اتحجبتى ازاى و امتى

[rewsha]

انا اتحجبت في اول عيد ميلاد لبنتي (لما تمت سنه يعني)

وانا كان عندي 22 سنه ساعتها

انا دلوقتي محجبه بقالي 12 سنه الحمد لله

لكن لما جيت اتحجب ..صديقات ليه نصحوني شوية نصايح كده .وفعلا طلعت كويسه

1- اني ابداْ بلبس الحجاب في رمضان وبعدها مااقلعهوش ...اكمل يعني ...(خصوصا اني مش باحب اللي كانوا يلبسوه في رمضان ويقلعوه بعدها)

2-او ابداْ بلبسه في الشتاء .علشان الحر ...يعني لو لبسنه في الصيف ممكن ازهق بسرعه والشيطان يوسوس لي بقه ,ارجع اقلعه تاني

لكن في الشتاء هاكون لبسته 3 شهور وخلاص الواحد اتعود عليه

3- اني اختار ملابس قطنيه او كتان ,علشان الحر برضو

4- اختار لبس شيك وفي نفس الوقت محترم (جينزات وبلوزات طويله )علشان لو لبست اي لبس طويل وحشمه وخلاص .ممكن بعد فتره ازهق واحس اني مش شيك

واهتم بتنسيق الالوان كويس واستعين باصحابي في الاول .

5- ان كل لبس يحمي من البرد ...بيحمي من الحر برضو ...نظرا لان لبسي قبل الحجاب كان تايرات قصيره ونص كُم .والواحد\ بيعتقد انه لو لبس بكُم وطويل هايكون حران

لكن اكتشفت ان الكُم الطويل بيحميني من الشمس وبيشيل حرارتها عني

6- اشتري لبس للحجاب واجمع كام طقم حلوين الاول وبعدين البس الحجاب .يعني مش يكون عندي بلوزتين بكُم اقوم البسهم وخلاص

يعني اكون جاهزه باللبس الاول علشان ما احتارش في تجميع اللبس بعد ما اكون لبست الحجاب اقوم ازهق وممكن الشيطان يوسوس تاني واقول لنفسي طب اقلعه ولما اشتري حاجات بكُم ابقى البسه

ده بقه اللي عملته مه بنتي

دلوقتي هيه لسه لابسه الحجاب بقالها يومين اتنين .هيه عندها 12 سنه

والحمد لله الجو لسه مش حر قوي في مصر .هيه قالت لي اخلص امتحانات والبسه علطول ,وفعلا ده اللي حصل

واخدتها من اسبوعين اشترينا كذا طقم وجمعنا لبس حلو وشيك خالص للحجاب ...علشان ما تحسش انها لما اتحجبت مابقتش شيك والشيطان يوسوس لها ويلعب في دماغها ...

وكُلنا دلوقتي بنشجعها ونقول لها ان شكلها في الحجاب احلى واجمل

عقبال بنتي التانيه بقى ...هيه لسه عندها 10 سنوات :lol:

[gem]

http://BLOCKED2/files/136073588/alhejab.MP3.html

[gem]

اسف مقطع جميل جدا عن الحجاب

http://www.naqatube.com/view_video.php?vie...a92c0f7a18211d6

[مغتربة]

طب وانا كمان وانا كمان عايزه اقول

انا يا جماعه قصتى بتبدأ من وانا عندى 7 سنين كنت فى المدرسه الابتدائي ومكنش حد لا يبدى اعجابه الشديد بشعري لسواده الفظيع وطوله وتقله سبحان الله الموضوع ده مبقاش موجود الان يعنى ههههههههههههههه الثانويه العامه نحلته بس مش قرعه قوى يعنى هههههههههههههههههههه

المهم كان دايما مطلوب مننا اننا نلم شعرنا فى الابتدائي بضفيره بفيونكه وانا الفيونكه والشريطه دايما بتقع منى والله العظيم ما كنت بوقعها هى اللى بتتزحلق وافاجأ انى شعري بقي مفكوك ومن غير لا توكه ولا شريطه وتيجي ابله صفاء وابله ناديه كل شويه يزعقولى واعيط واقولهم ضاعت منى ومش لاقياه يروحوا يسرحولى شعري ويعملولى ضفيره وبرضه تتفك وتتزحلق وبعد كام سنه بدأوا يصدقونى وانها فعلا بتتزحلق مش انا الى بفكها

