مع أو ضد دعم الجزائر في المونديال

[bigmind]

حاولت اقنع نفسى بانهم ...مسلمين....عرب.... وقفوا جنبنا فى 73 ....و..و...وو...ووو. بس مش قادر يلعن........................... واحد واحد

[engmido]

عموما شجعنا ما شجعناش

بنسبة كبيرة هيتغلبوا ويخرجوا

[stricker]

عموما شجعنا ما شجعناش

بنسبة كبيرة هيتغلبوا ويخرجوا

الله لا يقدر يا شيخ ،يارب يرفعوا روس كل العرب وياخدوا كاس العالم مش بعيده علي الله،ان شاء الله

تقصد هيرفعوا رأس فرنسا مش العرب

bonne nuit

تم تعديل 20 مايو 2010 بواسطة stricker

[om marawan]

خلينا نقول انه الفريف الجزائرى لكرة القدم مش الجزائر نفسها

الفريق ده بقا لا عاوزة اشجعه ولا عاوزة أشوف وشهم

دول لا رياضيين ولا مثال مشرف ولو كنت جزائرية ماكنتش شجعتهم برضه باخلاقهم وروحهم الغير رياضية

الله اعلم طبعا بقلوبهم لكن انا باتكلم على اللى شفته منهم من اسلوب تعامل وتطاول وخشونة فى اللعب وضعف مستوى

ده كفاية حارس المرمى بتاعهم لوحده اللى موقوف عن اللعب ماعرفش كام ماتش

ايه ده حاجة تكسف والله

فى الاخر كسبوا خسروا مش معناها انهم رياضيين محترمين

وكفاية عليهم الناس المريضة اللى بتشجعهم عند فى مصر مش اكتر زى مايكونوا فاكرينهم فريق كورة بصحيح !!!!

[جبار سينج]

لما الاول يبطلو الحقد والغل اللى جواهم انت بتقول ايه

لسه الجرائد بتاعتهم بتشتمنا وتقول نشجعهم

اكيد ضد

[jasmin hamed]

انا مابشجعهمش و لا هشجعهم

بس للاى عايز يشجعهم فى انهارده ماتش للجزائر مع ايرلندا ودى هيذاع على الجزيره الرياضيه و الاولى الجزائريه

على الله مايفضحوناش

[احمد ابوتريكة]

بلا إحتشام : انا... ا

الصحافة الجزائرية و المصرية تفرق بين القلوب

قاعدة الكرة: منافسي لا عدوى

[هشام عباس]

اكيد ضد جدا جدا جدا جدا جدا جدا جدا

[iloveegypt]

ممكن ككورة اكون مع او ضد لان ده لعب اما الجزائر بلدا وشعبا فهم اخوة عروبة ودين واخوة فى طرد المستعمرين سواء الفرنسى او الاسرائيلى

وعموما انا هاشجعهم برضه فى الكورة

[أبو عمر المصري]

بعض الكلمات وبعض الأحداث مازالت عالقه في ذهني زي مصرائيلي وزي موتوا يا مصريين وزي أحفاد الراقصات وزي وزي كتير

ومن المواقف التى بدأت من عندهم في الجزاير مع حسام حسن وانتهت بموقفهم في السودان والسكاكين واهانة علم مصر ورموز مصر وحسن شحاته وكلماتهم البذيئه عننا

ومع كل ده مافيش ولا بادرة اعتذار ولا خجل من أي مسؤل بداية من رئيس الدوله الى اقل واحد في الشعب الا من رحم ربي

يبقا ده شعب مافيش في قلبه غير كره للمصريين

ازاي أشجعه ؟؟؟؟

يبقا ضد طبعا عشان ماكونش منافق وباتألم وانا باقوال الكلمه دي

الناس مواقف

اشجع غانا وأشجع نيجريا واشجع الكاميرون لأنهم لما فزناهم لم يأخذوا الأمور معنا بشكل همجى بل بالعكس منهم جماهير بيحبوا مصر وبيشجعوا فريقها :happy:

[hanzalah]

أنا معاك يا استاذ ابو عمر المصري

بس لو حضرتك تتفق معايا ان صوابعم مش زي بعضيها

يعني مثلا عندك الاخ المصري ده

ماسك علم مصر وبيشجع سلوفينيا وفرحان ..

طبعاً هو مش واخد باله ان مشجي الجزائر كمان ينطبق عليهم مثل ان صوابعك مش زي بعضيها

يعني ..

