اتحجبتى ازاى و امتى

[مغتربة]

فى موضوع بوسى بتاع الحجاب

شيكو اقترحت فكره حلوه انا كنت فكرت فيها قبل كده

و هى اننا كل واحده فينا تحكى قصه حياتها يوووووه قصدى حجابها ;) ;) :wub:

و اقترت اننا نعمله فى موضوع مستقل

و بما ان محدش اتشجع يفتحه

قلت مبدهاش بقى

افتحه انا بقى

و على هذا

قررننا الاتى

احم احم

على كل واحده تدخل الموضوع انها تحكيلنا القصه الى ورا حجابها و اتحجبت فى سن كام تقريبا و ايه الى خلاها تتحجب و شكل حجابها دلوقتى ايه ( يعنى نقاب و لا اسدال و لا جينز و حركات و لا ايه )

و اهم فى الموضوع لو بنتها او اختها او صحبتها او اى حد ليها فى سن الحجاب ازاى تحببها انها تتحجب

انا متاكده ان القصص الى هنكتبها هنا اكيد هتفيد و تساعد بنويت كتير

منتظراكم يا قمرات نون النسوه

:blink:

:lol: :lol: :lol:

[good heart]

موضوع جميل يا مغتريه وحلو اوي انك تفتحيه بصي يا ستي انا اتحجبت وانا عندي11 سنه يعني وانا في خمسه ابتدائي من بدري بس كنت مبسوطه بيه وانا الي طلبت وهما فالبيت شجعوني كمان

المهم انا دلوقتي حجاب عادي يعني في بنطلون وكده بس عليه حاجات طويله طبعا ورغم اني عرفه ان ده مش الصح بس حاليا مش قادره البس الحجاب الشرعي بس هموت والبسه بجد دعواتكو معايا لان بجد كرهت

اللبس العادي المهم انا من كتر كلامي علي الحجاب بنت خالتي فثانوي اتحجبت قبل المقرر ليها يعني وكمان جرتنا الصغيره الي فاعدادي الحمد لله يعني كنت احد الاسباب المهم بقي انا محتاجه دعواتكو عشان ربنا

يعني علي التغير الي نفسي فيه

وشكرا علي الموضوع مره تانيه

good heart :wub:

[pocy]

موضوع ممتاز يا مغتربه

راجعالكم بعد ما اعمل البيتزا ان شاء الله وانتظروا قصه كفاحى مع الحجاب

[shiko]

تحفة ....

عزتى فى حجابى ....

بجد موضوع تحفة يا مغتربة ....

كثيرا ما يشدنى قصص الحجاب ...فطالما تحوى الكثير من المعانى بالنسبة لنا ..

...هاستنى اسمع قصص حجابهن عاملة ازاى ....

مستنية ...اسمع اسرار انوار حجابكن يا نون

[جنه]

السلام عليكم... اصبحت مكلفه بارتداء الحجاب و عمري 14 سنه قبل اجازة اخر السنه .. سافرنا تركيا صيفنا و بعد ما رجعنا ارتديت الحجاب .. بابايا مكنش موافق خالص في الاول و قعد يقول لى انت لسه صغيره لكن لما لقانى مقتنعه ومتمسكه برغبتى وافق بس على مضض... كنت بلبس حجاب على بنطلونات جينز طبعا مش سكيني زي بتاعة اليومين دول و بلوزات طويله شويه ... عدت الايام و جه ميعاد نزولي مصر عشان ادرس في الجامعه هناك ... كان عندي 18 سنه لما قلت لممتى و بابايا انا عايزه البس النقاب!!... طبعا بابا قال لى نقاب لا يعني لا لانك لسه صغيره و لما تتجوزي لو كان زوجك موافق انا ما عنديش مانع.. قلت له طب ممكن البس خمار ؟ ... بعد مناقشات و محاولات لاقناعه وافق و سافرت مصر... طبعا الكليه (آداب) كانت مليانه منتقبات و مختمرات لكن القسم اللى انا كنت فيه ( لغه انجليزيه) كان فيه عدد قليل جدا من اللى لابسين خمار ... عشان كده كان لازم اهتم جدا ان مظهرى يكون كويس عشان ما حدش ينفر من اللبس ده (بمعنى ان الخمار لازم يتغسل ويتكوى يوميا.. لان اللى لبست خمار قبل كده تعرف كويس ان الخمار بيتوسخ ويتكرمش من لابسه واحده بس) ... وبعد سنتين لما زوجي اتقدملى سالته اذا كان عنده مانع انى ارتدي النقاب في يوم من الايام فكانت اجابته انه بالعكس بيحب النقاب و ليس لديه اى مانع ... بعد سنتين من زواجي و انا عمري 22 سنه انعم الله على بارتداء النقاب و ده كان قبل امتحانات اخر السنه باسبوعين .. زوجي قال لى استنى بعد الامتحانات عشان ما حدش يضايقك في الكليه ( و لكن لان الايمان بيزيد و ينقص خفت ارجع في كلامى) فتوكلت على الله و لبسته وطبعا كنت مستعده للمضايقات فى الكليه و لكن ولله الحمد مكنش فيه اى مشاكل .. هي دي كانت قصتى مع الحجاب ... اسال الله لى ولكن الثبات ;) :wub:

[لونا]

ما شاء الله عليكم اللي اتحجبت 11 سنة و اللي اتحجبت 14 سنة

أنا اتأخرت شوية للأسف

فكرت في الحجاب كتير و أنا عمري 15 سنة

كالعادة وقتها .. لم أجد تشجيع

و وقتها كمان واحدة صاحبتي إتحجبت و شعرت بالندم

و ده خوفني إني أتحجب و أرجع أتضايق و أفك الحجاب

طبعاً مع العلم إني كنت عارفة إنه فرض لازم ..

و ما كانش بيعجبني البنات اللي تقول لازم أقتنع الأول لأن الحجاب ليس فيه إقتناع

بداية أولى كلية كان داخل رمضان

و واحد قريبتنا قالت أنا حاتحجب في رمضان عشان صيامي يتقبل .. و أفك الحجاب على العيد

أنا بأه مش باحب الحكاية دي أبداً .. يا حجاب يا إما لا

باحس إنه نفاق..

و لقيت نفسي باقول لها الكلمتين دول

و فكرت في نفسي لقيت إني باناقض نفسي

إزاي أنصح واحدة بشيء أنا مقتنعة بيه و عارفة إنه صح .. و ما أعملوش

و الحمد لله .. اشتريت إيشاربين -كانت لسه الطرح ما طلعتش - بدون علم أسرتي و طبعاً وجدوا إني مصرة على الحجاب

و فاجأت صديقاتي الصبح بأني اتحجبت

و كان أيامها الحجاب مش منتشر زي دلوقت.. يعني كنت من القليلات المحجبات من أهل المدينة وسط دفعتي..

