فضــــفـــضـــــات ... من القـــلــــب للقـــلــــب ... جاكوزي المحاورات

[لماضة مصرية جدا]

انا بأة فاضلي 82 يوم و اتدألج على مصر ، بس الفرق اني مش حتوحشني ، مقدرش اقول السعودية ، بس مفيش حاجة حتوحشني .

متدألجيني انا مكانك بعد 51 يوم و تتدألجي انتي بعد 82 يوم طالما عارفة ان الامارات حتوحشك ( وش واحدة ارشانة ضاربة بؤها عل جنب و بتعمل صوت سحب الاوكسجين من فتحة صغيرة في الفم )

صباحك شنطة سفر فيها هدايا كتيييييييييييييييييييير (و مالهاش لازمة :happy: ) و صباحك اسبوع ساحل شمالي بعد العيد و تمشية على البحر في اسكندرية بالليل و سدق و كبدة اسكندراني ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

طب اقتراح صغنتوت.....ماتيجي ندألج استاذ حوسام في الفائض القومي بتاع الايام بتاعنا دهون...الراجل بيقولك فاضله 15 يوم و اربع ساعات و 55 دقيقة و سبعين فانية...

ع فكرة بقي...انا اصلا كنت لسه في مصر.....في العيد بتاع الخرفان.....بس معرفشي جايلي حالة عايزة اهج و السلام....يمكن ده بسبب آخر مفرقعاتي في المطبخ (حد يتبل سمك في التلاجة لمدة اسبوع...تقريبا بقي رنجة...انا مش زعلانة عليه...انا زعلانة علي منظره و انا لسه بقاوح فيه و بدخله الفرن و يا عيني كش بشكل غير طبيعي و فكرني....ب ...المرحومة جالها جوفاف امتي...وش مسعودي في المتزوجون)

بالمناسبة بقي يا جدعان

ايه ليلة الهدايا دي...انا تعبت.....و بقيت زي الهبلة العبيطة ام بدوي.....بشتري حاجات مالهاش علاقة ببعض

هو ليه مش حد يجبلنا احنا هدايا...ده ع اعتبار ان احنا واحشينهم و كده.....و ان احنا راجعين سالمين غانمين....و سالمة يا سلامة روحنا و جينا......بالندامة....قصدي السلامة

اقتراح يعني مش اكتر

بس ربنا كريم برضه

فوتكم بعافية

[mekkawy]

السلام عليكم و رحمة الله و بركاته

نقول بأة زي ما علمتنا اختنا الفاضلة مغتربة

نستودعكم الله الذي لا تضيع ودائعه

ننطلق الآن على بركة الله من الجاكوزي إلى مكة المكرمة سائلين المولى عز و جل العون و التوفيق و القبول و الستر

و أشوفكم يوم السبت إن شاء الله لو فيه عمر

مع السلام عليكم

مكاوى

[engmido]

يابن الايه

رايح مكة وسايبنى........طيب الدعاء هناك امانة

ادعى لى بخيرى الدنيا والاخرة

[الغريب]

السلام عليكم و رحمة الله و بركاته

نقول بأة زي ما علمتنا اختنا الفاضلة مغتربة

نستودعكم الله الذي لا تضيع ودائعه

ننطلق الآن على بركة الله من الجاكوزي إلى مكة المكرمة سائلين المولى عز و جل العون و التوفيق و القبول و الستر

و أشوفكم يوم السبت إن شاء الله لو فيه عمر

مع السلام عليكم

مكاوى

رووح سجل أجازتك في دفتر فتفوتة يا مكاوي لتتاخد غياب ، أنت حر ، ولا زمانك مشيت

[صافى]

.

لا يا اخوانا مش كده...انا قربت ااقول جاااااي...

فاضلي بالتمام و الكمال51 يوم و اتدألج علي مصر.....

