هل الشغل فى السعودية و الخليج مفيهوش تحويش؟

[الغريب]

عموما هي السعودية ارخص من الامارات و الكويت بس الموضوع نسبي يعني البنزين في الامارات غالي لكن اقل مرتب 30,000 درهم + سكولينج+هوسنج+ انترتيننيج+ فودنج. و بالنسبة للاخوة الكويتيين

فالدينار عامله بتاع 48 جنيه مصري دلوقتي و المرتبات بتبدأ من 3000 دينار و انت طالع و اللي مش مصدق يتفرج على تمثيلية ( مصطفى فهمي و الهام شاهين مش فاكر اسمها (تقريبا سنوات الضياع).

أعوذ بالله دينار أيه أبو 48 جنيه ده

وكمان المرتبات بتبدأ من 3000 دينار وأنت طالع :blink:

حسبي الله ونعم الوكيل

الواحد ناوي يكتب على الشنط وهو راجع

" قصه كفاح مش جايه على المرتاح "

:h!!!h:

وأنصح بتوع السعودية يكتبو على الشنط

"متبصليش بعين رضيه دنا طلع عين أمى فى السعوديه" :lol: :lol:

[زعلان]

ابوس ايدين اللي بيبوسوا ايدك يا زعزع تبطل علشان محدش يفتكرك بتتكلم جد

:h!!!h:

هههه ضحكة واحد شرير :blink:

حبيبي يا زوهيري اخيرا نطقت

يا جماعة انا بهزر وزوهيري غلبان ولحد النهارده ما سددش قساط التوك توك

انت مش سامع الراجل بيقولك اقل مرتب 30 الف +++++ وكمان مصطفى فهمي

بس بجد يا جماعة بلاش هزار في المواضيع ده علشان ليا واحد صاحبي قلبت معاه بجد فضلوا يهزروا معاه ويقروا عليه لحد ما بقى على الحديدة بجد

[زعلان]

عقبال ما اشوفكم بتدفعوا الضرايب في الخليج ضريبة القيمة المضافة تفتكروا حتبقى 10% ولا 5 % و حتزيد كل سنة

العالم كله اتفاقيات التجارة الحرة بتنزل الاسعار فيقوم لما يحطوا ضريبة على المستهلك بدل الجمارك الاسعار ما ترتفعش لأن التاجر ما بقاش يدفع جمرك فبيقلل الاسعار و المستهلك بيعوض الحكومة بالضريبة عندنا في الامارات استحالة التاجر ينزل الاسعار مع الغاء الجمارك حتفضل الاسعار ثابتة و حيزودوا عليها الضريبة

[jasmin hamed]

استاذ زعلان الله يكرمك فى ناس ممكن تصدق و تشرب المنجا فى دبى

ربنا يخرجنا منها على خير

بص يا استاذ يوزر اجابه بسيطه خالص عشان سؤالك ليه الناس بتسافر و ماتحوش ببساطه عشان ملاقتيش شغل فى مصر

و لو لقت مش هتقدر تحافظ على مستواها يبقى اخرج و انقتل و لا اعد و اتوفى انا من رائى اطلع على الباب و اموت احسن ( وش كتكوت على راى لماضه )

عموما لو عايز تيجى الامارات و تحوش ماتدخلش جنس ايتها مول و لا تفكر تهوب ناحية كارفور و لا تجيب لاهلك هدايا و خاليك بنفس الموبيل و اياك عينك تزوغ على لاب توب

ز ماتجربش كل المطابخ العالميه اشى هندى و اشى تايلندى

الحاجات ديه تبان لك تافه اوى فى مصر و كان الناس الى فى الخليج ديه كائنات اخطويطيه استهلاكيه

بس هيه ديه الحياه فى الخليج عشان مافيش حياه و مافيش علاقات اجتماعيه

ما فيش كوباية شاى على قهوه بلدى و عشرة طوله و مافيش رغى على التليفون بالساعه مع صحابك

و مافييش المصيف الى تعقد فيه اربع ايام صاحى لغاية ماتشوف هلاوس بصريه و مافيش ولاد اختى الى بيجوا يوم الاحد و يلخبطولك الاوضه

الترفيه الوحيد انك تصرف فلوسك او تعد ترغى معنا فى المحاورات

[fatfouta]

.

