الناجح يرفع إيده .........يا حلولي ...

[se_ Elsyed]

قولت ابل ريقكم بخبر حلو في خضم الاحداث المتلاحقه والامواج المتلاطمه وتمديد قانون الطواريء والاضرابات العمالية ... الخ .. الخ .. الخ

أنا نجحت في السميستر الاولاني للماجستير يا اولاد ولسه عارف الخبر دلوقت .. وجبت جيد جداً كمان ورفعت راس المحاورات وسط الكفر كلاته

نفسي بقه الثلاث حتت اللي فاضلين يعدوا بسرعه واتخرج

وفي حفلة التخرج البس السلطانية اللي عيني هاتطلع عليها دي

( مين دول ) ؟؟؟؟؟

.. وأضرب لي أي روب دي شامبر من بتوع البيت وأتصور وأنا باعيط وأُهدي النجاح للسيد الرئيس راعي العلم والتعليم وأقوم رامي السلطانية لفوق عشان اللي يلحق يلقفها يتجوز على طول بعدي ..

وأبدأ حياتي بقى وأفتح أي عيادة في حي شعبي وأعالج الناس الغير قادرة عشان أرد جميل الوطن الام عليه

واحد لمض في اخر الصف هايقول لي حيلك يا عم التمرجي ... إنت هاتفتح عياده وانت معاك ماجستير إدارة أعمال ...؟؟؟؟؟؟؟

أقول له يا سلاممممممممممممممم وهي جت عليه انا ؟

يعني أبن سينا ولا الرازي أو أبن حيان وأبن الهيثم كانوا اتخرجوا من طب الزقازيق ؟

ما لكل مجتهد نصيب يا أخي والواحد ربنا يديله على قد نيته ..... وبطلوا بقى تقطيم في مجاديف الناس وسيبونا نقدف نقدف لحد ما نوصل لبر الامان ... أما اعداء نجاح صحيح

على العموم موضوع العيادة ده سابق لأوانه بس اخلص الاول احسن وبري اتنحل

أينعم ما بأذاكرش لكن برضوا عليه ستريس جامد عشان بأشوف الناس اللي معايا بيذاكروا ومجهدين وانا باتعب لهم ...

---------------

على فكره ... سكوربيون إبننا في شيء لله .. لسه متصل بيه من ساعتين وعمال يلقح كلام مش ظريف من تحت لتحت والمعنى في بطن الشاعر ويقول لي : نتيجة إيه الجملي دي اللي مش عاوزه تظهر ... إوعى يا واد تكون جايب ملحق أو كحكه ومخبي علينا ؟

اهو يا سكوب ... بعون الله لا كحك ولا ودونتس لإن إحنا عيال مخلصه ... وولا دخلنا الإمتحانات ولا عدينا عليها ... لكن نتيجتنا ملعله فيها

ولكن سبقه بصراحه واحد حبيبي وصديقي متصل بيه الصبح بدري النهاردة مخصوص يطمن وزي ما يكونوا كانوا عارفين قبلي ولا ايه

يالله نزل يابني شاربات ورد هنا على ما ابعت أجيب عجلين وندبحهم على عتبة المحاورات ....

وخلي أختنا قلب أبيض تعمل منابير وكراريش وكواريع للصبح وتسقي المنتدى كله مرقه

[myusername]

الف الف مبروك.. و من نجاح لنجاح باذن الله...

و عقبال ما تاخد الدكتوراة من جامعة هارفرد او ستانفورد... انتا و حظك بقى :unsure:

الا صحيح... مين دول؟ :unsure:

تم تعديل 15 مايو 2010 بواسطة myusername

[MZohairy]

ده كله ببركة دعواتي ليك وانت بتمتحن

و خصوصا امتحان الاحصا

مبارك يا حماده

[Scorpion]

الف الف مبروك يا دوكتور ....

وحياتك الاقيش عندك وصفة لصدة النفس ... الواحد بقي يخلص دكر البط بالعافية ... و حتي الفاكهة سباطة الموز بيفضل فيها ييجي صباعين بقشرهم ..

نزل دور شربات فراولة هنا يا ابني .. بس يكون شربات فراولة طلياني .. مش خسارة في أعز الولد .. ولد الولد ..

