المأذون قالها امضي...و هي قالت...!! طب ده ينفع

[لماضة مصرية جدا]

الشروط الى ابنت المفروض تكتبها اهم مليون مره من القايمه و الحاجات الماديه

يا جاسمين انا الجملة دي استمخيت منها اوي......و منخنشة في نخانيش نخانيشي...(قولتيلي انتي آداب انجليزي برضه.... )

الشروط

اللي

البنت

المفروض

تكتبها.....

اهم مليووووووووووووووون مرة

م القايمة

و خدي من عندي

هي اصلا مينفعشي تتكتب...و لا تتقال

بس ربنا قالها "وأخذن منكم ميثاقا غليظا"

مش هو ده اللي الميثاق......!!!!

روحي يا شيخة ربنا يفتحها في وشك

[لماضة مصرية جدا]

شوفي يا حاجة لماضة:

الشروط عندنا في ميزان الشريعة ثلاث انواع : شرط صحيح فيصح الشرط و يصح العقد معه و قد يحق للمرأة فسخ العقد في حالة عدم الوفاء به ( و طبعا في اختلافااااات كبيرة جدا في هذه الشروط) بس يعني مثلا اشترطت تكملة تعليمها و بعد كده هو حاف ماهي نازلة المتحان راحت هي نازلة , ما يقدرش يروح المحكمة يقول دي ناشز لان ده حقها في العقد و قس على ذلك شروط فيها منفعة للزوجة و غير مخالفة للشرع.

و فيه شرط اخر باطل بس اثره انه يبطل الشرط و يصح العقد (مثل لو قالك انا حتجوزك بس مش حصرف عليكي , ماشي خديه على قد عقله و اتجوزيه و تاني يوم قوليلو انا عايزه اكل هاي ميل من ماك لو قلك لا و تمسك بالشرط و كانم عايز يمشيها انجليزي قوليلو بالفم المليان (الشرط ده باطل يا عين تيييييييت) و استمتعي بالميل و اللعبة كمان اللي معاها ,او مثلا لو حسنية قالت لزوجها اتجوزك بس تطلق بدرية . لا مينفعش طاب و الحل !! و لا حاجة الشرط يبطل و العقد صحيح (وناس تانية قالت صحيح).

و فيه شرط يعني نقول عليه فاسد و هو اللي بيبطل بيه العقد مثل (التأقيت) في معظم المذاهب

السلام عليكم و حررحمة الله و بركاته

يا استاذي مش عارفة ااقول لحضرتك ايه بس و اله ربنا ينفعك بعلمك

اخدت من كلام حضرتك....العبارة اللي بالفونت العريض اللي فوق.....اي شرط لمصلحة الزوجة و منفعتها يبقي ايه المشكلة....و هتلاقي اصلا الستات بتتكلم في 3 حاجات...التعليم...الذمة المالية المنفصلة........و عدم الزواج من اخري....فيها ايه بقي يزعل

بالنوسبة بقي لمشهد "هابي ميل"...طب حضرتك تعرف ان ده حصل فعلا لواحدة صاحبتي.....و بتكلم بجد.....اتخطبت فترة لامريكي مسلم....و بعدين و هما في المطعم بيقولها كل واحد يدفع حسابه.....هي بقي كانت عايزة تثبتله انها ايه بقي فاهمة الثقافة وة الليلة دي...قالت عادي.......المهم مرة عرض عليها يوصلها عشان تقابل والدته.....راح بعد ما وصلها...قالها .....مش هتدفعي نص حق البنزين.......(وش واحد عبيييييييييييييط و مشفهل في نفس الوقت)

سؤال بقي:

يعني ايه التأقيت؟؟؟؟......يعني التوقيت.....يعني يحددوا مدة للزواج....مش ده متعة و لا ايه و ده اصلا حرااااام؟؟؟

شكرا استاذي

ع جنب بقي

هو حضرتك بتكتب بالاحمر ليه......هو القلم البيك الازرق خلص..... ...اصلي بحس يا اما اجابتي اصلا كانت غلط و انت معلم عليا بالاحمر...يا اما حضرتك بتوجه انذار شديد اللهجة لكل من تسول اليها نفسها انه تحت شرط.....فاسد بقي و لا مش فاسد......ايه بقي؟؟؟؟؟

[لماضة مصرية جدا]

ربنا يصبره علي ما بلاه

يعني ايه عاوزة تعيش في مدينة معينة

بجد انا مش عاوز جواز ايه ده اللي كل واحد مترصد للتاني

بجد كلام فارغ

بيوت زمان كانت عمرانه والخير بيفيض منها ومكنتش تسمع صوت

البيوت اللي زي دي بجد ربنا يستر عليها

اومال احنا بنقول ايه من الصبح يا استاذي....ما هو انا مستغربة

بس الحقيقة ع فكرة

هو وافق....

و مضي....

و ان شاء الله الفرح خلال الشهور القادمة

ربنا يتمم لهم ع خير

قوووووول يا رب

[لماضة مصرية جدا]

والله يا لماضة يا بنتى ولا بصيت وانا بمضى العقد مكتوب ايه ولا حاجة واعتمدت على اخويا وعمى ان هما بصوا وشافوا اللى مكتوب

وبعدها سالتهم انتوا شوفتوا القسيمة قبل ماتمضوا قالولى لأ

انا متأكده ان مهما وضعتى شروط برضو.......كل واحد بياخد نصيبه

وربنا يتولانا.........قصدى ربنا يوفقك

اومال انا بحبك ليه يا سااااااااااتموني

و الله انتي مش فتافيت.....انتي طن سكر يا جميل

عارفة نفس اللي بتقوليه ده حصل لاختي السنة اللي فاتت

هي كانت ضاربة وشها ماسك اسمنت....و بعدين جه العريس....و معاه استاذ حسب النبي

راحت غسلت وشها.....و تقريبا كان فيه لسه شوية اسمنت علي عينيها طلعت....بصت ع الصور بتاعتهم في القسايم.....وااااااااعية اهه....و لطعت الامضاء الكريمة

و ع راي المثل

السجن للجدعاااااااااااااااااااااان....... :blink:

مساااااااااااااااااااكي امضاءات....علي صفحات تجيبلك كل الخير يا رب

[Diab]

ربنا يصبره علي ما بلاه

يعني ايه عاوزة تعيش في مدينة معينة

بجد انا مش عاوز جواز ايه ده اللي كل واحد مترصد للتاني

بجد كلام فارغ

بيوت زمان كانت عمرانه والخير بيفيض منها ومكنتش تسمع صوت

البيوت اللي زي دي بجد ربنا يستر عليها

اومال احنا بنقول ايه من الصبح يا استاذي....ما هو انا مستغربة

بس الحقيقة ع فكرة

هو وافق....

