المأذون قالها امضي...و هي قالت...!! طب ده ينفع

[لماضة مصرية جدا]

السلام عليكم و رحمة الله و بركاته

حبايبي الحلوين....فيه حاجة عمالة تتنطط في تلافيف دماغي و محتاجة حد يفهمني

ليا صديقة اماراتية....كتبت كتب كتابها يوم الجمعة.....حلو....حد يقول حلو...و يسمعنا زغروتة

المهم و السيد القاضي داخل عليها (ايون عندهم قاضي....مش استاذ حسب النبي المأذون)...

المهم قالها يا بنتي يا "....." .....ايه رايك....؟؟

البت يندب في عينها رصاصة...قالت موافقة......بس

بشروووووووووووووووووط

يا لهوي...؟؟؟(ده انا اللي قولت كده طبعا و فتحت بوقي شبرين)

و قالتله....انا ليا 3 شروط....روح بلغ العريس بيهم...و مش همضي غير لما ينكتبوا في الوثيقة...!!!!!!

انا كنت هيسورق عليا لاني اول مرة اعرف كده...

انا اعرف ان الواحدة بتبصم ع طول.....و عمري ما فكرت ايه اللي ممكن يتكتب في وثيقة الزواج

سؤالي بقي...لا هو مش سؤال واحد...دول لوكشة اسئلة...

1- لو انتي بنت مش متجوزة....يا تري انتي تعرفي ايه عن وثيقة الزواج....و ايه الشروط اللي عايزة تحطيها في الوثيقة؟؟؟

2- لو انتي بنت متجوزة......يا تري قريتي الوثيقة بتاعتك....و لو رجع بيكي الزمن....تحبي تحطي شروط ايه؟؟؟

3- لو انت ولد بقي.....و العروسة قاعدة جوه مع الستات...و طلع المأذون و بيقولك هي مش هتمضي غير بالشروط دي.....رد فعلك ايه...

هتوافق...ع الشروط....احراج....

و لا لانك بتحب البنت اوي.....و اصلا متفقين و الشروط مش فارقة معاك....

و لا هتضرب كورسي في الكلوب....و تقول يا فكيك؟؟؟

4-لو انت ولد متجوز....لو رجع بيك الزمن برضه يا توري يا هل توري....ايه الشروط اللي نفسك تحطها في وثيقة الزواج؟؟؟؟

اللي لفت نظري في الموضوع ده كله......البنت نفسها عندها 21 سنة بس بتتكلم بثقة و جرأة غريبة....و ده خلاني اسال سؤال عااااااااااااااااااشر

يعني احنا في مصر....اكتر ناس عمالين نتكلم عن حقوق المرأة و حرية المرأة و جمعية المرأة....و ملوخية المرأة.....

و ع الرغم من كده المرأة المصرية هي الوحيدة اللي بنشوفها في السوبر ماركت...

و هي شايلة 20 كيس بقالة...

و هي الوحيدة اللي لازم بتضحي عشان البيت و بتنسي نفسها اول ما بتاخد لقب مودام

طب الست في الخليج.....عمرنا ما سمعنا انها بتعمل اي حركات تحررية ثورية توحشية....و ع الرغم من كده واخدة حقها تالت و متلت......ليه بقي.....بقي ليه؟؟؟؟

ممكن لو سمحت حد يفهمني

تكسبوا فيا ثواب

احسن حاسة اني انضحك عليا اوي.........(صوت طرقعة قلم ع القفا..... )

فوتكم بعافية

[jasmin hamed]

بصى يا بنيتى الصغيره موضوع الشروط فى عقد الجواز ده قديم حديث

لانه مشروع من زمان لكن مفعل من 5 او سبع سنين بس فى مصر

و الله اعلم

الموضوع بس محتاج تفتح و مانخدوش على صدرنا قوى

الحقيقه الواقعه ان ناس كتير مابقتش تحترم كلمتها و الحل لحفظ الحقوق هو التوثيق

كلام الخطوبه بيبقى مدهون بزبده يطلع عليه الجواز يسيحه

الراجل الى يقول لا انا مش هكتب الكلام ده فى عقد الجواز يبقى عارف ان ممكن ينقض كلامه

