احساس اول عمليه جراحيه عملتها فى حياتى

[عنبو]

السلام عليكم ورحمة الله وبركاته

تحيه طيبه وبعد

احساس غريب قوى وانت داخل تعمل اول عمليه جراحيه فى حياتك وخصوصا لما تبقى واعى لكل شىء حواليك

انا من شهر كده قمت الصبح لقيت فى تورم فى عينى وبعدين اخدت بعضى ورحت على الدكتور قولت فرصه بقى

مافيش شغل انهارده واخدها حجه بس للاسف الدكتور قلى الموضوع بسيط قوى وينفع تروح الشغل عادى يعنى

اقعدت اقوله دانا معرفش بعمل وبسوى ومخاطر قلى عادى بسيطه قولت الراجل ده مستقصدنى ومش ناوى على اجازه

وانا نازل لقيت المدير بيتصل بيا بيقولى فينك قولته دانا معرفش واقعدت بقى اكبره فى الموضوع وقولت يمكن يقولى الف سلامه

ومتجيش انهارده لقيته بيقولى الف سلامه بس فيه اجتماع لازم تحضره تعالى بسرعه

قولت يلا مش مكتوب ليا اجازه فى البلد دى

على العموم كنت اتفقت مع الدكتور انى همشى على كمدات ميه سخنه واذا التورم مرحش يبقى لابد نتدخل جراحيا لازالة الكيس الدهنى

المتسبب فى التورم ده على العموم كل المحاولات كانت فاشله ومجبتش نتجيه او بمعنى اصح الكيس الدهنى حجمه صغر بالفعل بس مرحش يعنى

وتم بالفعل تحديد ميعاد العمليه وانا طبعا رحت الشغل اقعدت اقول للمدير انا بفكر انزل مصر اعملها فى مصر

او بفكر اسافر بره والراجل يضحك ويقولى انت بتهزر يا محمد دانا ممكن لو قلبك جامد شويه اشيله لك وخلاص

ومن هنا لهنا جه يوم العمليه

طيعا رحت الصبح المستشفى لقيتهم بيقولى لى اخلع هدومك انا سمعت الكلمه اقولت لا العمليه فى عينى

مال بقى الهدوم ومال العين قالوا لى علشان تلبس اللبس ده وتدخل غرفة العمليات

قولت ياجماعه الموضوع بسيط انتوا مكبرين الموضوع ليه

وبعد مشاورات لبست اللبس بتاع العمليه

وقولت امشى بقى لقيتهم بيقولى لا نام على الترولى

قولت لا قالوا نام نمت وانا نايم كده وهم ماشين بالترولى

طبعاً انا بجد حسيت انى داخل عمليه ونمت تحت البتاعه المدوره دى اللى فيها نور كتير

وجه الدكتور بجد انا حسيت نفس احساس العمليه الكبيره

لدرجة انى كنت عاوز اسيبهم وامشى من الجو اللى انا عشت فيه

والحمد لله تمام اجراء العمليه والخروج فى نفس اليوم

بس بجد الواحد تذكر الناس اللى بتبقى داخله تعمل عمليات كبيره بيكون ايه شعورهم الله يكون فى عونهم

والحمد لله على كل شىء

[pink rose]

الف الف سلامة عليك يا عنبو

بس ايه يا ابني فيلم الرعب اللي عملوهولك دا

انا عملت العملية دي قبل كده في مصر و كنت قاعدة على كرسي عادي جدا و طلعت في ساعتها روحت البيت

هو اصعب ما فيها و اللي كنت مرعوبة منه لما الدكتورة اديتني حقنه البنج في الجفن يا ربي على الالم و الرعب لحسن ابربش و يتكسر سن الحقنة و كانت هاتبقى كارثه حقيقية

بس الحمدلله وقفت وقفة رجالة و استحملت و ما بربشتش خالص

و الحمدلله عدت على خير

مرة تانية الف حمدالله على سلامتك

[بركة]

الحمد لله على سلامة حضرتك

وربنا ما يكتب عليك تاني حاجة ذي دي

ويشفي كل مريض آمين ..

