إيه اللي حصل لقناة المحور .

[se_ Elsyed]

بعد ما كنا نلتمس العذر لقنوات مثل روتانا ونغم ومزيكا والحاجات الهايفة دي في إنهم بيقلبوا عيشهم من شغلانة الرسائل القصيرة التى تظهر في شريط أسفل الشاشة ويتم تبادل ألفاظ وعبارات خارجة عن الأدب بين الشباب المراهقين وقولنا إن فئة معينة هي اللي غاوية تتفرج على الفيديو بن كليب والأغاني التي يعاقب عليها القانون هي التي تشاهد مثل هذه القنوات .

ها هي قناة المحورتتزنق في قرشين تروح عاملة الخدمة دي منذ بضعة أيام بنفس الفكرة ولكن شريط الرسائل المرة دي واكل نص الشاشة بشكل قبيح وقولت أقرأ وأشوف إيه اللي بيحصل .. برضوا لقيت كلام أخر قلة أدب وناس عماله تحب في بعض وأشياء أقرب لقذف المحصنات والتشهير بأسماء ناس وفلان بيحب فلانة وفلانة بتمسي على فلان .. وفلان + فلانة = ثاني أكسيد المنجنيز .... وكلام مراهقين مالوش معنى .. فببساطة قلت بجملة القنوات الملغية وروحت شايلها من القائمة ....

يا خسارة الإعلام والمسئولين عن الإعلام والناس اللي فاهمه الحرية على أنها إباحية .

[حشيش]

لو أن سفوت رجلاً لقتلته (من أقوالى المأثورة)

art:) art:) bk:

[Cleo]

لو أن سفوت رجلاً

art:)  art:)  bk:

non:: non:: non::

[linux]

ممكن يا جماعة حد يلقي بالضوء على القنوات المذكورة فى هذا الموضوع؟

في أمريكا الشمالية معظم شركات الساتاليتس لا تنقل تلك المحطات.

و شكرا مقدما.

[abofasad]

فعلا البرنامج بيفتح اسرع من السابق

حجم الخط يسمح بسهولة القراءة (ومن غير نظارة)

الله ينور عليكم

[Sherief AbdelWahab]

قناة المحور من زمان وهية مش مزنوقة في فلوس..شوف برنامج كرم جبر وانت ح تكتشف إنها مزنوقة في ..قناة!

خلص الكلام

[MKG]

سيدى الفاضل

قناة المحور صراحة لا محل لها من الإعراب

و لا تحظى ببرنامج واحد من وجهة نظرى على الاقل إلا و له نظير اقوى و ارقى عشر مرات فى اى قناة اخرى

اخى لينكس

القنوات المذكورة فى البداية واضح انها قنوات متخصصة فى الهلس(الاغانى)

و المحور قناة على ما اعتقد شراكة ما بين القطاع الخاص بقيادة حسن راتب تقريباَ و القطاع العام و هى على العموم ليست بالنجاح الذى يجعلك تسمع عنها و إن كان و الله اعلم بحكم الجزىء الحكومى تستضيف احياناَ وزراء او رئيس الوزراء

تم تعديل 19 مايو 2004 بواسطة MKG

[Sherief AbdelWahab]

سأتقمص دور شيرين و هي تغني: متمحورنيش اكتر من كدة..حرااااام! :unsure:

ما تقدمه المحور خليط غريب جدا بين التدين الذي يصل إلى حد الصوفية المتشددة في برنامج مجدي إمام ، إلى الهبل و السطحية في برامج الريجيم و الأحلام ، إلى برامج المنوعات التي لا محل لها من الإعراب ، إلى البرامج السياسية التي يقدمها عاهات من أمثال كرم جبر و سوزان حرفي ..القناة دي مصابة بفيروس ماسبيرو اللي ألعن من السارز!

خلص الكلام