احاسيس سلبية جداااااا

[fatfouta]

الاحساس بالمرض شئ صعب جدااا

وخصوصا لما الواحد بيبقى مسئول عن اولاد....بيحس بالعجز فى كل حاجة

لمجرد انى احس انى تعبانة وباجى على نفسى عشان ولادى ده بيدينى سعادة........ لكن لما اكون مش قادرة وفجأة الاقى نفسى فعلا مش قادرة على العطاء لانى المفروض انام فى السرير وماعملش حاجة ده شئ بيبقى كتير على نفسيتى جداااا

قولت قبل كده وسألت ورد عليا مكاوى فى موضوع تانى واقنعنى انه اذاى انا امنع قدر(مرض مثلا)

بس كتير جداااا الاقى نفسى راجعة لنفس السؤال مش كل شئ مكتوب يبقى خلاص بقى الوحش هنشوفه والحلو هنشوفه ليه نفكر

ساعات ابص لولادى واقول هو انا قدر اكمل ولا لأ؟؟؟؟؟؟؟

نظرات ولادى ليا وانا موجودة فى مستشفى حتى لو لساعات بتقطعنى

واسألتهم.......ماما هو انتى هتخفى؟؟

ماما انتى هترجعى معانا دلوقتى ولا هتسيبينا عند الجيران تانى؟؟؟

ماما انا نفسى فى (اى حاجة يقولها مثلا) وانتى مش موجودة

ماما نفسى ارجع من المدرسة الاقيكى فى البيت تانى

وكلام كتير بيخلينى لو حالتى النفسية اتحسنت ترجع تانى تسوء اكتر ومع ذلك يبقى عندى ارداة انى اقوم واخف وارجع عشانهم.....بس فى لحظة الاقى نفسى بتقولى مهما قومتى ماهو هترجعى تتعبى تانى......طب ايه الفايدة

لدرجة انى ساعات اقول هو ذنبهم ايه اطفال يشوفوا امهم بتاخد حقنه او بتتألم او بتقع من التعب....مش لو انا مش معاهم يبقى احسن ليهم؟؟؟

وبعدين استغفر ربنا وارجع اقول لنفسى ربك هو اللى هيدبرها وعارفة ان كل دى احاسيس سلبية المفروض انى ماخضعلهاش بس احساس العجز عن عمل اى حاجة هو اللى بيخلينى افكر فيها

انا والله ماقادرة اتكلم اكتر من كده

بس انا فى شدة وخووووف ادعولى وساندونى ارجوكم

[ام نور محمود]

اسأل الله العظيم رب العرش العظيم ان يشفيك شفاء لا يغادر سقما

[بركة]

اسأل الله العظيم رب العرش العظيم ان يشفيك شفاء لا يغادر سقما

امين يارب العالمين

سلامتك يا حبيبتي من كل شر

[عبير يونس]

حبيبتي فتفوتة

ربنا سبحانه و تعالى وحده هو الشافي

أنا مش حأقولك اصبري و تحملي

و مش حاقعد أعيط عشانك و اطبطب عليكي و أمصمص شفايفي

لكن حأقولك

اقهري المرض

و استعيني بالواحد الأحد

وجهي كل المشاعر السلبية دي لطاقة أمل و رجاء في ربنا سبحانه و تعالى

ده ربنا ما بيخيبش رجا حد ابدا

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62

اجمعي كل مشاعرك دي في سجدة لربنا

اشتكيله

و فضفضي معاه

ابكي بين ايديه لحد ما دموعك تغرق وشك و تغرق الأرض اللي انتي ساجدة عليها و متقوميش من سجودك الا لما تحسي بنور ملاكي وقواكي

كرري الجلسات العلاجية دي على قد ما تقدري و ما تزهقيش

ده ربنا هو المعالج الحقيقي

و من غير فلوس

و لا حجز

و مواعيد

خللي عندك يقين شديد انه حيشفيكي

مهما كان نوع مرضك

و مهما كان معقد أو مستعصي عجز الأطباء عن علاجه

لأن مفيش حاجة تستعصى على الخالق جلا و علا

ادعي طول الوقت و كلك يقين بالشفاء

واوعي تكلمي حد غيره

و اوعي تستسلمي و لا تزهقي

ده ربك بيحب العبد اللحوح

خليكي زنانة زي العيل اللي يفضل يزن لحد ما تديله اللي هو عاوزه

اتلقحي على باب ربنا

هو بيحب كده

و افضلي عنده و بين يديه

لحد ما يشفيكي

ده بابه مفتوح و ما بيتقفلش ابدا

ده ربنا عز و جل بيقول في الحديث القدسي

" ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري.

