للاسف .. أقتربت ساعة الصفر للأنفجار

[se_ Elsyed]

كما حذرنا من قبل .. وكل أصحاب الضمائر الحية الذين يستقرأوا الأحداث والظروف ... كلهم حذروا من حالة إنفجار جماعي في مصر وإن بدأت ببعض الشرر ..

لكن لا أُذن تسمع ولا قلوب تعي ...

فبعد سلسلة الأضرابات العمالية لموظفي الشركات التي تم خصخصتها وخرابها وضاعت حقوقهم وضاعت وظائفهم نتيجة لأن المشتري كان يعلم تماماً ماذا يفعل وماذا يُريد من شراء شركات مُنتجه وتكسب ... واقرب مثل هو عمر أفندي ... وطنطا للكتان ... والقاهرة للزيوت اللي عرفت عنها بلاوي سودا يوم الجمعة الماضي من شخص قريب من ظروفها وعلمت ماذا تم وكيف بيعت بمبلغ 48 مليون جنيه ... في حين إن مشرتيها باع قطعة أرض واحده فقط تملكها الشركة وعليها مصنع من المصانع بأكثر من 100 مليون جنيه وشرد الناس ورمى لكل شخص 30 الف معاش مبكر ... وغيرها وغيرها من عشرات المصانع

ها نحن ذا أقتربنا من باقي الأنفجار الشعبي ...

فلأول مره نقرأ بالأمس أن سكان مدينة أسمها " طناش " و " جزيرة محمد " بالجيزة ... خرجوا بالالاف على الطريق الدائري الحيوي بمصر ليقطعوه لأن الكيل فاض بهم من كثرة الأهمال وعدم وجود خدمات أدمية لديهم من مياه وصرف صحي وكهرباء ... وعطلوا حركة المرور لساعات طويلة ... مما يجعلني أتخيل الكارثة الكبرى التي حدثت للسيارات المارة من هذا الطريق .... وأتخيل مدى معاناة هؤلاء الناس الذي لأول مره في تاريخ مصر يتم تسليط الذوء على أمثالهم مما يعيشون عيشة أقل من عيشة الحيوانات وذلك في برنامج " واحد من الناس " الذي يقدمه الاعلامي المحترم عمرو الليثي ....

وبالطبع نزلت الألة العسكرية الجهنمية وأعتقلت العديد منهم بتهمة التجمهر وأثارة الشغب وتعطيل المرور وتعكير صفو الأمن العام و و و و و و و و ... ومن بينهم طلبة جامعيين يؤدون الأختبارات هيه الأيام ...

وزاد الطين بله .. خروج محافظ الجيزة الهماه المستشار فتحي سعد ليعقد مؤتمراً صفحياً بعيداً عن أعين أعضاء المجلس المحلي الذين كانوا في أجتماع طاريء في مقرهم يناقشون تلك الكارثة ... ليُعلن سيادة المستشار أن جزيرة محمد وطناش سوف يشهدان عصراً ذهبياً خلال الأيام القادمة ..

بالنص قال ذلك أمام الجميع ..

شيء مُثيراً للسخرية .. أليس كذلك ؟

وفي نفس الوقت .. يخرج اهالي قرى في محافظة كفر الشيخ ليقطعوا الطريق الدولي الشمالي لإن أراضيهم الزراعية تم منع مياه الري عنها ...

ولا حول ولا قوة إلا بالله .. لان القادم أسوء ... ولأن المرجل قد أوشك على الأنفجار من كثرة الضغط الداخلي عليه وبه

[myusername]

مفيش انفجار ولا حاجة ان شاء الله..

البلد زى الفل.. و الناس زى الفل... و كل حاجة زى الفل

شوف احنا كنا فين و بقينا فين؟ :wub:

[doha]

سيدي الفاضل وبكل اسف اقولها لحضرتك

عندنا في مصر مفيش مجموعه هتتحرك من مكانها وتعمل تجمهر بالشكل الي حضرتك وصفته ده بدون مايكون لها محرك

والمحرك ده لا بيكون وضع غلط ولا ظروف معيشيه صعبه وانما افراد بعينها بتقول يلله ياجماعه نقوم كده بالصلاة على النبي هيلا بيلا نعمل اعتصام او اضراب او مظاهره او اي حاجه من الي التلفزيون بيرجع يصورها دي ويعمل عليها موضوع

سيدي الفاضل الناس دي متحركتش غير لان جالهم الاوامر بالحركه ..