المهم وصلت لاعدادى وانا معجبه جدا بشعري ومقتنعه جدا انه تاج البنت والكلام الفاضي ده كله لحد ما جه والدى ربنا يكرمه يارب المهم اجبرنى وانا عندى 11 سنه انى البس الحجاب وانا طبعا بقول اشمعنى فلانه وعلانه وفتكوه وفتفوته مش لابسين المهم بقيت بلبسه فى المدرسه وفى الخروج بس فى الاعياد لا وطبعا الوالد كان بيزعق ساعات بيعديها وساعات لا المهم خلصت اعداديه وحسيت انى انسه كبيره ومحترمه ولازم اكون على اد المسئوليه وبالفعل سبحان الله اتجهت لثانويه عامه بنظره جديده ان لازم البس الحجاب لان نظره الناس بتختلف للبنت من محجبه لغير المحجبه واصبحت نظريتى ليهم ذاتها ورحت الكلي هوانا مقتنعه بحجابي ولله الحمد لحد ما ربنا كرمنى بصحبه ممتازه وارتديت النقاب فى اخر سنه كليه واحتكيت بما يحدث للطالبات فى الجامعات وربنا يسامح اللى كان السبب طبعا انا معاهم فى حاجات وضدهم فى حاجات المهم وتمشي ايام الكليه ووالدى رافض تماما موضوع النقاب انتظروا انى اخلص الكليه لانها كليه عمليه ولازم اكون مركزه وسبحان الله السنه الوحيده اللى جبت فيها تقدير عالى المهم خلصت الكليه وبدأ صراعي على الحفاظ على النقاب وسبحان الله عافرت حوالى 4 شهور منهم شهرين فى البيت وسبحان الله فى الاخر انهزمت برأى الشعراوى المهم تدرج حجابي من الاسدال الى الخمار ثم الخمار اللف ثم قصر الخمار اللف ليصبح طرحه كبيره شويه الى صغرت الطرحه ورجعت تانى لما كنت عليه فى اولى كليه والحمد لله من قبل ومن بعد وربنا يكرمنى بالهدايه وبعد ما تزوجت رجعت الطرحه تكبر شويه بس لسه مش وصلت لخمار لف وربنا يجازينا خير يارب وتكبر كمان يارب اللهم امين دعواتك يا بنات انا بدأت طريق واتمنى من الله العلى القدير ان يثبتنا يارب عليه

ملحوظه على جنب : اختى الفاضله بركه جزاكى الله كل الخير بأن وضعتينى على بدايه الطريق وبجد اتمنى لك تيسر الامور يارب اللهم امين

ايه الرغي ده كله معلش بقي يا بنات استحملوا الورقتين الفلوسكاب بخطى الجميل وادعوكم قريبا لقصه الهدايه ادعولى يا بنات بالثبات ان شاء الله :lol:

لا رغى و لا اى حاجه يا حبيبتى

قصتك جميله جدا

و فيها صعود و هبوط

بس الى مش ممكن تخفيه

وجود رغبه حقيقيه فى الوصول للكمال

اتمنى لك الثبات و ادعو الله لك به و بالكل ما يسر قلبك و يفرج همك

امين

[مغتربة]

انا اتحجبت في اول عيد ميلاد لبنتي (لما تمت سنه يعني)

وانا كان عندي 22 سنه ساعتها

انا دلوقتي محجبه بقالي 12 سنه الحمد لله

لكن لما جيت اتحجب ..صديقات ليه نصحوني شوية نصايح كده .وفعلا طلعت كويسه

1- اني ابداْ بلبس الحجاب في رمضان وبعدها مااقلعهوش ...اكمل يعني ...(خصوصا اني مش باحب اللي كانوا يلبسوه في رمضان ويقلعوه بعدها)

2-او ابداْ بلبسه في الشتاء .علشان الحر ...يعني لو لبسنه في الصيف ممكن ازهق بسرعه والشيطان يوسوس لي بقه ,ارجع اقلعه تاني

لكن في الشتاء هاكون لبسته 3 شهور وخلاص الواحد اتعود عليه

3- اني اختار ملابس قطنيه او كتان ,علشان الحر برضو

4- اختار لبس شيك وفي نفس الوقت محترم (جينزات وبلوزات طويله )علشان لو لبست اي لبس طويل وحشمه وخلاص .ممكن بعد فتره ازهق واحس اني مش شيك

واهتم بتنسيق الالوان كويس واستعين باصحابي في الاول .

5- ان كل لبس يحمي من البرد ...بيحمي من الحر برضو ...نظرا لان لبسي قبل الحجاب كان تايرات قصيره ونص كُم .والواحد\ بيعتقد انه لو لبس بكُم وطويل هايكون حران

لكن اكتشفت ان الكُم الطويل بيحميني من الشمس وبيشيل حرارتها عني

6- اشتري لبس للحجاب واجمع كام طقم حلوين الاول وبعدين البس الحجاب .يعني مش يكون عندي بلوزتين بكُم اقوم البسهم وخلاص

يعني اكون جاهزه باللبس الاول علشان ما احتارش في تجميع اللبس بعد ما اكون لبست الحجاب اقوم ازهق وممكن الشيطان يوسوس تاني واقول لنفسي طب اقلعه ولما اشتري حاجات بكُم ابقى البسه

ده بقه اللي عملته مه بنتي :lol:

دلوقتي هيه لسه لابسه الحجاب بقالها يومين اتنين .هيه عندها 12 سنه

والحمد لله الجو لسه مش حر قوي في مصر .هيه قالت لي اخلص امتحانات والبسه علطول ,وفعلا ده اللي حصل

واخدتها من اسبوعين اشترينا كذا طقم وجمعنا لبس حلو وشيك خالص للحجاب ...علشان ما تحسش انها لما اتحجبت مابقتش شيك والشيطان يوسوس لها ويلعب في دماغها ...