معاك حق في كل اللي قلته ..ربنا يعين خلقه جميعا :lol:

[doha]

الف سلامة عليك ياحج عنبي ( ماتشوف شر )

فكرتني باول مرة ادخل فيها اوضة العمليات واشوف البتاعه الكبيرة الي كلها كشافات في السقف دي .. كنت هكتب لك ذكرياتي معاها بس حدث ماعكر صفو تفكيري اصل افتكرت عملية مبحبش افتكرها

الف لاباس عليك مرة تانيه

[fatfouta]

الف سلامة على عينك يا محمد

قولى دلوقتى نظرك كام؟؟؟

هو انت بتقاوح حتى فى لبس العمليات وانك هتنام ولا تدخل ماشى.....دايما مشاكس كده؟؟

هو فعلا اول مرة تدخل غرفة العمليات ده بيبقى صعب جدااا وخصوصا بقى لو دخلت شوفت العدة كلها والمقصات والذى منه والدكاترة وهما متعقمين

بتبقى حاجة رعب

تخيل انا الدكتور بتاع البنج بقى عملى رعب اكبر لانه قاللى........اتشهدى

قولت يبقى هو بقى فاهم وعارف حاجة انا مش عارفاها

وقومت اتشاهدت وخلاص عدت...

بس بجد بعد الشر عنك ويارب مانشوف فيك حاجة وحشة ولا عمليات تانى ابدااااااا :lol:

[عنبو]

remo مشاركة بتاريخ اليوم, 08:10 PM

الف الف سلامة عليك يا عنبو

بس ايه يا ابني فيلم الرعب اللي عملوهولك دا

انا عملت العملية دي قبل كده في مصر و كنت قاعدة على كرسي عادي جدا و طلعت في ساعتها روحت البيت

هو اصعب ما فيها و اللي كنت مرعوبة منه لما الدكتورة اديتني حقنه البنج في الجفن يا ربي على الالم و الرعب لحسن ابربش و يتكسر سن الحقنة و كانت هاتبقى كارثه حقيقية

بس الحمدلله وقفت وقفة رجالة و استحملت و ما بربشتش خالص

و الحمدلله عدت على خير

مرة تانية الف حمدالله على سلامتك

الله يسلمك ياريمو هو فعلا الدكتور قلى انه ممكن يعملها فى العياده بس تعليمات وزراة الصحه ممنوع عمل اى عمليه فى العياده لابد غرفة عليمات

بالنسبه قى لابرة البنج دى انا مش فكرت فيها خالص هو قلى مش هتحس الا بيها وبس وفعلا مش حسيت بحاجه خالص

بركة مشاركة بتاريخ اليوم, 08:10 PM

الحمد لله على سلامة حضرتك

وربنا ما يكتب عليك تاني حاجة ذي دي

ويشفي كل مريض آمين ..

معاك حق في كل اللي قلته ..ربنا يعين خلقه جميعا

الله يسلمك يا مدام بركه ويارب يشفى كل مرضى المسلمين

doha مشاركة بتاريخ اليوم, 08:14 PM

الف سلامة عليك ياحج عنبي ( ماتشوف شر )

فكرتني باول مرة ادخل فيها اوضة العمليات واشوف البتاعه الكبيرة الي كلها كشافات في السقف دي .. كنت هكتب لك ذكرياتي معاها بس حدث ماعكر صفو تفكيري اصل افتكرت عملية مبحبش افتكرها