من مين بقى الله اعلم

وناويين على ايه بعد كده برضه الله اعلم

هل هي مقدمه لاصلاح ما في المنطقه دي وعليه كان لازم نعمل ضجه اعلامية عشان نضخم الحكايه ونعظم الاصلاح ده ؟ الله اعلم

هل هي حركات مفتعله للتغطيه على شيء اكبر ؟ برضه الله اعلم

وهل وهل هل

في الف سبب سيدي الفاضل للتجمهرين دول الا ان الناس تكون فعلا فاكره ان الحركه دي هتجيب لها حقوقها

على كل حال

اصبر كده شهر ولا حاجه وهتتضح لك الرؤيا تماما وهتعرف الناس دي طلعت من بيوتها ليه

[بركة]

أختلف معاكي يا ضحى في وجهة نظرك

لأنني اعتقد ان ماحدث سيكون بمثابة النيو لوك للمطالبين بأخد حقوقهم

بعد الاعتصامات امام مجلس الشعب مافقدت تأثيرها

والتي كانت في السابق طريقة استرداد الحقوق الوحيدة امام المظلومين .

[ابو محمد بن مصطفي]

سؤال ما هو احساسك اذا قومت من النوم ليقيت نفسك فجأة مش في نفس المكان اللي انت كنت نايم فيه

اكيد احساس عجيب

هذا الاحساس هو احساس اهالي جزيرة محمد و ليست الجزيرة فقط

ولكن احساس جميع القري والمدن التابعة لمحافظة الجيزة والتي تقع غرب الطريق الدائري

فبقرار الحكومة بالتقسيم الاداري الجديد للمحافظتي القاهرة والجيزة (قرارات احمد باشا عز - والمغربي)

اظن ان القاهرة لا توجد بها مشاكل في فصل حلوان عنها وتكوين محافظة حلوان حتي القري والمراكز التابعة للجيزة

والتي تظلمت وطلبت ضمها الي محافظة حلوان بدلا من محافظة 6 اكتوبر تم الاستجابة فورا لهم.

وذلك لقربهم من محافظة حلوان وبعدهم عن محافظة 6 اكتوبر

ظهرت المشكلة في حلوان الان مع قرار الحكومة بالغاء دائرة مصطفي بكري

المشكلة بقي في الجيزة

السبب المعلن من الحكومة عند التقسيم انها تريد ان يكوين تركيز محافظة الجيزة علي مساحة قليله

حتي يتم تنميتها وتحسين البنية التحتية لهذه المناطق

هذه المناطق الدقي - الجيزة - المنيب - الهرم وفيصل - بولاق الدكرور - العجوزة - ارض اللواء - المهندسين - امبابة - الوراق

وبهذا التقسيم خرجت الحوامدية - البدرشين - العياط - الصف -

مراكز امبابة (تتضمن عدد كبير من القري من ضمنهم جزيرة محمد ) - اوسيم والبراجيل

ظهرت المشكلة عند الاهالي بانهم عندما يريدون ان يقدموا لاحد ابنائهم في المدرسة الاعدادية او الثانوية فقد تكون المدرسة في نفس الشارع

نعم في نفس الشارع بس انت تبع سته اكتوبر والمدرسة تبع الجيزة

تروح تقدم يقول المسئول كان زمان روح قدم لابنك في مدرسة تبع ستة اكتوبر احنا الجيزة يامحترم.