بس حاسة الفترة اللي باقية اطول من اللي فاتت...مش عارفة هو اليوم بيمط اوي كده ليه...مع اني بعمل فيه شقلبظات عشان يخلص

و انا عارفة نفسي هتقندل انزل هوو اسبوع و برضه هتوحشني ...مقدرشي ااقول الامارات...بس فيه حاجة هتوحشني

هو شكل الواحد خلاص اتعود....يملي شنطة.....يفضي شنطة...و يقضي حياته حبة هنا....و حبة هونيك

الاختالعزيزة لماضة مصرية

انا مش عارفة واللة كل مرة ادخل ادور على بنوتات محاورتين ملقيش الا الاخوة الرجال بمسى واقوم خارجة حمدللة على السلامة يا لماضة ليكى وحشة واختنا ضحى وبركة وفتفوتة وبوسى واغابى وكل المحاورتين المذكورين وغير المذكورين اصلى عندى حبة زهايمر بنسى بسرعة الاسماء

ارجو ان يكونو بخيررر واتمنى ان ياتو الى الجاكوزى تانى وينوروة

وانتى يا لماضة يارب تروحى وترجعى بالف سلامة وتظبطى وتربطى الشنط كويس لكى تحياتى :happy:

تم تعديل 9 يونيو 2010 بواسطة صافى

[mekkawy]

بكرة إن شاء الله

تم تعديل 11 يونيو 2010 بواسطة mekkawy

[صافى]

بكرة إن شاء الله

تروح وترجع بلسلامة يا مكاوى انتم السابقون ونحن الاحقون ان شاء اللة وعمرة مقبولة

:lol:

[Howayda Ismail]

ياريت تدعوا ان مصر ينصلح حالها احسن الدعوة هنا مش مستجابة

[dr megamokh]

Yarab khallas masr ba2a

[Howayda Ismail]

اللهم امين

[mekkawy]

بكرة إن شاء الله

تروح وترجع بلسلامة يا مكاوى انتم السابقون ونحن الاحقون ان شاء اللة وعمرة مقبولة

:lol:

لا إحنا عدنا خلاص الحمد لله إمبارح

كنت كاتب مشاركة كدة إنما كان شكلها نايم خالص .. فقلنا النهاردة بأة

اصبحنا و أصبح الملك لله و الحمد لله ولا إله إلا الله وحده لا شريك له يحيي و يميت و هو على كل شئ قدير

اللهم بك أصبحنا و بك أمسينا و بك نحيا و إليك النشور

صباحكم إيمان و تصديق بآيات الله

ياريت تدعوا ان مصر ينصلح حالها احسن الدعوة هنا مش مستجابة

الفاضلة هند على

ندعو لمصر في كل مكان و الدعوة مستجابة في كل مكان بأمر الله .. فرب مصر هو رب باقي البلدان و هو سميع قريب مجيب الدعاء

نسأل الله أن يصلح شأن بلدنا الحبيب

مكاوى

[Howayda Ismail]

انا عارفة ان رب هنا هو رب كل مكان لكن لاننا ساكتين على الحق عمر دعوتنا ما تستجاب عشان احنا متواكلين

[hOuSsAm]

حمدلله عالسلامة يا كوكو

هبقى اتصلى بيك بقى بالليل وانتى بتستعشى :lol:

[doha]

لماضه ..

بالنسبة للهدايا هقولك حركه تسهل عليكي الموضوع ..

انتي اقعدي كده وهاتي ورقة وقلم ( انا كنت بكتب في آخر ورقة في اجنده عندي معايا على طول عشان متضيعش مني الورقة )

اكتبي فيها اسماء الناس كلها الي عاوزه تجيبي لها هدايا مش بس قرايبك وصحابك وكده وانما كمان الناس البسيطه زي البواب ولا الشغاله ولا لا والي ممكن يكون متعشم خير ومنتظر منك حاجه الناس دي بالذات حطي لها الاولويه ..

اكتبي قدام اسم كل واحد منهم الهدية الي فكرتي تجيبيها له .. سواء بقى عشان انتي عارفه انه عاوز الحاجه الفلانية . . او انتي شفتيها في المحلات وانتي بتتسوقي ولقيتيها مناسبه له ..

لو مكانش في ذهنك حاجه معينة لفلان او فلانه خلاص خلي جنب اسمه فاضي بس حطي في ذهنك تقريبا كده مبلغ الهدية الي ناوية تجيبيها لكل واحد يعني في حدود كام ..