يللا ما تضيعيش وقت

قومي اسجدي لله سجدة طويلة

فضفضي فيها زي ما انتي عايزة

و ابقي تعالي بلغينا بالنتائج اللي أنا متأكدة منها مقدما

وقلبي بيدعيلك يا فتفوتة يا غالية

مش بس بالشفا

لأ

يارب

ربنا يدوقك انتي و كل من يقرأ كلامي حلاوة القرب منه جل و علا

آمين

تم تعديل 15 مايو 2010 بواسطة مصرية متغربة

[aimen]

اسأل الله العظيم رب العرش العظيم ان يشفيك شفاء لا يغادر سقما

الف الف مليون سلامه

[Simba]

ليه كده بس

يا فتفوتة ده انتي معرف عنك روح الفكاهة والمرح والقفشات الحلوة هنا وهناك ... بلاش الله يخليكي تستلمي لاي أفكار سلبية لا هتودي ولا هتجيب

المرض صعب والنوم علي فراش المرض صعب ومهما المريض اشتكي وقال وبكي محدش هيحس باللي جواه ابدا وهو شايف العالم من حواليه سليم معافي وهو لوحده اللي وقع .. كل ده معروف .. لكن المعروف اللي تعمليه في نفسك واولادك انك تكوني اقوي من اي حاجة واقوي من ان افكارك تجرك لتحت وانتي سايبة نفسك ليها

خليكي واثقة في قدرة ربنا وواثقة انك هتكوني أحسن لأن اللي جاي أحسن بكتييير اوي أن شاء الله

[الغريب]

أختنا فتفوتة

"الدين النصيحة" حديث مشهور وصحيح

والنصيحة مصدرها "نصح" ونصح العسل أي صفى العسل ، ولهذا أستخدم النبي هذا اللفظ الرائع في حديثه

وأنا هنصحك نصيحة تحطيها ديما أمام عينيكي وأنت تنظرين إلى أولادك في أي وقت

يعلم الله أن هذه الآية جعلتني وأنا متغرب لا أفكر مطلقا في نقطة "تأمين مستقبل الأولاد"

الآية في سورة النساء

{ وَلْيَخْشَ ٱلَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافاً خَافُواْ عَلَيْهِمْ فَلْيَتَّقُواّ ٱللَّهَ وَلْيَقُولُواْ قَوْلاً سَدِيداً }

حاولي ديما تؤمني بأن الله أبدا لا يضيع أولادنا مادمنا أتقيناه في كل أمر ، تذكري هذه الآية عندما تخشعي في صلاتك فتقولي أخشع تقوى لله ليحفظ أولادي

هدانا الله جميعا للخير :unsure:

[mama nona]

الف سلامة عليكى يا فتفوته

بلاش تستسلمى للفكر والوساوس الشيطانية

اى حاجة تجيلنا ابتلاء .... نرضى بيها ونشكر ربنا عليها على كل حال

اتقربى من ربنا اكتر وادعيله

واحنا كلنا جنبك وقريبين لو حبيتى تفضفضى كلنا اذان صاغية

ربنا يفك كربك ان شاء الله

[Scorpion]

أختي العزيزة جدآ fatfouta

هناك مواقف قليلة أجد نفسي عاجزآ عن ايجاد كلمات مناسبة حيالها .. و ما كتبتيه الآن من تلك المواقف ..

لن أجد أفضل مما كتبته الفاضلة مصرية مغتربة ... اقهري المرض

اقهريه بمحبة اولادك و احباؤك كلهم

اقهريه بمعزتك في قلوبنا

تجارب الله للأنسان لها هدف مختلف دائمآ عما نعانيه من جراءها ... فكوني راضية و متفائلة بتلك التجربة ..

ستمر و ستأتي تجارب أخري

كوني صبورة و هوني علي نفسك و علي اولادك ...

و فكري دائمآ بايجابية دون ان تتركي لحظة يأس تتطرق الي تفكيرك ...