نفس المشاكل تقابهلم في الخدمات الصحية والخدمية الاخري

اصبحت الحياة بالنسبة لسكان الجيزة (زبادي في الخلاط) هكذا يعتقد الاهالي المتضريين

و هذه المرة ليست الاولي التي يتجمهر فيها اهالي قرية جزيرة محمد فقد سبق لهم التجمهر من قبل عدة مرات

ولكن هذه المرة يظهر ان الموضوع انكشف مع قرب الانتخابات والتقسيمات الجديدة للمحافظات

فالحقيقة ان التقسيم جاء لكي يخدم اعضاء الحزب الوطني

فالسبب الذي خرجت عليه بنا الحكومة وهو التقسيم من اجل التنمية لم يكن هو السبب الحقيقي

لانه مر علي القرار اكثر من عامين والتنمية في الجيزة محلك سر

والتنمية في الاجزاء التي كانت تابعة لها وتم ضمها الي ستة اكتوبر كانت التنمية تسير بها بسرعة السلحفة

اما الان فهي تسير بسرعة النملة

فالانتخابات الانتخابات هو المحرك الرئيسي علي ما اعتقد

[kitkat]

سيد بيك ،

السادة الأفاضل

احنا شعب سلبي جدا

والي مش مقتنع يراجع تاريخ مصر من أيام الفراعنة وقبلها كمان

ويشوف الاحتلال فضل عندنا كام سنة وكان مين بيساند الاحتلال ، مننا فينا

صباح السلبية يا ريس

ضحي قالت كلام 1000 % صح

تم تعديل 17 مايو 2010 بواسطة kitkat

[ssmaly]

كما حذرنا من قبل .. وكل أصحاب الضمائر الحية الذين يستقرأوا الأحداث والظروف ... كلهم حذروا من حالة إنفجار جماعي في مصر وإن بدأت ببعض الشرر ..

لكن لا أُذن تسمع ولا قلوب تعي ...

فبعد سلسلة الأضرابات العمالية لموظفي الشركات التي تم خصخصتها وخرابها وضاعت حقوقهم وضاعت وظائفهم نتيجة لأن المشتري كان يعلم تماماً ماذا يفعل وماذا يُريد من شراء شركات مُنتجه وتكسب ... واقرب مثل هو عمر أفندي ... وطنطا للكتان ... والقاهرة للزيوت اللي عرفت عنها بلاوي سودا يوم الجمعة الماضي من شخص قريب من ظروفها وعلمت ماذا تم وكيف بيعت بمبلغ 48 مليون جنيه ... في حين إن مشرتيها باع قطعة أرض واحده فقط تملكها الشركة وعليها مصنع من المصانع بأكثر من 100 مليون جنيه وشرد الناس ورمى لكل شخص 30 الف معاش مبكر ... وغيرها وغيرها من عشرات المصانع

ها نحن ذا أقتربنا من باقي الأنفجار الشعبي ...

فلأول مره نقرأ بالأمس أن سكان مدينة أسمها " طناش " و " جزيرة محمد " بالجيزة ... خرجوا بالالاف على الطريق الدائري الحيوي بمصر ليقطعوه لأن الكيل فاض بهم من كثرة الأهمال وعدم وجود خدمات أدمية لديهم من مياه وصرف صحي وكهرباء ... وعطلوا حركة المرور لساعات طويلة ... مما يجعلني أتخيل الكارثة الكبرى التي حدثت للسيارات المارة من هذا الطريق .... وأتخيل مدى معاناة هؤلاء الناس الذي لأول مره في تاريخ مصر يتم تسليط الذوء على أمثالهم مما يعيشون عيشة أقل من عيشة الحيوانات وذلك في برنامج " واحد من الناس " الذي يقدمه الاعلامي المحترم عمرو الليثي ....

وبالطبع نزلت الألة العسكرية الجهنمية وأعتقلت العديد منهم بتهمة التجمهر وأثارة الشغب وتعطيل المرور وتعكير صفو الأمن العام و و و و و و و و ... ومن بينهم طلبة جامعيين يؤدون الأختبارات هيه الأيام ...

وزاد الطين بله .. خروج محافظ الجيزة الهماه المستشار فتحي سعد ليعقد مؤتمراً صفحياً بعيداً عن أعين أعضاء المجلس المحلي الذين كانوا في أجتماع طاريء في مقرهم يناقشون تلك الكارثة ... ليُعلن سيادة المستشار أن جزيرة محمد وطناش سوف يشهدان عصراً ذهبياً خلال الأيام القادمة ..

بالنص قال ذلك أمام الجميع ..

