احاسيس سلبية جداااااا

[Salwa]

فاتيما الغالية ..

اتمنى ان تكونى الآن افضل واهدأ بال ...

يافتفوتة ياحبيبتى اللى بيحصلك ده ابتلاء من ربنا سبحانه وتعالى علشان بس يشوف قوة ايمانك وصبرك ..

ليه اليأس ده ؟؟

عاوزة ايه تكون النتيجة ؟؟ ياترى مقدرتيش تعدى من الاختبار ده ؟؟ اختبار قوة الايمان..اختبار العزيمة ..اختبار الرضا بكل اللى قسمهولنا ربنا سبحانه وتعالى ..

خايفة على الولاد ؟؟

خايفة عليهم من ايه ؟؟ ومن مين ؟؟

طيب هو يعنى ..انتى ..حاتبقى ارحم عليهم من رينا سبحانه وتعالى ؟؟

يابنتى ياحبيبتى احنا مفيش ف ايدنا اى شئ...

اكتر حاجة بتألمنى وبستغرب لها فعلا .. لما اسمع او اشوف حد ...(( عمال يردد بطريقة متواصلة ))...ياترى ولادى حايعملوا ايه من بعدى ؟؟ والا.. ياترى ولادى حايعملوا ايه لو انا مرضت ؟؟ والا.. ياترى ولادى حايعيشوا ف الدنيا الوحشة دى ازاى وانا مأمنتلهمش مستقبلهم ...!!!!!!!

كل ده حرام يافاطمة ...

كل ده حرام ..

لو انتى بتحبى ولادك ...فعلا...وحاسا انهم محتاجينك ف الفترة دى من حياتهم ...يبقى احسن حاجة تعمليها انك تهتمى بنفسك وتحافظى على صحتك ولاتيأسى ابدااا من رحمة الله..

خليكى متفائلة ...الولاد بس ف السن ده بيترعبوا فعلالالالا لما يلاقوكى بتشتكى ويلاقوكى ف المستشفى ..بس بمنتهى البساطة ممكن حد يفهمهم ان ماما دخلت المستشفى علشان ترجع اقوى واحسن ..

وزى ماقلت لك ..

خللى بالك على نظام الأكل وبلاش الرجيم اللى بتعمليه من دماغك..راعى انك مريضة سكر ولازم تعملى رجيم مريض السكر ...فقط.

يعنى لازم تراعى النقطة دى ..

و..

يافاطمة ...السكر صديق وفى ...ومشاكس ...بلاش تعانديه يعنى .

يعنى صاحبى المرض ..وهو مش حايبقى مرض ..

خللى بالك ...ف الزيادة او النقصان...

يارب يخليكى يافاتيما لولادك ولحبايبك ولنا ..

ان شاء الله كل خير ... :blink: bv:-

[doha]

معاكي حق يافتفوته انتي اكيد ادرى بمسؤوليتك تجاه ابنائك واكيد ادرى انتي شايله عنهم قد ايه واكيد ادرى بقد ايه العيال دي معتمده عليكي بشكل قاطع بحيث انك لو اختفيتي لا قدر الله من حياتهم العيال دي ممكن بعد الشر تضيع

ولان ربنا سبحانه ادرى منك بكل الي انتي داريه بيه ده فزي مابالظبط ( سخرك ) ليهم من البدايه عشان عارف قد ايه هم محتاجين حد يقوم بالدور ده هيقدر برضه ـ لا قدر الله الف مرة ـ اختفيتي من حياتهم ان ( يسخر ) لهم الي يقوم بدورك الي بتعمليه ده سواء بقى كان بني آدم واحد او اكتر

طيب افرضي مفيش حد يعمل الي بتعمليه ؟

يبقى اطمئني مش هتموتي ومش هتروحي في حته هتفضلي عشان تؤدي رسالتك جنب ابنائك وتوصليهم بنفسك بر الامان

ربنا مبيظلمش حد ومبيجيبش حد الدنيا عشان يلطّمه ..

هو خلقهم ضعاف فجابك انتي ووالدهم عشان تسندوهم لغايه مايعتمدوا على انفسهم

خلقك تعبانه وبتبصي لنفسك وتقولي ذنبهم ايه المساكين دول يتحملوني بمشاكلي عشان عارف انهم يقدروا يتحملوا وعارف ان وجودك بالمرض ده مش هيؤذيهم وانما ممكن جدا يقويهم ويديلهم دافع انهم يكافحوا ويشقوا طريقهم

متصدقيش الشيطان يافتفوته ربنا كريم اوي ..

[بركة]

ربنا مبيظلمش حد ومبيجيبش حد الدنيا عشان يلطّمه ..

متصدقيش الشيطان يافتفوته ربنا كريم اوي ..

كلامك مظبوط ياضحى

واللي ربنا عمله معايا اكبر دليل على كلامك

ربنا كريم قوي واكرم منه مافيش وياريتنا بس نشكره على كرمه الكبير علينا

ونكثر من حمده على جميع ارزاقه علينا

اللهم لك الحمد كما ينبغي لجلال وجهك وعظيم سلطانك ..