ربنا يرعاكي و يهون عليكي الآمك و يشفيكي يا أختي العزيزة ...

في انتظار رؤية سطورك الباسمة و كتلة التفاؤل التي تشع من كتاباتك تقبلي كل مودتي و احترامي و تمنياتي بمرور تلك الفترة في اسرع وقت ...

واحد من عيلة كبيرة قوي هنا بتعزك جدآ

[ذهبية]

اختى فتفوتة بلاش انتى يا فتفوتة بلاش انتى

دة انتى الى بتدينا الامل فى كل حاجة حلوة دة انتى الى بتعلم منك الضحكة تيجى منين

دة انتى اطيب قلب قابلتة فى المنتدى و فى حياتى

و باعتبرك اختى التى لم تنجبها امى

فتفتوفة عرفتك قوية شجاعة تتغلبى على اى موقف او مرض بضحكة مجلجلة من القلب

مر بيك قليل و كتير ومافيش حاجة قدرت تودى احلى ضحكة من على الشفايف

نيجى الان نضعف لية

لو كان حد غيرك كنت صدقت

دة انتى بتطلعى من مرضك اقوى من الاول الف مرة تعبتى كلنا بنتعب تفتكرى يا فتفوتة انتى بس الى تعبانة

فتفووتة انا مر عليا ايام ابنى كان جنبى لسة مولود يدوب كام شهر و امى سابتنى لوحدى و جوزى كان فى المستشفى بيتعالج و اقسم

بالله العظيم بيبكى من الجوع و مكنتش قادرة اطعمة لان ظهرى كان مكسور

تخيلى وكانت درجة حراراتة عالية و سخن نار و انا ابكى لانى مش قادرة اقوم اجيب لة لا دواء و لا حتى كمدات لنزول الحرارة

موقف فى حياتى مهما اصف قسوتة لا تتخيلى اى ام ممكن تمر بية

تعرفى عملت اية ظللت ابكى و اقرا القران فى سرى حتى نام بين ايدى حتى جاء ابى

ظللت فى السرير بلا حراك اكتر من ستة اشهر و عائلتى تجهز لزواج اخى وانا مش معاهم و امى تبكى لحالى وانا ابكى لعدم مشاركتى ليهم

يااااااااااااة يا فتفوتة لو عديت ايام صعبة مرينا فيها عمرنا ما هنخلص كلام

فتفوتة

انا الدكاترة قالوا ليكى عملية فى ظهرك ومش هتعرفى تتحركى تانى

والحمد الله خاب ظنهم كلهم

فتفوتة

قومى فوقى ارجعى فتفوتة تانى

و بكرة تفتكرى الايام دى و تقولى ياااااة الحمد الله انها عدت الحمد الله انى نجحت فى اختبارك يارب

الحمد الله كنت عند ظنك بى الحمد الله حافظت اولادى فى ضعفى و قلة حيرتى

الحمد الله .... الحمد الله..... الحمد الله

[engmido]

وبعدين استغفر ربنا وارجع اقول لنفسى ربك هو اللى هيدبرها وعارفة ان كل دى احاسيس سلبية المفروض انى ماخضعلهاش بس احساس العجز عن عمل اى حاجة هو اللى بيخلينى افكر فيها

بس كده اديكى انتى قلتيها

والحمد لله من رحمته ان نذكره دائما يتجدد الامل

ونعوذ بالله من شرور انفسنا ومن سيئات اعمالنا

ونعوذ يالله من الشيطان الرجيم......الذى يوسوس لنا ويصور لنا كل وساوس وشر

[إيزيس]

إحساس المرض أو أي مشكلة في الغربة بيكون إحساس مضاعف بالعجز و الوحدة و القهر

لكن في نفس الوقت رحمة ربنا أكبر و أعظم

راجعي أي موقف صعب مر عليكي قبل كده في غربتك و شوفي ربنا سندك أد إيه

أكتر مما تتوقعي أو تتمني صح؟؟

و إن شاء الله المرة دي ربنا هيسندك و يعينك أكتر و أكتر بالحمد و الرضا

و ربنا أحن مننا على أنفسنا و على أولادنا

أدعو لك بالشفاء و الصحة و الرضا

[قلب ابيض]