شيء مُثيراً للسخرية .. أليس كذلك ؟

وفي نفس الوقت .. يخرج اهالي قرى في محافظة كفر الشيخ ليقطعوا الطريق الدولي الشمالي لإن أراضيهم الزراعية تم منع مياه الري عنها ...

ولا حول ولا قوة إلا بالله .. لان القادم أسوء ... ولأن المرجل قد أوشك على الأنفجار من كثرة الضغط الداخلي عليه وبه

انا معك ان الانفجار قادم

ولكن كيف ومتى وضد مين سيكون الأنفجار الله اعلم

الخوف ان يكون انفجار من طبقة اجتماعية معينة ضد طبقة اخرى

وربنا يستر

أختلف معاكي يا ضحى في وجهة نظرك

لأنني اعتقد ان ماحدث سيكون بمثابة النيو لوك للمطالبين بأخد حقوقهم

بعد الاعتصامات امام مجلس الشعب مافقدت تأثيرها

والتي كانت في السابق طريقة استرداد الحقوق الوحيدة امام المظلومين .

انا معك فى هذا الرأى ممكن ان تتحول طريقة الأعتراض من طريقة سلمية على الرصيف لطريقة دموية

المشكلة ان انها لن تكون ثورة شاملة ضد النظام ولكن مجرد تعبير عن الغضب وينتهى ببعض الأعتقالات

تم تعديل 17 مايو 2010 بواسطة ssmaly

[أسد]

للأسف الشديد

طالما أن المؤسسات السياسية والحزبية ضعيفة فإن الأمور ستنتقل للشارع

وشورعة القضايا ستحولها إلى فوضى

في رأيي ..

السياسيون والقادة الحزبيون يجب أن يقوموا بواجباتهم للتعبير بشكل جيد عن الناس

يجب التوجه للناس من خلال المساهمة في معالجة قضاياهم

النقابات غائبة ..

والأحزاب نائمة ..

وإذا تحول الموضوع للشارع .. فهذا أمر خطير جداً ..

لا يجب أن نسعد به ..

فالفوضى ستكون عارمة .. لأنه ليس للناس أي قيادات في الشارع

المراهنة على الشارع .. كاللعب بالنار

سيحرق الجميع

[التونسى]

مفيش انفجار حيحصل ولا حاجه .. كان حصل من زمان .. وكل اللى الحراك الشعبى اللى فات واللى حاضر واللى متوقع مجيئه ..مجرد شكل من اشكال الهوجه الغير منظمه واللى ملهاش اهداف محدده او وطنيه .. واللى بيتم السيطره عليها بكل سهوله من قبل الشرطه او حتى الجيش لو استلزم الامر .. اى عاقل او محب للوطن ده ميتمناش الانفجار ده على فكره

ومن عندى .. بعض الاستقراءات لمستقبل مصر ((وانا لا أنجم .. أو أطلع على القدر .. بل هو إحساس .. ووجهة نظر))

***مبارك حيترشح للانتخابات الجايه وقاعد كمان على اقل تقدير دوره ونصف رئاسيه ((متوقعله يظل فى الحكم حتى ال90 عام بجد ومش هزار ولا سخريه ولا تهكم))

***انتخابات مجلس الشعب على وجه الخصوص حتتزور ..رغم كل الحراك السياسى والمراقبه الدوليه ..وبفجر لم يسبق له مثيل .. ولن تكون الانتحابات نزيهه الا فى حاله واحده .. فى حالة انسحاب المعارضه من الانتخابات .. وعلى وجه الخصوص الاخوان المسلمين ((يعنى يسيبوها لهم ..خضره مخضره .. وبيضه مقشره ))

***الناس حتفضل فى محاولاتها المضنيه للهج من البلد والهروب من جحيم الحياه بمصر.. والقفز من السفينه الغارقه .. بدلا من رتق الفتق .. او سد الثقوب .. او اصلاح ما تم افساده

***اى امل فى اى تغيير حينبع من الجيش او يمر من خلاله .. مش من خلال اى مؤسسات او منظمات او جماعات اخرى مهما كانت ..واللى اعرفه ويعرفه الجميع ان الجيش بقياداته على كافة المستويات مبسوط واخر تمام من الوضع السياسى الحالى ...و ومزاجه عال العال .. و.. و.. كلام كتير ملوش لازمه اقوله