و كمان سمعت ان اغلى سكن بيكون 20 الف ريال فى السنة... ده لو شقة مفروشة فخمة... ايه رأيكم فى الكلام ده؟

في دبي بقى احسن من السعودية ممكن تاخد فيلا اربع قوض وبحديقة في حدود المبلغ ده ممكن يزيد او يقل في حدود 10%بس طبعا مش مفروشة حتظطر تفرشها بس طبعا الفرش مرة واحدة يعني قول كمان 10 او 12 الف درهم

وكمان عبد اللطيف جميل عامل عرض اشتري سيارة تويوتا ياريس بدون مقدم و قسط 399 ريال تاخد عليها تويوتا برادو 2010 كاملة . الحقو ياجماعة العرض ده حيكون رائع مع الفيلا . ده غير طبعا ان التقسيط هنا في السعودية بدوووون فوايد تماما . عشان الفايدة حرام.

خلاص بقى يا كونسالتانت ماتضايقهوش اكتر من كده

انا مش عاوزة اقوله عالباقى عشان العين والقر بس

فعلا خلينا ساكتين احسن !!!! مرة شوفت احد التعليقات بتقول " احلى حاجة في السعودية انها رخيصة , ياجماعة دي البيبسي لسة بريال " مكملش كلمته صدر القرار بزيادة اسعار البيبسي.

والله يا كونسلتانت يا خويا انت جيت عالجرح

ابن عمى من كام سنة جه على عقد عمل وماكملش شهرين وجرى تانى على مصر ومارضيش يقعد ابداااااااااا

المهم بيكلمنى قبل موضوع البيبسى بيومين بيقوللى ده انتوا الزبادى عندكوا توحفة وبريال ولا اللبن كمان والبيبسى برضو بريال تعالى شوفى عندنا بكام

مافيش كام يوم ولقيتهم بيقولوا البيبسى بقى بريال ونص......قولت استغفر الله العظيم هو القررررر يعمل كده؟؟

بطلناه والحمد لله

[زعلان]

مش فاهم ايه مشكلة البيبسي بريال او بعشرة الناس كلها حتى في الامارات بتتخانق وبتفرح وتزعل لما يرفعوا او يخفضوا تمن البيبسي محسيسني انه سلعة استراتيجية مهمة جدا

انا ما بشربوش خالص رغم انه ارخص مشروب في العالم ما بحبوش

المية سعرها ارتفع وزاد ومحدش اتكلم ولا زعل رغم ان المية اهم 1000 مرة يعني بتطبخ بيها و تشرب و كل حاجة طبعا بتكلم على عبوات المية في السوبر ماركت

[زعلان]

يعني لو ابن عم فتفوته اشترك في المنتدى ودخل الموضوع ده حيقفلهولكم

[MZohairy]

مش فاهم ايه مشكلة البيبسي بريال او بعشرة الناس كلها حتى في الامارات بتتخانق وبتفرح وتزعل لما يرفعوا او يخفضوا تمن البيبسي محسيسني انه سلعة استراتيجية مهمة جدا

انا ما بشربوش خالص رغم انه ارخص مشروب في العالم ما بحبوش

المية سعرها ارتفع وزاد ومحدش اتكلم ولا زعل رغم ان المية اهم 1000 مرة يعني بتطبخ بيها و تشرب و كل حاجة طبعا بتكلم على عبوات المية في السوبر ماركت

طبعا البيبسي مهمه

لو عندك اسره من 5 افراد و كل واحد فيهم بيشرب 4 علب في اليوم

النص ريال ده يفرق معاهم 300 ريال في الشهر

يعني 3600 ريال سنويا

و لو كل واحد كان بيشرب 8 علب يوميا يفرق معاهم 7200 ريال سنويا

صحصح يا زعزع

[fatfouta]

مش فاهم ايه مشكلة البيبسي بريال او بعشرة الناس كلها حتى في الامارات بتتخانق وبتفرح وتزعل لما يرفعوا او يخفضوا تمن البيبسي محسيسني انه سلعة استراتيجية مهمة جدا

انا ما بشربوش خالص رغم انه ارخص مشروب في العالم ما بحبوش

المية سعرها ارتفع وزاد ومحدش اتكلم ولا زعل رغم ان المية اهم 1000 مرة يعني بتطبخ بيها و تشرب و كل حاجة طبعا بتكلم على عبوات المية في السوبر ماركت

يا زعلان ماتبقاش زعلان

احنا بنتكلم عن فكرة ان الناس فاكرة ان اللى عايشين فى الخليج فاكرين ان كل حاجة رخيصة وجميلة

لكن مش بنتكلم على البيبسى نفسه

طب ماهو قال كمان على اللبن والزبادى ومش عالبيبسى بس..