وقتها كان كل بنات الريف محجبات .. و عددقليل من بنات الدفعة من أهل المدينة يعد على أصابع اليدين محجبات

كان اللبس وقتها في الغالب واسع ولكن قصير قليلاً

و بدأت ألتزم مع الوقت بالحجاب الشرعي

دلوقت أفضل لبس العبايات.. لبسها شيك و حشمة

أوالتونيك الطويل تحت الركبة مع بنطلون .. لبس حشمة و عملي

و الطرحة تغطي منطقة الجيب

{وَلْيَضْرِبْنَ بِخُمُرِهِنَّ على جُيُوبِهِنَّ}

و دلوقت باستغفر ربي عن كل يوم قضيته بدون حجاب ..بعد وجوبه عليّه

تحياتي :wub:

[مغتربة]

موضوع جميل يا مغتريه وحلو اوي انك تفتحيه بصي يا ستي انا اتحجبت وانا عندي11 سنه يعني وانا في خمسه ابتدائي من بدري wst:: بس كنت مبسوطه بيه وانا الي طلبت وهما فالبيت شجعوني كمان

المهم انا دلوقتي حجاب عادي يعني في بنطلون وكده بس عليه حاجات طويله طبعا ورغم اني عرفه ان ده مش الصح بس حاليا مش قادره البس الحجاب الشرعي بس هموت والبسه بجد دعواتكو معايا لان بجد كرهت

اللبس العادي المهم انا من كتر كلامي علي الحجاب بنت خالتي فثانوي اتحجبت قبل المقرر ليها يعني وكمان جرتنا الصغيره الي فاعدادي الحمد لله يعني كنت احد الاسباب المهم بقي انا محتاجه دعواتكو عشان ربنا

يعني علي التغير الي نفسي فيه

وشكرا علي الموضوع مره تانيه

good heart wst::

ربنا معاكى يا جود هارت و يوفقك للخطوه الى انتى عيزاها

و ما دام الرغبه متوفره عندك ان شاء الله ستاتى اجلا او عاجلا

تحياتى

[مغتربة]

موضوع ممتاز يا مغتربه

راجعالكم بعد ما اعمل البيتزا ان شاء الله وانتظروا قصه كفاحى مع الحجاب

يا سلام على ريحه البيتزا الى مليا الموضوع

الف هنا عليكى و على كل الى هياكل منها

منتظرين قصه كفاحك يا قمر

[مغتربة]

تحفة ....

عزتى فى حجابى ....

بجد موضوع تحفة يا مغتربة ....

كثيرا ما يشدنى قصص الحجاب ...فطالما تحوى الكثير من المعانى بالنسبة لنا ..

...هاستنى اسمع قصص حجابهن عاملة ازاى ....

مستنية ...اسمع اسرار انوار حجابكن يا نون

ما هو موضوعك برضه حبيبتى

بس فين القصه بتاعتك يا جميل

الموضوع دا احنا كلنا هنتشارك فيه

عارفه عارفه

هتقولى فين قصتك انتى

بس انا مستنيه الاول هسمع منكم و بعدين انزل انا بالاكشن فى الاخر

[مغتربة]

السلام عليكم... اصبحت مكلفه بارتداء الحجاب و عمري 14 سنه قبل اجازة اخر السنه .. سافرنا تركيا صيفنا و بعد ما رجعنا ارتديت الحجاب .. بابايا مكنش موافق خالص في الاول و قعد يقول لى انت لسه صغيره لكن لما لقانى مقتنعه ومتمسكه برغبتى وافق بس على مضض... كنت بلبس حجاب على بنطلونات جينز طبعا مش سكيني زي بتاعة اليومين دول و بلوزات طويله شويه ... عدت الايام و جه ميعاد نزولي مصر عشان ادرس في الجامعه هناك ... كان عندي 18 سنه لما قلت لممتى و بابايا انا عايزه البس النقاب!!... طبعا بابا قال لى نقاب لا يعني لا لانك لسه صغيره و لما تتجوزي لو كان زوجك موافق انا ما عنديش مانع.. قلت له طب ممكن البس خمار ؟ ... بعد مناقشات و محاولات لاقناعه وافق و سافرت مصر... طبعا الكليه (آداب) كانت مليانه منتقبات و مختمرات لكن القسم اللى انا كنت فيه ( لغه انجليزيه) كان فيه عدد قليل جدا من اللى لابسين خمار ... عشان كده كان لازم اهتم جدا ان مظهرى يكون كويس عشان ما حدش ينفر من اللبس ده (بمعنى ان الخمار لازم يتغسل ويتكوى يوميا.. لان اللى لبست خمار قبل كده تعرف كويس ان الخمار بيتوسخ ويتكرمش من لابسه واحده بس) ... وبعد سنتين لما زوجي اتقدملى سالته اذا كان عنده مانع انى ارتدي النقاب في يوم من الايام فكانت اجابته انه بالعكس بيحب النقاب و ليس لديه اى مانع ... بعد سنتين من زواجي و انا عمري 22 سنه انعم الله على بارتداء النقاب و ده كان قبل امتحانات اخر السنه باسبوعين .. زوجي قال لى استنى بعد الامتحانات عشان ما حدش يضايقك في الكليه ( و لكن لان الايمان بيزيد و ينقص خفت ارجع في كلامى) فتوكلت على الله و لبسته وطبعا كنت مستعده للمضايقات فى الكليه و لكن ولله الحمد مكنش فيه اى مشاكل .. هي دي كانت قصتى مع الحجاب ... اسال الله لى ولكن الثبات wst:: wst::

قصتك جميله قوى يا جنه

و اجمل ما فيها انك كنتى محدده خطواتها فى دماغك و مصممه على تنفيذها

ربنا يبارك لك

تحياتى

[مغتربة]

ما شاء الله عليكم اللي اتحجبت 11 سنة و اللي اتحجبت 14 سنة

أنا اتأخرت شوية للأسف

فكرت في الحجاب كتير و أنا عمري 15 سنة

كالعادة وقتها .. لم أجد تشجيع

و وقتها كمان واحدة صاحبتي إتحجبت و شعرت بالندم

و ده خوفني إني أتحجب و أرجع أتضايق و أفك الحجاب

طبعاً مع العلم إني كنت عارفة إنه فرض لازم ..

و ما كانش بيعجبني البنات اللي تقول لازم أقتنع الأول لأن الحجاب ليس فيه إقتناع

بداية أولى كلية كان داخل رمضان

و واحد قريبتنا قالت أنا حاتحجب في رمضان عشان صيامي يتقبل .. و أفك الحجاب على العيد

أنا بأه مش باحب الحكاية دي أبداً .. يا حجاب يا إما لا

باحس إنه نفاق..