في منهم من هيقبل تصرفه - الطايش - ده .. وفيه منهم من يرفضه

وانظر النتيجه !!

[hanzalah]

ياريت تاخد بالك

فنه في اسفل الصورة السابقة احمد مشجي الجزائر يلتحف علم بلاده !!

عادي

والآن

شوف ردة فعل المشجع ده

خد بالك

ده مجرد مثال

أرجو ملاحظة صاحب البرنيطة اللي عريان بدون قميص في اسفل الصورة

[hanzalah]

هنا

صاحبنا - الملط - اللي بدون قميص

كانت ردة فعله اكبر من سابقيه !!

انظر

عرفت بقى يافندم

ان صوابعك مش زي بعضها

!!

[ozoozo]

كرباج ورا ياروني

[matzakos]

إتعادلوا مع إنجلترا لأن الفريق الإنجليزي كان ضعيف جداً و ليس لأنهم كانوا الأفضل.

لن أشجع القذائر مهما كان.

[أبو عمر المصري]

استاذ حنظله

طبعا اتفق معاك ان صوابعك مش زي بعض دا اكيد يعني عايز تقول في منهم الكويس وفي منهم الوحش برضه اتفق معاك انا اعرف جزائريين كويسين على المستوى الأنساني اتعامل معاهم عادي معنديش عنصريه طالما هو كويس معايا

ولكن يتعدى الموضوع حدوده الرياضيه مثل ما فعلوه ف مصر واقحام السياسه مع الثقافه مع الرياضه مع شوية كره وحقد وغل دون اعتذار واحد ؟؟؟؟

واحنا اللى المفروض نعتذر ؟؟؟

دي مش قادر ابلعها

وعلى فكره الصور دي اللى حضرتك عرضتها هي مجرد صور مانعرفش الحوار كان ماشي ازاي والشتايم اللى اتقالت كانت ازاي بس بالوم على المصري اللى رافع علم مصر اللى مش مشاركه ف البطوله وده برضه استفزاز من المصري اكيد انا عن نفسي استنكره ودا بيحصل ف اي مباريات تنافسيه زي الأهلى والزمالك كده او الأهلى والأسماعيلي مثلا فيه احتكاكات بين جماهير الكره ده شئ طبيعي وعندهم كمان احتكاكات بين فرقهم الجزائريه .. عشان كده عايز اقول كل واحد يتحمل نتيجة افعاله من الجمهور

بسس

برضه

مش هاشجعهم :happy:

تم تعديل 21 يونيو 2010 بواسطة أبو عمر المصري

[شمس العروبة]

لو أنت مصرى لايمكن تشجع هذا الفريق

يعنى ايه أشجع فريق مفيش غير أربعة منه بيتكلموا عربى مكسر

يعنى ايه أشجع فريق بيقول علينا مصرائيلين فى منتدياتهم

يعنى ايه أشجع فريق الصور اللى فوق توضح كرههم لكل مصرى

يعنى ايه أشجع فريق بتعادل مع انجلترا افتكر أنه هيوصل للنهائى هههههههه

يعنى ايه أشجع فريق اتبلطج على المصريين العزل فى أم درمان

يعنى ايه أشجع فريق بيقول على البلطجة اللى حصلت دى موقعة أم درمان

يعنى ايه أشجع فريق نصفهم لابس حلق وداهن شعره دوكو أصفريكا هههههههه

يعنى ايه أشجع فريق بيتهم بلدى أنها مقدمتش أى حاجة لقضية فلسطين

يعنى ايه أشجع فريق بيشكك فى إنتصاراتنا فى حرب 73

يعنى ايه أشجع فريق بيفكر فى المصريين فى المونديال رغم أننا مش هناك!!!!

يعنى ايه أشجع فريق بيقول على بلدنا أننا سيبنا أم الدنيا فى البيت ورحنا نأخد حقها !!!

ويعنى ايه ويعنى ايه من هنا للصبح

يعنى من الأخر أخر فريق أفكر أنى أشجعه هيكون هو الفريق الجزائرى

وأنا بقول الفريق الجزائرى وليس الشعب الجزائرى عشان برضه فيهم ناس محترمة وأكيد صوابعك كلها مش زى بعض

لكن فى النهاية أنا ضد تشجيع هذا الفريق نهائياً

[النحلة زينة]

صحيح المونديال قرب يخلص

بس أنا أتمنيت لهم الخير وقتها

لأني شوفت ردود في بعض المنتديات الجزائرية

ردود كويسة و حسيت أنهم بيحبوا مصر

و في النهاية أحنا مسلمين