:happy: bv:- :lol:

[enjisultan]

الف مبروك وعقبال الدكتوراة :happy:

[فــيــروز]

لولولولولولىىى ألف مبروك :)

و على رأى المثل : يا ساعه بالوقت إجرى .. لأ لأ مش دى :happy: .. قصدى .. والله فرحنا لك يا وَلَه يا أستاذ س.س. :P ..

معلش بقى هى الغنوه اللىّ بتقول وَلَه bv:- و مفروض تقول يا باشمهندس دكتور س.س. :lol:

[mama nona]

مبرررررررررررررررررووووووك

وعقبال متاخد الجنسية الهندية بعد التخرج ان شاء الله :happy:

[doha]

ماشاء الله تبارك الله .. الف مبروك وعقبال يارب ماتبشرنا باجتياز السمستر الرابع وترجع لنا كده رافع راسك ونبعت معاك اثنين شيالين للشهاده الكبيرة بقى

بقين حلوين اهوه .. فين بقى سندويتشات اللحمه والممبار والذي منه ؟

[إيزيس]

:happy:

:lol:

bv:-

ألف مبروك و عقبال الدكتوراة

و لو إن السكة دي واعرة جوي يا حسانين

[hOuSsAm]

الف مبروك يا سين سين

والله فرحنالك كتير

وقعبال السمستر الرابع كدة

وتعزمنا بقى على وليمة كبيرة من عند قلب ابيض

---------------

وعلى جنب كدة وعلى هامش النجاح

البنوتة فى الصورة دى تعرفها؟؟؟

طيب معاك رقم تليفونها؟؟؟

متفهمنيش غلط والله انا قصدى شريف

عايز اسالها على رقم تليفون الكابتن اللى جنبها اساله عالجاكيت ده جايبه منين عشان عينى هتطلع عليه بصراحة

وانت عارف الجو هنا فى جدة مش زى عوايده والواحد عايز يعمل احتياطاته

[kitkat]

ألف مليون مبروك والله خبر حلو جداااااااااااا في خضم الاحداث الي زي الفل الي بنعيشها

تابع يا اخي علي بركة الله

الناس كلها بتقدر العلم والتعليم المستمر ماعدا في مصر طبعا :happy:

[Alrefaey]

الف مبرووووك يابوعمر

وعقبال ماتمها على خير

بقولك سمعت ان انتم اخر دفعه مع الجامعه دى وانهم هيمنعوها تكمل مش عارف صح ولا خطأ الكلام ده ؟

[زعلان]

:happy: الف مبروك و عقبال التخرج bv:-

نفسي شوفك ضابط كده ملو هدومك ويبقى لنا ظهر نتسند عليه :lol:

[أسد]

إذن ...

فليكن ..

وموعدنا مع هذا المشروب الأخضر

أظن كده من حقي

مبروك يابو حميد

عقبال اللي جاي

واضح إنه مايتخافش عليك

طلعت موس

[لماضة مصرية جدا]

السلام عليكم و رحمة الله و بركاته

الف مبرووووووووووك استاذي سين غين فين

بس عجبتني اوي انا الصورة اللي فوق دي...ليه حسيت ان حضرتك إذ فجأتن هتعدي من وراهم و تقول بااااااااي للكاميرا

يالا شد حيلك بقي....و ذاكر كويس كدهوت....عشان تاخد جيد جدا بالمرتبة ان شاء الله.

صباااااااااااحك فونداااااااام.....(ماليش ف الشربات الحقيقة)

[عبير يونس]

كل سنة و انت طيب

يا عم الحاج

يووه

قصدي مبروك ما جالك

و لا دي برضك؟

ايوة ايوة

مبروك النجاح

و عقبال الشهادة الكبيرة يا ابا الحاج

و اشوفك بشمهندس قد الدنيا

و تشوفلينا القضايا المتعطلة عند الواد حندوسة العرضالجي الله لا يسيئك يا شيخ

لأحسن العمدة كلاويه تعباه و بيقولوا لازما و حتما ولا بد يروح البندر عشان يعمل عملية المرارة

و اهو بالمرة تشوفلنا الماتور بتاع الجرار لأحسن الدودة كلت الغلة كلها

وانا مش لاقية الواد عويضة ابني

من يوم ما سافر السعودية

و هو ماعادش بياخد جبنة جريش من عند البت نحمدو

و هي كمان مخستكة كده و مش عجباني

من يوم ما باعوا الارض

و همة دارهم عايزة وشين بوية

الا متعرفش يا خويا هو الدولار بكام النهاردة؟

:blink:

[سكر]

1000 مبروك وعقبال التخرج

ياريت لو تعطينى خبرتك فى الفترة الى فاتت عن التجربه

هل فعلا الشهادة اضافه للمعلومات والثقافه ام انها مجرد شهادة تضاف فى السى فى ومجرد موضه الناس بتتعايق بيها

[se_ Elsyed]

الف الف مبروك.. و من نجاح لنجاح باذن الله...