و لقيت نفسي باقول لها الكلمتين دول

و فكرت في نفسي لقيت إني باناقض نفسي

إزاي أنصح واحدة بشيء أنا مقتنعة بيه و عارفة إنه صح .. و ما أعملوش

و الحمد لله .. اشتريت إيشاربين -كانت لسه الطرح ما طلعتش - بدون علم أسرتي و طبعاً وجدوا إني مصرة على الحجاب

و فاجأت صديقاتي الصبح بأني اتحجبت

و كان أيامها الحجاب مش منتشر زي دلوقت.. يعني كنت من القليلات المحجبات من أهل المدينة وسط دفعتي..

وقتها كان كل بنات الريف محجبات .. و عددقليل من بنات الدفعة من أهل المدينة يعد على أصابع اليدين محجبات

كان اللبس وقتها في الغالب واسع ولكن قصير قليلاً

و بدأت ألتزم مع الوقت بالحجاب الشرعي

دلوقت أفضل لبس العبايات.. لبسها شيك و حشمة

أوالتونيك الطويل تحت الركبة مع بنطلون .. لبس حشمة و عملي

و الطرحة تغطي منطقة الجيب

{وَلْيَضْرِبْنَ بِخُمُرِهِنَّ على جُيُوبِهِنَّ}

و دلوقت باستغفر ربي عن كل يوم قضيته بدون حجاب ..بعد وجوبه عليّه

تحياتي wst::

تصدقى يا لونا ان انا كمان مكنتش بحب حركه لبس الحجاب فى رمضان و قلعه بعدها

و عمرى ما عملتها

و عجبنى كمان اصرارك لما اخدتى القرار على تطبيقه فورا

و ان شاء الله ربنا يتقبل منا و منكم

[لماضة مصرية جدا]

السلام عليكم و ورحمة الله و بركاته

هو انا هكي ازاي اتحجبت و يا رب حد يستفيد منها بس استحملوا الرغي بقي...بس هحطها في مراحل كده عشان محدش يتوه مني

محطة .............واحد: الشعرة الملونة

هو اول مرة اعرف عن الحجاب لما كنا في حصص الدين في مصر و بعدين الميس بتاعت الدين اللي هي برضه بتاعت العربي كانت بتاخدنا المسجد عشان ناخد الحصة و كانت بتشدد علينا ان حصة الدين لازم نغطي شعرنا...و بعد الحصة طبعا كنا بنقلع الحجاب...و كنت بستغرب طب هو احنا بنلبسه اصلا ليه؟؟؟

في يوم كان معايا بنت صاحبتي بحبها اوي اسمها اماني لقيناها في الفسحة....لامة حواليها مجموعة من البنات و بعدين و بتقول ان حد قالها انها لو فتحت المصحف...و لقت فيه شعرة....يبقي دي علامة انها تتحجب...(محدش يبستفني و الله ده حصل و كنا في اعدادي....)....اماني دي بقي فعلا روحت فتحت المصحف و ما شاء الله عليها تاني يوم جت محجبة.....انا روحت فتحت المصحف ...مش لقيت حاجة قولت لا يبقي خلاص مش هتحجب

طبعا دي كانت مرحلة التيه...و الضلال....و كل الكلمات الظريفة اللي هتقولوها....بس حبيت احطيها زي ما هيه عشان بس ااقولكم ان فعلا في مرحلة بيبقي الواحد مش عارف حاجة خالص و بياخد حاجات كتير من اصحابه...ماشي

محطة....2: الدراسة في السعودية

درست حوالي 4 سنين في السعودية.....و طبعا هناك لازم نلبس العباية و انا كنت بحب اوي العباية اللي زي الاسدال اللي بتيجي من الراس لغاية القدمين.....و كنت بغطي وشي كمان....مع ان اهلي مثلا كانوا بيقولولي يا بنتي انتي مش سعودية بتغطي وشك ليه

برضه في المرحلة دي....انا مكنتش اعرف...بس كنت بحس اني مرتاحة كده

و طبعا المعيشة في السعودية.....زمع ان فيه حجاب اوي بس فيه حرية اوي كمان....يعني كنا بنتغطي لكن لما بنورح المدرسة او نزور صديقاتنا كنا بنبقي براحتنا جدا....عشان كده حبيت الحجاب لانه محافظ عليا و في نفس الوقت مش حاسة اني مينفعشي اعمل كده....او مينفعشي اروح الملاهي مثلا....(كان فيه ايام للسيدات في جدة)

محطة ....3: يا بنتي ليه تتحجبي...اتجوزي الاول!!!

و دي المحطة اللي انا نزلت فيها مصر بعد السعودية.....لقيت ناس كتير اوي من اهلي ومن قرايبي و من الجيران (مش عارفة الناس بتتحشر في حاجات غريبة اوي).....قعدوا يقولولي البنت تتحجب لما تتجوز.....و انا اهرش في راسي و اقول يا ربي طب ايه العلاقة يعني......تفكيري و قتها....ان اللي هيتقدم للواحدة هيبقي معجب بشعرها و كده....انا بقي حبيت اعمل العكس.....و قولت اما اشوف يا تري اللي ممكن يتقدملي ممكن يعجب بيا كبني آدمة و لا لأ...

بس برضه اتحجبت....بس ربنا يسامحني بقي.....كان حاجة عرة اوي.....يعني كان جيبات قصيرة و كده.

برضه المحطة دي.....انا حاسة اني كنت فيها لسه معرفشي يعني ايه حجاب؟؟؟

محطة ....4: عمرو خالد...

انا مش هقول اني سمعت بقي درسين و لا شريطين لا......اللي حصل اني شفته ازاي بيتكلم عن حب ربنا للعبد....و ازاي ممكن الواحد يحب ربنا.....و ازاي ان العبادة سواء صلاة او صوم او حجاب او صدقة لازم يبقي فيها شفافيةو يقين و تدبر في كل خطوة و كل جارحة....ازاي قلبك يبقي متعلق اوي بربنا.....بيدور علي ربنا في كل تصرفاتك

بس خلاص

الحمد لله من ساعتها التزمت اكتر في الحجاب....بقي جيبات طويلة.....قمصان اوسع......البنطلونات نفسي ابطلها ربنا كريم

السنة اللي فاتت كنت خلاص هنتقب......بس خفت اتراجع.....لان طبيعة شغلي مينفعشي فيها تغطية الوجه ...(انا عارفة ان ده عذر عبيط....بس معملتش الخطوة دي) و بدعي ربنا انه يساعدني.

