قلب ابيض بتاريخ: 14 مايو 2010 تقديم بلاغ مشاركة بتاريخ: 14 مايو 2010 اسمحوا لى افتح الموضوع ده على سبيل انى اكسب ثووواب فى البنات الغلابه بتوع الايام دى واولهم بناتى :flr1: فواكهه البحر او الحلويات او لحوم الغلابه ...كلها مسميات اطلقت على ...... مش عاوزه اقول اسمها عشان بعض الناس :blink: المهم هانحاول سوا هنا نتشارك فى عرض طريقه عمل وتقديم هذه الاكلات الشعبيه المصريه المميزه وتشمل : الممبار -الطحال -الكرشه -الفشه -اللسان -لحمه الراس -الكوارع ....." اللى فاكر حاجه يقولها " بدايه نقدم عمل فته الكوارع المكونات : ======= زوج من الكوارع أو الكمية المناسبة لعدد الأفراد ا بصلة ورق لورا(لورى) حبهان (هيل) فصين مستكة فلفل اسود وملح طريقه العمل: ======== تغسل الكوارع بالدقيق والملح جيدا وتشطف بماء وقليل من الخل لضمان نضافتها نضع الماء المضاف اليه الملح والفلفل واللورى والحبهان والمستكه على النار واول ماتغلى نضع البصله والكوارع وتغطى باحكام " انا افضل استخدام حله الضغط لضمان تمام النضج وتوفير الوقت " والمعروف ان الكوارع ببتاخد وقت طويل على النار ولذلك يفضل حله الضغط بعد حوالى ساعه نفتح عليها ونشوف السوا 000نبردها ونحاول ازاله العظم وتقطيعها الى اجزاء مناسبه نرجعها الحله مره تانيه وتاخد غلوه كمان وفى هذه الاثناء نقدح معلقه سمنه ونشوح فيها فصين توم مع كسبره ناشفه ونطشها فى الشوربه " شموا بقى وادعوا لى " عند التقديم نقدم الكوارع المخليه على وش الفته او فى طبق مع الشوربه حسب الرغبه ولا تنسوا اللمون على الشوربه الفته : ====== رغيفين خبز مصرى اسمر " بالرده"-نقطعه قطع متوسطة ثم نحمصه نضع الخبز في طبق التقديم ونسقية بالمرق الناتج عن سلق الكوارع نضع الرز الابيض على الوش كطبقه فوق طبقه الخبز المحمض والمنقوع فى المرقه التقليه ===== توم مفروم او مدقوق -ملح -كسبره ناشفه -خل -صلصه طماطم نحمر التوم فى معلقه سمن الى ان يصفر ونضيف الكسبره ونلحقه بالخل "تششششششش" ثم نضيف معلقه صلصه طماطم او عصير الطماطم ونسبكها توضع التقليه على وش الرز وبالهنا والشفا كان نفسى انزل لكم الصور بس من باب التشويق تخيلوا انتوا بقى :lol: رابط هذا التعليق شارك المزيد من خيارات المشاركة
عماد حمدي بتاريخ: 14 مايو 2010 تقديم بلاغ مشاركة بتاريخ: 14 مايو 2010 يا سلام ع طبق كوارع مخليه كدة وشربتها والتوم بتاعها وياسلام ع طبق رز بالفته آه ياني أه .ممممممممممم :blink: نفسي هفتني عليها بشكل رهيب ... أعمل فيكي اية دلوقتي اجيب كوارع انا منين السعادي يالا اقول لماما الصبح وتعمل حسابها يوم الثلاثاء تجيبها طازة وهبقي اصورلكم المهرجان دا واحط صوره هنا :flr1: وبعد الأكلة دي .. بيحصل حريقة في البيت لان الأشياء دي ممنوع دخولها البيت وليها " حلل وطوابق مخصوصه " هنعملها عند الجيران .. ع فكرة مبهزرش والله بجد مش عارف فية ناس بتقرف أوي من الحاجات دي لية ؟؟!!!! فوتوكوا بعافية عماد - 52 كيلو جرام - 172 سم :lol: رابط هذا التعليق شارك المزيد من خيارات المشاركة