الف لاباس عليك مرة تانيه

الله يسلمك يا دوك

fatfouta مشاركة بتاريخ اليوم, 08:22 PM

الف سلامة على عينك يا محمد

قولى دلوقتى نظرك كام؟؟؟

هو انت بتقاوح حتى فى لبس العمليات وانك هتنام ولا تدخل ماشى.....دايما مشاكس كده؟؟

هو فعلا اول مرة تدخل غرفة العمليات ده بيبقى صعب جدااا وخصوصا بقى لو دخلت شوفت العدة كلها والمقصات والذى منه والدكاترة وهما متعقمين

بتبقى حاجة رعب

تخيل انا الدكتور بتاع البنج بقى عملى رعب اكبر لانه قاللى........اتشهدى

قولت يبقى هو بقى فاهم وعارف حاجة انا مش عارفاها

وقومت اتشاهدت وخلاص عدت...

بس بجد بعد الشر عنك ويارب مانشوف فيك حاجة وحشة ولا عمليات تانى ابدااااااا

فتفوته

الله يسلمك يارب

انا لو منك كنت عملت فيها اخدت البنج يعنى واروح هب عامل ايدى على شكل بونيه " على راى لماضه " وفى اسنانه على طول

على العموم الف سلامه عليكى من الاحاسيس السلبيه

[ahmos1]

سلامتك يا عنبو الف سلامة دة انا ياراجل عامل عملية نقل قرنية دة انا بطل بأى الجمد للله

[hOuSsAm]

الف سلامة يا عنبو

متاسف جدا نسيتك النهاردة خالص وكان المفروض ابقى معاك

عالعموم هتصل بيك الصبح واتطمن عليك

بس يارب متردش عليا تقولى ده انا فى اجتماع :unsure:

[الباشمهندس ياسر]

حمدا لله ع السلامة

طهور ا ن شاء الله

[عبير يونس]

ألف سلامة يا عنبو باشا

ربنا يطمننا عنك يارب

و يكفيك شر المرض

وينعم عليك بالصحة و العافية

و متعك الله تعالى بسمعك و بصرك و قوتك ما أحياك

و جعلهم الوارث منك

آمين

تم تعديل 17 مايو 2010 بواسطة مصرية متغربة

[عاشق الترحال]

ألف حمد الله عالسلامه يا عم عنبو

لما أنت مزنوق في كام يوم أجازه مش تقولي كنت وصفتلك كام دكتور من اللي بيدوا أجازات لو عندك شوية صداع يا عم

شوفت بقى اللي بيربي شنبه بيحصل له أيه :blink:

ألا أخبار شنب معاليك أيه الوقتى ؟

:h!!!h:

[لماضة مصرية جدا]

السلام عليكم و رحمة الله و بركاته

ألف سلامة عليك يا رفيق عنبووووووووف

بص بقي....انت تاكل كويس...(و لو اني معرفشي ايه علاقتها بالعين بس ماما دايما بتقول كده....)

و تتفضل تقوم من قدام اللاب ده حالا....(بس طبعا بعد ما ترد ع المداخلة بتاعتي )

ربنا يطمنا عليك

ع جنب بقي يا اسطي

اول مرة اخدت فيها بنج كلي......ماما كانت قاعدة تعيط....و انا قعدت اضحكها و اقولها شوية نكت....

معرفشي ايه العته ده....بس حبيت اشجعها هي و انا من جوه كنت بايظ خااااااااالص.

و لاني وقتها كنت مش شريبة لا شاي و لا قهوة بوتاتا....

لسه الدااااكتور بيقولي شوفي يا ريهام....و انا خخخخخخخخ

المهم بقي.....الحمد لله خلصنا العميلة.....الدااااااكتور تقريبا عشان يفوقني....لقيته بيقرص في كف ايدي.....(طبعا انا موعاشي ....هما اللي قالولي.....وش عبعال)......قووم ايه....ارد عليه و اقوله

اللي هيضرب انا هضرب......انتو فاكرين انا لوحدي...... :h!!!h: (مش عارفة مثلا كنت مأجرة علي علوكة و اشرف كوخة معايا و لا ايه)

