السفر من جدة إلي مصر بالسيارة عبر ميناء ضبا

[mizomizo]

السلام عليكم ورحمة الله وبركاته

دى اول مرة اشترك بالمنتدى الجميل ده وعن نفسى ان شاء الله انا حسافر يوم 17 يونيو القادم عن طريق بريدة - المدينة المنورة - ينبع - ضبا.

لو حد عنده اية افكار يقولها والافادة للجميع.

[shehabmody]

الاخ الفاضل طاهر

السلام عليكم ورحمة الله وبركاته

يسعدني المرور من خلال موضوعك المميز ورحلة السفر البري من جده الي ضبا ثم للغردقة

احب اسالكم عن ميزة السفر من ضبا وليس من العقبة مع العلم انني دائم السفر عبر منفذ العقبة

وكنت ناوي والنية لله ان اسافر عن طريق ضبا مع العلم انني مقيم بالكويت ولكن خبرتي من خلال العقبة نويبع اكبر ولذلك بافضل السفر دايما من العقبة ولسهولة ومعرفتي بالاجراءات في نويبع

ولذا ارجوا ان تفيدني اذا كانت الاجراءات في الغرقة اسهل في التخليص اجرب هذه المره

ثانيا ما هي اسعار اللانش السريع للفرد وللسيارات الجيب

يسعدني المرور مره ثانية وللعلم انني مسافر ان شاء الله بتاريخ 25 يونيو 2010 بس لسه ماحددت للان من العقبة ولا من ضبا

منتظر ردك

[shehabmody]

الاخ الفاضل طاهر

السلام عليكم ورحمة الله وبركاته

يسعدني المرور من خلال موضوعك المميز ورحلة السفر البري من جده الي ضبا ثم للغردقة

احب اسالكم عن ميزة السفر من ضبا وليس من العقبة مع العلم انني دائم السفر عبر منفذ العقبة

وكنت ناوي والنية لله ان اسافر عن طريق ضبا مع العلم انني مقيم بالكويت ولكن خبرتي من خلال العقبة نويبع اكبر ولذلك بافضل السفر دايما من العقبة ولسهولة ومعرفتي بالاجراءات في نويبع

ولذا ارجوا ان تفيدني اذا كانت الاجراءات في الغرقة اسهل في التخليص اجرب هذه المره

ثانيا ما هي اسعار اللانش السريع للفرد وللسيارات الجيب

يسعدني المرور مره ثانية وللعلم انني مسافر ان شاء الله بتاريخ 25 يونيو 2010 بس لسه ماحددت للان من العقبة ولا من ضبا

منتظر ردك

يا رب,,,, سهّل علينا غربتنا,, و رجّعنا لأهلنا سالمين,,,, آآميييين

[tahereyad]

الأخ العزيز مودي شهاب,,, أولا شكرا علي مرورك و تشريفك لموضوعي.

ثانيا: من أهم أهداف سفري البري هي الاستمتاع بالسفر و الطريق و القيادة مش مجرد ساعتين فالطيارة ماتحسش بيهم,, و طبعا المرور علي الغردقة و الاستراحة فيها كام يوم قبل مابدأ في الاجازة وسط الاهل في مصر و الدخول فالزيارات و المشواير و اللف و التغيير برضه مطلوب بعد سنة أشغال شاقة فالسعودية,,,, و طبعا برضه وجود سيارتك معاك في مصر ميزة كبيرة للي مش عنده سيارة في مصر زي حالاتي.

طبعا أنا يادوب ماكملتش سنتين فالسعودية و مش خبير بطرق السفر,,, لكن حبيت أغامر السنة اللي فاتت,, و المغامرة كانت جميلة,, و اتبسطت أنا و أسرتي,,, فحبينا نكررها تاني السنة دي..

الطرق اللي أعرفها هي من جدة للسويس,, و من جدة الي سفاجا (مافيش سواقة طويلة جوة السعودية بس هاتقعد فالبحر 45 ساعة للأولي و 30 ساعة للتانية و الموضوع دة أولادي رافضينه عشان مدة كبيرة فالبحر,, و خصوصا اني ركبت السلام 89 قبل غرقها بكام شهر من السويس لجدة و العودة في 2005)

التاني من ينبع للسويس,,, بس متهيألي انه للمعتمرين بس علي حسب ما بتوع المكاتب قالولي