حتة ع جنب كده

احيانا كتير بقول لما ربنا يديني البت "ريان" اكيد هربيها بشكل مختلف....حاسة اني هبتدي معاها من محطة 5...مش هسيبها تاخد الوقت ده كله عشان توصل للمحطة لوحدها

انا اهلي مقصروش معايا.....بس كان دايما فيه قناعة جوانا ان الافعال هي اللي بتحكم عبادتك مش مجرد شكلك الخارجي.....

انا اتغيرت دلوقتي كتير.....لان الحجاب مش مجرد شكل خارجي و خلاص....ده ميثاق بتعمله مع ربنا....انك بتكوني أمة مسلمة بالشكل اللي ربنا يرضاه عنك منين ما تكوني....يعني المحجبة يبقي ليها حياء معين.....صوت معين.....طريقة تعاملات معينة

افتكر مرة كنت مقدمة في منحة دراسية و سالوني لما هتسافري مش يمكن تتعرضي لمضايقة او تحرش بسبب الحجاب ....هو كان فيه تلميح منهم بموضوع ان ده ممكن يكون سبب رفضي للمنحة

انا ساعتها جاوبت.......ان طرحتي...قد تبدو قوماشة بسيطة بغطي بيها راسي....بس هي جزء مني لا يمكن المساس بيه...زي كرامتي....و زي ديني....و مش قابل اصلا للتفاوض بشانه....و اللي هيديني منحة يبقي ياخدني زي ما انا كده....(و ع فكرة اترفضت في المنحة دي.....بس الحمد لله....حصلت بعديها احداث 11 سبتمبر....كان ممكن الواحد يروح في ابو نكلة خاااااااالص....ربنا كريم اوي)

لما بقابل جنسيات كتيرة......بحس ان حجابي ممكن يكون في يوم طريقهم للاسلام....بيسالوني عنه كتير....و دايما التساؤلات من نوعية.....هو مش مقيدك.....هو انتي مش محرومة من حاجة......الرد بيكون ببساطة جدا بالسلوكيات البسيطة جدا....

زي مثلا

الابتسامة......علي وجه امرأة محجبة......بتعمل اختلاف كتير

مساااااااااااااااااااكم حجاب نوراني.....يجي من جوه قلوبكم اوي

[رضوي]

السلام عليكم ورحمة الله وبركاته

موضوع هايل اوي يامغتربة يا حبيبتي

ومع اني عايزة اسمع قصة حجابك انتي وشيكو

بس هحكي انا علي حكايتي مع حجابي

بداية بدأت البس الحجاب في اولي اعدادي كان عندي ساعتها 11 سنة

بس ماكنتش ملتزمة اوي بيه ....... يعني البسه شوية ...... اسيبه شوية ...... عادي يعني

في تانية اعدادي بدأت التزم شوية ........ بس برده لسة ........ لحد لما لاحظت حاجة مهمة اوي

اني مش لوحدي ........ لما كنت بلبس الحجاب ....... كانوا اخواتي البنات وبنت عمي بيلبسوه زيي

وكمان بنتين من صحباتي برده بيقلدوني فيه ........ اسيب الحجاب الاقيهم كلهم سابوه !!!!!

وبعدييييييييين بقي ؟؟؟؟؟؟؟؟ ايه المشكلة دي ؟؟؟؟

يعني انا كدة مش مسئولة عن نفسي وبس ؟؟؟؟ وهاخد ذنبهم لو ماالتزمتش ؟؟؟

لحد ماقررت

هلتزم بالحجاااااااااااااااااااااااب

وقد كان .......وفعلاً لقيت نفس البنات التزموا بالحجاب ...... حمدت ربنا علي الرغم ان ساعتها كانت اصغر اخواتي مازالت في ابتدائي ..... كانت في تالتة ابتدائي ....... وكانت بتلبس الايشارب علي جيب قصيرة ...... بس المهم بتلبس ايشارب ...... لحد مافهمت يعني ايه حجاب

من ساعتها وانا بحاول التزم قدر الامكان ........ ولو لقيت حد فيهم التزامه قل ..... بنصحة وبعدين بزعق ( ال يعني شخصية )

اكتشفت ساعتها ان دايما الانسان بيبقي قدوة عند الناس اللي بيحبوه

ومن ساعتها بحاسب اوي في تصرفاتي علشان افضل قدوة كويسة ...... وبفرح اوي لما الاقي حد التزم بسببي ( الحمد لله لحد دلوقتي صاحبتي بطلت البيرفيوم بسبب اني كل يوم اديها كلمتين )

بعدها بقي بنت عمي ماكانتش مقتنعة بموضوع الحجاب دة ابداً

بس انا جيبتلها ايشارب جميل اوي

وقلتلها تعالي الفلك الحجاب بطريقة شيك وجميلة ومحترمة

بصت في المراية لقت شكلها حلو ...... بدأت تلبس الحجاب لما تشوفني ..... ولما نبعد تسيبه

قلتلها يعني انتي مكسوفة مني ومش مكسوفة من ربنا ؟؟؟

ومن ساعتها وهي ملتزمة بالحجاب

[shiko]

فى الصباح الباكر ...

تظهر تلك الفتاة ذات التاسعة سنوات بشعرها ينسدل على كتفيها ذاهبة إلى المدرسة ....

فى المساء تتحدث إلى والدتها ...بامر يوسوس لها ...عاوزة البس الحجاب ياماما ...

الام :لا يا حببتى انتى لسة صغننة وبعدين انتى مستعجلة على ايه ...

البنت ..تفكر طويلا بكلام والدتها .....

فى اليوم التالى تحدث مدرستها فيما يجوب بخاطرها ...

لا لاانتى لسه صغيرة ..وشعرك جميل لما تكبرى وتتجوزىابقى البسى الحجاب ....

تكبر الطفلة ...لتصبح فتاة فى سن الجامعة .....اكثر ما تهتم به ...شعرها ...

كثيرا ما تسمع كلمات الاعجاب ممن هم حولها ...بانها حلوة ..وشعرها لذيذ...

طب والحجاب ؟؟؟لا لا اصله بيكبرنى ...وكمان بيبوظلى شعرى ..

...الاب عقب محاولات مستميتة لاقناعها بالحجاب ....قسماً بالله مافيش خروج من البيت بدون حجاب ....

البنت تمتنع عن النزول من المنزل ...وتنقطع عن الذهاب الى الجامعة ..رفضا لقسم ابوها ....

الشيطان يوسوس لها...هو عاوزك ماتتجوزيش ؟؟....يعنى كده هايستريح...؟؟

طب وشعرك الجميل ده ...ده حتى لونه تحفة ....؟؟ والحجاب بيكبرك ....؟؟

وبعدين بصراحة بقى انتى موش حلوة خالص ....وشعرك هو الحاجة الحلوة الوحيدة اللى فيكى ...