طبعا الداااااااااكتور اللي تجاوز السبعين ربيعا طلع و قال لبابا و ماما علي الموهبة الفذة اللي مخلفينها و هو ميت من الضوحك و من بعديها بقينا انا و هو اصحاب

يخربيت ام الرغي

سلاااااااااااااااااااااامتك يا عنبووووووووووووف

بس يا جدع لما تبقي رايح حوتة زي كده.......طبعا مش هنيجي معاك....بس عشان ندعيلك و كده يعني

طمنا عليك بقي

السيستر لماااااضة

فوتك بعافية

[لماضة مصرية جدا]

ألف حمد الله عالسلامه يا عم عنبو

لما أنت مزنوق في كام يوم أجازه مش تقولي كنت وصفتلك كام دكتور من اللي بيدوا أجازات لو عندك شوية صداع يا عم

شوفت بقى اللي بيربي شنبه بيحصل له أيه :blink:

ألا أخبار شنب معاليك أيه الوقتى ؟

:h!!!h:

اوسكت اوسكت......(وش واحدة ممثلة رغااااية اوي كانت بتيجي في افلام زمان بس مش فاركة اسمها)

مش مرة البت شيكوز...قفش عنبووووووف و هو كاتب.....انه حلق الشنب البريمة......

و يا ولدااااه من ساعة ما عمل العملة السودة دي.....

و هو وشه بقي معرض للاتربة و الغبار....

شفت آدي جزات اللي ميسمعشي كلمة ماما تقولها

لماضة....ذهب الليل

[myusername]

الف سلامة عليك يا حاج عنبو.. و الحمدلله انها جت بسيطة.

ما تشوف لك دكتور من اللى بيقول عليهم عاشق الترحال؟

[عنبو]

ahmos1 مشاركة بتاريخ أمس, 09:02 PM

سلامتك يا عنبو الف سلامة دة انا ياراجل عامل عملية نقل قرنية دة انا بطل بأى الجمد للله

الله يسلمك يا احمس باشا مهو انا بقى لما لقيت الدوشه اللى جواليى قولت اكيد فيه حاجه كبيره وهم مخبين عليا

HOSAM ABDELFATAH مشاركة بتاريخ اليوم, 03:13 AM

الف سلامة يا عنبو

متاسف جدا نسيتك النهاردة خالص وكان المفروض ابقى معاك

عالعموم هتصل بيك الصبح واتطمن عليك

بس يارب متردش عليا تقولى ده انا فى اجتماع

ياعم حسام هو انت فاضى لحد انت بس شاطر تتصل ب ............زه

صباحك عسل يا حسام باشا

الباشمهندس ياسر مشاركة بتاريخ اليوم, 05:50 AM

حمدا لله ع السلامة

طهور ا ن شاء الله

الله يسلمك يا ياسر

مصرية متغربة مشاركة بتاريخ اليوم, 07:44 AM

ألف سلامة يا عنبو باشا

ربنا يطمننا عنك يارب

و يكفيك شر المرض

وينعم عليك بالصحة و العافية

و متعك الله تعالى بسمعك و بصرك و قوتك ما أحياك

و جعلهم الوارث منك

آمين

الله يسلمك يارب وشكرا على الدعاء الجميل ده وليكى مثله

عاشق الترحال مشاركة بتاريخ اليوم, 08:26 AM

ألف حمد الله عالسلامه يا عم عنبو

لما أنت مزنوق في كام يوم أجازه مش تقولي كنت وصفتلك كام دكتور من اللي بيدوا أجازات لو عندك شوية صداع يا عم

شوفت بقى اللي بيربي شنبه بيحصل له أيه

ألا أخبار شنب معاليك أيه الوقتى ؟

الله يسلمك يا عم عاشق

دلنى بقى على الدكتور بتاع ابو صداع ده

بالنسبه بقى للشنب انا كنت فى يوم من الايام بعمل نيو لوك وفجأه لقيتنى مستغرب شكلى قوى بالشنب قوى قولت ياه مين ده

ورحت شايله على طول

لماضة مصرية جدا مشاركة بتاريخ اليوم, 08:44 AM

السلام عليكم و رحمة الله و بركاته

ألف سلامة عليك يا رفيق عنبووووووووف

بص بقي....انت تاكل كويس...(و لو اني معرفشي ايه علاقتها بالعين بس ماما دايما بتقول كده....)