و التالت اللي انا أخترته بتاع ضبا الي سفاجا,, لأنه أقل فالوقت,,, و لعبارة السريعة بتاخد 3 ساعات ابحار بس,,, لكن في حوالي 6 ساعات بتروح فمينا ضبا و زيهم في مينا سفاجا,,, يعني تقريبا بتخرج من مينا سفاجا بعد 24 ساعة من ساعة ما باخرج من البيت في جدة,, و باكون حاجز في الغردقة و باروح عالفندق علطول

بالنسبة لطريق لعقبة ماعرفوش,,, و أعتقد انه طوييييييييييييييييييييييييييل جدا,, هاعدي عالاردن كمان و مش عارف لو في اجراءات زيادة,, فالاخر هاتدخل مصر من شمال سينا و هاتسوق مسافة كبيرة في طريق مفرد رايح جاي لحد ما توصل للنفق أو لكوبري السلام... لا يا عم مش لاعب

سعر اللانش السريع من ضبا الي سفاجا,, 340 ريال للفرد العاقل البالغ, و 250 للطفل الذي لم يبلغ الحلم,, 120 للطفل الرضيع,,, و السيارة الجيب ب 940 + 250 رسوم تدفعها فالمينا, و طبعا دي أسعار رايح بس,,, اضرب في اتنين رايح جاي,,, بس نصيحة أحجز رايح بس,, و أحجز الرجوع من مصر

لو عندك أي استفسار تاني أنا تحت أمرك,,, و ربنا يسلم طريقنا و يرجعنا بلدنا سالمين

[جحا]

السلام عليكم

ان شاء الله يا جماعة انا هانزل انا و الاولاد علي اخر شهر يونيو بالسيارة عن طريق ضبا

انا هاطلع من ابها

بس انا لحد الان ما عملتش اي حاجة و لا دفتر تربتك و لا حجزت علي العبارة

فارجو منكم تعرفوني ايه الاجراءات المطلوبة مني و ايه هي النصائح من اول تظبيط العربية لحد ما اركب العبارة و انزل في سفاجا و اتعامل ازاي مع الجمرك و اخد طريق ايه لحد القاهرة

و شكرا مقدما و ياريت يا جماعة لو نقدر ننزل مع بعض انا جاهز و اقدر اظبط ميعادي معاكم

و بالتوفيق للجميع

[shehabmody]

الاخ العزيز اياد

اشكر لكم حسن اسلوبكم المهذب وردا علي السفر من العقبة انا جربت السفر اكثر من مره من العقبة اعتبره احسن من ضبا ليس من المعاملة ولكم تعودت علي الاجراءات هناك وكما تفضلت كل واحد بيرتاح علي المكان اللي اتعود عليه المهم هنا ان الاسعار من العقبة اقل من ضبا سعر الفرد البالغ 70 دولار وذهاب وعودة 120دولار ارخص بكثير من ضبا كذلك المسافة من نويبع للقاهرة اقل وطريق لابأس به الان اصبح كويس وبالنسبة للسيارة الجيب حوالي 225 دولار وعليك انت بعمل مقارنة بالريال هتلاقي العقبة ارخص

وكان ربنا يروق بالك انت بتعمل حاجه انا نفسي اعملها ولكن الوقت وقلته لاجازتي لايسمح وهو الاستمتاع فيالغردقة يومين قبل الذهاب للقاهرة انت رايق ورنبا يروق بالك الواحد مستعجل لرؤية الاهل واحب اعرفك انني باقططع المسافة هنا من الكويات للعقبة مسافة لابأس بها ربك هو اللي بهون علينا مصاعب الطريق وهو الذي يسهل لنا الامور وبييسر لنا بعد الطريق

ادعو الله عز وجل ان يحفظ لكم طريقكم في البر والبحر وانا معكم ومع كل مسافر ويستر لنا طريقنا دايما واوصيك واوصي نفسي بالتاني بالطريق نصل بسلامة الله اخيكم محمد شهاب

[tahereyad]

الأخ شهاب,,, ثواني و جايلك خليك معايا..