انزلي السوق كل خميس وجمعه كده ولفي في المحلات وكل مالقيتي حاجه ( لقطه ) تنفع فلان او علان هاتيها وياسلام طبعا لو كانت الحاجه له مخصوص يعني هتعجبه هو بالذات عشان كده اخترتيها ..

كل ماجبتي لحد هدية اكتبي جنب اسمه الهدية الي جبتيها له عشان مترجعيش تكرري وتلاقي نفسك جبتي لحد ثلاث اربع هدايا وحد تاني لاه ..

لو لقيتي وانتي بتتسوقي هدية لقطه يعني سعرها مناسب وشكلها فخم او استخدامها عملي وكده واكيد هتعجب حد بس مش في دماغك حد معين اشتريها وحطيها معاكي محدش عارف هتبقى من نصيب مين .. طبعا متعمليش كده في حاجه غاليه وانما الحاجات الرمزية ..

هاتي كمية هدايا رمزية اوي زي مثلا دسته سبح او سجادتين ثلاثه صلاه او كام زجاجه برفان .. هاتيهم ميكونوش لحد معين وانما احتياطي لانك لما بترجعي مصر بتتفاجأي بحد مكانش على بالك خالص وجاي يسلم عليكي او ماشابه وبتحرجي انك مجبتيش له حاجه .. الهدايا الرمزيه دي للناس الي من النوع ده ..

الناس الي مش عارفه تجيبي لها ايه او مش عاوزه تجيبي لها حاجه لاي سبب ممكن تكتفي بانك تهدي عيالهم بس لعب او كده ..

الناس البسطاء اوي زي الشغاله وماشابه بيحبوا الملابس والاشياء الي تستخدم اكتر من اي شيء .. اشتري لهم جلابيات بيت من الرخيصة دي لانها هنا في مصر اغلى من الخليج وبيفرحوا بيها جدا .. بس هاتيها مطرزه وشكلها فخم وراعي انها تكون مغلفه في اكياسها زي ماهي متفتحيهاش ..

واخيرا متنسيش بقى كيس كبير مليان حلويات من كل الاشكال من ام نص ريال دي .. مصاصات وشوكلاتات وحلويات في علب ملونه ده تجيبيه لابناء اخواتك .. عن نفسي كنت بعمل لبنتي في العيد حركه ظريفه .. في اكياس في السوق بتتباع بريال بجيب كيس منها واملاه لها حلويات مشكلة من عند البقال بيبقى دائما قدامه ترابيزه مليااانه مبيكلفش الكيس كله خمسه ريال بس شوفي فرحتها بيه ..

الناس العواجيز بيحبوا اوي الكريمات بتاعت الخليج من كريم روماتيزم لفيكس وكريم النمر واللذي منه كذلك زيوت الشعر .. متنسيهمش من الحاجات دي وهتلاقيها في البقاله من كتر ماهي منتشره ..

ايه ده انا رغيت كتير كده ليه ؟

يلله مش خساره فيكي يالمضمض .. بس ابقي افتكريني بدعوة حلوة ..

[mekkawy]

حمدلله عالسلامة يا كوكو

هبقى اتصلى بيك بقى بالليل وانتى بتستعشى

مش متعشي يا حسام .. بص .. بطلت أتعشى خلاص

اتصل براحتك باة

ألا صحيح الآيس كريم عجبك يا واز ؟ :lol:

نقاوتي و من جيب العنبي

مكاوى

[mekkawy]

بالنسبة للهدايا هقولك حركه تسهل عليكي الموضوع ..

الفاضلة ضحى

و الله ما شاء الله عليكي .. على كدة بنتنا لماضة تحول الجرشينات اللي في السي أي بي مباشرة على الشوبنج مولز في دبي .. او تديهم الفيزا و همن يروحوا يقبضوا و خلاص بدل اللف و الدوران

لهو الواحد لازم يعمل كدة و هو نازل ؟؟

لا و الله بتكلم جد .. أصل أنا أول مرة أسافر كغربة طويلة و ما أعرفش الناس بتبص إزاي للي مسافر .. لكن الصراحة أنا مكنش في دماغي اجيب فتلة لحد

أما لو ضروري باة فأنا مش نازل يا عم ألا لما أنزل نهائي بأة و خلاص و أجيب هدايا مرة واحدة :lol:

حد يفهمني الله يرضى عليكم

مكاوى

[لونا]

أستاذ مكاوي

لو ما كانش في نيتك تجيب هدايا لحد من الأول .. أنصحك ما تجيبش

لأنك لو جبت مرة لازم تجيب كل مرة .. و ما ينفعش تنزل أبداً من غير هدايا

حتى لو مش عايز تجيب .. أو مزنوق .. أو ما فيش وقت .. أو مالقيتش حاجة حلوة

ما ينفعش ما تجيبش!!!