و مضي....

و ان شاء الله الفرح خلال الشهور القادمة

ربنا يتمم لهم ع خير

قوووووول يا رب

يارب

[hOuSsAm]

انا بصراحة شايف انه عقد يعنى اتفاق يعنى كل واحد يحط اللى هو عايزه طالما ان التانى هيوافق

وطالما ارتضينا انه يكتب عقد يبقى نرتضى بالشروط جوه العقد

انا مش معترض على شروط البنت لانها مش بتمثلى حاجة هى حرة وجوزها اللى مضى حر واهلها حرين بس انا معترض على طريقتها واسلوبها واختيار التوقيت فى كتابة الشروط (قلة زوق بصراحة وانا لوكنت العريس كنت هقلب الترابيزة) بس ده مش سؤال لماضة

بمعنى تانى لو هى جت قبل كتب الكتاب بفترة واتفقت مع العريس على اى حاجة هى عيزاها وهو ارتضى بكدة خلاص انا معنديش مشاكل وهحترمهم الاتنين

انشالله يارب تكتب فى العقد انه يجبلها شغالة ويغيرها كمان كل 6 شهور او كل صيف يوديها هاواى

وطبيعى ناس كتيرة بتعمل العقد المشروط وهما مشواخدين بالهم بامارة مؤخر الصداق وربط مؤخر الصداق بالطلاق

مش ده بردوا عقد مشروط

الكلام ده يا جماعة مفهوش زعل بجد ولو النوايا حسنة خلاص يوافق عالشروط فى العقد وده مش بيسئ لحد خالص

لان بصراحة معتش حد يضمن حد الايام دى الا بالتوثيق

هو اوهى محترمين وولاد ناس وعلى عينا وراسنا بس الايام بتغير الناس والامثلة قدامنا كتير

انا بسمى ده زواج على بينة

ولو مش مقتنعين بموضوع الشروط وتقولوا ازاى البنت مش هتثق فى زوجها يبقى الاولى ميكتبوش عقد ونرجع بقى لايام زمان لما كان العقد بيتربط بالكلمة

اخر اية فى سورة البقرة اية الدين فيما معناها (يا ايها اللذين امنوا اذا تداينتم بدين فاكتبوه الى اجل مسمى وليكتب بينكم كاتب وليكتب بالحق)

انا هقيس الشروط بالدين وعشان كدة لازم تكتب

فى رايي انه اللى زعل ناس كتيرة حركة البنت الغلسة وكمان تفاهة الشروط من وجهة نظر بعض الافراد

كل كلامى اللى فوق ده مشروط بان الشرروط لا تخالف تعاليم الدين الاسلامى ولا تخالف الاحترام بين الزوجين وفروض القوامة

[kitkat]

وعليكم السلام ورحمة الله وبركاته

أحلي حاجة في مشاركاتك انك بترمي السلام قبل الكلام :closedeyes:

المهم ان انت مؤدب وده الي عاجبني فيك :lol:

ست لماضة سؤال بيطرح نفسه ومش عارف ماكتبوش : هو انتي ممكن ينضحك عليكي أصلا ؟!!! md2:

المهم يا اختي هاقلك علي رأيي باختصار : البنت المصرية غالبا مابتصدق ان جالها عريس ومش بتفكر في شروط ولا يحزنون ولو عندها شروط هاتبقي قبل عقد القران مش وهي بتبصم !

الست المصرية كان الله في عونها شايلة بلاوي وبتستحمل كتير وغير المرأة الخليجية او الغربية الي متدلعين أخر دلع (طبعا فيه حالات فردية راقدين ف الدرة ومش بيعملوا حاجة غير عند الكوافير أو في النادي الخ الخ )

الراجل المصري برده نفس النظام بيبقي متفق مع والد العروسة قبل عقد القران علي كل شيء وغالبا القسيمة بتكون استامبة معروفة يعني عقود ممكن تلاقيها ف الفجالة او عند سمير وعلي

وشكرا والسلام عليكم ورحمة الله وبركاته

[doha]

بصي ياست لماضه .. بصفتي واحده من الرعيل الاول الي اتطبق عليهم نظام البصمه قصدي الوثيقة الجديده للزواج فاقولك على الي هيحصل

كان لسه النظام متطبق مبقالوش حاجه بسيطه .. وكان يوم 6 اكتوبر الي اخترته عشان نكتب فيه الكتاب وده كان قبل فرحنا بيومين

زوجي واهله جابوا المأذون وجم عندنا بليل .. ولقيتهم جايبين معاهم راجل لابس جلابية بيضه على سكري وعليها قفطان من ذات الالوان مع عمه بيضا في وسطها طاقية حمرا بس مش بتاعت سمن الهانم

من الآخر لابس ازهري يعني ..اختي الصغيره ضحكت اوي يومها وقالت لي هو الراجل ده جاي من على الارض ولا نازل من السما

بصراحه كان لبسه رسمي اوي وحلو اوي .. ومأذون اوي .. زي الكتاب ماقال يعني .. واحده من الاشياء الي ندمت فعلا اني مصورتهاش

المهم اتنصبت المشنقة قصدي قعدوا كلهم في الصالون ووالدي وعمي وابن عمي والماذون معاه دفتر كده فيه استمارات ..قعدوا يعبوا البيانات فيها على رواقه وخذوا لهم بتاع خمس ست سنين كده في الحكايه دي ..