[okwaitme]

نقلاً عن باب "مسمار جحا" بموقع مصراوي

من أهم إنجازات الحكومة نجاحها في توحيد المصريين بمختلف انتماءاتهم على كلمة واحدة .. حسبي الله ونعم الوكيل

[لونا]

الحقيقة إني مش شايفة أي بوادر إنفجار و لا حاجة

الموضوع ده حصل قبل كدة من كام سنة لو تفتكروا في كفر الشيخ لما إنقطعت عنهم المياة في فصل الصيف مدة طويلة

و تجمهر الأهالي و قطعوا الطريق الدولي برضه

و الموضوع نزل على ما فيش بعدها بشوية

و يا ما مرت أزمات على المصريين .. و عاااااادي بيتكيفوا على الظروف الجديدة بعد فترة

و لو سألنا المقيمين في مصر .. حنلاقيهم عايشين حياتهم بصورة طبيعية جداً

بيتكلموا كلمتين يفضفضوا بيهم عن ضيقهم من الأوضاع السيئة و الغلاء و الفساد و و و ....

و خلااااص..

حتى ما فكروش في محاولات التغيير .. أو التوقيع للبرادعي

ما حدش حاول يعمل بطاقات إنتخابية لو ما كانش عنده .. ما حدش ناوي ينتخب لو ما كانش بينتخب قبل كدة

يعني بالرغم من كل ما تمر به مصر .. إلا أن المصريين هاديين جداً .. و مسالمين - أو سلبيين - جداً كعادتهم

و لا أعفي نفسي من السلبية طبعاً

يعني الكلمتين اللي كتبتهم دول هما الإيجابية؟؟

[مازن الدسوقى]

سى السيد

كلماتك جميله وتثير الحماس ونتمنى ان تكون الحقيقه ولكن ..

لقد جرد المواطن المصرى من مشاعر الانتماء حتى لاسرته وليس لوطنه فقط وقد تم ذالك بفعل فاعل و بطرق مدروسه وممنهجه حتى هنا على انفسنا وبالتالى هنا على الاخرين . لقد هان المصرى فى كل مكان فى الكويت فى السعوديه فى دارفور وغيرهم .......

أخشى ما أخشاه ان يعود قطاع الطرق وقد بدأت تهل بشايرهم وانتشرت حوادث الانتحار بين المثقفين لضيق ذات اليد . وجرائم البلطجه المأجوره وجرائم القتل والتنكيل واصبح هناك موجة عنف مبرره تنتاب مجتمعنا وتنتهى بأن نصفى انفسنا ونتركها لمن باعوها ثم اشتروها لانفسهم واصبحنا نحن الغرباء عليها .

سى السيد

نحن شعب مستكين يحب ان يبات مظلوم ومايبتش ظالم . سيدى ايام قراقوش وصلت المجاعه بالشعب حتى اكلوا القطط والكلاب ولم يثوروا على النظام . شكرا

[Sherief AbdelWahab]

متفق تمام الاتفاق مع الفاضل أسد والفاضلة ضحى..

هل أي تغيير بهذا الشكل حيجيب ديمقراطية ، ولا حيطلعلنا من القمقم ديكتاتورية أسوأ؟

فيه ناس بتقول إن الحزبوطني وإعلامه بيضخموا من خطورة اللي بيحصل علشان الناس تختاره.. ودة في رأيي كلام فارغ وغبي .. إيه اللي حيخلي حد يضخملي حاجة أنا شايفها بعينيا مرعبة؟ على رأي المثل الجديد : حيضخموك يا فيل.. حتبقى إيه يعني؟

كمان فكرة إن كل شيء بيتم في الشارع عفوي فكرة ساذجة بافتراء.. في أوساط معينة سهل قوى سياسية ما تشتغل ، وبالتأكيد من الغباء الاعتقاد بأن التيار الديني هو القوة دي لإن اللي بيلجأ للكلام دة على خبرة "أكبر" بالعمل السري وفي الاختباء بين الجماهير.. زي اللي حصل في المحلة..أما التانيين فوصلوا للبرلمان وبقت المواجهة بينهم وبين النظام ع المكشوف..

