استشاره في فتح محل حاسب بالرياض

[AbkaReno]

السلام عليكم’

ياشباب الخير انا ناوي الشهر الي جاي افتح محل لبيع وصيانة الحاسب الالي بالرياض :blush2:

عايز افضل مكان في الرياض ويكون قريب من سكني لاني ساكن في الديره عند قصر الحكم..

محتاج اراكم في الموضوع وافضل مكان ممكن اخد فيه لان محلات الصيانه كلها في العليه :ninja:

الحمد لله استخرجت فيزة هندي علشان يشتغل الصبح وانا اشتغل من الساعه 6 المغرب

دعواتكم ليا والصيانه مجانا للكل فترة الافتتاح :lol:

[خالد شحاته]

السلام عليكم’

ياشباب الخير انا ناوي الشهر الي جاي افتح محل لبيع وصيانة الحاسب الالي بالرياض :blush2:

عايز افضل مكان في الرياض ويكون قريب من سكني لاني ساكن في الديره عند قصر الحكم..

محتاج اراكم في الموضوع وافضل مكان ممكن اخد فيه لان محلات الصيانه كلها في العليه :ninja:

الحمد لله استخرجت فيزة هندي علشان يشتغل الصبح وانا اشتغل من الساعه 6 المغرب

دعواتكم ليا والصيانه مجانا للكل فترة الافتتاح :lol:

السلام عليكم

احسن حاجة تاخد موقع صيانه في الصالحية بوار شارع التليفزيون لان كل المحلات هناك كمبيوتر وبردوا قريب من الديره

[doha]

في كمان مجمع الجفالي في اخر طريق الملك فهد وانت متجه جنوب

[AbkaReno]

شكرا يا جماعه على الردود بس الايجارات هناك انا روحت لقيتها بدايه من 45 الف في السنه وغير ان السوق نايم هناك

انا اقصد عايز حاجه قريبه من المصريين وبعيدا عن استغلال المحلات الي في الصالحيه والعليا

[doha]

شكرا يا جماعه على الردود بس الايجارات هناك انا روحت لقيتها بدايه من 45 الف في السنه وغير ان السوق نايم هناك

انا اقصد عايز حاجه قريبه من المصريين وبعيدا عن استغلال المحلات الي في الصالحيه والعليا

مينفعش تشتغل في مجال الكمبيوتر وتختار المكان الي هتفتح فيه لمجرد انه قريب من المصريين .. ممكن تعمل كده لو فاتح محل اكلات مصرية مثلا او حتى محل خضار معروف ان المصريين زيهم زي غيرهم مش هيبطلوا يتشروا منه وبناء عليه هتفتح فيه انما في موضوع الكمبيوتر بالذات فالمقاييس بتختلف

الصالحية والجفالي وغيرها من المولات المتخصصة غالية لان زبونك فيها شبه مضمون .. اي واحد جهازه بيعطل ولا عاوز يضيف فيه حاجه بياخذ بعضه وينزل على الاسواق دي بدون مايكون عنده فكرة مسبقة عن المحل الي هيشتري منه وبالتالي انت قاعد في مكان عارف ان الكل بيقصده لما يحتاج بضاعتك الي بتبيعها فيه

لكن لو فتحت في اي حته لمجرد ان مليانه مصريين وبكده فمعظم زباينك هيبقوا منهم فخلي بالك طبيعه الزبون المصري مع الكمبيوتر هتتعبك شويه في التسويق .. الزبون المصري بيشتري جهاز واحد بس لنفسه واحيانا للبيت كله .. الزبون المصري برضه مش ( بيروش ) جهازه غالبا غير لو كان شاب والشباب المصري زي ماانت عارف في مصر مش هنا

يبقى كده انت حصرت نفسك في زبون بيشتري مرة في السنة ونادرا مايفكر يحط في جهازه اضافات .. وبرضه لو انت شغال صيانة فالزبون المصري على فكره شاطر وكتير اوي بيعمل صيانة جهازه بنفسه

اعتقد انك محتاج مزيد من الدراسة للسوق قبل ماتقدم على خطوة المشروع الخاص

دعواتي لك بالتوفيق باذن الله ..

[AbkaReno]

شكرا للايضاح..