و تتفضل تقوم من قدام اللاب ده حالا....(بس طبعا بعد ما ترد ع المداخلة بتاعتي )

ربنا يطمنا عليك

ع جنب بقي يا اسطي

اول مرة اخدت فيها بنج كلي......ماما كانت قاعدة تعيط....و انا قعدت اضحكها و اقولها شوية نكت....

معرفشي ايه العته ده....بس حبيت اشجعها هي و انا من جوه كنت بايظ خااااااااالص.

و لاني وقتها كنت مش شريبة لا شاي و لا قهوة بوتاتا....

لسه الدااااكتور بيقولي شوفي يا ريهام....و انا خخخخخخخخ

المهم بقي.....الحمد لله خلصنا العميلة.....الدااااااكتور تقريبا عشان يفوقني....لقيته بيقرص في كف ايدي.....(طبعا انا موعاشي ....هما اللي قالولي.....وش عبعال)......قووم ايه....ارد عليه و اقوله

اللي هيضرب انا هضرب......انتو فاكرين انا لوحدي...... (مش عارفة مثلا كنت مأجرة علي علوكة و اشرف كوخة معايا و لا ايه)

طبعا الداااااااااكتور اللي تجاوز السبعين ربيعا طلع و قال لبابا و ماما علي الموهبة الفذة اللي مخلفينها و هو ميت من الضوحك و من بعديها بقينا انا و هو اصحاب

يخربيت ام الرغي

سلاااااااااااااااااااااامتك يا عنبووووووووووووف

بس يا جدع لما تبقي رايح حوتة زي كده.......طبعا مش هنيجي معاك....بس عشان ندعيلك و كده يعني

طمنا عليك بقي

السيستر لماااااضة

فوتك بعافية

الله يسلمك يا ريهام

انا بالنسبه لموضوع الاكل انا قررت انى ابطل اكل لانى امبارح عرفت وزنى الحقيقى فزعلت قوى لازم اعمل كنترول والا هتبقى مشكله وربنا يخلى الدكتور حسام اللى فوق ده كل يوم جايب لى برنامج دايت ويقولى خلى يوم الجمعه اليوم المفتوح انا بقى كل يوم اقعد اقول انهارده ايه انهارده ايه وفى الاخر قول يبقى الجمعه يبقى اليوم المفتوح وبعد لما اخلص اكل ابص الاقى اليوم مش الجمعه اقول بكره وهكذا

بس ايه اللى حصلك فى البنج ده يعنى انا عمال اديكى دروس فى الكيف وانتى من اول حقنه تروحى كده

لماضة مصرية جدا مشاركة بتاريخ اليوم, 08:48 AM

اوسكت اوسكت......(وش واحدة ممثلة رغااااية اوي كانت بتيجي في افلام زمان بس مش فاركة اسمها)

مش مرة البت شيكوز...قفش عنبووووووف و هو كاتب.....انه حلق الشنب البريمة......

و يا ولدااااه من ساعة ما عمل العملة السودة دي.....

و هو وشه بقي معرض للاتربة و الغبار....