الأخ جحا,, شكرا علي مرورك أولا,,, و خصوصا انت من أبها,, من عند حبيبي و رفيقي أوز أوز,, يا ريت تحاول تقنعه ييجي معاك بالحتة التيدا و نطلع كلنا علي مصر سوا,,, أنا ان شاء الله برضه هاطلع يوم الاربع 30/6 من جدة بعد المغرب,,, متهيألي انت من ابها لازم تطلع عالأقل من الساعة 12 الظهر,, عشان تلحق توصل جدة قبل المغرب ,,, و تكمل علي ضبا,, و انشاء الله توصل علي ضبا يوم الخميس علي 6 صباحا,, تدخل علي مكتب البلاغة تدفع فلوس الحجز, و بعدين تقعد تستني العبارة السريعة علي بعد الظهر,, أنا حجزت السنة اللي فاتت مع أخ محترم أوي,, وصلت ليه بطريق غير مباشر عن طريق المحاورات برضه,, هابعتلك رقمه و ايميله علي الخاص,, هاتتصل بيه,,, و بعدين تبعتله ايميل فيه بياناتك انت و اسرتك بالاعمار و ارقام الجوازات,, و نوع العربية و رقم التسجيل,,, و هو هايبعتلك صورة من تأكيد الحجز اللي انت هاتروح تدفع بيها يوم السفر, بخصوص دفتر التريبتيك,, بيطلع في ربع ساعة و انت في أي مكتب سفر, تاخد الاقامة و رخصة العربية و صورة جوازك و 280 ريال بس.

بالنوسبة لصيانة العربية,, أنا مش هاقوللك روح الوكالة و كلام فاضي لأني روحت وكالة النيسان و ظبطوني زي ماقولت قبل كدة,, بس انت اتأكد من الكاوتش يكون في حالة ممتازة,,, و عفشة العربية و نظام التعليق, و معاهم الزوايا و الاتزان,, ثم الفرامل و حرارة الموتور,, و طبعا التكييف عشان ماتعذبش الأولاد,,, و هابعتلك رقمي عالخاص و ان شاء الله نتواصل يمكن نكمل سوا من جدة لحد ضبا.

نرجع للمحترم شهاب,, يا باشا كلك زوق والله,,, بس واضح اننا احنا الاتنين ماشيين بمبدأ " اللي نعرفه أحسن من اللي مانعرفوش",, و دة علي فكرة اللي مودي مصر فداهية فالعشرين سنة اللي فاتوا,,, المهم

أنا برضه أجازتي قصيرة,,, يعني يادوب شهر بالعافية,,, بس انت عارف ان كجانب أمان,, انك لازم ترتاح و تنام كويس لما توصل مصر عشان تقدر تواصل جوة مصر بأمان,, الموضوع برضه مش عقاب,, يعني عالأقل هاتحجز في فندق ليلة و تنام و ترتاح انت و الأسرة يوم,, ف يعني لو بقششت علي نفسك بكمان يومين انت و عيالك تغيير عشان تروحوا علي حبايبكم في مصر فريش وجلدك مقشر من العوم,, مش هاتفرق كتير في وقت الأجازة,, لكن هاتفرق في نفسيتك,, لأنك لو وصلت للأهل و الأحباب في مصر,, صعب تسيبهم و تروح تروقلك يومين انت و عيالك,,,, و ربنا يروق بالك و بالنا جميعا يا جميل

[جحا]

الاخ العزيز طاهر اشكرك علي حسن تعاونك و اتشرف بمعرفتك و اتمني ان اكون بصحبتك في هذه الرحلة و ان شاء الله انا هاظبط مواعيدي مع حضرتك و نتقابل في جدة علي خير ان شاء الله و انا هابدأ انفذ كل اللي انت نصحتني بيه و هاتابع مع حضرتك و اتمني انك تسمحللي اتصل بيك علي الجوال

[ozoozo]

والله ياطاهر كان نفسي اجي معاكم بس معلش حجزت طيران السنه دي ممكن السنه الجايه انشاء الله وبيني وبينك انا مستصعب المشوار في الرجوع لان في المرواح الواحد بيبقي مبسوط وما بيحسش بالطريق

الاخ جحا بالنسبه للطريق من ابها الي جده فانسب طريق هو ابها ثم عقبه ضلع ثم الدرب وبعدين تمسك طريق الساحل علي طول وبعد 330 كم بالظبط من بدايه العقبه (4 ساعات) هاتوصل القنفده ممكن تريحلك فيها نص ساعه وتقطعلك 400 كم كمان عشان توصل لجده بعد كده بعني المجموع 8 ساعات بالظبط من ابها الي جده يعني عشان توصل الساعه سته جده لازم تطلع الساعه 9 او عشره من ابها

والطريق ده اسهل واسرع طريق وماتحاولش طبعا تروح عن طريق محايل لان عقبه شعار رخمه جدا بسبب العربيات النقل

طريق الساحل هايضيقك في الغبار بس اعمل حسابك انك تغبر العربيه عن بتوع الاكسسوارات عشان العربيه مايتاكلش لونها

[tahereyad]

كبير والله يا أوز أوز يا حبيبي,, و في كل المواضيع بتيقي عامل زي بطل الأفلام اللي بيخش فالوقت المناسب يخلص كل المشاكل اللي اللي فالفيلم,,, عامة اشكرك جدا علي شرحك للطريق من واقع خبرتك العظيمة بطريق أبها -- جدة,, ولا مرة تيجي تزورني ياااااااااااا

و ياريت تحطلنا صورة للكابتن أوزأوز بعد ما كبر و بقي عريس.

