كفاية اية قول ؟؟

[kfaya]

أخويا لينكس سألنى امبارح عن علاقة اسمى بالنداء الكروى الشهير " كفاية حرام " ......

طبعا زكاء لينكس لا يخفى على أحد لأن هذا النداء فعلا اوحى لى بهذا الاسم ... و فكرت ان كمان و كفاية كلمتان متلازمتان و لهما نفس الاهمية مثلا كمان شفافية و مصارحة اصلاح سياسى كمان بحث علمى و اعلام ناضج واعى كمان فلوس كمان وظائف الخ الخ ..... و كفاية مثلا نفاق و مداهنة و كذب و رياق ....... كفاية سفر و غربة كفاية تعليم متدنى كفاية اعلام روبى وعجرم ...... كفاية حاجات كتير نتمنى أن تختفى من حياتنا .....

نفسك اية فى حياتك سواء على المستوى الشخصى أو على المستوى العام و تقولة .... كفاية ؟؟؟؟؟

[se_ Elsyed]

عايز أقول لمارينجوس الأول كفايه بقى وفارقنا وإذا كان يا عم على الهبر اللي هبرته إنت وعيالك فممكن تروحوا تعيشوا في سويسر حيث جبال الألب والشوكولا وساعات راما السويسرية .. وماتخافش هناك ما حدش هايقدر يجيبكم ولا حتى ظباط قسم الوايلي .

[linux]

شكرا للأخ كفاية (الشهير بحرام) على فتح هذا الموضوع ...

- سمير رجب:

كفاية و حرام اللى بتعمله ده. جبتلى كساح و أكلان و شيلتني الهم بدري.

- صفوت الشريف:

كفاية و حرام الطريق الفاسد ده. أتقي الله.

- يوسف والي:

مش كفاية كده و لا ايه؟

- فاروق حسني:

كفاية و حرام الشخبطة الانفصالية التشكيلية و خاصة لوحة منظار الكبد الشهيره.

- الفضائيات العربية (منوعات):

كفاية تقليد أعمى و حرام عليكم اللى بتعملوه فى شبابنا.

- الجزيرة و العربية:

كفاية و حرام اللى بتعملوه فى قنوات الأخبار الأمريكية ... فضحتوهم و حطيتوهم في مواقف بايييييييخه.

- شباب مصر (و المسلمين):

كفاية شيشه و لا مبالاه، أحنا "فعلا" فى خطر!

- جمهور الجزائر بتاع الكورة:

كفاية كره للمصريين ... هو أحنا أيه؟ مرات أبوكم؟

- أحمد حسن، و بقية الفريق أياه:

كفاية كورة بقا، أيه رأيكم؟؟ أحمد، تأخد كام و تطلق؟!

- صباح:

كفاية الشحرورة ... نقول مشدودة أحسن!

- عمرو موسي:

كفاية كلام عل الفاضي، زهقنا خلاص.

- محمد البرادعي:

كفاية ذر الرماد فى العيون ... أحنا عارفين مين اللي بيحرك المسائل. أستقيل بشرف (فاكر بطرس غالي و لا أفكرك؟)

- شعنونة:

كفاية بيات صيفي، البطيخ خلاص طلع!

- الفلسطنين:

كفاية الحلم بالأعتماد علينا، أحنا لا أمل فينا فى الوضع الراهن، ربنا و دعواتنا معاكم.

- مذيعي و مذيعات التليفزيون المصري:

كفاية و حرام عليكم ... الناس برة فاكرين أن كل الشعب المصري كده!

- مخرجي و مصوري ماتشات الكورة فى التلفيزيون المصري:

كفاية و حرام ... جيبتولي الضغط يابوعدا!!

- الخنازير:

كفاية أكل و نجاسة ... قربتم تشبهوا شارون النجس!

- أمريكا و الغرب:

كفاية نفاق و أذواجية المعايير، الله أكبر فوق الجميع.

- لينكس:

كفاية كتابة أيدي وجعتني و أنت قربت تدخل في حتت غويطة و أنت لسة طالع من القسم، لم الدور و روح ربى عيالك ... أسعي، أسعي، أسعي، أسعي، ... خدلك صورة ستة ف تسعة!

تم تعديل 30 أبريل 2004 بواسطة linux

[kfaya]

كفاية عبط فى تصوير و اخراج الماتشات ......

فى الحقيقة لينكس فكرنى دلوئتى بموضوع قمة فى الاستفزاز .....

معقولة مخرج ماتش كرة يد ينقل من كاميرا محمولة على الكتف و من خلف الاجوان !!!!!

قمة العبط على التخلف على السخافة على السماجة .. جهل تقنى مالوش مثيل .... يعنى الراجل دة عمرة ما لعب كرة يد .. دة أكيد ... عمرة م أتفرج على ماتشات ؟؟ .... يا جماعة هيا مش كيميا لازم حركة الكاميرا تكون فى أضيق حدود و على قدر المستطاع تكشف اكبر مساحة من الملعب .... الراجل دة كان بيعمل كلوزات و الكورة ماشية .... وكان بيجيب الملعب من ورا شبكة الجون برضك و الكورة ماشية .....

كفاية بقى افتراض ان محدش فاهم حاجة ... وان اللى فاهم مش هيلائى حد يسمعة..

يومها كنت حاموت من الغيظ و مش عارف أعمل اية ؟؟؟ اكلم بوليس النجدة مثلا .... ما هى حاجة تفرس .....

الحمد للة .... انا أستريحت بعد ما لا قلت و فشيت

[kfaya]

يا زعماء العرب أستحلفكم باللة ...... كفاية

كفى شقاق و خلاف افلا تبصرون .......

العدو داخل الدار و ليس خارج الاسوار ألا تخشون ..........

انها واللة الفرصة الاخيرة و وعيونكم بعدها بالدم ستبكون ....

ألامريكى ما فية خير ....... بل لخيراتنا يسعون ....

سنرى على أيديهم ذل وهوان و سيضعوا على رؤوسنا القرون .....

أفيقوا من الكرى العهر قادم معهم أعن نساءكم لا تدافعون .....

الحرة و الاكاديمى أفيونهم ... أفنحن لة شاربون ......

ان لم تصدقوا فالقرية كلها على أعراضنا يشاهدون .....

خذوا العبرة من ابو الغريب فالقادم لن يكون فى السجون .....