تقومى تغطيها ؟؟...وبعدين انتى بتصلى وملتزمة ومابتعمليش حاجة غلط ....احسن من 100 محجبة ياشيخة ..؟؟

بصى كدة على المحجبات حواليكى..؟؟كلهم ..موش فى نص اخلاقك وتدينك ...

الدين موش بالحجاب ...سيبك من الكلام ده خالص ...

....لا يعنى لا موش هالبسه يعنى موش هالبسه ....البنت تصمم على موقفها ..وتعصى والدها ..وتخرج دون حجابها

...بعد مرور سنوات قليلة ...تخرجت الفتاة ...وتكررت كثيرا من الاحداث والمناورات بين الفتاة والاب لارتداء الحجاب ...البنت اخرجت ...اشتغلت ....احساسها بالامور اتغير ....والاب لا ييأس من فتح باب النقاش فى كل الاوقات ...

فجأة ....ايه ده ؟؟ شعرى لونه باهت ..من الخروج فى الرطوبة كل يوم ....

بقى تعبان ومنهك ....يوه ...؟؟...ده كمان وشى لونه بقى وحش اوى ....

فى المساء تذهب الى طبيب مشهور تشتكى له من لون وشها وشعرها الباهت ...

يكتب لها روجته طويلة من الكريمات والاقراص واللوسيون

تتوجه الى حجرتها وفى يديها شنطة مكتظة بعلب الدواء ...ممنية نفسها ...باهتمام وتدليل ...

وقت قصير ...لم يغير الدواء امرا ...

اشعر ببهتان داخلى ..يسرى فى نفسى .....

صلاة ....دعاء ...مناجاة ......تقرب إلى الله

فى المساء ...تتمشى الفتاة فى المول الشهير ...محل مشهور للطرح والايشاربات ...تدخله لتشاهد الايشاربات ...

تخرج من المحل على عجالة فى يديها شنطة بداخلها طرحتين ..تصطحبهما الى المنزل ...تقف امام المرأة لتجرب كل واحدة تلو الاخرى مرة ...تدسهما فى تلك الشنطة مرة اخرى ...وقد انعكس على وجهها ...ملامح الاستياء ...

شهر بطوله ...فقط تراود نفسها على تجربتهما امام المرأة ...لينتهى المطاف الى ما بدئنا به ....

فجأة ...ترتدى الحجاب ..على عجالة ...وتذهب به الى العمل ....تواجه زميلاتها ...الاتى تغمزن كثيرا على عدم لبسها للحجاب

ايه ده ماشاء اله زى القمر ....بجد انتى الحجاب بين جمال وشك اكتر ...سبحان الله ......

تقف امام المراة لتتسأل ....هو مال وشى نور كده ليه ؟؟؟

غريبة ...مع انى ما اخدتش الدوا ؟؟ ولا استعملت الكريم مرتين على بعض...

الحمد لله على نعمة الاسلام وكفى بها نعمة .....

تم تعديل 19 مايو 2010 بواسطة shiko

[مغتربة]

السلام عليكم و ورحمة الله و بركاته

هو انا هكي ازاي اتحجبت و يا رب حد يستفيد منها بس استحملوا الرغي بقي...بس هحطها في مراحل كده عشان محدش يتوه مني

محطة .............واحد: الشعرة الملونة

هو اول مرة اعرف عن الحجاب لما كنا في حصص الدين في مصر و بعدين الميس بتاعت الدين اللي هي برضه بتاعت العربي كانت بتاخدنا المسجد عشان ناخد الحصة و كانت بتشدد علينا ان حصة الدين لازم نغطي شعرنا...و بعد الحصة طبعا كنا بنقلع الحجاب...و كنت بستغرب طب هو احنا بنلبسه اصلا ليه؟؟؟

في يوم كان معايا بنت صاحبتي بحبها اوي اسمها اماني لقيناها في الفسحة....لامة حواليها مجموعة من البنات و بعدين و بتقول ان حد قالها انها لو فتحت المصحف...و لقت فيه شعرة....يبقي دي علامة انها تتحجب...(محدش يبستفني و الله ده حصل و كنا في اعدادي....)....اماني دي بقي فعلا روحت فتحت المصحف و ما شاء الله عليها تاني يوم جت محجبة.....انا روحت فتحت المصحف ...مش لقيت حاجة قولت لا يبقي خلاص مش هتحجب

طبعا دي كانت مرحلة التيه...و الضلال....و كل الكلمات الظريفة اللي هتقولوها....بس حبيت احطيها زي ما هيه عشان بس ااقولكم ان فعلا في مرحلة بيبقي الواحد مش عارف حاجة خالص و بياخد حاجات كتير من اصحابه...ماشي

محطة....2: الدراسة في السعودية

درست حوالي 4 سنين في السعودية.....و طبعا هناك لازم نلبس العباية و انا كنت بحب اوي العباية اللي زي الاسدال اللي بتيجي من الراس لغاية القدمين.....و كنت بغطي وشي كمان....مع ان اهلي مثلا كانوا بيقولولي يا بنتي انتي مش سعودية بتغطي وشك ليه

برضه في المرحلة دي....انا مكنتش اعرف...بس كنت بحس اني مرتاحة كده

و طبعا المعيشة في السعودية.....زمع ان فيه حجاب اوي بس فيه حرية اوي كمان....يعني كنا بنتغطي لكن لما بنورح المدرسة او نزور صديقاتنا كنا بنبقي براحتنا جدا....عشان كده حبيت الحجاب لانه محافظ عليا و في نفس الوقت مش حاسة اني مينفعشي اعمل كده....او مينفعشي اروح الملاهي مثلا....(كان فيه ايام للسيدات في جدة)

محطة ....3: يا بنتي ليه تتحجبي...اتجوزي الاول!!!

و دي المحطة اللي انا نزلت فيها مصر بعد السعودية.....لقيت ناس كتير اوي من اهلي ومن قرايبي و من الجيران (مش عارفة الناس بتتحشر في حاجات غريبة اوي).....قعدوا يقولولي البنت تتحجب لما تتجوز.....و انا اهرش في راسي و اقول يا ربي طب ايه العلاقة يعني......تفكيري و قتها....ان اللي هيتقدم للواحدة هيبقي معجب بشعرها و كده....انا بقي حبيت اعمل العكس.....و قولت اما اشوف يا تري اللي ممكن يتقدملي ممكن يعجب بيا كبني آدمة و لا لأ...

بس برضه اتحجبت....بس ربنا يسامحني بقي.....كان حاجة عرة اوي.....يعني كان جيبات قصيرة و كده.