عموما انا راى ان الكلام ده يكون التفاق فيه من اول يوم مش يوم كتب الكتاب

يعنى ذى مابيتفقوا على البيت و الجهاز و كده يتفقوا على الشروط بتاعت الجواز

الشروط ممكن تكون ادارة اعمالها بنفسها او عدم الزواج باخرىو فى حالة الزواج

باخرى او اثبات وقعة زنا لا قدر الله يكون العقد مفسوخ من طلقاء نفسه او تكمله الدراسه و هكذا

بس الناس الى فلقنا فى التلفزيون بتععد الازواج يجيوا عن حقوق المراه فى الزواج و يعملوا نفسهم مش واخدين بالهم

يجيوش بقى يخصصوا حلاقات عن حقوق الستات فى الجواز لا بلاش نفتح عينهم على الحاجلت ديه

[the consultant]

شوفوا يا ولاد البرنسيسة اللي قررت تقبل الزواج مني لا يحق لها ابداء اي شروط و الا الموضوع حيقلب "مجرد معاملة" ترانساكشن يعني . الثقة في القلب مش في العقد اتعلمنا كده في الكليه

لكن لو كان حصل معايا الموضوع ده (و الحمد لله محصاش) كنت ضربت 3 كراسي في كلوب واحد و قلبتها ضلمه .

طيب هو انتي معرفتيش رد فعل السيد العريس كان ايه في الموضوع ده ؟

[pink rose]

سؤال على اسئلتك يا ريهام

ايه الشروط اللي البنت قالت مش ماضية الا لما يوافق عليها المأسوف على شبابه؟

[لماضة مصرية جدا]

الحقيقه الواقعه ان ناس كتير مابقتش تحترم كلمتها و الحل لحفظ الحقوق هو التوثيق

الراجل الى يقول لا انا مش هكتب الكلام ده فى عقد الجواز يبقى عارف ان ممكن ينقض كلامه

السلام عليكم و رحمة الله و بركاته

يا لهوي يا جاسمين......"الناس مش بتحترم كلمتها... والحل هو التوثيق"....طب لو اتخانقنا مثلا....آخد انا القايمة انام عليها....(وش حنفي في مسرحية سك علي بناتك)

ع فكرة انا مرة اتكلمت مع اخواتي في موضوع القايمة مثلا......ايه لازمة ان الواحد يقعد يملا 15 صفحة فلوسكاب.....بدعوي انها ضمان حق البنت.....لو حصل انفصال لا قدر الله

بس هو حق البنت انها تكتب رغباتها و احلامها و توقعاتها من شريك الحياة في ورقة....و لا هو يطمنها ازاي طيب؟؟؟

بس صحيح يا جاسي.....مقولتيشي ايه الشروط اللي نفسك تبقي في وثيقة الزواج؟؟؟؟؟

[Simba]

اللي يعيش ياما يشوف

دي حاجة ولا حصلت في الافلام الامريكاني يعني

وبعدين هي ايه الشو اللي عملته ده ما لقيتش الا ساعة الجواز علشان تتشرط

طيب ما كانت قدامها فترة الخطوبة والكلام ده كان ممكن يتقال

[لماضة مصرية جدا]

شوفوا يا ولاد البرنسيسة اللي قررت تقبل الزواج مني لا يحق لها ابداء اي شروط و الا الموضوع حيقلب "مجرد معاملة" ترانساكشن يعني . الثقة في القلب مش في العقد اتعلمنا كده في الكليه

لكن لو كان حصل معايا الموضوع ده (و الحمد لله محصاش) كنت ضربت 3 كراسي في كلوب واحد و قلبتها ضلمه .

طيب هو انتي معرفتيش رد فعل السيد العريس كان ايه في الموضوع ده ؟

السلام عليكم و رحمة الله و بركاته

العريس ع فكرة مضي......و ده اللي كان هيجنني....مع انها صاحبتي و انا مبسوطة لفرحها بس حسيت انها متصرفتشي صح......حسيت انها احرجته

بس هو تقبل الموضوع عاااااااااادي جدا....مع ان شروطها كانت مستفزة...معرفشي بقي هو بيحبها اوي يعني...و لا ايه؟؟؟

استاذي بقي

حضرتك مش قولت....الشروط اللي حضرتك تحطها للبرنسيسة...