بعدين الماذون اخذ صور لنا انا وزوجي ولصق على كل ورقة منهم صورتين واحده لي وواحده لزوجي

بعدين الماذون قال كلمتين سريعا كده خطبة قصيره عن الزواج تقضية حال يعني بعدين سالني على مااتذكر مين وكيلك ـودي من المواقف النااادرة في حياتي الي كنت مكسوفه وقاعده فيها تحت الارض وانا بتكلم ـ قلت له بابا فقعد قال الكلمتين بتوع الافلام قول ورايا الخ الخ الخ

وبعدين قالي المأذون بصي هو في كام شرط في الوثيقة الجديده لازم ينعرضوا عليكي بس العاده ان الناس بتتجاهلهم ومش بتوافق عليهم بس عشان القانون خلينا نقولهم لك فقلت له ماشي

فقعد يقرا سريعا كده

قال طلبات كتير مش فاكراها كلها كان منها على سبيل المثال

اشترط على زوجي ان اسافر وقت ماانا عاوزه بدون موافقته ..

وهكذا حاجات كتير كده قالها وانا قلت له لاه في كل ده فكان بيشطب عليهم بالقلم

المهم خلصنا الفيلم ده جاب الاوراق الي كتب فيها وقالي امضي .. قعدت امضي كتييييييييييييييير ورق كتير اوي .. لان القسيمه بيكون لها اربع نسخ واده مع الزوج وواحده مع الزوجه واثنين للتوثيق

بس وخلصت الحكايه ومبروك ومش عارف ايه والعروسه للعريس والجري للملاحيس

[لماضة مصرية جدا]

بصي ياست لماضه .. بصفتي واحده من الرعيل الاول الي اتطبق عليهم نظام البصمه قصدي الوثيقة الجديده للزواج فاقولك على الي هيحصل

كان لسه النظام متطبق مبقالوش حاجه بسيطه .. وكان يوم 6 اكتوبر الي اخترته عشان نكتب فيه الكتاب وده كان قبل فرحنا بيومين

زوجي واهله جابوا المأذون وجم عندنا بليل .. ولقيتهم جايبين معاهم راجل لابس جلابية بيضه على سكري وعليها قفطان من ذات الالوان مع عمه بيضا في وسطها طاقية حمرا بس مش بتاعت سمن الهانم

من الآخر لابس ازهري يعني ..اختي الصغيره ضحكت اوي يومها وقالت لي هو الراجل ده جاي من على الارض ولا نازل من السما

بصراحه كان لبسه رسمي اوي وحلو اوي .. ومأذون اوي .. زي الكتاب ماقال يعني .. واحده من الاشياء الي ندمت فعلا اني مصورتهاش

المهم اتنصبت المشنقة قصدي قعدوا كلهم في الصالون ووالدي وعمي وابن عمي والماذون معاه دفتر كده فيه استمارات ..قعدوا يعبوا البيانات فيها على رواقه وخذوا لهم بتاع خمس ست سنين كده في الحكايه دي ..

بعدين الماذون اخذ صور لنا انا وزوجي ولصق على كل ورقة منهم صورتين واحده لي وواحده لزوجي

بعدين الماذون قال كلمتين سريعا كده خطبة قصيره عن الزواج تقضية حال يعني بعدين سالني على مااتذكر مين وكيلك ـودي من المواقف النااادرة في حياتي الي كنت مكسوفه وقاعده فيها تحت الارض وانا بتكلم ـ قلت له بابا فقعد قال الكلمتين بتوع الافلام قول ورايا الخ الخ الخ

وبعدين قالي المأذون بصي هو في كام شرط في الوثيقة الجديده لازم ينعرضوا عليكي بس العاده ان الناس بتتجاهلهم ومش بتوافق عليهم بس عشان القانون خلينا نقولهم لك فقلت له ماشي

فقعد يقرا سريعا كده

قال طلبات كتير مش فاكراها كلها كان منها على سبيل المثال

اشترط على زوجي ان اسافر وقت ماانا عاوزه بدون موافقته ..

وهكذا حاجات كتير كده قالها وانا قلت له لاه في كل ده فكان بيشطب عليهم بالقلم

المهم خلصنا الفيلم ده جاب الاوراق الي كتب فيها وقالي امضي .. قعدت امضي كتييييييييييييييير ورق كتير اوي .. لان القسيمه بيكون لها اربع نسخ واده مع الزوج وواحده مع الزوجه واثنين للتوثيق

بس وخلصت الحكايه ومبروك ومش عارف ايه والعروسه للعريس والجري للملاحيس

السلام عليكم و رحمة الله و بركاته

عارفة يا ضحي

انا طول عمري....بحلم يبقي فيه حاجة كده زي "مؤسسة للزواج"...لا دي مالهاشي علاقة بأم فاروق الخاطبة عشان محدش دماغه تروح لبعيد

المؤسسة دي....ببساطة جدا.....بتحاول تهيء اتنين متقابلوش في حياتهم و كل واحد منهم جاي من كوكب آخر....بتحاول تظبط صواميلهم علي صواميل بعض

و جزء منها

انها تعرف الضحايا...قصدي المقبلين ع الزواج باوراق مهمة زي كده.....من غير اي حساسيات...او عنتريات....هي مسالة تعريفية فقط

و من خلال كتير من مداخلات المحاورين...و سالت اصحابي المتجوزات و الله لقيت ان الست فعلا اهتمامها بينصب انها تكمل تعليمها سواء الجامعي او ما بعده.....و فيه فئة منهم طلبت يكون ليها شغل خاص بيها....و انا بشوف ده حق مشروع جدا لبنت و خصوصا لما تكون طموحة أو بتشتغل من قبل الزواج.