وكُلنا دلوقتي بنشجعها ونقول لها ان شكلها في الحجاب احلى واجمل

عقبال بنتي التانيه بقى ...هيه لسه عندها 10 سنوات :blink:

ما شاء الله 12 سنه و اتحجبت

ربنا يا رب يثبتها و اليومين دول يبقوا 200 سنه باذن الله فى طاعه الله و خشيته

و عقبال اختها ما تلحقها باذن الله

دعواتى لك

[مغتربة]

اسف مقطع جميل جدا عن الحجاب

http://www.naqatube.com/view_video.php?vie...a92c0f7a18211d6

استاذ جيم اهلا بيك فى المنتدى

واضح ان حضرتك عضو جديد معانا

و حضرتك حاطط لنا مقاطع جميله عن الحجاب

ربنا يبارك لك و يجعله فى ميزان حسناتك

تحياتى

[gem]

شاكر للجميع صراحة انا اشتركت من فترة بسيطة لكن كان كل اهتمامي بموضوع الشهادات المهنية بخاصة cma وتقريبا دى اول مشاركة ليه خارج نطاق الشهادات المهنية لكن بجد الحجاب روعة والانسانة المحجبة بجد بجد بيزيدها الحجاب جمال فوق جمال

ربنا يثبت الجميع

والسلام

[reemragab]

ياه ده احنا رجعنا لورااااااااااا اوى

انا من ايام اعدادى وثانوى ربنا ما يوريكوا كنت حاجة تانية خالص عاصرت كام موضة كده... ولا بلاش خلى الطابق مستور

وبدات البس الحجاب الاول ايام رمضان بس وبعدين على سن 18 التزمت وقررت اتحجب وكنت فى اول سنة فى الكلية

وماكانش حد مصدق انى ممكن البس الحجاب من اصحابى كلهم كانوا معتقدين انى هادخل الكلية من هنا واعيش حياتى من هنا

وسبحان الله العكس كان الصحيح تماما وده شىء انا مبسوطة منه صحيح ان قرار الحجاب جه بعد ازمة فى حياتى(ما هياش عاطفية ولا حاجة) بس

الواحد ساعات بيحس بان الدنيا مقفلة اوى فى وشه ومحتاج انه يقرب من ربنا ولازم يعمل كذا ويعمل كذا ويبطل كذا وكان الحجاب واحد من الكام كذا

اللى ربنا هدانى ليهم وقتها

بالنسبة للبسى اول ما اتحجبت كان قمة فى الالتزام بلوزات واسعة وجيبات واسعة جدا ده لان البنطلون حرام والايشاربات الطويلة يعنى حجاب زى ما قال الكتاب

دلوقتى بقى حجاب سبور زى ما بيقول الكتالوج ولكن برضه مش بالحرية بتاعة البنات الصغيرين لانى مش صغيرة وفيه حاجات ما ينفعش البسها

اخواتى محجبات اسبور برضه وان كان فيهم واحدة كانت لابسة الاسدال بس بصراحة انا بميل للوسط بيتماشى معايا اكتر

بس المهم جدا واللى انا فاكراه كويس اوى انه بعد الحجاب كنت متوفقة جدا فى حياتى بشكل يمكن ما شفتوش بعدها

والمهم برضه انه بيفرق معايا جدا فى التعامل مع الناس والنظرة اللى الناس بتتعامل معايا بيها لانه مش بالضرورة ان كل اللى حوالينا عارفين شخصيتنا

وبالتالى بيكون المظهر مؤشر (اولى) مهم لتكوين انطباع ومن ثم وضع اسس للتعامل تكتمل بعد الالمام التام بجوانب الشخصية

[الدكتورة أم أحمد]

موضوع رائع الفاضلة مغتربة

جزاك الله خيرا

ويسر لك كل أمر

ولي اقتراح وهو أن تحدثنا كل أخت هل حدث في نفسها تغير إلى الأحسن (يعني أكثر طاعة لله أفضل خلقا )

أم أن هذا شأن ذاك شأن آخر

ولأني قلت قصة حجابي في موضوع عزتي بحجابي وفي موضوع لبس البنات لام عمرو فلن أكرره هنا منعا للملل إلا إذا جد جديد

[جنه]

دلوقتى بقى هقولكم على قصه حجابى

ان ان ااااااااااااااااااااااااااااااااااان

حكايتى مع الحجاب باختصار عكس حكاياتكم كلكم

انا عارفه ان ممكن ناس تاخد الكلام الى هقوله دا و تحوره و ناس تتفهمه و ناس و ناس

بس انا لا هكذب و لا هزيف علشان اجمل نفسى قدام حد

لانى متوافقه مع نفسى جدا فى كل مراحل حياتى و لله الحمد

تعالوا بقى احكلكم من البدايه بعد الدخله الاكشن دى ::rolleyes

صلوا على النبى

( صلى الله عليه و سلم )

اول حاجه

انا عمرى و بشدد على عمرى دى

ما فكرت اتحجب

مندهشات صح wst::

لا انا عمرى حتى ما جبت طرحه من بتوع ماما و جربتها عليا كده قدام المرايه و لا اى حاجه من الحاجات دى

بالعكس انا كنت بلعب بالباروكات بتاعتها بتاعت السبعينات دى عارفينها

بس هى كانت محتفظه بيها كنوع من الاثار

يعنى من الاخر الفكره عندى كانت مش مطروحه تماما

رغم ان اخواتى الاكبر منى اتحجبوا

بس على مراحل مختلفه من عمرهم

الى فى الجامعه و الى بعد الجواز بفتره

بس احنا عندنا فى البيت عمر ما حد قال لواحده فينا اتحجبى

الى كانت بتعوز تتحجب من نفسها كانت بتتحجب :blush2:

