المأذون قالها امضي...و هي قالت...!! طب ده ينفع

[عبيد الله]

السلام عليكم ورحمة الله..

لماضة أنت مستحيل!.. تعبيراتك التلقائية الجميلة جعلتني أضحك من قلبي.. أسأل الله أن يُسعدك في الدارين.. أختنا الغالية..

بالنسبة للشروط المفاجأة أثناء كتابة العقد ليلة الزفاف.. حدث موقف مشابه لأحد معارفي.. منذ 7 سنوات تقريبا.. لكن المفاجأة كانت من والد الفتاة هذه المرة..

هذا الشاب خطب زميلته في العمل، واتفق مع أهلها على مؤخر 30 ألف جنيه.. وليلة الزفاف وأثناء العقد وكان جميع أهله وأهلها ومعازيم بالمئات.. أصر والد الفتاة أن يكتب 70 ألف جنيه مؤخر وليس ثلاثين..

القصة ليست في الفلوس بحد ذاتها.. لكن في نقض العهد والاتفاق السابق مع خطيب بنته.. ووضعه أمام الأمر الواقع..

الشاب رفض رفضا قاطعا وعاند.. ووالد الفتاة تصلب في رأيه... خرج الخطيب من بيت خطيبته مسرعا إلى شقته التي كان سيجتمع فيها مع حبيبته بعد سويعات قليلة.. وهو حزين منكسر..

البنت طبعا ظلت تبكي بحرقة من ما يحدث.. أبوها ندم على ما فعل، وقال خلاص نرجع على اتفاقنا القديم..

خطيب ابنته رفض.. وفركش الخطوبة..

ويا سبحان الله.. بعدها بشهور تزوج من أخرى.. ثم بعده بشهور تزوجت الفتاة من آخر..

وهذا الموضوع جعلني أتعجب بشدة من مجريات القدر.. بعد ساعات محدودة كانا سيكونا زوجين حبيبين، يربط بينهما رباط غليظ.. ثم فجأة كل شيء تبخر.. يشهد الله في عليائه أن قلبي انكسر لما حدث بينهما.. وكنت أتمى لو فرحتهما تكتمل..

فعلاً الزواج في الأول والآخر نصيب.. لله في خلقه شؤون، يبديها ولا يبتديها..

وفقك الله الجميع لما فيه الخير.. وملء بيوت كل أعضاء المنتدى بالسعادة والحب المتدفق بلا توقف..

[ساره احمد]

بالنسبة لي يا لماضة ما أوعاش على شروط القسيمة و الحاجات دي

لكن لو كان قدامي فرصة أكتب شروط .....

برضه ما كنتش حاكتب حاجة

حيفيد بإيه إن البنت تكتب مئلاً إنها تشتغل أو تكمل تعليمها .... أو ...أو ...أو

طيب لو حصل خلاف بعد الزواج على الشرط ده ؟

حتروح للمحكمة تجبره على إنه ينفذ شرطها ؟

و بعدين ؟ ... حيكون فيه فرصة أي فرصة إنهم يعيشوا مع بعض تاني ؟؟؟

لا أظن

و لو ما راحتش للمحاكم حيظل الخلاف موجود و الشرط لم يفيد بشيء

و لازم يلجأوا للتفاهم

يبقى المشكلة مش في الشروط

المهم حسن الإختيار .. واحد يتقي ربنا .. و بس :blink:

علي فكرة انا متفقة معاكى اوى ف الرد دة فعلا الشروط دى عمرها ف يوم من الايام ماهتجيب لاي واحدة حقها يعنى ممكن تكون بتشتغل وبتحب شغلها اوى وهو موافق وجة بعد الجواز قالها متشتغليش فكركم كدة هتعمل اية بالشروط دى ممكن تخرب بيتها بايدها علشان شغلها طيب واولادها؟ انا بصراحة انا لو حصلي كدة اكيد هبقي متضايقة اوى بس هسكت وربنا مايوقع اي واحد ف واحد زى دة الكلام قبل الجواز حاجة وبعد الجواز حاجة تانية لان الموضوع دة هيبقي بداية لحاجات كتير اوى هتتنازل عنها لانى اعرف بنات كتير اوى حصلها كدة

[Simba]

بالصدفة سمعت الحديث ده النهاردة علي قناة الناس

إن أحق الشروط أن توفوا به ما استحللتم به الفروج

فاعتقد صديقتك لها حق انها تضع شروطها والرجل له حق انه يقبلها ويتم الزواج او يرفضها وينتهي الموضوع

طالما ان الشروط لا تحرم ما أحل الله ولا تحل ما حرم الله