[fatfouta]

يعني لو ابن عم فتفوته اشترك في المنتدى ودخل الموضوع ده حيقفلهولكم

لا ماتخافش يا زعلان انا مش معرفاهم الطريق هنا

بس كل شئ جايز والواحد برضو لازم ياخد احتياطاته مانضمنش...وعشان كده بقولكم كفايه كلام بقى ماتفتحوش العين علينا اكتر من كده

[زعلان]

مش فاهم ايه مشكلة البيبسي بريال او بعشرة الناس كلها حتى في الامارات بتتخانق وبتفرح وتزعل لما يرفعوا او يخفضوا تمن البيبسي محسيسني انه سلعة استراتيجية مهمة جدا

انا ما بشربوش خالص رغم انه ارخص مشروب في العالم ما بحبوش

المية سعرها ارتفع وزاد ومحدش اتكلم ولا زعل رغم ان المية اهم 1000 مرة يعني بتطبخ بيها و تشرب و كل حاجة طبعا بتكلم على عبوات المية في السوبر ماركت

طبعا البيبسي مهمه

لو عندك اسره من 5 افراد و كل واحد فيهم بيشرب 4 علب في اليوم

النص ريال ده يفرق معاهم 300 ريال في الشهر

يعني 3600 ريال سنويا

و لو كل واحد كان بيشرب 8 علب يوميا يفرق معاهم 7200 ريال سنويا

صحصح يا زعزع

تصدق معاك حق انا اعرف عائلة مدمنة بيبسي ابنهم الصغير اسمه بقلظ بيشربوا بيبسي بشكل مش طبيعي

على فكرة يا جماعة مصر مش رخيصة برضه يعني الي يعيش عادي في مصر ويخرج و يطلع ويتفسح ويجيب لأولاده ملابس من سيتي ستار مذركير او نكست او جاب طبيعي ان مرتبه او دخله كبير جدا لأن الاسعار للحجات ده كبيرة في مصر يعني ممكن تدفع الف جنيه في طقم واحد لطفل واحد

غير المطاعم و الفسح ماشاء الله الناس في مصر بجد معاها فلوس وعايشه احسن من الخليج طبعا مش كل الناس بس باتكلم عن الناس الي زينا و المعارف بيصرفوا بالالاف

طبعا الي قافل على نفسه باب البيت وضعه مختلف

[kitkat]

طبعا الي قافل على نفسه باب البيت وضعه مختلف

والله انا مش مصدق انك زعلان

انت عسل

تم تعديل 17 مايو 2010 بواسطة kitkat

[pocy]

طب انا ممكن اشارك

بص يا اخى الفاضل يوزر نيم

انا رأى ان اكيد فى ناس بتحوش وفى ناس لا فى ناس مكنتش قادره تعيش في مصر ولما لقت الراحه فى الخارج والحياه الهادئه ارتاحت وقالت اعيش باللى معاى وعيشه هنيه هنا

وفى ناس تلقيها جايه على نفسها وهتموت على القرش وفى ناس معتدلين يعنى بيحاولوا يحوشوا وفى نفس الوقت يعيشوا برضه وانا ولله الحمد من النوع التالت المعتدل

بمعنى انى اعيش وفى نفس الوقت احوش ومش مهم انا بحوش كام المهم ان لو طلعلى فى الشهر 1000 جنيه انا كسابنه كتير مع الراحه النفسيه بعيدا عن المشاكل والمشاكسات بتاعه الحكومه وايضا الحياه النضيفه والشوارع الجميله

صدقنى لو وفرت حتى 20 جنيه مع كل اللى قلته من راحه نفسيه يبقي احسنلى من انى ارجع مصر واعافر وربنا ييسر اللى فيه الخير للجميع

[ozoozo]