لكن الحجاب مكانش بيشغل اى حيز من المناقشات فى بيتنا

و على هذا الاساس خلصت انا الجامعه و اشتغلت سنين كتيره

و الفكره عندى غير وارده اطلاقا

اكيد بتسالوا نفسكم دلوقتى طيب اتحجبتى ازاى

اتحجبت فى يوم فارق فى حياتى كلها

اتحجبت فى يوم وفاه امى

ايوه يوم وفات امى :sad: :sad: :sad:

لما جالى الخبر و انا فى الشغل و روحت شوفتها و هى فى المستشفى للمره الاخيره و لقيت على وجهها سبحان الله زى ابتسامه زى بشر حاجه كده معرفش اوسميها

حسيت انى محتاجه اقدم لها حاجه بسيطه جدا تفرح بيها لما تعرف انها منى

و على هذا قررت فى لحظتها انى اتحجب علشان لما تنزل القبر متتحاسبش على عدم حجابى

و على هذا روحت البيت بسرعه و استلفت طرحه من واحده صحبتى هى الى لفتهالى لانى مكنتش بعرف الف

و نزلت جرى على الجنازة

الناس فى الاول مكنوش عارفين ان دا حجاب كانوا فاكرين انى لبست الطرحه علشان العزا بس

طيب ما اقبل كدا بكذا سنه كان فى عزا بابا و ملبستش فيه ابدا طرحه و لا حطيتها على راسى wst:: wst::

المهم ان تاريخ حجابى هو تاريخ وفاه والدتى

و دايما اتذكر الحديث الشريف عن أبي هريرة رضي الله عنه قال : سمعت أبا القاسم صلى الله عليه وسلم يقول : " عجب ربنا من قوم يقادون إلى الجنة في السلاسل "

بالطبع النيه دلوقتى اختلفت عن الاول

بس ادى الحكايه من طقطق ل

سلامو عليكوووووووووووووووووووووووووووووووووووو

رحم الله والدتك يا مغتربه و ادخلها فسيح جناته ... و نور قبرها و جعله روضه من رياض الجنه... و اسعدك كما اسعدتيها بارتدائك الحجاب... ثبتك الله و ايانا لما يحبه ويرضاه.

[مغتربة]

دلوقتى بقى هقولكم على قصه حجابى

ان ان ااااااااااااااااااااااااااااااااااان

حكايتى مع الحجاب باختصار عكس حكاياتكم كلكم

انا عارفه ان ممكن ناس تاخد الكلام الى هقوله دا و تحوره و ناس تتفهمه و ناس و ناس

بس انا لا هكذب و لا هزيف علشان اجمل نفسى قدام حد

لانى متوافقه مع نفسى جدا فى كل مراحل حياتى و لله الحمد

تعالوا بقى احكلكم من البدايه بعد الدخله الاكشن دى ::rolleyes

صلوا على النبى

( صلى الله عليه و سلم )

اول حاجه

انا عمرى و بشدد على عمرى دى

ما فكرت اتحجب

مندهشات صح wst::

لا انا عمرى حتى ما جبت طرحه من بتوع ماما و جربتها عليا كده قدام المرايه و لا اى حاجه من الحاجات دى

بالعكس انا كنت بلعب بالباروكات بتاعتها بتاعت السبعينات دى عارفينها

بس هى كانت محتفظه بيها كنوع من الاثار

يعنى من الاخر الفكره عندى كانت مش مطروحه تماما

رغم ان اخواتى الاكبر منى اتحجبوا

بس على مراحل مختلفه من عمرهم

الى فى الجامعه و الى بعد الجواز بفتره

بس احنا عندنا فى البيت عمر ما حد قال لواحده فينا اتحجبى

الى كانت بتعوز تتحجب من نفسها كانت بتتحجب :blush2:

لكن الحجاب مكانش بيشغل اى حيز من المناقشات فى بيتنا

و على هذا الاساس خلصت انا الجامعه و اشتغلت سنين كتيره

و الفكره عندى غير وارده اطلاقا

اكيد بتسالوا نفسكم دلوقتى طيب اتحجبتى ازاى

اتحجبت فى يوم فارق فى حياتى كلها

اتحجبت فى يوم وفاه امى

ايوه يوم وفات امى :sad: :sad: :sad:

لما جالى الخبر و انا فى الشغل و روحت شوفتها و هى فى المستشفى للمره الاخيره و لقيت على وجهها سبحان الله زى ابتسامه زى بشر حاجه كده معرفش اوسميها

حسيت انى محتاجه اقدم لها حاجه بسيطه جدا تفرح بيها لما تعرف انها منى

و على هذا قررت فى لحظتها انى اتحجب علشان لما تنزل القبر متتحاسبش على عدم حجابى

و على هذا روحت البيت بسرعه و استلفت طرحه من واحده صحبتى هى الى لفتهالى لانى مكنتش بعرف الف

و نزلت جرى على الجنازة

الناس فى الاول مكنوش عارفين ان دا حجاب كانوا فاكرين انى لبست الطرحه علشان العزا بس

طيب ما اقبل كدا بكذا سنه كان فى عزا بابا و ملبستش فيه ابدا طرحه و لا حطيتها على راسى wst:: wst::

المهم ان تاريخ حجابى هو تاريخ وفاه والدتى

و دايما اتذكر الحديث الشريف عن أبي هريرة رضي الله عنه قال : سمعت أبا القاسم صلى الله عليه وسلم يقول : " عجب ربنا من قوم يقادون إلى الجنة في السلاسل "

بالطبع النيه دلوقتى اختلفت عن الاول

بس ادى الحكايه من طقطق ل

سلامو عليكوووووووووووووووووووووووووووووووووووو

رحم الله والدتك يا مغتربه و ادخلها فسيح جناته ... و نور قبرها و جعله روضه من رياض الجنه... و اسعدك كما اسعدتيها بارتدائك الحجاب... ثبتك الله و ايانا لما يحبه ويرضاه.