قلب ابيض بتاريخ: 14 مايو 2010 كاتب الموضوع تقديم بلاغ مشاركة بتاريخ: 14 مايو 2010 يا سلام ع طبق كوارع مخليه كدة وشربتها والتوم بتاعها وياسلام ع طبق رز بالفته آه ياني أه .ممممممممممم wst:: نفسي هفتني عليها بشكل رهيب ... أعمل فيكي اية دلوقتي اجيب كوارع انا منين السعادي يالا اقول لماما الصبح وتعمل حسابها يوم الثلاثاء تجيبها طازة وهبقي اصورلكم المهرجان دا واحط صوره هنا :flr1: وبعد الأكلة دي .. بيحصل حريقة في البيت لان الأشياء دي ممنوع دخولها البيت وليها " حلل وطوابق مخصوصه " هنعملها عند الجيران .. ع فكرة مبهزرش والله بجد مش عارف فية ناس بتقرف أوي من الحاجات دي لية ؟؟!!!! فوتوكوا بعافية عماد - 52 كيلو جرام - 172 سم wst:: تصدق بفى انى انا كمان بعملها كل سنتين مره فى السر :blink: لان لا زوجى ولا اولادى باستثناء واحد منهم باديله رشوه يومها عشان يستر على وياكل معايا :lol: من باب كسر النفس والاذلال مش اكتر " ام حنينه اوى اوى اووووى انا " : ninja: بالهنا والشفا يا عمده " ماتنساش بقى السلطه البلدى بالبصل الاخضر هه كده smk: رابط هذا التعليق شارك المزيد من خيارات المشاركة
طبيبة مصرية بتاريخ: 14 مايو 2010 تقديم بلاغ مشاركة بتاريخ: 14 مايو 2010 تسلم ايدك يا قلب ابيض على فتح التوبيك المفيد ده متابعاكم فى صمت :blush2: رابط هذا التعليق شارك المزيد من خيارات المشاركة
عماد حمدي بتاريخ: 14 مايو 2010 تقديم بلاغ مشاركة بتاريخ: 14 مايو 2010 قلب أبيض دا انا ع كدة مطلعتش حالة نادرة ... والله اليوم اللي الوالدة بتجيب فيه الحاجات دي .. الحاجات دي بتتعمل برة الشقة خالص علشان الريحه وكمان الحلل والأطباق ممنوع نحط فيها أي نوع أكل تاني .. ولو حصل ان حد من الجبهة المعادية للأصناف دي إكتشف ان الحلل دي إستخدمت في أكل تاني بيقوم إنقلاب ويبقي يوم ما يعلم بيه إلا ربنا bngn:: bsh:) مفيش إلا أنا ووالدتي بس بنحب الموضوع دا .. باقي البيت يقولك اية القرف دا اية مش عارف اية وكلام فاضي بعيد عنك :lol: انا نفسي أعرف الناس بتقرف من اية !!؟؟ :blink: متابع وريقي بيجري :blush2: الله يرحمك يا نينة .. كنا بنروح نعمل الأكلات الممنوعة دي عندها .. ربنا يرحمها بقا .. :cry1: :cry: رابط هذا التعليق شارك المزيد من خيارات المشاركة
الباشمهندس ياسر بتاريخ: 14 مايو 2010 تقديم بلاغ مشاركة بتاريخ: 14 مايو 2010 اموووووووووووت انا حد يكره النعمه تخيلي مرة كنت عاوز اطفش عروسة ... كادوا ان يفرضوها علي فرضا .. رحت قايلها بتعرفي تعملي كوارع يا قطة قالتلي يعني ايه كوارع ولا فشه و لا كرشه و لا الجو ده يا ننوسة عين تانت رد فعلها كالتالي .. :blink: :lol: :cry1: :blush2: لا .. محرفش ,,, bngn:: و هي تكاد تتقطع اربا اربا من الشحتفه قلتلها يبقي هتتعلميهم .. لاني بحب اكلهم مرة كل 3 ايام و طبعا الموضوع اتفركش بكل هدوان سر عريس ايه اللي جايب ورد و بيتكلم ف الفشه ده تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
