احمد بهجت ....خيبة الله عليك

[احمد هادي]

حلقة جديدة من حلقات نجاح العصابة الحاكمة

بعد تمديد قانون الطوارئ

بدأ استخدام الاعلام الخاص للقضاء علي ما بقي من صوت للمعارضة

شاهد احمد بهجت صاحب دريم علي قناة المحور التي كانت تحتفل بمرور حوالي قرن علي ميلاد مبارك يشكر الديكتاتور علي منح الشعب حرية الكلام

ومما قاله الرجل

انا مش معارض

انا ابن النظام ومستفيد منه

نسينا ايام ما كنا بتلفت حوالينا لما بنتكلم

لو أراد الرئيس سحب كل الحريات التي منحها لنا لفعل

يجب ان نركز علي الانجازات العظيمة الكثيرة التي سيكتبها التاريخ لمبارك

بعض المذيعين يركز علي السلبيات فقط للمزيد من الشهرة والنجومية

عزيزي احمد بهجت

خيبة الله عليك

شاهد

http://www.youtube.com/watch?v=45D_K1qVz8c

[ابو محمد بن مصطفي]

وايه الجديد في كدة

مهو معروف انه من ابناء النظام ويتاجر باموال النظام

ومعظم القنوات المصرية هي ملك للنظام او احد اتباع النظام

المحور

دريم

الحياة

مودرن

الفراعيين

بانوراما

موجة

يعني النظام المصري الفاسد ......... مش هتقدر تغمض عنيييك

[احمد هادي]

الجديد هو ان تصبح القنوات الخاصة في المرحلة القادمة صورة من الفضائية المصرية

وأول الكوارث البرنامج المستفز كريم العنصرين

[ابو محمد بن مصطفي]

اصل الحكاية ان الموضوع كله في ايد الحكومة

هي اللي تمنح التراخيص للقنوات الفضائية

فمثلا قناة الحياة هي مملوكة لوزارة الاستثمار

والمحور مملوكة للدكتور / سيد راتب بتاع الاسمنت يعني العبارة فـ الشكارة

وكله ماسك علب ورنيش وبيلمع

[Sherief AbdelWahab]

لاهو انتو كنتم فاكرين إيه؟

لسة مصدقين إن فيه إعلام معارض في مصر؟

المال السياسي عمل قنوات وبيلعبها سياسة ، شد وجذب ، زي أي حزب سياسي في مصر .. لكن دة تقدر تقول إنه حزب الأعيان في مصر.. عايز يوقع النظام آه بس ما عندهوش بديل مقنع ولا مشروع يقبله أي عقل.. يلوش آه .. يشتم آه.. بس في الوقت المناسب يرخي الشعرة اللي بينه وبين النظام..

خلص الكلام

[pink rose]

لاهو انتو كنتم فاكرين إيه؟

لسة مصدقين إن فيه إعلام معارض في مصر؟

المال السياسي عمل قنوات وبيلعبها سياسة ، شد وجذب ، زي أي حزب سياسي في مصر .. لكن دة تقدر تقول إنه حزب الأعيان في مصر.. عايز يوقع النظام آه بس ما عندهوش بديل مقنع ولا مشروع يقبله أي عقل.. يلوش آه .. يشتم آه.. بس في الوقت المناسب يرخي الشعرة اللي بينه وبين النظام..

خلص الكلام

انا كنت مصدقة لحد ما مات ابن علاء

و لقيت اللي قارفينا ليل نهار بالسواد و الفساد اللي في البلد عاملين سرادق عزاء في الفضائيات كلها

من يومها نزلت كل الناس دي من نظري و ما بقيتش اتفرج عليهم

[herohero]

ياجماعه ماالحكاية شد وجذب يعني محدش ينكر ان فيه سقف حريات عالي جدا حاليا وانا فاكر زمان ف مصر محدش كان بيتكلم احنا نسينا مكنش فيه الا الجزيرة ناسيين لما فتحت من سنة 98 ومكنش شيئ ف مصر وكنا يا بنقضيها راديو زمان مونت كارلو او البي بي سي

انا مؤيد لكلام احمد بهجت وغيره من اصحاب القنوات الفضائية الحكاية لازم تكون شد وجذب عشان الامور تمشي ماتنسوش النايل سات حكومي يعني مش هينفع القنوات ده تعادي الحكومة ياجماعه ده اصول اللعبه هذه القنووات والبرامج ماهي الا تنفيس للشعب

[Howayda Ismail]

يا ناس الراجل معذور هو مش حمل ازمة قلبية جديدة وكفاية اللي حصله قبل كده وهو عمل بنصيحة الايد اللي ما تقدرش تعضها بوسها امال الكوسة المزروعةفي البلد دي كلها حاتروح فين