ربنا يعطيك خير الدنيا و الاخره و يجعلك من ساكنى الفردوس الاعلى

لا استطيع ان اصف لك سعادتى بدعاءك الجميل هذا لامى

و اردده معك لها و لك و لكل المسلمين و المسلمات

امين امين امين يا رب العالمين :

[حمزه]

السلام عليكم اختي مغتربة

والله لقد ادمعتي عيني بقصتك وكاني اراكي لست ادري ما اقول رحم الله والديك وربنا يزفهم رفقة الاحبة محمد وحزبه في الفردوس الاعلى اللهم امين

ربنا يبارك فيك اختي ويحفظك وسترك دنيا واخرة يا رب

لا اله الا الله

[HanaaOsama]

الموضوع ده طلع بقاله فتره و انا مكنتش واخده بالي منه :blush2:

المهم

قصه حجابي عاديه مفهاش اي تشويق

انا ليه اختين اكبر مني ب 10 و 8 سنوات و كانوا محجبات وبرضه كل بنات العيله الكبار محجبات فعادي لما وصلت ل 2 اعدادي تقريبا فالعادي اني اتحجب زيهم

يعني لا كان في اجبار ولا مناقشه لان ببساطه ده العادي في البيت اني وصلت للسن الي المفروض اتحجب فيه و انا كمان كنت عايزه اتحجب من جوايا برضه مكنتش رافضه و اكيد كنت بفكر ساعتها اني كبرت زيهم فانا برضه عايزه اتحجب زيهم

بس كدا لبست الحجاب الحمد لله و لغايت دلوقتي ربنا يثبتنا

لكن من يوم ما لبسته لغايت دلوقتي نفس الاستايل في اللبس يعني مامرتش بمراحل و تطور او العكس

يعني اللبس العادي واسع جيبات و بلوزات او جيب بنطلون لكن دلوقتي عبايه او تونيك طويل للارض تحته بنطلون او تايير لكن الطرحه هي هي لا طولت ولا قصرت :sad:

نفس المقاس مع اختلاف طبعا الاشكال تبعا للزمن يعني كانت زمان ايشاربات دلوقتي طرح بتتلف

لكن عمري ما لبست بنطلون وانا خارجه ( لأ افتكرت لبست مره بنطلون في رحله مدرسيه في تانيه ثانوي و كنت سالفاه )

ربنا يرزقنا كلنا الثبات و الاخلاص

[الدكتورة أم أحمد]

موضوع رائع الفاضلة مغتربة

جزاك الله خيرا

ويسر لك كل أمر

ولي اقتراح وهو أن تحدثنا كل أخت هل حدث في نفسها تغير إلى الأحسن (يعني أكثر طاعة لله أفضل خلقا )

أم أن هذا شأن ذاك شأن آخر

ولأني قلت قصة حجابي في موضوع عزتي بحجابي وفي موضوع لبس البنات لام عمرو فلن أكرره هنا منعا للملل إلا إذا جد جديد

[/

لأنه جد جديد فإنني أعيد قصة حجابي هنا وأزيد عليها

تعودت من صغري على المواظبة على الصلاة في وقتها وكان السبب في ذلك بعد نعمة ربي وفضله رؤيتي لوالدي رحمة الله عليه يصلي

ومر الأمر طبيعي طول مدة الدراسة في المدرسة أصلي الصلاة في وقتها اللهم ماعدا الظهر الذي يتأخر لبعد الخروج من المدرسة لكنه يكون قبل صلاة العصر

وتغير الحال في الجامعة إذ كنا نمكث معظم النهار في الكلية فيؤدي ذلك إلى جمع الظهر والعصر في معظم الأيام وأحيانا وبنسبة أقل ينضم إليهم المغرب ولم يكن ذلك لعدم وجود مكان للصلاة ولكن لأن الملابس لا يجوز بها الصلاة وسبب ذلك لي ألما نفسيا ووخز في ضميري وظللت ألوم نفسي واستمر هذا الحال إلى قرب نهاية الفصل الدراسي الأول تقريبا

حتى قلت لنفسي من أجل ماذا أترك الصلاة ؟ وذهبت إلى بورسعيد وكانت في أوج مجدها كمنطقة حره واشتريت مايلزم وفصلت ملابس واسعة مع استعمال طرحة والتي تغيرت بسرعة إلى خمار والحمد لله اولا وآخرا ،

هذا الموقف رسخ في نفسي مبدأ أن الطاعات والمعاصي كالمسبحة يجذب بعضه بعضا.