انا بشوفها بتطبق في سياقات مختلفة بس مش عارفة في مصر شكلها ممكن يكون ازاي

بس اهه حلم و السلام

مساااااااااااااااااااكي قعدة في الصالون...ووش مكسوف....بس زغروتة جاية من بعيد

[لماضة مصرية جدا]

انا بصراحة شايف انه عقد يعنى اتفاق يعنى كل واحد يحط اللى هو عايزه طالما ان التانى هيوافق

وطالما ارتضينا انه يكتب عقد يبقى نرتضى بالشروط جوه العقد

انا مش معترض على شروط البنت لانها مش بتمثلى حاجة هى حرة وجوزها اللى مضى حر واهلها حرين بس انا معترض على طريقتها واسلوبها واختيار التوقيت فى كتابة الشروط (قلة زوق بصراحة وانا لوكنت العريس كنت هقلب الترابيزة) بس ده مش سؤال لماضة

بمعنى تانى لو هى جت قبل كتب الكتاب بفترة واتفقت مع العريس على اى حاجة هى عيزاها وهو ارتضى بكدة خلاص انا معنديش مشاكل وهحترمهم الاتنين

انشالله يارب تكتب فى العقد انه يجبلها شغالة ويغيرها كمان كل 6 شهور او كل صيف يوديها هاواى

وطبيعى ناس كتيرة بتعمل العقد المشروط وهما مشواخدين بالهم بامارة مؤخر الصداق وربط مؤخر الصداق بالطلاق

مش ده بردوا عقد مشروط

الكلام ده يا جماعة مفهوش زعل بجد ولو النوايا حسنة خلاص يوافق عالشروط فى العقد وده مش بيسئ لحد خالص

لان بصراحة معتش حد يضمن حد الايام دى الا بالتوثيق

هو اوهى محترمين وولاد ناس وعلى عينا وراسنا بس الايام بتغير الناس والامثلة قدامنا كتير

انا بسمى ده زواج على بينة

ولو مش مقتنعين بموضوع الشروط وتقولوا ازاى البنت مش هتثق فى زوجها يبقى الاولى ميكتبوش عقد ونرجع بقى لايام زمان لما كان العقد بيتربط بالكلمة

اخر اية فى سورة البقرة اية الدين فيما معناها (يا ايها اللذين امنوا اذا تداينتم بدين فاكتبوه الى اجل مسمى وليكتب بينكم كاتب وليكتب بالحق)

انا هقيس الشروط بالدين وعشان كدة لازم تكتب

فى رايي انه اللى زعل ناس كتيرة حركة البنت الغلسة وكمان تفاهة الشروط من وجهة نظر بعض الافراد

كل كلامى اللى فوق ده مشروط بان الشرروط لا تخالف تعاليم الدين الاسلامى ولا تخالف الاحترام بين الزوجين وفروض القوامة

الزواج ع بينة

العقد المشروط

تفاهة الشروط

استاذي حسام

السلام عليكم و رحمة الله و بركاته

جمل حضرتك واقعية جدا...جدا

و يمكن بعد ما خلصنا الفرح....و خرجت شوية من حالة الذهول اللي انا كنت فيها....قدرت استوعب ليه العريس بمنتهي البساطة وافق

لانها فعلا مش فارقة معاه....و زي ما بنقول في مصر...."الراجل شاري...و نقط بطاقيته"

و يمكن حضرتك تشوف ان فيه شروط "تافهة"...لكنها لحد تاني اكيد مش كده...لانها ببساطة بتشكل ليها حاجة مصيرية

طب هقول لحضرتك ع حاجة

لما خلص الفرح و قابلت صاحبتي بعدين....بقولها انا تخيلت ان الشروط اللي ممكن احطها في وثيقة زواجي "انه مثلا ميتجوزشي عليا"....و يبقي ساعتها ليا حق الانفصال

لقيتها بتبصلي و تضحك و تقولي

لا انا ده مش هحطه لاني اتعلمت ازاي مخليش زوجي يتجوز عليا...(ع فكرة هي والدها متزوج اتنين غير والدتها)

فبقي ليها اولويات تانية خالص

بس و الله العظيم انا بحس ان البنات غلابة

و الاولاد اغلب

ربنا يسعد قلوب الناس.....و دي بجد مش محتاجة وثايق و لا شهادات و لا دمغات و بصمات

مساااااااك رضا

[لماضة مصرية جدا]

وعليكم السلام ورحمة الله وبركاته

أحلي حاجة في مشاركاتك انك بترمي السلام قبل الكلام

المهم ان انت مؤدب وده الي عاجبني فيك gsp_)

ست لماضة سؤال بيطرح نفسه ومش عارف ماكتبوش : هو انتي ممكن ينضحك عليكي أصلا ؟!!! :110:

مش عارفة دي حاجة كويسةو لا اشم ريحة تريقة يعني و لا ايه

الله يسامحك يا كنتاكينتي.....ايون بينضحك عليا و كتير جدا هو انا مقرتشي التوبيك الفزيع بتاع "آه يا قفا"....بس اهو الواحد عاااااااااايش و بياخد القفا من دول و بعدين ياخدله شاور كده قوووووم ايه الدنيا ترجع تزغطط في وش تاني (وش غريب ابن خالة كتكوت)

المهم يا اختي هاقلك علي رأيي باختصار : البنت المصرية غالبا مابتصدق ان جالها عريس ومش بتفكر في شروط ولا يحزنون ولو عندها شروط هاتبقي قبل عقد القران مش وهي بتبصم !

الست المصرية كان الله في عونها شايلة بلاوي وبتستحمل كتير وغير المرأة الخليجية او الغربية الي متدلعين أخر دلع (طبعا فيه حالات فردية راقدين ف الدرة ومش بيعملوا حاجة غير عند الكوافير أو في النادي الخ الخ )

الراجل المصري برده نفس النظام بيبقي متفق مع والد العروسة قبل عقد القران علي كل شيء وغالبا القسيمة بتكون استامبة معروفة يعني عقود ممكن تلاقيها ف الفجالة او عند سمير وعلي

وشكرا والسلام عليكم ورحمة الله وبركاته

بص بقي يا كيتكات تشانكي

عجبني اوي موضوع البنت المصرية

و بيني و بين حضرتك هي الست المصرية بجد نموذج غير عادي...و الله العظيم و ده مش نافخة كدابة عشان انا في البوتاقة مكتوبة معاهم

