فيلا س س ، 10 ش الأحلام

[se_ Elsyed]

حبيت أديلكم فكرة بسيطة عن الفيلا اللي س س عايش فيها ، فبعد ما اتحفتكم بصور العربيات اللي عندي ، قولت أشرككم معايا وأفرجكم على المنتجع الصيفي اللي بأحب اعيش فيه مع نفسي لما اكون متضايق ... وقريباً إن شاء الله هأعرض لكم البيت الكبير اللي لامم آل س س ...

1- ده منظر عام للبيت

2- اول ماتدخل برجلك اليمين تلاقي الفسحه في وشك

3- ده الترابزين اللي بأحب اتزحلق عليه في الطالعة والنازلة

4- دي بقى أوضة المسافرين

5- وده المعمل اللي باعمل فيه احلى حواوشي واللي بتاكلوا صوابعكوا وراه

6- ودي الطبلية

7- وطبعاً لازم تواليت .. اهو على أيدكوا الشمال

8- وأخيراً بعد اللف والدوران حيلي بيتهد وبأطلع أمدد ساعة

إوعوا تفتكروا إني بأميس عليكو أو بأفتح مطاوي ... أهو هاندي كرافت بييجي يأكل عندي .. قصدي بيييجي يزورني وممكن تسألوه من ورايا ...

هاندي .. قول الحقيقة وماتخافش وماتجاملنيش ..

[abofasad]

يا له من تواضع يا س س

اللهم لا حسد

اللي اعطاك يعطينا

[Mohammad Abouzied]

شفتو طائرة اخلاء طبي خاصة ب س س وفيلا بخمسة وعشرين مليون جنية !!!!!!!

:blink: :blink: mfb: جتنا نيلة في حطنا الهباب

[عادل أبوزيد]

الفاضل سى السيد

توقيت إعلانك عن ثروتك المتواضعة ... يتزامن مع إعلان تبرئة الدكتور عبد الحميد حسن ...

و إعلان محكمة النقض إن كل واحد على كيفه و اللى بيشك يثبت هو و مالكمش دعوة بثروتى .... جايبها من مصروفى يا أخى إنت مالك

أنا قلت يتزامن فقط ... و ملك الملوك إذا وهب فلا تسألن عن السبب

اللهم إحمنا من الحسد

الناس دى ... حزب أعداء النجاح ... إيه من أين لك هذا ؟ و كسب غير مشروع !! و كلام فارغ من ده كتير .....

الحمد لله .... يحيا العدل

[R.M.G.]

بس قاعدة التواليت مش واسعة شوية ؟ الواحد كده ميبقاش على راحته وعدم المؤاخذه ممكن يقع ولا دي صورة البيديه؟

علي النعمة انا لو عندي حمام زي ده استخسر استعمله للي بالي بالك :blink: ياعم دا الواحد يقابل فيه الضيوف الأكابر