برضه المحطة دي.....انا حاسة اني كنت فيها لسه معرفشي يعني ايه حجاب؟؟؟

محطة ....4: عمرو خالد...

انا مش هقول اني سمعت بقي درسين و لا شريطين لا......اللي حصل اني شفته ازاي بيتكلم عن حب ربنا للعبد....و ازاي ممكن الواحد يحب ربنا.....و ازاي ان العبادة سواء صلاة او صوم او حجاب او صدقة لازم يبقي فيها شفافيةو يقين و تدبر في كل خطوة و كل جارحة....ازاي قلبك يبقي متعلق اوي بربنا.....بيدور علي ربنا في كل تصرفاتك

بس خلاص

الحمد لله من ساعتها التزمت اكتر في الحجاب....بقي جيبات طويلة.....قمصان اوسع......البنطلونات نفسي ابطلها ربنا كريم

السنة اللي فاتت كنت خلاص هنتقب......بس خفت اتراجع.....لان طبيعة شغلي مينفعشي فيها تغطية الوجه ...(انا عارفة ان ده عذر عبيط....بس معملتش الخطوة دي) و بدعي ربنا انه يساعدني.

حتة ع جنب كده

احيانا كتير بقول لما ربنا يديني البت "ريان" اكيد هربيها بشكل مختلف....حاسة اني هبتدي معاها من محطة 5...مش هسيبها تاخد الوقت ده كله عشان توصل للمحطة لوحدها

انا اهلي مقصروش معايا.....بس كان دايما فيه قناعة جوانا ان الافعال هي اللي بتحكم عبادتك مش مجرد شكلك الخارجي.....

انا اتغيرت دلوقتي كتير.....لان الحجاب مش مجرد شكل خارجي و خلاص....ده ميثاق بتعمله مع ربنا....انك بتكوني أمة مسلمة بالشكل اللي ربنا يرضاه عنك منين ما تكوني....يعني المحجبة يبقي ليها حياء معين.....صوت معين.....طريقة تعاملات معينة

افتكر مرة كنت مقدمة في منحة دراسية و سالوني لما هتسافري مش يمكن تتعرضي لمضايقة او تحرش بسبب الحجاب ....هو كان فيه تلميح منهم بموضوع ان ده ممكن يكون سبب رفضي للمنحة

انا ساعتها جاوبت.......ان طرحتي...قد تبدو قوماشة بسيطة بغطي بيها راسي....بس هي جزء مني لا يمكن المساس بيه...زي كرامتي....و زي ديني....و مش قابل اصلا للتفاوض بشانه....و اللي هيديني منحة يبقي ياخدني زي ما انا كده....(و ع فكرة اترفضت في المنحة دي.....بس الحمد لله....حصلت بعديها احداث 11 سبتمبر....كان ممكن الواحد يروح في ابو نكلة خاااااااالص....ربنا كريم اوي)

لما بقابل جنسيات كتيرة......بحس ان حجابي ممكن يكون في يوم طريقهم للاسلام....بيسالوني عنه كتير....و دايما التساؤلات من نوعية.....هو مش مقيدك.....هو انتي مش محرومة من حاجة......الرد بيكون ببساطة جدا بالسلوكيات البسيطة جدا....

زي مثلا

الابتسامة......علي وجه امرأة محجبة......بتعمل اختلاف كتير

مساااااااااااااااااااكم حجاب نوراني.....يجي من جوه قلوبكم اوي

ايه يا بنتى دا

الحكايه دى تنفع سيناريو لفيلم حكايه حجابى حكايه طويله :closedeyes: :lol: md2: wst::

و اتفق معاكى ان افضل سفير للحجاب هو السلوك الحسن لمن ترتديه

ربنا يزيدك حكمه و تقوى

اسعدنى مرورك

[مغتربة]

السلام عليكم ورحمة الله وبركاته

موضوع هايل اوي يامغتربة يا حبيبتي

ومع اني عايزة اسمع قصة حجابك انتي وشيكو

بس هحكي انا علي حكايتي مع حجابي

بداية بدأت البس الحجاب في اولي اعدادي كان عندي ساعتها 11 سنة

بس ماكنتش ملتزمة اوي بيه ....... يعني البسه شوية ...... اسيبه شوية ...... عادي يعني

في تانية اعدادي بدأت التزم شوية ........ بس برده لسة ........ لحد لما لاحظت حاجة مهمة اوي

اني مش لوحدي ........ لما كنت بلبس الحجاب ....... كانوا اخواتي البنات وبنت عمي بيلبسوه زيي

وكمان بنتين من صحباتي برده بيقلدوني فيه ........ اسيب الحجاب الاقيهم كلهم سابوه !!!!!

وبعدييييييييين بقي ؟؟؟؟؟؟؟؟ ايه المشكلة دي ؟؟؟؟

يعني انا كدة مش مسئولة عن نفسي وبس ؟؟؟؟ وهاخد ذنبهم لو ماالتزمتش ؟؟؟

لحد ماقررت

هلتزم بالحجاااااااااااااااااااااااب

وقد كان .......وفعلاً لقيت نفس البنات التزموا بالحجاب ...... حمدت ربنا علي الرغم ان ساعتها كانت اصغر اخواتي مازالت في ابتدائي ..... كانت في تالتة ابتدائي ....... وكانت بتلبس الايشارب علي جيب قصيرة ...... بس المهم بتلبس ايشارب ...... لحد مافهمت يعني ايه حجاب

من ساعتها وانا بحاول التزم قدر الامكان ........ ولو لقيت حد فيهم التزامه قل ..... بنصحة وبعدين بزعق ( ال يعني شخصية )

:closedeyes:

اكتشفت ساعتها ان دايما الانسان بيبقي قدوة عند الناس اللي بيحبوه

ومن ساعتها بحاسب اوي في تصرفاتي علشان افضل قدوة كويسة ...... وبفرح اوي لما الاقي حد التزم بسببي ( الحمد لله لحد دلوقتي صاحبتي بطلت البيرفيوم بسبب اني كل يوم اديها كلمتين )

بعدها بقي بنت عمي ماكانتش مقتنعة بموضوع الحجاب دة ابداً

بس انا جيبتلها ايشارب جميل اوي

وقلتلها تعالي الفلك الحجاب بطريقة شيك وجميلة ومحترمة

بصت في المراية لقت شكلها حلو ...... بدأت تلبس الحجاب لما تشوفني ..... ولما نبعد تسيبه

قلتلها يعني انتي مكسوفة مني ومش مكسوفة من ربنا ؟؟؟

ومن ساعتها وهي ملتزمة بالحجاب

وااااااااااو شخصيه قياديه بامتياز

بس الجميل فعلا هو وعيك بمسؤليتك عن جروب صحباتك و معارفك

بحس انك من الشخصيات المبادره

و الى بتهتم بالهم العام

ربنا يرزقك الثبات و الاخلاص

مودتى و احترامى

[مغتربة]

فى الصباح الباكر ...

