هامور .. وقار .. جمبرى مشوى

[بندق أفندى]

السمكة هامور مخلية من العظام بالكامل .. وتقطع شرحات من الداخل

تتيبل ب 4 فصوص ثوم مكسرين (يعنى مش مفروم) ثم ملح وعصير ليمون وزيت وخل أبيض وفلفل أسود وكمون مطحون وكسبرة مطحونة وزيت زيتون

ثم يضاف شرائح من الليمون وكم حبة فلفل حراق وعصبة بقدونس مقطعة بحجم كبير

تقفل السمك على ما سبق ثم تجمل بشرائح اللليمون مرة أخرى وتهدن بالزيت مرة أخرى وتغطى بورق قصدير وتترك حوالى نصف ساعة .. ثم نضعها فى فرن عالى الحرارة .. حوالى 200 درجة مئوية وهى مغطاه بالقصدير لمدة 30 دقيقة

ثم يرفع القصدير وتترك حوالى 25 دقيقة اخرى حتى تحمر ويكتمل نضجها

الجمبرى متبل بخل أحمر وخل بلسمك وصويا صوص وملح وفلفل أسود وكشبرة مطحونة وعصير ليمون واللى يحب ممكن يضيف ثوم مطحون

يترك حوالى نصف ساعة ثم يوضع على الشواية لمدة 5 دقائق ثم يقلب ويترك لمدة 5 دقائق اخرى ومن ثم يرفع من على النار

كان معاهم أرز صينى بالبروكلى .. وصفة قدمت اكثر من مرة هنا

وهنا وعافية

[اغابي]

رووووووووووووووووووعة

تسلم الايادى يا استاذ بندق - دايما مبدع ومعقدنى فى عيشتى :D

ممكن طلب بس ما تعتبرهوش خروج عن الموضوع - عاوزة من حضرتك تساعدنى فى كام اكلة سوتيه او على البخار - لان معدتى مش بتتحمل الاكلات المسبكة

والهضم بطئ عندى وكمان مش باحب الاكلات المسلوقة بتبقى غير شهية وبتموع نفسي .

لو حضرتك تتعب تنزلى كام اكلة سوتية او بالبخار ويبقى فيها برضوه سمك فيليه ولحم وفراخ مع انواع كختلفة من الخضار

شكرا استاذى - انا كنت حاطلب من حضرتك الطلب داه على البريد الخاص لكن حبيت اطلبه بمداخلة لعل وعسي يكون فيه افادة للجميع خاصة اللى هما زى مشكلتى عندهم معاناه فى المعدة والهضم

تحياتى استاذى

اغابي

[بندق أفندى]

رووووووووووووووووووعة

تسلم الايادى يا استاذ بندق - دايما مبدع ومعقدنى فى عيشتى :lol:

ممكن طلب بس ما تعتبرهوش خروج عن الموضوع - عاوزة من حضرتك تساعدنى فى كام اكلة سوتيه او على البخار - لان معدتى مش بتتحمل الاكلات المسبكة

والهضم بطئ عندى وكمان مش باحب الاكلات المسلوقة بتبقى غير شهية وبتموع نفسي .

لو حضرتك تتعب تنزلى كام اكلة سوتية او بالبخار ويبقى فيها برضوه سمك فيليه ولحم وفراخ مع انواع كختلفة من الخضار

شكرا استاذى - انا كنت حاطلب من حضرتك الطلب داه على البريد الخاص لكن حبيت اطلبه بمداخلة لعل وعسي يكون فيه افادة للجميع خاصة اللى هما زى مشكلتى عندهم معاناه فى المعدة والهضم

تحياتى استاذى

اغابي

الله يخليكى يا أغابى

لو تلاحظى هتلاقى أكلات نادرة عندى هى اللى دسمه .. وكله فى الأساس بيكون عشان الصحة وعشان كمان على رأى واحد صاحبنا معدتى بلمس ..

وسبحان الله معدتى مولفة على أكلاتى تمام .. وما حصلش مرة تعبت من أكلة عملتها

ان شاء الله تباعا نحط أكلات صحية خفيفة على المعدة مع طعم رائع فى ذات الوقت