الف الف سلامه عليك يا فتفت ...ان شاء الله اجر وعافيه يارب

انامش هاقول اكتر من اللى اخوانا هنا قالوه وبخاصه مصريه والغريب وذهبيه

بس انا دايما فى بالى مشهد ما كان فى اوقات كتير سبب من اسباب قهرى للمرض واللى يعلم الله بعانى منه من سنين اد ايه وكنت فين وبقيت فين دلوقت ا لحمد لله

امشهد ده شفتةوانا طفله فى التلفزيون لمسرحيه ابيض واسود ليوسف بك وهبى اسمها راسبوتين..كان عباره عن انه سمموه وكان بيقاوم الموت مش فاكره كلماته دلوقتى بس كان بيتحدىالسم ومن تعلقه بالحياه وقوه ارادته هزم الموت او السم

من غير تفاصيل كتير انا كنت حتى 4 شهور مضت باخد حقن فى العمودا لفقرى سنها ما يعادل مسمار 15سم كله يدخل فى عضمى بالتحديد فى فقرات الضهر بعدها بنام ما بتحركش مع التكرار صعب على نفسى جدا لانى اناو اللى حواليا اتعودوا ا اكون نشيطه مبتسمه ماينفعش اعيا او اتألم

عارفه كنت بكلم اعضاء جسمى اه والله بيحصل حوار طويل بنناكأنى بشجع حد عشان يواصل الحياه اقول لرجلى لازم تشتدى وتستحملين وتشيلينى عشان انا محتاجاكى لازم تقويى وهكذا

هاتقولى على :P :D

تصدقي يافتفوته انى مشيت فى سباق مشى من شهرتقريبا6كم من دون توقف ؟ماكنتش قادره اتحرك اساسا؟

بصى يا ام محمد الايمان بالله وليقين التام بأ نه سبحانه الشافى المعافى ثم قوه الاراده والتمسك بالحياه هم العلاج

كلمه اخيره بقى "فائلوا بالخير تجدوه"

:happy: :lol: bv:- :)

[kitkat]

ياست فتافت ألف سلامة عليكي ربنا يقومك بالسلامة

وانا برده حاسس بقلة وجودك ف المنتدي ....

ربنا وحده العالم فين الخير وفين العذاب خلي اعتمادك علي الله وصدقيني ياما اتمنيت اشوف البهدلة وانا صغير لانها فعلا بتربي ف الواحد الاعتماد علي النفس

يمكن هاتقولي ولادي لسه صغيرين عالكلام ده هاقلك ده افضل وده الي بيطلع الناس الناجحة انهم يعتمدوا علي نفسهم

بعدين عيب واحدة شبراوية تقول الكلام ده عيييييييييييييييييب :lol:

اتمني ربنا يوقمك ليهم بالسلامة وبرده ابقي خليهم يعتمدوا علي نفسهم شوية :happy:

تم تعديل 16 مايو 2010 بواسطة kitkat

[fatfouta]

ام نور وبركة

شكرا على الدعاء

حبيبتي فتفوتة

ربنا سبحانه و تعالى وحده هو الشافي

أنا مش حأقولك اصبري و تحملي

و مش حاقعد أعيط عشانك و اطبطب عليكي و أمصمص شفايفي

لكن حأقولك

اقهري المرض

و استعيني بالواحد الأحد

وجهي كل المشاعر السلبية دي لطاقة أمل و رجاء في ربنا سبحانه و تعالى

ده ربنا ما بيخيبش رجا حد ابدا

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }النمل62

اجمعي كل مشاعرك دي في سجدة لربنا

اشتكيله

و فضفضي معاه

ابكي بين ايديه لحد ما دموعك تغرق وشك و تغرق الأرض اللي انتي ساجدة عليها و متقوميش من سجودك الا لما تحسي بنور ملاكي وقواكي

كرري الجلسات العلاجية دي على قد ما تقدري و ما تزهقيش

ده ربنا هو المعالج الحقيقي

و من غير فلوس

و لا حجز

و مواعيد

خللي عندك يقين شديد انه حيشفيكي

مهما كان نوع مرضك

و مهما كان معقد أو مستعصي عجز الأطباء عن علاجه

لأن مفيش حاجة تستعصى على الخالق جلا و علا

ادعي طول الوقت و كلك يقين بالشفاء

واوعي تكلمي حد غيره

و اوعي تستسلمي و لا تزهقي

ده ربك بيحب العبد اللحوح

خليكي زنانة زي العيل اللي يفضل يزن لحد ما تديله اللي هو عاوزه

اتلقحي على باب ربنا

هو بيحب كده

و افضلي عنده و بين يديه

لحد ما يشفيكي

ده بابه مفتوح و ما بيتقفلش ابدا

ده ربنا عز و جل بيقول في الحديث القدسي

" ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري.