اصلي اللي فهمته ان الشروط دي ممكن تبقي للست و للراجل؟؟؟ و لا ايه؟؟؟

[لماضة مصرية جدا]

سؤال على اسئلتك يا ريهام

ايه الشروط اللي البنت قالت مش ماضية الا لما يوافق عليها المأسوف على شبابه؟

ايه يا مورسي الزناااااتي ده

ما هو انا بسال...عشان الناس اللي زي حضرتك في ميدان المعركة تجااااااااااااااااااوب...(اصلي كان ممكن احط شرط انه مثلا ميبصبصشي لحد تاني...و ده معناه اني هتطلق في السبوع الاول مثلا)....بس خبرتك العميكة هتخلي الواحد يفكر بطريقة مختلفة.....ارمي بياضك بقي

انا بالنوسبة للمأسوف علي شبابه......هو بعد ما اخد اللقب.... wst:: متهيالي مش هينفع يتشرح.....قصدي يتشرط؟؟؟

بس يمكن......محدش عارف.....يمكن الالولاد برضه نفسها تحط شروط و كده....بس ايه بقي؟؟؟(عشان لما نحب نكوت نبقي بالعند فيهم نعملها...... wst:: )

[لماضة مصرية جدا]

اللي يعيش ياما يشوف

دي حاجة ولا حصلت في الافلام الامريكاني يعني

وبعدين هي ايه الشو اللي عملته ده ما لقيتش الا ساعة الجواز علشان تتشرط

طيب ما كانت قدامها فترة الخطوبة والكلام ده كان ممكن يتقال

ما هو انا اللي تعبني انه مجتمع كنت أظنه منغلق و كده....بس لقيت البنت بمنتهي الجرأة بتعمل كده...و لما سالتها بعد الفرح...قالتلي مش حقي...ليه اتنازل عنه

ع فكرة هي طلبت 3 شروط:

1- انها تكمل تعليمها

2- ما يتدخلشي في نوع الدراسة اللي هتدرسها (اللي يسمع كده يقول مثلا هتدرس الرقص الشرقي....هي بتدرس اصلا ادارة اعمال....)

3- انها تعيش في مدينة معينة

القاضي كتب

و العريس مضي.....

و انا شكلي بقي وحش اوي لاني سالت؟؟؟؟

تم تعديل 18 مايو 2010 بواسطة لماضة مصرية جدا

[ذهبية]

و انتى مستغربة لية يا لماضة على فكرة بقى دة عين العقل اقولك لية

ليا واحدة قريبة حبت زميلها جدا جدا وهى دكتورة فى الجامعة من النوع اللى بتسافر لكل بلاد العالم و تعبت قوى علشان توصل للمكانة دى

قوم اية بقىىىى ساعة الفرح ابوها كان ناصح جدااا و قال لها مووضع الحب و القصص دى هيتختفى بعد الجواز و هتلاقى واحد تانى

راح شارط علية فى ورقة الزواج

انها تقدر تسافر بدون ما يقدر هو يمنعها فى اثناء سفرها فى مؤتمر او عمل لان لازم موافقة الزوج على سفر الزوجة

وكان عندة حق لانة اول حاجة منعها من الشغل بعد الزواج اصلا

و بعد فترة تم الطلاق

انا بقى مع تلك الوثثيقة جدااااا

شروطى

1---- عدم الزواج عليا و يحق لى الطلاق فورا

2--- عدم منعى من العمل عندما اريد ذلك

3---حضانة الولاد تعود لى فورا لو حصل بعد الشر اى طلاق حتى لو تعدوا السن القانونى

طبعا هاسمع اراء من نوع و لية و ازاى وفين الحب و فين معرفش اية

انا مع حرز و لا تخون و الله فترة الخطوبة بيكون فيها خداع و كلام معسول كتير فيها اية لما احرز من الان

و بعدين فى الاول و الاخر المستقبل فى يد الله

هو لو بيحبنى هيوافق خاصة ان شروطى ليا حق فيها ومن حقة برضة يحط شروط عليا و افكر فيها لا اوافق لا ارفضها