تظهر تلك الفتاة ذات التاسعة سنوات بشعرها ينسدل على كتفيها ذاهبة إلى المدرسة ....

فى المساء تتحدث إلى والدتها ...بامر يوسوس لها ...عاوزة البس الحجاب ياماما ...

الام :لا يا حببتى انتى لسة صغننة وبعدين انتى مستعجلة على ايه ...

البنت ..تفكر طويلا بكلام والدتها .....

فى اليوم التالى تحدث مدرستها فيما يجوب بخاطرها ...

لا لاانتى لسه صغيرة ..وشعرك جميل لما تكبرى وتتجوزىابقى البسى الحجاب ....

تكبر الطفلة ...لتصبح فتاة فى سن الجامعة .....اكثر ما تهتم به ...شعرها ...

كثيرا ما تسمع كلمات الاعجاب ممن هم حولها ...بانها حلوة ..وشعرها لذيذ...

طب والحجاب ؟؟؟لا لا اصله بيكبرنى ...وكمان بيبوظلى شعرى ..

...الاب عقب محاولات مستميتة لاقناعها بالحجاب ....قسماً بالله مافيش خروج من البيت بدون حجاب ....

البنت تمتنع عن النزول من المنزل ...وتنقطع عن الذهاب الى الجامعة ..رفضا لقسم ابوها ....

الشيطان يوسوس لها...هو عاوزك ماتتجوزيش ؟؟....يعنى كده هايستريح...؟؟

طب وشعرك الجميل ده ...ده حتى لونه تحفة ....؟؟ والحجاب بيكبرك ....؟؟

وبعدين بصراحة بقى انتى موش حلوة خالص ....وشعرك هو الحاجة الحلوة الوحيدة اللى فيكى ...

تقومى تغطيها ؟؟...وبعدين انتى بتصلى وملتزمة ومابتعمليش حاجة غلط ....احسن من 100 محجبة ياشيخة ..؟؟

بصى كدة على المحجبات حواليكى..؟؟كلهم ..موش فى نص اخلاقك وتدينك ...

الدين موش بالحجاب ...سيبك من الكلام ده خالص ...

....لا يعنى لا موش هالبسه يعنى موش هالبسه ....البنت تصمم على موقفها ..وتعصى والدها ..وتخرج دون حجابها

...بعد مرور سنوات قليلة ...تخرجت الفتاة ...وتكررت كثيرا من الاحداث والمناورات بين الفتاة والاب لارتداء الحجاب ...البنت اخرجت ...اشتغلت ....احساسها بالامور اتغير ....والاب لا ييأس من فتح باب النقاش فى كل الاوقات ...

فجأة ....ايه ده ؟؟ شعرى لونه باهت ..من الخروج فى الرطوبة كل يوم ....

بقى تعبان ومنهك ....يوه ...؟؟...ده كمان وشى لونه بقى وحش اوى ....

فى المساء تذهب الى طبيب مشهور تشتكى له من لون وشها وشعرها الباهت ...

يكتب لها روجته طويلة من الكريمات والاقراص واللوسيون

تتوجه الى حجرتها وفى يديها شنطة مكتظة بعلب الدواء ...ممنية نفسها ...باهتمام وتدليل ...

وقت قصير ...لم يغير الدواء امرا ...

اشعر ببهتان داخلى ..يسرى فى نفسى .....

صلاة ....دعاء ...مناجاة ......تقرب إلى الله

فى المساء ...تتمشى الفتاة فى المول الشهير ...محل مشهور للطرح والايشاربات ...تدخله لتشاهد الايشاربات ...

تخرج من المحل على عجالة فى يديها شنطة بداخلها طرحتين ..تصطحبهما الى المنزل ...تقف امام المرأة لتجرب كل واحدة تلو الاخرى مرة ...تدسهما فى تلك الشنطة مرة اخرى ...وقد انعكس على وجهها ...ملامح الاستياء ...

شهر بطوله ...فقط تراود نفسها على تجربتهما امام المرأة ...لينتهى المطاف الى ما بدئنا به ....

فجأة ...ترتدى الحجاب ..على عجالة ...وتذهب به الى العمل ....تواجه زميلاتها ...الاتى تغمزن كثيرا على عدم لبسها للحجاب

ايه ده ماشاء اله زى القمر ....بجد انتى الحجاب بين جمال وشك اكتر ...سبحان الله ......

تقف امام المراة لتتسأل ....هو مال وشى نور كده ليه ؟؟؟

غريبة ...مع انى ما اخدتش الدوا ؟؟ ولا استعملت الكريم مرتين على بعض...

الحمد لله على نعمة الاسلام وكفى بها نعمة .....

عارفه يا شيكو

حسيت بمداخلتك قوى

حسيت بالصراع و الرغبه فى الاقدام

شفت طاقه النور الصغيره قوى الى كبرت شويه بشويه بتتابع التجارب و الخبرات و النضج

عارفه اد ايه المعركه مكنتش سهله

بس الى كتير مبنخدش بالنا منه

ان كل المحاولات و التفكير و الشد و الجدذب الى بيحصل على طول الطريق مبيروحش سدى ابدا

لا دايما بيساعدنا على الحسم بس من غير من حس

و فجاه نلاقى نفسنا اخدنا القرار و اصرينا على نفسنا فى تنفيذه

و يمكن نكون مستغربين من نفسنا و احنا بنعمل كده و مش عرفين السبب

فدايما لحظه الانتصار بيسبقا المعركه

متعك الله باليقين و الثبات

تحياتى

[مغتربة]

دلوقتى بقى هقولكم على قصه حجابى

ان ان ااااااااااااااااااااااااااااااااااان

حكايتى مع الحجاب باختصار عكس حكاياتكم كلكم

انا عارفه ان ممكن ناس تاخد الكلام الى هقوله دا و تحوره و ناس تتفهمه و ناس و ناس

بس انا لا هكذب و لا هزيف علشان اجمل نفسى قدام حد

لانى متوافقه مع نفسى جدا فى كل مراحل حياتى و لله الحمد

تعالوا بقى احكلكم من البدايه بعد الدخله الاكشن دى ::rolleyes

صلوا على النبى

( صلى الله عليه و سلم )

اول حاجه

انا عمرى و بشدد على عمرى دى

ما فكرت اتحجب

مندهشات صح wst::

لا انا عمرى حتى ما جبت طرحه من بتوع ماما و جربتها عليا كده قدام المرايه و لا اى حاجه من الحاجات دى