وأسأل الله أن يقبل توبتي ويثبتني على طاعته

ويرزقنا الهدى والصلاح

مر على ذلك قرابة الثلاثين عاما خلال هذه المدة كان يعرض علي النقاب بطرق مختلفة أما عن طريق سماع الشرائط للمشايخ الذين يرونه فرض أو يكلمني زوجي في ذلك أو أخت من الأخوات وأخيرا أولادي بعد أن كبروا وتعلموا العلوم الشرعية

وأصارحكم فبالرغم من ثباتي على الخمار وعدم الانتقاب طوال هذه المدة إلا أنني كثيرا ما كنت أجد في نفسي الخوف من أن يكون الرأي بأن النقاب هو الفرض خاصة وأنني عندما كنت أقرأ أدلة القائلين بفرضية النقاب كنت أكدها أقوى ولكني اخترت الذي يناسبني وأحسب أنني في ذلك مثل الذي يقول( علقها في رقبة عالم واخرج سالم )والفارق أن هؤلاء العلماء معتبرين وليسوا أصحاب هوى ولا ضلالة

ولكن حدث هذه الأيام أمر جعلني أميل بدرجة كبيرة إلى الرأي القائل بفرضية النقاب وهو أن الشيخ محمد الزغبي في رده على أعداء الإسلام الذين يذمون الحجاب في الإسلام وغيرهم ممن ينتسبون إلى الإسلام وينكرون الحجاب (في الحلقة 8 ، 9 )من برنامج أصداء وأضواء .

استدل الشيخ من العهد القديم والجديد على وجود النقاب في الديانتين اليهودية والنصرانية بل وكل الآيات والأراء التي قيلت فيهما كانت تتكلم فقط عن النقاب وفرضيته وتذم كاشفات الوجه بالزنى والعار وغير ذلك

مما جعلني أفكر بجدية في لبس النقاب بعد كل هذه السنوات التي ظللت فيها مختمرة فقط لم أتزعزع عن ذلك

فهل ترون تفكيري هذا منطقي و أن هذا سبب قوي لتحولي إلى ارتداء النقاب ؟؟؟

حقيقي احتاج إلى أرائكم ونصحكم

الحمد لله ارتديت النقاب عملا بقول الرسول الكريم :((دع ما يريبك إلى ما لايريبك فإن الشك ريبة وإن الصدق طمأنينة))

وأيضا حتى أكون إيجابية في الرد على الحرب العالمية على النقاب هذا المظهر الإسلامي

وأقول لأعداء الإسلام : أشكركم ضرباتكم توقظنا

وأقول لهم أيضا : موتوا بعيظكم

تم تعديل 6 يوليو 2010 بواسطة الدكتورة أم أحمد

[مغتربة]

موضوع رائع الفاضلة مغتربة

جزاك الله خيرا

ويسر لك كل أمر

ولي اقتراح وهو أن تحدثنا كل أخت هل حدث في نفسها تغير إلى الأحسن (يعني أكثر طاعة لله أفضل خلقا )

أم أن هذا شأن ذاك شأن آخر

ولأني قلت قصة حجابي في موضوع عزتي بحجابي وفي موضوع لبس البنات لام عمرو فلن أكرره هنا منعا للملل إلا إذا جد جديد

[/

لأنه جد جديد فإنني أعيد قصة حجابي هنا وأزيد عليها

تعودت من صغري على المواظبة على الصلاة في وقتها وكان السبب في ذلك بعد نعمة ربي وفضله رؤيتي لوالدي رحمة الله عليه يصلي

ومر الأمر طبيعي طول مدة الدراسة في المدرسة أصلي الصلاة في وقتها اللهم ماعدا الظهر الذي يتأخر لبعد الخروج من المدرسة لكنه يكون قبل صلاة العصر

وتغير الحال في الجامعة إذ كنا نمكث معظم النهار في الكلية فيؤدي ذلك إلى جمع الظهر والعصر في معظم الأيام وأحيانا وبنسبة أقل ينضم إليهم المغرب ولم يكن ذلك لعدم وجود مكان للصلاة ولكن لأن الملابس لا يجوز بها الصلاة وسبب ذلك لي ألما نفسيا ووخز في ضميري وظللت ألوم نفسي واستمر هذا الحال إلى قرب نهاية الفصل الدراسي الأول تقريبا

حتى قلت لنفسي من أجل ماذا أترك الصلاة ؟ وذهبت إلى بورسعيد وكانت في أوج مجدها كمنطقة حره واشتريت مايلزم وفصلت ملابس واسعة مع استعمال طرحة والتي تغيرت بسرعة إلى خمار والحمد لله اولا وآخرا ،

هذا الموقف رسخ في نفسي مبدأ أن الطاعات والمعاصي كالمسبحة يجذب بعضه بعضا.