يللا ما تضيعيش وقت

قومي اسجدي لله سجدة طويلة

فضفضي فيها زي ما انتي عايزة

و ابقي تعالي بلغينا بالنتائج اللي أنا متأكدة منها مقدما

وقلبي بيدعيلك يا فتفوتة يا غالية

مش بس بالشفا

لأ

يارب

ربنا يدوقك انتي و كل من يقرأ كلامي حلاوة القرب منه جل و علا

آمين

ربنا يخليكى يا مصرية وشكرا على نصائحك الجميلة :blink:

الحمد لله انا بقيت احسن دلوقتى

ربنا اكرم مما نتخيل...الحمد لله

[fatfouta]

اسأل الله العظيم رب العرش العظيم ان يشفيك شفاء لا يغادر سقما

الف الف مليون سلامه

يا ايمن انت بجد دايما كلك زوق والله وبحسك اخ حتى من غير ماتتكلم

متشكرة جداا على دعائك ليا

ليه كده بس

يا فتفوتة ده انتي معرف عنك روح الفكاهة والمرح والقفشات الحلوة هنا وهناك ... بلاش الله يخليكي تستلمي لاي أفكار سلبية لا هتودي ولا هتجيب

المرض صعب والنوم علي فراش المرض صعب ومهما المريض اشتكي وقال وبكي محدش هيحس باللي جواه ابدا وهو شايف العالم من حواليه سليم معافي وهو لوحده اللي وقع .. كل ده معروف .. لكن المعروف اللي تعمليه في نفسك واولادك انك تكوني اقوي من اي حاجة واقوي من ان افكارك تجرك لتحت وانتي سايبة نفسك ليها

خليكي واثقة في قدرة ربنا وواثقة انك هتكوني أحسن لأن اللي جاي أحسن بكتييير اوي أن شاء الله

سمبا العزيز على قلبى

ماتخافش انا بقيت كويسة دلوقتى

والله ربنا عالم انى قوية جداا وبقدر اخرج من الازمات والحمد لله وكله بفضل ربنا

ربنا يكرمك يا سمبا انت تستاهل كل خير وفعلا قلبك طيب جدااا

أختنا فتفوتة

"الدين النصيحة" حديث مشهور وصحيح

والنصيحة مصدرها "نصح" ونصح العسل أي صفى العسل ، ولهذا أستخدم النبي هذا اللفظ الرائع في حديثه

وأنا هنصحك نصيحة تحطيها ديما أمام عينيكي وأنت تنظرين إلى أولادك في أي وقت

يعلم الله أن هذه الآية جعلتني وأنا متغرب لا أفكر مطلقا في نقطة "تأمين مستقبل الأولاد"

الآية في سورة النساء

{ وَلْيَخْشَ ٱلَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافاً خَافُواْ عَلَيْهِمْ فَلْيَتَّقُواّ ٱللَّهَ وَلْيَقُولُواْ قَوْلاً سَدِيداً }

حاولي ديما تؤمني بأن الله أبدا لا يضيع أولادنا مادمنا أتقيناه في كل أمر ، تذكري هذه الآية عندما تخشعي في صلاتك فتقولي أخشع تقوى لله ليحفظ أولادي

هدانا الله جميعا للخير

يا غريب يا خويا ربنا يخليك وشكرا على النصيحة الجميلة

ساعات برضو بتطلع منكم حاجات حلوة يا بتوع الكويت :happy:

اتفضل :blink:

تم تعديل 16 مايو 2010 بواسطة fatfouta

[fatfouta]