لا بس عشان شفت جنسيات تانية كتير و بجد بقعد اسال نفسي ايه اللي بيحصل في الست المصرية بجد

النموذج الوحيد المقارب لينا هو السيدة الفلسطينية و السيدة الروسية

لكن غير كده...اي مقارنة هتحسس البنت انه منضحك عليها

بس اهي بتستحمل و بتعيش...و بتربي العيال

انا مشفتش ست تبقي كل حياتها ولادها

حتي لما بيكبروا و يتجوزوا و بيشتغلوا...و يبقي عندهم ولاد....برضه بتفكر فيهم بالطريقة دي

الست المصرية بجد...بتفني حياتها عشان ولادها

البنت المصرية (البعض) ......بتفني شبابها عشان تتجوز.....عشان ترجع تفني حياتها عشان ولادها

طب هو ينفع كده؟؟

سمعنا سلام مربع بقي للستات المصريات

فوتكم بعافية

[kitkat]

ست لماضة سؤال بيطرح نفسه ومش عارف ماكتبوش : هو انتي ممكن ينضحك عليكي أصلا ؟!!!

مش عارفة دي حاجة كويسةو لا اشم ريحة تريقة يعني و لا ايه

أحلفك بالله ماتزعلي انتي زي اختي الصغننة والله نفس اللماضة بس قلب أبيض من القشطة بتاعت سونستا :blink: :blink:

أحلي سلام وتحية للست المصرية الي كل طموحها في الحياة تربي العيال وتذاكرلهم وتروح استدعاء ولي الأمر وتطبخ وتغسل وووووووو

لا وبعد ده كله ، اسأليني أنا يا أوخشي : ولادها كبروا واتجوزوا وخلفوا وهي بقا أعز من الولد ولد الولد ترجع تعيد الكرة تاني وتغير بامبرز وتعلم بنتها ازاي تطبخ وتشيل همهم لحد أخر يوم في عمرها

والله العظيم أنا اتعاملت مع جميع الجنسيات لما كنت باشتغل في الغردقة ومنهم الروسيات الي جنابك ذكرتيهم - لم أقابل ست مضحية مثل المرأة المصرية !

لو تشوفي الألمانية وهي بتزعق لجوزها لانه مش واخد باله من العيال وهي بتحط الصن بلوك والله هاتضحكي وتعرفي ان فعلا انضحك عليكم بس بمزاجكم وبرغبتكم كمان :lol: تعبيراتك 100 %

الست المصرية بجد...بتفني حياتها عشان ولادها

بتفني شبابها عشان تتجوز.....عشان ترجع تفني حياتها عشان ولادها

ومساء العسل عليكي وعلي أسرتك من صلاح سالم رأسا :blink:

[stricker]

البنت الاماراتيه اكيد متفقه مع زوجها على الشروط خلال فترة الخطوبه

لو مش متفقه معاه وعملت كده تبقى قليلة الزوق

ولو هو وافق ومكنش عارف انها هتكتب شروط يبقى انسان بارد ومعندوش كرامه

بالنسبه لى انا ممكن اوافق على انها تكتب شروط زى العمل الخاص والتعليم ....ولكن لو هى طلبت تكتب الشروط دى يبقى من حقى انى اكتب شروطى مثل : مراعاة الاولاد وحسن تربيتهم وعدم اهمالهم - حسن معاملة اهل الزوج وعدم الاعتراض على وجود ام الزوج فى المنزل معهم

انا امى عمرها ماهتعيش معايا .....وهاترفض الموضوع ده .....ولكن ده بصراحه هيكون اختبار منى لها ما دمت انا هاوافق على شروطها

ومن وجهة نظرى موضوع الشروط ده موضوع خايب ....لان الزواج لابد ان يكون عن اتفاق ....واللى هيغير من شخصيته فى فترة الخطوبه وبعد الزواج ده انسان مريض

انا واحد من الناس احب ان مراتى تكون انسانه مثقفه والشغل ده براحتها وممكن نتفق على مساعدتها فى اعمال المنزل كمان .....هى تطبخ وانا اعمل السلطه والشاى واجهز السفره .........ولكن مش هنكتب طبعا الشروط دى فى عقد الزواج

ونفترض ان البنت اشترطت انها تشتغل والولد وافق على كده ....وبعد الزواج لم يكن هناك تعاون وكانت البنت مهمله فى حقوق زوجها وبيتها .........يبقى ايه الفايده من الشروط ؟؟؟؟ الاهل هيحاولوا يتدخلوا ولو لم يكن هناك اتفاق هيكون الطلاق

يبقى الاتفاق اهم من كتابة الشروط ...ولكن مفيش مانع من كتابة الشروط ...ولكن لو تم كتابة شروط للزوجه يبقى الزوج من حقه يكتب شروطه

ودلوقتى الزوجه سهل جدا انها تخلع زوجها ....حقوقكم محفوظه متخافوش ....هى بس لو قالت للراجل انا هاخلعك هيطلقها من غير مشاكل

البنات دلوقتى واخدين حقوقهم فى كل حاجه ....ولسه بنسمع مطلبهم للمساواه

ده الراجل دلوقتى اللى من حقه يطلب المساواه معاكم فى الحقوق ....والمفروض نعمل جمعية حقوق الرجل

انا حاليا اطالب بحق المرأه فى التجنيد وخدمة الوطن

[رضوي]

السلام عليكم ورحمة الله وبركاته

عارفة يالماضة ....... موضوعك دة فكرني بواحدة صحبتي عزيزة جداً علي قلبي

يوم كتب كتابها المأذون قلها ايه شروطك اللي عايزة توثقيها ؟؟؟

ردت قالتله مافيش

المهم المأذون كان دمه خفيف ..... فمسك ايد خطيبها ( اللي هو جوزها دلوقتي يعني ) وقلها يابنتي قولي دي فرصتك اشترطي ودة من حقك

ضحكت وقالتله ....... أنا حقي اخدته من زمان ........ وشروطي اتأكدت انها هتتنفذ من زمان اوي ...... وعندي ضمانات أفضل من الوثيقة

