كيف نحاسب إنسان غاضب؟

[مسافر]

أحيانا تقابلنا مواقف غاضبة لأشخاص نقدرهم فنجدهم يغضبون كالبشر فهل نجدها فرصة للتشهير بهم

أم نصبر حتى يزول المؤثر ثم نناقشهم أم نتعمد إثارتهم

حدث هذا الموقف أمامي في أحد السفارات المصرية من سنوات

كنت واقف في الصف رقم 2 وجاء رجل مصري عمره حوالي 55 سنة مباشرة إلى الشباك

طبعا الموظف أمره بغلظة إرجع آخر الصف

قال الرجل يعني يومين آجي عشان أوثق الشهادة كانت شهادة دكتوراه ومعرفش أقابل القنصل وجيتك إمبارح ورجعتني

الموظف وجدها فرصه اإنه مش حيشتغل

قلت لك أرجع وبصوت عال جدا

طبعا كان الصف زاد وبقى حوالي10

نظر الرجل للصف ثم نظر للموظف فإذا الموظف آمرا متنمرا

قائلا ارجع لآخر الصف بدل ماجبلك الامن

وصل الغضب عند الرجل لأقصاه حتى أنه لفظ لفظة كفر فقد لعن الدين ثم رجع خائبا لآخر الصف

بعد كلمات التهدئة من الموجودينورجع الموظف آسفا ليكمل عمله

كان الرجل به إعاقة خفيفة فتركت مكاني وذهبت إليه وطلبت منه أن يقف مكاني وأقف مكانه

فبكى الرجل وقال أنا آسف أنا بصلي ورحت عمرة بس بألي يومين مش عارف أوثق الشهادة

دكتور في ....... أنا يجيب لي الامن إعاقتي دي من حرب أكتوبر أنا مكنتش أأصد أسب الدين

أخي الحبيب أنظر لسبب الغضب وانظر للغاضب هل محق في غضبه ثم حاسب فما يلفظ من قول إلا لديه رقيب عتيد

[لماضة مصرية جدا]

السلام عليكم و رحمة الله و بركاته

مش عارفة ليه كل ما يجي موضوع الغضب ده بالذات الواحد بيبقي ليه طريقة تفكير معينة.....لكن لحظة الغضب التصرف بيتغير

و استحضر حديث الرسول صلي الله عليه و سلم

"ليس القوي بالصرعة و لكن القوي من يملك نفسه عند الغضب"

و سبحان الله دلوقتي بيبقي فيه كورسات كاملة اسمها Anger management

و دي بتبدي من اول ازاي تتحكم في انفاسك.....و ازاي تاخد المؤثر المستفز بشكل حيادي.....و دي بتحتاج لتدريب فعلا زي ما بنروح الجيم بالظبط

هي بس لحظة الغضب فيه ناس بتبقي عاملة زي التنين اللي بيطلع نااااااار

لو حد قريب منهم و عرف عنهم الطبع ده....يبقي الحل الوحيد انه ياخد نوبة الغضب دي ع البارد (انا شخصيا مبعرفشي اعمل كده سواء كنت غاضب او مغضوب...مش هي بتتقال كده)

لكن لو حاجة مستفزة في اي مكان ....يبقي دي هترجع كتير لتربية الشخص و مفهومه عن استخدام الصوت العالي و احيانا الدراع.....بس الحقيقة المصالح الحكومية تخلي الواحد يطلع من هدومه

خلي التوبيك.....ازاي تتحكم في غضبك....يعني متوصلشي نفسك لمرحلة انك تنفعل...تغضب......و بالتالي اكيد هتغلط......و عليه هتتعاقب او تتحاسب

تحياتي

[MZohairy]

انا رأيي اللي بيغضب كتير و مابيعرفش يتحكم في كلامه او افعاله اثناء الغضب و مش عارف يتخلص من هذا العيب

رأيي انه يلجأ لطبيب نفسي للعلاج

مش ذنب الناس المحيطه به ابدا انهم يتحملوا اذاه طوال فترات غضبه المتكرره لمجرد انه بيتنرفز او عصبي !!

[مسافر]

الاخت لماضة

اوافقك على رأيك لكن التوبيك هو استحمال الغاضبين وتأجيل محاسبتهم حتى يتبين لنا هل هم على حق في غضبهم أم لا

وهو أمر يفتقده الكثير بل العكس هناك أشخاص يتعمدون إثارة الغاضبين لإمراض نفسية عندهم

مش ذنب الناس المحيطه به ابدا انهم يتحملوا اذاه طوال فترات غضبه المتكرره لمجرد انه بيتنرفز او عصبي !!

الاخ زوهيري

لو الناس اللي حواليه بتحبه تستحمله وحتدافع عنه من اللي متحبوش وبتحاول تنرفزه

وبعدبن شيل ده من ده

[اغابي]

لو الشخص دااه بطبيعته عصبي - دى مشكلة كبيرة

يمكن اتحمله مـــرة - او اتعامل معاه مـــرة - واعديله كمـــان مـــره - بـس حيجى مـــرة - و اقطـــع منه بالمـــرة .....

- الشخص اللى بيكون باستمرار عصبى وردوده صعبـــة

مش دايما الناس حتتحمله - انا شخصيا باتجنب التعامل معاه واعرف صاحبك وعلم عليه

ومن الحكمة ان الواحد يتحكم فى اعصابة ويقود نفسه صح - - - - - - حاكــــم نفســــــه خيــــــرا من حاكــــــم مدينــــــة

تحياتى استاذى لان الموضوع اكثر من مهم .

اغابي

[Mr MAGED]

قال رسولنا الكريم - صلي الله عليه وسلم - " ليس الشديد بالصرعة ،وإنما االشديد الذي يملك نفسه عند الغضب"

و الصرعة تعني الذي يصرع غيره بقوة و يغلبه، وتختلف درجات الناس في الثباب وضبط النفس أمام مايثيرهم من الأحداث التي تصادفهم فمنهم من تستخفه الأمور التافهة فيسرع إليها بالغضب و التوتر ومنهم من تستفزه الأمور الشديدة فيلقاها بالعقل و الحلم، فضبط النفس و التحكم في غريزة الغضب دليل قدرة محمودة و تماسك كريم و له جزاء عظيم عند الله تعالى كما هو في الحديث الشريف "من كظم غيظا وهو يستطيع أن ينفذه دعا الله يوم القيامة على رءوس الخلائق حتي يخيره في أي الحور شاء "

قد كان رسول الله صلى الله عليه وسلم خير مثال للقدوة على ضبط النفس و التحكم في غريزة الغضب فالمحفوظ من سيرته رسول الله صلى الله عليه وسلم أنه لم ينتقم لنفسه قط وإنما انتقم لحرمات الله-القوة الحقيقية هي تكمن في قدرة الإنسان المؤمن على التحكم في غريزة الغضب وفي ضبط النفس وكظم الغيظ.

لذا الأفضل والأحوط والأقوي والأحب إلي الله ورسوله ... هي البعد عن الغضب وعن مثيراته ... وفقنا الله جميعا ً لذلك

تحياتي

تم تعديل 15 مايو 2010 بواسطة INVESTOR