أنا طبعاً باجيب هدايا كل سنة

و لكن الموضوع كل سنة بيزيد صعوبة .. مش إستخسار و الله

بالعكس أنا باجيب هدايا .. من باب تهادوا تحابوا

و بافرح لما يتبسطوا بالهدايا

و لكن الموضوع أصبح عبء عشان تجيب مقاسات مضبوطة للأطفال

أو حاجات مناسبة للي أصبحوا شباب و شابات .. و طبعاً مش أي حاجة بتعجبهم

أو حاجة تنفع الكبير في السن ..

عشان كدة باقترح عليك و على أي حد حاينزل لأول مرة

ممكن تعملها من أول نزلة لمصر

و ما تجيبش أي حاجة لأي حد .. أياً كان .. و اعملها قاعدة

و على فكرة .. لو حد ما عجبوش إنك ما جبتلوش هدية .. عادي بعد كدة حيتعود .. و مش حيكون في دماغه

عايز تكرم الوالد أو الوالدة .. يبقى بحاجة من مصر هما محتاجينها .. و ما ترضاش تاخد فلوسها

سؤال بأه يا جماعة تعرفوا أي جنسية أخرى غير المصريين بيحملوا هدايا معاهم و هما نازلين أجازات؟؟؟؟؟؟؟

[mekkawy]

السلام عليكم و رحمة الله و بركاته

أحياناً تصطدم رغباتنا بالحقائق .. أحياناً نتمنى أشياء و لكن ياللعجب أنها لا تحدث أبداً كما نتمنى .. لكن من نعمة الله علينا ان خلق الرضا .. فالرضا بقضاء الله في العبد نعمة عظيمة و هبة لا يمنحها الله إلا لمن يستحقها .. و حينما تمر السنون و تمضى نعلم بعد حين أن اختيار الله لنا كان أفضل اختيار و أن الله سبحانه ما منعنا إلا ليعطينا و ما حبس عنا رغباتنا إلا ليسمع أصوات دعائنا .. فهل من داعٍ ؟

حينما يدعو الإنسان الله عز و جل و يسأله المال و العيال و السيارة فهو يجني على نفسه فخير له أن يسأل الله من فضله .. حيث أنه ليس شرطاً أن يكون فضل الله مال و عيال و سيارة و بيت واسع .. قد يكون فضل الله علينا صحة و هناء و سعادة في القلب لا يشعر بها آخرون كثير.

ولا بأس أن يكون في جملة فضل الله علينا المال و العيال و المتاع المختلف .. لا ننكر الدعاء بهذه الأشياء .. مطلقاً .. فقد يدعو الانسان الله أن يرزقه المال ليطيعه به و يتصدق به .. إنما نقول أن أفضل من كل هذا أن تسأل الله من فضله مجرداً و دع الله يختر لك .. و قل له .. اللهم اختر لي فإني لا أحسن الاختيار !!

دائماً تعود أن تتأدب مع الله في الدعاء و أن تسأله الخير الذي عنده و لكن لأننا كبشر نتعجل الأشياء (و كان الانسان عجولا) و حينما تصيبنا مصيبة نجزع و نخاف (إن الانسان خلق هلوعا) و يصيبنا الحزن و الهم و الانكسار (و خلق الانسان ضعيفا) .. سبحان الله .. فالحل الوحيد لتجنب كل هذه النواقص البشرية هو التسليم لله عز و جل و الرضا بقضائه .. فقد يصاب العبد مصيبة يراها لا اعظم ولا أكبر منها .. لكن الله أصابه بها لينجيه من مصيبة هي أكبر و أخطر منها.

قد يتأخر الرزق على العبد بذنب يصيبه العبد و الله يحبس عنه هذا الرزق حتى لا يتجبر ولا يطغى و يسعى في الأرض الفساد.