شدي حيلك يافتفت واستعيني بالله

ولو كل واحد فينا نظر على عمره اللي قضاه في الخوف هيقول

وايه اللي انا كسبته من الخوف ...ماهو ربنا سترها معانا كتير

وزي ماسترها قبل كده هيسترها علطول ..

ربنا عند ظننا بيه سبحانه

فلوظنينا انه هيسترها يبقى هيسترها

ولو ظنينا عكس كده يبقى احنا السبب ..

[fatfouta]

ربنا مبيظلمش حد ومبيجيبش حد الدنيا عشان يلطّمه ..

متصدقيش الشيطان يافتفوته ربنا كريم اوي ..

ربنا عند ظننا بيه سبحانه

فلوظنينا انه هيسترها يبقى هيسترها

ولو ظنينا عكس كده يبقى احنا السبب ..

ضحى وبركة انتوا فهمتونى غلط انا مؤمنة بالله والحمد لله جدااا ومتأكده انه هيسترها معايا للاخر ان شاء الله

مش عارفة ليه حسيتوا عكس كده!!!

متشكرة على مشاركتم ليا وكلماتكم اللى اعطتنى الامل

تم تعديل 16 مايو 2010 بواسطة fatfouta

[fatfouta]

فاتيما الغالية ..

اتمنى ان تكونى الآن افضل واهدأ بال ...

يافتفوتة ياحبيبتى اللى بيحصلك ده ابتلاء من ربنا سبحانه وتعالى علشان بس يشوف قوة ايمانك وصبرك ..

ليه اليأس ده ؟؟

عاوزة ايه تكون النتيجة ؟؟ ياترى مقدرتيش تعدى من الاختبار ده ؟؟ اختبار قوة الايمان..اختبار العزيمة ..اختبار الرضا بكل اللى قسمهولنا ربنا سبحانه وتعالى ..

خايفة على الولاد ؟؟

خايفة عليهم من ايه ؟؟ ومن مين ؟؟

طيب هو يعنى ..انتى ..حاتبقى ارحم عليهم من رينا سبحانه وتعالى ؟؟

يابنتى ياحبيبتى احنا مفيش ف ايدنا اى شئ...

اكتر حاجة بتألمنى وبستغرب لها فعلا .. لما اسمع او اشوف حد ...(( عمال يردد بطريقة متواصلة ))...ياترى ولادى حايعملوا ايه من بعدى ؟؟ والا.. ياترى ولادى حايعملوا ايه لو انا مرضت ؟؟ والا.. ياترى ولادى حايعيشوا ف الدنيا الوحشة دى ازاى وانا مأمنتلهمش مستقبلهم ...!!!!!!!

كل ده حرام يافاطمة ...

كل ده حرام ..

لو انتى بتحبى ولادك ...فعلا...وحاسا انهم محتاجينك ف الفترة دى من حياتهم ...يبقى احسن حاجة تعمليها انك تهتمى بنفسك وتحافظى على صحتك ولاتيأسى ابدااا من رحمة الله..

خليكى متفائلة ...الولاد بس ف السن ده بيترعبوا فعلالالالا لما يلاقوكى بتشتكى ويلاقوكى ف المستشفى ..بس بمنتهى البساطة ممكن حد يفهمهم ان ماما دخلت المستشفى علشان ترجع اقوى واحسن ..

وزى ماقلت لك ..

خللى بالك على نظام الأكل وبلاش الرجيم اللى بتعمليه من دماغك..راعى انك مريضة سكر ولازم تعملى رجيم مريض السكر ...فقط.

يعنى لازم تراعى النقطة دى ..

و..

يافاطمة ...السكر صديق وفى ...ومشاكس ...بلاش تعانديه يعنى .

يعنى صاحبى المرض ..وهو مش حايبقى مرض ..

خللى بالك ...ف الزيادة او النقصان...

يارب يخليكى يافاتيما لولادك ولحبايبك ولنا ..

ان شاء الله كل خير ... :lol: :roseop:

امى حبيبتى

طبعا انتى عارفة من غير ماقول انك لما كلمتينى.....كان كلامك معايا هو اللى حسن نفسيتى كده وخلانى عرفت اقف على رجليا من تانى

على فكرة عملت الكيك ذى مانصحتينى والولاد انبسطوا فعلا وحسيت انى عوضتهم عن الايام اللى فاتت والحمد لله

ربنا يخليكى ليا يارب ومايحرمناش منك ابداااا

:roseop:

تم تعديل 16 مايو 2010 بواسطة fatfouta

[MoHaMMeD EgYpT]

اسأل الله العظيم رب العرش العظيم ان يشفيك , محنة و ان شاء الله هتزول و هترجعلنا زي ما كنتي ان شاء الله و احسن

و ما تخفيش انتي مش لوحدك , احنا كلـــــــــــــــــــــنا معاكي :lol:

[جنه]

حمدا لله على سلامتك عزيزتى .. شفاك الله و عافاك .. طهور ان شاء الله. :lol:

[pink rose]

ربنا مبيظلمش حد ومبيجيبش حد الدنيا عشان يلطّمه ..