زى من حقة يرفض شروطى و طبعا كل دة من الاول احسن

[pink rose]

و الله يا لماضة يا بنتي لما شوفت زوجي العزيز قبل ما نتجوز طبعا قعدنا كده قدام الكعبة و اتعاهدنا على الاتي

اننا نتقي الله في بعض و نتعامل سوا بما يرضي الله

ما حدش يخبي حاجه عن التاني مهما كانت

لو حد حاجه مضايقاه في التاني يقوله عشان يصلحها بدل مع الامور تبوظ

و هو دا اللي اتجوزنا عليه الحمدلله

و هو دا المهم من وجهة نظري لان لا ماديات و لا اي حاجه بتنفع يوم ما حد يقرف التاني في عيشته

[لماضة مصرية جدا]

و انتى مستغربة لية يا لماضة على فكرة بقى دة عين العقل اقولك لية

ليا واحدة قريبة حبت زميلها جدا جدا وهى دكتورة فى الجامعة من النوع اللى بتسافر لكل بلاد العالم و تعبت قوى علشان توصل للمكانة دى

قوم اية بقىىىى ساعة الفرح ابوها كان ناصح جدااا و قال لها مووضع الحب و القصص دى هيتختفى بعد الجواز و هتلاقى واحد تانى

راح شارط علية فى ورقة الزواج

انها تقدر تسافر بدون ما يقدر هو يمنعها فى اثناء سفرها فى مؤتمر او عمل لان لازم موافقة الزوج على سفر الزوجة

وكان عندة حق لانة اول حاجة منعها من الشغل بعد الزواج اصلا

و بعد فترة تم الطلاق

انا بقى مع تلك الوثثيقة جدااااا

شروطى

1---- عدم الزواج عليا و يحق لى الطلاق فورا

2--- عدم منعى من العمل عندما اريد ذلك

3---حضانة الولاد تعود لى فورا لو حصل بعد الشر اى طلاق حتى لو تعدوا السن القانونى

طبعا هاسمع اراء من نوع و لية و ازاى وفين الحب و فين معرفش اية

انا مع حرز و لا تخون و الله فترة الخطوبة بيكون فيها خداع و كلام معسول كتير فيها اية لما احرز من الان

و بعدين فى الاول و الاخر المستقبل فى يد الله

هو لو بيحبنى هيوافق خاصة ان شروطى ليا حق فيها ومن حقة برضة يحط شروط عليا و افكر فيها لا اوافق لا ارفضها

زى من حقة يرفض شروطى و طبعا كل دة من الاول احسن

السلام عليكم و رحمة الله و بركاته

ايوة كده يا وديع

جديد شرط السفر ده......

بالنسبة لموضوع عدم الزواج .....متهيالي فيه شرط اصلا في الوثيقة كده...بس "بدون علم الزوجة"....يعني لو هو هيتقندل...يتفضل بس لازم يعلم الزوجة الاولي.

معاكي اوي في موضوع حضانة الولاد.....

طب سؤال بقي

العرف الاجتماعي بيرضي اني احط الشروط دي......و هو ده اللي خلاني اصلا استغرب...انا بلاقي الناس مهتمة اوي انها توثق كل حاجة....

العفش......و القايمة اللي قولتلكوا عليها

بس انا متخيلتش نفسي في مكان صاحبتي اللي فوق......لاني هحس اني كده بحرج مثلا والدي و اخواتي الاولاد....(ع فكرة ابوها كان موافق و اخوها كمان....و ده اللي جنني زيادة)

طب يا تري العرف اللي اتربينا عليه ده صح و لا غلط....و لا ايه؟؟؟

برضه هل المجتمع.....الولد ممكن يتقبل كده؟؟؟

سؤال تااااااااااااني

هي الوثيقة بتجيب سيرة اي شروط ليها علاقة بالامراض مثلا.....

