضو جديد

mama nona

بتاريخ:
  • كاتب الموضوع
بتاريخ:
هههههه bngn:: :lol:

حاجة طبيعية خالص جاية من مصر حيث الحياة اللي فيها رووح

لازم يحصل كدة متقلقيش خالص شوية وهتلاقي الأمور زي الفل وآخر أنبساط

دووري بس أنت على حاجة تهديكي من جواكي

أخطفي نفسك وأعملي عمرة

أو أطلعي على البحر بعد الفجر أو بالليل وأتمشي مع حد من الأهل وشمي شوية هواء نقي

هتلاقي كل حاجة زي الفل

ربنا ينفث همك ويفرج كربك :blush2: :blink: :cry1:

شكرا ليك

بس المشكلة فى خروج البحر دى الدوام ومواعيده

مش نافعة معايا

وكل ما اطلع عالكورنيش واقعد ادام البحر اشوف سواد فى سواد اللهم الا موجة تيجى تخبط فالصخر وبس

0329100703378vi4z91lu5pj76.gif
رابط هذا التعليق
شارك
mama nona عضو جديد

mama nona

بتاريخ:
  • كاتب الموضوع
بتاريخ: (معدل)
اهلا بالاخوة والاخوات المحاوراتيه

من شهر وصلنا جدة

والحمد لله

ومن وقت ما وصلنا وانا مش مستقرة نفسيا ودايما متوتر ة وقلقانه وعصبية ومش مركزة

ومش حاسة بالحياة

حاسة انى فى دوامة مش بتخلص

وكل يوم اقول هتعدى ومفيش فايدة

بدات احس انى داخلة على دور اكتئاب رهيب

حاسة ان كل حاجة حواليا ملهاش معنى

بلد جديدة على معرفش فيها حاجة ولا اعرف فيها حد

دوامة البحث عن شقة قريبة من شغلى

ثم البحث عن العفش

ثم دوامة كبيرة اسمها الشغالات

الحمد لله الامور بدأت تستقر

بس من جوايا مش راضية ولا مقتنعة باى حاجة

بقيت عصبية جدا

وبتنرفز من اتفه الامور

وكله بحطه فى ولادى وزوجى

حتى لما دخلت عالمحاورات ملقتهاش زى ما سبتها

حسيت انى غريبة فيها

وان الناس كلها جديدة ومعرفهاش

وحسيت انى لازم اسيبها واخرج

اعمل ايه علشان اطلع من الدوامة دى

لانى تعبت بجد

ماما نونا

نصيحه يا ماما نونه

إعملي عمره

وإطلعي قضي كام يوم في المدينه المنوره زوري المسجد النبوي وإن شاء الله هتلاقي راحه نفسيه لا توصف بمجرد دخولك المدينه .

ومتنسيش دعاء الهم والحزن

اللهم إني عبدك وإبن عبدك وإبن أمتك ناصيتي بيدك ماض في حكمك عدل في قضائك أسألك بكل إسم هو لك سميت به نفسك أو أنزلته في كتابك أو علمته أحد من خلقك أو إستأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي وغمي

وربنا يريح قلبك ويصلحلك الأحوال :blush2:

ان شاء الله ارتب ونطلع للعمرة وزيارة للمدينة لما الظروف تتحسن ان شاء الله

تم تعديل بواسطة mama nona
0329100703378vi4z91lu5pj76.gif
رابط هذا التعليق
شارك
mama nona عضو جديد

mama nona

بتاريخ:
  • كاتب الموضوع
بتاريخ:
في جده حيث البحار الزرقاء والرمال الصفراء والجنة الغناء ... وزهقانه ؟؟؟

وجنبها مكه فركة كعب .. وطهقانه ؟؟

صحيح ... ناس الرياض ليها أحسن دوا ...

جتنا نيلة في حظنا الهباب

انا لغاية الوقتى لا شفت بحار رزقاء ولا رمال صفراء ولا اى حاجة من دى

انما مكة عندك حق فيها

ان شاء الله ربنا يعدلك حظك الهباب ده ويوعدك بحظ احسن منه

0329100703378vi4z91lu5pj76.gif
رابط هذا التعليق
شارك
mama nona عضو جديد

mama nona

بتاريخ:
  • كاتب الموضوع
بتاريخ:
حضرتك بأة لازم تيجي الرياض علشان تعرفي إن الله حق :roseop:

جدة ... يا سلام .. جدة بالنسبة ليا حلم .. هو اي حتة الصراحة دلوقتي بالنسبة ليا حلم ... الرياض دي مقبرة الغزاة و المهاجرين ..... و الأنصار كمان ها يلا

طبعاً الإخوة تفضلوا بمقترحات رائعة و أحب أضيف عليها ... تكوين علاقات ... حاولي تتعرفي على جيران بس بحذر بردو ... زوجات معارف زوجك .. خروجات جماعية مثلاً .. لو فيه أولاد أهم يلعبوا و النساء يرغوا و ترغي معاهم و الرجالة يشووا اللحمة و يتعموا من الدخان .. كدة يعني

حاولي تلتحقي بدار تحفيظ مثلاً أو معهد لدراسة اي تخصص تحبيه .. و أكيد هتلاقي هناك معارف و هتكوني علاقات بردو تسليكي

ثم المحاورات بأة و دي الأنيس الذيذ العسول بتاعنا كلنا .. و أكيد كمان هتلاقي أخوات من المحاورات في جدة تقدري تقابليهم و تتعرفي عليهم

و ربنا يصلح الحال ليكي يا رب و يزيل همك و لينا معاكي

مكاوى

شكرا يا استاذ مكاوى

بس على حد علمى انك جديد فالسعودية

لا لحقت تشوف الرياض مقبرة ولا جدة حلم

اما عن موضوع الالتحاق بدار تحفيظ القران .... اكيد كنت اتمنى بس الدوام مبيديش اى فرصة

الحمد لله الستات المحاوراتيه عملو اتصالاتهم وهنتقابل ان شاء الله فى اقرب فرصة

0329100703378vi4z91lu5pj76.gif
رابط هذا التعليق
شارك
osaimi عضو جديد

osaimi

بتاريخ:
بتاريخ: (معدل)

بصراحه هي بلد من اولها لاخرها تجيب الاكتئاب باستثناء مكة والمدينة عشان المسجد الحرام والمسجد النبوي بس ، ربنا يصبرنا جميعا ، انا شخصيا بحاول اكسر الملل من فترة للتانية بزيارات للبحرين الكويت قطر عشان قريبة من الشرقية وبنرحها بالسيارة وبصراحة بلاد حلوه وتحس فيها بالحرية مع انها خليج برضه ، هنعمل ايه بقى الله يخرب بيت اللي كان السبب فى غربة وبهدلة المصريين ، منهم لله ربنا ينتقم منهم قولوا آمين

تم تعديل بواسطة osaimi
almsloob-0d95696d5a.gif
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...