وأسأل الله أن يقبل توبتي ويثبتني على طاعته

ويرزقنا الهدى والصلاح

مر على ذلك قرابة الثلاثين عاما خلال هذه المدة كان يعرض علي النقاب بطرق مختلفة أما عن طريق سماع الشرائط للمشايخ الذين يرونه فرض أو يكلمني زوجي في ذلك أو أخت من الأخوات وأخيرا أولادي بعد أن كبروا وتعلموا العلوم الشرعية

وأصارحكم فبالرغم من ثباتي على الخمار وعدم الانتقاب طوال هذه المدة إلا أنني كثيرا ما كنت أجد في نفسي الخوف من أن يكون الرأي بأن النقاب هو الفرض خاصة وأنني عندما كنت أقرأ أدلة القائلين بفرضية النقاب كنت أكدها أقوى ولكني اخترت الذي يناسبني وأحسب أنني في ذلك مثل الذي يقول( علقها في رقبة عالم واخرج سالم )والفارق أن هؤلاء العلماء معتبرين وليسوا أصحاب هوى ولا ضلالة

ولكن حدث هذه الأيام أمر جعلني أميل بدرجة كبيرة إلى الرأي القائل بفرضية النقاب وهو أن الشيخ محمد الزغبي في رده على أعداء الإسلام الذين يذمون الحجاب في الإسلام وغيرهم ممن ينتسبون إلى الإسلام وينكرون الحجاب (في الحلقة 8 ، 9 )من برنامج أصداء وأضواء .

استدل الشيخ من العهد القديم والجديد على وجود النقاب في الديانتين اليهودية والنصرانية بل وكل الآيات والأراء التي قيلت فيهما كانت تتكلم فقط عن النقاب وفرضيته وتذم كاشفات الوجه بالزنى والعار وغير ذلك

مما جعلني أفكر بجدية في لبس النقاب بعد كل هذه السنوات التي ظللت فيها مختمرة فقط لم أتزعزع عن ذلك

فهل ترون تفكيري هذا منطقي و أن هذا سبب قوي لتحولي إلى ارتداء النقاب ؟؟؟

حقيقي احتاج إلى أرائكم ونصحكم

الحمد لله ارتديت النقاب عملا بقول الرسول الكريم :((دع ما يريبك إلى ما لايريبك فإن الشك ريبة وإن الصدق طمأنينة))

وأيضا حتى أكون إيجابية في الرد على الحرب العالمية على النقاب هذا المظهر الإسلامي

وأقول لأعداء الإسلام : أشكركم ضرباتكم توقظنا

وأقول لهم أيضا : موتوا بعيظكم

الف مبروك دكتوره

ما دام هذا اقتناعك بغض النظر عن اتفاقنا او اختلافنا معه

فتنفيذك لقرار انتى مقتنعه به يستلزم منا حتما التهنئه من صميم القلب

الف الف مبروك

[Howayda Ismail]

حكايتى مع الحجاب كانت متأخرة شوية لانى اتحجبت قبل زواجى بفترة قليلة لان الحجاب فى الوقت ده غير شائع

بعض اصحابى كانوا محجبات والاخر لا وكان الحجاب شئ اختيارى فى بيتنا من دون اجبار لكن فكرت فيه بعد تخرجى

والتحاقى بوظيفة فى شركة اجنبية جعلنى افكر ان البس طويل اغطى شعرى ولكن كنت عاوزة اللى يحفزنى

ان اعمل كده عشان كانت فى ناس تانية بتعارض فكرتى والحمد لله ربنا وفقنى فى اختيارى الصح لزوجى رغم ان ظللت فترة

بعد ارتباطى به دون حجاب حتى يكون عن قناعة تامة منى الكلام ده مر عليه اكتر من 20 سنة ومن فترة كنت بافكر فى

النقاب لكن كتير من الاخوات معايا فى المسجد بيلحوا عليا كتير فى محاولة لاقناعى به وانا لااحب التأثير على فكرى

فخشيت ان البسه ارضاء لهم بدون نية او لان كل المتواجدات منقبات فافعل مثلهم فيخالط نيتى الرياء او لانى مترددة

اخاف اقلعه بعد لبسه خلينى فى الخمار دلوقت لحد ما ربنا يهدينى للنقاب.

لكن الحمد لله ابنتى اتحجبت من سن 12 سنة

[عبير يونس]

الحمد لله ارتديت النقاب

الف مبروك يا دكتورة

و بغض النظر ان تتفق معك الآراء أو تختلف

فوصولك إلى قرار في موضوع كان يقلقك هو حقا شيء جدير بالتهنئة

:rolleyes:

[الدكتورة أم أحمد]

موضوع رائع الفاضلة مغتربة

جزاك الله خيرا

ويسر لك كل أمر

ولي اقتراح وهو أن تحدثنا كل أخت هل حدث في نفسها تغير إلى الأحسن (يعني أكثر طاعة لله أفضل خلقا )

أم أن هذا شأن ذاك شأن آخر

ولأني قلت قصة حجابي في موضوع عزتي بحجابي وفي موضوع لبس البنات لام عمرو فلن أكرره هنا منعا للملل إلا إذا جد جديد

[/

لأنه جد جديد فإنني أعيد قصة حجابي هنا وأزيد عليها

تعودت من صغري على المواظبة على الصلاة في وقتها وكان السبب في ذلك بعد نعمة ربي وفضله رؤيتي لوالدي رحمة الله عليه يصلي

ومر الأمر طبيعي طول مدة الدراسة في المدرسة أصلي الصلاة في وقتها اللهم ماعدا الظهر الذي يتأخر لبعد الخروج من المدرسة لكنه يكون قبل صلاة العصر

وتغير الحال في الجامعة إذ كنا نمكث معظم النهار في الكلية فيؤدي ذلك إلى جمع الظهر والعصر في معظم الأيام وأحيانا وبنسبة أقل ينضم إليهم المغرب ولم يكن ذلك لعدم وجود مكان للصلاة ولكن لأن الملابس لا يجوز بها الصلاة وسبب ذلك لي ألما نفسيا ووخز في ضميري وظللت ألوم نفسي واستمر هذا الحال إلى قرب نهاية الفصل الدراسي الأول تقريبا

حتى قلت لنفسي من أجل ماذا أترك الصلاة ؟ وذهبت إلى بورسعيد وكانت في أوج مجدها كمنطقة حره واشتريت مايلزم وفصلت ملابس واسعة مع استعمال طرحة والتي تغيرت بسرعة إلى خمار والحمد لله اولا وآخرا ،

هذا الموقف رسخ في نفسي مبدأ أن الطاعات والمعاصي كالمسبحة يجذب بعضه بعضا.