خلص الكلام

[ذهبية]

انت لية مش مقتنعين ان الناس بجد تعبت من الظلم و ان لازم عشلان يخرجوا فى مظاهرة حد محركهم

انا مش مع الراى دة

مش علشان الشعب اتثقف و عايزة ياخد حقة و لا علشان انهم واعين بحقوقهم و عايزنها و عارفين ان لهم اكتر من كدة حقوق ومش لاقينها

السبب البسيط

ان الناس بتقلد يا سادة

مجرد تقليد ..... ضعف حيلة ابواب مقفولة طريق مسدود

بيتفرجوا على التلفزيون بيلاقوا الكل خارج فى مظاهرات و بيتصوروا و فية منهم اخدوا حقوقهم و عرفوا يضغطوا على الحكومة

و تقدروا تقولوا

ضعف حيلة ابواب مقفولة طريق مسدود

ودة مش عيب بالعكس انا باشوفة دى علامة اجابية جدااا

لقوا ان الحكومة و اى عضوا فيها مش بيجى الا بالضغط و الفضايح على شاشات التلفزيون و اللى داخل فى اضراب عن الاكل

و اللى نايم اربعة و عشرين ساعة على الرصيف منهم نجح فعلا فى توصيل صوتة و منهم لسة مكمل الطريق

و تبدا الاقلام تسال السبب و لما تمشى ورا السبب تلاقى فساد و لما تلاقى فساد الصحف تكتب و لما تكتب

ساعتها بقى يبدا الشعب تقرا و يفهم

ام فية انفجار دة اكيد من وجهة نظرى معنديش ادنى شك فية

هيحصل امتى بمجرد ظهور خبر الوفاة فوراااااااااا

وطبعا كلكم فاهمين

[Diab]

الناس هتتحرك لما تعض رغيفهم فقط لاغير

[أسد]

مشكلة كبيرة ..

الأمل في خروج الناس في الشارع مشكلة كبيرة ..

خصوصاً لما يبقوا لوحدهم .. مفيش حد يقودهم أو يوجههم ...

كارثة ..

ستأكل الأخضر واليابس

الرهان على هذا الأمر رهان خاسر في كل الأحوال ...

لا نجعل اليأس والإحباط يجعلنا نتمنى التغيير بأي شكل وبأي صورة ..

التغيير قد يأتي بالأسوأ .. كما أنه قد يأتي بالأفضل ..

مسألة الفوضى الخلاقة والتي يدعو لها البعض أثبتت فشلها

إنظروا إلى مايحدث في العراق بعد أن عمت الفوضى .. إنظروا إلى الوضع اليوم بعد سنوات من الفوضى

إللي مش عاجبه حاجة .. بيجيب عربية ويلغمها ويحطها في قلب سوق .. ويفجر فيهم ..

الفوضى لن تأتي بخير أبداً ...

أتمنى ألا يأتي هذا اليوم التي يخرج فيه الناس كل كل أشكالهم وأنواعهم .. ونجد ان هناك من يطالب بالعدالة .. ومن يطالب بتحسين أحواله .. ومن يرفض قرار .. ومن يكسر بنك ويسلب مافيه .. ومن يحرق مدرسة .. ومن يحرق بار .. ومن يكسر كنيسة .. ويختلط الحابل بالنابل .. ويعجز الكل عن إيقاف ذلك إلا بالقوة .. وهنا سيكون هناك الكثير من الضحايا ...

كل التجارب السابقة أثبتت فشل تلك الطريقة

[زعلان]

سلمت يا مصر من الحاقدين

عاشت مصر مبارك

[ssmaly]

مشكلة كبيرة ..

الأمل في خروج الناس في الشارع مشكلة كبيرة ..

خصوصاً لما يبقوا لوحدهم .. مفيش حد يقودهم أو يوجههم ...

كارثة ..

ستأكل الأخضر واليابس

الرهان على هذا الأمر رهان خاسر في كل الأحوال ...

لا نجعل اليأس والإحباط يجعلنا نتمنى التغيير بأي شكل وبأي صورة ..