متصدقيش الشيطان يافتفوته ربنا كريم اوي ..

ربنا عند ظننا بيه سبحانه

فلوظنينا انه هيسترها يبقى هيسترها

ولو ظنينا عكس كده يبقى احنا السبب ..

ضحى وبركة انتوا فهمتونى غلط انا مؤمنة بالله والحمد لله جدااا ومتأكده انه هيسترها معايا للاخر ان شاء الله

مش عارفة ليه حسيتوا عكس كده!!!

متشكرة على مشاركتم ليا وكلماتكم اللى اعطتنى الامل

روق يا فتفوت بركة و ضحى مش قصدهم يحبطوكي ابدا

هما قصدهم انك تطردي الافكار دي من دماغك لانها بتبقى من وسوسة الشياطين

اقولك حاجه انا لما جوزي بيسافر و يسيبنا لوحدنا انا و مريم صباح الافكار السودا اللي بتيجي

ياربي لو جرالي حاجه البنت دي تعمل ايه لو انا مت و باباها مسافر كده تصحي هي من النوم تصحيني ما اردش عليها( ما انا ميتة بقى) هاتعمل ايه مش هاتعرف تتصل بباباها امم حتى لو اتصلت بيه هايعمل ايه على ما يجي من سفره تكون يا حبيبتي جاعت هاتاكل ايه هاتشرب ايه

طب لو فتحت باب البيت و مشيت و تاهت باباها هايجيبها منين و هايحصلها ايه

و الله كل دا و اكتر بيدور في دماغي

و من يومين بالظبط كنت باحكي لضحى الكلام دا قالتلي بالنص اللي كتبتهولك

ان كل دا من الشيطان و اللي خلقها احن عليها مني و مش هايضيعها ابدا

روقي كده و الحمدلله ازمة و عدت على خير و ربنا ما يعيدها تاني و يديم عليكي الصحة و يخليكي لولادك يا رب

[بركة]

برافو عليكي ياريمو هو ده قصدي بالظبط

روقي كده ياتوتة وبالصحة والهنا دايما ..

[لونا]

ازيك يا فتافيت السكر

الحمد لله شايفة انك احسن النهاردة ... و يارب يكون صوتك اتحسن

أنا قلقت عليكي اوي من كلامك

يا بنتي ربنا بيقول "قل لن يصيبنا إلا ما كتب الله لنا"

بتشغلي بالك بإيه بأه .. و ليه ؟

هو أي حد يقدر يغير قدر ربنا ؟

و لو جاء قضاء ربنا بأسوأ ما يتخيل الإنسان

حيجرى إيه يعني ؟

ما هو ربنا اللي خلقنا و هو ألطف بعباده من الأم بوليدها

يبقى نقعد نفكر و نقلق نفسنا باللي جاي ؟ .. و اللي الله أعلم .. جاي أو لا

و لا نعيش و نرضى بما قسمه الله لنا .. و نفرح بنعمه السابغة علينا

و عارفة بأه .. المفروض نفرح بابتلاء ربنا لنا ..زي ما بنفرح بنعمه علينا

و الله..

مين أهل الإبتلاء ؟ الرسل و الصالحين .. فالأمثل..

الإبتلاء نتيجته إيه ؟ .. يرفع الدرجات .. و يحط من السيئات

و لما نصبر على الإبتلاء بدون جزع... مقامنا فين عند ربنا ؟

ده ربنا لما بيحب عبد يبتليه..

و إنت شوفي محبوبة قد إيه -ما شاء الله-

فهل إنت من اللي ربنا وضع لهم القبول في الأرض؟

لا أزكي على الله أحدا

فوقي كدة و افرحي و فرحي ولادك و زوجك :wub:

[hOuSsAm]

اسال الله العظيم رب العرش العظيم ان يشفيكى

[om marawan]

فتفوتة الغالية

عاوزة اقولك ... سامحينى

انا بقالى فترة طويلة جدااااااا حاسة انها سنين مادخلتش المحاورات

لكن ماحسيتش انى حزينة على انى مش موجودة ومش باتابع المحاورات قد دلوقتى

ولما جيت المحاورات وقريت كلامك حسيت قد ايه انى صديقة وحشة اوى اوى عشان كنت بعيدة عنك اوى كده فى تعبك

كان نفسى اكون جنبك ولو انى واثقة ان ربنا سبحانه وتعالى معاكى فى كل لحظة ومع اولادك

ربنا يبارك فيهم ويعينك ياحبيبتى ويتم شفاكى على خير

بجد سامحينى سامحينى انتى عارفة قد ايه غالية عليا وأوعدك انى مش هابعد تانى مهما كانت ظروفى

وحشتينى والف مليون سلامة عليكي