بالعكس انا كنت بلعب بالباروكات بتاعتها بتاعت السبعينات دى عارفينها

بس هى كانت محتفظه بيها كنوع من الاثار

يعنى من الاخر الفكره عندى كانت مش مطروحه تماما

رغم ان اخواتى الاكبر منى اتحجبوا

بس على مراحل مختلفه من عمرهم

الى فى الجامعه و الى بعد الجواز بفتره

بس احنا عندنا فى البيت عمر ما حد قال لواحده فينا اتحجبى

الى كانت بتعوز تتحجب من نفسها كانت بتتحجب :waf:

لكن الحجاب مكانش بيشغل اى حيز من المناقشات فى بيتنا

و على هذا الاساس خلصت انا الجامعه و اشتغلت سنين كتيره

و الفكره عندى غير وارده اطلاقا

اكيد بتسالوا نفسكم دلوقتى طيب اتحجبتى ازاى

اتحجبت فى يوم فارق فى حياتى كلها

اتحجبت فى يوم وفاه امى

ايوه يوم وفات امى :lol: :sad: :sad:

لما جالى الخبر و انا فى الشغل و روحت شوفتها و هى فى المستشفى للمره الاخيره و لقيت على وجهها سبحان الله زى ابتسامه زى بشر حاجه كده معرفش اوسميها

حسيت انى محتاجه اقدم لها حاجه بسيطه جدا تفرح بيها لما تعرف انها منى

و على هذا قررت فى لحظتها انى اتحجب علشان لما تنزل القبر متتحاسبش على عدم حجابى

و على هذا روحت البيت بسرعه و استلفت طرحه من واحده صحبتى هى الى لفتهالى لانى مكنتش بعرف الف

و نزلت جرى على الجنازة

الناس فى الاول مكنوش عارفين ان دا حجاب كانوا فاكرين انى لبست الطرحه علشان العزا بس

طيب ما اقبل كدا بكذا سنه كان فى عزا بابا و ملبستش فيه ابدا طرحه و لا حطيتها على راسى wst:: wst::

المهم ان تاريخ حجابى هو تاريخ وفاه والدتى

و دايما اتذكر الحديث الشريف عن أبي هريرة رضي الله عنه قال : سمعت أبا القاسم صلى الله عليه وسلم يقول : " عجب ربنا من قوم يقادون إلى الجنة في السلاسل "

بالطبع النيه دلوقتى اختلفت عن الاول

بس ادى الحكايه من طقطق ل

سلامو عليكوووووووووووووووووووووووووووووووووووو

[pocy]

طب وانا كمان وانا كمان عايزه اقول

انا يا جماعه قصتى بتبدأ من وانا عندى 7 سنين كنت فى المدرسه الابتدائي ومكنش حد لا يبدى اعجابه الشديد بشعري لسواده الفظيع وطوله وتقله سبحان الله الموضوع ده مبقاش موجود الان يعنى ههههههههههههههه الثانويه العامه نحلته بس مش قرعه قوى يعنى هههههههههههههههههههه

المهم كان دايما مطلوب مننا اننا نلم شعرنا فى الابتدائي بضفيره بفيونكه وانا الفيونكه والشريطه دايما بتقع منى والله العظيم ما كنت بوقعها هى اللى بتتزحلق وافاجأ انى شعري بقي مفكوك ومن غير لا توكه ولا شريطه وتيجي ابله صفاء وابله ناديه كل شويه يزعقولى واعيط واقولهم ضاعت منى ومش لاقياه يروحوا يسرحولى شعري ويعملولى ضفيره وبرضه تتفك وتتزحلق وبعد كام سنه بدأوا يصدقونى وانها فعلا بتتزحلق مش انا الى بفكها

المهم وصلت لاعدادى وانا معجبه جدا بشعري ومقتنعه جدا انه تاج البنت والكلام الفاضي ده كله لحد ما جه والدى ربنا يكرمه يارب المهم اجبرنى وانا عندى 11 سنه انى البس الحجاب وانا طبعا بقول اشمعنى فلانه وعلانه وفتكوه وفتفوته مش لابسين المهم بقيت بلبسه فى المدرسه وفى الخروج بس فى الاعياد لا وطبعا الوالد كان بيزعق ساعات بيعديها وساعات لا المهم خلصت اعداديه وحسيت انى انسه كبيره ومحترمه ولازم اكون على اد المسئوليه وبالفعل سبحان الله اتجهت لثانويه عامه بنظره جديده ان لازم البس الحجاب لان نظره الناس بتختلف للبنت من محجبه لغير المحجبه واصبحت نظريتى ليهم ذاتها ورحت الكلي هوانا مقتنعه بحجابي ولله الحمد لحد ما ربنا كرمنى بصحبه ممتازه وارتديت النقاب فى اخر سنه كليه واحتكيت بما يحدث للطالبات فى الجامعات وربنا يسامح اللى كان السبب طبعا انا معاهم فى حاجات وضدهم فى حاجات المهم وتمشي ايام الكليه ووالدى رافض تماما موضوع النقاب انتظروا انى اخلص الكليه لانها كليه عمليه ولازم اكون مركزه وسبحان الله السنه الوحيده اللى جبت فيها تقدير عالى المهم خلصت الكليه وبدأ صراعي على الحفاظ على النقاب وسبحان الله عافرت حوالى 4 شهور منهم شهرين فى البيت وسبحان الله فى الاخر انهزمت برأى الشعراوى المهم تدرج حجابي من الاسدال الى الخمار ثم الخمار اللف ثم قصر الخمار اللف ليصبح طرحه كبيره شويه الى صغرت الطرحه ورجعت تانى لما كنت عليه فى اولى كليه والحمد لله من قبل ومن بعد وربنا يكرمنى بالهدايه وبعد ما تزوجت رجعت الطرحه تكبر شويه بس لسه مش وصلت لخمار لف وربنا يجازينا خير يارب وتكبر كمان يارب اللهم امين دعواتك يا بنات انا بدأت طريق واتمنى من الله العلى القدير ان يثبتنا يارب عليه

ملحوظه على جنب : اختى الفاضله بركه جزاكى الله كل الخير بأن وضعتينى على بدايه الطريق وبجد اتمنى لك تيسر الامور يارب اللهم امين

ايه الرغي ده كله معلش بقي يا بنات استحملوا الورقتين الفلوسكاب بخطى الجميل وادعوكم قريبا لقصه الهدايه ادعولى يا بنات بالثبات ان شاء الله

[gem]

أنا للأسف لحد دلوقتي مافكرتش اتحجب

تفتكرو

لأني بصراحه راجل ربنا يثبتكم كلكم على الحجاب وده والله من النعم العظيمه اللى ربنا بيمن بيها على اي ست او بنت والسلام