مع أو ضد دعم الجزائر في المونديال

[الحر الأشقر]

قبل شويه كنت في منتدى مصري و كان فيه مجموعة من الأعضاء عملين موضوع عن دعم الجزائر في المونديال و إنهم عرب و إخوتنا و لازم نوقف معاهم ... ووووووو إلخ .

و كان فيه مجموعة تانيه بتقول مستحيل نوقف معاهم و إن المصري اللي في عروقه مصريته و نيله مستحيل يوقف مع ناس ما احترموناش و اهانونا إهانات كتيرة .

أيه رأيكم أنتم مع أو ضد دعم المنتخب العربي الوحيد ؟؟؟؟

[التونسى]

عن نفسى استحاله اشجع اميركا او انجلترا فى مبارتهم مع الجزاير

[عماد حمدي]

ع فكرة الموضوع دا والله أعلم هيعمل فتنة تاني وهيقيد نار ما صدقنا انها همدت

بس بردة لازم أقول رآي .. ضد دعم الجزائر في المونديال أو في أي مجال تاني ..

عماد

[Aby]

ولو اني ماليش في الرياضة بس ح اشجعهم

انا واخويا على ابن عمي...وانا وابن عمي ع الغريب

يا جماعة مصارين البطن بتتخانق

والاخوات بيتعاركو في البيت وبتشعلل بينهم نار

لكن لما حد من الاخوات بيحتاج لدعم من اخواته بيقفو جمبه وبيساعدوه ولو فيه بينهم مصانع الحداد

أولا واخيرا احنا اخوة

وعفا الله عما سلف

التسامح......التسامح...التسامح

[okwaitme]

تخيلوا لو كل بلد شقيق يحصل منه موقف نقوم نقاطعه .......

الحصيلة ايه؟؟؟؟؟؟

[Diab]

ضد

[the consultant]

ضد جدا

[fatfouta]

ضد

ضد جدا

ضد جدا جدا

[jasmin hamed]

كان نفسى بس جلبى لسه جايد نار من ولاد الحج ابو اسماعين

خصوصا انهم لسه منفسنين من ناحيتنا

و لسه يومينا تقريبا الجرايد بتاعتهم بتكتب كلام وحش عننا

انا كان نفسى اقول اخواتنا و الكلام ده بس لو قلته هبقى منافقه

و بعدين ماشفتش من جهتهم حد بيهدى النفوس و يقول ذى مابنقول اجواتنا المصريين

و الى يبعنا ابيعه و نكسب فيه كمان

جاسمين قلبى اسود اخر حاجه

و التار هنخدوه هنخدوه و لو طال الزمن

[عاشق الترحال]

انا واخويا على ابن عمي...وانا وابن عمي عالغريب

غصب عني هاشجعهم

طباعنا كمصريين بتفرض علينا كده

[Mr MAGED]

ضد

ضد جدا

ضد جدا جدا

ضد جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا

وان شاء الله هيشيلوا تمانية من انجلترا

[ابو محمد بن مصطفي]

معاك معاك معاك يا الخضرا فـ كاس العالم

وان تو ثري فيفا لا جيري فـ كاس العالم

ناس لعبت ووصلت كاس العالم

احنا هرجنا وانتخنا خصوصا في ماتش زامبيا في القاهرة وهو ده الماتش اللي خرجنا من سباق كاس العالم

[tantrum]

التشجيع فى الكورة لفرقة بعينها ليس له معنى

وهو نوع غريب من التعصب

يقفد الإستمتاع بمشاهدة الكورة و يولد خلافات

و لكن فى أى مجال مهم

طبعا أشجع الجزائر

إخوانى فى الإسلام

لن يكتمل إيمانى حتى أحب لهم ما أحب لنفسى

[اغابي]

مش حاشجعهم - لو بيستحقو - فعلا كنا قمنا بالواجب معاهم وزيادة

واللى بيقول انهم ولاد العم ولما هما اولاد عمنا يا عاشق - ايه يخليهم يطلعو علينا بالسكاكين والسيوف

اللى بيقدم الخير بيلاقيه ..

اغابي

[سكر]

هشجع الجزائر فى بدايه البطوله وفى بدايه كل مباراة

بعد كدة لو لقتهم لعبوا حلو اكيد هشج كمان وكمان

لكن لو خرفوا ولعبوا بغباء يبقى خلاص بلاها حيرة انا عملت الى عليا وعايز اشوف واستمع بالكرة الحلوة

[MZohairy]

ضد

ضد جدا

ضد جدا جدا

ضد جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا

وان شاء الله هيشيلوا تمانية من انجلترا

ضد طبعا

خصوصا لو تشوفوا الجزائريين بيقولوا ايه على المصريين في كل منتدياتهم تقريبا

[سكر]

على الرغم من غباء الجزائر خاصه الحكومة والمسئولين

ولكن

التعميم خطأ قاتل

مفيش حكومة تمثل كل الشعب فى اى مكان

[MoHaMMeD EgYpT]

انا مع الجزائر , لانها للاسف البلد العربي الوحيد في المونديال

[الغريب]

بصرااحة أنا لا مع ولا ضد خلال الدور الأول وده الحال مع كل الدول الإسلامية والعربية والإفريقية

أنما لما فريق يصعد للدور الثاني ساعتها أستشعر الإنجاز وساعتها هقف جنب الجزائر ، إنما الدور الأول سامحوني أنا مع الكورة الحلوة

[pink rose]

لا مع و لا ضد

و دا من زمان جدا من قبل الهبل اللي حصل

انا ما باشجعش اي فريق عربي غير مصر و طبعا دا لحد الدور الاول لانها بالسلامة بتطلع

مش لاي سبب غير انهم هبل ما بيلعبوش كويس (اخرهم كورة شراب مقارنة بالعمالقة)

اللي بشجعهم فعلا البرازيل و ايطاليا و يوم ما بيكونوا في النهائي سوا ببقى زعلانة اوي

تم تعديل 16 مايو 2010 بواسطة remo