تقديم بلاغ

سلمون مشوى متبل فى عصير ليمون وعصير برتقال وملعقة خل عنب لمدة ساعتين ثم يوضع فى الشواية كل وجه تقريبا حوالى 7 دقائق وبعدها نعصر عليه ليمون قبل التقديم ونرش ملح وفلفل حسب الحاجة تراعى ان يكون سمك الشريحة حوالى 1.5 سم على الأكثر الرز بسمتى مضاف له عدس بجبة منقوع فى الماء قبلها بحوالى 3 ساعات (حتى ينضجو مع بعض) ومهم حبة البركة مقدم على أوراق خس سليمة عشان ممكن نلف الورقة مع الرز ويبقى سندوتش محشى خس هههههههه

سمك سلمون متبل بعصير الليمون وعصير برتقال وملح ومحمر لمدة دقيقتين فى الزبدة وخليط من الخضار متبل بالخل والملح وعصير الليمون وزيت الزيتون يوضع فى صينية فرن ويدخل فرن على درجة حرارة 180 لمدة 10 دقائق ثم تحت الجرل لمدة 5 دقائق أخرى ويوكون جاهز تماما عند التقديم يضاف له طماطم منزوعة البذور ومصفى من من ماءها ومتبله بخل بلسمك وملح وثوم مفروم ومعها بنفس التتبيلة حبات من الشطة المعتدلة الحرارة ومشوية على الجرل لمدة 3 دقائق مع الشطة

دحاج مقطع اوصال بدون فصلها متبل بعصير ليمون وزنجبيل وملح وفلفل اسود وعصير بصل وزيت زيتون وخل عنب.. فى الفرن لمدة ساعة تقريبا أول 20 دقيقة منها تكون مغطاه بورق قصدير حتى يشوى بهذا الشكل .. تقدم مع أرز ابيض .. ممكن يكون صينى بالخضار او يتعمل بخارى بالجزر والمكسرات .. او اى حاجة .. المهم هى هتتاكل يعنى هتتاكل

السمك مخلى (فيليه) بس بالجلد.. متبل بملح وفلفل وعصير ليمون وخل .. وزيت زيتون .. وشبت أخضر .. يوضع فى الفرن لمدة 40 دقيقة تقريبا .. ويقلب .. هنا استخدم شواية مخصوص للفرن عبارة عن قطعة رخام اضعها فى الفرن وأضع عليها السمك .. كان المفروض اعمل لها صوص زبادى مع طحينة بس لم تترك لى فرصة لأجل التفنن من روعتها اديتها اكل على طول ..

دى كانت من ضمن السهرة المطبخية .. شاهد على المطبخ .. أو سهران لوحدى .. أو أى حاجة .. المهم هى فكرتها شديدة البساطة .. زيت زيتون مخلوط فيه زعتر من الجاهز للأكل لأنه فيه سماق وسمسم ومزز وعليهم عصير ليمون وشوية ملح .. عشان الفرخة أصلا طعمها لا يتغير .. بأتبلها وأتركها فى الثلاجة أى وقت يوم يومين 3 مش مشكلة .. المهم تدهن الدجاجة بالخطة السابقة من الداخل والخارج وتترك تتبل قبلها بيوم على الأقل .. هنضعها فى صينية ونعطيها بفويل (ورق قصدير) وندخلها فرن على حرارة 240 درجة لمدة ساعة ثم ننزع الفويل