استغرب المأذون وقلها ضمانات ايه بقي ؟؟؟

قالتله ......... اخلاقه اللي صبرت واخترتها بعناية هي الضمان الأهم من الوثيقة

ابتسم المأذون وقالها ......... ربنا يكرمك يابنتي ويطرح البركة في زواجكم

كان نفسي احضر الموقف دة بجد .......... بس اصحابي حكولي وقالولي شوفتي البنت صاحبتنا عملت ايه

ومن يومها واحنا بنتعلم منها

ربنا يديم عليها السعادة يارب

[om marawan]

انا بصراحة شايف انه عقد يعنى اتفاق يعنى كل واحد يحط اللى هو عايزه طالما ان التانى هيوافق

وطالما ارتضينا انه يكتب عقد يبقى نرتضى بالشروط جوه العقد

انا مش معترض على شروط البنت لانها مش بتمثلى حاجة هى حرة وجوزها اللى مضى حر واهلها حرين بس انا معترض على طريقتها واسلوبها واختيار التوقيت فى كتابة الشروط

وطبيعى ناس كتيرة بتعمل العقد المشروط وهما مشواخدين بالهم بامارة مؤخر الصداق وربط مؤخر الصداق بالطلاق

مش ده بردوا عقد مشروط

الكلام ده يا جماعة مفهوش زعل بجد ولو النوايا حسنة خلاص يوافق عالشروط فى العقد وده مش بيسئ لحد خالص

لان بصراحة معتش حد يضمن حد الايام دى الا بالتوثيق

هو اوهى محترمين وولاد ناس وعلى عينا وراسنا بس الايام بتغير الناس والامثلة قدامنا كتير

انا بسمى ده زواج على بينة

ولو مش مقتنعين بموضوع الشروط وتقولوا ازاى البنت مش هتثق فى زوجها يبقى الاولى ميكتبوش عقد ونرجع بقى لايام زمان لما كان العقد بيتربط بالكلمة

اخر اية فى سورة البقرة اية الدين فيما معناها (يا ايها اللذين امنوا اذا تداينتم بدين فاكتبوه الى اجل مسمى وليكتب بينكم كاتب وليكتب بالحق)

انا هقيس الشروط بالدين وعشان كدة لازم تكتب

اهو الكلام اللى بالاخضر ده يا استاذ حسام كان رأيى لما قريت الموضوع

طبعا انا لو مكان المعزومين وقتها كنت هاستغرب جداااااا لان كلنا بنبقا مستنيين الامضا عشان نهنى ونعيط بأه ونفرح بس لو لقيناها فجأة بتقول شروط

كنا هنتفاجىء من الموقف نعتبره خروج عن العرف او المتعارف عليه وغريب علينا لكنه فى الاول والاخر حق

طيب ماهو القايمة او مؤخر الصداق شروط فى حالة المشاكل والانفصال يبقا نقول من الاول لأ مش هيحصل حاجة وبلاش نكتبهم ؟؟؟ لكن القايمة عند معظم الناس ومش كلهم يعنى عرف وبيتكتب عادى وعند بعض الناس لأ

ماحدش بيتجوز وهو متوقع انه يطلق لكن للاسف بيحصل

هو اصل الموضوع غريب علينا وجديد لكن زى مالماضة قالت هو وافق ببساطة ... خلاص هو شارى وشايف الموضوع بسيط بتدلع عليه مثلا ووافق

ما اخدهاش عند ولا كرامة وطالما هتشترطى يبقا انا كمان اتشرط عليكى

مش معنى كده انى موافقة انى كنت اعمل زيها انا اصلا وبصمت وماكنت عاوزة اغسل ايدى من حبر البصمة

بس كل أفراد ولهم أفكارهم واسلوب حياتهم

[لماضة مصرية جدا]

البنت الاماراتيه اكيد متفقه مع زوجها على الشروط خلال فترة الخطوبه

لو مش متفقه معاه وعملت كده تبقى قليلة الزوق .... :rolleyes: :rolleyes:

ولو هو وافق ومكنش عارف انها هتكتب شروط يبقى انسان بارد ومعندوش كرامه... ...... :blush2: :wub: wst::

بالنسبه لى انا ممكن اوافق على انها تكتب شروط زى العمل الخاص والتعليم ....ولكن لو هى طلبت تكتب الشروط دى يبقى من حقى انى اكتب شروطى مثل : مراعاة الاولاد وحسن تربيتهم وعدم اهمالهم - حسن معاملة اهل الزوج وعدم الاعتراض على وجود ام الزوج فى المنزل معهم

انا امى عمرها ماهتعيش معايا .....وهاترفض الموضوع ده .....ولكن ده بصراحه هيكون اختبار منى لها ما دمت انا هاوافق على شروطها

ومن وجهة نظرى موضوع الشروط ده موضوع خايب ....لان الزواج لابد ان يكون عن اتفاق ....واللى هيغير من شخصيته فى فترة الخطوبه وبعد الزواج ده انسان مريض

انا واحد من الناس احب ان مراتى تكون انسانه مثقفه والشغل ده براحتها وممكن نتفق على مساعدتها فى اعمال المنزل كمان .....هى تطبخ وانا اعمل السلطه والشاى واجهز السفره .........ولكن مش هنكتب طبعا الشروط دى فى عقد الزواج

ونفترض ان البنت اشترطت انها تشتغل والولد وافق على كده ....وبعد الزواج لم يكن هناك تعاون وكانت البنت مهمله فى حقوق زوجها وبيتها .........يبقى ايه الفايده من الشروط ؟؟؟؟ الاهل هيحاولوا يتدخلوا ولو لم يكن هناك اتفاق هيكون الطلاق

يبقى الاتفاق اهم من كتابة الشروط ...ولكن مفيش مانع من كتابة الشروط ...ولكن لو تم كتابة شروط للزوجه يبقى الزوج من حقه يكتب شروطه

ودلوقتى الزوجه سهل جدا انها تخلع زوجها ....حقوقكم محفوظه متخافوش ....هى بس لو قالت للراجل انا هاخلعك هيطلقها من غير مشاكل

