هل الشغل فى السعودية و الخليج مفيهوش تحويش؟

[iloveegypt]

بصراحة اللى يقول ان السفر بره مش جايب همه هذا استهبال واشتغال للناس اللى ما سافرتش

هذا استهلال لا بد منه

انا سافرت واتغربت ليه علشان سبب من الاسباب الاتيه

1-الحج والعمرة للسعودية

2-علشان احوش شوية فلوس

3-علشان اعيش عيشة مريحة وسهلة

معظم الناس الند الاول والثانى اما البندالثالث فهذا شخص مرتاح اصلا ماديا ومش فارق معاه السفر من عدمه

لذا اغلب من يسافر بيحوش وانا منهم ولله الحمد واما بنعمة ربك فحدث اما الخوف من القر فعليكم بالمعوذتين بس ما ينفعش نكدب على الناس اللى ما سفرتش ونضامها فى وشهم

وخلص الكلام

[hosambob]

الحمد لله --- الحمد لله -- الحمد لله

انا كنت فاكر أني أنا الفاشل الوحيد أو أني العبيط الوحيد اللي سافرت و محوشتش حاجة من السفر .

طلع الكل في الهوا سوا ..

الحمد لله انا بقالي سنتين في السعودية و بادئ في الثالثة و الحمد لله اللي طلعت بيه من السفر هو اني حجيت و زوجتى جات هي و ابني و قعدت معايا 3 شهور و أمي جات قعدت و عملت عمرة و نزلت أجازة في السنتين شهرين و ضاعت فلوسك يا صابر ... و جيت السنة التالتة و قلت لازم أعمل نظام انفاقي معين علشان كدة انا بجد عبيط لقيت اني مع حتى النظام الأنفاقي الجديد اللي عملته بعد حصيت 3 شهور ممعيش غير مبلغ لا يذكر نهائيا ً مكسوف بجد قول عليه ... بس الحمد لله ... العيشة هنا و الدنيا ماشية و الغربة حاجة صعبة و الأصعب الجوع أو الفقر أو أنك متلقيش فلوس تعالج بيها نفسك أو حد من عيلتكم لقدر الله اذا حد مرض ( بعد الشر عليكم كلكم )

الحمد لله ...

مع خالص تحياتي