يعني لو الولد او البنت بعد الجواز اكتشفوا ان حد منهم عنده مرض و خبي علي التاني.....و خصوصا انا شفت الفحص الطبي اللي قبل الزواج....الناس بتضرب اي حاجة و خلاص....هل ده برضه ممكن يتكتب؟؟؟

=======================================

يا ريمو يا قمر

ربنا يقر عينك بزوجك يا رب...و يقر عين زوجك بيكي في الدنيا و الاخرة

طبعا انتي بتقوليلي قعدتم قدام الكعبة و اتعاهدتم نتقي ربنا.....انا ارد اقول ايه بقي؟؟؟؟

هقولك ادعيلي...اقعد قدام الكعبة انا و هو...و ساعتها يا بنتي.....بلا وثيقة بلا كلام فاضي؟؟

[jasmin hamed]

الحقيقه الواقعه ان ناس كتير مابقتش تحترم كلمتها و الحل لحفظ الحقوق هو التوثيق

الراجل الى يقول لا انا مش هكتب الكلام ده فى عقد الجواز يبقى عارف ان ممكن ينقض كلامه

السلام عليكم و رحمة الله و بركاته

يا لهوي يا جاسمين......"الناس مش بتحترم كلمتها... والحل هو التوثيق"....طب لو اتخانقنا مثلا....آخد انا القايمة انام عليها....(وش حنفي في مسرحية سك علي بناتك)

ع فكرة انا مرة اتكلمت مع اخواتي في موضوع القايمة مثلا......ايه لازمة ان الواحد يقعد يملا 15 صفحة فلوسكاب.....بدعوي انها ضمان حق البنت.....لو حصل انفصال لا قدر الله

بس هو حق البنت انها تكتب رغباتها و احلامها و توقعاتها من شريك الحياة في ورقة....و لا هو يطمنها ازاي طيب؟؟؟

بس صحيح يا جاسي.....مقولتيشي ايه الشروط اللي نفسك تبقي في وثيقة الزواج؟؟؟؟؟

انا قلتلك زمان انك طيبه قوى صح

بصى يا ستى الن مش مع و لا ضد القايمه تماما و شفت جوازات اتفركشت عليها و شايفاها موضوع تافه جداو انا لا عندى قايمه و لا حتى اشترطت امى شقه و ده عشان ظروف جوازى كانت مختلفه شويه

بس بجد موضوع الشروط ده حاجه مهمه و جدا كمان كلنا عارفين الجواز المفروض يكون اذاى بس مش فى الغالب بيكون بالمثاليه الى بنتمناها

اكيد المفروض ان كل حاجه تكون بالتفاهم و ماحدش يفرض ارادة على التانى بس بصى حوالكى الواقع عامل اذاى

الشروط الى ابنت المفروض تكتبها اهم مليون مره من القايمه و الحاجات الماديه

ممكن واحده بالنسبلها دراستها مهمه مش عايز واحد يمنعها عن الدراسه

ممكن واحده عايزه تشتغل ممكن واحده عندها املاك او شركه و عايزه تديرها بنفسها من غير ماحد يمنعها

عموما فى من الشروط ديه للتنبيه و التذكير لما تم الاتفاق عليه قبل الزواج مثلا ذى حق السفر اكيد انا ماتصورش واحده ست تسافر من غير موافقة جوزه

و فيه منها لحفظ الحقوق ذى شرط عدم الزواج من امراه تانيه او حضانة الاولاد

حالات كتير قوى كل واحد ادرى بظروفه

انا بتكلم انه حق شرعى ممكن استخدمه ممكن ماستخدموش بس المهم انه مايتنظرلوش على انه حاجه محرجه

خصوصا انه مش مضر للطرف التانى فى حاجه بتاتا

هو بس عرق سي سيد الى بينقح عليه كرامته

الشرط الى فى راى مهمه هى الزوج من اخرى مش العلم و انما بطلان عقد الزواج الاول

الدراسه و الشغل ( و ديه ذى ماقلت شروط تذكيريه )

حاجه تانيه انا مش ممكن اتصورها ابدا ان حد يمنعنى من رؤية ابويا او امى او اخواتى

[the consultant]

شوفي يا حاجة لماضة:

الشروط عندنا في ميزان الشريعة ثلاث انواع : شرط صحيح فيصح الشرط و يصح العقد معه و قد يحق للمرأة فسخ العقد في حالة عدم الوفاء به ( و طبعا في اختلافااااات كبيرة جدا في هذه الشروط) بس يعني مثلا اشترطت تكملة تعليمها و بعد كده هو حاف ماهي نازلة المتحان راحت هي نازلة , ما يقدرش يروح المحكمة يقول دي ناشز لان ده حقها في العقد و قس على ذلك شروط فيها منفعة للزوجة و غير مخالفة للشرع.