مشكله للفاضل سين سين

دلوقتي انا جيت السعوديه علي فيزا فني غسيل مواعين\

واتفق الكفيل معايا ان الزكايب اللي هاحط فيها المرتب كل شهر هاتكون عليه

ودلوقتي هو اخل بالاتفاق واجبرني اني كل شهر اشتري علي حسابي عدد خمسه زكيبه بنيه الون لوضع المرتب فيها

فهل من حقي اشتكيه في مكتب العمل ليتحمل تمن الزكايب

وطيب وايه الوضع لو كنت لسه مابصمتش

[the consultant]

مشكله للفاضل سين سين

دلوقتي انا جيت السعوديه علي فيزا فني غسيل مواعين\

واتفق الكفيل معايا ان الزكايب اللي هاحط فيها المرتب كل شهر هاتكون عليه

ودلوقتي هو اخل بالاتفاق واجبرني اني كل شهر اشتري علي حسابي عدد خمسه زكيبه بنيه الون لوضع المرتب فيها

فهل من حقي اشتكيه في مكتب العمل ليتحمل تمن الزكايب

وطيب وايه الوضع لو كنت لسه مابصمتش

اسمحلي اتدخل للاجابة , يا فندم احنا قولنا موضوع بصمة العين ملوش دعوة بالزكايب تماما خاصة و إن حضرتك لو وصلت المملكة على الطيران السعودي بيدولك 4 زكايب عشان مرتب الاربع اشهر الاولى بالاضافة ان موظف الجوازات بيسلم حضرتك عقد ايجار غير محدد المدة مدفوع من الهيئة لوانيت بمقطورة لزوم بدل السكن بتاع الست شهور الاولى.

و انا بقول الكلام ده عن تجربة صديق كان جي على فيزة فني لعب اطفال و اخر كان جي على فيزة رائد فضاء إقليمي والاتنين استلمو زكايبهم من المطار.

اما موضوع الشكوى فمفيش داعي لان النوع ده من الشكاوى يعكر صفو الحياه المثاليه التي يعيشها الاخوة المصريين مع كفلائهم بالمملكة .

[myusername]

مشكله للفاضل سين سين

دلوقتي انا جيت السعوديه علي فيزا فني غسيل مواعين

واتفق الكفيل معايا ان الزكايب اللي هاحط فيها المرتب كل شهر هاتكون عليه

ودلوقتي هو اخل بالاتفاق واجبرني اني كل شهر اشتري علي حسابي عدد خمسه زكيبه بنيه الون لوضع المرتب فيها

فهل من حقي اشتكيه في مكتب العمل ليتحمل تمن الزكايب

وطيب وايه الوضع لو كنت لسه مابصمتش

اخى الفاضل... شكرا جدا لحضرتك على الاسلوب الساخر..

و لكن يبدو ان هناك سوء تفاهم واضح جدا... هو لاما انكم بتعبوا الفلوس فى زكايب, لاما تقولوا انكم بعد سنين طويلة.. بترجعوا من غير تحويش!!

اعتقد انى وضحت ان سؤالى حوالين نقطة معينة... مبدأ التحويش.. ممكن يتنفذ ولا لا؟ بغض النظر هتحوش قد ايه... فى وقت قد ايه..

و زى ما قلت برضه... انكم لو مبتاخدوش مقابل تعبكم و غربتكم... يبقى ملعون ابو الغربة... و بلاها غربة.. و تبقى مش جايبه همها.

[matzakos]

يعني إيه تحويش ؟؟؟

[fatfouta]

مشكله للفاضل سين سين

دلوقتي انا جيت السعوديه علي فيزا فني غسيل مواعين

واتفق الكفيل معايا ان الزكايب اللي هاحط فيها المرتب كل شهر هاتكون عليه

ودلوقتي هو اخل بالاتفاق واجبرني اني كل شهر اشتري علي حسابي عدد خمسه زكيبه بنيه الون لوضع المرتب فيها

فهل من حقي اشتكيه في مكتب العمل ليتحمل تمن الزكايب

وطيب وايه الوضع لو كنت لسه مابصمتش

اخى الفاضل... شكرا جدا لحضرتك على الاسلوب الساخر..

و لكن يبدو ان هناك سوء تفاهم واضح جدا... هو لاما انكم بتعبوا الفلوس فى زكايب, لاما تقولوا انكم بعد سنين طويلة.. بترجعوا من غير تحويش!!