aimen بتاريخ: 14 مايو 2010 تقديم بلاغ مشاركة بتاريخ: 14 مايو 2010 قلب ابيض ليه كده طيب راعوا مشاعرنا ؟ احنا بشر زيكم ان شاء الله لو افتكرت حخلى المدام تعملها لى وان كنت اعتقد انها مش حتعرف انا بموت فيها وللأسف ما اكلتها يمكن من خمس ست سنوات بحب لما تكون معمولة فى ثوم و تسبيكة خفيفة بأحس ساعتها انى رجعت بشر و بتجيلى حالة انشكاح غريبة افتكر اول ما جيت هنا المملكة من سبع سنوات .. آل ايه عملت فيها فتك وقلت لزمن وحتمن اعمل كرشة هو الموضوع ايه ؟ bsh:) ورحت بنده وعينكم ما تشوف الإ النور الاقى الكرشة متظنفة وفقط على التقطيع والطبخ يعنى مش عاوزه شغل ... بس على مين اخوكم قال دول عالم ما يفهموا حاجه .. وحيث ان والدتى متوفية - اللهم ارحمها وارحم اموات المسلمين - لم يكن لدى من يدلنى ويعرفنى - ان العملية فى النملية المهم اشتريت طبق كرشة ووضعت منديل قماش ...وكانى بعمل عملية جراحية وقعدت انظف الكرشة اللى اصلا متظنفة وانا فرحان ... وفى النهاية قرفت منها ورميتها ودى كانت اخر مرة اكل فيها كرشة :blush2: حتى لما بنزل مصر بانسى اقول اعملوا لى كرشة ..... :blink: :cry1: قلب ابيض ممكن حتى اتشرف بالكرشة والحاجات اللى قلتيها كصور اهو الواحد يتفرج ويستعيد الذكريات على الأقل bngn:: :lol: رابط هذا التعليق شارك المزيد من خيارات المشاركة
myusername بتاريخ: 14 مايو 2010 تقديم بلاغ مشاركة بتاريخ: 14 مايو 2010 يا سبحان الله... والله لسه من يومين بقول لخطيبتى بتعرفى تعملى كوارع؟ :blink: قامت ضحكت و سكتت :cry1: :blush2: انا عمرى ما أكلتها بصراحة... بس انا كنت معدى من قدام "بحة" اللى فى الناصرية/السيدة زينب... و قلت الواحد يجرب. يا ريت يا ماما قلب تقوليلنى على كل الوصفات للاكلات التانية.. bngn:: رب أخرجنا من القرية الظالم أهلها... Je suis Québécois et je suis fier de l'être رابط هذا التعليق شارك المزيد من خيارات المشاركة
قلب ابيض بتاريخ: 14 مايو 2010 كاتب الموضوع تقديم بلاغ مشاركة بتاريخ: 14 مايو 2010 (معدل) قلب ابيض ليه كده طيب راعوا مشاعرنا ؟ احنا بشر زيكم ان شاء الله لو افتكرت حخلى المدام تعملها لى وان كنت اعتقد انها مش حتعرف انا بموت فيها وللأسف ما اكلتها يمكن من خمس ست سنوات بحب لما تكون معمولة فى ثوم و تسبيكة خفيفة بأحس ساعتها انى رجعت بشر و بتجيلى حالة انشكاح غريبة افتكر اول ما جيت هنا المملكة من سبع سنوات .. آل ايه عملت فيها فتك وقلت لزمن وحتمن اعمل كرشة هو الموضوع ايه ؟ ورحت بنده وعينكم ما تشوف الإ النور الاقى الكرشة متظنفة وفقط على التقطيع والطبخ يعنى مش عاوزه شغل ... بس على مين اخوكم قال دول عالم ما يفهموا حاجه .. وحيث ان والدتى متوفية - اللهم ارحمها وارحم اموات المسلمين - لم يكن لدى من يدلنى ويعرفنى - ان العملية فى النملية المهم اشتريت طبق كرشة ووضعت منديل قماش ...وكانى بعمل عملية جراحية وقعدت انظف الكرشة اللى اصلا متظنفة وانا فرحان ... وفى النهاية قرفت منها ورميتها ودى كانت اخر مرة اكل فيها كرشة :lol: حتى لما بنزل مصر بانسى اقول اعملوا لى كرشة ..... bsh:) قلب ابيض ممكن حتى اتشرف بالكرشة والحاجات اللى قلتيها كصور اهو الواحد يتفرج ويستعيد الذكريات على الأقل يا عنيى يا :cry: 'aimen'يا خويااااا :sad: صور ايه بس ؟ بما انك عايش عزوبى فى المملكه يبقى لازمن وحتمن تتعلم يا باشا تعمل اكلك بنفسك واهى فرصه اكلات من النوع المدمر دى تخليك مميز جدااااااا فى وسط اخوانك هناك ... والموضوع سهل جدا خاصه عندنا فى الخليج غير مصر من حيث ان مجموعه الفواكهه دى" فواكهه اللحوم " تباع منظفه ومقطعه كمان احيانا يعنى عليك الطهى فقط 0000 تابعنى بس وانا هانزل لك بالباقى من كلاوى ومخ و.....كل حاجه معادا العكاوى حد يقولى ليه ؟ :blink: يا سبحان الله... والله لسه من يومين بقول لخطيبتى بتعرفى تعملى كوارع؟ :cry1: قامت ضحكت و سكتت bngn:: :blush2: انا عمرى ما أكلتها بصراحة... بس انا كنت معدى من قدام "بحة" اللى فى الناصرية/السيدة زينب... و قلت الواحد يجرب. يا ريت يا ماما قلب تقوليلنى على كل الوصفات للاكلات التانية.. :wub: يوزر العزيز صاحب بئر الاشرار هنا ؟؟ هلا وغلا اهو بحه ده اسمع عنه سمع خير بس انا اعرف مكانه واعمل له زياره رسميه الاسبوع الجاى وافتتح به زيارتى لكايرو انت بس اكد على العروسه الموضوع ده وصدقنى هاتبقى مميزه فى بنات جيلها حيث ان كلهم ومن ضمنهم عروسه ابنى وبنتى من بتوع الفاست فوود تم تعديل 14 مايو 2010 بواسطة قلب ابيض رابط هذا التعليق شارك المزيد من خيارات المشاركة
قلب ابيض بتاريخ: 14 مايو 2010 كاتب الموضوع تقديم بلاغ مشاركة بتاريخ: 14 مايو 2010 اموووووووووووت اناحد يكره النعمه تخيلي مرة كنت عاوز اطفش عروسة ... كادوا ان يفرضوها علي فرضا .. رحت قايلها بتعرفي تعملي كوارع يا قطة قالتلي يعني ايه كوارع ولا فشه و لا كرشه و لا الجو ده يا ننوسة عين تانت رد فعلها كالتالي .. bngn:: :cry: :lol: :blink: لا .. محرفش ,,, bsh:) و هي تكاد تتقطع اربا اربا من الشحتفه قلتلها يبقي هتتعلميهم .. لاني بحب اكلهم مرة كل 3 ايام و طبعا الموضوع اتفركش بكل هدوان سر عريس ايه اللي جايب ورد و بيتكلم ف الفشه ده تصدق انا كنت مستنياك يا هندزه !!!! فاضل 2 محاورين و2 محاورتيه من الناس اللى بتحب الحاجات اللى بيعزف عنها بعضهم والمجموعه تكمل ... يعنى فسيخ وعرقسوس وحلويات ..... هاااا اين انت يا ..... ويا ....... وللغرابه ان تلاقى محبى هذه الاكلات من محبى فيروز والموسيقى الرومانسيه والشاى بالنعناع :blush2: هااا ناقص اقول الاسامى بقى ؟؟ :sad: انها الآصاااااااااااااله ...واللى هايقول يع تانى هابجه بجيج :cry1: رابط هذا التعليق شارك المزيد من خيارات المشاركة