و فيه شرط اخر باطل بس اثره انه يبطل الشرط و يصح العقد (مثل لو قالك انا حتجوزك بس مش حصرف عليكي , ماشي خديه على قد عقله و اتجوزيه و تاني يوم قوليلو انا عايزه اكل هاي ميل من ماك لو قلك لا و تمسك بالشرط و كانم عايز يمشيها انجليزي قوليلو بالفم المليان (الشرط ده باطل يا عين تيييييييت) و استمتعي بالميل و اللعبة كمان اللي معاها ,او مثلا لو حسنية قالت لزوجها اتجوزك بس تطلق بدرية . لا مينفعش طاب و الحل !! و لا حاجة الشرط يبطل و العقد صحيح (وناس تانية قالت صحيح).

و فيه شرط يعني نقول عليه فاسد و هو اللي بيبطل بيه العقد مثل (التأقيت) في معظم المذاهب

[jasmin hamed]

شوفي يا حاجة لماضة:

الشروط عندنا في ميزان الشريعة ثلاث انواع : شرط صحيح فيصح الشرط و يصح العقد معه و قد يحق للمرأة فسخ العقد في حالة عدم الوفاء به ( و طبعا في اختلافااااات كبيرة جدا في هذه الشروط) بس يعني مثلا اشترطت تكملة تعليمها و بعد كده هو حاف ماهي نازلة المتحان راحت هي نازلة , ما يقدرش يروح المحكمة يقول دي ناشز لان ده حقها في العقد و قس على ذلك شروط فيها منفعة للزوجة و غير مخالفة للشرع.

و فيه شرط اخر باطل بس اثره انه يبطل الشرط و يصح العقد (مثل لو قالك انا حتجوزك بس مش حصرف عليكي , ماشي خديه على قد عقله و اتجوزيه و تاني يوم قوليلو انا عايزه اكل هاي ميل من ماك لو قلك لا و تمسك بالشرط و كانم عايز يمشيها انجليزي قوليلو بالفم المليان (الشرط ده باطل يا عين تيييييييت) و استمتعي بالميل و اللعبة كمان اللي معاها ,او مثلا لو حسنية قالت لزوجها اتجوزك بس تطلق بدرية . لا مينفعش طاب و الحل !! و لا حاجة الشرط يبطل و العقد صحيح (وناس تانية قالت صحيح).

و فيه شرط يعني نقول عليه فاسد و هو اللي بيبطل بيه العقد مثل (التأقيت) في معظم المذاهب

و الله اعلم شرط منع الخلفه نوهائيا شرط فاسد بردوا و لا انا غلطانه

طب لو بدريه قالت لو اتجوزت ايتها حسنيه تبقى مش على زمتى ايه ظروف العقد ده

[Diab]

ربنا يصبره علي ما بلاه

يعني ايه عاوزة تعيش في مدينة معينة

بجد انا مش عاوز جواز ايه ده اللي كل واحد مترصد للتاني

بجد كلام فارغ

بيوت زمان كانت عمرانه والخير بيفيض منها ومكنتش تسمع صوت

البيوت اللي زي دي بجد ربنا يستر عليها

[the consultant]

شوفي يا حاجة لماضة:

الشروط عندنا في ميزان الشريعة ثلاث انواع : شرط صحيح فيصح الشرط و يصح العقد معه و قد يحق للمرأة فسخ العقد في حالة عدم الوفاء به ( و طبعا في اختلافااااات كبيرة جدا في هذه الشروط) بس يعني مثلا اشترطت تكملة تعليمها و بعد كده هو حاف ماهي نازلة المتحان راحت هي نازلة , ما يقدرش يروح المحكمة يقول دي ناشز لان ده حقها في العقد و قس على ذلك شروط فيها منفعة للزوجة و غير مخالفة للشرع.