الف سلامة عليكى يا فتفوته

بلاش تستسلمى للفكر والوساوس الشيطانية

اى حاجة تجيلنا ابتلاء .... نرضى بيها ونشكر ربنا عليها على كل حال

اتقربى من ربنا اكتر وادعيله

واحنا كلنا جنبك وقريبين لو حبيتى تفضفضى كلنا اذان صاغية

ربنا يفك كربك ان شاء الله

امى نونا حبيبتى وحشتينى

هتقوليلى ماحنا لسه كنا بنتكلم؟.....هقولك ايوه بس وحشتينى هنا فى المحاورات

ماتغيبيش تانى وابقى بلغينى لما يتم لقاء السحاب بتاع الستات بتوع جدة الحلوين

ربنا يخليكى ليا يارب

[fatfouta]

اختى فتفوتة بلاش انتى يا فتفوتة بلاش انتى

و باعتبرك اختى التى لم تنجبها امى

دة انتى بتطلعى من مرضك اقوى من الاول الف مرة تعبتى كلنا بنتعب تفتكرى يا فتفوتة انتى بس الى تعبانة

ذهبية اختى اللى فعلا لم تلدها امى اللى دايما كلامك بيلمسنى وبحس لو اتكلمتى على نفسك انك بتتكلمى عليا وانتى عارفة كده من غير ما قولك طبعا

عارفة انى مش انا لوحدى اللى تعيانة ومتاكده ان رحمة ربنا واسعة بس كتير الواحد بيحس انه عاوز يفضفض

ربنا يخليكى لولادك يارب ويديكى دايما الصحة والعافية وتكونى دايما اختى

إحساس المرض أو أي مشكلة في الغربة بيكون إحساس مضاعف بالعجز و الوحدة و القهر

لكن في نفس الوقت رحمة ربنا أكبر و أعظم

أدعو لك بالشفاء و الصحة و الرضا

فعلا يا ايزيس الاحساس الصعب دايما مع الغربة بيبقى اصعب اكيد

متشكرة على دعائك وكلامك الجميل

كلمه اخيره بقى "فائلوا بالخير تجدوه"

يا القلب الابيض يا اختى يا ام قلب ابيض بجد

انتى عارفة ومتاكده ان كلامك معايا ريحنى كتير

ربنا يكرمك فى ولادك ويفرحك بيهم ويديكى الصحة

ياست فتافت ألف سلامة عليكي ربنا يقومك بالسلامة

بعدين عيب واحدة شبراوية تقول الكلام ده عيييييييييييييييييب :happy:

اتمني ربنا يوقمك ليهم بالسلامة وبرده ابقي خليهم يعتمدوا علي نفسهم شوية

كيت كيت يا خويا عامل ايه وايه اخبار مشكلتك ابقى طمنى

طبعا عندك حق ماينفعش بتوع شبرا يقولوا كده احنا طول عمرنا جدعان قوى

اتفضل الورد اللى بتحبها اهى

[fatfouta]

أختي العزيزة جدآ fatfouta

هناك مواقف قليلة أجد نفسي عاجزآ عن ايجاد كلمات مناسبة حيالها .. و ما كتبتيه الآن من تلك المواقف ..

لن أجد أفضل مما كتبته الفاضلة مصرية مغتربة ... اقهري المرض

اقهريه بمحبة اولادك و احباؤك كلهم

اقهريه بمعزتك في قلوبنا

تجارب الله للأنسان لها هدف مختلف دائمآ عما نعانيه من جراءها ... فكوني راضية و متفائلة بتلك التجربة ..

ستمر و ستأتي تجارب أخري

كوني صبورة و هوني علي نفسك و علي اولادك ...

و فكري دائمآ بايجابية دون ان تتركي لحظة يأس تتطرق الي تفكيرك ...

ربنا يرعاكي و يهون عليكي الآمك و يشفيكي يا أختي العزيزة ...

في انتظار رؤية سطورك الباسمة و كتلة التفاؤل التي تشع من كتاباتك تقبلي كل مودتي و احترامي و تمنياتي بمرور تلك الفترة في اسرع وقت ...

واحد من عيلة كبيرة قوي هنا بتعزك جدآ

سكوب الجميل الغالى جدا جداا

مش عارفة اقولك ايه بعد كلامك الجميل دوت

والله التفائل بييجى لما الواحد يقرأ كلمات جميلة ذى اللى انت كتبتها فعلا

مش عارفة اشكرك اذاى

لك منى اجمل وارق تحية يا اطيب قلب

ربنا يكرمك يارب

:roseop:

[مغتربة]

اسأل الله العظيم رب العرش العظيم ان يشفيك شفاء لا يغادر سقما