و عقبال ما تاخد الدكتوراة من جامعة هارفرد او ستانفورد... انتا و حظك بقى :blink:

الا صحيح... مين دول؟

الله يبارك فيك يا يوزر ....

شاور لي إنت على هارفورد ولا ستاندورد وأنا ادخل بصدري فيهم وأخد الدكتوراه في أسبوع ولا يهمني

--------------

ده كله ببركة دعواتي ليك وانت بتمتحن

و خصوصا امتحان الاحصا

مبارك يا حماده

الله يبارك فيك يا مزاهيري ... كان نفسي تبقى موجود في الرياض عشان نطلع نفحت سوا أبتهاجاً بتلك الحادثة السعيدة

ما تفكرنيش بالأحصا وبلاويها ..... هاحكي لك هنا بعدين حصل إيه

---------------

الف الف مبروك يا دوكتور ....

وحياتك الاقيش عندك وصفة لصدة النفس

إحم إحم ... إفتح بؤك وقول يا ليل

ما تاكلش سمك ولا بيض وأشوفك يوم الأثنين الجاي

---------------

الف مبروك وعقبال الدكتوراة

الله يبارك فيكي يا دكتورة إنجي

زميلك .. أ . د / سين سين ....

-----------------

لولولولولولىىى ألف مبروك

الله يبارك فيكي يا فريوز .... فين البسكلته اللي وعدتيني بيها لما أنجح ؟

------------

مبرررررررررررررررررووووووك

وعقبال متاخد الجنسية الهندية بعد التخرج ان شاء الله

طب ليه كده يا زميلة دكتور نونا ؟

هي دي أصول الزمالة الطبية إنك تدعي عليه أبقى أطشا هندي وأمشي أهز راسي في البطحا لحد ما تقع ؟

-------------

بقين حلوين اهوه .. فين بقى سندويتشات اللحمه والممبار والذي منه ؟

عنيا يا ضُحى .... قلب أبيض بتجهز الحلويات دلوقت وكله تمام

---------------

الف مبروك و عقبال الدكتوراة

الله يبارك فيكي يا أوزوريس .. وعاشت الشرقية حره مستقره

-----------------

الف مبروك يا سين سين

والله فرحنالك كتير

وقعبال السمستر الرابع كدة

وتعزمنا بقى على وليمة كبيرة من عند قلب ابيض

الله يبارك فيك يا حسام والبنابير جاهزه والأكل هايبقى للرُكب

[se_ Elsyed]

------------

الناس كلها بتقدر العلم والتعليم المستمر ماعدا في مصر طبعا

الله يبارك فيك يا كوتكوت ... بس بلاش تشاؤم يا عم بقى ... ولا تنسى إن العلم لا يُكيل إلا بالتنجان وكدهوت

-------------

الف مبرووووك يابوعمر

وعقبال ماتمها على خير

بقولك سمعت ان انتم اخر دفعه مع الجامعه دى وانهم هيمنعوها تكمل مش عارف صح ولا خطأ الكلام ده ؟

الله يبارك فيك يا دكتور

لأ مش صحيح .. شغالين وتمام التمام وكان زمانك معدي دلوقت لو جيت

-----------------

الف مبروك و عقبال التخرج

نفسي شوفك ضابط كده ملو هدومك ويبقى لنا ظهر نتسند عليه

أوعدك يا زعزع أبقى ظابط قد الدنيا وادافع عن تراب الوطن

-----------------

إذن ...

فليكن ..

وموعدنا مع هذا المشروب الأخضر

إنت تؤمر يابو أدهم يا غالي

[se_ Elsyed]

الف مبرووووووووووك استاذي سين غين فين

صباااااااااااحك فونداااااااام.....(ماليش ف الشربات الحقيقة)

بس إنتي جايبه صورة الملبس بتاع السبوع مش فندام ده

اعمل إيه انا ؟

---------------

كل سنة و انت طيب

يا عم الحاج

كل سنة وإنتي طيبه يا مصرية باشا