اعتقد انى وضحت ان سؤالى حوالين نقطة معينة... مبدأ التحويش.. ممكن يتنفذ ولا لا؟ بغض النظر هتحوش قد ايه... فى وقت قد ايه..

و زى ما قلت برضه... انكم لو مبتاخدوش مقابل تعبكم و غربتكم... يبقى ملعون ابو الغربة... و بلاها غربة.. و تبقى مش جايبه همها.

ماتزعلش يا يوز يا خويا

ozoozo بيهزر معاك مش بيسخر منك ولا حاجة

واحنا اكيد عارفين قصدك ايه.....ماتزعلش بقى

كونسلتانت وازوزو الله يخليكم ماتتكلموش فى الزكايب عشان الموضوع مايتقلبش غم والناس تزعل :wub:

تم تعديل 17 مايو 2010 بواسطة fatfouta

[adrianocrespo]

انا مشتغلتش قبل كده في الخليج

بس انا اري تضارب الاراء لكون العمليه نسبيه بحته

الفلوس تعني لكل واحد ايه

يعني واحد لو حوش 30 او 40 الف في السنه في الخليج تبقي قشطه اوي

و ممكن يجيب شقه ( في حدود مثلا 80 او 90 الف ) في سنتين مثلا

و اخر ممكن يحوش 80 الف في عام واحد او اقل و يبقي مش راضي

عشان مدخراته مش مخلياه يحقق رغبته في شراء شقه تناسب طموحاته ( في حدود 300 او 400 الف )

[the consultant]

مشكله للفاضل سين سين

دلوقتي انا جيت السعوديه علي فيزا فني غسيل مواعين

واتفق الكفيل معايا ان الزكايب اللي هاحط فيها المرتب كل شهر هاتكون عليه

ودلوقتي هو اخل بالاتفاق واجبرني اني كل شهر اشتري علي حسابي عدد خمسه زكيبه بنيه الون لوضع المرتب فيها

فهل من حقي اشتكيه في مكتب العمل ليتحمل تمن الزكايب

وطيب وايه الوضع لو كنت لسه مابصمتش

اخى الفاضل... شكرا جدا لحضرتك على الاسلوب الساخر..

و لكن يبدو ان هناك سوء تفاهم واضح جدا... هو لاما انكم بتعبوا الفلوس فى زكايب, لاما تقولوا انكم بعد سنين طويلة.. بترجعوا من غير تحويش!!

اعتقد انى وضحت ان سؤالى حوالين نقطة معينة... مبدأ التحويش.. ممكن يتنفذ ولا لا؟ بغض النظر هتحوش قد ايه... فى وقت قد ايه..

و زى ما قلت برضه... انكم لو مبتاخدوش مقابل تعبكم و غربتكم... يبقى ملعون ابو الغربة... و بلاها غربة.. و تبقى مش جايبه همها.

[size="4"]يا اخي متزعلش ده مجرد هزار . و بعدين سؤالك اترد عليه بكافة وجهات النظر اللي ممكن اجملهالك فيما يلي :

1: في ناس بتحوش

2: في ناس بتحوش كتيييير

3: في ناس مش عارفة تحوش

4: في ناس مش عايزة تحوش

واخيرا احب اوضح تاني لحضرتك ما اوضحته من قبل ان المقابل اللي بتقول عليه مش لازم يكون التحوييييييش و بالتالي مش معنى اني نحوشتش اروح انهي عقدي و انزل مصر وبلاها غربة زي مانت بتقول "بالعربي يعني في ناس كتيير عايشه بره مصر عشان حاجات مش موجودة في مصر منها طبيعة الشغل مثلا التعليم مثلا الحرمين مثلا كل واحد في حاله مثلا اكل مش مرشوش مثلا سهولة الخدمات الحكومية من دفع مخالفات,فواتير , اشتراكات مثلا نظافة الشوارع و السيارات مثلا ووووووووووووووووووووووووووو كل ده مش مقابل للغربة . انا شايف ان الناس فقط اعترضت على اختزال مفهوم الغربة في التحوييش (والله كان زمان)

و بعدين متنساش ان حضرتك صيغة سؤالك في الاساس كانت مغلفة بالسخرية و اتهام لكل من يدعي عدم التحويش بالكذب و تضليل كل من تسول له نفسه من المصريين بالالتحاق بالعمل في السعودية. (راجع صيغة السؤال الاساسي بتاع الموضوع)

والسلام ختام