وأسأل الله أن يقبل توبتي ويثبتني على طاعته

ويرزقنا الهدى والصلاح

مر على ذلك قرابة الثلاثين عاما خلال هذه المدة كان يعرض علي النقاب بطرق مختلفة أما عن طريق سماع الشرائط للمشايخ الذين يرونه فرض أو يكلمني زوجي في ذلك أو أخت من الأخوات وأخيرا أولادي بعد أن كبروا وتعلموا العلوم الشرعية

وأصارحكم فبالرغم من ثباتي على الخمار وعدم الانتقاب طوال هذه المدة إلا أنني كثيرا ما كنت أجد في نفسي الخوف من أن يكون الرأي بأن النقاب هو الفرض خاصة وأنني عندما كنت أقرأ أدلة القائلين بفرضية النقاب كنت أكدها أقوى ولكني اخترت الذي يناسبني وأحسب أنني في ذلك مثل الذي يقول( علقها في رقبة عالم واخرج سالم )والفارق أن هؤلاء العلماء معتبرين وليسوا أصحاب هوى ولا ضلالة

ولكن حدث هذه الأيام أمر جعلني أميل بدرجة كبيرة إلى الرأي القائل بفرضية النقاب وهو أن الشيخ محمد الزغبي في رده على أعداء الإسلام الذين يذمون الحجاب في الإسلام وغيرهم ممن ينتسبون إلى الإسلام وينكرون الحجاب (في الحلقة 8 ، 9 )من برنامج أصداء وأضواء .

استدل الشيخ من العهد القديم والجديد على وجود النقاب في الديانتين اليهودية والنصرانية بل وكل الآيات والأراء التي قيلت فيهما كانت تتكلم فقط عن النقاب وفرضيته وتذم كاشفات الوجه بالزنى والعار وغير ذلك

مما جعلني أفكر بجدية في لبس النقاب بعد كل هذه السنوات التي ظللت فيها مختمرة فقط لم أتزعزع عن ذلك

فهل ترون تفكيري هذا منطقي و أن هذا سبب قوي لتحولي إلى ارتداء النقاب ؟؟؟

حقيقي احتاج إلى أرائكم ونصحكم

الحمد لله ارتديت النقاب عملا بقول الرسول الكريم :((دع ما يريبك إلى ما لايريبك فإن الشك ريبة وإن الصدق طمأنينة))

وأيضا حتى أكون إيجابية في الرد على الحرب العالمية على النقاب هذا المظهر الإسلامي

وأقول لأعداء الإسلام : أشكركم ضرباتكم توقظنا

وأقول لهم أيضا : موتوا بعيظكم

الف مبروك دكتوره

ما دام هذا اقتناعك بغض النظر عن اتفاقنا او اختلافنا معه

فتنفيذك لقرار انتى مقتنعه به يستلزم منا حتما التهنئه من صميم القلب

الف الف مبروك

ربنا يبارك فيك ويعزك ولك ودي واحترامي سواء اختلافنا أو اتفقنا في أمر ما

----------------------------------------

الف مبروك يا دكتورة

و بغض النظر ان تتفق معك الآراء أو تختلف

فوصولك إلى قرار في موضوع كان يقلقك هو حقا شيء جدير بالتهنئة

الفاضلة متغربة مصرية :

ربنا يبارك فيك وفي ذريتك

ولك أيضا ودي واحترامي سواء اختلفنا أو اتفقنا

تم تعديل 7 يوليو 2010 بواسطة الدكتورة أم أحمد

[جنه]

الف مبروك يا دكتوره ربنا يثبتك و يحبب الايمان الى قلبك .... لبست جديدا و عشت سعيدة و مت شهيده :rolleyes: :unsure:

[الدكتورة أم أحمد]

الف مبروك يا دكتوره ربنا يثبتك و يحبب الايمان الى قلبك .... لبست جديدا و عشت سعيدة و مت شهيده :rolleyes: :unsure:

ربنا يعزك ويبارك فيك

وآميين ولك مثله ،

مازالت كلماتك تتردد في نفسي

الاجابه الشافيه هنعرفها امتى ان شاء الله؟؟؟!!! يوم القيامه ان شاء الله... يوم الوقوف بين يدى الرحمن للحساب... يااما اية الحجاب هيكون مقصود بيها تغطية الوجه(فنكون ساعتها عملنا اللى علينا) او يكون مقصود بيها تغطية الشعر ( فنكون ساعتها عملنا اللى علينا و زياده.

جزاكم الله خيرا

تم تعديل 15 يوليو 2010 بواسطة الدكتورة أم أحمد