شفت آدي جزات اللي ميسمعشي كلمة ماما تقولها

لماضة....ذهب الليل

لا هو تأثير الشنب مكنش على الوجه ولكن كان على الاتزان يعنى انا حسيتى انى بقيت بميل لورا يعنى

علشان كده بفكر البس كرافت علشان ترجع الاتزان تانى

[اغابي]

الف سلامة عليك يا عنبو

وحظك كويس انك فى السعودية لانك لو فى الكويت - الله واعلم العواقب حتكون شكلها ايه

بصراحة الكويت مفهاش اطباء اصلا - اغلبهم بشهادات مزورة وكل شوية بعد ما الدكتور يعمل 50 عملية فاشلة يبحثو بدقة عن شاهداته للاسف تطلع مزورة

زى ما اكتشفه طبيب سورى يمارس المهنة منذ 7 سنوات بشهادة مزورة .

الموضوع بقى خطير جدا هنا فى الكويت وبيتكرر كتير وكل يوم الصحف تنشر خطأ طبى فادح لمريص - يعنى اخر خبر ان مريض بالزايدة الدودية شخصهاله الدكتور على انها مرض سرطان وحوله لجسات كهربائية وكيماوى - حاجات تخض لولا ان المريض هو بنفسه اكتشف انها زايدة وكانت قصة كبيرة على صفحات الصحف .

وفى كتير تشخيصات غلط - لكن اسمع ان السعودية فيها مستوى الاطباء والامكانيات فوق الممتاز - ربنا معاكم .

عموما - الف سلامة عليك

وانشالله تبقى اخر مرة تدخل فيها المستشفي والعمليات

اغابي

[mama nona]

كل البشاعة دى حصلت وياك ... ويا حرام علشان تشيل كيس دهنى

طب ازاى ؟؟؟

مش كنت تقولى علشان امنع المهزلة دى ؟؟

لبس ايه وترولى ايه وكشافات ايه ؟؟

يا راجل ..انا لو كنت شفتك كنت هقولك روح العب بعيد يا شاطر

دورلك على نبلة .. وحد يرزعك طوبة من بعيد بالنبلة

تقوم الطوبة تصد فيه وخلصنا ... من غير بيت الرعب ال عيشتنا فيه ده..

طيب تصدق بايه ؟؟؟

انى بقيت اقرا كده بتمعن وحاسة فالاخر انه بجد كان فيه عملية ...

ولكن اكتشفت انها خودعة (على راى اختنا لماضه )

عالعموم الف سلامة عليك

وقدر ولطف ..

نيجى بقى للجد

انا طبعا عمرى ما حسيت الاحساس ده ولا هحسه ان شاء الله لانى بقى عندى تبلد فالمشاعر لدرجة تحت الصفر

فيوم تانى بقى احكيلك يوم من مغامرات غرف العمليات دى

ولنا لقاء ان شاء الله

والف سلامة عليك

[عاشق الترحال]

بصراحة الكويت مفهاش اطباء اصلا - اغلبهم بشهادات مزورة وكل شوية بعد ما الدكتور يعمل 50 عملية فاشلة يبحثو بدقة عن شاهداته للاسف تطلع مزورة

زى ما اكتشفه طبيب سورى يمارس المهنة منذ 7 سنوات بشهادة مزورة .

اغابي

يا أغابي العلم في الراس مش في الكراس ( بلد بتاعة شهادات صحيح ) :lol:

الراجل واخدها ممارسه ومفيش احسن من التطبيق العملي أما النظري ده فكله كلام في الهوا . :blink:

بس اللي عاوز أعرفه هو إتعلم الفتح والقفل إزاي بتاع العمليات ولا هو بيسيب الكلام ده للمعاونين وبيدخل عالتقيل على طول :lol:

بلاش الحقد ده يا أغابي وسيبي الناس تاخد فرصتها :lol:

:wub:

[مغتربة]

الف حمد لله على السلامه استاذ محمد

ان شاء الله فى ميزان حسناتك

[عنبو]

myusername مشاركة بتاريخ أمس, 09:54 AM

الف سلامة عليك يا حاج عنبو.. و الحمدلله انها جت بسيطة.