اللهم اختر لنا فإنا لا نحسن الاختيار و ارزقنا الرضا

(غير منقول)

مكاوى .. عبد الله

تم تعديل 12 يونيو 2010 بواسطة mekkawy

[mekkawy]

أستاذ مكاوي

سؤال بأه يا جماعة تعرفوا أي جنسية أخرى غير المصريين بيحملوا هدايا معاهم و هما نازلين أجازات؟؟؟؟؟؟؟

الفاضلة لونا

شكراً على الرد الكافي الوافي

بس حضرتك تفتكري إن في أول نزلة دي باة الناس هتتقبل إن الواحد ما يجيبش هدايا

أنا فعلاً رافض الموضوع ده و مبدأي فيه إنه (أنا مش متميز عن الناس اللي في مصر بحاجة عشان أحمل و أشيل و أعبى هدايا .. بالعكس و زي ما بنتنا لماضة قالت إن المغترب هو اللي بيكون نفسه في الهدية .. و إن الموضوع للأسف أصبح قانون و حق مكتسب .. و ده أنا رافضه لأنه في الآخر أمر تقديري)

تحول الأمر لقانون و حق مكتسب خلى الناس تنظر للمغترب باحتقار إذا ما جابش هدايا و يصبح مادة للغمز و اللمز .. مع رأي حضرتك جداً في إكرام الوالد و الوالدة .. و طبعاً الاهداء جميل و سنة و خلق رائع من الدين .. و لكن اعتراضي عليه في حالتنا دي بس إنه تحول إلى قاعدة و قانون .. و بالتالي فقد معنى الهدية الجميل .. المعنى الاختياري .. لأن الأمر أصبح إجباري و أصبح المغترب بيعمله (خلينا نخلص) .. مش بأعمم طبعاً لكن فعلاً بأحس إن الموضوع عبء .. و الهدية لما تكون عبء بتفقد أهم معنى فيها .. و هو تحقيق المودة .. يبا بلاها أحسن

بالنسبة بأة للجنسيات الأخرى خليني أسأل كدة و أطقس و أرد عن كل جنسية على حدة

مكاوى

[doha]

ايوه يامكاوي لازم طبعا الواحد يجيب معاه هدايا .. امال انا اعمل ايه لسه نازلة اجازه مبقاليش اربع شهور واديني نزلت دلوقت نهائي يعني غرامه من كل ناحية .. بس طبعا مش بجيب هدايا ضخمه ولا شنط هدوم والكلام ده ..

انت هات هدايا رمزيه ومهم اوي انك تكون افتكرت الناس الي بتفكر فيك ..

يعني الاجازه الي فاتت لي قريبه هي صديقة لي في نفس الوقت جبت لها هدية عادية يعني وطلبت مني انها لازم تعزمني عندها فانا رحت على اساس عزومه اي كلام يعني لقيتها عامله لي المحمر والمشمر على راي الي بيقول .. بجد زعلت من نفسي جدا خاصه وانا عارفه في بلد زي مصر تكلفة عزومه زي دي شكلها ايه وهي عملتها لي لوجه الله .. كرهت نفسي اوي ازاي مجبتش لها هدية كبيرة زي ماهي عملت لي عزومه كبيرة ..

هتلاقي مواقف زي دي كتير ممكن تحصل لك وهتشوف مواقف تانيه لما تكون جايب لطفل لعبه ولا حاجه وتلاقيه ماسكها طول النهار او حد كانت علاقتك بيه سطحيه او فاتره وازاي حس انه غالي ومهم عندك لما جبت له هدية وتغيرت معاملته لك بعد كده تماما ..

بكرر مش لازم تجيب شنط محمله .. كفايه سبحه حتى او سجاده صلاه . المهم الناس تحس انك فاكرها في غربتك

بعدين خلي بالك من حاجه يامكاوي انت مهما طولت في الغربة مصيرك راجع راجع .. خلي حاجه تربطك بالناس الي في مصر لانك بعد سنين طويلة هترجع ومش هتلاقي لك اصحاب . حاول تكون صاحبهم ولو تشتري الصحوبيه دي دلوقت بالهدايا البسيطه هتحتاجها اوي بعدين ..