سوسة سوسة كف عروسة أو ( التأسيس لمعرفة أهل التسويس) - رسالة دكتوراة-

[مسافر]

التأسيس لمعرفة أهل التسويس

هذه أطروحتي أقدمها للمحاورات خلطت فيها الجد بالهزل

قصدت بها من قدم الجدل على العمل فاضحا لأساليبهم كاشفا لألاعيبهم

ولا أدعي أني أحطت بها هيهات هيهات لكن أتمنى أن يكون لي السبق

بكشف عوارهم وبيان سمتهم حتى يتفطن لهم المتحاورون

ولطرقهم في تخريب المواضيع ينتبهون

فهم أعداء الفكر والتقدم فكم من موضوع خربوه ومن صاحب فكرة أحبطوه

وعضو في المحاورات قطعوه عقدوا ألوية الشر وأطلقوا أعنة الفتنة

طبعا بعد المقدمة الصعبة اللي عايزة ترجمة أأولكم سبب التوبيك أيه

صاحب موضوع تجيله فكره يئعد يهندز فيها وينزلها المحاورات وهو سعيد وفرحان إنو أدم شيئ جديد

يفاجء ان اول رد عليه عكس فكرته 179 درجة وغالبا يكون مقطع مبتور أوسطرين وأفين في زوره مش فاهمهم

لواحد مشهور مش عاجبه شكله

يعد صاحب الموضوع يفكر في رد يلاقي واحد بيرد على الاول لتار أديم بينهم في موضوع مغلق غالبا ويكون

دفاعه عن المشهور مش عن الموضوع أو فكرته

وينزلق الموضوع ويفقد صاحبه السيطرة عليه ولا يملك إلا الكيبورد فيحطم بها رأسه أو تحطم هي رأسه

فرسالة الدكتوراه مني ومنكم وإن كنت بها سأصبح بها دكتورا – أي رسالة دكتوراه عادية بيبأى ليها مشرف واحد

لكن دي ليها مشرفين أنا معرفش عددهم-

عشان كده محتاج دعم الاعضاء عشان المرتبة كلتها العته ومحتاج المرتبه بتاعت الدكتوراه

دلوءت وضحت الفكرة أنا أاصد السوسة اللي تدخل تنخر الموضوع وتخربه وأحب اطمنكم الموضوع ده مرشوش

بف باف وندخل في الجد

سوس لغة العثة التي تقع في الصوف والثياب والطعام

السوس هو العث وهو الدود الذي يأكل الحب

قال الشاعر :قد أطعمتني دقلا حوليا

مسوسا مدودا حجريا

وفي عالم المنتديات شخصية تدخل الى الموضوع

وتجادل فيه حتى تصل لتخريب الموضوع أوغلقه

بعض صفات هذه الشخصية

إذا أعرضت عنها اغتمت

إن أقبلت عليها اغترت

إن حلمت عنها جهلت عليك

هوحاذق يتذاكى في دنياه

عجول جهول في دينه وأخراه

الطرق التي تعتمد عليها وتفضلها لتخريب الموضوع

إنتقاص شيخ له محبيه أومعجبيه

الاتيان بفتوى مبتورة أو مجهولة المصدر لتطعن بها في الدين

الافتخار برأي ليس له مستند ولا أصل واطلاقه على عواهنه

منتظر اقتراحاتكم في فن التعامل مع سوسة المنتديات أو المحاورات

مسافر

تم تعديل 18 مايو 2010 بواسطة se_ Elsyed

[لولا]

اولا رسالة الدكتوراه يفترض ان تقوم على مجهود صاحبها الشخصى فى التعامل مع السوس .. :lol:

وكما اعرف انه لحظة نقاش الرساله يقف مقدم الرسالة وحيدا ونجاحه يعتمد على قوة محتوى رسالته ومنطقيتها ..

اخيرا ..

هو السوس دوت موجود هنا فى المحاورات يعنى ؟؟

اصلى مش بحب اجيب سيره حد من ورا ظهره ..حتى لو كنت شايفه من وجهة نظرى انه مجرد سوسه

تمنياتى بالتوفيق فى الرساله ..

لولا

[مسافر]

اولا رسالة الدكتوراه يفترض ان تقوم على مجهود صاحبها الشخصى فى التعامل مع السوس ..