التغيير قد يأتي بالأسوأ .. كما أنه قد يأتي بالأفضل ..

مسألة الفوضى الخلاقة والتي يدعو لها البعض أثبتت فشلها

إنظروا إلى مايحدث في العراق بعد أن عمت الفوضى .. إنظروا إلى الوضع اليوم بعد سنوات من الفوضى

إللي مش عاجبه حاجة .. بيجيب عربية ويلغمها ويحطها في قلب سوق .. ويفجر فيهم ..

الفوضى لن تأتي بخير أبداً ...

أتمنى ألا يأتي هذا اليوم التي يخرج فيه الناس كل كل أشكالهم وأنواعهم .. ونجد ان هناك من يطالب بالعدالة .. ومن يطالب بتحسين أحواله .. ومن يرفض قرار .. ومن يكسر بنك ويسلب مافيه .. ومن يحرق مدرسة .. ومن يحرق بار .. ومن يكسر كنيسة .. ويختلط الحابل بالنابل .. ويعجز الكل عن إيقاف ذلك إلا بالقوة .. وهنا سيكون هناك الكثير من الضحايا ...

كل التجارب السابقة أثبتت فشل تلك الطريقة

استاذ اسد

انا فهمت من كلامك ان هناك من يتمنى وينتظر ساعة الانفجار ويعتبرها ساعة الخلاص والحرية من النظام الحالى

انا لا اعتقد ان هناك احد منا يتمنى ذلك ولا يتنظر هذا الأنفجار حتى نتتحرر

لاننا نعلم جيدا ماذا ممكن ان يحدث عند خروج عدد كبير من العامة بدون تخطيط وبدون قيادة وهدف كبير يجمع الكل

والا سيكون مثل ماحدث فى خروج الامن المركزى فى شارع الهرم فى الثمانيات

نحن نحذر من الأنفجار ولا نتمناه

[أسد]

استاذ اسد

انا فهمت من كلامك ان هناك من يتمنى وينتظر ساعة الانفجار ويعتبرها ساعة الخلاص والحرية من النظام الحالى

انا لا اعتقد ان هناك احد منا يتمنى ذلك ولا يتنظر هذا الأنفجار حتى نتتحرر

لاننا نعلم جيدا ماذا ممكن ان يحدث عند خروج عدد كبير من العامة بدون تخطيط وبدون قيادة وهدف كبير يجمع الكل

والا سيكون مثل ماحدث فى خروج الامن المركزى فى شارع الهرم فى الثمانيات

نحن نحذر من الأنفجار ولا نتمناه

تمام كده ...

هذا ما أقصده بالضبط

لكني أرى أن هناك من يستشعر النشوة والسعادة من ظهور مثل تلك الحالات من الغضب الجماهيري والذي نخشاه جميعاً لأنه غير موجه وبدون أي قيادات

كما يذكر الجميع أحدث يناير 1977 وأحداث الأمن المركزي 1986 والتي ذكرتها حضرتك .. وأحداث المحلة في 6 ابريل .. الناس راحت تكسر في أي حاجة أمامها

الناس بتتعامل مع الحكومة أنها عدو في تلك الحالات .. وبالتالي .. فالوضع سيكون أكثر من خطير ..

لذلك واجب علينا أن نحذر

[محمد عبدالعزيز]

لما أسمع خبر زى بتاع جزيرة محمد وطناش ده, أقول الناس زهقت ووصلت لمرحلة الانفجار وربنا يستر.

ولما أشوف مشاهد أو لقطات من الوقفة أو المظاهرة, أقول ولا انفجار ولا حاجة, لأن الناس يتكون عاملة زى اللى بيشجع فى ماتش كورة, اللى واقف يرقص واللى واقف يسقف واللى واقف بيضحك, ده بعتبره بالظبط زى اللى ماشى بيضحك فى جنازة, ماتحسش بجدية نهائى فى الاعتراض.

وكله كوم واللى بيرفعوا لافتات مناشدة للرئيس إنه يتدخل عشان يحل مشكلتهم كوم تانى, ساعتها بحس فعلاً إن مفيش فايدة.