البنات دلوقتى واخدين حقوقهم فى كل حاجه ....ولسه بنسمع مطلبهم للمساواه

ده الراجل دلوقتى اللى من حقه يطلب المساواه معاكم فى الحقوق ....والمفروض نعمل جمعية حقوق الرجل

انا حاليا اطالب بحق المرأه فى التجنيد وخدمة الوطن bv:-

السلام عليكم و ورحمة الله و بركاته

يعني هي الملافظ سعد يا عبد العال (وش سكويننة في مسرحية ارجوك اعطني هذا الدواء)

هو حضرتك محموق اوي كده ليه.......هما احرار يا سيدي

و ارجع ااقول لحضرتك....البنت مش.....الذوق خالص....و هو اخد الموضوع بشكل عادي جدا

انا بس اللي استغربت

و بعدين يا استاذي الفاضل هي زي ما كتير من الشوباب قالوا...طالما انت مش فارقة معاك اي شروط خلاص...بس يمكن اتفق مع حضرتك ان التوقيت كان غير مناسب

بس هي ببساطة بتمارس حقها و بتدافع عنه....بعديا خالص عن جمعيات المرأة المتوحشة و اللي بنسمع عنها في مصر بس......

و ع فكرة قيس ع كده حقوق تانية كتير...بجد بغبط المرأة الخليجية انها قادرة تمارسها و تطالب بيها من غير اي نظرة دونية او استهجان من عيلتها...(بتكلم ع الامارات في حالات خاصة )

==============

ع جنب بقي

نصيحة مني...بلاش تعمل حكايات الاختبارات دي في اللي هتتجوزها....فيه ناس بتبقي فاكرة نفسها ناصحة اوي اوي...و سبحان الله مش هقولك بيحصل فيهم ايه

خلي حضرتك واضح من البداية انا كذا و كذا و كذا.....و في نفس الوقت منتفهم للطرف اللي قدامك......و احتياجاته و توقعاته منك...و صدقني مش هتحتاج اختبارات نوهائي.

شكرا لتواجدك

[لماضة مصرية جدا]

السلام عليكم ورحمة الله وبركاته

عارفة يالماضة ....... موضوعك دة فكرني بواحدة صحبتي عزيزة جداً علي قلبي

يوم كتب كتابها المأذون قلها ايه شروطك اللي عايزة توثقيها ؟؟؟

ردت قالتله مافيش

المهم المأذون كان دمه خفيف ..... فمسك ايد خطيبها ( اللي هو جوزها دلوقتي يعني ) وقلها يابنتي قولي دي فرصتك اشترطي ودة من حقك

ضحكت وقالتله ....... أنا حقي اخدته من زمان ........ وشروطي اتأكدت انها هتتنفذ من زمان اوي ...... وعندي ضمانات أفضل من الوثيقة

استغرب المأذون وقلها ضمانات ايه بقي ؟؟؟

قالتله ......... اخلاقه اللي صبرت واخترتها بعناية هي الضمان الأهم من الوثيقة

ابتسم المأذون وقالها ......... ربنا يكرمك يابنتي ويطرح البركة في زواجكم

كان نفسي احضر الموقف دة بجد .......... بس اصحابي حكولي وقالولي شوفتي البنت صاحبتنا عملت ايه

ومن يومها واحنا بنتعلم منها

ربنا يديم عليها السعادة يارب

مش لاقية غير

صبورتي و نولتي يا شابة

بس سؤال ع جنب يا رياسة

هي دي كانت قصة حب...و الدنيا بمبي بمبي.......و لا ايه النظام؟؟؟

طب ممكن تطمنينيا عليهم بعد بس ما تنتهي الصلاحية قصدي بعد سنة جواز

فضول بس مش اكتر...

مساااااااااااكي صبر...و فوق الصبر......كمان حبة صبر

[لماضة مصرية جدا]

ماحدش بيتجوز وهو متوقع انه يطلق لكن للاسف بيحصل

هو اصل الموضوع غريب علينا وجديد لكن زى مالماضة قالت هو وافق ببساطة ... خلاص هو شارى وشايف الموضوع بسيط بتدلع عليه مثلا ووافق

ما اخدهاش عند ولا كرامة وطالما هتشترطى يبقا انا كمان اتشرط عليكى

مش معنى كده انى موافقة انى كنت اعمل زيها انا اصلا وبصمت وماكنت عاوزة اغسل ايدى من حبر البصمة

بس كل أفراد ولهم أفكارهم واسلوب حياتهم

السلام عليكم و ورحمة الله و بركاته

تصدقي يالحبيبة يالغالية....ان الناس مبتعملشي كده خالص

لما تتفرجي عليهم و هم بيتفقوا للجواز تحسي انهم بيتكلموا في الانفصال...طب حد يستجري يعمل جوازة من غير قعدة القايمة و المؤخر....بس برضه ده لمصلحة البنت مافيش مشاكل

بس انا عجبتني انا اوي الجملة اللي حطيتلك عليها فرعين نور دول

كون حضرتك تقوليها بعد؟؟؟؟؟؟ ةخدمة في ثانوي.....يبقي معناها لسه فيه امل و لسه فيه خير

ااحمدك يا رب

دلوقتي اقدر اموووت قصدي اتجوز و انا قريرة العين

مساااااكي......... بصمة محبة لا تزول من قلبك ابدا

فوتك بعافية

[stricker]

البنت الاماراتيه اكيد متفقه مع زوجها على الشروط خلال فترة الخطوبه

لو مش متفقه معاه وعملت كده تبقى قليلة الزوق ولو هو وافق ومكنش عارف انها هتكتب شروط يبقى انسان بارد ومعندوش كرامه...