قلب ابيض بتاريخ: 14 مايو 2010 كاتب الموضوع تقديم بلاغ مشاركة بتاريخ: 14 مايو 2010 ندخل بقى على تانى الحلويات :blush2: ....والاصعب فى رايى الممبار ==== ممبار ضانى او عجالى " اى حاجه باربع رجلين " bngn:: لا جد بقى ... ممبار 2 كوب رز مغسول بصله مفرومه ناعم طماطم بقدونس وكسبره ملح وفلفل وبهارات "حسب الرغبه" التحضير ===== اهم شىء لعمل الممبار ضمان نضافته التااااامه ويتم ذلك كالاتى : تكشط بالسكين لضمان إزالة الغشاء اللاصق بها، ثم تغسل جيداً بالملح والماء خدوا بالكم بقى من اللى جاى بقى ...نمسك حرف الممبار ونقلب طرفه ونثبته بايدينا فى فتحه الخنفيه " فوهه الصنبور "حلوه دى ؟؟؟ ونفتح الميه حتى تمر من الممبار وده لييييه؟؟ عشان نقلب الممبار يعنى اللى بره يبقى جوه وبالعكس عشان اللى يبقى بره يكون انعم وانضف ومحدش يسالنى ليه انا اتعلمته كده خلاااااص :cry1: تغسل مره تانيه بالملح والدقيق جيداا وتشطف ونحطها فى المصفى بعض الوقت ثم تقطع اجزاء حسب الرغبه ... ممكن تبقى تقريبا شبر او اقل حسب رغبتك فى طريقه تقديمها بعدين نخلط مقادير الحشو كله مع بعضه ونبدأ فى الحشو بمسك طرف الممبار باليد الشمال وحشوه باليمين وضغطه بخفه .. مع مراعاه انه ما يتمليش اوى عشان نعمل حسب السوا طبعا الرز حجمه بيزيد مع النضج يعنى بعد ما احشيى القطعه ابططها بأيد تبقى مش منفوخه " مبططه" فى ناس بتربطه من الطرفين انا ما احبش ده يكفى اللى قلته فقط ممكن نستعمل اللقمع البلاستيك فى الحشو " لغير المحترفين :blink: " نحضر الميه فى حله على النار ومضاف عليها ملح وفلفل وحبهان اول ماتغلى الميه اسقط الممبار واحده واحده مش كله مع بعض ..هنلاحظ ان اول ما بينزل فى الميه المغليه بيلم بسرعه وده المطلوب نتابع النضج ونخللى بالنا عشان ما يتهرييش وينفجر نصفيه بعد كده ونحمره وبالف هنا وشفا " الصوره مستلفاها ... عشان انا على سفر ومعنديش وقت لعمله وتصويره " رابط هذا التعليق شارك المزيد من خيارات المشاركة
الغريب بتاريخ: 14 مايو 2010 تقديم بلاغ مشاركة بتاريخ: 14 مايو 2010 (معدل) ياعيني عليكي يا قلب أبيض أهو ده الشغل ولا بلاش أنا أصلا بصراحة كنت مقاطع موضوع المطبخ بسبب الأكلات بتاعت اليومين دوول اللي مبعرفش أنطق أسميها ويوم يقولك هنعمل بسبوسة مع السمك والجمبري وحاجات غريبة وأتاريكي أنت مرقدلهم ونويلهم على موضوع مزفلط البيت عندي زيك بالظبط الأكلة دي أمي كانت بتعملهلنا من السنة للسنة وأنا عن نفسي مكنتش بستنه كنت بسلك نفسي في أي مسمط طبعا كلكم عارفين مسمط الركيب اللي في الدقي وده تخصص كوارع وفي كمان بحة اللي في السيدة زينب وده تخصص لحمة رأس وحلويات ودمتم :blush2: على جنب كدة ياقلب فيه مسمط في حولي أسمه الزمن الجميل جنب مسجد العثمان أنما بلوى مسيحة ، وفيه كمان مسمط إيراني جنب البورصة في الكويت سيتي أنما أيه مش هقولك لازم تجربي وتقوليلي رأيك تم تعديل 14 مايو 2010 بواسطة الغريب رابط هذا التعليق شارك المزيد من خيارات المشاركة
لماضة مصرية جدا بتاريخ: 14 مايو 2010 تقديم بلاغ مشاركة بتاريخ: 14 مايو 2010 السلام عليكم و رحمة الله و بركاته ماذا اقول بعد كل ما قيل...و هل هوناك ما يقال...(وش عادل امام في المحكمة) بقي كده يا هارتي....انا اقولك نفسي في حلة محشي كرنب..... اغمض عيني و مديش خوانة الاقيكي نازل باسلحة الدمار الشامل دي اللي كانت امريكا بتدورعليها في العراق....!!!! بصي بقي تسميها كرشتيني ممبارزيني....فشفشتيني.......