أولا شكرا لمررورك أنت مشمتيش ريحة البفباف

وكما اعرف انه لحظة نقاش الرساله يقف مقدم الرسالة وحيدا ونجاحه يعتمد على قوة محتوى رسالته ومنطقيتها ..

معاش كدة أن فتحت في الموضوعات الخفيفة

يعني منكم وإليكم

اخيرا ..

هو السوس دوت موجود هنا فى المحاورات يعنى ؟؟

لو دخلت سوسه في الموضوع بعد البفباف حيبأى دمها خفيف وحنرحب بيها

اصلى مش بحب اجيب سيره حد من ورا ظهره ..حتى لو كنت شايفه من وجهة نظرى انه مجرد سوسه :

closedeyes:

واحنا كمان منحبوش نجيب سيرة حد من ورا ظهره والادارة والمشرفين ميحبوش الشخصنة

فده حل وسط إن كل سوسة تبأى داخله الموضوع وهي مأفوشه

تمنياتى بالتوفيق فى الرساله

شكرا لك

:lol:

[لولا]

اولا رسالة الدكتوراه يفترض ان تقوم على مجهود صاحبها الشخصى فى التعامل مع السوس .. :rolleyes:

أولا شكرا لمررورك أنت مشمتيش ريحة البفباف

بصفتى ولله الحمد من جنس البشر وليس الحشرات ولا السوس فأكيد مشمتش اى ريحه بف باف هنا عشان اهرب من الباب :closedeyes:

ده على اساس ان البف باف الحديث بقى عديم الرائحه ومش بتشمه غير الحشرات بس :closedeyes:

وكما اعرف انه لحظة نقاش الرساله يقف مقدم الرسالة وحيدا ونجاحه يعتمد على قوة محتوى رسالته ومنطقيتها ..

معاش كدة أن فتحت في الموضوعات الخفيفة

يعني منكم وإليكم

جزاك الله كل خير واعطاك بقدر صفاء قلبك وكرم عطاياك ..

الموضوعات الخفيفه طبعا تزداد ثراء وقيمه عندما نتنافس فيها على فتح مواضيع تحمل رسائل ومضامين وتتبنى قضايا فكرية مقدسة

لغرض الإفاده العامة طبعا .

ومن يقدم الخير يُرد عليه عليه خيره ووجب شكره وثناءه :closedeyes:

هو السوس دوت موجود هنا فى المحاورات يعنى ؟؟

لو دخلت سوسه في الموضوع بعد البفباف حيبأى دمها خفيف وحنرحب بيها

ايه ده .. افهم من الإجابه ان الصنف دوت موجود هنا فى المحاورات يعنى ؟ وبيدخل ويخرج عادى كده زينا على المواضيع ؟؟ :unsure:

وافهم كمان ان فى سوس دمه خفيف وآخر دمه تقيل ؟؟

ده سره باتع على كده طالما دخل رغم رش الحته ب البف باف !!!

يالله خلينا احنا بس نكمل تقطيع فى فروته قبل ما ياخد باله ان كل الكلام والرساله الدكتوريه الفخرانيه عليه :closedeyes:

موضوع دمه خفيف جدااااااا

واستفدت منه موووووووت :closedeyes:

لولا

[Alshiekh]

العضو الفاضل / مسافر

العضوة الفاضلة / لولا

قرأت الموضوع والردود أكثر من مرة

ولم اجد ان هناك شيئا جادا قد خلط بالهزل ، وعذرا ان قلت اننى لم ارى اى شيئ جاد على الاطلاق.

والشيئ الوحيد الذى خرجت له من طرح الموضوع انه " تلقيح كلام "

فليكن كلامنا مباشر وواضح لمن يقرأه ، ومن لديه شكوى أو ملاحظة فليتقضل بمراسلة الادارة شارحا رؤيته .

ام الكلام المبهم فليس له مكان بيننا ، أقل مانتوقعه من اعضاء المحاورات هو نضجهم واحساسهم بالمسئولية عما يكتبونه.

ملحوظة أخرى للفاضل صاحب الموضوع ، بقد اتعبتنى كثيرا لترجمة كتابتك العامية

نعتذر عن غلق الموضوع تمهيدا لحذفه.

شكرا لتفهمكم.