و فيه شرط اخر باطل بس اثره انه يبطل الشرط و يصح العقد (مثل لو قالك انا حتجوزك بس مش حصرف عليكي , ماشي خديه على قد عقله و اتجوزيه و تاني يوم قوليلو انا عايزه اكل هاي ميل من ماك لو قلك لا و تمسك بالشرط و كانم عايز يمشيها انجليزي قوليلو بالفم المليان (الشرط ده باطل يا عين تيييييييت) و استمتعي بالميل و اللعبة كمان اللي معاها ,او مثلا لو حسنية قالت لزوجها اتجوزك بس تطلق بدرية . لا مينفعش طاب و الحل !! و لا حاجة الشرط يبطل و العقد صحيح (وناس تانية قالت صحيح).

و فيه شرط يعني نقول عليه فاسد و هو اللي بيبطل بيه العقد مثل (التأقيت) في معظم المذاهب

و الله اعلم شرط منع الخلفه نوهائيا شرط فاسد بردوا و لا انا غلطانه

طب لو بدريه قالت لو اتجوزت ايتها حسنيه تبقى مش على زمتى ايه ظروف العقد ده

شوفي يا باشموهندسه من غير ما افتي لاني انا تخصصي القانون التجاري و العقود و الحمد لله مدخلتش محكمة اسرة ولا حدخل انشاء الله و دون دخول في مسائل تفصيلية خلافية لا اعلم حججها و لا اعلم ضعفها من قوتها ,بس ممكن اقول لحضرتك بالقياس شرط منع الخلفة واضح انه باطل اي يبطل الشرط و لكن يبقى العقد صحيحا يعني يعتبر الشرط كأن لم يكن و الزواج "فولي فاليد" يعني صحيح كليا .

اما موضوع اشتراط عدم الزواج علي الزوجة فهو صحيح و جائز و غير منافي لمقاصد الشرع على قول معظم الفقه و بعتبر شرط فاسخ اي ان تزوج الزوج ولم يوفي بهذا الشرط حق للزوجة فسخ عقد الزواج.

[mekkawy]

اننا نتقي الله في بعض و نتعامل سوا بما يرضي الله

و هو دا اللي اتجوزنا عليه الحمدلله

بس كدة .. بسيطة مووووت و الله ... التقوى ... و الزوج يخلي كدة أدام عينه دايماً (و عاشروهن بالمعروف) ... تتبع إن شاء الله في موضوع منفصل الكلمة دي

مكاوى .. تحية طيبة لزوج الفاضلة ريمو .. و لها

[mekkawy]

السلام عليكم الأول

و أنا بكتب كتابي كتابي المأذون أصر حد يدخل لزوجتي يسألها إذا كان في شروط تانية ولا لأ ... لكن أنا كنت مطمئن لأن حمايا الله يرحمه خدني في مرة و إحنا رايحين نصلي العشاء أيام ما كنا بنتفق .. و دار بيننا الآتي:

حمايا: ها يا أبوحميز هتتجوز بنتي بإيه

بوحميز: و الله يا عمي بما يرضي الله

حمايا: و ايه بأة اللي يرضي الله عندك

بوحميز: فإن أمن بعضكم بعضاً فليؤدِ الذي أؤتمن امانته و ليتق الله ربه

حمايا: على بركة الله

خلص الكلام ... خماشر يوم و كنت أحمل لقب (زوج) مع مرتبة التقوى (يا رب) .. و الله لو رجعنا للأخلاقيات دي في زواجنا و قبل زواجنا في تربية أولادنا الدنيا هتبا جمييييييلة ... مهو لو أنا ربيت ابني على الكملتين دول .. لما يروح لبنت ناس هيحافظ عليها .. لما يخاف على بنات الناس زي ما بيخاف على إخواته هيتقِ الله فيهن.

اللهم اجعلنا من المتقين

مكاوى

[fatfouta]

والله يا لماضة يا بنتى ولا بصيت وانا بمضى العقد مكتوب ايه ولا حاجة واعتمدت على اخويا وعمى ان هما بصوا وشافوا اللى مكتوب

وبعدها سالتهم انتوا شوفتوا القسيمة قبل ماتمضوا قالولى لأ

انا متأكده ان مهما وضعتى شروط برضو.......كل واحد بياخد نصيبه

وربنا يتولانا.........قصدى ربنا يوفقك