برضه مبحبهااااااااااااااااش لسبب بسيط جدا الست الاكارع دي......مش هي عوبارة عن رجلين البقرة المبطرخة و هي ماشية في الغيط تتمخطر كدهون و داست علي كل ما يمكن ان تصل اليه اقدامها....!!! مش عايزة ابوظ عليكوا الجو الشاعري ده بس يا جماعة مافيش خاصية تخلي توبيك فاتح للشهية زي ده لرابطة محبي الاكارع مسمط هارتي.....يبقي كده ع جنب.....بلاش يطلعلي لسانه كده ع البانر في الرايحة و الجاية يالا نقول ايه صحتين يا هارتي رابط هذا التعليق شارك المزيد من خيارات المشاركة
قلب ابيض بتاريخ: 14 مايو 2010 كاتب الموضوع تقديم بلاغ مشاركة بتاريخ: 14 مايو 2010 ياعيني عليكي يا قلب أبيض أهو ده الشغل ولا بلاشأنا أصلا بصراحة كنت مقاطع موضوع المطبخ بسبب الأكلات بتاعت اليومين دوول اللي مبعرفش أنطق أسميها ويوم يقولك هنعمل بسبوسة مع السمك والجمبري وحاجات غريبة وأتاريكي أنت مرقدلهم ونويلهم على موضوع مزفلط البيت عندي زيك بالظبط الأكلة دي أمي كانت بتعملهلنا من السنة للسنة وأنا عن نفسي مكنتش بستنه كنت بسلك نفسي في أي مسمط طبعا كلكم عارفين مسمط الركيب اللي في الدقي وده تخصص كوارع وفي كمان بحة اللي في السيدة زينب وده تخصص لحمة رأس وحلويات ودمتم :lol: على جنب كدة ياقلب فيه مسمط في حولي أسمه الزمن الجميل جنب مسجد العثمان أنما بلوى مسيحة ، وفيه كمان مسمط إيراني جنب البورصة في الكويت سيتي أنما أيه مش هقولك لازم تجربي وتقوليلي رأيك لاء لاء لاء يا ابو ملك ... مسمط فى حولى ؟؟ ده سبق صحفى شتييت اوى جدا خالص ياترى جنسيته ايه؟ لان محلات الباجه هنا "تنطق بتعطيش الجيم او تش كده" عباره عن حاجات معيزى كده ماتكييفش خالص انما بالنسبه لبحه ده انتو استفزتونى بزياده لازم اروح ادور عليه ان شاء الله وازيدك من الشعر بيت ...فى جامعه الدول الفامارت فى منه تيك اواى وفى المطعم بعده بشويتين...ده تاكل منه وتخرج تجرى فى الميدان ترمح رمح على ضمانتى :lol: السلام عليكم و رحمة الله و بركاتهماذا اقول بعد كل ما قيل...و هل هوناك ما يقال...(وش عادل امام في المحكمة) بقي كده يا هارتي....انا اقولك نفسي في حلة محشي كرنب..... اغمض عيني و مديش خوانة الاقيكي نازل باسلحة الدمار الشامل دي اللي كانت امريكا بتدورعليها في العراق....!!!! بصي بقي تسميها كرشتيني ممبارزيني....فشفشتيني.......برضه مبحبهااااااااااااااااش لسبب بسيط جدا الست الاكارع دي......مش هي عوبارة عن رجلين البقرة المبطرخة و هي ماشية في الغيط تتمخطر كدهون و داست علي كل ما يمكن ان تصل اليه اقدامها....!!! مش عايزة ابوظ عليكوا الجو الشاعري دهبس يا جماعة مافيش خاصية تخلي توبيك فاتح للشهية زي ده لرابطة محبي الاكارع مسمط هارتي.....يبقي كده ع جنب.....بلاش يطلعلي لسانه كده ع البانر في الرايحة و الجاية يالا نقول ايه صحتين يا هارتي لماضه بناء على ماسبق بالاحمر كل اللى ما بينا انتهى wst:: ايه بقر وترع ورجلين ده كلام ياراجل ؟؟؟؟؟ ما احنا لو فصصنا كل حاجه مش هانكلها ؟؟ومش عاوزه ادى امثله بس ممكن اقولك فى ودنك بعدين بس بجد ...... زعلت مش مكان الكلمتين دول بوظتى لى دماغ الممبار اللى كنت عاملاها :lol: رابط هذا التعليق شارك المزيد من خيارات المشاركة