ما تشوف لك دكتور من اللى بيقول عليهم عاشق الترحال؟

الله يسلمك يا يوزر انا هشوف الدكتور بتاع خمسه اجازه ده وربنا يسهل

اغابي مشاركة بتاريخ أمس, 11:12 AM

الف سلامة عليك يا عنبو

وحظك كويس انك فى السعودية لانك لو فى الكويت - الله واعلم العواقب حتكون شكلها ايه

بصراحة الكويت مفهاش اطباء اصلا - اغلبهم بشهادات مزورة وكل شوية بعد ما الدكتور يعمل 50 عملية فاشلة يبحثو بدقة عن شاهداته للاسف تطلع مزورة

زى ما اكتشفه طبيب سورى يمارس المهنة منذ 7 سنوات بشهادة مزورة .

الموضوع بقى خطير جدا هنا فى الكويت وبيتكرر كتير وكل يوم الصحف تنشر خطأ طبى فادح لمريص - يعنى اخر خبر ان مريض بالزايدة الدودية شخصهاله الدكتور على انها مرض سرطان وحوله لجسات كهربائية وكيماوى - حاجات تخض لولا ان المريض هو بنفسه اكتشف انها زايدة وكانت قصة كبيرة على صفحات الصحف .

وفى كتير تشخيصات غلط - لكن اسمع ان السعودية فيها مستوى الاطباء والامكانيات فوق الممتاز - ربنا معاكم .

عموما - الف سلامة عليك

وانشالله تبقى اخر مرة تدخل فيها المستشفي والعمليات

اغابي

الله يسلمك يا اغابى

بصى انا فى موضوع الطب لازم أسأل الاول على الطبيب مصرى ام لا ده اول حاجه

والحاجه التانيه بروح الاول اكشف بدون لما اخاد اى حاجه واقعد أسأل الدكتور شويه لانى ولله الحمد عندى خلفيه طبيه لا بأس بيها

فلو لقيته تمام بكمل معاه ولو مش لقيته اى كلام بشوف غيره وهكذا

mama nona مشاركة بتاريخ أمس, 11:30 AM

كل البشاعة دى حصلت وياك ... ويا حرام علشان تشيل كيس دهنى

طب ازاى ؟؟؟

مش كنت تقولى علشان امنع المهزلة دى ؟؟

لبس ايه وترولى ايه وكشافات ايه ؟؟

يا راجل ..انا لو كنت شفتك كنت هقولك روح العب بعيد يا شاطر

دورلك على نبلة .. وحد يرزعك طوبة من بعيد بالنبلة

تقوم الطوبة تصد فيه وخلصنا ... من غير بيت الرعب ال عيشتنا فيه ده..

طيب تصدق بايه ؟؟؟

انى بقيت اقرا كده بتمعن وحاسة فالاخر انه بجد كان فيه عملية ...

ولكن اكتشفت انها خودعة (على راى اختنا لماضه )

عالعموم الف سلامة عليك

وقدر ولطف ..

نيجى بقى للجد

انا طبعا عمرى ما حسيت الاحساس ده ولا هحسه ان شاء الله لانى بقى عندى تبلد فالمشاعر لدرجة تحت الصفر

فيوم تانى بقى احكيلك يوم من مغامرات غرف العمليات دى

ولنا لقاء ان شاء الله

والف سلامة عليك

ازيك يا دوك جده نورت يا فندم

هو انا قولت للدكتور انه ممكن يعملها فى العياده بس طبعاً قالى وزراة الصحه ومعرفش ايه والى جانب كمان انه فى العمليات هيبقى فيها فلوس كتير قووى غرفه بسرير وحجرة عمليات ومعرفش ايه

هو فعلاً الاطباء بيكون ليهم تارجت معين لازم يحققوا ولا الكلام اشاعه ؟

مغتربة مشاركة بتاريخ أمس, 02:15 PM

الف حمد لله على السلامه استاذ محمد

ان شاء الله فى ميزان حسناتك

الله يسلمك يا مدام مغتربه