الأخ الكريم بزوقه جحا,,, أنا قلبت الموضوع كله بحثا عن الأخ علي حسن, , بس مالقتش حد بالاسم دة,, يمكن يكون واحد صاحبك مانعرفوش :happy:

يا باشا أتشرف طبعا جدا بمعرفتك, وأنا بعتلك رقمي عالخاص,, و أرجو التواصل. wst::

و علي فكرة,,,, أنا غيرت كمان جوز كاوتشات بين قوسين كفرات للعربية,, عشان الأمان برضه و ربنا الستار,,, أنا حاسس اني دفعت أضعاف أضعاف تمن الطيران لحد دلوقتي,,, ربنا يودينا ويجيبنا بالسلامة

[tahereyad]

الأخ الدكتور جحا,,, أولا أنا سعدت جدا و اتشرفت بمكالمتك, و ان شاء الله معرفة خير,, و ثانيا لو احتجت أي حاجة من جدة أو الحجز فالغردقة قولّي و ان شاء الله اقدر افيدك و ربنا يجعلها أجازة سعيدة عليكم و علينا..

فين يا جماعة باقي المصريين اللي هايسافروا بالعربيات من جدة لضبا,,, أومال الزحام الجامد اللي فالطريق و فالعبارات دة مافيهوش حد من المحاورات ولا ايه؟؟

معادنا الأربع الجاي 30/6 بعد المغرب

[raouf]

يا شباب انا حصل تعديل فى اجازتى وهاتحرك من الدمام ان شاء الله يوم الاربعاء 7\7 ان شاء الله اللى يحب يطلع معايا سواء من الدمام او الرياض يراسلنى

[مومو الامور]

انتا ابن حلال انا لسه عامل توبيك بدور على حد يشجعنى ويطلع معايا انا جاهز امشى من يوم 22-6 ولسه معملتش تريبتك ولا اى شى انا هابعتلك رقمى على الخخاص كلمنى وانشالله نظبطها سوا

[raouf]

انتا ابن حلال انا لسه عامل توبيك بدور على حد يشجعنى ويطلع معايا انا جاهز امشى من يوم 22-6 ولسه معملتش تريبتك ولا اى شى انا هابعتلك رقمى على الخخاص كلمنى وانشالله نظبطها سوا

حبيبى يسمع من بقك دى اجازتى السنة اللى فاتت ههههههههههه

[alasdody]

السلام عليكم

ربنا يبارك فيكم على الإيضاح الجميل الوافي لموضوع النزول بالعربية لمصر

أنا ناوي ان شاء الله أنزل بعربيتي في شهر 11 ، بس حابب أسألكو إيه رأيكو في النزول السنة دي بالعربية،، الحاجة التانية أنا معايا عربية اسكودا أوكتافيا بنزين موديل 2001 ، الحمد لله ماكينتها كويسه، والحرارة تمام،، ايه رأيكو أنزل بيها جدة للضبا ، ومن ثم الغردقة القاهرة....

[طنطاوي]

كل عام وانتم بخير

إن شاء الله ناوي أحج ومن الحج أنزل مصر بسيارة جي ام سي يكون 2005

ودي أول مرة

محتاج أعرف تكلفة السفر للسيارة والافراد (رايح جاي)

وأفضل طريق أخده من مكه للسويس بس بلاش العبارة اللي بتاخد يومين في البحر

منتظر نصايحكم

شكرا مقدما

[سمير نبيل]

السلام عليكم  اريد استفسار عن تكاليف السفر من ابها الى القاهر

نزولا بي السيارة   ومعي أسرة مكونة اربع افراد غيري

وارجوا وصف الطريق بالتفاصيل وارقام مكاتب الحجز والتكلفة في السعودية والتكلفة في العودة

واذا امكن تواجد رفقة بالطريق  لانى  قررت اسافر اول مره هذ العا

رقم جوالي للتواصل 0592245321