doha بتاريخ: 14 مايو 2010 تقديم بلاغ مشاركة بتاريخ: 14 مايو 2010 ممتاز ياقلب ابيض .. عجبتني اوي حته فواكه اللحم دي .. تفتح النفس بجد كملي ونحن وراءك ياريت لو يتم ضم المداخلات الموجوده في موضوع الحمص على المداخلات الي هنا عشان نعمل وجبة كاملة متكاملة وياريت الكل يدلي بدلوه في الموضع ده بس الله يخليكم يارب ويرضى عليكم متكونش مشاركات منقوله يعني تكون تجارب حقيقية وطرق مجربة واكيده زي ماقلب ابيض عملت كده عشان الي عاوز ينفذها يخش بقلب جامد طبق شوربة وحياتك بقى ياقلب ابيض انا رايحه اجيب فوطه وملعقة وجايه محدش يقعد مكاني ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
se_ Elsyed بتاريخ: 14 مايو 2010 تقديم بلاغ مشاركة بتاريخ: 14 مايو 2010 وشي منك في الارض يا قلب وين هنادي ياماي انا ماليش في الحركات دي ولو شميتهم بس مجرد شم ... من اول سحبه بس بيحصل لي حاجات مش ظريفه بس بأموت في الممبار غيره بقى .. ما تعملوش حسابي الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
لماضة مصرية جدا بتاريخ: 14 مايو 2010 تقديم بلاغ مشاركة بتاريخ: 14 مايو 2010 السلام عليكم و رحمة الله و بركاتهماذا اقول بعد كل ما قيل...و هل هوناك ما يقال...(وش عادل امام في المحكمة) بقي كده يا هارتي....انا اقولك نفسي في حلة محشي كرنب..... اغمض عيني و مديش خوانة الاقيكي نازل باسلحة الدمار الشامل دي اللي كانت امريكا بتدورعليها في العراق....!!!! بصي بقي تسميها كرشتيني ممبارزيني....فشفشتيني.......برضه مبحبهااااااااااااااااش لسبب بسيط جدا الست الاكارع دي......مش هي عوبارة عن رجلين البقرة المبطرخة و هي ماشية في الغيط تتمخطر كدهون و داست علي كل ما يمكن ان تصل اليه اقدامها....!!! مش عايزة ابوظ عليكوا الجو الشاعري دهبس يا جماعة مافيش خاصية تخلي توبيك فاتح للشهية زي ده لرابطة محبي الاكارع مسمط هارتي.....يبقي كده ع جنب.....بلاش يطلعلي لسانه كده ع البانر في الرايحة و الجاية يالا نقول ايه صحتين يا هارتي لماضه بناء على ماسبق بالاحمر كل اللى ما بينا انتهى ايه بقر وترع ورجلين ده كلام ياراجل ؟؟؟؟؟ ما احنا لو فصصنا كل حاجه مش هانكلها ؟؟ومش عاوزه ادى امثله بس ممكن اقولك فى ودنك بعدين بس بجد ...... زعلت مش مكان الكلمتين دول بوظتى لى دماغ الممبار اللى كنت عاملاها يعني خلاص كل الحب اللي بينا هيضيع عشان الاكارع دي..........و الله حراااااااااام طب خلاص هعدي عليكي لما تنزلي مصر الم هدومي و جواباتي و آخد حلة المحشي بتاعتي من تيتة حبيبتي مقدرشي علي زعلك يا جميل سؤال علي جنب هو لما بتاكلوا الاكارع دي بتلبسوا لبس مخصوص يعني........ لا مش زي مسعودي في مسرحية المتزوجين لما لم الزوكتة قام البنطلون ضرب...... بس اخويا الكبير لما بياكلها بيقولي لازم البس جلابية. مرحرحة كدهون.........او بنطلون بيجامة يكون استكه بايظ عشان يريح المعدة....صحيح الكلام ده و لا اوشاعات مسااااااكي كوارع بارتي رابط هذا التعليق شارك المزيد من خيارات المشاركة