علشان كده انا اول حاجه عملتها قبل المشروع حطيت الموضوع هنا لاخذ اكبر كمية من الانتقادات قبل فتح المحل وقبل البدء في اتخاذ قرار المكان..

طيب عموما انا شايف ان الصالحيه اقرب مكان وافضل في السوق لان العليا فيها فطاحله وانا راس مالي 200 الف يعني عايز برضه اعمل مشروع كويس ويكون مدروس من كل الجهات

المهم هنتظر باقي الاعضاء جايز ليهم كلام او نصيحه مختلفع :flr1:

[OmarBak]

فيه سوق كويس كمان

سوق المرسلات اعرف محل هناك بيكسب كويس جدا

بالتوفيق

[AbkaReno]

روحت سوق المرسلات امبارح بس فعلا المحلات قليله في المول بتاع الكمبيوتر لدرجة ان ادارة المول عامله للمستأجر اول 6 شهور مجانيه

والناس الي بتدخل داخله بس علشان الموبيلات مش اكتر

[doha]

روحت سوق المرسلات امبارح بس فعلا المحلات قليله في المول بتاع الكمبيوتر لدرجة ان ادارة المول عامله للمستأجر اول 6 شهور مجانيه

والناس الي بتدخل داخله بس علشان الموبيلات مش اكتر

طيب ماتجرب هناك ست شهور بس تدرس فيهم السوق والي يجيلك من الزباين اديله رقم موبايلك بحيث لو نقلت بعد كده مكان تاني يعرفوا يوصلوا لك ومين عارف يمكن خلال الست شهور دول السوق يتحرك ووضعه يتغير واهو تكون عرفت هتشتري جملة منين وتبيع لمين في خلال الفترة دي وكل ده ببلاش من غير ماتدفع حاجه

طبعا كل ده لو انت عمرك ماشتغلت في محلات كمبيوتر في السعوديه انما لو عندك فكرة كويسه من قبل كده فتجاهل هذا الاقتراح

[OmarBak]

في المرسلات كذ مكان

فيه مكان قبل وزارة العمل مباشرة اعتقد

يمكن شغال احسن التانى سوق جوالات اكتر

[محمد الشافعى]

السلام عليكم ورحمة الله وبركاته اولا شوف الأماكن الى مفيهاش محلات كمبيوتر لأن انت علشان تفتح فى مكان زى الجفال او الصالحيه او العليا لازم تكون متميز وبتقدكم شىء جديد او لو لسه جديد فى المجال افتح فى مكان يكون محتاج فعلا محل كمبيوتر وفى الأول قبل الأخر استخير الله عز وجل وتوكل عليه فهو حسبك ويكفيك

[Deathangel]

أنا لو مكانك أفتح فى المرسلات السوق لسه جديد ومكانه كويس وأيضا مخصص للعوائل , يعنى فى الفترة الجاية هيرتاده ناس كتير لأنهم بدأو يعملوله حملة إعلانية , لو رحت حالا هتلاقى ناس كتير بتقفل المحلات وبتقولك احنا هنمش عشان السوق نايم ومفيش حركة وهتلاقى محلات كتير مقفولة بس دول غلط , لأنهم يدوب فتحو شهربن تلاتة ولما ملقوش زبون خلاص يبقة لاسوق كله نايم , انتظر فترة وهتلاقى السوق ده شغال وانا اعتقد انه فرصة كويسة جدا عشان تبدأ فيه وخصوصا العرض اللى عملاه الإدارة بتاع الست شهور ده وربنا يوفقك , ومتقلقش ياعم هنيجى نشترى من عندك بردك

[موظف كادح]

المرسلات ممكن يكون كويس على فكره .. بس مشكلته ان الفكره المتاخده عنه والغالبيه طبعا انه سوق موبيلات

وانا على فكره برده انا متفق اكتر على مكان الصالحيه او العليا على الاقل زى ما الاخ قالك ضامن زبونك هناك .. ومسالة بقى التميز وانت ليه بادئ وراس المال مش كبير والمواضيع دى اعتقد مع الوقت بس شويه صبر فى الاول واكيد مش كلهم بدأو كبار يعنى .. وربنا يوفقك فى اى مكان

تم تعديل 19 مايو 2010 بواسطة موظف كادح

[AbkaReno]

شكرا يا جماعه وطبعا ردودكم بتدل كلها على طيبة الشعب المصري الجميل وخوفه على غيره,,