بالنسبه لى انا ممكن اوافق على انها تكتب شروط زى العمل الخاص والتعليم ....ولكن لو هى طلبت تكتب الشروط دى يبقى من حقى انى اكتب شروطى مثل : مراعاة الاولاد وحسن تربيتهم وعدم اهمالهم - حسن معاملة اهل الزوج وعدم الاعتراض على وجود ام الزوج فى المنزل معهم

انا امى عمرها ماهتعيش معايا .....وهاترفض الموضوع ده .....ولكن ده بصراحه هيكون اختبار منى لها ما دمت انا هاوافق على شروطها

ومن وجهة نظرى موضوع الشروط ده موضوع خايب ....لان الزواج لابد ان يكون عن اتفاق ....واللى هيغير من شخصيته فى فترة الخطوبه وبعد الزواج ده انسان مريض

انا واحد من الناس احب ان مراتى تكون انسانه مثقفه والشغل ده براحتها وممكن نتفق على مساعدتها فى اعمال المنزل كمان .....هى تطبخ وانا اعمل السلطه والشاى واجهز السفره .........ولكن مش هنكتب طبعا الشروط دى فى عقد الزواج

ونفترض ان البنت اشترطت انها تشتغل والولد وافق على كده ....وبعد الزواج لم يكن هناك تعاون وكانت البنت مهمله فى حقوق زوجها وبيتها .........يبقى ايه الفايده من الشروط ؟؟؟؟ الاهل هيحاولوا يتدخلوا ولو لم يكن هناك اتفاق هيكون الطلاق

يبقى الاتفاق اهم من كتابة الشروط ...ولكن مفيش مانع من كتابة الشروط ...ولكن لو تم كتابة شروط للزوجه يبقى الزوج من حقه يكتب شروطه

ودلوقتى الزوجه سهل جدا انها تخلع زوجها ....حقوقكم محفوظه متخافوش ....هى بس لو قالت للراجل انا هاخلعك هيطلقها من غير مشاكل

البنات دلوقتى واخدين حقوقهم فى كل حاجه ....ولسه بنسمع مطلبهم للمساواه

ده الراجل دلوقتى اللى من حقه يطلب المساواه معاكم فى الحقوق ....والمفروض نعمل جمعية حقوق الرجل

انا حاليا اطالب بحق المرأه فى التجنيد وخدمة الوطن

السلام عليكم و ورحمة الله و بركاته

يعني هي الملافظ سعد يا عبد العال (وش سكويننة في مسرحية ارجوك اعطني هذا الدواء)

يا حاجه ريا انا مقولتش اى ملافظ خارجه ....وبعدين انا معرفش مين سعد اللى بتتكلمى عنه ده هو حضرتك محموق اوي كده ليه.......هما احرار يا سيدي

لانى مش حسب الله الاماراتى اللى ريا بتتحكم فيه وتحرجه قدام الناس ...وهتلاقى كل المصريين زى عبدالعال ومش هتلاقى حسب الله مصرى ابدا و ارجع ااقول لحضرتك....البنت مش.....الذوق خالص....و هو اخد الموضوع بشكل عادي جدا

ما انا قولت لو كانوا متفقين يبقى مفيش مشاكل ...لكن لو فاجئته يبقى انا ما زلت عند رأيى انا بس اللي استغربت :lol:

و بعدين يا استاذي الفاضل هي زي ما كتير من الشوباب قالوا...طالما انت مش فارقة معاك اي شروط خلاص...بس يمكن اتفق مع حضرتك ان التوقيت كان غير مناسب

غير مناسب جدا

بس هي ببساطة بتمارس حقها و بتدافع عنه....بعديا خالص عن جمعيات المرأة المتوحشة و اللي بنسمع عنها في مصر بس......

حقوق ايه بس ......ده احنا اللى عاوزين حقوقنا

و ع فكرة قيس ع كده حقوق تانية كتير...بجد بغبط المرأة الخليجية انها قادرة تمارسها و تطالب بيها من غير اي نظرة دونية او استهجان من عيلتها...(بتكلم ع الامارات في حالات خاصة )

لانه مشاكل الاماراتيين تافهه ...غير مشاكل المصريين ....ومستوى المعيشه للفرد الامارتى مرتفع جدا بالمقارنه مع المصرى ( ربنا يبارك للامارات ويرزق المصريين ) .......وبالتالى هتلاقى الراجل بيستحمل الدلع بتاعهم ....

==============

ع جنب بقي

الاجره يا انسه ...جايبك من اول المشاركه لاخرها ....50 درهم بس :lol:

نصيحة مني...بلاش تعمل حكايات الاختبارات دي في اللي هتتجوزها....فيه ناس بتبقي فاكرة نفسها ناصحة اوي اوي...و سبحان الله مش هقولك بيحصل فيهم ايه

كل واحد عارف امكانياته .........وبعدين انا عاوز اعرف الشباب بيحصل فيهم ايه لما يعملوا الاختبارات

خلي حضرتك واضح من البداية انا كذا و كذا و كذا.....و في نفس الوقت منتفهم للطرف اللي قدامك......و احتياجاته و توقعاته منك...و صدقني مش هتحتاج اختبارات نوهائي.

ما ده اللى انا بقوله ......ولكن احيانا بتكون عاوز تعرف رد فعل اللى قدامك فى موقف معين علشان تعرف الكيمياء متوافقه ولا التفاعل هينفجر شكرا لتواجدك

لا شكر على تواجد

[لونا]

بالنسبة لي يا لماضة ما أوعاش على شروط القسيمة و الحاجات دي

لكن لو كان قدامي فرصة أكتب شروط .....

برضه ما كنتش حاكتب حاجة

حيفيد بإيه إن البنت تكتب مئلاً إنها تشتغل أو تكمل تعليمها .... أو ...أو ...أو

طيب لو حصل خلاف بعد الزواج على الشرط ده ؟

حتروح للمحكمة تجبره على إنه ينفذ شرطها ؟

و بعدين ؟ ... حيكون فيه فرصة أي فرصة إنهم يعيشوا مع بعض تاني ؟؟؟

لا أظن

و لو ما راحتش للمحاكم حيظل الخلاف موجود و الشرط لم يفيد بشيء

و لازم يلجأوا للتفاهم

يبقى المشكلة مش في الشروط

المهم حسن الإختيار .. واحد يتقي ربنا .. و بس :lol:

تم تعديل 22 مايو 2010 بواسطة لونا