قلب ابيض بتاريخ: 15 مايو 2010 كاتب الموضوع تقديم بلاغ مشاركة بتاريخ: 15 مايو 2010 وشي منك في الارض يا قلب وين هنادي ياماي انا ماليش في الحركات دي ولو شميتهم بس مجرد شم ... من اول سحبه بس بيحصل لي حاجات مش ظريفه بس بأموت في الممبار غيره بقى .. ما تعملوش حسابي ماكنش والله العشم " ترالا ترالالالا" تعمل كده يا س س " تاتاتاتا" واللى بنيته انهدم " ترلالالململم" وراح فى غمضه عين :lol: " وش فيروز هانم فى زياره حسين فى السجن" انت كده عليك فدو" لازم تدبح " وتدينا الحلويات نعمل بها شغل هنا برده bv:- طب فاضل واحد من الاتنين اللى ماقلتش على اساميهم ؟؟؟؟؟ يارب ما يكونش زى اللى قبله ؟ الله يخليك حتى لو كنت زيه اعمل نفسك مش زيه .....ماشى ؟ :happy: رابط هذا التعليق شارك المزيد من خيارات المشاركة
قلب ابيض بتاريخ: 15 مايو 2010 كاتب الموضوع تقديم بلاغ مشاركة بتاريخ: 15 مايو 2010 يا جماعه انا لما فتحت الموضوع ده مش عشان اقرف حد فى نعمه ربنا ولا بتتريق على اللى بيكلوها او انهم مش ادميين لاسمح الله ولا حاجه بس كده بجد انا ممكن اعتذر عما بدر منى ولانى دون عمد او قصد قرفت الناس " او انى انا واللى زيى هما اللى مش ناس " مش عارفه سامحونى ما قصدتش الا خير :happy: الظاهر انها بقت سمه من سمات المحاورات اليومين دول ....نفتح موضوع ويهاجم او يقابل بالرفض حتى لو فى الاكل؟؟؟؟؟؟؟ طيب مساله الاكل دى اذواق ...بس مش معنى كده ان اللى ما يحبش حاجه يعيب فيها وفى اللى بيكلوها كمان ؟؟ كده كتير اوى.. سامحونى لصراحتى ..انا نوهت بشكل ما من قبل ولكن الظاهر مافيش فايده :lol: رابط هذا التعليق شارك المزيد من خيارات المشاركة
عماد حمدي بتاريخ: 15 مايو 2010 تقديم بلاغ مشاركة بتاريخ: 15 مايو 2010 يا جماعه انا لما فتحت الموضوع ده مش عشان اقرف حد فى نعمه ربنا ولا بتتريق على اللى بيكلوها او انهم مش ادميين لاسمح الله ولا حاجهبس كده بجد انا ممكن اعتذر عما بدر منى ولانى دون عمد او قصد قرفت الناس " او انى انا واللى زيى هما اللى مش ناس " مش عارفه سامحونى ما قصدتش الا خير :happy: الظاهر انها بقت سمه من سمات المحاورات اليومين دول ....نفتح موضوع ويهاجم او يقابل بالرفض حتى لو فى الاكل؟؟؟؟؟؟؟ طيب مساله الاكل دى اذواق ...بس مش معنى كده ان اللى ما يحبش حاجه يعيب فيها وفى اللى بيكلوها كمان ؟؟ كده كتير اوى.. سامحونى لصراحتى ..انا نوهت بشكل ما من قبل ولكن الظاهر مافيش فايده :lol: امال لو مش إسمك قلب ابيض كنتي قولتي اية bv:- صلي ع النبي وخديها بصدر رحب .. محدش يقصد حاجة وكلها دعابات عادية ياعني مفيش فيها مشاكل بعدين بعد ما فتحتي نفسنا جاية تقفلي المسمط دا .. بتحنسينا ياعني ولا اية :) كملي وانا من رابطة محبي الكوارع والممبار .. هاكلها وهطلع ع المطار :P متااااااااااااااااااااااااااااااااااابع ,, Omda 2006 رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان